Azərbaycan Prezidenti isveçrəli həmkarı Qi Parmölənə təbrik məktubu ünvanlayıb.

"Report"un məlumatına görə, təbrikdə deyilir:

"Hörmətli cənab Prezident,

İsveçrə Konfederasiyasının milli bayramı münasibətilə Sizə və bütün xalqınıza öz adımdan və Azərbaycan xalqı adından ən səmimi təbriklərimi çatdırıram.

Biz Azərbaycan ilə İsveçrə arasında dostluq və əməkdaşlıq münasibətlərinin inkişaf etdirilməsinə böyük əhəmiyyət veririk. İnanıram ki, xalqlarımızın mənafelərinə uyğun olaraq dövlətlərarası əlaqələrimizin və əməkdaşlığımızın möhkəmləndirilməsi naminə bundan sonra da birgə səylər göstərəcəyik.

Bu bayram günündə Sizə möhkəm cansağlığı, işlərinizdə uğurlar, xalqınıza daim rifah və firavanlıq arzulayıram".

Bu gündən başlayaraq Bosniya və Herseqovina və Sinqapurun ümumvətəndaş pasportuna malik vətəndaşlarının 2027-ci ilin avqustun 1-dək Azərbaycan ərazisinə turizm məqsədilə daxil olması üçün viza tələbi ləğv edilib.

"Report" xəbər verir ki, bu barədə Dövlət Miqrasiya Xidməti məlumat yayıb.

Yeni qaydalara əsasən, həmin ölkələrin vətəndaşları göstərilən müddət ərzində Azərbaycana üç dəfə vizasız gələ və hər gəliş zamanı ölkədə 30 günədək qala bilərlər.

Azərbaycana turizmdən fərqli məqsədlərlə gəlmək və ya burada uzunmüddətli qalmaq niyyətində olan sadalanan ölkə vətəndaşları isə qanunvericiliyin tələblərinə uyğun qaydada müvafiq viza əldə etdikdən sonra Azərbaycana gələ bilərlər.

Azərbaycan Xarici İşlər Nazirliyi (XİN) Əlcəzairin Bumerdes əyalətində çoxsaylı insan tələfatına səbəb olan sərnişin avtobusu qəzası ilə əlaqədar başsağlığı verib.

"Report" xəbər verir ki, bu barədə XİN-in "X" sosial şəbəkə hesabında paylaşım edilib.

"Dost Əlcəzairin Bumerdes vilayətində çoxsaylı insan tələfatına səbəb olan faciəvi sərnişin avtobusu qəzası ilə əlaqədar Əlcəzair hökumətinə və xalqına dərin hüznlə başsağlığı veririk. Həlak olanların ailələrinə və yaxınlarına səmimi hüznlə başsağlığı verir, bütün yaralıların tezliklə və tam sağalmasını arzulayırıq.

Azərbaycan bu çətin zamanda Əlcəzairlə həmrəydir", - paylaşımda bildirilib.

Azərbaycan Xarici İşlər Nazirliyi (XİN) Yaponiyanın Kumamoto prefekturasında baş vermiş dağıdıcı zəlzələ ilə bağlı bu ölkəyə başsağlığı verib.

"Report" xəbər verir ki, bu barədə XİN-in "X" sosial şəbəkə hesabında paylaşım edilib.

"Yaponiya hökumətinə və xalqına, xüsusən də yaxınlarını itirmiş ailələrə səmimi başsağlığımızı çatdırırıq. Bütün yaralananların tezliklə sağalmasını arzulayır və zərər çəkmiş icmaların bu faciənin nəticələrini mümkün qədər tez dəf edəcəyinə ümid edirik", - paylaşımda bildirilib.

Daha əvvəl Yaponiyanın Baş naziri Sanae Takaiçi baş vermiş 7,1 maqnitudalı zəlzələ ilə bağlı başsağlığı verən və yardım təklif edən ölkələrə təşəkkür edib. Takaiçinin təşəkkür etdiyi ölkələr arasında Azərbaycan da yer alıb.

Xatırladaq ki,iyulun 28-də Yaponiyanın cənubunda, Kyuşu adasındakı Kumamoto prefekturasında 7,1 maqnitudalı zəlzələ baş verib. Yeraltı təkanlar dağıntılara və elektrik enerjisi təchizatında fasilələrə səbəb olub, hakimiyyət orqanları sunami xəbərdarlığı elan edib, lakin bu xəbərdarlıq sonradan ləğv olunub. Son məlumatlara görə, zəlzələ nəticəsində 34 nəfər həlak olub.

Yaponiyanın Baş naziri Sanae Takaiçi Kyuşu adasındakı Kumamoto prefekturasında baş vermiş 7,1 maqnitudalı zəlzələ ilə bağlı başsağlığı verən və yardım təklif edən ölkələrə təşəkkür edib.

"Report" xəbər verir ki, Takaiçinin təşəkkür etdiyi ölkələr arasında Azərbaycan da yer alıb.

"Kumamoto zəlzələsi ilə əlaqədar bu günə qədər dünyanın bir çox ölkə və regionlarının sakinlərindən, eləcə də beynəlxalq təşkilatlardan səmimi başsağlığı mesajları və konkret yardım təklifləri almışıq. Fürsətdən istifadə edərək bir daha dərin minnətdarlığımı bildirmək istəyirəm", - baş nazir vurğulayıb.

S. Takaiçi Azərbaycan daxil olmaqla, 56 ölkəyə və 7 beynəlxalq təşkilata minnətdarlığını ifadə edib.

Xatırladaq ki,iyulun 28-də Yaponiyanın cənubunda, Kyuşu adasındakı Kumamoto prefekturasında 7,1 maqnitudalı zəlzələ baş verib. Yeraltı təkanlar dağıntılara və elektrik enerjisi təchizatında fasilələrə səbəb olub, hakimiyyət orqanları sunami xəbərdarlığı elan edib, lakin bu xəbərdarlıq sonradan ləğv olunub. Son məlumatlara görə, zəlzələ nəticəsində 34 nəfər həlak olub.

Prezident İlham Əliyevin sosial şəbəkə hesablarında Qırğız Respublikasına dövlət səfəri ilə bağlı videoçarx paylaşılıb.

"Report" paylaşımı təqdim edir:

Azərbaycan-Qırğızıstan münasibətləri yüksək etimada söykənən müttəfiqlik modelidir.

"Report" xəbər verir ki, bunu Azərbaycan-Qırğızıstan münasibətlərini dəyərləndirən Milli Məclisin deputatı Vüqar Rəhimzadə deyib.

O bildirib ki, Azərbaycanın xarici siyasəti açıq, balanslaşdırılmış siyasətdir:

"Həm Avropa, həm qonşu dövlətlərlə, həm də Mərkəzi Asiya ölkələri ilə əlaqələri yeni prioritetlər üzrə inkişaf edir. Türk dünyasının birliyi bütün dövrlər üçün aktual olub, bu gün də öz önəmini təsdiqləyir. Yeni dünya nizamının formalaşdığı hazırkı mərhələdə bu birliyin, həmrəyliyin vacibliyi türk dövlətləri tərəfindən vurğulanmaqla yanaşı, real addımlarda özünü nümayiş etdirir. Qarşılıqlı səfərlər, imzalanan sənədlər həm ölkələr arasında əlaqələrin inkişafına, həm də Türk Dövlətləri Təşkilatı daxilində birliyə böyük stimul verir.

Türk Dövlətləri Təşkilatının Zirvə görüşlərinin müntəzəm xarakter daşıması, həmçinin dövlət başçısı İlham Əliyevin təşəbbüsü ilə hər il qeyri-rəsmi Zirvə görüşlərinin də keçirilməsi bu birliyin təqdimatıdır. Dövlət başçısı İlham Əliyevin çıxışlarında qeyd etdiyi kimi, Azərbaycan Türk Dövlətləri Təşkilatının inkişafına əvvəllər və bu gün böyük töhfə verir və verəcək. Bu, bizim xarici siyasətimizdə prioritet məsələlərdən biridir. Türk dünyası bizim ailəmizdir, bizim başqa ailəmiz yoxdur. Bu ailəni gələcəyə aparmaq üçün birgə səylərin göstərilməsi təbii ki, çox önəmlidir".

Deputat deyib ki, bu gün Türk Dövlətləri Təşkilatı dünya miqyasında böyük nüfuz qazanıb, beynəlxalq mövqeləri möhkəmlənib:

"Həm bölgədə gedən proseslərə təsir imkanları artır, eyni zamanda, qlobal müstəvidə də təşkilatın rolu artmaqdadır. Prezident İlham Əliyevin hər bir çağırışı həm Türk Dövlətləri Təşkilatının gələcəyi, həm də quruma üzv dövlətlərlə birliyin təmin edilməsi üçün yol xəritəsidir. "Dünyada bir çox beynəlxalq təşkilatlar var, ancaq etnik köklər üzərində yaranmış təşkilatların sayı o qədər də çox deyil. Yəni bu, bizim çox böyük üstünlüyümüzdür. Yəni bizi birləşdirən bizim etnik mənsubiyyətimizdir. Bu, birinci amildir. Ondan sonra bizim coğrafiyamızdır, ölkələr arasındakı çox xoş və isti münasibətlərdir, vahid məqsədlərdir. Ona görə bax, bütün bu amilləri nəzərə alaraq biz təşkilatımızı daha da yüksək pilləyə qaldırmalıyıq" söyləyən Prezident İlham Əliyev onu da əlavə edir ki, ölkələrimizin və təşkilatımızın məramı sülhə, əməkdaşlığa, əmin-amanlığa, qarşılıqlı hörmətə və qarşılıqlı maraqlara yönəlib".

V.Rəhimzadə qeyd edib ki, Prezident İlham Əliyevin iyulun 30-da Qırğız Respublikasına dövlət səfəri də həm iki ölkənin, həm də Azərbaycan-Mərkəzi Asiya ölkələri münasibətlərinin uğurlu inkişafının nümayişi olub:

"Azərbaycan-Qırğızıstan münasibətlərinin tarixinə nəzər salsaq qeyd etməliyik ki, əvvəllər əsasən ortaq mədəni və tarixi köklərə, ümumi türk kimliyinə əsaslanan bu əlaqələr strateji tərəfdaşlığa çevrilib. Azərbaycan-Qırğızıstan münasibətləri dərin tarixi köklərə malikdir, ortaq dil, mədəni və mənəvi dəyərlərə əsaslanır. Çolpon-Ata şəhərində Prezident İlham Əliyevin Qırğız Respublikasının Prezidenti Sadır Japarov ilə təkbətək görüşü oldu, Azərbaycan və Qırğızıstan Dövlətlərarası Şuranın 3-cü iclası keçirildi. Həmçinin Prezidentlər mətbuata bəyanatla çıxış etdilər. Sadır Japarov bu əminliyi ifadə etdi ki, bu səfər qardaş münasibətlərimizin möhkəmlənməsinə yeni impuls verəcək".

Onun sözlərinə görə, Qırğızıstan ilə Azərbaycan bir-birini daim dəstəkləyir və qarşılıqlı maraq doğuran məsələlər üzrə mövqelərini uğurla əlaqələndirir:

"Məmnunluqla qeyd edirəm ki, Qırğızıstanla Azərbaycan arasında siyasi dialoq bu gün ən yüksək səviyyədədir. Müntəzəm təmaslar və qarşılıqlı etimad bu gün qurulan müttəfiqlik münasibətləri üçün möhkəm zəmin yaradır. Qırğızıstan Prezidentinin bu fikirlərinin davamı olaraq Prezident İlham Əliyev vurğuladı ki, müttəfiqlik münasibətləri çox böyük məsuliyyət deməkdir və biz bu məsuliyyətə hazırıq. Biz bütün təşəbbüslərdə - həm beynəlxalq platformalarda, həm də iqtisadi-ticari sahədə və təhlükəsizliyin möhkəmləndirilməsində bir-birimizi bundan sonra da dəstəkləyəcəyik. İmzalanan sənədlər zərfi qarşılıqlı fəaliyyətimizin geniş sferasını nümayiş etdirir".

Deputat bildirib ki, hər bir səfərin əhəmiyyətini açıqlayan mühüm məqamlardan biri də sənədlərin imzalanmasıdır:

"İki ölkə arasında indiyədək 105 sənəd imzalanıb. Bunlardan ən mühümü Azərbaycanla Qırğızıstan arasında strateji tərəfdaşlığın əsasını qoyan "Strateji Tərəfdaşlıq haqqında Bəyannamə"dir. Prezident İlham Əliyevin bu səfəri zamanı 14 sənəd imzalanıb. Bunlar arasında Azərbaycan və Qırğızıstan prezidentlərinin birgə imzaladıqları "Azərbaycan Respublikası və Qırğız Respublikasının Dövlətlərarası Şurasının üçüncü iclasının Qərarı"nı və "Azərbaycan Respublikası ilə Qırğız Respublikası arasında müttəfiqlik münasibətləri haqqında Müqavilə"ni qeyd etmək istərdik. "Azərbaycan Respublikası ilə Qırğız Respublikası arasında müttəfiqlik münasibətləri haqqında Müqavilə" rəsmi Bakı ilə Bişkek arasında strateji tərəfdaşlığın daha yüksək səviyyəyə yüksəldilməsi baxımından mühüm siyasi hadisədir".

V.Rəhimzadə qeyd edib ki, Prezident İlham Əliyevin Qırğızıstana dövlət səfəri münasibətlərdə yeni tarixi mərhələ kimi dəyərləndirilir:

"Ümumilikdə Azərbaycanın Mərkəzi Asiya dövlətləri ilə dərin tarixi və mədəni köklərə dayanan əlaqələri keyfiyyətcə yeni mərhələyə qədəm qoyur, strateji müttəfiqlik səviyyəsinə yüksəlib. Siyasi əlaqələrin dərinləşməsi iqtisadi sahədə də yüksək dinamika ilə müşayiət olunur. Son dövrlərdə Azərbaycanın Qazaxıstan, Özbəkistan, Türkmənistan, Tacikistan və Qırğızıstan ilə ticarət dövriyyəsində çoxşaxəli və kəskin artım diqqətdədir. Azərbaycan Trans-Xəzər Beynəlxalq Nəqliyyat Marşrutu və Orta Dəhliz çərçivəsində, həmçinin Ələt Limanı və Bakı-Tbilisi-Qars dəmir yolu kimi müasir infrastrukturu ilə Mərkəzi Asiya ölkələrinin Qərb bazarlarına çıxışı üçün əsas tranzit mərkəzinə çevrilib".

Azərbaycan Respublikasının Prezidenti İlham Əliyevin Qırğız Respublikasına dövlət səfəri iyulun 31-də başa çatıb.

"Report" xəbər verir ki, Çolpon-Ata şəhərinin İssık-Kul Beynəlxalq Hava Limanında dövlət başçısının şərəfinə fəxri qarovul dəstəsi düzülüb.

Prezident İlham Əliyevi və birinci xanım Mehriban Əliyevanı Qırğız Respublikasının Baş naziri Adılbek Kasımaliyev və digər rəsmi şəxslər yola salıblar.

Milli Məclis və Pan-Afrika Parlamenti, eləcə də Qoşulmama Hərəkatı Parlament Şəbəkəsi ilə Pan-Afrika Parlamenti arasında əməkdaşlıq müzakirə olunub.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Bildirilib ki, müzakirələr Milli Məclisin sədri Sahibə Qafarovanın Cənubi Afrika Respublikasına səfəri çərçivəsində Pan-Afrika Parlamentinin prezidenti Fatih Boutbiq ilə görüşü zamanı baş tutub.

Həmçinin görüşdə Azərbaycan ilə Afrika ölkələri arasında dostluq münasibətləri, parlamentlərarası əməkdaşlığın inkişaf perspektivləri və qarşılıqlı maraq doğuran məsələlər ətrafında geniş fikir mübadiləsi aparılıb.

Pan-Afrika Parlamentinin prezidenti Fatih Boutbiq Milli Məclisin sədri Sahibə Qafarovanın Milli və Regional Parlament Sədrlərinin Konfransının açılış mərasimindəki çıxışını yüksək qiymətləndirərək, çıxışda həmrəylik, dostluq və parlamentlərarası əməkdaşlığa dair səsləndirilən fikirlərin böyük əhəmiyyət daşıdığını bildirib. O, Pan-Afrika İttifaqı-2063 Gündəliyinin həyata keçirilməsində parlamentlərin mühüm rol oynadığını vurğulayıb.

Pan-Afrika Parlamentinin prezidenti Azərbaycanın Afrika ölkələri üçün etibarlı tərəfdaş olduğunu bildirərək, tərəfləri ortaq dəyərlərin və qarşılıqlı hörmətə əsaslanan münasibətlərin birləşdirdiyini söyləyib. O, parlament diplomatiyasının xalqlar arasında əlaqələrin möhkəmləndirilməsində və qarşılıqlı maraqların təşviqində mühüm rol oynadığını qeyd edib.

Milli Məclisin sədri Sahibə Qafarova Azərbaycanın Afrika ölkələri ilə münasibətlərin inkişafına xüsusi önəm verdiyini bildirib.

Spiker parlamentlərarası əlaqələrin genişləndirilməsinin, siyasi dialoqun möhkəmləndirilməsinin, qarşılıqlı etimadın artırılmasının və əməkdaşlığın yeni istiqamətlər üzrə inkişafının əhəmiyyətini xüsusi vurğulayıb.

O qeyd edib ki, regional və beynəlxalq səviyyədə birgə fəaliyyətin davam etdirilməsi vacibdir. Sahibə Qafarova parlamentlərarası əlaqələrin daha da genişləndirilməsinin qarşılıqlı maraqlara xidmət edəcəyini və Qoşulmama Hərəkatı Parlament Şəbəkəsi ilə institusional əməkdaşlığın genişləndirilməsi üçün yaxşı imkanların olduğunu diqqətə çatdırıb.

Spiker Sahibə Qafarova Pan-Afrika Parlamentinin rəhbərliyini Azərbaycana səfərə dəvət edərək, bu səfərin qarşılıqlı əlaqələrin inkişafına və praktiki əməkdaşlığın genişlənməsinə mühüm töhfə verəcəyinə əminliyini ifadə edib.

Görüşdə Milli Məclis və Pan-Afrika Parlamenti, eləcə də Qoşulmama Hərəkatı Parlament Şəbəkəsi ilə Pan-Afrika Parlamenti arasında əməkdaşlığın inkişaf perspektivləri, beynəlxalq parlament təşkilatları çərçivəsində qarşılıqlı fəaliyyət və ortaq maraq doğuran digər məsələlər ətrafında fikir mübadiləsi aparılıb.

Milli Məclisin sədri Sahibə Qafarova iyulun 31-də Cənubi Afrika Respublikasına (car) səfəri çərçivəsində Midrand şəhərində Milli və Regional Parlamentlərin Sədrlərinin Konfransında iştirak edib. Bu barədə

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Bildirilib ki, Pan-Afrika Parlamentinin təşkilatçılığı ilə keçirilən tədbirdə Afrika ölkələrinin milli və regional parlamentlərinin sədrləri, beynəlxalq parlament təşkilatlarının rəhbərləri və nümayəndələri iştirak ediblər.

Parlamentin spikeri tədbirdə nitq söyləyib. Çıxışında müasir beynəlxalq münasibətlər sistemində baş verən dərin transformasiyalara, davam edən münaqişələrə, iqtisadi bərabərsizliyə və iqlim dəyişikliyinin yaratdığı çağırışlara toxunan Milli Məclisin sədri vurğulayıb ki, beynəlxalq təsisatlara etimadın getdikcə daha böyük təzyiqlərlə üzləşdiyi mövcud şəraitdə parlamentlər qlobal qərarqəbuletmə proseslərindən kənarda qala bilməzlər. Spiker bildirib ki, parlamentlər vətəndaşların səsini ifadə edir, milli reallıqları beynəlxalq müstəviyə daşıyır, siyasi öhdəliklərin qanunvericilikdə, habelə konkret praktiki fəaliyyətlərdə öz əksini tapmasına töhfə verirlər.

Parlamentlərin qlobal çağırışların həllində artan rolunu qeyd edən spiker müasir dövrdə parlamentlərin yalnız milli qanunvericilik funksiyasını yerinə yetirən institutlar deyil, həm də beynəlxalq əməkdaşlığın inkişafına töhfə verən mühüm aktorlar olduğunu bildirib. Bu gün burada ilk növbədə Azərbaycan parlamentini, eyni zamanda sədri olduğu Qoşulmama Hərəkatı Parlament Şəbəkəsini təmsil etdiyini deyən S.Qafarova tədbir iştirakçılarının diqqətinə çatdırıb ki, hazırda 70-dən çox ölkənin parlamentini, o cümlədən Afrikanın əksər dövlətlərinin qanunverici orqanlarını bir araya gətirən bu Şəbəkə birgə səylərlə parlamentlərarası əməkdaşlığın inkişafına mühüm töhfə verən nüfuzlu beynəlxalq parlament əməkdaşlığı platformasına çevrilib.

Parlament həmrəyliyinin mücərrəd prinsip deyil, müasir beynəlxalq münasibətlər sistemində praktiki zərurət olduğuna dair qəti inamını ifadə edən parlamentin spikeri, mürəkkəb çağırışlar fonunda çoxtərəfli əməkdaşlığın və parlament diplomatiyasının əhəmiyyətinə toxunub. Bu kontekstdə Pan-Afrika Parlamentinin önəmli roluna diqqəti çəkən S.Qafarova qeyd edib ki, qurum Afrikanın birliyi, inkişafı və qlobal mövqeyinin gücləndirilməsi baxışını parlament müstəvisində ifadə edir. Təşkilat həmçinin "Afrika Gündəliyi – 2063"-da təsbit olunmuş məqsədləri – öz xalqı tərəfindən idarə olunan, beynəlxalq ictimaiyyətdə layiq olduğu rolu həyata keçirən sülhsevər, çiçəklənən və inteqrasiya olunmuş Afrika ideyasının reallaşdırılmasına xidmət edir.

Azərbaycanın bu baxışa dərin hörmətlə yanaşdığını vurğulayan spiker qeyd edib ki, rəsmi Bakı Afrika dövlətləri ilə münasibətlərinə böyük önəm verir, bərabərlik və qarşılıqlı hörmətə əsaslanan faydalı əməkdaşlığı dəstəkləyir.

Milli Məclisin sədri əlavə edib ki, Afrika bu gün dünyada yalnız say göstəriciləri ilə deyil, həm də öz ideyaları, prioritetləri və liderliyi ilə təmsil olunmalıdır. O vurğulayıb ki, Afrika artıq qlobal müzakirələrin sadəcə obyekti deyil, həmin müzakirələrin formalaşdırılmasına getdikcə daha çox töhfə verir. Bu baxımdan, Afrikanın artan rolunun beynəlxalq təsisatlarda, o cümlədən qlobal parlament institutlarında layiqincə əks olunmasının vacibliyi qeyd olunub.

Çıxışında çoxtərəfli əməkdaşlığın və parlament diplomatiyasının inkişaf perspektivlərinə də toxunan Milli Məclisin sədri, müxtəlif siyasi sistemləri və regionları bir araya gətirən mühüm qlobal parlament platforması kimi Parlamentlərarası İttifaqın (PAİ) xüsusi rolunu qeyd edib.

S.Qafarova bildirib ki, həqiqi inklüzivlik bütün regionların yalnız beynəlxalq parlament platformalarında təmsil olunmasını deyil, həm də prioritetlərin müəyyənləşdirilməsi, ideyaların irəli sürülməsi və rəhbərliyin həyata keçirilməsi proseslərində bərabər iştirak imkanına malik olmasını nəzərdə tutur.

O vurğulayıb ki, bu baxımdan PAİ ilə Pan-Afrika Parlamenti kimi regional parlament təşkilatları arasında əməkdaşlığın daha da gücləndirilməsi xüsusi əhəmiyyət kəsb edir. Spiker qeyd edib ki, məhz belə bir əməkdaşlıq sayəsində PAİ regional parlament təşkilatlarının təcrübəsi və siyasi baxışlarından faydalana, Pan-Afrika Parlamenti isə PAİ-nin qlobal platformasından istifadə etməklə Afrikanın prioritetlərini beynəlxalq parlament gündəliyinə çıxara və qitənin parlament diplomatiyasındakı rolunu daha da gücləndirmək imkanı əldə edə bilər. Onun sözlərinə görə, müasir dövrdə ehtiyac duyulan parlament çoxtərəfliliyi daha geniş təmsilçiliyə, daha sıx əlaqələndirilmiş əməkdaşlığa və bütün regionların reallıqlarına daha həssas yanaşmaya əsaslanmalıdır.

Çıxışının sonunda Milli Məclisin sədri S.Qafarova Pan-Afrika Parlamenti, eləcə də Afrika ölkələrinin parlamentləri ilə həmrəy olduğunu ifadə edərək, beynəlxalq münasibətlər sistemində Afrikanın daha güclü səsə və daha fəal rola malik olmasının vacibliyini vurğulayıb.

Azərbaycanın birinci xanımı Mehriban Əliyeva iyulun 31-də Çolpon-Ata şəhərində Qırğız Respublikasının birinci xanımı Ayqul Japarova və Özbəkistan Respublikasının birinci xanımı Ziroatxon Mirziyoyeva ilə birlikdə "Altın-Balalık" sağlamlıq və reabilitasiya mərkəzi ilə tanış olub.

"Report"un Qırğızıstana ezam olunan əməkdaşı xəbər verir ki, "Altın-Balalıq" sağlamlıq və reabilitasiya mərkəzi 2022-ci ilin mayından fəaliyyət göstərir. Müəssisənin əsas məqsədi uşaqlara yüksəkkeyfiyyətli tibbi-reabilitasiya xidməti göstərmək və onların istirahətini təmin etməkdir.

Mərkəzdə 800 çarpayılıq 136 otaq var. Hər il yay tətili dövrü Qırğızıstanın bütün bölgələrindən və qonşu ölkələrdən 8 min-8 min 500 uşaq burada fəaliyyət göstərən yay düşərgəsində istirahət edir. Mərkəz hər ilin sentyabrından isə növbəti ilin iyununadək reabilitasiya üçün əlilliyi olan uşaqları qəbul edir.

Gürcüstanın Baş prokuroru Giorgi Qvarakidzenin rəhbərlik etdiyi nümayəndə heyətinin Azərbaycana səfəri başa çatıb.

Bu barədə "Report"a Baş Prokurorluqdan məlumat verilib.

Bildirilib ki, səfər çərçivəsində qonaqlar Baş Prokurorluğun inzibati binalar kompleksində yaradılan iş şəraiti, o cümlədən Elm-Tədris Mərkəzi və kriminalistik laboratoriyanın fəaliyyəti ilə tanış olub. 44 günlük Vətən müharibəsinə həsr edilən memorial qalereyaya baş çəkən qonaqlara Şanlı Zəfərin tarixi ilə yanaşı, törədilən sülh və insanlıq əleyhinə cinayətlər, müharibə cinayətləri, eləcə də onların istintaqı təcrübəsi barədə ətraflı məlumat verilib.

Bundan əlavə, heyət Baş prokuror yanında Korrupsiyaya qarşı Mübarizə Baş İdarəsində olub, korrupsiyaya qarşı mübarizə sahəsində həyata keçirilən praktiki fəaliyyətlə, həmçinin əməliyyatların idarə edilməsi mərkəzi və Qaynar xətt əlaqə mərkəzi ilə yaxından tanış olub.

Həmçinin, nümayəndə heyəti səfər zamanı xalqımızın zəngin mədəni-mənəvi irsi ilə, o cümlədən Heydər Əliyev Mərkəzi, Azərbaycan Milli Tarix muzeyi və Xalça muzeyi ilə tanış olublar.

Təkcə regionda deyil, bütün dünyada baş verən mürəkkəb prosesləri nəzərə alsaq, Prezident İlham Əliyevin sülhdə rolu tamamilə unikaldır.

Bu fikirləri "Report"un Gürcüstan bürosuna açıqlamasında gürcü siyasi şərhçi Giorgi Xaindrava deyib.

Onun sözlərinə görə, Prezident İlham Əliyevin rolu təkcə Cənubi Qafqazda sülhün təmin olunmasına verdiyi töhfə ilə məhdudlaşmır:

"Bu, yalnız Qafqazda sülhün əldə olunması baxımından mühüm nailiyyət deyil. Eyni zamanda, Gürcüstanın və Azərbaycanın üzləşdiyi ağır dövrdən sonra postsovet məkanında Azərbaycanın inkişafı da cənab Əliyevin tamamilə unikal nailiyyətidir".

Siyasi şərhçi qeyd edib ki, Gürcüstanda Azərbaycanın inkişafını yaxından izləyirlər və bu siyasətin regionun sabitliyinə mühüm təsir göstərdiyini görürlər.

"Biz cənab Əliyevin siyasətinin Cənubi Qafqazda öz ölkəsinin inkişafına təsirini yüksək qiymətləndiririk və bunu hiss edirik. Azərbaycanın necə inkişaf etdiyini görürük. Təbii ki, ətrafımızda sülh olmasaydı, bu gün əldə etdiyimiz nəticələrə nail olmaq çətin olardı. Ona görə də Azərbaycan Prezidenti İlham Əliyevin bu məsələdə rolu tamamilə unikaldır", - o vurğulayıb.

Xaindravanın fikrincə, Azərbaycan və Gürcüstanı birləşdirən əsas amillərdən biri hər iki ölkənin sülh siyasətinə eyni yanaşmasıdır:

"Düşünürəm ki, bizi birləşdirən əsas məqam ölkələrimizin sülh siyasətinə eyni cür yanaşması və onu eyni şəkildə qəbul etməsidir. Bu çox vacibdir. Deməli, Qafqazda sülhün əldə olunmasında əsas rol, əlbəttə ki, cənab İlham Əliyevə məxsusdur. Bu məsələdə heç bir fikir ayrılığı ola bilməz".

Qəmər Adaları Maore Komitəsi Azərbaycan əleyhinə iş aparan fransalı deputatlara məktub ünvanlayıb.

Bu barədə "Report"a Bakı Təşəbbüs Qrupundan məlumat verilib.

Bildirilib ki, sözügedən məktubda Maore Komitəsi fransalı deputatları Fransanın müstəmləkəçi tarixindən xəbərsiz olmaqda və dənizaşırı ərazilərin yerli xalqlarına etinasız yanaşmaqda ittiham edib.

"Bu xalqlar azadlıq və öz müqəddəratını təyinetmə uğrunda uzun illər ərzində mübarizə aparmış, böyük itkilər və qurbanlar vermişlər. Buna baxmayaraq, siz həmin əraziləri hələ də Fransanın toxunulmaz mülkiyyəti kimi təqdim edirsiniz. Bu baxımdan, tarixi yenidən şərh etməyə çalışarkən köləliyi, kütləvi deportasiyaları, yerli xalqların torpaqlarının mənimsənilməsini, qətlləri və "Fransanın suverenliyi" adı altında həyata keçirilmiş müstəmləkə hökmranlığının digər ağır nəticələrini unudursunuzmu?", məktubda qeyd olunub.

Deputatların yanaşmasının müstəmləkəçilik faktının, həmin ərazilərin işğal prosesinin və yerli xalqların iradəsinin zorakılıq yolu ilə məhdudlaşdırılmasının tamamilə inkar edilməsi kimi vurğulanır:

"Şübhəsiz ki, bütün bu cinayətlər həmin xalqların tarixi və kollektiv yaddaşına dərindən həkk olunmuşdur. Buna görə də faktlar azadlığa, ədalətə və xalqların hüquqlarına hörmət edən bütün dövlətlər və xalqlar tərəfindən qətiyyətlə pislənilməli, onların nəticələrinin aradan qaldırılması istiqamətində ardıcıl mübarizə aparılmalıdır".

Məktubda bildirilir ki, "Fransanın dənizaşırı əraziləri" adlandırılan hər bir ərazinin müstəmləkəçilik siyasəti nəticəsində işğal olunmasının konkret tarixi, siyasi konteksti mövcuddur. Bununla belə, həmin ərazilərin tarixini birləşdirən çoxsaylı ümumi cəhətlər vardır. Bunlara yerli xalqların siyasi iradəsinin nəzərə alınmaması, onların torpaq və resurslarının mənimsənilməsi, sosial və iqtisadi bərabərsizliyin dərinləşdirilməsi, eləcə də azadlıq hərəkatlarının zorakı vasitələrlə yatırılması daxildir.

Hazırda Fransa Afrika kontinentində itirməkdə olduğu ənənəvi təsir dairəsini, həmçinin "özünün" Dənizaşırı əraziləri adlandırdığı torpaqları yenidən tam nəzarət altına almaq məqsədilə aqressiv siyasət yürüdür. Bu siyasət həmin ərazilərdə yaşayan xalqların azad iradəsinə və öz müqəddəratını təyinetmə hüququna qarşı yönəlmişdir.

Qəmər adalarında milli azadlıq uğrunda aparılmış uzunmüddətli mübarizə 22 dekabr 1974-cü il tarixində öz müqəddəratını təyinetmə referendumunun keçirilməsi ilə nəticələndi. Referendumun nəticələri Qəmər xalqının müstəqillik əldə etmək və milli suverenliyini bərpa etmək iradəsini birmənalı şəkildə ortaya qoydu.

Məktubda həmçinin qeyd olunur ki, Fransa Qəmər dövlətinin sərhədlərinə və ərazi bütövlüyünə hörmət etmir, Qəmər xalqının referendum yolu ilə ifadə olunmuş iradəsinə və beynəlxalq hüququn tələblərinə zidd olaraq Fransa Qəmər adalarına məxsus Mayot adasını qanunsuz şəkildə öz nəzarətində saxlayır. Sonradan Mayot Fransanın 101-ci departamentinə, daha sonra isə Avropa İttifaqının ən ucqar regionlarından birinə çevrilib.

Bununla yanaşı, Mayot heç vaxt Fransanın ümumi və bərabər inkişaf proqramlarının tamhüquqlu iştirakçısı olmayıb. Əksinə, adada xüsusi və istisna xarakterli qanunların tətbiqi, səhiyyə, mənzil təminatı, təhsil və təhlükəsizlik sahələrində minimum zəruri imkanların belə çatışmaması, sosial bərabərsizliyin dərinləşməsi və gənclər arasında zorakılığın yüksək səviyyəyə çatması Fransanın müstəmləkəçilik siyasətinin davam edən nəticələridir.

Deputatlara çağırış edilir ki, ağlasığmaz iddialar və həqiqətə uyğun olmayan hekayələr vasitəsilə tarixi yenidən yazmağa çalışmaq əvəzinə, ilk növbədə Fransanın öz müstəmləkə keçmişi və hazırkı siyasəti ilə üzləşməli, tarixi faktları olduğu kimi qəbul etməyi öyrənməlisiniz.

Unutmaq olmaz ki, xalqların azadlıq, ləyaqət və öz müqəddəratını təyinetmə uğrunda mübarizəsinin qarşısını almaq mümkün deyil. Bu, dənizaşırı ərazilərdə yaşayan və müstəmləkə hökmranlığının nəticələri ilə üzləşən xalqlara da tam şəkildə aiddir.

Prezident İlham Əliyevin Qırğızıstana dövlət səfəri Türk dünyasının strateji gələcəyinə verilən yeni töhfədir. Dövlətlər sərhədlərlə millətlər isə birliklə böyüyür. Türk dünyasının gücü də məhz bu birliyin sarsılmazlığındadır.

Bu fikirləri "Report"a QHT-lərə Dövlət Dəstəyi Agentliyinin Müşahidə Şurasının üzvü Xatirə Vəliyeva deyib.

O qeyd edib ki, Prezident İlham Əliyevin Qırğızıstana səfəri ikitərəfli münasibətlərin inkişafında keyfiyyətcə yeni mərhələnin başlanğıcı olmaqla yanaşı, Türk dünyasının siyasi və iqtisadi inteqrasiyasını sürətləndirən mühüm hadisə kimi tarixə yazılır:

"Müttəfiqlik Münasibətləri haqqında Sazişin imzalanması Azərbaycan və Qırğızıstan arasında münasibətlərin daha yüksək hüquqi-siyasi müstəviyə yüksəlməsini təsdiqləyir. Mədəni yaxınlıq və ortaq dəyərlər dövlətlər arasında ən davamlı əməkdaşlığın əsasını təşkil edir. Azərbaycan və Qırğızıstan münasibətləri bu fikrin praktik təsdiqidir. Ortaq tarix, dil, mədəniyyət və mənəvi dəyərlər üzərində qurulan əməkdaşlıq bu gün konkret siyasi qərarlar, iqtisadi layihələr və institusional mexanizmlərlə daha da möhkəmlənir.

Dövlətlərarası Şuranın üçüncü iclası çərçivəsində müəyyənləşdirilən yeni strateji gündəlik ticarət, qarşılıqlı investisiyalar, enerji, yaşıl iqtisadiyyat, nəqliyyat-logistika, rəqəmsal inkişaf, kənd təsərrüfatı, humanitar əməkdaşlıq və Qarabağın bərpası istiqamətlərini əhatə edir. Münasibətlər yalnız siyasi dialoqla deyil, real iqtisadi məzmunla zənginləşir. Bu əməkdaşlıq Mərkəzi Asiyanı Xəzər hövzəsi vasitəsilə Avropa bazarları ilə daha səmərəli şəkildə birləşdirən mühüm geoiqtisadi platformaya çevrilir".

