Mərhum Xalq artisti Ramiz Əzizbəylinin kürəkəni Rüfət Qasımzadə külli miqdarda dələduzluq ittihamı ilə həbs edilib. Bununla bağlı Nəsimi Rayon Məhkəməsində qərar qəbul edilib.Rüfət Qasımzadə və onunla birgə saxlanılan Məmməd Məmmədzadə barəsində 1 ay müddətinə həbs qətimkan tədbiri seçilib.Hər iki şəxsə Cinayət Məcəlləsinin 178.3.2-ci maddəsi (Dələduzluq, külli miqdarda ziyan vurmaqla törədildikdə) ilə ittiham irəli sürülüb. Qeyd edək ki,Oxu24.com bundan öncə hadisənin detalları barəsində məlumat yaymışdı.Rüfət Qasımzadədən şikayətçi olan bir neçə şəxs saytımıza müraciətində onun tərəfindən aldadıldığını demişdi.R.Qasımzadə açıqlamasında borcu olduğunu etiraf etmişdi.APA-nın yazdığına görə,Rüfət Qasımzadə və onunla birgə saxlanılan Məmməd Məmmədzadə yarım milyon manatlıq dələduzluqda ittiham olunur.36 yaşlı Rüfət Qasımzadə və 37 yaşlı Məmməd Məmmədzadə qızıl-zinət əşyalarının satışı adı ilə 317 min manatlıq dələduzluq etməkdə şübhəli bilinərək saxlanılıblar.Faktla bağlı R.Qasımzadə və M.Məmmədzadə barəsində Cinayət Məcəlləsinin 178.3.2-ci maddəsi ilə (külli miqdarda ziyan vurmaqla törədilən dələduzluq) cinayət işi başlanılıb və hər iki şəxs təqsirləndirilən şəxs qismində istintaqa cəlb edilib.
