Premyer Liqa:

Azərbaycan Premyer Liqasında XII turun oyunları davam edir.

Bu gün turun növbəti iki oyunu keçiriləcək.

Günün ilk matçında “Şamaxı” “Turan Tovuz”u qəbul edəcək. Emin Əliyevin idarə edəcəyi görüş saat 14:30-da başlayacaq.

Günün növbəti qarşılaşmasında isə “Şəfa” “Qəbələ” ilə üz-üzə gələcək. Əli Əliyevin idarə edəcəyi matç saat 17:00-da start götürəcək.

Qeyd edək ki, turun daha əvvəl keçirilən “İmişli” – “Zirə” matçı 2:2 hesabı ilə başa çatıb, “Sumqayıt” isə “Sabah”a 1:5 hesabı ilə məğlub olub. Tura sabah yekun vurulacaq.

Azərbaycan Premyer Liqası

XII tur

21 noyabr

14:30. “Şamaxı” – “Turan Tovuz”

Hakimlər: Emin Əliyev, Akif Əmirəli, Eyyub İbrahimov, Tural Qurbanov

VAR: Nicat İsmayıllı

AVAR: Gülnurə Əkbərzadə

Hakim-inspektor: Ceyhun Haşımov

AFFA nümayəndəsi: Eldəniz Musayev

Şamaxı şəhər stadionu

17:00. “Şəfa” – “Qəbələ”

Hakimlər: Əli Əliyev, Namiq Hüseynov, Orxan İbişov, Kamal Umudlu

VAR: İnqilab Məmmədov

AVAR: Cəmil Quliyev

Hakim-inspektor: Şahin Cəfərov

AFFA nümayəndəsi: Namiq Əliyev

“SOCAR Polymer Arena”