Bakının Sabunçu rayonunda ölümlə nəticələnən yol-nəqliyyat hadisəsi baş verib.
Trend-in məlumatına görə, hadisə oktyabrın 29-da saat 23:50 radələrində Maştağa qəsəbəsində qeydə alınıb.
Belə ki, 1959-cu il təvəllüdlü Bədəlov Ədalət Tofiq oğlu idarə etdiyi “VAZ 2109” markalı avtomobillə hərəkətdə olarkən yolun əks istiqamətində hərəkət edən velosipedçi, 1993-cü il təvəllüdlü Hüseynov Ülfət Vidadi oğlunu vurub.
Velosipedçi aldığı xəsarətlərdən hadisə yerində ölüb.
Faktla bağlı Sabunçu Rayon Polis İdarəsinin İstintaq şöbəsində Cinayət Məcəlləsinin müvafiq maddəsi ilə cinayət işi başlanıb, istintaq aparılır.