“Sabah” və “Qarabağ” klublarının U-19 komandaları UEFA Gənclər Liqasında növbəti oyunlarını keçiriblər.
“Sabah” əsas mərhələnin IV turunda Norveçdə “Vikinq”in müvafiq yaş qrupundan ibarət komandası ilə qarşılaşıb.
Görüş Bakı vaxtı ilə saat 16:00-da başlayıb və təmsilçimiz 0:5 hesabı ilə məğlub olub.
“Qarabağ” isə II təsnifat mərhələsinin cavab oyununda Xorvatiyada “Dinamo”nun qonağı olub. İlk matçda 1:2 hesabı ilə uduzan Rəşad Sadiqovun yetirmələri səfərdə də rəqibinə 0:7 hesabı ilə məğlub olub.
