"Məktəblərin maliyyələşdirilməsində yeni mexanizmin ciddi müsbət tərəfləri var. Amma düşünürəm ki, müəllim əməyinin qiymətləndirilməsində daha bir yeniliyə ehtiyac var".
Bunu iqtisadçı Eldəniz Əmirov feysbuk hesabında yazıb.
O bildirib ki, hazırda müəllimlərin əməkhaqqında staj, dərs yükü və sertifikasiya nəticələrinə görə fərqlər mövcuddur:
"Məncə, sinifdəki şagirdlərin sayı da nəzərə alınmalıdır. Çünki 10-15 şagirdə dərs deyən müəllimlə 35-40 şagirdə dərs deyən müəllimin iş yükü eyni deyil. Şagirdlərin sualları, valideynlərin tələbləri, yoxlanılmalı KSQ, BSQ vərəqlərinin sayı və mənim bilmədiyim onlarla yazı-pozu işləri gündəlik daha çox vaxt və əmək tələb edir. Bu fərq müəllimin əməkhaqqında da öz əksini tapmalıdır".