“SWISS” aviaşirkətinə məxsus Sürix–Şanxay reysini yerinə yetirən sərnişin təyyarəsi Heydər Əliyev Beynəlxalq Aeroportuna məcburi eniş edib.
Bu barədə Heydər Əliyev Beynəlxalq Aeroportunun Mətbuat Xidməti məlumat yayıb.
Bildirilib ki, oktyabrın 19-da SWR-188 reysini həyata keçirən hava gəmisinin kapitanı sərnişinlərdən birinin səhhətində yaranan problemlə əlaqədar Bakı hava limanına məcburi eniş üçün müraciət edib.
“Airbus A350-900” tipli təyyarə yerli vaxtla saat 19:21-də Heydər Əliyev Beynəlxalq Aeroportuna uğurla eniş edib.
Hava limanında səhhətində problem yaranan sərnişinə tibb heyəti tərəfindən ilkin tibbi yardım göstərilib.
Reysin davam etdirilməsi ilə bağlı qərarı hava gəmisinin kapitanı verəcək.