X.Vəliyeva xatırladıb ki, Prezident İlham Əliyevin səfəri zamanı xüsusi vurğuladığı məsələlərdən biri də Qırğızıstanın Qarabağın bərpasına göstərdiyi qardaş dəstəyi oldu:

"Azərbaycan bu gün yalnız enerji və nəqliyyat layihələrinin müəllifi deyil, həm də Türk dövlətləri arasında həmrəyliyi gücləndirən təşəbbüslərin aparıcı iştirakçısıdır. Bu gün Bakı ilə Bişkek arasında qurulan müttəfiqlik modeli gələcəkdə iqtisadi inteqrasiyanın dərinləşməsinə, regional təhlükəsizliyin möhkəmlənməsinə və ortaq inkişaf məkanının genişlənməsinə xidmət edən nümunəvi əməkdaşlıq modeli kimi çıxış edir.

Azərbaycan və Qırğızıstan arasında möhkəmlənən müttəfiqlik münasibətləri təkcə iki qardaş dövlətin deyil, bütövlükdə Türk dünyasının ortaq gələcəyinə yazılan strateji uğur salnaməsidir. Prezident İlham Əliyevin uzaqgörən siyasi kursu Türk dünyasının birliyinə ardıcıl töhfələr verir".

"Mərkəzi Asiya – Azərbaycan" formatında birinci sammit oktyabrın 8-də Türkmənistanda keçiriləcək.

"Report"un Qırğızıstana ezam olunmuş müxbirinin verdiyi məlumata görə, bunu Türkmənistan Prezidenti Sərdar Berdiməhəmmədov Azərbaycan və Mərkəzi Asiya ölkələrinin dövlət başçılarının qeyri-rəsmi görüşündə bildirib.

Onun sözlərinə görə, birinci sammitin gündəliyinin layihəsi artıq hazırlanıb və formatın bütün iştirakçı dövlətlərinə göndərilib.

Berdiməhəmmədov qeyd edib ki, layihəyə əməkdaşlığın beş əsas istiqaməti daxil edilib.

"Biz beş əsas istiqaməti əhatə edən gündəlik layihəsini hazırlayaraq iştirakçı dövlətlərə göndərmişik. Bunlar sülh, sabitlik və təhlükəsizliklə bağlı aktual regional və beynəlxalq məsələlər üzrə fikir mübadiləsinin aparılması, Mərkəzi Asiya ölkələri və Azərbaycanın siyasi-diplomatik qarşılıqlı fəaliyyətinin möhkəmləndirilməsi, energetika və dayanıqlı nəqliyyat-logistika dəhlizləri sahəsində əməkdaşlığın inkişafı, ətraf mühitin mühafizəsi və iqlim dəyişikliyinə uyğunlaşma, su ehtiyatlarından səmərəli istifadə üzrə birgə tədbirlər, Aral dənizinin bərpası üzrə səylərin əlaqələndirilməsi, eləcə də mədəni, təhsil və elmi əlaqələrin inkişafı, tələbə və gənclər mübadiləsinin genişləndirilməsidir", - Berdiməhəmmədov qeyd edib.

Azərbaycanın Mərkəzi Asiya ölkələrinin məşvərət görüşləri formatına qoşulması qarşılıqlı əlaqəni keyfiyyətcə yeni makroregional səviyyəyə çıxarır.

"Report"un Çolpon-Ataya ezam olunmuş əməkdaşı xəbər verir, bu barədə Özbəkistan Prezidenti Şavkat Mirziyoyev "Mərkəzi Asiya – Azərbaycan" qeyri-rəsmi məşvərət görüşündə bildirib.

"Qarşımızda Mərkəzi Asiyanı, Cənubi Qafqazı və yaxın qonşumuz Əfqanıstanı birləşdirəcək vahid inkişaf məkanı formalaşdırmaq üçün tarixi imkan açılır. Bu məqamdan tam şəkildə istifadə etmək və Avrasiyanın düz mərkəzində davamlı inkişaf, qarşılıqlı əlaqəlilik və mehriban qonşuluq üçün birgə səylərlə möhkəm əsaslar yaratmaq lazımdır", - o bildirib.

Mərkəzi Asiya ölkələrinin və Azərbaycanın yeni altıtərəfli əməkdaşlıq formatı region dövlətlərinin daha da yaxınlaşmasına kömək edəcək və əməkdaşlığa əlavə dinamika verəcək.

"Report"un müxbiri xəbər verir ki, bunu Türkmənistan Prezidenti Sərdar Berdiməhəmmədov Azərbaycan və Mərkəzi Asiya dövlət başçılarının qeyri-rəsmi məşvərət görüşündə bildirib.

"Azərbaycan Respublikasının Prezidenti hörmətli İlham Heydər oğlunu bu iclasda salamlamaqdan səmimi qəlbdən şadam", - Prezident bildirib.

Berdiməhəmmədov xatırladıb ki, ötən il Daşkənddə Mərkəzi Asiya dövlət başçılarının Məşvərət görüşündə Azərbaycanın bu formatda tamhüquqlu iştirakı barədə yekdil qərar qəbul edilib.

"Cənab İlham Heydər oğlu, icazə verin, Sizi və sizin simanızda Azərbaycanı bir daha təbrik edim", - dövlət başçısı qeyd edib.

İsveçrənin federal xarici işlər naziri İqnasio Kasis Avropa Təhlükəsizlik və Əməkdaşlıq Təşkilatının (ATƏT) fəaliyyətdə olan sədri qismində Azərbaycana rəsmi səfər edəcək.

Bu barədə "Report" İsveçrə Xarici İşlər Nazirliyinə (XİN) istinadən xəbər verir.

Məlumata görə, Azərbaycana səfəri zamanı İ.Kasis ikitərəfli münasibətlər, Cənubi Qafqazda sülh prosesi, eləcə də İsveçrənin ATƏT-ə sədrliyinin regiondakı rolu məsələlərinə dair danışıqlar aparacaq.

Bildirilib ki, Azərbaycandan sonra ATƏT sədri Türkmənistana səfər edəcək. Azərbaycan və Türkmənistana səfər tarixləri 4–5 avqustdur.

Qeyd olunub ki, federal nazirin səfəri payızda Ermənistan və Gürcüstana səfərlərlə davam edəcək regional turnenin ilk mərhələsi olacaq.

Azərbaycanın Məşvərət görüşlərinin tamhüquqlu iştirakçısı kimi qoşulması qarşılıqlı fəaliyyətimizin yeni mərhələsinin başlanğıcı oldu.

"Report"un Çolpon-Ataya ezam olunmuş müxbirinin verdiyi məlumata görə, bunu Qazaxıstan Prezidenti Kasım-Jomart Tokayev Azərbaycan və Mərkəzi Asiya dövlət başçılarının qeyri-rəsmi görüşündə bildirib.

Xəbər yenilənir

Mərkəzi Asiya ölkələri ilə münasibətlər Azərbaycanın xarici siyasətinin prioritetlərindən biridir.

"Report"un Çolpon-Ataya ezam olunmuş əməkdaşı xəbər verir ki, bu barədə Azərbaycan Prezidenti İlham Əliyev Mərkəzi Asiya və Azərbaycan dövlət başçılarının qeyri-rəsmi görüşündə çıxış edərkən bildirib.

"Sadəcə olaraq 2023-cü ilin əvvəlindən bu günə qədər olan qarşılıqlı səfərlərin dinamikasını demək kifayətdir. Üç il yarım ərzində mən Mərkəzi Asiyanın qardaş ölkələrinə ümumilikdə 16 dəfə səfər etmişəm. Həmkarlarım bu müddət ərzində Azərbaycana 26 dəfə səfər ediblər. Bu statistika münasibətlərin dinamikasından və yaxınlığından açıq şəkildə xəbər verir, həm də göstərir ki, bu gün Mərkəzi Asiya və Azərbaycan artıq vahid geosiyasi və geoiqtisadi məkana çevrilib", - İ.Əliyev bildirib.

Dövlət başçısı həmçinin qeyd edib ki, bu formatın tamhüquqlu üzvü kimi məşvərət görüşündə ilk dəfə iştirak edir: "Sizi əmin etmək istəyirəm ki, Azərbaycan öz tərəfindən əməkdaşlığın daha da inkişaf etdirilməsi, ölkələrimizin və xalqlarımızın daha da yaxınlaşması üçün bütün səyləri göstərəcək".

İyulun 31-də Qırğızıstanın Çolpon-Ata şəhərində Azərbaycanın və Mərkəzi Asiya ölkələrinin Dövlət Başçılarının qeyri-rəsmi görüşü keçirilib.

"Report" xəbər verir ki, Azərbaycanın və Mərkəzi Asiya ölkələrinin Dövlət Başçılarının qeyri-rəsmi görüşündə iştirak etmək üçün Prezident İlham Əliyev Çolpon-Ata şəhərindəki Konqres Mərkəzinə gəldi.

Qırğızıstan Prezidenti Sadır Japarov Azərbaycanın dövlət başçısını və görüşdə iştirak edən digər prezidentləri qarşıladı.

Azərbaycanın, Qırğızıstanın, Özbəkistanın, Qazaxıstanın, Tacikistanın və Türkmənistanın dövlət başçıları birgə foto çəkdirdilər.

Dövlət başçısı görüşdə çıxış etdi.

Prezident İlham Əliyevin çıxışı

-Hörmətli Sadır Nurqojoyeviç.

Hörmətli həmkarlar.

Əvvəlcə, Azərbaycanın və Mərkəzi Asiya ölkələrinin Dövlət Başçılarının Məşvərət Görüşündə iştirak etmək üçün dəvətə görə Qırğızıstan Prezidentinə təşəkkürümü bildirirəm. Mən dünəndən Qırğızıstanda səfərdəyəm və ilk növbədə ölkənin sosial-iqtisadi inkişafında böyük uğurlara, həmçinin İssık-Kul gölünün ətrafındakı ərazinin necə dəyişməsinə, kurorta və beynəlxalq səviyyəli turizm istiqamətinə çevrilməsinə görə Qırğızıstan Prezidentini bir daha təbrik etmək istərdim.

Eyni zamanda, Qırğızıstanda dövlət səfərindəyəm. Bu gün həmkarım Sadır Nurqojoyeviç ilə ikitərəfli qarşılıqlı fəaliyyətimizin geniş gündəliyinə dair ətraflı müzakirələr apardıq. İkitərəfli əlaqələrin uğurlu inkişafını müəyyənləşdirəcək böyük sənədlər zərfi imzalandı. Amma imzalanan sənədlər arasında müttəfiqlik münasibətləri haqqında Müqaviləni xüsusi qeyd etmək istərdim. Bu, iki qardaş ölkə arasında münasibətləri müttəfiqlik səviyyəsinə qaldıran qarşılıqlı fəaliyyətin ən yüksək dərəcəsidir.

Onu da qeyd etmək istərdim ki, iki qardaş ölkə arasında iqtisadi-ticari münasibətlərin uğurla inkişafı məni sevindirir. Bu gün imzaladığımız sənədlərdən biri də birgə Azərbaycan-Qırğızıstan İnkişaf Fondunun vəsaitlərinin 100 milyon dollardan 200 milyon dollara çatdırılmasını nəzərdə tutur. Görülən işlər, birgə Fondun maliyyələşdirilməsi çərçivəsində artıq həyata keçirilən layihələr haqqında bizə məlumat verildi. Bir neçə müəssisə artıq fəaliyyət göstərir, amma potensial da kifayət qədər böyükdür.

Biz, həmçinin çox sevinirik və fəxr edirik ki, İssık-Kulun sahilində ilk beşulduzlu hotel Azərbaycan tərəfindən inşa edilib. "Bakı" hoteli qonaqları qəbul etməyə hazırdır və şadam ki, biz bu böyük turizm mərkəzinin açılışında birlikdə iştirak edəcəyik.

Mərkəzi Asiya ölkələri ilə münasibətlər Azərbaycanın xarici siyasətinin prioritetlərindən biridir. Sadəcə qarşılıqlı səfərlərin dinamikasını söyləmək kifayət edər. Mən 2023-cü ilin əvvəlindən bu günə qədər Mərkəzi Asiyanın qardaş ölkələrinə ümumilikdə 16 dəfə səfər etmişəm, həmin ölkələrdən həmkarlarım isə 26 dəfə Azərbaycanda səfərdə olublar. Yəni statistika münasibətlərin dinamikası və yaxınlığından daha yaxşı xəbər verir, həm də göstərir ki, bu gün Mərkəzi Asiya və Azərbaycan artıq vahid geosiyasi və geoiqtisadi məkana çevrilib.

Həmçinin qeyd etmək istərdim ki, mən bu formatın tamhüquqlu üzvü qismində məşvərət görüşündə ilk dəfədir iştirak edirəm. Mərkəzi Asiyanın bütün dövlət başçılarına Azərbaycanın bu qrupun tamformatlı tərkibinə daxil edilməsinə dair keçən il Özbəkistanda qəbul edilmiş tarixi qərara görə bir daha minnətdarlığımı bildirmək istərdim. Bu görüşə qədər mən fəxri qonaq qismində qatılırdım, indi isə komandanın tamhüquqlu üzvü kimi iştirak edirəm.

Bütün həmkarlarıma bir daha təşəkkürümü bildirirəm. Sizi əmin etmək istəyirəm ki, Azərbaycan məşvərət formatının fəal üzvü olacaq və öz tərəfindən əməkdaşlığı daha da inkişaf etdirmək, ölkələrimizi və xalqlarımızı daha sıx yaxınlaşdırmaq üçün bütün səylərini göstərəcək.

Diqqətinizə görə təşəkkür edirəm.

x x x

Sonra digər prezidentlər çıxış etdilər.

Görüşün sonunda Çolpon-Ata Bəyannaməsi imzalandı.

12:39

Qırğızıstanın Çolpon-Ata şəhərində Azərbaycanın və Mərkəzi Asiya ölkələrinin Dövlət Başçılarının qeyri-rəsmi görüşü keçirilib.

"Report"un Qırğızıstana ezam olunan əməkdaşı xəbər verir ki, Azərbaycanın və Mərkəzi Asiya ölkələrinin Dövlət Başçılarının qeyri-rəsmi görüşündə iştirak etmək üçün Azərbaycan Prezidenti İlham Əliyev Çolpon-Ata şəhərindəki Konqres Mərkəzinə gəlib.

Qırğızıstan Prezidenti Sadır Japarov dövlət başçısını və görüşdə iştirak edən digər prezidentləri qarşılayıb.

Azərbaycanın, Qırğızıstanın, Özbəkistanın, Qazaxıstanın, Tacikistanın və Türkmənistanın dövlət başçıları birgə foto çəkdiriblər.

Dövlət başçısı İlham Əliyev görüşdə çıxış edib.

Sonra digər prezidentlər çıxış ediblər.

Görüşün sonunda Çolpon-Ata Bəyannaməsi imzalanıb.

11:55

Qırğızıstanın Çolpon-Ata şəhərində Azərbaycanın və Mərkəzi Asiya ölkələrinin Dövlət Başçılarının qeyri-rəsmi görüşü keçirilir.

"Report"un Qırğızıstana ezam olunmuş əməkdaşı xəbər verir ki, Azərbaycanın və Mərkəzi Asiya ölkələrinin Dövlət Başçılarının qeyri-rəsmi görüşündə iştirak etmək üçün Azərbaycan Respublikasının Prezidenti İlham Əliyev Çolpon-Ata şəhərindəki Konqres Mərkəzinə gəldi.

Çolpon-Ata şəhərində iyulun 31-də Qırğız Respublikasının Prezidenti Sadır Japarovun və birinci xanım Ayqul Japarovanın adından Azərbaycan Prezidenti İlham Əliyevin və birinci xanım Mehriban Əliyevanın şərəfinə dövlət ziyafəti verilib.

Bu barədə "Report"un Qırğızıstana ezam olunmuş əməkdaşı xəbər verir.

Qırğızıstan ilə Azərbaycan bir-birini daim dəstəkləyir və qarşılıqlı maraq doğuran məsələlər üzrə mövqelərini uğurla əlaqələndirir.

"Report"un Qırğızıstana ezam olunmuş əməkdaşı xəbər verir ki, bu barədə Qırğızıstan Prezidenti Sadır Japarov Prezident İlham Əliyev ilə mətbuata birgə bəyanatında bildirib.

Qırğızıstan dövlətinin başçısı vurğulayıb: "Məmnunluqla qeyd edirəm ki, Qırğızıstan ilə Azərbaycan arasında siyasi dialoq bu gün ən yüksək səviyyədədir. Müntəzəm təmaslar və qarşılıqlı etimad bu gün qurulan müttəfiqlik münasibətlərinin bundan sonra da möhkəmlənməsi üçün möhkəm zəmin yaradır".

Bu gün biz Sizinlə qarşılıqlı fəaliyyətimizin möhkəmləndirilməsinə birgə səylərimizi bir daha nümayiş etdirərək, dövlətlərarası münasibətlərimizi ən yüksək səviyyəyə qaldırdıq.

"Report"un Qırğızıstana ezam olunmuş əməkdaşı xəbər verir ki, bu barədə Azərbaycan Prezidenti İlham Əliyev Qırğızıstan Prezidenti Sadır Japarov ilə mətbuata birgə bəyanatında bildirib.

Dövlət başçısı vurğulayıb: "Müttəfiqlik münasibətləri çox böyük məsuliyyət deməkdir və biz bu məsuliyyətə hazırıq. Biz bütün təşəbbüslərdə - həm beynəlxalq platformalarda, həm də iqtisadi-ticari sahədə və təhlükəsizliyin möhkəmləndirilməsində bir-birimizi bundan sonra da dəstəkləyəcəyik".

Azərbaycan və Qırğızıstanın 6 şəhəri qardaşlaşıb.

"Report"un Qırğızıstana ezam olunan əməkdaşı xəbər verir ki, bununla bağlı iki ölkə arasında imzalanmış sənədlərin iyulun 31-də Azərbaycan Prezidenti İlham Əliyevin və Qırğızıstan Prezidenti Sadır Japarovun iştirakı ilə mübadiləsi mərasimi olub.

Belə ki, Azərbaycanın Şuşa şəhəri ilə Qırğızıstanın Çolpon-Ata şəhəri arasında, Qəbələ şəhəri ilə Karakol şəhəri arasında, Gəncə şəhəri ilə Oş şəhəri arasında əməkdaşlığın və qardaşlaşma əlaqələrinin yaradılması haqqında anlaşma memorandumları imzalanıb.

Qırğızıstan Prezidenti Sadır Japarov Azərbaycanla Müttəfiqlik münasibətləri haqqında Müqavilənin imzalanmasını tarixi hadisə adlandırıb.

"Report"un Qırğızıstana ezam olunmuş əməkdaşı xəbər verir ki, bu barədə Sadır Japarov Azərbaycan Prezidenti İlham Əliyevlə mətbuata birgə bəyanatla çıxış edərkən bildirib.

"Bugünkü danışıqların mühüm nəticəsi Müttəfiqlik münasibətləri haqqında Müqavilənin imzalanması oldu. Bu, Qırğızıstan-Azərbaycan əməkdaşlığının yeni mərhələsindən xəbər verən həqiqətən də tarixi bir hadisədir", - S.Japarov bildirib.

O əlavə edib ki, energetika, nəqliyyat, kibertəhlükəsizlik, təhsil, maliyyə bazarının tənzimlənməsi, eləcə də qiymətli metalların dövriyyəsi sahələrini əhatə edən sanballı ikitərəfli sənədlər paketi imzalanıb:

"Ticari-iqtisadi qarşılıqlı fəaliyyətin ardıcıl inkişafını və qarşılıqlı ticarət dövriyyəsinin davamlı artımını qeyd etdik. İşgüzar əlaqələrin genişləndirilməsi və birgə investisiya layihələrinin həyata keçirilməsi üçün bundan sonra da əlverişli şərait yaratmaq barədə razılığa gəldik".

Müttəfiqlik münasibətləri – çox böyük məsuliyyətdir və biz bu məsuliyyətə hazırıq.

"Report"un Qırğızıstana ezam olunmuş müxbiri xəbər verir ki, bu barədə Azərbaycan Prezidenti İlham Əliyev Qırğızıstan Prezidenti Sadır Japarovla mətbuata birgə bəyanatla çıxış edərkən bildirib.

"Bu gün biz sizinlə birlikdə qarşılıqlı fəaliyyətimizin möhkəmləndirilməsinə olan birgə niyyətimizi bir daha nümayiş etdirərək, dövlətlərarası münasibətlərimizi ən yüksək səviyyəyə qaldırdıq. Biz bundan sonra da bütün təşəbbüslərdə, həm beynəlxalq platformalarda, həm ticari-iqtisadi sahədə, həm də təhlükəsizliyin möhkəmləndirilməsi sahəsində bir-birimizi dəstəkləyəcəyik", - İlham Əliyev qeyd edib.

Dövlət başçısı həmçinin Sadır Japarovu Azərbaycana dövlət səfərinə dəvət edib.

"Azərbaycan Respublikası ilə Qırğız Respublikası arasında müttəfiqlik münasibətləri haqqında Müqavilə" imzalanıb.

"Report"un Qırğızıstana ezam olunan müxbirinin verdiyi məlumata əsasən, müqaviləni iki ölkənin prezidenti İlham Əliyev və Sadır Japarov imzalayıblar.

Bundan başqa dövlət başçıları arasında "Azərbaycan Respublikası və Qırğız Respublikasının Dövlətlərarası Şurasının 3-cü iclasının Qərarı" imzalanıb.

İyulun 31-də Azərbaycan Respublikasının Prezidenti İlham Əliyev və Qırğız Respublikasının Prezidenti Sadır Japarov mətbuata bəyanatlarla çıxış ediblər.

"Report"un Qırğızıstana ezam olunan müxbiri xəbər verir ki, əvvəlcə Qırğızıstan Prezidenti bəyanatla çıxış etdi.

Prezident Sadır Japarovun bəyanatı

-Hörmətli İlham Heydər oğlu.

Hörmətli media nümayəndələri.

Bu gün Azərbaycan Prezidenti, hörmətli İlham Heydər oğlunu və Azərbaycan nümayəndə heyətinin üzvlərini qonaqpərvər Qırğız torpağında böyük məmnunluqla salamlayırıq.

Qırğız Respublikasına dövlət səfəri ilə bağlı dəvətimi qəbul etdiyinizə görə Sizə minnətdaram.

Əminəm ki, bu səfər qardaş münasibətlərimizin möhkəmlənməsinə yeni impuls verəcək. Qırğızıstan ilə Azərbaycan bir-birini daim dəstəkləyir və qarşılıqlı maraq doğuran məsələlər üzrə mövqelərini uğurla əlaqələndirir. Məmnunluqla qeyd edirəm ki, Qırğızıstanla Azərbaycan arasında siyasi dialoq bu gün ən yüksək səviyyədədir. Müntəzəm təmaslar və qarşılıqlı etimad bu gün qurulan müttəfiqlik münasibətləri üçün möhkəm zəmin yaradır.

Biz cənab Prezidentlə Qırğızıstan-Azərbaycan əməkdaşlığına dair məsələlərin bütün kompleksi üzrə ətraflı və etimada əsaslanan danışıqlar apardıq. Bizim sədrliyimiz ilə Dövlətlərarası Şuranın 3-cü iclası keçirildi və Qərar imzalandı. Şuranın qərarlarının həyata keçirilməsinə dair informasiyanı dinlədik və birgə təşəbbüslərin yerinə yetirilməsinin gedişatını, o cümlədən Azərbaycan-Qırğızıstan Fondunun fəaliyyətini müzakirə etdik.

İkitərəfli qarşılıqlı fəaliyyətin əsas istiqamətlərini nəzərdən keçirdik və tərəfdaşlığımızın inkişafına dair yeni addımları müəyyən etdik. Bugünkü danışıqların mühüm yekunu müttəfiqlik münasibətləri haqqında Müqavilənin imzalanması oldu. Bu tarixi hadisə, həqiqətən də Qırğızıstan-Azərbaycan əməkdaşlığının yeni mərhələsinin əsasını qoyur. Bundan başqa, energetika, nəqliyyat, kibertəhlükəsizlik, təhsil, maliyyə bazarının tənzimlənməsini, həmçinin qiymətli metalların dövriyyəsini əhatə edən ikitərəfli sənədlərdən ibarət sanballı zərf imzalanıb. Qarşılıqlı iqtisadi-ticari fəaliyyətin davamlı inkişafını və əmtəə dövriyyəsinin dayanıqlı artımını qeyd etdik. Gələcəkdə də işgüzar əlaqələrin genişlənməsi, müştərək investisiya layihələrinin həyata keçirilməsi üçün əlverişli şərait yaradılmasına dair razılıq əldə etdik. Bu gün Azərbaycan-Qırğızıstan Fondunun fəaliyyəti çərçivəsində 3 birgə layihənin açılışı oldu və 8 təşəbbüsün həyata keçirilməsinə start verildi.

Nəqliyyat dəhlizlərinin inkişafı və ölkələrimizin tranzit potensialından səmərəli istifadə edilməsi məsələlərinə xüsusi diqqət yetirdik. Azərbaycanın Mərkəzi Asiyanı Avropa bazarları ilə birləşdirən Orta Dəhlizin əsas bəndi kimi mühüm rolunu qeyd etdik. Həmçinin energetika sahəsində perspektivli istiqamətləri və birgə layihələrin həyata keçirilməsi imkanlarını müzakirə etdik. Bu gün İssık-Kul gölü sahilində Azərbaycanın inşa etdiyi ilk 5 ulduzlu hotelin təntənəli açılışı olacaq.

Əminəm ki, bu layihə xalqlarımız arasında möhkəm dostluğun daha bir rəmzi olacaq və turizm potensialının inkişafına mühüm töhfə verəcək.

Beynəlxalq təşkilatlar çərçivəsində bizim səmərəli qarşılıqlı fəaliyyətimizi xüsusi qeyd etmək istərdim. Hörmətli İlham Heydər oğlunu VI Ümumdünya Köçəri Oyunlarının təntənəli açılış mərasimində, "ŞƏT+" Sammitində, həmçinin 2027-ci il oktyabrın 21-23-də keçiriləcək "Bişkek+25" ikinci Qlobal Dağ Sammitində iştiraka dəvət etdim.

Çıxışımın sonunda bugünkü danışıqların yekunları ilə bağlı məmnunluğumu ifadə etmək istərdim.

Hörmətli İlham Heydər oğlu, məzmunlu fikir mübadiləsinə, Qırğızıstan-Azərbaycan münasibətlərinin inkişafına şəxsi diqqətinizə və xalqlarımız arasında dostluğun möhkəmlənməsinə daimi sadiqliyinizə görə Sizə minnətdaram. Əldə olunan razılaşmalar Qırğızıstanın və Azərbaycanın müttəfiqlik münasibətlərinin gələcəkdə də dərinləşməsinə qarşılıqlı səyləri təsdiqləyir.

Diqqətinizə görə təşəkkür edirəm.

x x x

Sonra Azərbaycan Prezidenti bəyanatla çıxış etdi.

Prezident İlham Əliyevin bəyanatı

-Hörmətli Sadır Nurqojoyeviç.

Əziz dostlar.

Hörmətli cənab Prezident, əvvəlcə, Qırğızıstana dövlət səfərinə dəvət etdiyinizə, mənə qardaş Qırğızıstan torpağında göstərilən ənənəvi qonaqpərvərliyə görə Sizə bir daha minnətdarlığımı bildirmək istəyirəm. Bu gün biz Sizinlə dövlətlərarası münasibətləri ən yüksək səviyyəyə qaldırdıq, qarşılıqlı fəaliyyətimizin möhkəmlənməsinə birgə səyləri bir daha nümayiş etdirdik.

Müttəfiqlik münasibətləri çox böyük məsuliyyət deməkdir və biz bu məsuliyyətə hazırıq. Biz bütün təşəbbüslərdə - həm beynəlxalq platformalarda, həm də iqtisadi-ticari sahədə və təhlükəsizliyin möhkəmləndirilməsində bir-birimizi bundan sonra da dəstəkləyəcəyik.

Siz qeyd etdiyiniz kimi, bu gün imzalanan sənədlər zərfi qarşılıqlı fəaliyyətimizin geniş sferasını nümayiş etdirir. Əminəm ki, səfərimin nəticələrinə görə əldə olunan razılaşmalar da əvvəlkilər kimi uğurla həyata keçiriləcək.

Bu gün biz birgə Azərbaycan-Qırğız İnvestisiya Fondunun maliyyə vəsaitinin iki dəfə - 200 milyon dollara qədər artırılması barədə razılıq əldə etdik. Əminəm ki, bu da son hədd deyil, çünki Fondun fəaliyyəti üzrə bizə nümayiş etdirilən təqdimat konkret məzmunla zənginləşir. Qırğızıstanda həyata keçirilən çoxlu layihə var və onlar birgə istehsal, yeni iş yerləri yaradır, qarşılıqlı fəaliyyətimizin iqtisadi potensialını möhkəmləndirir.

Həmçinin bu gün həmkarlarımızla bizim birgə qərarımız olan "Bakı" hotelinin açılışında da iştirak edəcəyik. Biz çox sevinirik və fəxr edirik ki, İssık-Kulun sahilində ilk beşulduzlu hotel Azərbaycan dövlətinin vəsaiti ilə inşa edilib və "Bakı" adını daşıyır.

Biz, həmçinin Qarabağın bərpasına göstərilən kömək üçün daim minnətdarlığımızı ifadə edirik. Sizinlə birlikdə Ağdam rayonunda "Manas" adını daşıyan məktəbin açılışında iştirak etdik. Bu, Qırğız xalqının 30 il ərzində işğaldan zərər çəkən Qarabağın bərpası işinə böyük töhfəsi oldu.

Bizi tarix, mədəniyyət, xalqlarımızın görkəmli nümayəndələrinə hörmət ilə bağlı çox şey birləşdirir. Biz Sizinlə, həmçinin Bakıda Çingiz Aytmatovun abidəsini və onun adını daşıyan parkın açılışını etdik. Bu yerlər, həmçinin Çingiz Aytmatovun həyatı və fəaliyyəti ilə bağlıdır. Bu gün görüş keçirdiyimiz ev də onunla bağlıdır və divarlarda onun portreti var. Bütün bunlar bizim bir-birimizə yaxınlaşmaq səylərimizi nümayiş etdirir.

Bir neçə il əvvəl Sizinlə birlikdə Bişkekdə Qırğızıstan-Azərbaycan dostluğu parkının açılışını da unutmayacağam. Bu park da birgə əməkdaşlığımızın paytaxtdakı kiçik guşəsidir.

Bu gün bizim danışdığımız humanitar əlaqələr – Qırğızıstanda Azərbaycanın, Azərbaycanda isə Qırğızıstanın Mədəniyyət Günləri müsbət ab-hava yaradır, ortaq köklərə malik və bir neçə beynəlxalq strukturda birləşmiş xalqlarımızın necə yaxın olduğunu bir daha nümayiş etdirir.

Həmçinin Sizə, Mərkəzi Asiya ölkələrinin digər prezidentlərinə Azərbaycanın Mərkəzi Asiya Məşvərət görüşlərinə tamhüquqlu üzv qəbul olunmasına görə təşəkkürümü bildirmək istərdim. Hazırda o, "Mərkəzi Asiyanın və Azərbaycanın dövlət liderlərinin görüşü" adlanır. Növbəti görüş bir müddətdən sonra keçiriləcək. Belə xoş münasibətə və bu yüksək mükafata görə bir daha təşəkkürümü bildirirəm.

Öz tərəfimdən Sizi uyğun hesab etdiyiniz vaxtda Azərbaycana yenidən dövlət səfərinə dəvət edirəm. Diqqətinizə görə təşəkkür edirəm.

09:22

Azərbaycan Prezidenti İlham Əliyev və Qırğız Respublikasının Prezidenti Sadır Japarov mətbuata bəyanatlarla çıxış ediblər.

Bu barədə "Report"un Qırğızıstana ezam olunmuş əməkdaşı xəbər verir.

Azərbaycan və Qırğızıstan prezidentlərinin iyulun 31-də təltifolunma mərasimi keçirilib.

"Report"un Qazaxıstana ezam olunmuş əməkdaşı xəbər verir ki, mərasimdə çıxış edən Qırğızıstan Prezidenti Sadır Japarov dedi:

-Hörmətli İlham Heydər oğlu.

Hörmətli xanımlar və cənablar.

Müasir Azərbaycan regional və beynəlxalq proseslərdə mühüm rol oynayan güclü və nüfuzlu dövlətdir. Sizin Azərbaycana rəhbərlik etdiyiniz illərdə dövlətçiliyin möhkəmlənməsi, iqtisadiyyatın inkişafı və irimiqyaslı layihələrin həyata keçirilməsi üzrə böyük nailiyyətlər əldə olunub. Sizin dəstəyiniz və daimi yaxınlaşmaq səyləriniz sayəsində qardaş ölkələrimiz möhkəm dostluğa və qarşılıqlı etimada əsaslanan əsl strateji tərəfdaşlıq münasibətləri əldə edib.

Bu gün münasibətlərimiz keyfiyyətcə geniş səviyyəyə yüksəlib və müttəfiqlik xarakteri qazanıb. Mərkəzi Asya ilə Cənubi Qafqaz arasında əlaqələrin inkişafında Sizin rolunuz xüsusi əhəmiyyətə malikdir. Azərbaycanın Mərkəzi Asya dövlət başçılarının Məşvərət görüşlərində iştirakı iqtisadi-ticari, nəqliyyat və energetika sahələrində əməkdaşlığın genişləndirilməsi üçün yeni imkanlar açır. Siz, həmçinin öz nüfuzunuzu ardıcıl olaraq regionda möhkəm sülhün bərqərar olmasına, sabitliyin möhkəmlənməsinə və yeni əməkdaşlıq mühitinin yaranmasına yönəldirsiniz.

Ölkələrimiz arasında dostluğun möhkəmləndirilməsinə Sizin sadiqliyiniz Qırğız xalqında dərin hörmət hissləri doğurur. Məhz bu səbəbə görə əziz dostum və qardaşım, Azərbaycan Respublikasının Prezidenti hörmətli İlham Heydər oğlu Əliyevin Qırğız Respublikasının ali dövlət mükafatı – "Manas" ordeni ilə təltif olunması qərarını qəbul etdim.

Bu yüksək mükafat Sizin Qırğızıstan–Azərbaycan münasibətlərinin möhkəmlənməsinə şəxsi töhfənizin təsdiqidir.

Qırğız Respublikasının xalqı adından və şəxsən öz adımdan Sizi bu yüksək mükafat münasibətilə səmimi-qəlbdən təbrik edirəm. Sizə möhkəm cansağlığı, əmin-amanlıq və ali dövləti fəaliyyətinizdə yeni-yeni uğurlar, qardaş Azərbaycan xalqına isə sülh və tərəqqi arzulayıram.

Hörmətli İlham Heydər oğlu, icazə verin, "Manas" ordenini Sizə təqdim edim.

x x x

Sonra Azərbaycan Prezidenti İlham Əliyevin Qırğız Respublikası ilə Azərbaycan Respublikası arasında strateji tərəfdaşlığın inkişafına, iki ölkənin xalqları arasında dostluğun möhkəmlənməsinə mühüm töhfəsinə görə 1-ci dərəcəli "Manas" ordeni ilə təltif edilməsi haqqında Qırğızıstan Prezidenti Sadır Japarovun Fərmanı oxundu.

Prezident Sadır Japarov 1-ci dərəcəli "Manas" ordenini dövlətimizin başçısına təqdim etdi.

x x x

Azərbaycan Prezidenti İlham Əliyev çıxış edərək dedi:

- Hörmətli Sadır Nurqojoyeviç.

Əziz dostlar.

Əvvəlcə, bu yüksək mükafata görə Sizə səmimi qəlbdən təşəkkür etmək istərdim. Mən onu Qırğızıstan ilə Azərbaycan arasında qardaşlıq əlaqələrinin möhkəmləndirilməsi işində fəaliyyətimə Sizin verdiyiniz qiymət hesab edirəm. Sizinlə əməkdaşlıq illərimiz ərzində ölkələrimiz çox böyük və şərəfli yol qət edib, dövlətlərarası münasibətlərimiz strateji müttəfiqlik səviyyəsinə yüksəlib. Dünyada bundan yüksək səviyyə mövcud deyil. Qardaş ölkələrimiz arasında əlaqələrin möhkəmləndirilməsində şəxsi iştirakınıza görə Sizə çox dərindən minnətdaram.

Bizim mehriban, dost və qardaş münasibətlərimiz ölkələrimiz arasında bugünkü uğurlu inkişafın mühüm amilidir. Həmçinin mənim ünvanıma söylədiyiniz xoş sözlərə, bu yüksək ordenə görə Sizə səmimi minnətdarlığımı bildirirəm və Sizi əmin edirəm ki, Qırğızıstan-Azərbaycan münasibətlərinin ölkələrimizin və xalqlarımızın rifahı naminə davamlı inkişafı üçün bundan sonra da bütün səylərimi göstərəcəyəm.

Belə yüksək mükafata görə bir daha ürəkdən təşəkkür edirəm.

x x x

Sonra Qırğız Respublikasının Prezidenti Sadır Japarovun Azərbaycan ilə Qırğızıstan arasında dostluq, qardaşlıq və tərəfdaşlıq əlaqələrinin inkişafında xüsusi xidmətlərinə görə "Heydər Əliyev" ordeni ilə təltif olunması haqqında Azərbaycan Respublikası Prezidentinin Sərəncamı oxundu.

x x x

Çıxışına davam edən Prezident İlham Əliyev dedi: Bu yüksək mükafatı təqdim etməzdən əvvəl, Sadır Nurqojoyeviç, şəxsən Sizi, Sizin komandanızı, qardaş Qırğız xalqını Qırğızıstanın Sizin rəhbərliyiniz ilə qazanılan tarixi nailiyyətlər münasibətilə bir daha təbrik etmək istərdim. Mən Qırğızıstana ilk dəfə deyil ki, səfər edirəm, amma məhz Sizin prezidentliyiniz dövründə bizim aramızdakı təmaslar müntəzəm xarakter daşıyır. Mənim Qırğızıstana səfərlərimi və Sadır Nurqojoyeviçin Azərbaycana səfərlərini saysaq, onlarla qarşılıqlı səfər həyata keçirilib.

