Bakıda tunelin girişində ağır qəza – Motosikletçi öldü

Bakının Yasamal rayonunda ölümlə nəticələnən yol-nəqliyyat hadisəsi baş verib.

Hadisə Moskva prospekti, 45 ünvanında, tunelin girişində qeydə alınıb.

Belə ki, Qismət Qaçayev idarə etdiyi “Toyota” markalı avtomobillə hərəkətdə olarkən Asif Ağaverdiyevin idarə etdiyi “Dayun DY-156-ES” markalı motosikletlə toqquşub.

Qəza nəticəsində motosikletin sürücüsü Asif Ağaverdiyev aldığı ağır xəsarətlərdən hadisə yerində həyatını itirib.

Faktla bağlı araşdırma aparılır.