Bakıda təşkil olunan U-15 dünya çempionatı və festivalında Azərbaycan millisi növbəti oyununu keçirib.
Famil Xəlilovun baş məşqçisi olduğu komanda İsrail yığması ilə üz-üzə gəlib.
Qarşılaşma millimizin 3:1 hesablı qələbəsi ilə başa çatıb.
Qeyd edək ki, U-15 millimiz turnirdə daha əvvəl Timor-Leste yığmasını 6:0, Andorranı 1:0 hesabı ilə məğlub edib. Komanda Avstraliya seçməsinə isə 1:3 hesabı ilə uduzub.
Azərbaycan millisi bu gün saat 18:15-də Haiti yığması ilə də qarşılaşacaq. Görüş Hövsan Yarış Kompleksinin 10A meydançasında keçiriləcək.