Lakin bütün bunlar məhz qardaş Qırğızıstan xalqının ölkə Prezidenti kimi yüksək vəzifəni Sizə etimad etməsindən sonra baş verir. Dəyişiklikləri hamı görür. Bunları həm dostlar, həm də ölkəyə gələn xarici müşahidəçilər görürlər. Onları görməmək mümkün deyil. Hətta bu gün İssık-Kul rayonunda müşahidə etdiklərimiz də Sadır Nurqojoyeviçin Qırğızıstana rəhbərliyi olmadan təsəvvür etmək mümkün deyil. Qırğız torpağının bu gözəl guşəsi hazırda ən əsas inkişaf dövrünü keçirir. Tarixdə heç kim heç vaxt belə qısa müddətdə burada gördüyümüz güclü inkişafın şahidi olmayıb. Bu, şəxsən Sizin xidmətinizdir. Sizin öz xalqınıza, öz köklərinizə, Qırğız xalqının yüksək mənəvi dəyərlərinə sədaqətinizdir və Qırğızıstanı yeni inkişaf səviyyəsinə yüksəltmək səylərinizdir. Siz buna nail olursunuz. Bu gün Sizin ölkənizin beynəlxalq nüfuzu ən yüksək səviyyədədir və Qırğızıstanın beynəlxalq ali orqana seçilməsi bunu təsdiq edir.

İqtisadi inkişaf, sosial tərəqqi Sizin Qırğız xalqına qayğınızın göstəricisidir. Necə ki, bu gün Qırğızıstandan xaricə deyil, xaricdən Qırğızıstana miqrasiya axını baş verir. Bütün bunlar Sizin şəxsi iştirakınız, Sizin qərarlarınız, Sizin uzaqgörənliyiniz sayəsində mümkün olub. Mən Bişkekdə dəfələrlə olmuşam, İssık-Kulun gözəl sahilinə də ilk dəfədir ki, gəlmirəm. Deyə bilərəm ki, bütün ölkə boyu inkişaf gedir. Əlbəttə, Qırğızıstan vətəndaşları bunu daha yaxşı bilirlər. Düşünürəm ki, Sizə göstərilən ümumxalq dəstəyi Sizin əməyinizin başlıca nəticəsidir və yəqin ki, ən böyük mükafatdır. Azərbaycan da Sizin həm Qırğızıstanın inkişafına, həm də ölkələrimiz arasında qardaşlıq münasibətlərinin möhkəmlənməsinə töhfənizi yüksək qiymətləndirir. Mənim Fərmanımla Siz Azərbaycanın ali ordeni – "Heydər Əliyev" ordeni ilə təltif olunmusunuz. İndicə Fərmanı elan etdilər. İcazə verin bu yüksək mükafatı Sizə təqdim edim.

x x x

Prezident İlham Əliyev "Heydər Əliyev" ordenini Prezident Sadır Japarova təqdim etdi.

x x x

Prezident Sadır Japarov dedi: Hörmətli İlham Heydər oğlu.

İcazə verin, göstərilən hörmət və dostluq əlamətinə görə, Sizə səmimi minnətdarlığımı bildirim. Azərbaycan Respublikasının yüksək dövlət mükafatlarından birini - "Heydər Əliyev" ordenini Sizin əlinizdən qəbul etmək mənim üçün böyük şərəfdir. Bu mükafat mənim üçün xüsusi əhəmiyyətə malikdir, çünki müasir Qırğızıstan-Azərbaycan münasibətlərinin formalaşmasının əsasını qoyan görkəmli dövlət xadiminin, Azərbaycan xalqının böyük oğlunun adını daşıyır.

Mən bu ordeni xalqlarımız arasında möhkəm münasibətlərin, strateji tərəfdaşlığa və müttəfiqliyə ortaq sadiqliyin rəmzi kimi qəbul edirəm. Bu xüsusi jestə, Qırğızıstana göstərdiyiniz diqqətə, xalqlarımızın yaxınlaşmasına daimi səylərinizə görə Sizə minnətdaram.

Sizə təşəkkür edirəm. Sağ olun.

09:19

İyulun 31-də Azərbaycan və Qırğızıstan prezidentlərinin təltifolunma mərasimi keçirilib.

"Report"un Qırğızıstana ezam olunmuş müxbiri xəbər verir ki, Qırğızıstan Prezidenti Sadır Japarov 1-ci dərəcəli "Manas" ordenini dövlətimizin başçısına təqdim etdi.

Prezident İlham Əliyev isə "Heydər Əliyev" ordenini Qırğız Respublikasının Prezidenti Sadır Japarova təqdim etdi.

Azərbaycan Respublikası ilə Qırğız Respublikası arasında imzalanmış sənədlərin iyulun 31-də Azərbaycan Prezidenti İlham Əliyevin və Qırğızıstan Prezidenti Sadır Japarovun iştirakı ilə mübadiləsi mərasimi olub.

"Report" xəbər verir ki, dövlət başçıları "Azərbaycan Respublikası və Qırğız Respublikasının Dövlətlərarası Şurasının üçüncü iclasının Qərarı"nı və "Azərbaycan Respublikası ilə Qırğız Respublikası arasında müttəfiqlik münasibətləri haqqında Müqavilə"ni imzalayıblar.

"Azərbaycan Respublikası Hökuməti ilə Qırğız Respublikası Nazirlər Kabineti arasında Azərbaycan-Qırğız İnkişaf Fondunun yaradılması haqqında 2022-ci il 11 oktyabr tarixli Sazişə dəyişikliklərin edilməsi haqqında İkinci Əlavə Saziş"i Azərbaycanın iqtisadiyyat naziri Mikayıl Cabbarov və Qırğızıstanın iqtisadiyyat və ticarət naziri Bakıt Sıdıkov mübadilə etdilər.

"Azərbaycan Respublikası Hökuməti ilə Qırğız Respublikası Nazirlər Kabineti arasında beynəlxalq avtomobil əlaqələri haqqında Saziş"i Azərbaycanın rəqəmsal inkişaf və nəqliyyat naziri Rəşad Nəbiyev və Qırğızıstanın nəqliyyat və rabitə naziri Talantbek Soltobayev mübadilə etdilər.

"Azərbaycan Respublikasının Rəqəmsal İnkişaf və Nəqliyyat Nazirliyi ilə Qırğız Respublikasının Nəqliyyat və Kommunikasiya Nazirliyi arasında yükdaşımalar, gəmiçilik və gəmiqayırma sahəsində əməkdaşlıq haqqında Anlaşma Memorandumu"nu Azərbaycanın rəqəmsal inkişaf və nəqliyyat naziri Rəşad Nəbiyev və Qırğızıstanın nəqliyyat və rabitə naziri Talantbek Soltobayev mübadilə etdilər.

"Azərbaycan Respublikasının Energetika Nazirliyi ilə Qırğız Respublikasının Energetika Nazirliyi arasında neft məhsullarının tədarükü sahəsində əməkdaşlıq haqqında Anlaşma Memorandumu"nu Azərbaycanın Baş nazirinin müavini Samir Şərifov və Qırğızıstanın energetika naziri Altınbek Rısbekov mübadilə etdilər.

"Azərbaycan Respublikası ilə Qırğız Respublikası arasında energetika sahəsində əməkdaşlıq üzrə 2026-2028-ci illər üçün Yol Xəritəsi"ni Azərbaycanın Baş nazirinin müavini Samir Şərifov və Qırğızıstanın energetika naziri Altınbek Rısbekov mübadilə etdilər.

"2024-cü il aprelin 24-də Bakı şəhərində imzalanmış Azərbaycan Respublikasının Nazirlər Kabineti ilə Qırğız Respublikasının Nazirlər Kabineti arasında 2024-2029-cu illər üçün Əməkdaşlıq Proqramının həyata keçirilməsinə dair Yol Xəritəsi"ni Azərbaycanın Baş nazirinin müavini Samir Şərifov və Qırğızıstanın iqtisadiyyat və ticarət naziri Bakıt Sıdıkov mübadilə etdilər.

"Azərbaycan Respublikasının Dövlət Statistika Komitəsi ilə Qırğız Respublikasının Milli Statistika Komitəsi arasında statistika sahəsində əməkdaşlıq haqqında Anlaşma Memorandumu"nu Azərbaycanın Qırğızıstandakı səfiri Lətif Qəndilov və Qırğızıstanın Milli Statistika Komitəsinin sədri Baktıbek Kudaybergenov mübadilə etdilər.

"Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidməti ilə Qırğız Respublikasının Dövlət Milli Təhlükəsizlik Komitəsi arasında kibertəhlükəsizlik sahəsində Anlaşma Memorandumu"nu Azərbaycanın Qırğızıstandakı səfiri Lətif Qəndilov və Qırğızıstanın Dövlət Milli Təhlükəsizlik Komitəsinin sədri Maksat Asanaliyev mübadilə etdilər.

"Azərbaycan Respublikasının Mərkəzi Bankı ilə Qırğız Respublikasının İqtisadiyyat və Ticarət Nazirliyi yanında Maliyyə Bazarının Tənzimlənməsi və Nəzarəti Xidməti arasında əməkdaşlıq haqqında Anlaşma Memorandumu"nu Azərbaycanın Qırğızıstandakı səfiri Lətif Qəndilov və Qırğızıstanın İqtisadiyyat və Ticarət Nazirliyi yanında Maliyyə Bazarının Tənzimlənməsi və Nəzarəti Xidmətinin sədri Kayrat Mamatov mübadilə etdilər.

"Azərbaycan Respublikasının Şuşa şəhəri ilə Qırğız Respublikasının Çolpon-Ata şəhəri arasında qardaşlaşma əlaqələrinin yaradılması haqqında Anlaşma Memorandumu"nu Azərbaycanın Qırğızıstandakı səfiri Lətif Qəndilov və Qırğızıstanın Çolpon-Ata şəhərinin meri Rustam Kadırkulov mübadilə etdilər.

"Azərbaycan Respublikasının Qəbələ şəhəri ilə Qırğız Respublikasının Karakol şəhəri arasında qarşılıqlı əməkdaşlıq və qardaşlaşma əlaqələrinin yaradılması haqqında Memorandum"u Azərbaycanın Qırğızıstandakı səfiri Lətif Qəndilov və Qırğızıstanın Karakol şəhərinin meri Talantbek İmanov mübadilə etdilər.

"Azərbaycan Respublikasının Gəncə şəhəri ilə Qırğız Respublikasının Oş şəhəri arasında əməkdaşlığın və qardaşlaşma əlaqələrinin yaradılması haqqında Anlaşma Memorandumu"nu Azərbaycanın Qırğızıstandakı səfiri Lətif Qəndilov və Qırğızıstanın Oş şəhərinin meri Janar Akayev mübadilə etdilər.

"AzerGold" QSC ilə "Kyrgyzaltyn" ASC arasında əməkdaşlıq və qarşılıqlı fəaliyyət haqqında Memorandum"u "AzerGold" QSC-nin İdarə Heyətinin sədri Zakir İbrahimov və "Kyrgyzaltyn" ASC-nin İdarə Heyətinin sədri Kubat Abdraimov mübadilə etdilər.

09:06

Azərbaycan Respublikası ilə Qırğız Respublikası arasında imzalanmış sənədlərin iyulun 31-də Azərbaycan Prezidenti İlham Əliyevin və Qırğızıstan Prezidenti Sadır Japarovun iştirakı ilə mübadiləsi mərasimi olub.

"Report"un Qırğızıstana ezm olunmuş müxbiri xəbər verir ki, dövlət başçıları "Azərbaycan Respublikası və Qırğız Respublikasının Dövlətlərarası Şurasının 3-cü iclasının Qərarı"nı və "Azərbaycan Respublikası ilə Qırğız Respublikası arasında müttəfiqlik münasibətləri haqqında Müqavilə"ni imzalayıblar.

Azərbaycan və Qırğızıstan münasibətlərini müttəfiqlik səviyyəsinə yüksəldir.

"Report"un Qırğızıstana ezam olunan əməkdaşı xəbər verir ki, bu barədə Prezident İlham Əliyev Çolpon-Ata şəhərində keçirilən Azərbaycan və Qırğızıstan Dövlətlərarası Şuranın 3-cü iclasında bildirib.

"Bu, qarışıqlı fəaliyyətin ən yüksək səviyyəsidir", - deyə dövlətimizin başçısı vurğulayıb.

Azərbaycan-Qırğız İnvestisiya Fondunun vəsaitlərinin artırılması barədə qərar qəbul olunub.

"Report"un Qırğızıstana ezam olunan əməkdaşı xəbər verir ki, bu barədə Prezident İlham Əliyev Çolpon-Ata şəhərində keçirilən Azərbaycan və Qırğızıstan Dövlətlərarası Şuranın 3-cü iclasında bildirib.

Dövlətimizin başçısı qeyd edib: "Şadam ki, Azərbaycan-Qırğız Fondu uğurla fəaliyyət göstərir. Fondun vəsaitlərinin artırılması barədə qərar qəbul etdik və bir neçə layihə artıq həyata keçirilir. Əminəm ki, Fond inkişaf etdikcə, layihələrin sayı da artacaq. Bu, ortaq məqsədlərimizə xidmət edəcək".

Prezident İlham Əliyev Azərbaycan və Qırğızıstanın humanitar sahədə əlaqələrinin uğurlu inkişafını qeyd edib.

"Report"un Qırğızıstana ezam olunan əməkdaşı xəbər verir ki, Çolpon-Ata şəhərində keçirilən Azərbaycan və Qırğızıstan Dövlətlərarası Şuranın 3-cü iclasında çıxış edən dövlətimizin başçısı vurğulayıb: "Mən, həmçinin şadam ki, humanitar sahədə əlaqələrimiz uğurla inkişaf edir. Bu yaxınlarda keçirilən Azərbaycanda Qırğızıstan Mədəniyyəti Günləri və Qırğızıstanda Azərbaycan Günləri mədəniyyətimizin necə zəngin olduğunu və xalqlarımızın yaradıcılıq potensialını tam şəkildə üzə çıxaran belə tədbirlərin vacibliyini bir daha nümayiş etdirdi".

Azərbaycan Prezidenti İlham Əliyev Qarabağın bərpasında köməyə görə Qırğızıstana təşəkkür edib.

"Report"un Qırğızıstana ezam olunan əməkdaşı xəbər verir ki, Çolpon-Ata şəhərində keçirilən Azərbaycan və Qırğızıstan Dövlətlərarası Şuranın 3-cü iclasında çıxış edən dövlətimizin başçısı deyib:

"Qarabağın bərpasında köməyə görə təşəkkürümü bildirmək istərdim. Ağdam bölgəsində Sizinlə birlikdə açılışını etdiyimiz məktəb Manasın adını daşıyır, artıq orada uşaqlar təhsil alırlar. Bu məktəb qardaşlığımızın daha bir rəmzidir, həmçinin xalqlarımızın birliyinin abidəsi kimi daim qalacaqdır. Təkcə Qarabağın deyil, bütün Azərbaycanın sakinləri bunu qiymətləndirirlər.

Çolpon-Ata şəhərində Azərbaycan Prezidenti İlham Əliyevin və Qırğız Respublikasının Prezidenti Sadır Japarovun iştirakı ilə iyulun 31-də Azərbaycan və Qırğızıstan Dövlətlərarası Şuranın 3-cü iclası keçirilib.

"Report"un Qırğızıstana ezam olunan əməkdaşı xəbər verir ki, Sadır Japarov iclasda çıxış edib.

Prezident Sadır Japarovun çıxışı

-Hörmətli İlham Heydər oğlu.

Azərbaycan nümayəndə heyətinin hörmətli üzvləri.

Bizim incimiz olan İssık-Kul gölünün sahilində Sizi salamlamaqdan səmimi-qəlbdən şadam.

Qırğızıstana dövlət səfəri barədə dəvətimi qəbul etdiyinizə görə minnətdarlığımı bildirirəm. Qırğızıstanda Sizə - qardaş Azərbaycanın liderinə və qırğız xalqının əziz dostuna böyük hörmət bəsləyirlər. Sizin rəhbərliyinizlə Azərbaycan inamla inkişaf edir, beynəlxalq aləmdə öz mövqeyini möhkəmləndirir, regionda sülhün və sabitliyin təmin edilməsində mühüm rol oynayır. Bu gün ölkə böyük təəssürat doğuran nəticələr nümayiş etdirir, ardıcıl olaraq genişmiqyaslı islahatlar həyata keçirir və milli maraqlarını qətiyyətlə müdafiə edir. Bu son nailiyyətlər Azərbaycan xalqının Ümummilli Lideri, atanız hörmətli Heydər Əliyev tərəfindən qoyulmuş möhkəm təməl üzərində qurulub. Bu quruculuq yolu davam edir. Siz ölkənin gələcək inkişafını təmin edir, regional və beynəlxalq proseslərdə onun rolunu möhkəmləndirirsiniz.

Qırğızıstan ilə Azərbaycanı tarixi köklər və mənəvi yaxınlıq birləşdirir. Bizim dəyərlərimiz öz əksini iki xalqın zəngin mədəni irsində tapıb. Dahi Nizami Gəncəvinin dediyi kimi: "Qazanılan hər bir dost səmanın bəxş etdiyi bir nemətdir". Xüsusi qürur hissi ilə qeyd etmək istərdim ki, Qırğızıstan və Azərbaycan bir-birinin timsalında etibarlı dost qazanıb.

Hörmətli İlham Heydər oğlu, Sizin səfəriniz Qırğızıstan-Azərbaycan münasibətlərinin xüsusi xarakterini bir daha təsdiqləyir. Biz möhkəm dostluq və qarşılıqlı hörmət təməlinə əsaslanan ikitərəfli qarşılıqlı fəaliyyətin inkişafında yeni bir mərhələyə qədəm qoyuruq. Qırğızıstan ilə Azərbaycan arasında strateji tərəfdaşlığımızın inkişafına mane ola biləcək həll edilməmiş heç bir məsələ yoxdur. Əksinə, tam etimad və açıqlıq mühiti yaranıb ki, bu da bizə inamla irəliləməyə imkan verir.

Məhz belə bir ab-havada ikitərəfli əməkdaşlığın gələcəyini formalaşdıran mühüm prinsiplər və təşəbbüslər yaranır, qərarlar qəbul edilir. Əldə edilən bütün razılaşmaların birgə inkişafa və ortaq məqsədlərə çatmaq üzrə səmimi səylərə əsaslanması xüsusilə vacibdir. Qırğız-Azərbaycan əməkdaşlığı nəqliyyat, energetika, investisiya, təhlükəsizlik, təhsil və digər sahələrdə qarşılıqlı fəaliyyətin daha da genişlənməsi üçün əhəmiyyətli potensiala malikdir.

Hesab edirəm ki, bugünkü danışıqlar ənənəvi olaraq etimad və konstruktiv ab-havada keçəcək. Danışıqların yekunlarına dair ikitərəfli əlaqələrin daha da inkişafına yönəlmiş mühüm razılaşmalar əldə ediləcək. Onların ardıcıl həyata keçirilməsi ümumi məqsədimizə - Qırğızıstanın və Azərbaycanın qardaş xalqlarının rifahının yüksəldilməsinə töhfə verəcək. Əsas siyasi nəticə isə müttəfiqlik münasibətləri haqqında Müqavilənin imzalanması olacaq.

Hörmətli İlham Heydər oğlu, Sizi və Azərbaycan nümayəndə heyətinin bütün üzvlərini qonaqpərvər Qırğız torpağında bir daha səmimi-qəlbdən salamlayıram.

Möhtərəm İlham Heydər oğlu, buyurun, sözü Sizə verirəm.

x x x

Sonra Azərbaycan Prezidenti çıxış edib.

Prezident İlham Əliyevin çıxışı

-Hörmətli Sadır Nurqojoyeviç.

Əziz dostlar.

Əvvəlcə, qardaş Qırğızıstana dövlət səfərinə dəvətə, mənə və nümayəndə heyətinin üzvlərinə göstərilən qonaqpərvərliyə görə minnətdarlığımı bildirmək istərdim. Bu, gözəl ölkənizə ilk səfərim deyil, amma təcrübəmə əsaslanaraq deyə bilərəm ki, Sizin rəhbərliyinizlə təkcə bu bölgədə deyil, bütün ölkədə gedən inkişaf məndə böyük təəssürat yaradıb. Əvvəlcə, Sizi və bütün qardaş Qırğızıstan xalqını sosial-iqtisadi inkişaf, ölkənin iqtisadi potensialının möhkəmləndirilməsi, beynəlxalq məsələlərdə rolunun artırılması üzrə əldə olunan böyük nailiyyətlər münasibətilə təbrik etmək istərdim.

Sizin dostlarınız və qardaşlarınız olaraq, hər bir uğurunuza daim sevinirik və həm inşaat sektorunda, həm də vəsaitlərin xalqın və ölkənin rifahına xərclənməsinə imkan verən maliyyə, büdcənin doldurulması sahəsində Sizin fəaliyyətinizin nəticələri aydın şəkildə görünür. Bu, bizdə sevinc hissi doğurur. Çünki biz dost, qardaşıq, xalqlarımızı ortaq köklər birləşdirir və qardaş ölkənin uğurunu öz uğurumuz hesab edirik.

Qarabağın bərpasında köməyə görə təşəkkürümü bildirmək istərdim. Ağdam bölgəsində Sizinlə birlikdə açılışını etdiyimiz məktəb Manasın adını daşıyır, orada uşaqlar artıq təhsil alırlar. Bu məktəb qardaşlığımızın daha bir rəmzidir, həmçinin xalqlarımızın birliyinin abidəsi kimi daim qalacaqdır. Təkcə Qarabağın deyil, bütün Azərbaycanın sakinləri bunu qiymətləndirirlər. Mən, həmçinin şadam ki, humanitar sahədə əlaqələrimiz uğurla inkişaf edir: bu yaxınlarda Azərbaycanda keçirilən Qırğızıstan Mədəniyyəti Günləri və Qırğızıstanda Azərbaycan Günləri mədəniyyətimizin necə zəngin olduğunu və xalqlarımızın yaradıcılıq potensialını tam şəkildə üzə çıxaran belə tədbirlərin vacibliyini bir daha nümayiş etdirdi.

Siz müxtəlif sahələrdə əməkdaşlığı qeyd etdiniz. Əlbəttə, mən bütün sahələrdə qarşıya qoyduğumuz məqsədlərin hamısına nail olunacağına əminəm. Şadam ki, Qırğız-Azərbaycan Fondu uğurla fəaliyyət göstərir. Fondun vəsaitlərinin artırılması barədə qərar qəbul etdik və bir neçə layihə artıq həyata keçirilir. Əminəm ki, Fond inkişaf etdikcə, layihələrin sayı da artacaq. Bu, ortaq məqsədlərimizə xidmət edəcək.

Sevinirəm ki, Azərbaycan, həmçinin İssık-Kulun infrastrukturunun, burada turizmin inkişafında da iştirak edib. Bu gün həmkarlarımızla birlikdə beşulduzlu "Bakı" hotelini açacağıq. Bu da dost-qardaş münasibətlərinin təzahürüdür, həmçinin Azərbaycanın İssık-Kulun turizm potensialının inkişafına kiçik töhfəsidir. Dünən Sizinlə aeroportdan gələndə gördüklərim - həm inşaat, həm də infrastruktur layihələri çox böyük təəssürat yaratdı.

Dünən birlikdə qolf oyunu üçün hər cür şəraitin yaradıldığı əraziyə baş çəkdik. Bu şərait beynəlxalq səviyyəlidir. Sizi bu nailiyyətlər münasibətilə təbrik etmək istərdim. Bütün bunlarda məhz Sizin xalqınıza və ölkənizə şəxsi sədaqətiniz, inkişafı sürətləndirmək səyləriniz hiss olunur. Siz buna nail olursunuz. Biz buna səmimi-qəlbdən sevinirik. Əlbəttə, Siz artıq qeyd etdiyiniz kimi, münasibətlərimizi müttəfiqlik səviyyəsinə yüksəldirik. Bu, qarşılıqlı fəaliyyətin ən yüksək səviyyəsidir. Bu, həm münasibətlərimizin xarakterini, həm də ruhunu əks etdirir.

Qonaqpərvərliyə görə bir daha təşəkkür edirəm və əminəm ki, mənim dövlət səfərimin nəticələri qardaş münasibətlərimizin bundan sonra da möhkəmlənməsinə xidmət edəcək. Sağ olun.

x x x

Prezident Sadır Japarov: Hörmətli İlham Heydər oğlu, mühüm dəyərləndirmələrə və Qırğızıstan-Azərbaycan qarşılıqlı fəaliyyətinin yüksək səviyyəsini qeyd etdiyinizə görə Sizə təşəkkürümü bildirirəm.

08:43

İyulun 31-də Çolpon-Ata şəhərində Azərbaycan Respublikasının Prezidenti İlham Əliyevin və Qırğız Respublikasının Prezidenti Sadır Japarovun iştirakı ilə Azərbaycan və Qırğızıstan Dövlətlərarası Şuranın 3-cü iclası keçirilib.

Bu barədə "Report"un Qırğızıstana ezam olunan əməkdaşı xəbər verir.

08:03

Çolpon-Ata şəhərində Azərbaycan Respublikasının Prezidenti İlham Əliyevin və Qırğız Respublikasının Prezidenti Sadır Japarovun iştirakı ilə Azərbaycan və Qırğızıstan Dövlətlərarası Şuranın 3-cü iclası keçirilir.

Bu barədə "Report"un Qırğızıstana ezam olunan əməkdaşı xəbər verir.

İyulun 31-də Çolpon-Ata şəhərində Azərbaycan Respublikasının Prezidenti İlham Əliyevin Qırğız Respublikasının Prezidenti Sadır Japarov ilə təkbətək görüşü olub.

Bu barədə "Report"un Qırğızıstana ezam olunan əməkdaşı xəbər verir.

Qırğızıstanda dövlət səfərində olan Azərbaycan Respublikasının Prezidenti İlham Əliyevin iyulun 31-də Çolpon-Ata şəhərində rəsmi qarşılanma mərasimi keçirilib.

"Report"un Qırğızıstana ezam olunan əməkdaşı xəbər verir ki, Azərbaycanın və Qırğızıstanın Dövlət bayraqlarının dalğalandığı meydanda Prezident İlham Əliyevin şərəfinə fəxri qarovul dəstəsi düzülmüşdü.

Qırğız Respublikasının Prezidenti Sadır Japarov Azərbaycan Respublikasının Prezidenti İlham Əliyevi qarşıladı.

Fəxri qarovul dəstəsinin rəisi Azərbaycan Prezidentinə raport verdi. Azərbaycanın və Qırğızıstanın Dövlət himnləri səsləndirildi. Azərbaycan Prezidenti İlham Əliyev Qırğızıstan əsgərlərini salamladı.

Prezidentlər fəxri qarovul dəstəsinin qarşısından keçdilər.

Qırğızıstanın dövlət və hökumət nümayəndələri Prezident İlham Əliyevə, Azərbaycan nümayəndə heyətinin üzvləri isə Prezident Sadır Japarova təqdim edildi. Fəxri qarovul dəstəsi hərbi marşın sədaları altında prezidentlərin qarşısından keçdi.

Dövlət başçıları rəsmi foto çəkdirdilər.

Avropa İttifaqının Azərbaycandakı səfiri Mariyana Kuyunciç Azərbaycan dilini öyrənmək niyyətində olduğunu bildirib.

"Report" xəbər verir ki, bununla bağlı video 1 Avqust – Azərbaycan Əlifbası və Azərbaycan Dili Günü münasibətilə Avropa İttifaqının Azərbaycandakı nümayəndəliyi tərəfindən feysbuk sosial şəbəkəsində paylaşılıb.

Paylaşımda deyilir: "1 Avqust – Azərbaycan Əlifbası və Azərbaycan Dili Günüdür. Avropa İttifaqının səfiri Mariyana Kuyunciç bu zəngin dili öyrənməyə başlayıb. Bu videonu sizinlə bölüşürük."

Paylaşıma əlavə olunmuş videoda diplomatik missiyanın rəhbəri auditoriyaya Azərbaycan dilində müraciət edir.

Rəsmi Bakı Fransanın Avropa və Xarici İşlər Nazirliyinin Fransa vətəndaşı Martin Rayan barəsində çıxarılmış hökmə dair məhkəmə prosesini şübhə altına alan və Azərbaycana qarşı əsassız ittihamları ehtiva edən 30 iyul tarixli bəyanatını qətiyyətlə rədd edir.

"Report" xəbər verir ki, bu fikirlər Azərbaycan Xarici İşlər Nazirliyinin mətbuat katibi Ayxan Hacızadənin Martin Rayana hökm ilə bağlı Fransanın Avropa və Xarici İşlər Nazirliyinin bəyanatına dair şərhində yer alıb.

A.Hacızadə qeyd edib ki, Martin Rayan barəsində cinayət işi Azərbaycan qanunvericiliyinə uyğun olaraq araşdırılıb və təqdim edilmiş sübutlar və ona qarşı irəli sürülən ittihamlar əsasında məhkəmə qərar qəbul edib.

Onun sözlərinə görə, apelyasiya instansiyasının qərarı da Azərbaycan qanunvericiliyi çərçivəsində həyata keçirilmiş məhkəmə prosesinin nəticəsidir:

"Bu baxımdan, Fransa tərəfinin məhkəmə proseslərinə siyasi don geyindirməsi, Azərbaycan məhkəmələrinin fəaliyyətinə müdaxilə xarakteri daşıyan bəyanatlar verməsi, "əsassız saxlanılma" və "ədalətsiz məhkəmə araşdırması" ilə bağlı iddialar irəli sürməsi qəbuledilməzdir. Məhkəmə prosesi zamanı təqsirləndirilən şəxsin prosessual hüquqları Azərbaycan qanunvericiliyi və ölkənin beynəlxalq öhdəliklərinə uyğun şəkildə təmin olunub. Fransa səfirliyinin konsulluq nümayəndələrinin də bütün məhkəmə iclaslarında iştirak etməsi prosesin şəffaf şəkildə həyata keçirildiyini bir daha təsdiqləyir".

Rəsmi Bakı Fransa tərəfini Azərbaycanın suverenliyinə, daxili işlərinə və müstəqil məhkəmə sisteminə hörmət etməyə, habelə ikitərəfli münasibətlərə zərər vuran əsassız ittihamlardan çəkinməyə çağırıb.

Qeyd edək ki, Bakı Ağır Cinayətlər Məhkəməsinin hökmü ilə Fransaya casusluqda ittiham olunan Martin Ryan 10 il müddətinə azadlıqdan məhrum edilib. İyulun 29-da Dövlət Təhlükəsizliyi Xidmətində (DTX) başlanılmış cinayət işi üzrə çıxarılan hökmdən apellyasiya şikayəti üzrə məhkəmə prosesi başa çatıb. Qərara əsasən, müdafiə tərəfinin verdiyi şikayət təmin edilməyib və Bakı Ağır Cinayətlər Məhkəməsinin hökmü dəyişdirilmədən saxlanılıb.

Azərbaycan Prezidenti İlham Əliyev iyulun 30-da Qırğızıstan Prezidenti Sadır Japarov, Özbəkistan Prezidenti Şavkat Mirziyoyev və Tacikistan Prezidenti Emoməli Rəhmon ilə birlikdə Çolpon-Ata şəhərindəki "Issyk-Kul Golf Resort" kompleksində Qolf Klubun açılışında iştirak edib.

"Report"un Qırğızıstana ezam olunan əməkdaşı xəbər verir ki, əvvəlcə "Issyk-Kul Golf Resort" kompleksi və Qolf Klub barədə videoçarx nümayiş olunub.

Qolf Klub İssık-Kul gölünün sahilində "Issyk-Kul Golf Resort" çoxfunksiyalı turizm kompleksinin ərazisində yerləşir. Bu kompleksin ümumi sahəsi 120 hektardır. Bunun da 103 hektarı Qolf Klubun payına düşür.

Bu layihənin icrası yalnız yay aylarında deyil, digər fəsillərdə də İssık-Kula turist axınını cəlb etmək üçün böyük rol oynayacaq. Belə ki, burada ilin 10 ayında qolf oynama üçün meydança qurulub. Zəruri infrastrukturun yaradıldığı Qolf Klubun ərazisində 80 yerlik mehmanxana da qonaqların ixtiyarına veriləcək. Burada qolf akademiyasının yaradılması və müxtəlif səviyyəli qolf turnirlərinin keçirilməsi nəzərdə tutulur.

Turizm, idman, sağlamlıq və əyləncə meyarlarını özündə birləşdirən "Issyk-Kul Golf Resort" kompleksində Qolf Klubla yanaşı, ümumilikdə dörd və beşulduzlu bir neçə hotel, restoranlar, çimərlik sahələri olacaq.

Qırğızıstan Qolf Federasiyasının prezidenti Xomeni Erqeşov çıxış edərək dövlət başçılarını salamlayıb.

Sonra Qırğızıstan Prezidenti Sadır Japarov çıxış edib.

Daha sonra dövlət başçıları "Issyk-Kul Golf Resort" kompleksinin ərazisini gəzdilər, burada qolf oyununun rəmzi başlama mərasimində iştirak ediblər.

İyulun 30-da Prezident İlham Əliyevin dövlət səfəri etdiyi Çolpon-Atada (Qırğızıstan) Azərbaycan və Mərkəzi Asiya ölkələrinin əməkdaşlığına həsr olunmuş tematik bannerlər quraşdırılıb.

Bu barədə "Report"un Qırğızıstana ezam olunan əməkdaşı xəbər verir.

Bannerlərdə Azərbaycan və Qırğızıstan bayraqları, eləcə də qırğız və Azərbaycan dillərində yazı yerləşdirilib.

Həmin yazı belədir: "Mərkəzi Asiya və Azərbaycan: əməkdaşlıq üçün yeni imkanlar".

Azərbaycanın Baş naziri Əli Əsədov Gürcüstanın Baş prokuroru Giorgi Qvarakidze ilə görüşüb.

"Report" xəbər verir ki, bu barədə Nazirlər Kabineti məlumat yayıb.

Görüşdə Azərbaycan ilə Gürcüstan arasında qarşılıqlı etimada və mehriban qonşuluq prinsiplərinə əsaslanan strateji tərəfdaşlıq münasibətlərinin uğurla inkişaf etdiyi qeyd olunub.

Bütün sahələrdə olduğu kimi, prokurorluq orqanları arasında da səmərəli əməkdaşlığın möhkəmlənməsindən məmnunluq ifadə olunub.

Transsərhəd cinayətkarlıq, kibercinayətkarlıq və digər müasir çağırışlara qarşı birgə mübarizənin gücləndirilməsinin əhəmiyyəti qeyd olunub, qarşılıqlı maraq doğuran istiqamətlər üzrə təcrübə və məlumat mübadiləsinin davam etdirilməsinin əməkdaşlığın daha da dərinləşdirilməsinə xidmət edəcəyi vurğulanıb.

Söhbət zamanı Azərbaycan və Gürcüstanın prokurorluq orqanları arasında əməkdaşlığın gələcək perspektivləri müzakirə olunub.

Görüşdə Azərbaycan Respublikasının Baş prokuroru Kamran Əliyev iştirak edib.

Azərbaycan Prezidenti İlham Əliyev iyulun 30-da Qırğız Respublikasına dövlət səfərinə gəlib.

"Report"un Qırğızıstana ezam olunan əməkdaşı xəbər verir ki, Çolpon-Ata şəhərinin İssık-Kul Beynəlxalq Hava Limanında dövlət başçısının şərəfinə fəxri qarovul dəstəsi düzülüb.

Prezident İlham Əliyevi və birinci xanım Mehriban Əliyevanı Qırğızıstan Prezidenti Sadır Japarov və birinci xanım Ayqul Japarova qarşılayıblar.

ADA Universiteti ilə Efiopiyanın Xarici İşlər İnstitutu arasında Anlaşma Memorandumu imzalanıb.

"Report" xəbər verir ki, Efiopiyanın Xarici İşlər İnstitutunda baş tutan imzalanma mərasimində Milli Məclisin sədri Sahibə Qafarova, Efiopiyanın dövlət və hökumət qurumlarının əməkdaşları, diplomatik korpusun nümayəndələri, beynəlxalq münasibətlər sahəsində fəaliyyət göstərən alim və ekspertlər, elmi ictimaiyyətin nümayəndələri və tələbələr qatılıblar.

Milli Məclis sədri "Azərbaycan və Efiopiya: Parlamentlərarası dialoqun, əməkdaşlığın və çoxtərəfliliyin inkişafı" mövzusunda çıxış edərək vurğulayıb ki, iki ölkə arasında münasibətlərin həm ikitərəfli, həm də beynəlxalq təşkilatlar çərçivəsində uğurla inkişaf edir.

Sahibə Qafarova Azərbaycanın innovativ dövlət idarəçiliyi təcrübəsindən bəhs edərək "ASAN xidmət" modelinin Efiopiyada "MESOB" Xidmət Mərkəzi vasitəsilə uğurla tətbiqini qarşılıqlı faydalı əməkdaşlığın nümunəsi kimi qiymətləndirib:

"Etimada, bilik və təcrübə mübadiləsinə əsaslanan tərəfdaşlıq birgə inkişaf və davamlı tərəqqinin əsasını təşkil edir. Azərbaycanın aparıcı ali təhsil müəssisələrindən olan ADA Universiteti rektor Hafiz Paşayevin rəhbərliyi ilə beynəlxalq akademik əlaqələrin inkişafına mühüm töhfələr verir. Bu baxımdan, ADA Universiteti ilə Efiopiyanın Xarici İşlər İnstitutu arasında bu gün imzalanmış Anlaşma Memorandumu elm və təhsil sahəsində əməkdaşlığın genişlənməsinə, eləcə də ölkələrimiz arasında dostluq münasibətlərinin daha da möhkəmlənməsinə xidmət edəcək".

