Gəncə, 17 noyabr, AZƏRTAC Azərbaycan Dövlət Aqrar Universitetinin (ADAU) İnnovasiyalar Mərkəzi və “NASA Space Apps Challenge”ın birgə təşkilatçılığı ilə keçirilən beynəlxalq hakaton başa çatıb.AZƏRTAC-ın bölgə müxbiri xəbər verir ki, hakatonda 10 ali təhsil müəssisəsi və peşə məktəbini təmsil edən 150-dən çox iştirakçı olmaqla, ümumilikdə, 40 komanda iştirak edib. 48 saat davam edən yarışda komandalar kosmik texnologiyalar, Yerin müşahidəsi və dayanıqlı inkişaf istiqamətlərində innovativ həllər hazırlayıblar.Yekun nəticələrə əsasən, “Code44” komandası I yerə (1000 AZN), “SpaceAz” komandası II yerə (500 AZN), “STC” komandası isə III yerə (300 AZN) layiq görülüb. İlk iki yerin qaliblərinə NASA-da təcrübə keçmək imkanı yaradılacaq. Müxbir - Elcan Məmmədov