Dortmund “Borussiya”sının azarkeşləri komandalarını dəstəkləmək üçün Almaniyadan Bakıya təxminən 3450 kilometr yol qət ediblər.
Qol.az-a istinadla, UEFA Çempionlar Liqasında “Sabah”la oyun üçün paytaxtımıza gələn təxminən 1800 alman azarkeş Bakı Olimpiya Stadionunun tribunalarında diqqətçəkən pankart açıblar.
Sarı-qara rənglərlə bəzədilən tribunada nümayiş etdirilən pankartda bu sözlər yazılıb:
“Yol bizi hətta Xəzər dənizinə qədər aparsa belə, sənin üçün bu yolu qət etməyə dəyər”.
Bununla Dortmund klubunun tərəfdarları komandalarına olan sevgilərini və sədaqətlərini ifadə ediblər.
Xatırladaq ki, “Borussiya” oyunda 2:1 hesabı ilə qələbə qazanıb.