Pakistanın Baş naziri Şahbaz Şərif Azərbaycanın İslamabaddakı səfiri Xəzər Fərhadovu diplomatik missiyasının başa çatması ilə əlaqədar qəbul edib.

"Report" xəbər verir ki, bu barədə X.Fərhadov "X" sosial şəbəkəsindəki hesabında paylaşım edib.

"Pakistanın Baş naziri Şahbaz Şərifə vida səfəri etmək mənim üçün böyük şərəf idi. Qardaş ölkələrimiz bütün əməkdaşlıq sahələrində strateji tərəfdaşlığı daim daha da yüksək səviyyəyə qaldıracaqlar", - diplomat yazıb.

Azərbaycan Prezidenti İlham Əliyev Mərakeş Kralı Əlahəzrət VI Məhəmmədə təbrik məktubu ünvanlayıb.

"Report" xəbər verir ki, təbrikdə deyilir:

"Əziz Qardaşım,

Mərakeş Krallığının milli bayramı münasibətilə Sizə və Sizin simanızda qardaş xalqınıza öz adımdan və Azərbaycan xalqı adından ən səmimi təbriklərimi və xoş arzularımı çatdırmaqdan məmnunluq duyuram.

Biz tarixi köklərə və xoş ənənələrə əsaslanan Azərbaycan-Mərakeş münasibətlərinə xüsusi əhəmiyyət veririk.

Əminəm ki, ölkələrimizi və xalqlarımızı birləşdirən dostluq əlaqələrinin daha da möhkəmləndirilməsi, qarşılıqlı faydalı əməkdaşlığımızın müvəffəqiyyətlə davam etdirilməsi istiqamətində bundan sonra da birgə səylər göstərəcəyik.

Bu xoş gündə Sizə möhkəm cansağlığı, xoşbəxtlik, ali dövləti fəaliyyətinizdə uğurlar, qardaş xalqınıza daim əmin-amanlıq və rifah arzulayıram".

Esmira Firudin qızı Cəfərova Azərbaycanın Macarıstanda fövqəladə və səlahiyyətli səfiri təyin edilib.

"Report" xəbər verir ki, Prezident İlham Əliyev bununla bağlı Sərəncam imzalayıb.

Xatırladaq ki, E.Cəfərova 2019-2025-ci illərdə Beynəlxalq Münasibətlərin Təhlili Mərkəzinin İdarə Heyətinin üzvü olub. Eyni zamanda Xarici İşlər Nazirliyi sistemində, o cümlədən BMT yanında daimi nümayəndəlikdə və nazirliyin digər strukturlarında diplomatik fəaliyyət göstərib.

Rövşən Nüsrət oğlu Sadıqbəyli Azərbaycanın Avstriya və Sloveniyadakı fövqəladə və səlahiyyətli səfiri və Azərbaycanın BMT-nin Vyana şəhərindəki bölməsində, Avropada Təhlükəsizlik və Əməkdaşlıq Təşkilatı, BMT-nin Sənaye İnkişafı Təşkilatı, Nüvə Enerjisi üzrə Beynəlxalq Agentliyi və Nüvə Sınaqlarının Tamamilə Qadağan Olunması üzrə Müqavilə Təşkilatı yanında daimi nümayəndəsi vəzifələrindən geri çağırılıb.

"Report" xəbər verir ki, Prezident İlham Əliyev bununla bağlı Sərəncam imzalayıb.

Dövlət başçısınmın digər Sərəncamı ilə R.Sadıqbəyli Azərbaycanın BMT-nin Cenevrə şəhərindəki bölməsində və digər beynəlxalq təşkilatlar yanında daimi nümayəndəsi təyin edilib.

Qalib Malik oğlu İsrafilov Azərbaycan Respublikasının BMT-nin Cenevrə şəhərindəki bölməsində və digər beynəlxalq təşkilatlar yanında daimi nümayəndəsi vəzifəsindən geri çağırılıb.

"Report" xəbər verir ki, Prezident İlham Əliyev bununla bağlı Sərəncam imzalayıb.

Tahir Tofiq oğlu Tağızadə Azərbaycanın Macarıstanda fövqəladə və səlahiyyətli səfiri vəzifəsindən geri çağırılıb.

"Report" xəbər verir ki, Prezident İlham Əliyev bununla bağlı Sərəncam imzalayıb.

Dövlət başçısının digər Sərəncamı ilə Tahir Tağızadə Azərbaycanın Serbiyada fövqəladə və səlahiyyətli səfiri təyin edilib.

Xatırladaq ki, T.Tağızadə 2021-ci il iyulun 23-də Azərbaycanın Macarıstanda səfiri təyin olunmuşdu.

Kamil Tacid oğlu Xasiyev Azərbaycanın Serbiyada, eyni zamanda Monteneqroda və Şimali Makedoniyada fövqəladə və səlahiyyətli səfiri vəzifəsindən geri çağırılıb.

"Report" xəbər verir ki, Prezident İlham Əliyev bununla bağlı Sərəncam imzalayıb.

Dövlət başçısının digər Sərəncamı ilə Kamil Tacid oğlu Xasiyev Azərbaycanın Avstriyanda fövqəladə və səlahiyyətli səfiri təyin edilib.

Milli Məclisin sədri Sahibə Qafarovanın Efiopiya Federativ Demokratik Respublikasına rəsmi səfəri davam edir. Səfər çərçivəsində parlament nümayəndə heyəti iyulun 29-da paytaxt Əddis-Əbəbədə yerləşən "MESOB" dövlət xidməti mərkəzində olub.

Burada qonaqlara məlumat verilib ki, Azərbaycanın brendi olan "ASAN xidmət" modeli əsasında yaradılmış "MESOB" vətəndaşların mühüm dövlət xidmətlərinə çıxışını asanlaşdırmaq üçün yaradılmış müasir "bir pəncərə" platformasıdır. Federal agentliklərin 140-dan çox xidmətini vahid rəqəmsal və fiziki mərkəzdə birləşdirən "MESOB" dövlət xidmətlərinin daha sürətli, rahat və etibarlı şəkildə göstərilməsini təmin edir.

Qeyd edək ki, "ASAN xidmət" təcrübəsinin Efiopiyada tətbiqi ilə bağlı 2024-cü ilin mayında Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə bu ölkənin müvafiq qurumu arasında Anlaşma Memorandumu imzalanıb. COP29 çərçivəsində Azərbaycan Prezidenti İlham Əliyev ilə Efiopiya Prezidenti Taye Atske Sellasiye arasında keçirilən görüşdə də bu istiqamətdə əməkdaşlıq məsələləri müzakirə olunub. Ötən dövr ərzində Azərbaycanın dəstəyi ilə Efiopiyada "ASAN xidmət" təcrübəsinin tətbiqi ilə bağlı zəruri təşkilati, hüquqi və texniki dəstək tədbirləri həyata keçirilib.

Milli Məclisin sədri Sahibə Qafarovanın Efiopiyada keçirdiyi görüşlər zamanı ölkə rəhbərliyi bu modelin artıq Efiopiyanın regionlarında da tətbiq olunduğunu və bununla da dövlət xidmətlərinin göstərilməsində səmərəliliyin əhəmiyyətli dərəcədə artırıldığını diqqətə çatdırıb.

Səfər çərçivəsində nümayəndə heyəti Milli Saray Muzey Kompleksi ilə tanış olub. Qonaqlara məlumat verilib ki, kompleks Efiopiyanın dövlətçilik tarixini, monarxiya dövrünün irsini və ölkənin mədəni dəyərlərini özündə əks etdirən mühüm tarixi-mədəni məkanlardan biridir.

Nümayəndə heyəti həmçinin Milli Tarix Muzey kompleksini də ziyarət edib. Burada qonaqlar Efiopiyanın tarixini əks etdirən eksponatlarla tanış olublar.

İnterpolun Azərbaycandakı Milli Mərkəzi Bürosu tərəfindən beynəlxalq axtarışa verilən və yeri Monteneqroda müəyyən edilən daha bir şəxs Azərbaycana ekstradisiya edilib.

"Report" xəbər verir ki, bu barədə Ədliyyə Nazirliyi məlumat yayıb.

Qeyd edilib ki, 2024-cü ildə tamah niyyəti ilə etibardan sui-istifadə etmə və aldatma yolu ilə özgənin əmlakını ələ keçirmək məqsədilə müxtəlif vaxtlarda zərərçəkmiş şəxsə yalan vədlər verməklə ona xeyli miqdarda ziyan vurmaqla dələduzluq etməkdə (Cinayət Məcəlləsinin 178.2.4-cü maddəsi) ittiham edilmiş Azərbaycan vətəndaşı Süleymanov Hidayət Nemət oğlunun yeri Monteneqroda müəyyən olunub və o, həbs edilib.

Baş Prokurorluğun sorğusundan, habelə aparılan danışıqlardan sonra həmin şəxsin Azərbaycana ekstradisiyası ilə bağlı razılıq əldə olunub.

Süleymanov Hidayət Nemət oğlu Ədliyyə Nazirliyinin Beynəlxalq əməkdaşlıq baş idarəsinin və Nazirliyin Penitensiar xidmətinin məsul əməkdaşları tərəfindən Monteneqronun Tivat şəhərindən ölkəmizə gətirilib və məhkəmənin həbs qərarına əsasən müvafiq istintaq təcridxanasına yerləşdirilib.

Azərbaycanın Baş prokuroru Kamran Əliyevlə aparılan fikir mübadiləsi iki ölkə arasında əməkdaşlığa töhvə verir.

Bu sözləri "Report"a açıqlamasında Gürcüstanın Baş prokuroru Giorgi Qvarakidze deyib.

O bildirib ki, bu gün Azərbaycana səfər edib və Baş Prokurorluqda olub:

"Məni Azərbaycana dəvət etdiyinə görə Kamran Əliyevə təşəkkür edirəm. Bizim çox yaxın münasibətlərimiz var. Azərbaycan və Gürcüstan arasında əməkdaşlıq mövcuddur. Bizim dostluğumuz iki ölkə arasında əməkdaşlığa töhfəsini verir. Rəsmi səfər çərçivəsində görüşlərimiz oldu. Fikir mübadiləsi apardıq. Bu da bizim ölkələr arasındakı əməkdaşlığa öz töhfəsini verir".

Giorgi Qvarakidze deyib ki, iki ölkə arasında həm əməkdaşlıq, həm də beynəlxalq yardım sahələri üzrə uğurlu göstəricilər var:

"Bu cür səfərlər iki ölkə arasında hüquq-mühafizə orqanları, prokurluqlar arasında əməkdaşlığa və xalqların dostluğuna töhfə verir".

Azərbaycan və Gürcüstanın Baş prokurorları iki ölkə arasında cinayət yolu ilə əldə edilən əmlakın müəyyən edilməsi üzrə əməkdaşlığı müzakirə ediblər.

Bu barədə "Report"a Baş prokurorluqdan məlumat verilib.

Bildirilib ki, Baş prokuror Kamran Əliyevin dəvəti ilə Gürcüstanın Baş prokuroru Giorgi Qvarakidzenin rəhbərlik etdiyi nümayəndə heyəti Azərbaycana işgüzar səfərə gəlib.

Səfər çərçivəsində Azərbaycanın Baş prokuroru Kamran Əliyevlə Gürcüstanın Baş prokuroru Giorgi Qvarakidze arasında geniş tərkibdə görüş keçirilib.

Görüşdə Azərbaycan Prezidenti İlham Əliyev ilə Gürcüstanın Baş naziri İrakli Kobaxidze arasında formalaşmış yüksəksəviyyəli siyasi dialoq və strateji tərəfdaşlıq münasibətlərinin iki ölkə arasında əməkdaşlığın bütün istiqamətləri üzrə dinamik inkişafına mühüm töhfə verdiyi vurğulanıb.

Baş prokuror Kamran Əliyev Azərbaycan və gürcü xalqları arasında əsrlər boyu formalaşmış qarşılıqlı hörmətə və etimada əsaslanan dostluq və mehriban qonşuluq münasibətlərinin dövlətlərarası əməkdaşlığın bütün istiqamətlər üzrə uğurla inkişafına mühüm töhfə verdiyini qeyd edib. Bundan başqa, prokurorluq orqanları arasında formalaşmış əməkdaşlığın cinayət mühakimə icraatının səmərəliliyinin artırılması, insan hüquq və azadlıqlarının müdafiəsi, qanunun aliliyinin təmin olunması və transmilli cinayətkarlığa qarşı mübarizənin gücləndirilməsi baxımından xüsusi əhəmiyyət kəsb etdiyini diqqətə çatdırıb.

Görüş zamanı Azərbaycan Baş prokurorunun rəhbərlik etdiyi nümayəndə heyətinin cari ilin fevral ayında Tbilisiyə səfəri məmnunluqla xatırlanıb, həmin səfərin iki ölkənin prokurorluq orqanları arasında institusional əlaqələrin daha da möhkəmləndirilməsinə və çoxtərəfli hüquqi əməkdaşlığın inkişafına mühüm töhfə verdiyi qeyd olunub.

Tərəflər ikitərəfli hüquqi əməkdaşlığın gələcək inkişaf perspektivlərini müzakirə edib, cinayət işləri üzrə qarşılıqlı hüquqi yardım, ekstradisiya, cinayət yolu ilə əldə edilmiş əmlakın müəyyən edilməsi, izlənilməsi, üzərinə həbs qoyulması və müsadirəsi, transmilli mütəşəkkil cinayətkarlıq, korrupsiya, kibercinayətkarlıq, terrorçuluğun maliyyələşdirilməsi, insan alveri və digər müasir cinayət təzahürlərinə qarşı mübarizə, habelə rəqəmsal texnologiyaların tətbiqi, prokurorluq əməkdaşlarının peşə hazırlığı və təcrübə mübadiləsi sahələrində əməkdaşlığın daha da genişləndirilməsinin əhəmiyyətini vurğulayıblar.

Giorgi Qvarakidze göstərilən qonaqpərvərliyə görə təşəkkürünü bildirərək Gürcüstan Baş Prokurorluğunun Azərbaycan Baş Prokurorluğu ilə qarşılıqlı etimada əsaslanan əməkdaşlıq münasibətlərinin inkişafına xüsusi önəm verdiyini, mövcud tərəfdaşlığın bundan sonra da daha da dərinləşdirilməsi və birgə fəaliyyətin genişləndirilməsi istiqamətində bütün zəruri səylərin davam etdiriləcəyini vurğulayıb.

Daha sonra nümayəndə heyəti Azərbaycan Prokurorluğunun Tarix Muzeyi ilə tanış olub, prokurorluq orqanlarının yaranma tarixi, inkişaf mərhələləri, institusional islahatlar və müasir fəaliyyət istiqamətləri barədə ətraflı məlumatlandırılıb. Qonaqlara, həmçinin prokurorluq orqanlarında həyata keçirilən müasir idarəetmə, rəqəmsallaşma və beynəlxalq əməkdaşlıq istiqamətində görülən işlər barədə məlumat verilib.

Görüşdə, həmçinin Gürcüstanın Azərbaycan səfirliyinin müvəqqəti işlər vəkili Mayya Tabaqari iştirak edib.

Nümayəndə heyətinin səfəri davam edir.

Azərbaycan Respublikasının Prezidenti İlham Əliyev iyulun 29-da Dünya Güləş Birliyinin prezidenti Nenad Laloviçi qəbul edib.

"Report" xəbər verir ki, söhbət zamanı dövlətimizin başçısının Nenad Laloviçlə əvvəlki görüşü məmnunluqla xatırlandı.

Azərbaycan Prezidenti ilə görüşdən şərəf hissi duyduğunu deyən qonaq 17 yaşadək güləşçilər arasında Bakıda keçirilən dünya çempionatının yüksək səviyyədə təşkil edildiyini vurğuladı, buna və ümumilikdə Dünya Güləş Birliyinin fəaliyyətinə göstərdiyi dəstəyə görə Prezident İlham Əliyevə minnətdarlığını bildirdi.

Ölkədə idmanın güləş növünün inkişafını vurğulayan Nenad Laloviç Azərbaycanda güləş üzrə müxtəlif beynəlxalq səviyyəli yarışların keçirildiyini xatırladı, Azərbaycan Güləş Federasiyası ilə uğurlu əməkdaşlıq etdiklərini dedi.

Prezident İlham Əliyev gənc idmançıların gələcəkdə uğur qazanması baxımından 17 yaşadək güləşçilər arasında Bakıda keçirilən dünya çempionatının əhəmiyyətinə toxundu və bundan sonra da ölkəmizdə bu cür idman tədbirlərinin təşkilinin önəmini qeyd etdi.

Dövlət başçısı Azərbaycan güləşçilərinin indiyədək çox mühüm qələbələr qazandıqlarını vurğuladı.

Görüşdə idmanın güləş növünün ölkəmizdə zəngin ənənələrə malik olduğu qeyd edildi, onun inkişafı üçün dövlət səviyyəsində görülən işlərə toxunuldu.

Azərbaycanla Dünya Güləş Birliyi arasında əməkdaşlıq məsələləri ətrafında fikir mübadiləsi aparıldı.

Azərbaycan və Yunanıstan iki ölkənin ali təhsil müəssisələri arasında əməkdaşlığın inkişaf perspektivlərini, eləcə də tələbə mübadiləsi proqramlarının həyata keçirilməsini müzakirə edib.

"Report" xəbər verir ki, bu barədə Yunanıstanın Azərbaycandakı səfirliyi "X" sosial şəbəkəsində məlumat yayıb.

Məlumata görə, Yunanıstanın Azərbaycandakı səfiri Mariya Papakonstantinu Bakı Slavyan Universitetinin rektoru Anar Nağıyevlə görüşüb.

Görüş zamanı tərəflər iki ölkənin ali təhsil müəssisələri arasında əməkdaşlığın inkişaf perspektivlərini, həmçinin tələbə mübadiləsi proqramlarının həyata keçirilməsini müzakirə ediblər.

"Bundan başqa, 2004-cü ildən Bakı Slavyan Universitetinin nəzdində fəaliyyət göstərən Yunan Dili və Mədəniyyəti Mərkəzinin Yunanıstan və Azərbaycan arasında mədəni və təhsil əlaqələrinin daha da möhkəmləndirilməsində mühüm rolu vurğulanıb", - məlumatda bildirilib.

Ukraynanın Energetika Nazirliyi Azərbaycanın "Ukrayna Dəmir Yolları"nın işini dəstəkləmək üçün 40 tona yaxın avadanlıq təhvil verdiyini bildirib.

"Report" xəbər verir ki, bu barədə Ukraynanın Energetika Nazirliyi "X" sosial şəbəkəsində məlumat yayıb.

Məlumata görə, avadanlıq ukraynalı dəmiryolçuların işinə dəstək olmaq və kritik infrastrukturun fəaliyyətini təmin etmək məqsədilə Energetika Nazirliyinin enerji habı vasitəsilə dəmir yolunun regional bölmələrindən birinə çatdırılıb.

"Demək olar ki, hər gün hab vasitəsilə Ukraynanın müxtəlif regionlarına yeni avadanlıq göndərilir. O, Rusiyanın daimi hücum təhlükəsi şəraitində həm enerji sektorunun, həm də digər kritik infrastruktur obyektlərinin fasiləsiz işini təmin etməyə kömək edir", - məlumatda bildirilib.

Nazirlik Ukraynaya göstərdiyi dəstəyə və kritik infrastrukturun möhkəmləndirilməsindəki yardımına görə Azərbaycana minnətdarlığını bildirib.

Bakıda Azərbaycan və Pakistan arasında əməkdaşlıq çərçivəsində "The Judicial Crafting: Executive Judicial Training Programme" ("Hakim Peşəkarlığı: Rəhbər Səviyyəli Məhkəmə Təlim Proqramı") adlı beynəlxalq təlim keçirilib.

Bu barədə "Report"a Ədliyyə Nazirliyindən məlumat verilib.

Bildirilib ki, tədbirdə Ədliyyə Nazirliyinin əməkdaşları, hakimlər və məhkəmə işçiləri iştirak ediblər.

Təlim Azərbaycanın Ədliyyə Nazirliyi ilə Pakistanın Hüquq və Ədliyyə Nazirliyi arasında imzalanmış Əməkdaşlıq Proqramı çərçivəsində təşkil olunub. Proqramın keçirilməsi barədə razılıq Azərbaycanın ədliyyə naziri Fərid Əhmədovun cari ilin 14–15 may tarixlərində Pakistana səfəri zamanı əldə olunub. Təşəbbüs iki ölkə arasında ədliyyə sahəsində əməkdaşlığın daha da genişləndirilməsinə, eləcə də peşəkar təcrübə mübadiləsinin inkişafına xidmət edir.

Təlimdə Pakistanın hüquq və ədliyyə üzrə dövlət naziri Aqil Malikin rəhbərlik etdiyi nümayəndə heyətinin üzvləri, o cümlədən Pakistan Ali Məhkəməsinin hakimləri, Beynəlxalq Mediasiya və Arbitraj Mərkəzinin vəzifəli şəxsləri, İslam Əməkdaşlıq Təşkilatının Arbitraj Mərkəzinin baş katibi və digər ekspertlər tərəfindən təqdimatlar keçirilib, iştirakçılarla fikir mübadiləsi aparılıb.

Proqramda Ədliyyə Nazirliyinin əməkdaşları, hakimlər və məhkəmə işçiləri daxil olmaqla 20-dən çox nümayəndə iştirak edib.

Qeyd edək ki, əməkdaşlıq proqramı çərçivəsində növbəti beynəlxalq təlimin cari ilin oktyabr ayında Pakistan İslam Respublikasında keçirilməsi planlaşdırılır.

Təlim proqramı iki ölkənin ədliyyə və məhkəmə orqanları arasında bilik və təcrübə mübadiləsinin genişləndirilməsi, peşəkar əlaqələrin möhkəmləndirilməsi və institusional əməkdaşlığın inkişafı baxımından mühüm əhəmiyyət kəsb edir.

Azərbaycanın Los-Ancelesdəki Baş konsulluğunda bəzi konsulluq xidmətlərinin göstərilməsi müvəqqəti dayandırılıb.

"Report" xəbər verir ki, bu barədə baş konsulluğunun "X" hesabında paylaşım edilib.

Qeyd olunub ki, texniki səbəblərə görə hazırda bəzi konsulluq xidmətlərinin göstərilməsi mümkün deyil.

Konsulluq xidmətləri məqsədilə müraciət edəcək şəxslərin əvvəlcədən diplomatik nümayəndəliklə əlaqə saxlamalarının vacibliyi vurğulanıb.

Çin Azərbaycanın regional qarşılıqlı əlaqəliliyin təşviqində və beynəlxalq əməkdaşlığın inkişafındakı fəal rolunu yüksək qiymətləndirir.

"Report" xəbər verir ki, bu barədə Çinin Azərbaycandakı hərbi attaşesi, polkovnik Sun Çjun Çin Xalq Azadlıq Ordusunun yaradılmasının 99-cu ildönümü münasibətilə keçirilən tədbirdə çıxış edərkən bildirib.

XƏBƏR YENİLƏNİR

Çin ordusu Azərbaycan Silahlı Qüvvələri ilə mübadilə və əməkdaşlığı bundan sonra da genişləndirməyə, ikitərəfli münasibətlərin inkişafına yeni töhfələr verməyə hazırdır.

"Report" xəbər verir ki, bu barədə Çinin Azərbaycandakı səfiri Lu Mey Çin Xalq Azadlıq Ordusunun yaradılmasının 99-cu ildönümünə həsr olunmuş tədbirdə bildirib.

Diplomatın sözlərinə görə, hərbi əməkdaşlıq Bakı ilə Pekin arasında hərtərəfli strateji tərəfdaşlığın mühüm tərkib hissəsidir.

Xəbər yenilənir

Xarici işlər naziri Ceyhun Bayramov Almaniyanın Azərbaycan Respublikasındakı yeni təyin olunmuş fövqəladə və səlahiyyətli səfiri Dirk Lölkeni qəbul edib.

"Report" xəbər verir ki, bu barədə Xarici İşlər Nazirliyi məlumat yayıb.

Səfir Dirk Lölke etimadnaməsinin surətini nazir Ceyhun Bayramova təqdim edib. Nazir səfiri Azərbaycanda diplomatik fəaliyyətə başlaması münasibətilə təbrik edərək, ona fəaliyyətində uğurlar arzulayıb.

Görüş zamanı Azərbaycan-Almaniya münasibətlərinin mövcud vəziyyəti və inkişaf perspektivləri, siyasi dialoq, iqtisadi-ticarət əlaqələri, enerji təhlükəsizliyi, yaşıl enerji, sənaye, nəqliyyat-kommunikasiya, humanitar və mədəni əməkdaşlıq məsələləri müzakirə olunub.

Azərbaycan Prezidenti İlham Əliyevin Almaniyaya son səfərinin ikitərəfli münasibətlərdə yeni mərhələnin əsasını qoyduğu, İkitərəfli tərəfdaşlıq üçün strateji gündəliyə dair Birgə Bəyannamənin, Azərbaycan-Almaniya Biznes Şurasının yaradılmasının vacibliyi, mövcud əməkdaşlıq mexanizmlərinin daha da inkişaf etdirilməsinin və qarşılıqlı yüksək səviyyəli təmasların davam etdirilməsinin əhəmiyyəti vurğulanıb.

Tərəflər Azərbaycan və Almaniya xalqlarını birləşdirən iki əsrə yaxın tarixi əlaqələrin və zəngin irsin bu gün də münasibətlərin inkişafı üçün mühüm təməl rolunu oynadığını qeyd edərək, qarşılıqlı hörmət və etimada əsaslanan əməkdaşlığın daha da dərinləşdirilməsi istiqamətində mövcud potensialı müzakirə ediblər.

Görüş zamanı regional və beynəlxalq təhlükəsizlik məsələləri ətrafında fikir mübadiləsi aparılıb. Nazir Ceyhun Bayramov postmünaqişə dövründə Cənubi Qafqazda mövcud vəziyyət, Azərbaycan–Ermənistan normallaşma prosesi və dayanıqlı sülhün təmin olunması istiqamətində aparılan səylər barədə məlumat verib.

Qvadelupda fəaliyyət göstərən "MIR Guadeloupe" təşkilatının prezidenti, Beynəlxalq Dekolonizasiya Cəbhəsinin katibi Joze Jan-Pyer Fransa hakimiyyətinin Dənizaşırı ərazilərlə bağlı müstəmləkəçi siyasətinə və dekolonizasiya çağırışlarını "daxili işlərə qarışma" kimi təqdim etmək cəhdlərinə sərt cavab verib.

Bu barədə "Report"a Bakı Təşəbbüs Qrupundan (BTQ) məlumat verilib.

Bildirilib ki, o, Fransa Prezidenti Emmanuel Makrona, Fransa Milli Assambleyasının deputatı Nikolas Metzdorfa və BMT-nin Dekolonizasiya üzrə Xüsusi Komitəsinə - C-24-ə ayrı-ayrılıqda məktublar ünvanlayıb:

"Məktublarda Fransa parlamentarilərinin Azərbaycanın Dənizaşırı ərazilərin dekolonizasiyasının başa çatdırılması ilə bağlı mövqeyini "müdaxilə" kimi qələmə verməsi qətiyyətlə rədd edilir. Vurğulanır ki, hər hansı dövlətin müstəmləkə idarəçiliyi altında olan ərazilərin statusunu beynəlxalq hüquq kontekstində gündəmə gətirməsi Fransanın daxili işlərinə qarışmaq deyil. Əksinə, bu, BMT üzvlərinin müstəmləkəçiliyin bütün formalarının aradan qaldırılması ilə bağlı üzərinə götürdüyü kollektiv öhdəliyin ifadəsidir".

Qeyd olunub ki, qvadeluplu siyasi fəal rəsmi Parisə xatırladır ki, Yeni Kaledoniya və Fransa Polineziyası bu gün də BMT-nin dekolonizasiya edilməsi olan ərazilər siyahısındadır. Buna görə də həmin ərazilərin müstəmləkə statusunun beynəlxalq səviyyədə müzakirə edilməsini "xarici müdaxilə" adlandırmaq hüquqi və siyasi baxımdan əsassızdır. Bu ərazilərin vəziyyəti hər il BMT-nin C-24 Komitəsi və Baş Assambleyanın Dördüncü Komitəsi çərçivəsində nəzərdən keçirilir.

"Məktublarda Fransanın Qvadelup, Martinik, Reyunyon və Fransız Qvianasının guya könüllü şəkildə Fransaya birləşməsi barədə iddiaları da ifşa olunur. Bildirilir ki, 1946-cı ildə qəbul edilən departamentləşdirmə qanunu həmin xalqların iştirakı olmadan, heç bir referendum və birbaşa ümumxalq səsverməsi keçirilmədən Fransa parlamenti tərəfindən birtərəfli qaydada qəbul edilib. Bir il sonra bu ərazilərin BMT-nin dekolonizasiya edilməli olan ərazilər siyahısından çıxarılması da rəsmi Parisin birtərəfli qərarı əsasında həyata keçirilib. Beləliklə, Fransanın istinad etdiyi "azad seçim" heç vaxt həmin xalqların iradəsi ilə təsdiqlənməyib.

J.Jan-Pyer Fransanın hüquqi bərabərlik haqqında bəyanatlarının Dənizaşırı ərazilərdəki real vəziyyətlə ziddiyyət təşkil etdiyini də konkret faktlarla göstərir. Rəsmi statistikaya əsasən, işsizlik səviyyəsi Qvadelup və Martinikdə metropol Fransa ilə müqayisədə yüksək olaraq qalır. Antil adalarında xlordekon adlı zəhərli pestisidlə çirklənmənin yetkin əhalinin 80 faizindən çoxuna təsir etdiyi, bu hadisənin Fransa məhkəmələri tərəfindən belə "sanitar qalmaqal" kimi tanındığı vurğulanır", - məlumatda deyilir.

Həmçinin vurğulanıb ki, C-24 Komitəsinə ünvanlanan məktubda Yeni Kaledoniya və Fransız Polineziyasına BMT missiyasının göndərilməsi və müstəqillik seçiminin verilməsi tələb olunur. Eyni zamanda, Fransadan Qvadelup, Martinik, Reyunyon və Fransız Qvianasının 1947-ci ildə hansı hüquqi əsaslarla BMT siyahısından çıxarıldığı barədə hesabat istənilməsi, bu xalqların beynəlxalq hüquq baxımından ayrıca xalq statusunun tanınması və öz müqəddəratlarını təyin etmək üçün referendumların keçirilməsi təklif edilir.

E.Makrona göndərilən məktubda isə Parisə açıq çağırış edilir: dekolonizasiya hüququnun legitimliyini mübahisələndirmək əvəzinə, Fransa öz beynəlxalq öhdəliklərini yerinə yetirməlidir. Bunun üçün Dənizaşırı ərazilərin sakinlərinin ayrıca xalq statusu tanınmalı, Yeni Kaledoniya və Fransız Polineziyasında BMT-nin himayəsi altında real öz müqəddəratını təyinetmə prosesi başlanmalı, Qvadelup, Martinik, Reyunyon və Fransız Qvianasında isə 1946-cı ildən bəri keçirilməyən referendumlar nəhayət təşkil edilməlidir.

"Qvadelup xalqının səsi Azərbaycanın qaldırdığı dekolonizasiya gündəliyi və BTQ-nin formalaşdırdığı beynəlxalq platforma vasitəsilə daha geniş auditoriyaya çatır. BTQ müxtəlif qitələrdə Fransa müstəmləkəçiliyindən əziyyət çəkən xalqların ayrı-ayrı mübarizələrini vahid beynəlxalq siyasi və hüquqi gündəlik ətrafında birləşdirir, onların mövqelərini BMT səviyyəsinə daşımasına imkan yaradır", - məktubda yazılıb.

Qvadelupdan ünvanlanan bu məktublar rəsmi Parisə verilən növbəti aydın cavabdır: müstəmləkəçilik "daxili iş" adı altında gizlədilə bilməz. Fransa təhdid və diplomatik təzyiqlərlə dekolonizasiya tələbini susdurmaq əvəzinə, əsrlər boyu hüquqları əlindən alınmış xalqların azad seçim, müstəqillik və öz müqəddəratını təyinetmə hüququnu tanımalıdır.

Fransa və Niderland tərəfindən iki hissəyə bölünərək faktiki işğal altında saxlanılan Sent-Martin adasının azadlığı uğrunda barışmaz mübarizə aparan nüfuzlu ONESXM təşkilatı Azərbaycana dəstək ifadə edən bəyanat yayıb.

Bu barədə "Report"a Bakı Təşəbbüs Qrupundan (BTQ) məlumat verilib.

Qeyd olunub ki, təşkilat Fransa Milli Assambleyasının üç deputatının Azərbaycanın və BTQ-nin dekolonizasiya prosesinə dəstəyini hədəf alan ittihamlarını qətiyyətlə rədd edib. Müstəqillik hərəkatı tərəfdarları fransalı parlamentarilərin Azərbaycan Prezidentinin fikirlərini "Fransanın daxili işlərinə qarışmaq" kimi qələmə verməsinə sərt reaksiya göstəriblər.

Bəyanatda vurğulanıb ki, müstəmləkəçilik və xalqların öz müqəddəratını təyin etməsi Fransanın daxili işi sayıla bilməz. Bu məsələlər beynəlxalq hüquq normaları, BMT Nizamnaməsinin 1-ci maddəsi (xalqların bərabər hüquqluluğu və öz müqəddəratını təyin etməsi prinsipi) və BMT Baş Assambleyasının 1960-cı ildə qəbul etdiyi müstəmləkə idarəçiliyinə son qoyulmasını tələb edən 1514 saylı qətnaməsi ("Müstəmləkə ölkələrinə və xalqlarına müstəqillik verilməsi haqqında Bəyannamə") ilə tənzimlənir. Bu baxımdan, assosiasiya müstəmləkə idarəçiliyindən əziyyət çəkən xalqların səsini dünyaya çatdıran BTQ-nin missiyasını tamamilə legitim, qanuni və təqdirəlayiq hesab edir.

Yeni Kaledoniya və Fransız Polineziyası kimi bölgələrin hələ də BMT-nin dekolonizasiya edilməli olan ərazilər siyahısında qaldığını xatırladan ONESXM rəsmi Parisin "fransız təbəəliyi" adı altında apardığı siyasətin real bərabərsizliyi və yerli xalqların fundamental hüquqlardan məhrum edilməsini gizlədə bilmədiyini vurğulayaraq, Sent-Martində xalqa tam müstəqillik üçün "bəli", yaxud "xeyr" seçimi veriləcək rəsmi referendumun dərhal təşkil olunmasını tələb edir.

BTQ-dən qeyd olunub ki, "ONESXM-in sözügedən bəyanatı Parisin təhdid, təzyiq və "daxili işlərə qarışma" bəhanəsi dekolonizasiya tələblərini susdurmağa qadir deyil. Bildirilib ki, Karib hövzəsindən Sakit okeanadək Fransa müstəmləkəçiliyinə qarşı mübarizə aparan xalqlar öz səslərini məhz Bakı Təşəbbüs Qrupunun yaratdığı beynəlxalq platforma vasitəsilə daha geniş auditoriyaya çatdırır, mövqelərini uzlaşdırır və qlobal həmrəylik nümayiş etdirirlər.

BTQ-nin bu mübarizəni ayrı-ayrı ərazilərin lokal etirazı çərçivəsindən çıxararaq beynəlxalq dekolonizasiya gündəliyinin mühüm istiqamətlərindən birinə çevirdiyi vurğulanıb: "ONESXM-in mövqeyi Parisə ünvanlanan aydın mesajdır: müstəmləkəçilik dövrü başa çatmalı, xalqların azad seçim və öz müqəddəratını təyinetmə hüququ isə heç bir siyasi təzyiq, təhdid və manipulyasiya ilə əngəllənməməlidir".

Ağalar Rahim oğlu Atamoğlanov Azərbaycanın Qazaxıstandada fövqəladə və səlahiyyətli səfiri vəzifəsindən geri çağırılıb.

"Report" xəbər verir ki, Prezident İlham Əliyev bununla bağlı Sərəncam imzalayıb.

Dövlət başçısının digər Sərəncamı ilə Əlimirzamin Qəvvam oğlu Əskərov Qazaxıstana səfir təyin edilib.

Qeyd edək ki, A.Atamoğlanov 2021-ci ilin 16 iyul tarixində bu vəzifəyə təyin edilmişdi.

Ə.Əskərov isə bundan əvvəl Azərbaycanın Tacikistandakı səfiri vəzifəsində çalışıb.

Azərbaycanın Tacikistandakı fövqəladə və səlahiyyətli səfiri Əlimirzamin Qəvvam oğlu Əskərov geri çağırılıb.

"Report" xəbər verir ki, Prezident İlham Əliyev bununla bağlı Sərəncam imzalayıb.

Dövlət başçısının digər Sərəncamı ilə Elxan Cahangir oğlu Qəhrəman Azərbaycan Tacikistandakı fövqəladə və səlahiyyətli səfiri təyin edilib.

Qeyd edək ki, Əlimirzamin Əskərov 2021-ci ilin iyulun 16-dək bu vəzifəyə təyin edilmişdi.

Elxan Qəhrəman 2022-ci ilin avqustun 19-dək Azərbaycanın Küveytdəki səfiri olub.

Elçin Nəriman oğlu Hüseynli Azərbaycanın Hindistanda, eyni zamanda Banqladeşdə, Butan Krallığında, Maldiv Respublikasında, Nepalda və Şri-Lanka Demokratik Sosialist Respublikasında fövqəladə və səlahiyyətli səfiri vəzifəsindən geri çağırılıb.

