Qəbələ, 5 noyabr, AZƏRTAC Qəbələdə Zəfər Günü ilə əlaqədar təşkil edilən ağacəkmə aksiyasında 120 ədəd müxtəlif növ ağac əkilib. AZƏRTAC-ın bölgə müxbiri xəbər verir ki, rayonda 8 Noyabr – Zəfər Günü ilə əlaqədar təşkil edilən ağacəkmə aksiyası əvvəlkilərdən xeyli fərqlənib. Belə ki, aksiyada rayon icra hakimiyyətinin, idarə-təşkilat və müəssisələrinin əməkdaşları ilə yanaşı şəhid ailələrinin üzvləri, qazilər, müharibə iştirakçıları və rayon ictimaiyyəti iştirak ediblər. Xüsusi ayrılmış ərazilərdə 120 ədəd müxtəlif növ ağaclar əkilib, onlara su verilib, aqrotexniki qulluq göstərilib, ətrafı mühafizəyə alınıb.
