Serbiyanın keçmiş prezidenti Aleksandr Vuçiç yenidən ölkə rəhbərliyinə qayıtmaq və baş nazir olmaq niyyətindədir.
O, jurnalist Kseniya Sobçakla müsahibəsində parlament seçkilərində qalib gəlmək istədiyini bildirib.
Vuçiç seçkilərdə uğur qazanaraq ictimai dəstəyinin tutduğu vəzifədən asılı olmadığını göstərmək istədiyini deyib. Bununla yanaşı, parlamentdə çoxluq əldə etməyin asan olmayacağını etiraf edib.
Sentyabrın 27-də prezident vəzifəsindən ayrılan Vuçiç hazırda ölkə üzrə seçki kampaniyası aparır və seçicilərlə görüşür.
Məlumata görə, Vuçiçin rəhbərlik etdiyi koalisiya parlament seçkilərində qalib gələrsə, o, yeni hökuməti formalaşdırmağı planlaşdırır.
Qeyd edək ki, Aleksandr Vuçiç 2014–2017-ci illərdə Serbiyanın baş naziri vəzifəsində çalışıb.