"Report" xəbər verir ki, Prezident İlham Əliyev bununla bağlı Sərəncam imzalayıb.

Dövlət başçısının digər Sərəncamı ilə E.Hüseynli Azərbaycanın İtaliyada fövqəladə və səlahiyyətli səfiri təyin edilib.

Qeyd edək ki, Elçin Hüseynli 2023-cü ildə Azərbaycanın Hindistandakı səfiri təyin edilmişdi.

Azərbaycan ilə Ukrayna arasında mülki və ticarət işləri üzrə hüquqi yardım haqqında Müqavilə təsdiqlənib.

"Report" xəbər verir ki, Prezident İlham Əliyev bununla bağlı adıçəkilən müqavilənin təsdiqi ilə bağlı qanunu imzalayıb.

Qeyd edək ki, müqavilə bu ilin aprel ayının 25-də Qəbələ şəhərində imzalanıb.

Azərbaycanın Özbəkistandakı yeni səfiri Rəşad Məmmədov etimadnaməsini Özbəkistan Prezidenti Şavkat Mirziyoyevə təqdim edib.

"Report" xəbər verir ki, bu barədə Özbəkistan Prezidentinin mətbuat xidməti məlumat yayıb.

Mirziyoyev vurğulayıb ki, Azərbaycan və Özbəkistan liderlərinin qəti siyasi iradəsi sayəsində iki ölkənin münasibətləri strateji tərəfdaşlıq və müttəfiqlik səviyyəsinə yüksəlib.

"Qarşılıqlı ticarətin həcmi 40 % artıb, birgə müəssisələrin sayı demək olar ki, 450-yə çatıb, yükdaşımaların həcmi isə iki dəfə artıb. Yaxın gələcəkdə Özbəkistan və Azərbaycan arasında birgə investisiya portfelinin həcminin 10 milyard dollara çatdırılması ilə bağlı qarşıya iddialı məqsəd qoyulub", - Prezident qeyd edib.

Həmçinin qarşıdan gələn yüksək səviyyəli görüşlərin ikitərəfli əməkdaşlığa yeni təkan verəcəyi qeyd edilib.

Rusiya Prezidenti Vladimir Putin iyulun 28-də Azərbaycan Prezidenti İlham Əliyevə zəng edib.

"Report" xəbər verir ki, bu barədə Azərbaycan Prezidentinin Mətbuat Xidməti məlumat yayıb.

İkitərəfli və beynəlxalq gündəliyə dair aktual məsələləri müzakirə edən liderlər Azərbaycan-Rusiya əlaqələrinin konstruktiv xarakter daşıdığını, hökumətlərin və müvafiq strukturların xətti ilə fəal dialoqun aparıldığını qeyd ediblər.

Faydalı əməkdaşlığın daha da genişlənməsinə dair qarşılıqlı maraq təsdiqlənib.

Milli Məclisin (MM) nümayəndə heyəti Qara Dəniz İqtisadi Əməkdaşlıq Təşkilatı Parlament Assambleyasının (QDİƏT PA) 67-ci Baş Assambleyasında iştirak edəcək.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Bildirilib ki, iştirak məqsədilə Milli Məclisin QDİƏT PA-dakı nümayəndə heyətinin rəhbəri, parlamentin Hesablayıcı komissiyasının sədri Eldar Quliyev, nümayəndə heyətinin üzvləri – Milli Məclisin Əmək və sosial siyasət komitəsinin sədri Musa Quliyev, İntizam komissiyasının sədri Eldar İbrahimov, deputatlar Kamran Bayramov və Səbinə Salmanova iyunun 28-də Gürcüstanın paytaxtı Tbilisi şəhərinə səfər edəcəklər.

Tədbirdə "Regional əməkdaşlıq üçün süni intellekt: Qara Dəniz bölgəsində innovasiya, əlaqə və davamlı inkişaf" mövzusunda müzakirələr aparılacaq, təşkilati məsələlərə baxılacaq. Assambleya çərçivəsində qurumun komitə iclasları da keçiriləcək.

Milli Məclisin QDİƏT PA-da nümayəndə heyətinin üzvləri müzakirəyə çıxarılan məsələlərə münasibət bildirəcəklər.

Səfər iyulun 2-də başa çatacaq.

Azərbaycan Xarici İşlər Nazirliyi (XİN) Cibutini Müstəqillik Günü münasibətilə təbrik edib.

"Report" xəbər verir ki, bu barədə nazirliyin "X" sosial media hesabında paylaşım edilib.

Təbrik mesajında Djibuti hökuməti və xalqına Müstəqillik Günü münasibətilə xoş arzular çatdırılıb.

"Müstəqillik Gününüz mübarək, Cibuti!" – deyə paylaşımda qeyd olunub.

Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Gənclər Şurasının 9-cu iclası çərçivəsində gənclər və idman naziri Fərid Qayıbov AQEM-in baş katibi Kayrat Sarıbayın rəhbərlik etdiyi nümayəndə heyəti ilə görüşüb.

Bu barədə "Report"a Gənclər və İdman Nazirliyinin mətbuat xidmətindən məlumat verilib.

Bildirilib ki, görüş zamanı Azərbaycanın AQEM-in Gənclər Şurasına sədrliyi çərçivəsində ötən dövr ərzində həyata keçirilən fəaliyyətlər, Azərbaycan ilə AQEM arasında gənclər sahəsində əməkdaşlığın mövcud vəziyyəti və inkişaf perspektivləri müzakirə olunub.

AQEM-in yaradılmasının 20 illiyinə həsr olunmuş xüsusi nəşr gənclər və idman naziri Fərid Qayıbova təqdim edilib. Qeyd olunub ki, nəşrdə nazirin AQEM çərçivəsində gənclər əməkdaşlığının inkişafına dair baxışlarını əks etdirən məqaləsi də yer alıb.

Görüşdə, həmçinin AQEM çərçivəsində gələcək əməkdaşlıq istiqamətləri, birgə təşəbbüslərin həyata keçirilməsi və Gənclər Şurası platforması çərçivəsində fəaliyyətin daha da genişləndirilməsi ilə bağlı fikir mübadiləsi aparılıb.

Nyu-York şəhərində Qadınlara qarşı ayrı-seçkiliyin aradan qaldırılması üzrə Konvensiyaya tərəf dövlətlərin 24-cü iclası çərçivəsində Azərbaycan Respublikasının namizədi BMT-nin Qadınlara qarşı ayrı-seçkiliyin aradan qaldırılması üzrə Komitəsinin (CEDAW) 2027-2030-cu illər üzrə üzvlüyünə seçilib.

"Report" xəbər verir ki, bu barədə Azərbaycan XİN məlumat yayıb.

Kəskin rəqabət şəraitində baş tutmuş seçkilərdə Azərbaycanla birgə 20 ölkədən olan namizədlər Komitədə mövcud 12 vakant yer uğrunda mübarizə aparıb. Azərbaycan Respublikası tərəfindən namizədliyi irəli sürülmüş Ailə, Qadın və Uşaq Problemləri üzrə Dövlət Komitəsinin nümayəndəsi Elgün Səfərov səsvermənin ilk mərhələsində Komitəyə üzv seçilib.

BMT-nin Qadınlara qarşı ayrı-seçkiliyin bütün formalarının ləğv olunması üzrə Komitəsi 1979-cu il əlaqədar Konvensiyanın icrasına nəzarət edən əsas müqavilə qurumudur. Komitə qlobal miqyasda seçilən 23 müstəqil ekspertdən ibarət olmaqla, Konvensiyaya tərəf dövlətlərin öhdəliklərinin yerinə yetirilməsini nəzərdən keçirir.

Xatırladaq ki, BMT-nin Qadınlara qarşı ayrı-seçkiliyin aradan qaldırılması üzrə Komitəsi (CEDAW) ilə yanaşı son iki həftə ərzində BMT insan hüquqları üzrə müqavilə qurumlarından olan İnsan Hüquqları üzrə Komitə (ICCPR) və Uşaq Hüquqları Komitəsinə (CRC) keçirilən seçkilərdə namizəd olan Azərbaycan nümayəndələri hər üç komitəyə seçilməklə maksimum nəticə göstərməyə nail olmuşdur.

Bununla yanaşı, ölkəmiz əvvəlki illərdə keçirilmiş seçkilərin nəticəsinə uyğun olaraq İqtisadi, Sosial və Mədəni Hüquqlar üzrə Komitə (CESCR) və Əməkçi Miqrantlar üzrə Komitədə (CMW) təmsil olunur.

Qeyd edilən seçkilərdə qələbələr Azərbaycan nümayəndələrinə BMT insan hüquqları üzrə mövcud olan 10 müqavilə qurumundan 5-də təmsil olunmaq imkanı yaratmaqla, müqavilə qurumlarında təmsilçilik baxımından ölkəmiz bütün BMT üzvləri arasında Çin Xalq Respublikası ilə ikinci və üçüncü yerləri bölüşür. Bu bir daha ölkəmizin beynəlxalq müstəvidə artan nüfuzunun, beynəlxalq ictimaiyyətin Azərbaycana göstərdiyi etimadın növbəti bariz nümunəsidir.

Qazaxıstanın xarici işlər naziri Yermek Koşerbayev Azərbaycan səfiri Ağalar Atamoğlanovu diplomatik fəaliyyətinin başa çatması münasibətilə qəbul edib.

"Report"un Qazaxıstan bürosu ölkənin Xarici İşlər Nazirliyinə istinadən verdiyi məlumata görə, görüş zamanı nazir ikitərəfli əməkdaşlığın möhkəmləndirilməsinə verdiyi töhfəyə görə Azərbaycan diplomatına təşəkkür edib.

Koşerbayev Qazaxıstan ilə Azərbaycan arasında strateji tərəfdaşlığın yüksək səviyyəsini qeyd edib və qarşılıqlı faydalı əlaqələrin daha da inkişaf etdirilməsinin vacibliyini vurğulayıb.

"Diplomatik karyeranız ərzində Azərbaycan Respublikasını ləyaqətlə təmsil etmiş və ölkələrimiz arasında çoxşaxəli əməkdaşlığın möhkəmləndirilməsinə mühüm töhfələr vermişsiniz. Siz Qazaxıstan-Azərbaycan münasibətlərinin keyfiyyətcə yeni səviyyəyə qaldırılmasında birbaşa iştirakçı oldunuz", - deyə o əlavə edib.

Azərbaycan səfiri Ağalar Atamoğlanov öz növbəsində Qazaxıstan tərəfinə missiyası zamanı göstərilən hərtərəfli dəstəyə görə təşəkkürünü bildirib.

Görüşün sonunda Yermek Koşerbayev Qazaxıstan Prezidenti Kasım-Jomart Tokayev adından səfirə Qazaxıstan ilə Azərbaycan arasında mehriban qonşuluq münasibətlərinin və hərtərəfli strateji tərəfdaşlığın inkişafına verdiyi töhfəyə görə II dərəcəli "Dostık" ordenini təqdim edib.

Azərbaycanın sülh və regional əməkdaşlıq siyasəti Cənubi Qafqazın inkişafında mühüm rol oynayır.

Bu sözləri "Report"un yerli bürosuna açıqlamasında Gürcüstanın tanınmış politoloqu, "Vahid Neytral Gürcüstan" partiyasının icraçı katibi Vato Şakarişvili deyib.

O bildirib ki, Cənubi Qafqazda sülh və sabitlik Gürcüstanın əsas prioritetlərindəndir.

V.Şakarişvilinin sözlərinə görə, regionda sabitlik yeni geosiyasi şəraitdə Cənubi Qafqaz ölkələrinin rolunun gücləndirilməsi və iqtisadi inkişafı üçün mühüm əhəmiyyət daşıyır.

O qeyd edib ki, Gürcüstan bu istiqamətdə fəal siyasət həyata keçirir və Azərbaycanla Ermənistan arasında sülh prosesini dəstəkləyir.

"Azərbaycanın regionda sülh və təhlükəsizliyin təmin olunması, eləcə də əməkdaşlıq platformalarının genişləndirilməsi istiqamətində atdığı addımlar yüksək qiymətləndirilməlidir. Bu siyasət Cənubi Qafqazda sabitliyin möhkəmlənməsinə və iqtisadi inkişafın sürətlənməsinə xidmət edir", – deyə o bildirib.

Şakarişvili vurğulayıb ki, region ölkələri arasında əməkdaşlığın dərinləşməsi yeni iqtisadi imkanlar yaradır və bu, bütün Cənubi Qafqaz xalqlarının rifahına müsbət təsir göstərir.

Onun sözlərinə görə, Azərbaycanın təşəbbüsləri regional inteqrasiya proseslərinin güclənməsinə və qarşılıqlı etimad mühitinin formalaşmasına töhfə verir.

Xarici işlər naziri Ceyhun Bayramovla İtaliyanın Baş nazirinin müavini, xarici işlər və beynəlxalq əməkdaşlıq naziri Antonio Tayani arasında telefon danışığı aparılıb.

Bu barədə "Report"a Xarici İşlər Nazirliyindən məlumat verilib.

Qeyd olunub ki, telefon danışığı zamanı Azərbaycan-İtaliya strateji tərəfdaşlıq münasibətlərinin cari vəziyyəti və inkişaf perspektivləri müzakirə olunub.

Nazirlər iki ölkə arasında yüksək səviyyəli siyasi dialoqun intensiv xarakter aldığını məmnunluqla qeyd ediblər. Bu çərçivədə ötən ilin payızında İtaliya Prezidenti Sercio Mattarellanın Azərbaycana dövlət səfərinin, cari ilin yanvar ayında İqtisadi Əməkdaşlıq üzrə Hökumətlərarası Komissiyanın iclasının, habelə may ayında İtaliya Nazirlər Şurasının sədri Corcia Meloninin Azərbaycana səfərinin Azərbaycan-İtaliya münasibətlərinin strateji mahiyyətini və qarşılıqlı etimada əsaslanan əməkdaşlığın dinamik inkişafını nümayiş etdirdiyi vurğulanıb.

Tərəflər qarşıdan gələn dövrdə də siyasi dialoqun və qarşılıqlı səfərlərin davam etdirilməsinin, iqtisadi-ticarət, enerji, nəqliyyat, sənaye, investisiya, təhsil və digər istiqamətlərdə əməkdaşlığın daha da genişləndirilməsinin əhəmiyyətini qeyd ediblər. Bu çərçivədə, cari ilin payızında keçirilməsi nəzərdə tutulan Azərbaycan-İtaliya Biznes Forumunun ikitərəfli iqtisadi tərəfdaşlığın dərinləşdirilməsi baxımından mühüm platforma olacağı bildirilib.

Nazirlər cari ilin sentyabr ayında "The European House – Ambrosetti" ilə tərəfdaşlıq çərçivəsində təşkil olunacaq konfransın Azərbaycan-İtaliya iqtisadi və siyasi dialoqunun inkişafı baxımından əhəmiyyətini vurğulayıblar.

Tərəflər enerji sahəsində uğurlu əməkdaşlığı məmnunluqla qeyd edərək, SOCAR ilə İtaliyanın Italiana Petroli (IP) şirkəti arasında əməkdaşlığın, şirkətin satın alınmasının ikitərəfli iqtisadi münasibətlərin mühüm istiqamətlərindən biri olduğunu vurğulayıblar. İqtisadi sahədə qarşılıqlı faydalı layihələrin genişləndirilməsi və yeni əməkdaşlıq imkanlarının araşdırılmasının əhəmiyyəti qeyd edilib.

Telefon danışığı zamanı həmçinin bölgədə postmünaqişə dövründə sülh gündəliyi, Yaxın Şərqdə vəziyyət və digər regional təhlükəsizlik məsələləri ətrafında da fikir mübadiləsi aparılıb.

Avropa Komissiyasının sədri Ursula fon der Lyayen gələn həftə Azərbaycana və Ermənistana səfər edəcək.

"Report"un Avropa bürosunun məlumatına görə, bu barədə Avropa Komissiyasının mətbuat xidmətinin rəhbəri Paula Pinyo Brüsseldə keçirilən brifinqdə bildirib.

Məlumata görə, o, iyulun 1-də Bakıda olacaq, daha sonra isə İrəvana yola düşəcək.

Pinyo qeyd edib ki, Cənubi Qafqaz ölkələrinə səfər Avropa İttifaqının regionda tərəfdaşlığı möhkəmləndirmək istəyini nümayiş etdirmək və Azərbaycanla Ermənistan arasında davamlı sülhə nail olunmasında Aİ-nin dəstəyini ifadə etmək məqsədi daşıyır.

"Sülh, nəqliyyat əlaqəliliyi və iqtisadi inteqrasiya bu səfərin əsas mövzuları olacaq. Avropa, Cənubi Qafqaz və Mərkəzi Asiya arasında nəqliyyat əlaqələrinin inkişafına xüsusi diqqət yetiriləcək", - o bildirib.

Avropa mediası qarşıdan gələn səfəri "İpək Yolu ilə səyahət" kimi səciyyələndirib. Mənbələr regionda Yaxın Şərqdəki müharibə səbəbindən əhəmiyyəti daha da artan "nəqliyyat əlaqəliliyinin və güc balansının dəyişməsinin" müzakirə olunmasının planlaşdırıldığını bildirirlər.

Ursula fon der Lyayenin bir sıra mühüm bəyanatlarla çıxış edəcəyi gözlənilir.

Avropa Komissiyasının sədri Ursula fon der Lyayen 1 iyulda Azərbaycana gələcək.

"Report"un məlumatına görə, bu barədə "AnewZ" telekanalı xəbər verir.

NATO-nun mənzil-qərargahında Azərbaycan Silahlı Qüvvələrinin yaradılmasının 108-ci ildönümü münasibətilə rəsmi qəbul keçirilib.

"Report"un Avropa bürosunun nümayəndəliyə istinadən verdiyi məlumata görə, tədbirdə NATO Baş katibinin Qafqaz və Mərkəzi Asiya üzrə xüsusi nümayəndəsi və tərəfdaşlıqlar üzrə köməkçisinin müavini səfir Kevin Hamilton, müttəfiq və tərəfdaş dövlətlərin NATO yanında səfirləri, hərbi nümayəndələri, Alyansın Beynəlxalq Katibliyinin nümayəndələri, eləcə də digər yüksək səviyyəli qonaqlar iştirak edib.

Rəsmi qəbul zamanı çıxış edən Azərbaycan Respublikasının NATO yanında Nümayəndəliyinin başçısı Cəfər Hüseynzadə bu əlamətdar günün Azərbaycan Silahlı Qüvvələrində xidmət edən hərbi qulluqçuların fədakarlıqları və xidmətlərinə ehtiramın ifadə olunması, habelə müstəqillik, suverenlik və dövlətçilik dəyərlərinin əhəmiyyətinin bir daha vurğulanması baxımından böyük əhəmiyyət daşıdığını qeyd edib.

O bildirib ki, Azərbaycanın müstəqilliyi böyük fədakarlıqlar hesabına əldə olunmuş nailiyyətdir və onun qorunub saxlanılması güclü dövlət institutları, milli birlik və peşəkar silahlı qüvvələrdən asılıdır. Nümayəndəliyin başçısı müasir Azərbaycan Ordusunun formalaşmasında Ümummilli Lider Heydər Əliyevin rolunu xüsusi vurğulayıb, onun əsasını qoyduğu hərbi quruculuq siyasətinin Azərbaycan Respublikası Prezidenti, Silahlı Qüvvələrin Ali Baş Komandanı İlham Əliyevin rəhbərliyi ilə uğurla davam etdirildiyini və bunun nəticəsində ölkənin suverenliyi və ərazi bütövlüyünün bərpa olunduğunu qeyd edib.

C.Hüseynzadə Azərbaycanın məqsədlərinin təkcə suverenliyin bərpası ilə məhdudlaşmadığını, Cənubi Qafqazda dayanıqlı sülhün təmin edilməsinə yönəldiyini qeyd edib və Vaşinqton Sammitində Azərbaycan–Ermənistan sülh prosesində əldə olunan irəliləyişi mühüm addım kimi qiymətləndirib. Dipıomat Azərbaycanın NATO ilə tərəfdaşlığının 30 ildən artıq qarşılıqlı hörmət və ortaq maraqlar əsasında inkişaf etdiyini, ölkənin NATO-nun rəhbərlik etdiyi əməliyyatlarına, xüsusilə Kosovo və Əfqanıstandakı missiyalara mühüm töhfələr verdiyini vurğulayıb.

Nümayəndəliyin başçısı, həmçinin Azərbaycanın NATO müttəfiqləri və tərəfdaşlarının enerji təhlükəsizliyinə verdiyi töhfələri, eləcə də Avropa, Mərkəzi Asiya və digər regionlar arasında əlaqələri gücləndirən mühüm Avrasiya bağlantı mərkəzinə çevrildiyini qeyd edib.

Azərbaycan Silahlı Qüvvələrinin NATO-nun Hərbi Komitəsi yanında hərbi nümayəndəsi Ramil Həsənov öz çıxışında Silahlı Qüvvələrimizin yaranması və inkişaf yolu, eləcə də Azərbaycanın NATO ilə hərbi sahədə tərəfdaşlığı haqqında məlumat verib.

NATO Baş katibinin Qafqaz və Mərkəzi Asiya üzrə xüsusi nümayəndəsi və tərəfdaşlıqlar üzrə baş katib köməkçisinin müavini səfir Kevin Hamilton çıxışında Azərbaycanı NATO-nun etibarlı və dəyərli tərəfdaşı kimi qiymətləndirib.

"Azərbaycan ilə NATO arasında uzunmüddətli tərəfdaşlıq Azərbaycan Silahlı Qüvvələrinin peşəkarlaşmasına və modernləşdirilməsinə mühüm töhfə verib və bu gün Azərbaycan Silahlı Qüvvələri NATO standartları ilə yüksək səviyyədə qarşılıqlı uyarlılığa sahibdir", - o qeyd edib.

Səfir Kevin Hamilton Azərbaycanın NATO-nun rəhbərlik etdiyi əməliyyat və missiyalara verdiyi töhfələri, o cümlədən Əfqanıstandakı mühüm rolunu yüksək qiymətləndirib və müttəfiq qüvvələrin ölkədən təxliyəsi zamanı göstərdiyi dəstəyi xüsusi qeyd edib.

"Azərbaycan Əfqanıstanı tərk edən son tərəfdaş ölkə oldu", - o əlavə edib.

Hamilton, həmçinin Azərbaycanın NATO müttəfiqləri və tərəfdaşlarının enerji təhlükəsizliyinə verdiyi töhfələri yüksək qiymətləndirib. Bununla yanaşı, o, Azərbaycan və Ermənistan arasında de-fakto sülhün bərqərar olması ilə əldə edilmiş tarixi irəliləyişi alqışlayaraq, bunu regional sabitlik və təhlükəsizlik baxımından mühüm nailiyyət kimi dəyərləndirib.

Rəsmi qəbul çərçivəsində Azərbaycanın Alyansla tərəfdaşlığını, Ulu Öndər Heydər Əliyevin NATO ilə tərəfdaşlığa mühüm töhfələrini, Prezident İlham Əliyevin NATO mənzil-qərargahına səfərini və Alyansın rəsmiləri ilə görüşlərini əks etdirən fotosərgi, eləcə də Azərbaycanın milli təamlarını əks etdirən ziyafət təşkil edilib.

Azərbaycan Cənubi Qafqazda - Şimali Atlantik Alyans üçün mühüm əhəmiyyət kəsb edən regionda NATO-nun etibarlı tərəfdaşıdır.

"Report"un Avropa bürosunun alyansın Brüsseldəki baş qərargahına istinadən xəbər verdiyi kimi, bu barədə NATO Baş Katibinin Qafqaz və Mərkəzi Asiya üzrə xüsusi nümayəndəsi Kevin Hamilton Azərbaycana ilk rəsmi səfəri çərçivəsində bəyan edib.

Xəbər yenilənir

London Bakı ilə müdafiə sahəsində əməkdaşlığı gücləndirmək niyyətindədir.

"Report" xəbər verir ki, bu barədə Böyük Britaniyanın Azərbaycana yeni təyin olunmuş səfiri Dunkan Norman "X" sosial şəbəkəsindəki səhifəsində yazıb.

"Azərbaycan Silahlı Qüvvələri Günü münasibətilə Şəhidlər xiyabanını ziyarət edib, həyatını Azərbaycanın müdafiəsinə həsr etmiş insanların xatirəsini ehtiramla yad etdim. Böyük Britaniya Azərbaycanla müdafiə sahəsində inkişaf edən əməkdaşlığı yüksək qiymətləndirir və tərəfdaşlığımızı daha da gücləndirməkdə qərarlıdır", - diplomat qeyd edib.

Bu günün gəncləri inkişaf siyasətinin sadəcə faydalanan tərəfi deyil, daha dinc, firavan və dayanıqlı regionun qurulmasında fəal tərəfdaşlardır.

"Report" xəbər verir ki, bunu Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Baş katibi Kayrat Sarıbay təşkilatın Azərbaycanın 2024-2026-cı illər üzrə sədrliyi çərçivəsində Gənclər Şurasının 9-cu iclasında çıxışı zamanı deyib.

Onun sözlərinə görə, şəhərlər iqtisadi inkişafın, innovasiyanın və mədəni mübadilənin mərkəzinə çevrildiyi kimi, eyni zamanda ekoloji dayanıqlılıq, sosial inklüzivlik və ictimai sağlamlıqla bağlı ciddi çağırışlarla da üzləşirlər:

"Rəqəmsal dövrün nümayəndələri və dəyişikliklərin aparıcı qüvvəsi olan gənclər bu problemlərin həlli üçün innovativ yanaşmalar irəli sürmək, daha ağıllı, daha yaşıl və daha dayanıqlı şəhər mühitinin formalaşdırılmasına töhfə vermək potensialına malikdirlər".

K.Sarıbay həmçinin əlavə edib ki, Gənclər Şurasının görüşü milli təcrübələri bölüşmək üçün mühüm bir platformadır.

Baş katib bugünkü görüşün regionun ən iddialı şəhərsalma və yenidənqurma layihələrindən birinin Bakı Ağ şəhərində keçirilməsinin xüsusi rəmzi məna daşıdığını qeyd edib.

Avropa İttifaqının (Aİ) Cənubi Qafqaz və Gürcüstan böhranı üzrə xüsusi nümayəndəsi Maqdalena Qrono Bakıya səfəri zamanı Azərbaycan rəsmiləri ilə görüşlərində regional vəziyyəti, Aİ-Azərbaycan münasibətlərini, eləcə də Azərbaycan və Ermənistan arasında sülh prosesinin perspektivlərini müzakirə edib.

"Report" xəbər verir ki, bu barədə Maqdalena Qrono "X" sosial şəbəkəsindəki səhifəsində yazıb.

"Yenidən Bakıda olmaqdan və azərbaycanlı həmkarlarım, o cümlədən Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev, Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov, eləcə də xarici işlər nazirinin müavini Elnur Məmmədovla intensiv məsləhətləşmələr aparmaqdan məmnunam.

Müzakirələrimiz regional prosesləri, Aİ-Azərbaycan münasibətlərini, nəqliyyat bağlantısı sahəsindəki imkanları, Azərbaycan-Ermənistan sülh prosesini, habelə Avropa İttifaqının Azərbaycan və Ermənistanla qarşıdan gələn yüksək səviyyəli qarşılıqlı fəaliyyətini əhatə edib", - Aİ-nin xüsusi nümayəndəsi qeyd edib.

Bakı və İrəvan arasındakı sülh prosesindən danışan Maqdalena Qrono qeyd edib ki, Azərbaycan rəsmiləri ilə görüşlər zamanı tərəflər davamlı sülh sazişinin bağlanması yolunda əldə edilmiş müsbət dinamikanı qoruyub saxlamağın vacibliyini təsdiqləyiblər.

"Biz iki ölkə arasında davamlı sülh yolunda tarixi nəticələrin əldə olunmuş dinamikasını qoruyub saxlamağın zəruriliyi ilə bağlı razılığa gəldik. Avropa İttifaqı bu prosesə dəstəyini davam etdirəcək", - o bildirib.

London İqlim Fəaliyyəti Həftəsi çərçivəsində Böyük Britaniya Hökuməti və Millətlər Birliyi Katibliyinin ev sahibliyi etdiyi "Dalğa Üzərində: Mombasadan (Keniya) Antalyaya (Türkiyə) Okean-İqlim" adlı yüksəksəviyyəli Nazirlər Dialoqu keçirilib.

"Report" xəbər verir ki, Azərbaycan Prezidentinin iqlim məsələləri üzrə nümayəndəsi tədbirdə iştirak edib.

"Dialoq COP31 ərəfəsində okean-iqlim gündəliyi üzrə prioritetləri formalaşdırmağa kömək etmək məqsədilə ardıcıl COP Sədrliklərini və beynəlxalq tərəfdaşları bir araya gətirib", - M. Babayev bildirib.

Azərbaycan Prezidentinin iqlim məsələləri üzrə nümayəndəsi təsirləri regionun hüdudlarından çox kənara çıxan yeni bir iqlim prioriteti kimi diqqəti Xəzər dənizinə yönəldərək, okean və su ilə bağlı çağırışların iqlim gündəliyində daha qabarıq şəkildə öz əksini tapmasının təmin edilməsinin vacibliyini vurğulayıb:

"Beynəlxalq əməkdaşlığın dayanıqlığın gücləndirilməsinə və iqlim maliyyəsinə əlçatanlığın yaxşılaşdırılmasına necə kömək edə biləcəyini nümayiş etdirərək, həssas ölkələrə, o cümlədən İnkişaf etməkdə olan Kiçik Ada Dövlətləri üçün COP29 Sədrliyi və Millətlər Birliyi tərəfdaşlığı vasitəsilə praktiki dəstəyin göstərilməsinin vacibliyini də qeyd etdim".

Peru ilə Azərbaycan arasında diplomatik münasibətlərin 30 illiyi qeyd olunub.

"Report" xəbər verir ki, bu barədə Azərbaycanın Perudakı səfirliyinin "X" sosial şəbəkə hesabında məlumat yayılıb.

"Peru ilə Azərbaycan arasında dostluq və diplomatik münasibətlərin 30 illiyinə həsr olunmuş bu musiqi gecəsini bizimlə bölüşdükləri üçün Azərbaycanın əziz dostlarına səmimi minnətdarlığımızı bildiririk", - məlumatda qeyd olunub.

Xatırladaq ki, bu gün Azərbaycan Xarici İşlər Nazirliyi (XİN) Peru ilə diplomatik münasibətlərin qurulmasının 30-cu ildönümünü təbrik edib.

Milli Məclisin sədri Sahibə Qafarova İslam Əməkdaşlıq Təşkilatına üzv dövlətlərin Parlament İttifaqının (İƏTPİ) Bakıda keçirilən 20-ci sessiyasında iştirak etmək üçün Azərbaycanda səfərdə olan İraq Respublikası Nümayəndələr Şurası sədrinin birinci müavini Adnan Feyhan Əd-Duleymi ilə görüşüb.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Görüşdə Azərbaycan və İraq arasında münasibətlərin ortaq dini və mədəni dəyərlərə əsaslandığı vurğulanıb.

S. Qafarova bildirib ki, hər iki ölkə BMT, Qoşulmama Hərəkatı və İƏT çərçivəsində qarşılıqlı dəstək nümayiş etdirir. O, energetika, investisiya, turizm və digər sahələrdə əməkdaşlığın genişləndirilməsi üçün əlverişli imkanların mövcud olduğunu qeyd edib.

Tərəflər qanunverici orqanlar arasında həm ikitərəfli əsasda, həm də beynəlxalq təşkilatlar çərçivəsində əməkdaşlığın əhəmiyyətini vurğulayıblar. Bu kontekstdə İlham Əliyevin təşəbbüsü ilə yaradılan Qoşulmama Hərəkatının Parlament Şəbəkəsinin mühüm platforma olduğu diqqətə çatdırılıb. Həmçinin Pİ və İƏTPİ çərçivəsində qarşılıqlı dəstəyin vacibliyi qeyd olunub.

Adnan Feyhan Əd-Duleymi İƏTPİ çərçivəsində əməkdaşlığın əhəmiyyətini vurğulayaraq, İraqın Azərbaycanla münasibətlərin daha da inkişafında maraqlı olduğunu bildirib.

Qonaq sessiyada müzakirə olunan mövzuların İslam dünyasını narahat edən aktual məsələlərin həllinə töhfə verdiyini, tədbirin üzv ölkələr arasında əməkdaşlığın möhkəmlənməsinə xidmət etdiyini qeyd edib.

Görüşdə qarşılıqlı maraq doğuran digər məsələlər ətrafında da fikir mübadiləsi aparılıb.

Son illər Azərbaycanın beynəlxalq mövqeyinin güclənməsi, Avropanın enerji təhlükəsizliyində artan rolu, ərazi bütövlüyünün bərpası və regional gücə çevrilməsi ölkəyə münasibətdə beynəlxalq siyasi müzakirələrin intensivləşməsinə səbəb olub.

Bunu "Report"a açıqlamasında Milli Məclisin deputatı Vüqar Rəhimzadə bildirib.

Deputatın sözlərinə görə, Azərbaycanın əldə etdiyi uğurları dəstəkləyən qüvvələrlə yanaşı, xüsusilə ölkənin ev sahibliyi etdiyi beynəlxalq tədbirlər zamanı bəzi Avropa siyasi dairələri tərəfindən qərəzli siyasi kampaniyaların da şahidi olunur.

V. Rəhimzadə qeyd edib ki, Almaniya Bundestaqının deputatı və Avropa Şurası Parlament Assambleyasında (AŞPA) sosial-demokratlar qrupunun rəhbərlərindən olan Frank Şvabe uzun illərdir Azərbaycana qarşı tənqidi mövqeyi ilə seçilən siyasətçilərdən biridir.

Onun fikrincə, F. Şvabenin Azərbaycana dair çıxışları sistemli xarakter daşıyır və müəyyən siyasi dairələrin maraqları ilə üst-üstə düşür:

"Müşahidələr göstərir ki, F. Şvabenin Azərbaycanla bağlı mövqeyi ardıcıl şəkildə tənqidi xarakter daşıyır. Bu baxımdan 2017-ci ildə 'European Strategic Intelligence and Security Center' tərəfindən yayımlanan 'The Armenian Connection' hesabatında bəzi Avropa siyasətçilərinin erməni təşkilatları ilə əlaqələrinə dair məlumatların yer alması diqqət çəkir. Həmin sənəddə Şvabenin də adı qeyd olunub".

Deputat bildirib ki, Şvabe tərəfindən səsləndirilən fikirlər bir sıra beynəlxalq və regional dairələrin Azərbaycana münasibətdə irəli sürdüyü mövqelərlə üst-üstə düşür.

V. Rəhimzadə hesab edir ki, insan hüquqları və demokratiya məsələlərində beynəlxalq təşkilatlar bütün ölkələrə münasibətdə eyni meyarlardan çıxış etməlidir:

"Əgər insan hüquqlarının müdafiəsi beynəlxalq təşkilatların əsas missiyasıdırsa, bu prinsiplər bütün dövlətlərə eyni şəkildə tətbiq olunmalıdır. Avropa ölkələrinin özündə də hüququn aliliyi, miqrantların hüquqları, islamofobiya, antisemitizm və jurnalistlərin fəaliyyəti ilə bağlı müxtəlif problemlər mövcuddur. Bu məsələlər beynəlxalq təşkilatların hesabatlarında da öz əksini tapır".

Deputatın sözlərinə görə, son illərdə müxtəlif beynəlxalq qurumların hesabatlarında Avropa ölkələrində hüququn aliliyinin zəifləməsi, məhkəmə sisteminə siyasi təsirlər və ayrı-seçkilik halları ilə bağlı narahatlıqlar qeyd olunub.

V. Rəhimzadə AŞPA-nın fəaliyyətinə də toxunaraq bildirib ki, qurumun bəzi qərar və mövqeləri onun obyektivliyi ilə bağlı suallar yaradır:

"Beynəlxalq təşkilatların nüfuzu onların obyektivliyindən asılıdır. Əgər oxşar hadisələrə fərqli yanaşmalar nümayiş etdirilirsə, bu, həmin institutların fəaliyyətinə dair suallar doğurur".

Deputat qeyd edib ki, Azərbaycanın işğal dövründə üzləşdiyi humanitar problemlərə beynəlxalq təşkilatlar tərəfindən lazımi həssaslığın göstərilmədiyini düşünür. O, həmçinin 44 günlük Vətən müharibəsi dövründə bəzi beynəlxalq dairələrin nümayiş etdirdiyi mövqelərin də müzakirə mövzusu olduğunu bildirib.

V. Rəhimzadənin fikrincə, demokratiya və insan hüquqları universal dəyərlərdir və onların selektiv şəkildə tətbiqi beynəlxalq institutların etibarlılığına mənfi təsir göstərir:

"Qərəzli və selektiv yanaşmalar beynəlxalq təşkilatlara ictimai etimadın azalmasına səbəb olur. Bu baxımdan bütün ölkələrə münasibətdə vahid və ədalətli meyarların tətbiqi vacibdir".

Haaqa şəhərində Azərbaycan Respublikasının Xarici İşlər Nazirliyi (XİN) və Niderland Krallığının XİN-i arasında konsulluq sahəsi üzrə ilk iclas baş tutub.

"Report" xəbər verir ki, bu barədə Azərbaycan XİN məlumat yayıb.

Görüş zamanı qarşılıqlı maraq doğuran bir sıra məsələlər, o cümlədən konsulluq sahəsində əməkdaşlığın cari vəziyyəti və inkişaf perspektivləri, viza siyasəti, əmək, daxili işlər, ədliyyə və hüquqi yardımın göstərilməsi sahələri üzrə əməkdaşlığın genişləndirilməsi mövzuları müzakirə edilib.

