Türkiyənin nəhəng klubu "Fənərbağça" transfer bazarında iddiasını bir daha nümayiş etdirib.
"Sarı-lacivərtlilər" "Real Madrid"in ulduz futbolçusu Brahim Diası heyətinə qatmaq üçün hərəkətə keçib.
İspaniya və Türkiyə mətbuatında yayılan məlumatlara görə, İstanbul təmsilçisi bu transferi ilkin transfer haqqı (təzminat) ödəmədən reallaşdırmağın yollarını axtarır.
Arda Güler güzəşti: "Fənərbağça" rəhbərliyinin "Real Madrid"ə təklif etdiyi ən maraqlı bəndlərdən biri Arda Güler ilə bağlıdır. İstanbul klubu gələcəkdə Arda Gülerin başqa komandaya satışından əldə olunacaq gəlirin 20 faizini "Kral klubu"na güzəştə getməyi təklif edir.
Maliyyə dəyəri: "Real Madrid"in hazırda Mərakeş milli komandasının üzvü olan Brahim Dias üçün 35 milyon avro civarında qiymət biçdiyi bildirilir. Lakin Madrid təmsilçisi təklif olunan kreativ ödəniş sxeminə qarşı tam qapalı deyil.
Gələcək danışıqlar: Tərəflər arasında yaxın günlərdə yeni görüşlərin keçiriləcəyi və şərtlərin müzakirə olunacağı gözlənilir./Offsideplus