Azərbaycanın Xarici İşlər Nazirliyi Türkiyənin İzmir şəhərində fabrikdə baş verən partlayış nəticəsində ölən və yaralananların olması ilə əlaqədar başsağlığı verib.
Bu barədə Nazirliyin sosial şəbəkə hesabında paylaşım edilib.
"Qardaş Türkiyənin İzmir şəhərində fabrikdə baş vermiş partlayış nəticəsində insan tələfatı və xəsarət alanların olması xəbəri bizi dərindən kədərləndirdi.
Həlak olanların ailələrinə və yaxınlarına dərin hüznlə başsağlığı verir, yaralananlara şəfa diləyirik.
Qardaş Türkiyə dövlətinə və xalqına bu faciə ilə əlaqədar dərin hüznlə başsağlığı veririk", - paylaşımda qeyd olunub.