Danışıqlarda Azərbaycan nümayəndə heyətinə Azərbaycan XİN Konsulluq idarəsinin rəisi Emil Səfərov, Niderland nümayəndə heyətinə isə Niderland Krallığının Xarici İşlər Nazirliyinin Konsulluq və viza məsələləri üzrə idarəsinin rəisi Jeron Roodenburq rəhbərlik edib.

Danışıqlar zamanı tərəflər konsulluq istiqaməti üzrə əlaqələrin inkişaf etdirilməsi məqsədilə ikitərəfli əməkdaşlıq mexanizminin yaradılmasına dair razılıq əldə ediblər.

Eyni zamanda, nümayəndə heyətinin Niderland Krallığının Ədliyyə və Təhlükəsizlik Nazirliyinin rəsmiləri ilə keçirdiyi görüş zamanı iki ölkə arasında miqrasiya, readmissiya və digər əlaqədar sahələr üzrə müzakirələr aparılıb və təcrübə mübadiləsi həyata keçirilib.

23 iyun tarixində nümayəndə heyəti Beynəlxalq Hava Nəqliyyatı Assosiasiyasının və Beynəlxalq Miqrasiya Təşkilatının Niderland Krallığında yerləşən ofislərinin rəhbərləri ilə görüşlər keçirib.

24 iyun tarixində nümayəndə heyəti Beynəlxalq Xüsusi Hüquq üzrə Haaqa Konfransının (HCCH) Baş Katibi Kristof Bernaskoni tərəfindən qəbul edilib. Görüş çərçivəsində bu təşkilatın fəaliyyəti barədə Azərbaycan nümayəndə heyətinə məlumat verilib, Azərbaycanın HCCH-in qoşulduğu beynəlxalq konvensiyaların icrasına və təşkilatla ölkələr arasında əməkdaşlıq məsələlərinə dair fikir mübadiləsi aparılıb.

İyunun 25-də Azərbaycan Respublikasının Prezidenti İlham Əliyevlə Türkmən xalqının Milli Lideri, Türkmənistan Xalq Məsləhətinin sədri Qurbanqulu Berdiməhəmmədov arasında telefon danışığı olub.

"Report" xəbər verir ki, bu barədə Prezidentin Mətbuat Xidməti məlumat yayıb.

Telefon danışığı zamanı mədəniyyət, elm, təhsil və idman kimi sahələrdə ənənəvi olaraq məhsuldar əməkdaşlıq münasibətlərinin əhəmiyyəti vurğulanıb.

Həmçinin ikitərəfli münasibətlərin prioritet istiqamətləri ətrafında fikir mübadiləsi aparılıb.

Milli Məclisin sədri Sahibə Qafarova Bakıda keçirilən İslam Əməkdaşlıq Təşkilatına üzv dövlətlərin Parlament İttifaqının (İƏTPİ) 20-ci sessiyası çərçivəsində Afrika Qrupu parlament sədrlərinin müavinləri ilə görüşüb.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Görüşdə Burkina Faso Federal Milli Şurasının sədr müavini Tarik Humayt Əl Tahir, Çad Senatının sədr müavini Mbank Hacivoli, Kot-d'İvuar Senatının sədr müavini Sakkoni Torri Sarra, Qvineya-Bisau Keçid Dövrü Milli Şurası sədrinin birinci müavini San Hafote Karamba və Mali Keçid Dövrü Milli Şurası sədrinin birinci müavini Muhammedou Məhəmməd Osmani iştirak ediblər.

Görüşdə İƏTPİ Konfransının 20-ci sessiyasının yüksək səviyyədə təşkil olunduğu vurğulanıb, tədbirdə müzakirə edilən məsələlərin əhəmiyyəti qeyd edilib. İlham Əliyevin konfrans iştirakçılarına müraciətində yer alan mesajlar yüksək qiymətləndirilib.

S. Qafarova Azərbaycanda multikulturalizm və tolerantlıq mühiti, eləcə də İslam dəyərlərinin qorunması və inkişafı istiqamətində həyata keçirilən dövlət siyasəti barədə məlumat verib.

Tərəflər parlamentlərin ölkələr və xalqlar arasında əlaqələrin inkişafındakı rolunu vurğulayıb, qanunverici orqanlar arasında əməkdaşlığın mövcud vəziyyəti və perspektivlərini müzakirə ediblər. Beynəlxalq parlament platformalarında, o cümlədən Pİ, Qoşulmama Hərəkatının Parlament Şəbəkəsi və İƏTPİ çərçivəsində əməkdaşlığın genişləndirilməsinin əhəmiyyəti qeyd olunub.

Görüşdə qarşılıqlı maraq doğuran digər məsələlər ətrafında da fikir mübadiləsi aparılıb.

Milli Məclisin sədri Sahibə Qafarova İslam Əməkdaşlıq Təşkilatına (İƏT) üzv olan dövlətlərin Parlament İttifaqı (Pİ) Konfransının 20-ci sessiyasında iştirak etmək üçün Azərbaycanda səfərdə olan Qətər Dövləti Şura Məclisinin sədri Həsən bin Abdulla Əl-Qanimlə görüşüb.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Görüşdə Azərbaycanla Qətər arasında müxtəlif sahələrdə əlaqələrin inkişafından məmnunluq bildirilib və münasibətlərin daha da genişlənməsində qarşılıqlı səfərlərin və görüşlərin rolu vurğulanıb.

Söhbət zamanı Azərbaycan və Qətərin regional, beynəlxalq təşkilatlar çərçivəsində əməkdaşlığı da vurğulanıb. Bildirilib ki, ölkələr BMT, Qoşulmama Hərəkatı və İƏT çərçivəsində birgə fəaliyyət göstərir.

Görüşdə parlamentlərimiz arasında da əlaqələrin yüksək səviyyədə olmasından məmnunluq bildirilib. Vurğulanıb ki, Qətər parlamenti Prezident İlham Əliyevin təşəbbüsü ilə yaradılmış Qoşulmama Hərəkatının Parlament Şəbəkəsinin işində yaxından iştirak edir.

S. Qafarova bildirib ki, Azərbaycan həmişə bütün ölkələrin ərazi bütövlüyünə hörmətlə yanaşıb. O, Azərbaycanın region ətrafında baş verən hadisələr fonunda Cənubi Qafqazda əmin-amanlığın qorunması üçün sülh gündəliyini dəstəklədiyini qeyd edib.

Qətər Dövlətinin Şura Məclisinin sədri İƏTPİ Konfransının 20-ci sessiyasının əhəmiyyətini qeyd edib.

Qonaq bildirib ki, iki ölkənin hökumətləri arasında iqtisadi, ticarət və texniki sahədə birgə komissiya uğurla fəaliyyət göstərir.

O, həmçinin Milli Məclisin nümayəndə heyətlərinin regional və beynəlxalq təşkilatlarda fəal iştirakını vurğulayıb və Azərbaycanla parlamentlərarası münasibətləri genişləndirmək niyyətində olduqlarını diqqətə çatdırıb.

Söhbət zamanı qonaq Azərbaycanın işğaldan azad etdiyi ərazilərində həyata keçirdiyi bərpa və yenidənqurma işlərini yüksək qiymətləndirdiklərini bildirib.

Görüşdə qarşılıqlı maraq doğuran digər məsələlər ətrafında da fikir mübadiləsi aparılıb.

Haaqada Azərbaycan Xarici İşlər Nazirliyi (XİN) ilə Niderland Krallığının XİN-i arasında siyasi məsləhətləşmələr keçirilib.

"Report" xəbər verir ki, bu barədə Azərbaycan XİN məlumat yayıb.

Azərbaycan nümayəndə heyətinə xarici işlər nazirinin müavini Fariz Rzayev, Niderland nümayəndə heyətinə isə xarici işlər nazirinin müavini Marsel de Vink rəhbərlik edib.

Məsləhətləşmələr zamanı Azərbaycan-Niderland münasibətlərinin mövcud vəziyyəti və inkişafı perspektivləri, bu çərçivədə həyata keçiriləcək tədbirlər barədə fikir mübadiləsi aparılıb, habelə regional və beynəlxalq məsələlər nəzərdən keçirilib.

Tərəflər siyasi dialoqun dərinləşdirilməsi məqsədilə qarşılıqlı rəsmi səfərlərin həyata keçirilməsinin, müntəzəm təmasların davam etdirilməsinin və beynəlxalq tədbirlər çərçivəsində görüşlərin keçirilməsinin əhəmiyyətini vurğulayıblar.

İqtisadi əməkdaşlığın genişləndirilməsi üçün prioritet istiqamətlərlə bağlı fikir mübadiləsi aparılıb. Həmçinin xalqlararası əlaqələrin möhkəmləndirilməsi məqsədilə mədəniyyət, elm və təhsil sahələrində əməkdaşlığın genişləndirilməsinin əhəmiyyəti qeyd olunub.

Məsləhətləşmələr zamanı regionda mövcud vəziyyət, Azərbaycan-Ermənistan sülh prosesi, işğaldan azad edilmiş ərazilərdə həyata keçirilən genişmiqyaslı bərpa, yenidənqurma və minatəmizləmə işləri barədə məlumat təqdim olunub.

Tərəflər beynəlxalq gündəlikdə dayanan məsələlər ətrafında fikir mübadiləsi aparıb, çoxtərəfli platformalarda əməkdaşlıq, irəli sürülmüş namizədliklərin qarşılıqlı dəstəklənməsi ilə bağlı mövqelərini bölüşüblər.

Məsləhətləşmələrdə, habelə qarşılıqlı maraq kəsb edən digər regional və beynəlxalq mövzular ətrafında da fikir mübadiləsi aparılıb.

Səfər çərçivəsində F. Rzayev, həmçinin Niderlandın bir sıra rəsmiləri ilə görüşlər keçirib, eləcə də aparıcı beyin mərkəzlərinin təşkil etdiyi dəyirmi masada iştirak edib.

Heydər Əliyev Fondunun vitse-prezidenti Leyla Əliyeva Azərbaycanda səfərdə olan Vatikan Apostol Kitabxanası və Apostol Arxivinin rəhbəri arxiyepiskop Monsenyor Covanni Çezare Paqatzinin rəhbərlik etdiyi nümayəndə heyəti ilə görüşüb.

"Report" xəbər verir ki, görüş zamanı Heydər Əliyev Fondu ilə Vatikan arasında mövcud əməkdaşlıq sahələri, o cümlədən gələcək fəaliyyət istiqamətləri müzakirə olunub.

Qeyd edək ki, Heydər Əliyev Fondu ilə Vatikan Apostol Kitabxanası və Apostol Arxivi arasında əməkdaşlıq 2012-ci ildən etibarən həyata keçirilir.

Görüşdə Heydər Əliyev Fondu ilə Vatikan Apostol Kitabxanası və Apostol Arxivi arasında mövcud əməkdaşlığın inkişaf perspektivləri, gələcəkdə həyata keçirilməsi nəzərdə tutulan layihələr və təşəbbüslər, həmçinin Vatikan arxivindəki fondların rəqəmsal mühafizəsi sahəsində birgə layihələrin həyata keçirilməsi müzakirə olunub.

Vatikan Apostol Kitabxanası və Apostol Arxivinin rəhbəri arxiyepiskop Monsenyor Covanni Çezare Paqatzi Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyevanın ötən il Müqəddəs Taxt-Taca səfəri çərçivəsində Vatikan Apostol Kitabxanası və Apostol Arxivini ziyarət etdiyini xatırladaraq, ötən illər ərzində Azərbaycan və Vatikan arasında, eləcə də Heydər Əliyev Fondu ilə geniş əməkdaşlığın qurulduğunu bildirib.

Qonaq Azərbaycana səfəri zamanı bir sıra qurumlarda görüşlər keçirildiyini, müzakirələr zamanı Vatikan kolleksiyalarında Azərbaycanla bağlı qorunan nadir əlyazmaların müəyyənləşdirilməsi, təhlili, tərcüməsi və rəqəmsallaşdırılması məsələlərinin diqqət mərkəzində olduğunu deyib.

Bildirilib ki, Heydər Əliyev Fondu ilə Vatikan Apostol Kitabxanası və Apostol Arxivi ilə əməkdaşlıq çərçivəsində əlyazmaların bərpa edilməsi və onların rəqəmsallaşdırılmasına dair mövcud müqavilə üzrə Azərbaycanın tarixi və mədəni irsi, eləcə də türkdilli xalqların irsi ilə bağlı əhəmiyyətli əlyazmaların bərpası və rəqəmsallaşdırılması həyata keçirilib.

Ötən il Heydər Əliyev Fondu, Azərbaycan Milli Elmlər Akademiyası və Vatikan Apostol Kitabxanası və Apostol Arxivi arasında imzalanan anlaşma memorandumuna uyğun olaraq 2026-cı ildə azərbaycanlı alimlərdən ibarət nümayəndə heyətinin Vatikanda tədqiqatlar aparması nəzərdə tutulur. Tədqiqatlar Cənubi Qafqaz və Azərbaycan tarixi, eləcə də Ağqoyunlu və Səfəvi hökmdarlarının Roma papaları ilə diplomatik əlaqələrinə dair materialları əhatə edəcək.

Eyni zamanda, gələcəkdə azərbaycanlı tələbələrin Vatikanda kitabxanaçılıq və arxiv sahələri üzrə təhsil alma imkanları da müzakirə olunub.

Görüş zamanı Vatikan nümayəndə heyətinə Azərbaycan xalçası hədiyyə olunub. Qonaqlar isə Vatikan arxivində XX əsrin əvvəlində Azərbaycan tarixinə aid saxlanılan sənədin surətini hədiyyə ediblər.

Heydər Əliyev Fondunun vitse-prezidenti Leyla Əliyeva və Vatikan Apostol Kitabxanası və Apostol Arxivinin rəhbəri arxiyepiskop Monsenyor Covanni Çezare Paqatzi, həmçinin Heydər Əliyev Mərkəzindəki sərgilərlə tanış olublar. Klassik avtomobillər sərgisinə ziyarət zamanı Heydər Əliyev Mərkəzinin direktoru, Azərbaycan Avtomobil Federasiyasının prezidenti Anar Ələkbərov müxtəlif dövrlərə aid avtomobillər barədə qonağa ətraflı məlumat verib. Daha sonra qonaqlar su ehtiyatlarının qorunmasına çağırış edən "Mənim dənizlərim, mənim okeanlarım" sərgisi ilə tanış olublar. Qeyd edək ki, Heydər Əliyev Fondu və IDEA (Ətraf Mühitin Mühafizəsi Naminə Beynəlxalq Dialoq) İctimai Birliyinin təşəbbüsü ilə təşkil edilən ekspozisiyada müasir rəssamların çirklənmə və həddindən artıq balıq ovundan tutmuş, bioloji müxtəlifliyin itirilməsinə qədər bir sıra qlobal problemləri əks etdirən əsərləri təqdim edilir. Əsərlərdə su həyatın, yenilənmənin və təsəvvürün mənbəyi kimi təsvir olunur.

Milli Məclisin sədri Sahibə Qafarova İslam Əməkdaşlıq Təşkilatının (İƏT) üzvü olan dövlətlərin Parlament İttifaqı (Pİ) Konfransının 20-ci sessiyasında iştirak etmək məqsədilə Azərbaycanda səfərdə olan Şimali Kipr Məclisinin sədri Ziya Öztürkler ilə görüşüb.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Görüşdə Pİ-nin təşkilata üzv ölkələrin qanunvericilik orqanları arasında münasibətlərin daha da dərinləşdirilməsi və bir sıra mühüm məsələlərin müzakirəsi baxımından əlverişli platforma olduğu bildirilib.

Tərəflər həmçinin parlamentlərimiz arasında münasibətlərə dair fikir mübadiləsi aparıblar.

S. Qafarova qonaqla bundan öncəki görüşünü məmnunluqla xatırlayaraq, həm parlament sədrləri, həm də deputatlar arasında mövcud olan təmasların, qarşılıqlı səfər və görüşlərin əlaqələrin daha da dərinləşməsinə xidmət etdiyini bildirib.

Görüşdə parlamentlərdə mövcud olan dostluq qruplarının əməkdaşlığının və qarşılıqlı fəaliyyətinin əhəmiyyəti qeyd olunub, həmçinin Azərbaycan Respublikası Milli Məclisi, Türkiyə Respublikası Böyük Millət Məclisi və Şimali Kipr Məclisinin dostluq qruplarının üçtərəfli formatda görüşlərinin keçirilməsi də təqdirəlayiq addım kimi qiymətləndirilib.

Söhbət zamanı Prezident İlham Əliyev başda olmaqla, Azərbaycanın Şimali Kiprə göstərdiyi daimi dəstək yüksək qiymətləndirilib.

Azərbaycan Prezidentinin iqlim məsələləri üzrə nümayəndəsi Muxtar Babayev Londonda BMT-nin Baş katibi Antonio Quterreşlə görüşüb.

"Report" xəbər verir ki, M. Babayev bu barədə "X" sosial şəbəkə hesabında yazıb.

"London İqlim Fəaliyyəti Həftəsi çərçivəsində BMT-nin Baş katibi Antonio Quterreşlə görüşməkdən məmnunam", - o bildirib.

Görüşdə COP29 nəticələrinin icrası, COP31-ə hazırlıq müzakirə edilib:

"Həmçinin, iqlim öhdəliklərini konkret nəticələrə çevirmək üçün metan emissiyalarının azaldılmasının sürətləndirilməsi, iqlim maliyyəsinin miqyasının artırılması və beynəlxalq əməkdaşlığın gücləndirilməsi barədə fikir mübadiləsi apardıq".

Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev NATO-nun Qafqaz və Mərkəzi Asiya üzrə xüsusi nümayəndəsi Kevin Hamiltonla görüşüb.

"Report" xəbər verir ki, H. Hacıyev bu barədə "X" sosial şəbəkə hesabında yazıb.

"Azərbaycan NATO-nun etibarlı tərəfdaşıdır və biz əməkdaşlığın müxtəlif sahələrində əhəmiyyətli nəticələr əldə etmişik", - o bildirib və əlavə edib ki, görüşdə Azərbaycan və NATO arasında qarşılıqlı uyğunluğun artırılması istiqamətində əldə edilmiş irəliləyiş qeyd olunub:

"Biz həmçinin Azərbaycan–NATO tərəfdaşlığının müxtəlif aspektləri üzrə məzmunlu müzakirələr apardıq və qarşılıqlı maraq doğuran məsələlər ətrafında fikir mübadiləsi etdik".

Venesuela çoxsaylı insan tələfatı və irimiqyaslı dağıntılarla nəticələnən iki güclü zəlzələ ilə əlaqədar göstərdiyi həmrəyliyə və başsağlığına görə Azərbaycana minnətdarlığını bildirib.

"Report" xəbər verir ki, bu barədə Bolivar Respublikasının xarici işlər naziri İvan Xil Pinto "X" sosial şəbəkəsindəki səhifəsində yazıb.

Məlumat yenilənir...

Azərbaycan xarici işlər nazirinin müavini Elnur Məmmədov Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Maqdalena Qrono ilə görüşüb.

"Report" xəbər verir ki, bu barədə Azərbaycan Xarici İşlər Nazirliyi məlumat yayıb.

Görüş zamanı Azərbaycan ilə Avropa İttifaqı (Aİ) arasında münasibətlərin cari vəziyyəti və inkişaf perspektivləri, habelə regional gündəlikdə duran məsələlər ətrafında geniş fikir mübadiləsi aparılıb.

Tərəflər mövcud siyasi dialoqun, yüksək səviyyəli qarşılıqlı səfərlərin və intensiv təmasların Azərbaycan-Aİ münasibətlərinin inkişafına mühüm töhfə verdiyini vurğulayıblar. Bu çərçivədə, Avropa İttifaqı Şurasının Prezidenti Antonio Koştanın cari ildə Azərbaycana həyata keçirdiyi səfərin qarşılıqlı anlaşmanın dərinləşdirilməsi və əməkdaşlıq gündəliyinin irəli aparılması baxımından əhəmiyyəti qeyd olunub.

Azərbaycan və Aİ arasında siyasi, iqtisadi, enerji, nəqliyyat-kommunikasiya və digər sahələr üzrə əməkdaşlığın cari vəziyyəti, habelə əldə edilmiş razılıqlar nəzərdən keçirilib.

Nazir müavini Elnur Məmmədov Azərbaycan-Ermənistan normallaşma prosesi və sülh gündəliyi üzrə son inkişaflar barədə qarşı tərəfi məlumatlandırıb. Sülh prosesinin yekunlaşdırılması üçün mövcud imkanlardan istifadə edilməsinin, öhdəliklərin vaxtında yerinə yetirilməsinin və qarşılıqlı etimadın gücləndirilməsinin vacibliyi qeyd olunub.

Tərəflər beynəlxalq təşkilatlar çərçivəsində əməkdaşlığın, o cümlədən Azərbaycan ilə Avropa İttifaqı arasında qarşılıqlı maraq doğuran məsələlər üzrə dialoq və məsləhətləşmələrin davam etdirilməsinin vacibliyini vurğulayıblar.

Görüş zamanı, həmçinin regional və beynəlxalq gündəlikdə yer alan digər aktual məsələlər ətrafında fikir mübadiləsi aparılıb.

Polşada keçirilən Ukraynanın Bərpası Konfransı (UCR2026) çərçivəsində Azərbaycanın xarici işlər naziri Ceyhun Bayramov Ukrayna Baş nazirinin müavini Oleksiy Kuleba ilə görüşüb.

"Report" xəbər verir ki, bu barədə Azərbaycan Xarici İşlər Nazirliyi məlumat yayıb.

Bildirilib ki, görüş zamanı Azərbaycan-Ukrayna əməkdaşlığının cari gündəliyi və gələcək perspektivləri müzakirə edilib.

Tərəflər ticarət və investisiya sahələri də daxil olmaqla əməkdaşlığın daha da genişləndirilməsi, eləcə də enerji, infrastruktur və yenidənqurma istiqamətlərində əməkdaşlığın dərinləşdirilməsi barədə fikir mübadiləsi aparıblar.

Görüşdə, həmçinin, humanitar təşəbbüslər və iki ölkə arasında daha geniş əməkdaşlıq imkanları müzakirə olunub.

Tərəflər Azərbaycan və Ukrayna arasında uzunmüddətli tərəfdaşlığın daha da inkişaf etdirilməsinə, regional sabitlik, dayanıqlı inkişaf və iqtisadi rifahın təmin olunmasına yönəlmiş səylərin dəstəklənməsinə sadiq olduqlarını bir daha təsdiqləyiblər.

Azərbaycanla Peru arasında bu gün diplomatik münasibətlərin qurulmasının 30-cu ildönümü qeyd olunur.

"Report" xəbər verir ki, bu barədə Azərbaycan Xarici İşlər Nazirliyi məlumat yayıb.

"Biz ikitərəfli əlaqələrin daha da möhkəmləndirilməsinə və qarşılıqlı maraq doğuran sahələrdə əməkdaşlığın genişləndirilməsinə sadiqik. Bu əlamətdar tarixi qeyd edərkən ölkələrimiz arasında dostluq münasibətlərinin inkişaf etdirilməsi və müxtəlif sahələr üzrə əməkdaşlığın gücləndirilməsi istiqamətində mövqeyimizi bir daha təsdiqləyirik", - deyə məlumatda qeyd edilib.

Azərbaycanın xarici işlər naziri Ceyhun Bayramov Polşanın Qdansk şəhərində keçirilən Ukraynanın Bərpası Konfransı (URC2026) çərçivəsində Avropada Təhlükəsizlik və Əməkdaşlıq Təşkilatının (ATƏT) Baş katibi Feridun Sinirlioğlu ilə görüşüb.

"Report" xəbər verir ki, bu barədə nazir "X" hesabında bildirib.

Belə ki, tərəflər Azərbaycan–ATƏT əməkdaşlığının mövcud vəziyyəti və gələcək perspektivlərini müzakirə edib:

"Cənubi Qafqazda formalaşan regional vəziyyət, davamlı sülh və sabitliyin təmin olunması üçün yaranmış tarixi imkan, həmçinin Azərbaycanın suverenliyə, ərazi bütövlüyünə və beynəlxalq hüquqa hörmət prinsiplərinə əsaslanan yeni regional gündəliyin irəlilədilməsi istiqamətində səyləri barədə fikir mübadiləsi apardıq. Qarşılıqlı maraq doğuran məsələlər üzrə ATƏT ilə konstruktiv əməkdaşlığı davam etdirməyə hazır olduğumuzu bir daha təsdiqlədik", - deyə nazir bildirib.

Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Bakıda səfərdə olan Fransa Prezidentinin kontinental Avropa üzrə diplomatik müşaviri Bertrand Buxvalterlə görüşüb.

"Report" xəbər verir ki, bu barədə Hikmət Hacıyev özünün "X" hesabında bildirib.

O qeyd edib ki, görüş zamanı ötən ay Prezident İlham Əliyev ilə Fransa Prezidenti Emmanuel Makron arasında baş tutan telefon danışığı fonunda bir sıra məsələlər müzakirə edilib:

"Azərbaycan–Fransa ikitərəfli münasibətlərinin mövcud vəziyyətini və perspektivlərini nəzərdən keçirdik. Həmçinin regional proseslər və qarşılıqlı maraq doğuran məsələlər ətrafında fikir mübadiləsi apardıq".

Müasir beynəlxalq münasibətlər sistemində Azərbaycan İslam dünyasının nüfuzlu və fəal üzvlərindən biri kimi çıxış edir.

Bunu "Report"a açıqlamasında Milli Məclisin deputatı Vasif Qafarov deyib.

Onun sözlərinə görə, Azərbaycan İslam Əməkdaşlıq Təşkilatı (İƏT) və onun Parlament İttifaqı çərçivəsində həyata keçirdiyi çoxşaxəli fəaliyyətlə həm islam həmrəyliyinin möhkəmləndirilməsinə, həm də üzv dövlətlər arasında siyasi, iqtisadi və humanitar əməkdaşlığın genişlənməsinə mühüm töhfələr verir:

"Azərbaycanın təşəbbüsləri İslam dünyasının ortaq maraqlarının müdafiəsinə xidmət etməklə yanaşı, ölkəmizin beynəlxalq nüfuzunun güclənməsinə də şərait yaradır. İƏT Azərbaycanın milli maraqlarının müdafiəsində ən ardıcıl beynəlxalq platformalardan biri olub. Təşkilat uzun illər ərzində Ermənistanın Azərbaycana qarşı işğalçılıq siyasətini qətiyyətlə pisləyən, ölkəmizin suverenliyi və ərazi bütövlüyünü dəstəkləyən çoxsaylı qətnamə və qərarlar qəbul edib. Xüsusilə, Ermənistanın təcavüzü ilə bağlı yaradılmış İƏT Təmas Qrupunun fəaliyyəti Azərbaycanın haqlı mövqeyinin beynəlxalq ictimaiyyətə çatdırılmasında mühüm rol oynayıb. Bu baxımdan, İƏT-in siyasi dəstəyi Azərbaycan üçün vacib və mühüm olub".

Deputat qeyd edib ki, Ermənistanın işğalı dövründə Azərbaycan ərazilərində həyata keçirilən vandalizm aktları yalnız maddi irsə deyil, həm də İslam mədəniyyətinə qarşı yönəlmiş təcavüz kimi qiymətləndirilir:

"İşğal altında qalmış ərazilərdə yüzlərlə tarixi və dini abidə dağıdılıb, məscidlər təhqir olunub və mədəni irs sistemli şəkildə məhv edilib. 67 məsciddən 65-nin dağıdılması faktı bunun ən bariz nümunəsidir. Bu gün Azərbaycan dövləti azad edilmiş ərazilərdə genişmiqyaslı bərpa və yenidənqurma proqramları həyata keçirərək həm tarixi ədaləti bərpa edir, həm də İslam irsinin qorunmasına töhfə verir. Bu siyasət ölkəmizin multikultural və tolerant dəyərlərə sadiqliyinin göstəricisidir".

V.Qafarov qeyd edib ki, Azərbaycanın xarici siyasətində mühüm istiqamətlərdən biri də islamofobiyaya qarşı qlobal mübarizədir:

"Son illər dünyanın müxtəlif bölgələrində müsəlmanlara və İslam dininə qarşı ayrı-seçkilik, nifrət çağırışları və dini təhqirlərin artması ciddi narahatlıq doğurur. Azərbaycan bu təhlükəli tendensiyanı beynəlxalq təhlükəsizlik və mədəni dialoq üçün risk hesab edir. Rəsmi Bakı dəfələrlə bəyan edib ki, hər hansı dinə qarşı nifrət və ayrı-seçkilik qəbuledilməzdir. Eyni zamanda, bəzi Qərb siyasi dairələrinin və beynəlxalq qurumların İslamı ekstremizm və terrorizmlə əlaqələndirməyə yönəlmiş qərəzli yanaşmaları tənqid edilir. Azərbaycanın mövqeyi dini və mədəni müxtəlifliyə hörmət prinsipinə əsaslanır".

Deputat Azərbaycanın İslam dünyasındakı nüfuzundan söz açıb:

"Ölkəmizin İslam dünyasında artan nüfuzu yalnız siyasi məsələlərlə məhdudlaşmır. Azərbaycan uzun illərdir dinlərarası və mədəniyyətlərarası dialoqun təşviqində fəal rol oynayır. Bakı şəhərində keçirilən beynəlxalq forumlar, humanitar tədbirlər və İƏT platformaları çərçivəsində təşkil olunan görüşlər ölkəmizin İslam dünyası ilə Qərb arasında körpü rolunu gücləndirir. Bu siyasət Azərbaycanın həm müsəlman ölkələri, həm də digər beynəlxalq tərəfdaşlarla qarşılıqlı etimad münasibətlərinin inkişafına xidmət edir".

O, həmçinin bildirib ki, Azərbaycanın 2027-ci ildə İslam Əməkdaşlıq Təşkilatına sədrliyi qəbul etməsi ölkənin İslam aləmində artan nüfuzunun və etimadının göstəricisidir:

"Bu sədrlik dövründə Azərbaycanın əsas məqsədi islam həmrəyliyinin daha da gücləndirilməsi, üzv dövlətlər arasında iqtisadi və siyasi əməkdaşlığın dərinləşdirilməsi, həmçinin dayanıqlı və inklüziv inkişaf naminə ortaq təşəbbüslərin təşviqi olacaq. Bu, eyni zamanda, Azərbaycanın beynəlxalq arenada fəal və məsuliyyətli aktor kimi mövqeyini daha da möhkəmləndirəcək. Ümumilikdə, Azərbaycan İƏT çərçivəsində həyata keçirdiyi siyasətlə həm milli maraqlarını müdafiə edir, həm də İslam dünyasının birliyinə və inkişafına töhfə verir. Ölkəmizin təşəbbüsləri regional sabitliyin, mədəni irsin qorunmasının və beynəlxalq əməkdaşlığın gücləndirilməsinin vacib elementlərindən biri kimi çıxış edir".

Azərbaycanın xarici işlər naziri Ceyhun Bayramov Polşanın Qdansk şəhərində keçirilən Ukraynanın Bərpası Konfransında iştirak edib.

"Report" xəbər verir ki, bu barədə Azərbaycan Xarici İşlər Nazirliyinin "X" sosial media hesabında paylaşılıb.

Bildirilib ki, müzakirələr zamanı nazir Azərbaycanın Ukraynaya göstərdiyi davamlı humanitar dəstək barədə məlumat verib. O, humanitar yardımların çatdırılması, ukraynalı uşaqlar üçün reabilitasiya proqramlarının həyata keçirilməsi və müharibədən zərər çəkmiş icmaların bərpasına yönəlmiş layihələrin Azərbaycan tərəfindən dəstəkləndiyini diqqətə çatdırıb.

Görüşlərdə münaqişələrin humanitar nəticələrinin aradan qaldırılması və postmünaqişə dövründə bərpa proseslərinin dəstəklənməsi üçün beynəlxalq həmrəyliyin vacibliyi vurğulanıb.

Ceyhun Bayramov Azərbaycanın Ukraynaya humanitar yardım göstərməyə bundan sonra da hazır olduğunu bir daha bəyan edib.

Hüseyn Rzaqulu oğlu Quliyev Azərbaycanın Özbəkistanda fövqəladə və səlahiyyətli səfiri vəzifəsindən geri çağırılıb.

"Report" xəbər verir ki, Prezident İlham Əliyev bununla bağlı Sərəncam imzalayıb.

Qeyd edək ki, H.Quliyev 2012-ci ildə Azərbaycanın Özbəkistandakı səfiri təyin olunmuşdu.

Azərbaycan Silahlı Qüvvələr Günü münasibətilə Azərbaycanın Almaniyadakı səfirliyi və Silahlı Qüvvələrin hərbi attaşelik aparatı Berlində ziyafət təşkil edib.

Bu barədə "Report"a səfirlikdən məlumat verilib.

Berlindəki Azərbaycan Mədəniyyət Mərkəzində keçirilən tədbirdə Almaniya Müdafiə Nazirliyinin və digər dövlət qurumlarının yüksək vəzifəli təmsilçiləri, Bundestaqın deputatları, səfirlər, müxtəlif ölkələrin Almaniyadakı hərbi attaşeləri, media nümayəndələri, elm və mədəniyyət xadimləri, eləcə də bu ölkədə yaşayan Azərbaycan, türk və digər dost icmaların üzvləri iştirak ediblər.

Azərbaycanın Almaniyadakı səfiri Nəsimi Ağayev qeyd edib ki, həyata keçirilən islahatlar, müasir hazırlıq metodları və qabaqcıl texnologiyaların tətbiqi nəticəsində Azərbaycan Ordusunun döyüş qabiliyyəti və peşəkarlığı əhəmiyyətli dərəcədə yüksəlib.

Nəsimi Ağayev Azərbaycan ilə Almaniya arasında uzunmüddətli və etibarlı tərəfdaşlıq münasibətlərinin, o cümlədən təhlükəsizlik və müdafiə sahələrində əməkdaşlığın uğurla davam etdiyini bildirib.

Bu il Almaniyada Azərbaycan Silahlı Qüvvələrinin hərbi attaşelik aparatının fəaliyyətə başlamasının 20 illiyinin qeyd edildiyi vurğulanaraq, bunun müdafiə sahəsində əlaqələrin inkişafına töhfələri xüsusi vurğulanıb.

Azərbaycan Silahlı Qüvvələrinin Almaniyadakı hərbi attaşesi polkovnik Əhməd Qafarov bildirib ki, müstəqilliyin bərpasından sonra Ümummilli Lider Heydər Əliyevin həyata keçirdiyi islahatlar nəticəsində vahid komandanlıq sistemi formalaşdırılıb və ordu quruculuğu dövlət siyasətinin prioritet istiqamətlərindən birinə çevrilıb.

Çıxışda, həmçinin Azərbaycanın qlobal təhlükəsizliyə mühüm töhfələr verdiyi, Almaniya ilə hərbi sahədə əməkdaşlığın uğurla davam etdirildiyi vurğulanıb.

Türk Dövlətləri Parlament Assambleyası (TÜRKPA) və Qlobal Tolerantlıq və Sülh Şurasının (QTSŞ) arasında gələcək əməkdaşlığın əsas istiqamətlərini müəyyən edən Niyyət Protokolu imzalanıb.

"Report" xəbər verir ki, protokolu TÜRKPA-nın Baş katibi Ramil Həsən və QTSŞ-nin Prezidenti Ahmed Bin Mohammad Al-Jarwan imzalayıblar.

TÜRKPA Beynəlxalq Katibliyində keçirilən imzalama mərasimində çıxış edən Baş katib Qlobal Tolerantlıq və Sülh Şurası ilə münasibətlərə yüksək dəyər verdiyini bildirib. O, dostluğun, qarşılıqlı əməkdaşlığın, sülhün və əmin-amanlığın təşviqinə xidmət edən QTSŞ-nin bu günədək dünyanın 40-dan çox parlamenti və beynəlxalq təşkilatı ilə Niyyət Protokolu imzaladığını qeyd edib.

Baş katib vurğulayıb ki, parlament diplomatiyasının mühüm istiqamətlərindən biri olan beynəlxalq parlament təşkilatları arasında əməkdaşlığın inkişafı baxımından bu sənəd faydalı və nümunəvi bir əməkdaşlıq modeli təşkil edir.

Birgə beynəlxalq konfransların təşkili və müxtəlif beynəlxalq platformalarda əlaqələndirilmiş fəaliyyətin vacibliyinə diqqət çəkən cənab Ahmed Bin Mohammad Al-Jarwan, imzalanmış sənədin TÜRKPA ilə münasibətlərin daha da möhkəmlənməsinə və yeni əməkdaşlıq imkanlarının formalaşmasına təkan verəcəyinə əminliyini ifadə edib.

Ramil Həsən isə bildirib ki, Niyyət Protokolu tərəflər arasında əlaqələrin yeni mərhələyə yüksəlməsinə, regionda və dünyada sülhün, qarşılıqlı anlaşmanın və sabitliyin möhkəmləndirilməsinə xidmət edən birgə layihələrin həyata keçirilməsinə mühüm töhfə verəcək.

Azərbaycan XİN Venesuelaya başsağlığı verib

Biz Venesuelada baş verən, faciəvi insan itkisinə və geniş miqyaslı dağıntılara səbəb olan dağıdıcı zəlzələdən dərindən kədərlənirik.

Qurbanların ailələrinə ürəkdən başsağlığı verir və bu çətin vaxtda Venesuela xalqı və hökuməti ilə həmrəyliyimizi ifadə edirik.

Zərər çəkən bütün insanlara tezliklə sağalmalarını arzulayırıq.

Türkman irsini qorumağın ən effektiv yolu dilə, tarixə və milli kimliyə sahib çıxmaqdır.

