Odessada mülki əhaliyə yenidən zərbə endirilib - GÖRÜTÜLƏR

Ukrayna Prezidenti Volodimir Zelenski Rusiyanın Odessaya dron hücumu nəticəsində ölən və yaralananların olduğunu bildirib.

Zelenski bu barədə Teleqram kanalında yazıb. Onun sözlərinə görə, “Şahid” dronları şəhərin mərkəzindəki yaşayış ərazisinə zərbə endirib. Xilasedicilər və polis əməkdaşları hadisə yerinə çatdıqdan sonra ərazi yenidən hədəfə alınıb.

Zelenski yaralılara tibbi yardım göstərildiyini və hücumun nəticələrinin aradan qaldırılması üçün işlərin davam etdiyini qeyd edib.