Azərbaycan Premyer Liqasının VIII turunda baş verən qayda pozuntularına görə bir sıra klublara və futbol rəsmilərinə qarşı intizam tədbirləri görülüb. Bu barədə AFFA İntizam Komitəsi qərarlar qəbul edib.Belə ki, "Qarabağ" - "Neftçi" matçında azarkeşlərin rəqib komandanın ünvanına kütləvi şəkildə təhqiramiz ifadələr səsləndirməsinə görə Ağdam klubu 5 000 manat cərimələnib. Beş futbolçusu sarı vərəqə alan "Neftçi" 700 manat, azarkeşlərinin pirotexniki vasitələrdən istifadə etməsinə görə isə əlavə 3 000 manat cərimə ödəyəcək.Oyunun 90+4-cü dəqiqəsində stadiona cüzi zərər vuran və dəymiş zərəri yerindəcə ödəyən "Neftçi"nin mətbuat katibi Asəf Zeynallıya xəbərdarlıq edilib."Şamaxı" - "Şəfa" qarşılaşmasında isə "Şamaxı"nın məşqçisi Araz Bağırov hakimin qərarına etiraz etdiyi üçün ikinci sarı vərəqə alaraq meydandan qovulub. O, bir oyunluq cəzalanıb, klubu isə 2 500 manat cərimələnib. Həmin matçda dörd futbolçusu sarı vərəqə alan "Şəfa" da 700 manat cərimə ödəyəcək."Sumqayıt" - "Araz-Naxçıvan" oyununda ikinci sarı vərəqə alaraq meydandan qovulan Ağadadaş Salyanski bir oyunluq cəzalanıb. Bu qərara əsasən, Naxçıvan klubu 500 manat cərimələnib."İmişli" - "Turan Tovuz" qarşılaşmasında dörd futbolçusu sarı vərəqə alan Tovuz təmsilçisi də 700 manat cərimə ödəyəcək.Axar.az