"Report" xəbər verir ki, bunu İraq Füzuli Mədəniyyət Mərkəzinin sədri Haşim Kamil Mustafa "Körpü" Türkman İrsi Araşdırmaları Mərkəzi İctimai Birliyinin təşkilatçılığı, Azərbaycan Respublikasının QHT-lə Dövlət Dəstəyi Agentliyinin tərəfdaşlığı ilə keçirilən II "Türkman irsi: vətəndaş cəmiyyətlərinin həmrəyliyi" adlı forumda deyib.

Onun sözlərinə görə, türkman irsinin yaşadılması üçün onun gələcək nəsillərə ötürülməsi qaçılmazdır: "Gənclərin bu sahəyə olan marağını artırmalı, türkman tarixini, mədəniyyətini yaşatmalıyıq".

Mərkəz sədri qeyd edib ki, digital platformalarda bu istiqamətdə maarifləndirmə tədbirləri genişləndirilməlidir: "Türkman irsini qorumağın ən effektiv yolu dilə, mədəniyyətə, milli kimliyə sahib çıxmaqdır".

Azərbaycan Türk dünyasının birliyi və həmrəyliyi istiqamətində mühüm təşəbbüslərə çıxış edən ölkələrdən biridir.

"Report" xəbər verir ki, bunu Livandakı "Azərbaycan Evi"nin rəhbəri Xalid İsmayıl "Körpü" Türkman İrsi Araşdırmaları Mərkəzi İctimai Birliyinin təşkilatçılığı, Azərbaycan Respublikasının QHT-lərə Dövlət Dəstəyi Agentliyinin tərəfdaşlığı ilə keçirilən II "Türkman irsi: vətəndaş cəmiyyətlərinin həmrəyliyi" adlı forumda deyib.

Onun sözlərinə görə, türk xalqlarının ortaq mədəni irsi gələcək nəsillərə ötürülməlidir:

"Bu gün Bakıda ortaq gələcəyimizi müzakirə etmək üçün toplaşmışıq. Mədəni irsin gələcək nəsillərə ötürülməsi önəmlidir. Burada vətəndaş cəmiyyətinin rolu əsasdır".

X.İsmayıl qeyd edib ki, "Livan Azərbaycan Evi" iki ölkə arasında əlaqələrin inkişafı üçün davamlı səylər göstərir:

"Azərbaycan ilə Livan arasında dostluğun inkişafına, Azərbaycan həqiqətlərinin çatdırılmasına və Türk dünyasının müxtəlif icmaları arasında mədəni körpülərin qurulmasına çalışırıq. Qarşılıqlı əməkdaşlıq, mədəni rəngarənglik və gənclər arasında əlaqələrin genişləndirilməsinin ortaq gələcəyimizin əsas təməli olacağına inanırıq. Bu gün qarşıda duran əsas məsələlərdən biri də milli-mədəni irsimizin qorunmasını gücləndirməkdir".

Bu il Suriyadan ilk dəfə Azərbaycana təhsil almağa tələbələr gələcək.

"Report" xəbər verir ki, bunu Suriya parlamentinin hələbli deputatı Tarık Sulo Cevizci "Körpü" Türkman İrsi Araşdırmaları Mərkəzi İctimai Birliyinin təşkilatçılığı, QHT-lərə Dövlət Dəstəyi Agentliyinin tərəfdaşlığı ilə keçirilən II "Türkman irsi: vətəndaş cəmiyyətlərinin həmrəyliyi" adlı forumda deyib.

Onun sözlərinə görə, layihə "Heydər Əliyev adına Beynəlxalq Təhsil Qrantı" proqramı çərçivəsində həyata keçiriləcək:

"Eyni zamanda, Azərbaycanın təşkil etdiyi yay düşərgələrinə ilk dəfə suriyalı tələbələr də dəvət olunub. Bütün bu inkişaflar Suriya ilə Azərbaycan arasında siyasi, iqtisadi, mədəni və hərbi əlaqələr və ticarət əlaqələrinin gündən-günə daha da gücləndiyini göstərməkdədir".

Azərbaycanın Baş naziri Əli Əsədov Rusiyanın Həştərxan vilayətinin vitse-qubernatoru və Hökumətinin sədri Denis Afanasyev ilə görüşüb.

"Report" xəbər verir ki, bu barədə Nazirlər Kabineti məlumat yayıb.

Görüş zamanı Azərbaycanla Rusiyanının regionları, o cümlədən Həştərxan vilayəti arasında əməkdaşlığın yüksək səviyyəsi məmnunluqla qeyd edilib.

Azərbaycan ilə Həştərxan vilayəti arasında iqtisadi-ticari və investisiya əlaqələrinin inkişafında müsbət dinamika xüsusi vurğulanıb, nəqliyyat, logistika, mədəni-humanitar və təhsil sahələrində əməkdaşlığın genişləndirilməsi yüksək qiymətləndirilib.

Həştərxan vilayətinin Azərbaycanın işğaldan azad edilmiş Qubadlı rayonunda məktəbəqədər təhsil müəssisəsinin tikintisi layihəsini həyata keçirməsi ayrıca qeyd olunub.

Görüş əsnasında həmçinin qarşılıqlı maraq doğuran sahələrdə Azərbaycan ilə Həştərxan vilayəti arasında əməkdaşlığın daha da gücləndirilməsi məsələlərinə toxunulub.

Azərbaycan Suriyada 10 məktəbin yenidən inşası, daha 100-nün bərpasına dəstək verəcək.

"Report" xəbər verir ki, bunu Suriya parlamentinin hələbli deputatı Tarık Sulo Cevizci "Körpü" Türkman İrsi Araşdırmaları Mərkəzi İctimai Birliyinin təşkilatçılığı, QHT-lərə Dövlət Dəstəyi Agentliyinin tərəfdaşlığı ilə keçirilən II "Türkman irsi: vətəndaş cəmiyyətlərinin həmrəyliyi" adlı forumda deyib.

Onun sözlərinə görə, Azərbaycan bir çox sahələrdə Suriyanın yanında olub:

"Azərbaycan Suriyada yeni dövrün başlamasından sonra yeni rəhbərliklə əlaqə quran ilk ölkələrdən biri olub. Diplomatik nümayəndələrini Suriyaya göndərərək əməkdaşlığı inkişaf etdirməyə hazır olduğunu nümayiş etdirib və iki ölkə arasındakı münasibətlər yenidən qurulmasından mühüm rol oynayıb. Azərbaycanın humanitar yardımları müharibə fəlakətlərin aradan qaldırılmasına mühüm töhfə verib. Azərbaycan Suriyada iqtisadi, mədəni və sosial sahələrdə də ölkənin yanında olub. Xüsusilə enerji sahəsində göstərilən dəstək Suriyanın bərpasına və əsas xidmətlərin yaxşılaşdırılmasında töhfə verib".

Deputat bildirib ki, Suriya Prezidenti Əhməd əş-Şaraanın Azərbaycana səfəri də iki ölkə arasındakı münasibətlərdə böyük önəm daşıyıb:

"Dövlət başçısının səfər çərçivəsində keçirdiyi görüşlər iki ölkə arasında əməkdaşlığın inkişaf etdirilməsi və strateji tərəfdaşlığın gücləndirilməsi baxımından böyük əhəmiyyət daşıyır. Bu səfər, eyni zamanda, Suriyaya yeni dövründən sonra həyata keçirilən ilk prezident səfəri olub. Bu baxımdan səfər tarixi əhəmiyyətə malikdir".

Bakıda keçirilən İslam Əməkdaşlıq Təşkilatına (İƏT) üzv dövlətlərin Parlament İttifaqı Konfransının 20-ci sessiyasının iştirakçıları inkişafa dəstək olmaq və İslam dünyasının qarşısında duran çoxsaylı çağırışların öhdəsindən gəlmək üçün İslam dövlətlərinin iqtisadi əməkdaşlığının, inteqrasiyasının gücləndirilməsinin vacibliyini vurğulayıblar.

"Report" xəbər verir ki, bu, konfransın yekunlarına əsasən qəbul edilmiş Bakı Bəyannaməsində öz əksini tapıb.

Sənəddə davamlı, şaxələndirilmiş, dayanıqlı və inklüziv iqtisadi artımın təşviqi, investisiyaların, sənaye əməkdaşlığının artırılması və regional istehsal-satış zəncirlərinin inkişafı yolu ilə İƏT-ə üzv dövlətlər arasında iqtisadi əməkdaşlığın gücləndirilməsinə sadiqlik təsdiq edilib.

"Üzv dövlətlərin parlamentlərini İƏT çərçivəsində qarşılıqlı ticarət və investisiyalarda maneələrin aradan qaldırılmasına, ticarətin asanlaşdırılması üzrə tədbirlərin inkişafına, gömrük əməkdaşlığının genişləndirilməsinə və İƏT-in mövcud ticari-iqtisadi mexanizmlərinin effektiv şəkildə icrasına töhfə verməyə çağırırıq", - bəyanatda qeyd olunub.

XƏBƏR YENİLƏNİR

Azərbaycan dünən olduğu kimi, bu gün də ümumtürk irsinin qorunduğu əsas ünvandır.

"Report" xəbər verir ki, bunu mədəniyyət nazirinin müavini Səadət Yusifova "Körpü" Türkman İrsi Araşdırmaları Mərkəzi İctimai Birliyinin təşkilatçılığı, QHT-lərə Dövlət Dəstəyi Agentliyinin tərəfdaşlığı ilə keçirilən II "Türkman irsi: vətəndaş cəmiyyətlərinin həmrəyliyi" adlı forumda deyib.

Onun sözlərinə görə, türkman irsi əsrlər boyu yaşadılmış, qorunmuş və bu günə daşınmış qiymətli ənənədir:

"Bu irsi qorumaq sadəcə keçmişi yaşatmaq deyil, həm də köklərimizdən güc alaraq gələcəyə uzanan körpünü möhkəmləndirmək deməkdir. Bu məsuliyyəti daşıyanlar, ilk növbədə, vətəndaş cəmiyyəti institutlarıdır. Dövlət müvafiq imkanlar yarada bilər, lakin irsin nəsildən-nəslə ötürülməsi üçün ictimai həmrəylik, təşəbbüskarlıq və əməkdaşlıq əsas şərtdir. Bu sahədə əldə olunan uğurlar da məhz belə bir əməkdaşlığın nəticəsidir".

Azərbaycanın dövlət xidmətləri modeli beynəlxalq səviyyədə yüksək qiymətləndirilir

"Report"un Gürcüstan bürosu xəbər verir ki, bunu Tbilisidə keçirilən BMT-nin Dövlət Xidməti Forumu çərçivəsində jurnalistlərə açıqlamasında Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev bildirib.

Onun sözlərinə görə, Azərbaycan 2015-ci ildən etibarən forumda "ASAN xidmət" modeli ilə təmsil olunur və ölkənin bu intellektual brendi beynəlxalq ictimaiyyətə təqdim edilir.

"Xatırlatmaq istərdim ki, məhz 2015-ci ildə BMT-nin Dövlət Xidməti Forumunda Azərbaycanın "ASAN xidmət" modeli dövlət xidmətləri sahəsində dünyanın ən yaxşı təcrübəsi kimi birinci yerə layiq görülmüşdü. Həmçinin forum Qafqaz regionunda ilk dəfə 2019-cu ildə Azərbaycanda keçirilib", - deyə Ü.Mehdiyev qeyd edib.

O vurğulayıb ki, Tbilisidə keçirilən builki forum Azərbaycan üçün daha bir əlamətdar hadisə ilə yadda qalıb. Belə ki, ölkənin daha bir dövlət qurumu beynəlxalq mükafata layiq görülüb:

"Bu, Əmək və Əhalinin Sosial Müdafiəsi Nazirliyinin Dövlət Sosial Müdafiə Fondunun fəaliyyəti ilə bağlı əldə etdiyi uğurlara verilən beynəlxalq və mötəbər qiymətdir. Forum çərçivəsində Azərbaycanın mükafat qazanması bizim üçün qürurverici hadisədir".

Agentlik sədri qeyd edib ki, BMT-nin Dövlət Xidməti Forumu dövlət xidmətləri sahəsində fəaliyyət göstərən ekspertləri, eləcə də müxtəlif ölkələrin müvafiq dövlət qurumlarını bir araya gətirən mühüm beynəlxalq platformadır.

Ü.Mehdiyevin sözlərinə görə, Azərbaycan modelinin bu platformada yüksək qiymətləndirilməsi ölkədə həyata keçirilən dövlət və sosial siyasətə, eləcə də bu sahədə aparılan islahatlara verilən beynəlxalq etimadın göstəricisidir.

Xarici işlər naziri Ceyhun Bayramov Polşanın Qdansk şəhərində keçirilən Ukraynanın Bərpası Konfransı (URC2026) çərçivəsində Polşanın Baş nazirinin müavini və xarici işlər naziri Radoslav Sikorski ilə görüşüb.

"Report" xəbər verir ki, bu barədə Azərbaycan Xarici İşlər Nazirliyinin "X" sosial media hesabında paylaşılıb.

Bildirilib ki, görüşdə tərəflər Azərbaycan-Polşa münasibətlərində müşahidə olunan müsbət dinamikanı məmnunluqla qeyd edərək, ikitərəfli əlaqələrin möhkəmləndirilməsində müntəzəm siyasi dialoq və yüksək səviyyəli qarşılıqlı səfərlərin əhəmiyyətini vurğulayıblar.

Müzakirələr zamanı iqtisadi və humanitar əməkdaşlığın genişləndirilməsi, ticarət və investisiya əlaqələrinin inkişaf etdirilməsi məsələləri diqqət mərkəzində olub.

Ceyhun Bayramov həmkarına münaqişədən sonrakı dövrdə regionda baş verən proseslər, Azərbaycan-Ermənistan normallaşma və sülh prosesi, eləcə də Azərbaycanın azad edilmiş ərazilərində həyata keçirilən genişmiqyaslı bərpa və inkişaf işləri barədə məlumat verib.

Görüşdə həmçinin qarşılıqlı maraq doğuran regional təhlükəsizlik məsələləri ətrafında fikir mübadiləsi aparılıb.

Müxbir: Sevil Seymur

11:44

Azərbaycanın xarici işlər naziri Ceyhun Bayramov Qdanskda Ukraynanın bərpası üzrə Konfrans çərçivəsində polşalı həmkarı Radoslav Sikorski ilə danışıqlar aparıb.

Bu barədə "Report" Polşa Xarici İşlər Nazirliyinə (XİN) istinadən xəbər verir.

Danışıqlar zamanı tərəflər praqmatik Polşa-Azərbaycan münasibətlərinin inkişaf perspektivlərini, eləcə də iki ölkə arasında saziş layihələri üzərində işi müzakirə ediblər.

Bundan başqa, nazirlər Ukraynaya dəstək məsələləri ətrafında fikir mübadiləsi aparıb, həmçinin Cənubi Qafqazdakı vəziyyəti, regionda cərəyan edən prosesləri və baş verənlərin Azərbaycan tərəfindən qiymətləndirilməsini nəzərdən keçiriblər.

İslam Əməkdaşlıq Təşkilatına (İƏT) üzv dövlətlərin Parlament İttifaqı Konfransının 20-ci sessiyasının iştirakçıları İran və ABŞ arasında münaqişənin dayandırılması barədə son razılaşmanı alqışlayıblar.

"Report" xəbər verir ki, bu barədə Bakıda keçirilən ikigünlük sessiyanın yekunlarına dair qəbul edilmiş bəyannamədə qeyd olunub.

"İran və ABŞ arasında münaqişənin dayandırılması barədə razılaşmanı alqışlayırıq. Regional, eləcə də beynəlxalq sülh və təhlükəsizlik naminə bu razılaşmanın tam icra olunacağına ümid etdiyimizi bildiririk", - sənəddə vurğulanıb.

Bundan əlavə, sessiya iştirakçıları müxtəlif ölkələrdə islamofobiyanın təzahürlərinin artması ilə bağlı dərin narahatlıqlarını ifadə ediblər.

XƏBƏR YENİLƏNİR

Azərbaycan Prezidenti İlham Əliyev sloveniyalı həmkarı Nataşa Pirts Musara təbrik məktubu ünvanlayıb.

"Report"un məlumatına görə, təbrikdə deyilir:

"Hörmətli xanım Prezident,

Sloveniya Respublikasının milli bayramı – Dövlətçilik Günü münasibətilə Sizi və xalqınızı öz adımdan və Azərbaycan xalqı adından ürəkdən təbrik edirəm.

İnanıram ki, bu il diplomatik əlaqələrin qurulmasının 30 illiyini qeyd edən Azərbaycan ilə Sloveniya arasında dostluq münasibətlərinin inkişafı, həm ikitərəfli, həm də çoxtərəfli müstəvidə qarşılıqlı maraq doğuran əməkdaşlığımızın genişləndirilməsi istiqamətində birgə səylərimizi bundan sonra da uğurla davam etdirəcəyik.

Bu bayram günündə Sizə ən xoş arzularımı çatdırır, dost Sloveniya xalqına daim rifah və firavanlıq arzulayıram".

Bakıda "Körpü" Türkman İrsi Araşdırmaları Mərkəzi İctimai Birliyinin təşkilatçılığı, Azərbaycan Respublikasının QHT Agentliyinin tərəfdaşlığı ilə II "Türkman irsi: vətəndaş cəmiyyətlərinin həmrəyliyi" adlı forum keçirilib.

"Report" xəbər verir ki, Forumun rəsmi açılış mərasimindən sonra "Nə yaxınmış uzaqlar" adlı panel müzakirəsi baş tutub.

Paneldə çıxış edən Əməkdar elm xadimi, türkmanşünas Qəzənfər Paşayev deyib ki, İraqda türkmanların varlığı qədim dövrlərə gedib çıxır:

"Mən təklif edirəm ki, Kərkükşünaslıq fakültəsi təsis edilsin. Azərbaycan Ədəbiyyatı Muzeyində İraq-Türkman ədəbiyyatı ilə bağlı ekspozisiya yaradılsın. Dövlət Universitetlərində iraq-türkman gənclərinin təhsil alması üçün şərait yaradıla bilər. İraq-türkman ədəbiyyatının, mədəniyyətinin təbliğinə geniş yer verməlidir. Həmçinin Kərkükdə Azərbaycan adına qəzet açılmalıdır, ədəbiyyatımızı, mədəniyyətimizi təbliğ etmək üçün telekanal da açıla bilər. Əlavə olaraq düşünürəm ki, Kərkükdə Azərbaycan konsulluğunun açılması da məqsədəuyğundur".

İraqın Türkman Alimlər Birliyinin sədri Nebil Şahin Kifrili vurğulayıb ki, sözügedən istiqamətdə aparılan danışıqların nəticəsini görmək üçün artıq icra mərhələsinə keçilməlidir:

"Bu bizim gələcək nəsillərə ötürəcəyimiz miras üçün önəmlidir. Kərkükdə, İraqda və digər yerlərdə müxtəlif birgə layihələr yaradıla bilər".

O, Azərbaycan evinin Kərkükdə, Hələbdə açılacağına ümid etdiyini qeyd edib.

Paneldə çıxış edən Suriya Türkman Platformasının və Suriya Türkman Məclisinin qurucusu Esat Arber Hasan deyib ki, gələcək nəsillərə bu irs ötürülməlidir:

"Artıq muzeylərdən, kitablardan əlavə texnologiyadan istifadə edərək maarifləndirmə tədbiri həyata keçirilməlidir".

İraq Türkləri Mədəniyyət və Xeyriyyə Birliyinin sədri Eyüp Kərəm öz çıxışı zamanı diaspora fəaliyyətinə toxunub:

"Bunun üçün QHT-lər də fəaliyyət göstərməlidir. Daha çox mübarizə aparmaq lazımdır".

Tədbir bədii hissə ilə başa çatıb.

11:09

Bakıda "Körpü" Türkman İrsi Araşdırmaları Mərkəzi İctimai Birliyinin təşkilatçılığı, Azərbaycan Respublikasının QHT Agentliyinin tərəfdaşlığı ilə II "Türkman irsi: vətəndaş cəmiyyətlərinin həmrəyliyi" adlı forum keçirilir.

"Report" xəbər verir ki, Beynəlxalq Muğam Mərkəzində baş tutan forumda İraq, Suriya, Livan və Türkiyədən 30-a yaxın yaxın vətəndaş cəmiyyəti təmsilçisi iştirak edir.

Forumun rəsmi açılış mərasimindən sonra "Nə yaxınmış uzaqlar!" adlı paneldə türkman irsinin qorunması, ortaq mədəni dəyərlərin təbliği, vətəndaş cəmiyyəti institutları arasında əməkdaşlığın gücləndirilməsi və gələcək birgə fəaliyyət istiqamətləri müzakirə ediləcək.

İslam Əməkdaşlıq Təşkilatına (İƏT) üzvü olan dövlətlərin Parlament İttifaqı Konfransının 20-ci sessiyasında Bakı bəyannaməsi qəbul edilib.

"Report" xəbər verir ki, mətni Milli Məclisin deputatı Ceyhun Məmmədov oxuyub.

Tədbir iştirakçıları Birləşmiş Millətlər Təşkilatının Nizamnaməsinin və beynəlxalq hüququn məqsəd və prinsiplərinə sadiqliyi bir daha təsdiq ediblər.

Qeyd olunub ki, İƏT Parlament İttifaqının parlamentlərarası əməkdaşlığın gücləndirilməsinə, ortaq dəyərlərin təşviqinə, dialoqun, qarşılıqlı anlaşmanın və qlobal çağırışların həllində birgə fəaliyyətin inkişafına töhfə verməyə davam edəcək.

Bəyannamədə Fələstin məsələsinin bütün İslam ümməti üçün mərkəzi əhəmiyyət daşıdığı və Fələstin xalqının hüquqlarına dəstək qeyd olunub. Sənəddə həmçinin artmaqda olan islamofobiya ilə bağlı dərin narahatlıq ifadə edilib, din və ya etiqad zəminində törədilən bütün zorakılıq aktları, nifrət nitqini və dini ayrı-seçkilikdən qaynaqlanan ekstremizm qətiyyətlə pislənilib.

Sessiya iştirakçıları beynəlxalq ictimaiyyəti milli və qlobal səviyyədə ekstremizm, nifrət nitqi, dinlərin təhqiri, mənfi stereotipləşdirmə və insanların dininə, etiqadına və ya etnik mənsubiyyətinə görə damğalanması ilə mübarizə aparmaq üçün təsirli tədbirlər görməyə çağırıblar.

Bəyannamədə Kipr türk müsəlmanlarının öz ayrılmaz hüquqlarını təmin etmək istiqamətində səylərinə dəstək bildirilib. Kipr probleminin danışıqlar yolu ilə, qarşılıqlı məqbul, ədalətli, davamlı və uzunmüddətli həllinin tapılmasının vacibliyi vurğulanıb. Həmçinin onlara tətbiq edilən ədalətsiz təcridin aradan qaldırılması məqsədilə Kipr türk müsəlmanları ilə əlaqələrin inkişaf etdirilməsinin əhəmiyyətini qeyd edilib.

Azərbaycanın Xarici İşlər Nazirliyi (XİN) Mozambiki Müstəqillik Günü münasibətilə təbrik edib.

"Report" xəbər verir ki, bu barədə Azərbaycan XİN-in "X" sosial şəbəkəsindəki səhifəsində paylaşım edilib.

NATO Baş katibinin Qafqaz və Mərkəzi Asiya üzrə xüsusi nümayəndəsi Kevin Hamilton Azərbaycanda səfərdədir.

Bu barədə "Report"a diplomatik mənbə məlumat verib.

Bakıda keçirilən İslam Əməkdaşlıq Təşkilatına (İƏT) üzv dövlətlərin Parlament İttifaqı Konfransının 20-ci sessiyası başa çatıb.

"Report" xəbər verir ki, Milli Məclis sədrinin müavini Rafael Hüseynovun sədrliyi ilə keçirilən iclasın bugünkü bağlanış mərasimində İƏT Parlament İttifaqı komitələrinin hesabatları, Bakı Bəyannaməsi müzakirə edilib.

Müzakirələrin yekununda 28 maddədən ibarət Bakı Bəyannaməsi və digər sənədlər qəbul edilib və bununla da sessiya işini yekunlaşdırıb.

Xatırladaq ki, iyunun 22-də başlayan tədbirdə 400-dən artıq nümayəndə iştirak edib.

10:37

Bakıda İslam Əməkdaşlıq Təşkilatına (İƏT) üzv dövlətlərin Parlament İttifaqı Konfransının 20-ci sessiyası işini davam etdirir.

"Report" xəbər verir ki, Milli Məclis sədrinin müavini Rafael Hüseynovun sədrliyi ilə keçirilən iclasda İƏT Parlament İttifaqı komitələrinin hesabatları qəbul olunub.

Xatırladaq ki, 400-dən artıq nümayəndənin iştirak etdiyi sessiya bu gün yekunlaşacaq.

ABŞ-nin paytaxtı Vaşinqton şəhərində, Konqres binasında (Kapitol Hill) Bakı Təşəbbüs Qrupunun (BTQ) təşkilatçılığı ilə "Qayıdış hüququ və öz müqəddəratını təyinetmə: ikili standartlar və selektiv yanaşmalar" mövzusunda beynəlxalq konfrans keçirilib.

"Report" xəbər verir ki, bu barədə BTQ-dən bildirilib.

Qeyd edilib ki, Konqresdə keçirilən bu tədbir azərbaycanlıların Ermənistan tərəfindən etnik təmizləməyə məruz qalmasına dair həqiqətlərin beynəlxalq ictimaiyyət tərəfindən tanıdılması işinə mühüm töhfə kimi qiymətləndirilə bilər.

Konfransda qaçqınların və milli azlıqların hüquqlarının müdafiəsi sahəsində ixtisaslaşmış ekspertlər, insan hüquqları müdafiəçiləri, beynəlxalq hüquq üzrə mütəxəssislər, vətəndaş cəmiyyəti institutlarının təmsilçiləri və Qərbi Azərbaycan kökənli həmvətənlərimiz iştirak edib.

Konfrans iştirakçıları etnik təmizləmə siyasəti nəticəsində Ermənistan ərazisindəki tarixi torpaqlarından zorla qovulmuş yüz minlərlə azərbaycanlının nümunəsində fundamental hüquqlarının – öz tarixi torpaqlarına təhlükəsiz, könüllü və ləyaqətli şəkildə qayıdış hüququnun tanınmasının beynəlxalq təşkilatların diqqət mərkəzində daim saxlanılmasının vacibliyini vurğulayıblar.

Ermənistanda qalan Azərbaycan xalqına məxsus mədəni, dini və tarixi irsin, o cümlədən toponimlərin, məscidlərin, qəbiristanlıqların, ziyarətgahların və digər abidələrin sistemli şəkildə dağıdılması, təhqir olunması və mənimsənilməsi faktlarına beynəlxalq hüquq müstəvisində hüquqi qiymət verilməsi və bu xüsusda qeyd olunan pozuntuların beynəlxalq təşkilatlar tərəfindən yerində araşdırılması və sənədləşdirilməsi tələb olunub.

Tədbiri ABŞ-də fəaliyyət göstərən erməni mediasının nümayəndələri, o cümlədən Amerika Erməni Milli Komitəsinin (ANCA) təmsilçiləri də zaldan izləyiblər. Lakin tədbirin gedişi zamanı hər hansı insident qeydə alınmayıb. Konfransda çıxış edən ABŞ-də yaşayan Qərbi Azərbaycan əsilli həmvətənlərimiz öz şəxsi hekayələrini və qaçqınlıq təcrübələrini bölüşərək, Ermənistan ərazisindən zorla çıxarılmış azərbaycanlıların yaşadığı humanitar faciəni təqdim ediblər. Zikh icmasının nümayəndələri isə təhlükəsiz, könüllü və ləyaqətli qayıdış hüququnun yalnız humanitar məsələ deyil, həm də fundamental insan hüququ və tarixi ədalətin bərpası məsələsi olduğunu vurğulayıblar. Eyni zamanda, tədbirdə ABŞ Müsəlman Təşkilatları Şurasının Baş katibi Oussama Cammal və "Our Sister Our Brother" təşkilatının təsisçisi və baş icraçı direktoru Metyu Stevart çıxış edərək, etnik zəmində ayrı-seçkiliyin, məcburi didərginliyin və hüquq pozuntularının yolverilməzliyini qeyd etmiş, didərgin salınmış icmaların hüquqlarının müdafiəsi, onların səsinin beynəlxalq platformalarda eşidilməsi və beynəlxalq həmrəyliyin gücləndirilməsinə diqqət çəkiblər.

Tədbirin sonunda konfrans iştirakçıları tərəfindən ABŞ Konqresinin üzvlərinə ünvanlanmış müraciət qəbul olunub. Müraciətdə qayıdış hüququnun və xalqların öz müqəddəratını təyinetmə hüququnun beynəlxalq hüququn norma və prinsiplərinə uyğun olaraq ardıcıl, ədalətli və ayrı-seçkiliyə yol verilmədən tətbiq edilməsinin zəruriliyi vurğulanır. Sənəddə Qərbi azərbaycanlıların öz doğma yurdlarına təhlükəsiz, könüllü və ləyaqətli şəkildə qayıdış hüququna beynəlxalq dəstəyin göstərilməsi, onların əmlak hüquqlarının bərpası və mədəni irsinin qorunmasının vacibliyi qeyd edilir.

Bununla yanaşı, müraciətdə Zikh icmasının və Niderland müstəmləkəçiliyi altında olmuş ərazilərin xalqlarının hüquqları ilə bağlı narahatlıqlar da əksini tapır, bu məsələlərin ABŞ Konqresi diqqətə alınmasına çağırış olunur. Müraciətdə qayıdış hüququ, öz müqəddəratını təyinetmə və universal insan hüquqlarının selektiv yanaşmalardan kənar, vahid və prinsipial əsaslarla müdafiəsinin vacibliyi vurğulanır.

Azərbaycan Xarici İşlər Nazirliyi (XİN) Sloveniyanı Dövlətçilik Günü münasibətilə təbrik edib.

"Report" xəbər verir ki, bu barədə XİN-in "X" hesabında paylaşım edilib.

"Sloveniya hökumətini və xalqını Dövlətçilik Günü münasibətilə təbrik edirik. Dövlətçilik Gününüz mübarək olsun, Sloveniya!", - deyə paylaşımda qeyd edilib.

Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyevin rəhbərlik etdiyi nümayəndə heyəti Gürcüstanın paytaxtı Tbilisidə keçirilən BMT-nin Dövlət Xidməti Forumunda iştirak etmək məqsədilə səfərdədir.

"Report"un yerli bürosu xəbər verir ki, səfər çərçivəsində nümayəndə heyəti əvvəlcə Ümummilli Lider Heydər Əliyevin abidəsini ziyarət edərək xatirəsini ehtiramla anıb.

Dövlət agentliyinin sədri sonra forumun açılış mərasimində iştirak edib. "Dövlət institutlarının transformasiyası: innovasiyanın, iştirakçılığın və inklüzivliyin inkişafı" mövzusuna həsr olunan tədbirdə Gürcüstanın Baş naziri İrakli Kobaxidze, BMT baş katibinin iqtisadi və sosial məsələlər üzrə müavini Li Junhua və müxtəlif ölkələrin yüksək səviyyəli rəsmiləri iştirak ediblər.

Ü.Mehdiyev Forum çərçivəsində Şri-Lanka və Banqladeşin müvafiq sahə üzrə fəaliyyət göstərən nazirləri, eləcə də Gürcüstanın ədliyyə naziri ilə ikitərəfli görüşlər keçirib.

Görüşlər zamanı "ASAN Xidmət" modelinin fəaliyyəti və əldə etdiyi nailiyyətlər barədə geniş məlumat təqdim olunub. Şri-Lanka və Banqladeş tərəfləri bu modelin öz ölkələrində tətbiqinə maraq göstərdiklərini bildiriblər.

Gürcüstanın ədliyyə naziri ilə keçirilən görüşdə isə forumun yüksək səviyyədə təşkil olunması münasibətilə təbriklər çatdırılıb, həmçinin qarşılıqlı əməkdaşlıq məsələləri ətrafında fikir mübadiləsi aparılıb.

Ü.Mehdiyevin Gürcüstana səfəri davam edir.

ABŞ Konqresində keçirilən "Qayıdış hüququ və öz müqəddəratını təyinetmə: İkili standartlar və selektiv yanaşmalar" mövzusunda beynəlxalq konfransın iştirakçıları Konqres üzvlərinə müraciət ünvanlayıblar.

"Report" AZƏRTAC-a istinadən xəbər verir ki, müraciətdə beynəlxalq hüququn norma və prinsiplərinin qərəzsiz, ardıcıl və ayrı-seçkiliyə yol verilmədən tətbiq edilməsinin vacibliyi vurğulanıb.

Sənəd müəllifləri xüsusilə Qərbi azərbaycanlıların öz doğma torpaqlarına təhlükəsiz, könüllü və ləyaqətli şəkildə qayıtmaq hüququnun təmin edilməsinə çağırıblar. Konfrans iştirakçıları beynəlxalq ictimaiyyətin Qərbi azərbaycanlıların öz yurdlarına qayıdışına dəstək verməsi, onların mülkiyyət hüquqlarının bərpası və mədəni irsinin qorunmasına yardım göstərməsi ilə bağlı gözləntilərini ifadə ediblər. Müraciətdə qeyd olunub ki, qayıdış hüququ beynəlxalq hüququn fundamental prinsiplərindən biridir və bu hüququn təmin olunması selektiv yanaşmalardan kənar həyata keçirilməlidir.

Sənəddə ABŞ Konqresi üzvləri Qərbi azərbaycanlıların üzləşdiyi problemlərə və onların qayıdış hüququ ilə bağlı səsləndirilən faktlara ciddi diqqət yetirməyə çağırılıb. Konqres üzvlərindən bu məsələ ilə bağlı dinləmələr, brifinqlər və məsləhətləşmələr təşkil etmələri, aidiyyəti icmalarla birbaşa dialoqu təşviq etmələri və insan hüquqları prinsiplərinin ardıcıl tətbiqinə dəstək vermələri xahiş olunub.

Müraciətdə, həmçinin siqh icmasının hüquqları, eləcə də Aruba, Kurasao, Sent-Martin, Sint Eustatius və Saba xalqlarının öz müqəddəratını təyinetmə hüququ ilə bağlı məsələlərə toxunulub. Konfrans iştirakçıları bu icmaların dini, mədəni və dil kimliklərini qorumaq, siyasi və konstitusion gələcəkləri barədə mövqelərini sərbəst ifadə etmək hüquqlarının təmin edilməsinin vacibliyini vurğulayıblar.

Bununla yanaşı, Hindistan hökuməti tərəfindən siqh icmasının nümayəndələrinə qarşı ayrı-seçkilik, təzyiq, fundamental azadlıqların məhdudlaşdırılması və transmilli repressiya iddialarının qərəzsiz və hərtərəfli araşdırılmasına çağırış edilib.

Konfrans iştirakçıları müraciətdə qaldırılan məsələlərin ABŞ Konqresində müzakirəyə çıxarılmasını xahiş edərək, xüsusilə Qərbi azərbaycanlıların qayıdış hüququnun təmin olunması istiqamətində beynəlxalq dəstəyin gücləndirilməsinə çağırıblar. Onlar Konqres üzvlərinin bu məsələlərlə bağlı cavab və dəstəyini gözlədiklərini bildiriblər.

Xatırladaq ki, Vaşinqtonda Konqres binasında "Qayıdış hüququ və öz müqəddəratını təyinetmə: ikili standartlar və selektiv yanaşmalar" mövzusunda beynəlxalq konfrans keçirilib. Bakı Təşəbbüs Qrupunun (BTQ) təşkilatçılığı ilə baş tutan konfrans azərbaycanlıların Ermənistan tərəfindən etnik təmizləməyə məruz qalmasına dair ABŞ Konqresində keçirilən ilk belə tədbirdir.

Milli Məclisin deputatları İslam Əməkdaşlıq Təşkilatının üzvü olan dövlətlərin Parlament İttifaqı Konfransının 20-ci Sessiyası çərçivəsində ölkəmizdə səfərdə olan Seneqal Milli Assambleyasının nümayəndə heyəti ilə görüşüblər.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Görüşdə deputat Ceyhun Məmmədov Azərbaycanın bir sıra beynəlxalq parlament təşkilatlarının fəal üzvü kimi əməkdaşlığa xüsusi önəm verdiyini bildirib. O, parlamentlərarası əlaqələrin inkişafının vacibliyini diqqətə çatdıraraq qeyd edib ki, parlamentarilərin birgə səyləri və qarşılıqlı təmasları ölkələr arasında dostluq və əməkdaşlıq münasibətlərinin daha da möhkəmlənməsinə mühüm töhfə verə bilər.

Seneqal Milli Assambleyasının deputatı, nümayəndə heyətinin rəhbəri Elhaci Ababakar Tambedu Azərbaycanda müşahidə edilən sabitlik və təhlükəsizlik mühitini yüksək dəyərləndirib. İki ölkə arasında əlaqələrin yalnız parlament sahəsində deyil, digər istiqamətlərdə də genişləndirilməsinin vacibliyini diqqətə çatdırıb. Elhaci Ababakar Tambedu Bakıda keçirilən İƏTPİ Konfransının 20-ci Sessiyasının yüksək səviyyədə təşkil edildiyini, tədbirdə müzakirə olunan məsələlərin mühüm əhəmiyyət kəsb etdiyini vurğulayıb.

Söhbət zamanı deputatlar Tənzilə Rüstəmxanlı və Nigar Məmmədova Azərbaycan ilə Afrika ölkələri arasında əlaqələrin inkişafının, habelə parlamentlərarası əməkdaşlığın genişləndirilməsinin önəmli olduğunu qeyd ediblər.

