Gecə kifayət qədər yatmağınıza baxmayaraq, səhər yorğun oyanırsınız? Yuxunun müddəti ilə yanaşı, keyfiyyəti də ümumi sağlamlıq üçün vacibdir. Bunu Oxu24.com-a açıqlamasında həkim Fərhat Burzu bildirib."Yuxu çatışmazlığı yaddaş problemləri, çəki artımı və gündəlik fəaliyyətlər zamanı diqqətin azalması ilə əlaqəli ola bilər",-deyə həkim qeyd edib.Fərhat Burzu həmçinin yuxu keyfiyyətini yaxşılaşdırmaq üçün tövsiyələr də verib.Yuxu keyfiyyətini yaxşılaşdırmaq üçün aşağıdakı tövsiyələrə əməl edin:Yuxu rejiminizi qoruyun: Hər gün eyni saatda yatıb oyanmağa və gecə 7–9 saat yatmağa çalışın.Kofeini məhdudlaşdırın: Xüsusilə günortadan sonra qəhvə və digər kofeinli içkilərin qəbulunu azaldın.Ekran istifadəsini azaldın: Yatmazdan 1–2 saat əvvəl telefon və kompüterdən uzaqlaşın.Gündüz aktiv olun: Gün işığında vaxt keçirin və fiziki aktivliyə üstünlük verin.Rahat yuxu mühiti yaradın: Yataq otağının sakit və rahat olmasına diqqət yetirin.Yuxusuzluq davam edirsə, gün ərzində həddindən artıq yuxululuq və diqqət çətinliyi yaşayırsınızsa, həkimə müraciət edin. Keyfiyyətli yuxu sağlamlığınıza qoyduğunuz vacib sərmayədir.Nigar