Görüşdə Azərbaycanla Seneqal arasında mövcud dostluq münasibətləri, parlamentlərarası əlaqələrin hazırkı vəziyyəti və gələcək inkişaf perspektivləri ətrafında fikir mübadiləsi aparılıb. Beynəlxalq parlament platformalarında müntəzəm təmasların əməkdaşlığın inkişafına töhfə verdiyi söylənilib.

Qarşılıqlı maraq doğuran digər məsələlərə də toxunulub.

Milli Məclisin sədri Sahibə Qafarova İslam Əməkdaşlıq Təşkilatının (İƏT) üzvü olan dövlətlərin Parlament İttifaqı (Pİ) Konfransının Bakıda keçirilən 20-ci sessiyası çərçivəsində İran İslam Şurası Məclisinin sədri Məhəmməd Baqir Qalibaf ilə görüşüb.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

S. Qafarova İƏT Pİ-nin mühüm rolunu qeyd edib və bu konfransın həm çoxtərəfli, həm də ikitərəfli əlaqələrin müzakirəsi üçün yaxşı imkan yaratdığını söyləyib. İran İslam Respublikası İslam Şurası Məclisi sədrinin bu səfərinin də parlamentlərarası əlaqələrin inkişafına töhfə verəcəyinə inam ifadə edilib.

Söhbət zamanı Azərbaycan və İran arasında münasibətlərin hazırki səviyyəsindən məmnunluq ifadə olunub.

Görüşdə regionda baş verən son proseslər də müzakirə olunub. S. Qafarova ümidvar olduğunu bildirib ki, aparılan danışıqlar regionda gərginliyin azalmasına, davamlı sülhün və sabitliyin təmin olunmasına xidmət edəcək.

Söhbət zamanı Azərbaycan Prezidenti İlham Əliyevin iranlı həmkarı Məsud Pezeşkianla telefonla danışıqları, həmçinin müxtəlif səviyyələrdə digər təmaslar qeyd olunub.

İran parlamentinin sədri göstərilən dəstəyə və yardıma görə Azərbaycan Prezidentinə, dövlətinə və xalqına təşəkkür edib.

Qonaq son bir il ərzində Azərbaycan və İran arasında əlaqələrdə daha böyük inkişafın müşahidə olunduğunu, xüsusilə iki ölkənin prezidentləri arasında müntəzəm təmasları vurğulayıb.

Məhəmməd Baqir Qalibaf regionda müsəlman ölkələri arasındakı münasibətlərin əhəmiyyətini qeyd edib.

Görüşdə qarşılıqlı maraq doğuran digər məsələlər haqqında da fikir mübadiləsi aparılıb.

Müstəmləkəçi dövlətlər qitələr boyunca süni sərhədlər çəkib, icmaları bir-birindən ayırıb, xalqları köçürüb və onları imperiyaların maraqlarına xidmət edən siyasi sistemlərə daxil edib.

"Report" AZƏRTAC-a istinadən xəbər verir ki, bu sözləri Kanadada "Sikh Federation International" təşkilatının hüquq müşaviri Virrinq Prabjot Sinqh Bakı Təşəbbüs Qrupu (BTQ) tərəfindən Vaşinqtonda Konqres binasında keçirilən "Qayıdış hüququ və öz müqəddəratını təyinetmə: ikili standartlar və selektiv yanaşmalar" mövzusunda beynəlxalq konfransda çıxışı zamanı deyib.

"Bu gün bir çox yerlərdə formal müstəmləkə idarəçiliyi sona çatsa da, onun yaratdığı siyasi strukturlar hələ də qalmaqdadır", - o bildirib.

Sinqhin sözlərinə görə, Hindistan bunun nümunələrindən biridir.

"Müasir Hindistan dövləti Britaniya imperiyasının qurduğu inzibati sistem üzərində formalaşıb. 1947-ci ildə hakimiyyət təhvil verilsə də, müstəmləkə dövrünün bir çox idarəetmə mexanizmləri olduğu kimi saxlanılıb. Bu gün Hindistan öz sərhədləri daxilində yaşayan xalqların, o cümlədən sikhlərin, manipurluların və naqalıların öz müqəddəratını təyinetmə hüququnu tanımır. Halbuki bu hüquq beynəlxalq hüququn fundamental prinsiplərindən biridir. Sikh xalqının öz tarixi, vətəni, dili və siyasi kimliyi var. Biz sadəcə dini azlıq deyilik. Biz vaxtilə öz dövlətçiliyi və suverenliyi olmuş bir xalqıq", - o əlavə edib.

Virrinq Prabjotun sözlərinə görə, dekolonizasiya hakimiyyətin birindən digərinə keçməsi deyil, bu, xalqların öz siyasi gələcəyini müəyyən etmək imkanının tanınmasıdır: "Cənubi Asiyada davamlı sülhün yolu da məhz öz müqəddəratını təyinetmə hüququndan keçir. Əsas sual bu hüququn mövcud olub-olmaması deyil. Bu hüquq artıq tanınıb. Əsas sual beynəlxalq ictimaiyyətin bu prinsipi bütün xalqlara eyni şəkildə tətbiq edib-etməyəcəyidir".

21:29

Köləlik və transatlantik qul ticarəti bəşəriyyətə qarşı törədilmiş ən böyük cinayətlərdən biridir.

"Report" AZƏRTAC-a istinadən xəbər verir ki, bu sözləri Aruba Milli Köləlik İrsi Platformasının prezidenti Şirli Keyns Bakı Təşəbbüs Qrupu (BTQ) tərəfindən Vaşinqtonda Konqres binasında keçirilən "Qayıdış hüququ və öz müqəddəratını təyinetmə: ikili standartlar və selektiv yanaşmalar" mövzusunda beynəlxalq konfransda çıxışı zamanı deyib.

Onun sözlərinə görə, Niderland BMT-də bu məsələ ilə bağlı keçirilən səsvermədə Aruba, Kurasao və Sent-Martinlə məsləhətləşmədə bitərəf qalıb.

"Əgər bizim səsimiz bu qədər mühüm məsələlərdə eşidilmirsə, o zaman Niderland necə Krallıqdan danışa bilər? Bizim tarixi travmalarımızla bağlı məsələlərdə belə söz haqqımız yoxdur. Mən bunu beynəlxalq hüququn seçici şəkildə tətbiq olunması hesab edirəm. Bu gün bizim keçmişimiz, ağrılarımız və tariximiz haqqında araşdırmaları əsasən Niderland institutları aparır",- o bildirib.

21:08

Bu gün müstəmləkəçilik keçmişdə öyrədildiyi formada görünmür, bəzən konstitusiyalar, nəzarət mexanizmləri, maliyyə nəzarəti və "muxtariyyət" kimi səslənən anlayışların arxasında gizlənir.

"Report" AZƏRTAC-a istinadən xəbər verir ki, bunu "One SXM" təşkilatının katibi, Sent-Martin hökumətinin keçmiş müşaviri Alston Lourens Bakı Təşəbbüs Qrupu (BTQ) tərəfindən Vaşinqtonda Konqres binasında keçirilən "Qayıdış hüququ və öz müqəddəratını təyinetmə: ikili standartlar və selektiv yanaşmalar" mövzusunda beynəlxalq konfransda çıxışı zamanı deyib.

O bildirib ki, Karib dənizində yerləşən Sent-Martin adası bunun bariz nümunəsidir.

"Ada iki hissəyə bölünüb və iki fərqli müstəmləkə idarəçiliyinin təsiri altındadır. Buna baxmayaraq, burada yaşayan insanlar öz birliklərini, ortaq kimliklərini və ortaq gələcəklərini qoruyurlar. Bu gün də beynəlxalq münasibətlərə kim nəzarət edir? Krallıq. Son qərarı kim verir? Krallıq. Yerli hökumətlər isə yalnız müəyyən həddə qədər sərbəst hərəkət edə bilir. Əgər insanlar öz gələcəklərini təzyiq, asılılıq və qorxu olmadan müəyyən edə bilmirlərsə, bu tam öz müqəddəratını təyinetmə deyil. Muxtariyyət azadlıq demək deyil. Müxtəlif bayraqlar və hüquqi sistemlər ola bilər, amma məntiq eynidir: kiçik xalqlara yalnız böyük güc icazə verdiyi qədər öz işlərini idarə edə bilir",- o bildirib.

19:41

XX əsr boyu - 1905-ci ildən başlayaraq, 1991-ci ilə qədər qərbi azərbaycanlılar öz dədə-baba yurdlarından didərgin salınıblar.

"Report" AZƏRTAC-a istinadən xəbər verir ki, bu barədə Bakı Təşəbbüs Qrupunun (BTQ) icraçı direktoru Abbas Abbasov Vaşinqtonda Konqres binasında keçirilən "Qayıdış hüququ və öz müqəddəratını təyinetmə: ikili standartlar və selektiv yanaşmalar" mövzusunda beynəlxalq konfransda çıxışı zamanı deyib.

Onun sözlərinə görə, mövzunun müəyyən qüvvələr tərəfindən beynəlxalq ictimaiyyətə hələ də kifayət qədər düzgün çatdırılmasına imkan verilmir.

"Bakı Təşəbbüs Qrupu olaraq digər vətəndaş cəmiyyəti institutlarına, beynəlxalq təşkilatlara, beynəlxalq institutlara çağırış edərək bildiririk ki, 1991-ci ilə qədər davam edən etnik təmizləmə siyasəti ilə bağlı aidiyyəti qüvvələr və təşkilatlar beynəlxalq təşkilatlar qarşısında cavab versinlər", - o əlavə edib.

18:50

ABŞ-nin paytaxtı Vaşinqton şəhərində, Konqres binasında Bakı Təşəbbüs Qrupunun təşkilatçılığı ilə "Qayıdış hüququ və öz müqəddəratını təyinetmə: ikili standartlar və selektiv yanaşmalar" mövzusunda beynəlxalq konfrans keçirilir.

"Report" AZƏRTAC-a istinadən xəbər verir ki, bu, azərbaycanlıların Ermənistan tərəfindən etnik təmizləməyə məruz qalmasına dair ABŞ Konqresində keçirilən ilk belə tədbirdir.

Konfransda qaçqınların və milli azlıqların hüquqlarının müdafiəsi sahəsində ixtisaslaşmış ekspertlər, insan hüquqları müdafiəçiləri, beynəlxalq hüquq üzrə mütəxəssislər, etnik mənsubiyyətinə görə zorakılıq, ayrı-seçkilik və təqiblərə məruz qalmış diaspor təşkilatlarının nümayəndələri, vətəndaş cəmiyyəti institutlarının təmsilçiləri və zərərçəkmiş icmaların nümayəndələri iştirak edir.

Tədbir iştirakçıları etnik təmizləmə siyasəti nəticəsində Ermənistan ərazisindəki tarixi torpaqlarından zorla qovulmuş yüz minlərlə azərbaycanlının nümunəsində fundamental hüquqlarının – öz tarixi torpaqlarına təhlükəsiz, könüllü və ləyaqətli şəkildə qayıdış hüququnun tanınmasının beynəlxalq təşkilatların diqqət mərkəzində daim saxlanılması məsələsini müzakirə edəcəklər.

Ermənistanda qalan Azərbaycan xalqına məxsus mədəni, dini və tarixi irsin, o cümlədən toponimlərin, məscidlərin, qəbiristanlıqların, ziyarətgahların və digər abidələrin sistemli şəkildə dağıdılması, təhqir olunması və mənimsənilməsi faktlarına beynəlxalq hüquq müstəvisində hüquqi qiymət verilməsi, qeyd olunan pozuntuların BMT və onun aidiyyəti strukturları çərçivəsində beynəlxalq hesabatlılıq və monitorinq mexanizmlərinə çıxarılması, yerində araşdırılması və sənədləşdirilməsi, bu məqsədlə faktaraşdırıcı missiyaların cəlb olunması, eləcə də xüsusi məruzəçilər və digər beynəlxalq mandat sahibləri səviyyəsində araşdırma və hesabatlılıq mexanizmlərinin işlənib hazırlanması imkanları ətrafında fikir mübadiləsi aparılacaq.

Tədbirdə, həmçinin müstəmləkəçilikdən əziyyət çəkən xalqların öz müqəddəratını təyinetmə hüququnun həyata keçirilməsi, xüsusilə, koloniyaların BMT-nin Dekolonizasiya edilməli olan Özünüidarəetməyən Ərazilər siyahısına salınmasının BMT-nin gündəliyinə salınması məsələləri ətrafında müzakirələr aparılacaq.

Milli Məclisin sədri Sahibə Qafarova Oman Sultanlığı Şura Məclisinin sədri Xalid Hilal Nasir Əl-Maavali ilə görüşüb.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Bildirilib ki, parlamentlərin qarşılıqlı əlaqəsi ölkələr arasında ikitərəfli və çoxtərəfli münasibətlərə mühüm töhfə verir. Görüşdə qanunverici orqanların beynəlxalq parlament təşkilatlarında birgə əməkdaşlığı qeyd olunub.

O cümlədən, Parlamentlərarası İttifaq, Qoşulmama Hərəkatının Parlament Şəbəkəsi, İslam Əməkdaşlıq Təşkilatının (İƏT) üzvü olan dövlətlərin Parlament İttifaqı kimi təşkilatlarda qarşılıqlı dəstəyin əhəmiyyəti ifadə edilib.

S. Qafarova Omanın Azərbaycan Prezidenti İlham Əliyevin təşəbbüsü ilə yaradılmış Qoşulmama Hərəkatının Parlament Şəbəkəsinin işində yaxından iştirakından məmnunluğunu bildirib.

Əl-Maavali İƏT-nin Parlament İttifaqı Konfransının 20-ci sessiyasının yüksək səviyyədə təşkilinə görə Azərbaycana təşəkkür edib və bu tədbir çərçivəsində müzakirə olunan məsələlərin əhəmiyyətindən danışıb.

O, ölkəsinin Azərbaycanla münasibətlərin inkişafında maraqlı olduğunu və bir çox sahələrdə əməkdaşlığın inkişafı üçün yaxşı imkanların mövcudluğunu bildirib.

Görüşdə qarşılıqlı maraq doğuran digər məsələlər haqqında da fikir mübadiləsi aparılıb.

Azərbaycan Baş naziri Əli Əsədov Türkiyə Böyük Millət Məclisinin sədri Numan Kurtulmuşun rəhbərlik etdiyi nümayəndə heyəti ilə görüşüb.

"Report" xəbər verir ki, bu barədə Nazirlər Kabineti məlumat yayıb.

Görüş zamanı Bakının İslam Əməkdaşlıq Təşkilatının üzvü olan dövlətlərin Parlament İttifaqı Konfransının 20-ci Sessiyasına ev sahibliyi etməsi mühüm hadisə kimi qiymətləndirilib.

Azərbaycan ilə Türkiyə arasında qardaşlıq, müttəfiqlik və qarşılıqlı etimada əsaslanan münasibətlərin bütün sahələr üzrə uğurla inkişaf etdiyi məmnunluqla qeyd olunub.

Parlamentlərarası əməkdaşlığın ikitərəfli əlaqələrin mühüm tərkib hissəsi olduğu vurğulanaraq, hər iki ölkənin qanunverici orqanları arasında sıx təmasların və qarşılıqlı səfərlərin əhəmiyyəti qeyd edilib.

Tərəflər Azərbaycan-Türkiyə strateji tərəfdaşlığının bundan sonra da yeni məzmunla zənginləşəcəyinə əminlik ifadə edərək, qarşılıqlı maraq doğuran sahələrdə əməkdaşlığın genişləndirilməsi perspektivlərini müzakirə ediblər.

Azərbaycan Xarici İşlər Nazirliyinin (XİN) mətbuat katibi Ayxan Hacızadə Fransa Xarici İşlər Nazirliyinin əsassız cavablarını rədd edib.

Bu barədə "Report"a nazirlikdən məlumat verilib.

Qeyd olunub ki, Fransa Milli Assambleyasının üzvlərinin ünvanladıqları suallara cavab olaraq, "Dağlıq Qarabağdan köçürülmüş" ermənilərə dəstək, "erməni məhbuslarının taleyi və onların azad edilməsi", "erməni dini və mədəni irsi," "Azərbaycan-Ermənistan sülh prosesində insan hüquqları", habelə "Azərbaycanda insan hüquqları" kimi məsələlərə dair Avropa və Xarici İşlər Nazirliyinin 23 iyun tarixində Parlamentin internet səhifəsində dərc edilmiş əsassız cavablarını qətiyyətlə pisləyir və rədd edirik.

Fransa tərəfinin cavabları onun Azərbaycan-Ermənistan normallaşma prosesi ilə bağlı uzun müddətdir nümayiş etdirdiyi qərəzli yanaşmanın növbəti nümunəsidir.

Cavablarda Ermənistanın təhlükəsizliyi, "Dağlıq Qarabağdan olan ermənilər", "Azərbaycanda saxlanılan erməni əsilli şəxslər" kimi məsələlərə geniş yer ayrılsa da, Ermənistanın Azərbaycan ərazilərinin təxminən 30 il davam etmiş işğalı, bu müddətdə törədilmiş dağıntılar, bir milyondan artıq azərbaycanlının məcburi köçkün və qaçqın vəziyyətinə düşməsi, itkin düşmüş şəxslərin taleyi və Ermənistanın mina təhdidi kimi məsələlərə toxunulmaması təəssüf doğurur.

Fransa tərəfinin özünü sülh prosesinin tərəfdarı kimi təqdim etməsinə baxmayaraq, Ermənistanla müdafiə əməkdaşlığını xüsusi vurğulaması və EUMA missiyasının fəaliyyətini təşviq etməsi Fransanın regionda neytrallıqdan tamamilə uzaq olduğunu bir daha göstərir. Fransanın Ermənistanla hərbi əməkdaşlığı genişləndirməsi, onu silahlandırması və regionda birtərəfli siyasi mövqe sərgiləməsi sülhə xidmət etmir. Əksinə, bu cür addımlar revanşist meylləri təşviq edir və normallaşma prosesinə zərbə vurur.

"Erməni əsirləri və saxlanılan şəxslər" barədə səsləndirilən iddialar reallıqlara tamamilə ziddir. Bu məsələnin siyasi manipulyasiya predmetinə çevrilməsi və məhkəmənin qərarının sual altına alınması cəhdləri qəbuledilməzdir. Azərbaycanda saxlanılan erməni əsilli şəxslər milli qanunvericiliyə və beynəlxalq hüquqa uyğun olaraq konkret cinayət əməllərinə görə məsuliyyətə cəlb olunublar. Ermənistanla yanaşı Fransanın da 30 ilə yaxın müddətdə qayğısına qaldığı separatçı liderlər və digər erməni əsilli şəxslər müharibə cinayətləri, etnik təmizləmə, hərbi təcavüz, işgəncə və digər ağır cinayətlərə görə məhkum ediliblər və cəzalarını çəkirlər.

Ermənistanda və keçmiş işğal edilmiş ərazilərdə Azərbaycan mədəni irsinin məhv edilməsi, məscidlərin dağıdılması və vandalizmə məruz qalması faktlarını görməməzliyə vuran Fransa tərəfinin "erməni mədəni və dini irsi" ilə bağlı iddiaları şərh etməsi gülüncdür.

Qeyd edilənlərlə yanaşı, siyasətçilərin çoxsaylı korrupsiya faktları, polis zorakılığı, etirazçıların sərt şəkildə dağıdılması, jurnalistlərə qarşı təzyiqlər, miqrantların hüquqlarının pozulması və dini ayrı-seçkiliklə bağlı çoxsaylı nümunələrlə, eləcə də Fransanın dənizaşırı ərazilərində, o cümlədən Yeni Kaledoniyada baş verən zorakılıqlarla yadda qalan Fransanın Azərbaycana insan hüquqları ilə bağlı dərs verməyə çalışması təəccüb doğurur.

Fransa XİN-in cavabları bir daha göstərir ki, Paris hələ də regionun reallıqlarını qəbul etməkdə çətinlik çəkir və Cənubi Qafqazda sülhün möhkəmlənməsinə töhfə vermək əvəzinə, köhnəlmiş və birtərəfli siyasi yanaşmaları davam etdirir. Bu isə Fransanın həm regiondakı nüfuzuna, həm də etibarlı tərəfdaş imicinə ciddi zərbə vurur.

MƏLUMAT YENİLƏNİR

Azərbaycan Prezidenti İlham Əliyev İran İslam Şurası Məclisinin sədri Məhəmməd Baqir Qalibafın başçılıq etdiyi nümayəndə heyəti ilə görüşdə İranda müharibənin dayandırılmasını Azərbaycanda sevinc hissi ilə qarşılandığını deyib.

"Report"un məlumatına görə, dövlət başçısı bununla bağlı Azərbaycan tərəfindən dərhal rəsmi bəyanatın verildiyini xatırladıb.

"Arzu edirəm ki, bölgədə heç bir müharibə olmasın", - deyən Prezident İlham Əliyev həm Azərbaycanın, həm də İranın vaxtilə müharibələrdən əziyyət çəkdiklərini qeyd edib.

Azərbaycan Prezidenti İlham Əliyev iyunun 24-də İran İslam Şurası Məclisinin sədri Məhəmməd Baqir Qalibafın başçılıq etdiyi nümayəndə heyətini qəbul edib.

"Report" xəbər verir ki, Prezident İlham Əliyev son vaxtlar qardaş İran xalqının çox böyük əziyyətlər çəkdiyini vurğuladı, müharibədə həlak olanlara bir daha Allahdan rəhmət dilədi.

Müharibə dövründə Azərbaycan xalqının və dövlətinin İran xalqı və dövlətinin yanında olduğunu deyən Prezident İlham Əliyev özünün İran İslam Respublikasının Prezidenti Məsud Pezeşkianla telefonla danışıqlarını, həmçinin müxtəlif səviyyələrdə digər təmasları və həmrəylik nümunələrini bunun əyani göstəricisi kimi qiymətləndirdi.

Müharibənin dayandırılmasının Azərbaycan tərəfindən sevinc hissi ilə qarşılandığını vurğulayan dövlətimizin başçısı bununla bağlı ölkəmiz tərəfindən dərhal rəsmi bəyanatın verildiyini xatırladı.

"Arzu edirəm ki, bölgədə heç bir müharibə olmasın", - deyən Prezident İlham Əliyev həm Azərbaycanın, həm də İranın vaxtilə müharibələrdən əziyyət çəkdiklərini qeyd etdi.

Məhəmməd Baqir Qalibafın ölkəmizə əvvəlki səfərini məmnunluqla xatırlayan dövlətimizin başçısı onun İslam Əməkdaşlıq Təşkilatının (İƏT) üzvü olan dövlətlərin Parlament İttifaqı Konfransının 20-ci Sessiyasında iştirakının əhəmiyyətinə toxundu.

Prezident İlham Əliyev bu tədbirin İslam həmrəyliyinin inkişafına töhfə verəcəyinə ümidvarlığını bildirərək, gələn il ölkəmizin İƏT-in Zirvə Görüşünə ev sahibliyi edəcəyini dedi və bununla bağlı artıq hazırlıq işlərinin başlanıldığını qeyd etdi.

Azərbaycan Prezidenti İlham Əliyev Məhəmməd Baqir Qalibafın səfərinin, eyni zamanda, ikitərəfli gündəliyimizlə bağlı məsələlərin müzakirəsi üçün yaxşı imkan yaradacağını vurğuladı.

Dövlətimizin başçısı Azərbaycan-İran münasibətlərinin uğurlu inkişafına da toxundu.

Prezident İlham Əliyevlə görüşdən məmnunluğunu bildirən qonaq İran İslam Respublikasının Prezidenti Məsud Pezeşkianın salamlarını dövlətimizin başçısına çatdırdı.

Prezident İlham Əliyev salamlara görə minnətdarlığını bildirdi, onun da salamlarının Məsud Pezeşkiana çatdırmağı xahiş etdi.

Məhəmməd Baqir Qalibaf İranın çətin günlərində Prezident İlham Əliyev, Azərbaycan dövləti və xalqı tərəfindən göstərilən dəstəyə görə minnətdarlığını bildirdi.

Qonaq, eyni zamanda, İranın ölkəmizdəki səfirliyinə gələrək, İran İslam Respublikasının Ali Rəhbəri Ayətullah Seyid Əli Xameneinin və bir çox mülki şəxsin həlak olması ilə əlaqədar başsağlığı verməsinə, həmçinin Ayətullah Seyid Müctəba Hüseyni Xameneiyə İran İslam Respublikasının Ali Rəhbəri vəzifəsinə seçilməsi münasibətilə göndərdiyi təbrik məktubuna görə dövlətimizin başçısına təşəkkür etdi.

Müharibənin böyük dərd və faciə olduğunu deyən qonaq həmin dövrdə ölkəmizin İranla mehriban qonşuluq münasibətlərinə sadiq qaldığını, humanitar yardımını əsirgəmədiyini, Azərbaycan xalqının İranın yanında olduğunu vurğuladı və qeyd etdi ki, bu, İran xalqının yaddaşında əbədi qalacaq.

Azərbaycanla İranın çətin günlərdə də daim bir-birinin yanında olduqlarını deyən Məhəmməd Baqir Qalibaf bunu ölkələrimizin birliyinin və həmrəyliyinin daha bir nümunəsi kimi qiymətləndirdi. Qonaq bu müharibənin, eyni zamanda, İrana müsəlman ölkələri ilə təmasların nə dərəcədə vacib olduğunu göstərdiyini bildirdi. Məhəmməd Baqir Qalibaf qeyd etdi ki, İran müharibə dövründə dostunu və düşmənini tanıyıb. Bu xüsusda, dost ölkə kimi Azərbaycan İranın yanında olub.

Söhbət zamanı Azərbaycan-İran əlaqələrinin gələcəkdə daha da dinamik inkişafına əminlik ifadə olundu, Ağbənd-Kəlalə körpüsünün tikintisinin artıq başa çatdırıldığı və İran ərazisindən keçən Araz dəhlizinin də regionda nəqliyyat imkanlarının artırılmasına xidmət edəcəyi məmnunluqla vurğulandı.

Görüşdə ikitərəfli əlaqələrimizin perspektivləri, o cümlədən parlamentlərarası əməkdaşlıqla bağlı məsələlər ətrafında fikir mübadiləsi aparıldı, hökumətlərarası komissiyanın fəaliyyətinə toxunuldu.

Türkiyə və Azərbaycan Prezidentləri - Rəcəb Tayyib Ərdoğan və İlham Əliyevin ailə institutunun gücləndirilməsini cəmiyyətin gələcəyi üçün strateji məsələ hesab etmələri və bu sahədə işə verdikləri əhəmiyyət ortaq iradəni, əməkdaşlığa dair güclü anlayışı nümayiş etdirir.

Bunu "Report"un Türkiyə bürosuna müsahibəsində Türkiyənin Ailə və Sosial Xidmətlər naziri Mahinur Özdemir Göktaş deyib.

O qeyd edib ki, bu məsələdə Türkiyə və Azərbaycan sıx dialoq qurub və əməkdaşlıq edir:

"Ailə institutu Türk dünyasının ortaq dəyərlərini və sosial əlaqələrini gücləndirən ən vacib elementlərdən biridir. Ailənin qorunması, möhkəmləndirilməsi və gələcək nəsillərə ötürülməsi ilə bağlı Azərbaycanla güclü ortaq bir baxışımız var".

O qeyd edib ki, ailəyə yönəlmiş əməkdaşlığın institusionallaşdırılmasına və TDT-nin himayəsində ortaq bir fəaliyyəti inkişaf etdirməyə böyük əhəmiyyət verirlər:

"TDT çərçivəsində Sosial Siyasətdən Məsul Nazirlərin Görüşlərinin həyata keçirilməsi və "Qloballaşan Dünyanın Risklərinə Qarşı Ailəmiz Gələcəyimizdir" mövzusunda TDT-nin Sosial Siyasətdən məsul nazirlərinini ilk görüşünün keçirilməsi türk dünyasında ailəyə yönəlmiş ortaq yanaşmanın inkişaf etdirilməsində mühüm mərhələlər olub. Bu kontekstdə, əsasən Azərbaycanla sıx əməkdaşlıq çərçivəsində "Türk dünyasnın ailə hədəfləri"nin yaradılması istiqamətində işimizi davam etdiririk".

Göktaş vurğulayıb ki, ailə institutunun qorunması və gücləndirilməsi, demoqrafik risklərə qarşı ortaq siyasətlərin hazırlanması və ailəyə uyğun təcrübələrin paylaşılması kimi məsələlərdə ortaq bir perspektiv yaratmağı hədəfləyirlər:

"Ailə strukturunun üzləşdiyi qlobal çətinliklər, demoqrafik transformasiyalar və sosial dəyişikliklər qarşısında ailə mərkəzli siyasətləri genişləndirmək və bu məsələ ilə bağlı beynəlxalq məlumatlılığı artırmaq üçün dost və qardaş ölkələrlə əməkdaşlığımızı gücləndirməyə davam edəcəyik".

Azərbaycanla əməkdaşlığın davam etdirilməsi ilə planlara toxunan Göktaş vurğulayıb ki, növbəti dövr üçün yeni fəaliyyət planlarının yaradılması üzərində iş mövcud əməkdaşlığı daha da inkişaf etdirməyi hədəfləyən qarşılıqlı məsləhətləşmələr və qiymətləndirmələrlə uyğun olaraq davam edir:

"2026-cı ildə növbəti üç ili əhatə edən iki ayrı fəaliyyət planı imzalamağı hədəfləyirik. İnanıram ki, Türkiyə ilə Azərbaycan arasındakı əməkdaşlıq güclü əlaqələri daha da möhkəmləndirəcək və ortaq məqsədlərə doğru işimizə dəyərli töhfələr verəcək".

Azərbaycan xarici işlər naziri Ceyhun Bayramov Polşaya işgüzar səfərə yola düşüb.

"Report" xəbər verir ki, bu barədə Xarici İşlər Nazirliyi məlumat yayıb.

Səfər çərçivəsində nazir Ceyhun Bayramovun 25 iyun tarixində Qdansk şəhərində Ukrayna Bərpa Konfransında iştirakı və bir sıra yüksək səviyyəli rəsmilərlə ikitərəfli görüşlərinin keçirilməsi nəzərdə tutulub.

Mövcud çağırışlar İslam dünyasında parçalanmaya son qoyulmasını tələb edir

"Report" xəbər verir ki, bunu Birləşmiş Ərəb Əmirlikləri (BƏƏ) Federal Milli Şurası sədrinin birinci müavini Tariq Altayer Bakıda keçirilən İslam Əməkdaşlıq Təşkilatının (İƏT) üzvü olan dövlətlərin Parlament İttifaqı Konfransının 20-ci sessiyasında çıxışı zamanı deyib.

O qeyd edib ki, yaranmış şəraitdə əsas diqqət İslam ölkələrinin iqtisadi imkanlarının genişlənməsinə, beynəlxalq əməkdaşlığın və inteqrasiyanın möhkəmlənməsinə, hərtərəfli və gələcəyə hesablanmış layihələrin həyata keçirilməsinə yönəldilməlidir:

"Hazırda qarşıda duran əsas vəzifə təkcə mövcud böhranları həll etmək deyil, həm də mövcud çağırışları ölkələrin güclənməsinə yönəldə bilməkdir. Həmçinin indiki çağırışlar İslam dünyasında parçalanmaya son qoyulmasını və qarşıdurma risklərinin azaldılmasını tələb edir.

Eyni zamanda, hüquqi sistemdən kənara çıxmamaq, vətəndaşlara dəstəyin artırılması, BMT prinsiplərinə uyğun fəaliyyət göstərilməsi də mühüm tələblər sırasındadır. Bu məqsədlə korrupsiyaya qarşı mübarizənin gücləndirilməsi, xalqların hərtərəfli inkişafının təmin olunması, əməkdaşlığın dərinləşdirilməsi və ərəb ölkələri arasında münasibətlərin möhkəmləndirilməsi vacibdir".

BƏƏ parlamentinin vitse-spikeri əlavə edib ki, davamlı və hərtərəfli inkişafın təmin edilməsi üçün müxtəlif məsələlər üzrə əməkdaşlığın fəallaşdırılması zəruridir.

Azərbaycan Prezidenti İlham Əliyev iyunun 24-də Türkiyə Böyük Millət Məclisinin (TBMM) sədri Numan Kurtulmuşun rəhbərlik etdiyi nümayəndə heyətini qəbul edib.

"Report" xəbər verir ki, dövlət başçısı TBMM sədrinin İslam Əməkdaşlıq Təşkilatının üzvü olan dövlətlərin Parlament İttifaqı Konfransının 20-ci sessiyasında iştirakının önəminə toxunub.

Gələcəkdə Azərbaycanda İslam Əməkdaşlıq Təşkilatı çərçivəsində digər tədbirlərin də keçiriləcəyini deyən Prezident İlham Əliyev İslam ölkələri arasında əlaqələri daha da genişləndirməyin əhəmiyyətini vurğuladı.

Qəbula və İslam Əməkdaşlıq Təşkilatının üzvü olan dövlətlərin Parlament İttifaqı Konfransının 20-ci sessiyasının yüksək səviyyədə təşkilinə görə minnətdarlıq edən Numan Kurtulmuş Türkiyə Prezidenti Rəcəb Tayyib Ərdoğanın salamlarını dövlət başçısına çatdırdı.

Prezident İlham Əliyev salamlara görə minnətdarlığını bildirdi, onun da salamlarını Prezident Rəcəb Tayyib Ərdoğana çatdırmağı xahiş edbi.

Qonaq Bakıda keçirilən tədbirin İslam Əməkdaşlıq Təşkilatı çərçivəsində tərəfdaşlığın genişləndirilməsi baxımından əhəmiyyətini vurğulayaraq, dövlətimizin başçısının tədbir iştirakçılarına ünvanlandığı müraciətin zəngin məzmunlu olduğu deyib.

Söhbət zamanı Şuşa Bəyannaməsinin əhəmiyyətinə toxunularaq, ölkələr arasında qardaşlıq və müttəfiqlik münasibətlərinin bütün istiqamətlərdə, o cümlədən parlamentlərarası sahədə uğurlu inkişafı qeyd edilib, dünyada Azərbaycan-Türkiyə birliyinin və qardaşlığının nümunəsinin olmadığı bildirildi və bu, birgə sərvətimiz kimi qiymətləndirilib.

Ölkələr arasında dostluğun və qardaşlığın Cənubi Qafqaz regionunda sülh və təhlükəsizliyin təmin edilməsində mühüm amil olduğu vurğulanıb.

Görüşdə qanunverici orqanlarımız arasında mövcud əməkdaşlıq və onun daha da genişləndirilməsinin perspektivləri müzakirə olunub.

Azərbaycan Ali Məhkəməsinin sədr müavini Çingiz Əsgərovun rəhbərlik etdiyi nümayəndə heyəti Şimali Makedoniyanın paytaxtı Skopye şəhərində keçirilən Mərkəzi və Şərqi Avropa ölkələrinin Ali Məhkəmə sədrlərinin konfransında iştirak edib.

Bu barədə "Report"a Ali Məhkəmədən məlumat verilib.

Bildirilib ki, konfransda məhkəmələrə ictimai etimadın artırılması, məhkəmə müstəqilliyinin təmin edilməsi, məhkəmə proseslərində və məhkəmə aparatının fəaliyyətində süni intellekt texnologiyalarının hazırkı və gələcək tətbiqi, habelə məhkəmələrin ictimaiyyəti narahat edən məsələlərə münasibəti ilə bağlı geniş fikir mübadiləsi aparılıb.

Gündəlikdə duran məsələlərlə bağlı çıxış edən Çingiz Əsgərov Azərbaycanda həyata keçirilən hüquqi islahatlar, Ali Məhkəmənin və Məhkəmə-Hüquq Şurasının fəaliyyəti, eləcə də məhkəmə sisteminin müasirləşdirilməsi istiqamətində görülən işlər barədə ətraflı məlumat verib.

Konfrans çərçivəsində iştirakçılar müxtəlif ölkələrin məhkəmə sistemlərində həyata keçirilən islahatlar, rəqəmsallaşma prosesləri və ədalət mühakiməsinin səmərəliliyinin artırılması istiqamətində əldə olunan nəticələr barədə təcrübə mübadiləsi aparıblar. Müzakirələr zamanı müasir dövrdə məhkəmə hakimiyyətinin qarşısında duran çağırışlar, ictimai etimadın gücləndirilməsi və yeni texnologiyaların tətbiqi məsələlərinə xüsusi diqqət yetirilib.

Qeyd edək ki, Mərkəzi və Şərqi Avropa ölkələrinin Ali Məhkəmə sədrlərinin Konfransı 2011-ci ildən etibarən keçirilir və region ölkələrində aparılan məhkəmə islahatlarının müzakirəsi, habelə qabaqcıl təcrübələrin paylaşılması üçün mühüm beynəlxalq platforma rolunu oynayır.

Kipr məsələsinin yeganə ədalətli və davamlı həlli yalnız adadakı mövcud reallıqların, yəni iki ayrı suveren dövlətin qəbul edilməsi ilə mümkündür.

"Report" xəbər verir ki, bunu Şimali Kipr Məclisinin sədri Ziya Öztürklər Bakıda keçirilən İslam Əməkdaşlıq Təşkilatına (İƏT) üzv dövlətlərin Parlament İttifaqı Konfransının 20-ci sessiyasında çıxışı zamanı deyib.

Onun sözlərinə görə, Kipr türk xalqının suveren bərabərliyinin və bərabər beynəlxalq statusunun tanınması davamlı həll üçün əsas və zəruridir:

"Kiprin yunan kəsiminin hakimiyyəti adada həll yoluna maneə törədərək Şimali Kiprlə tərəfdaşlığa girmək istəmədiyini dəfələrlə və açıq şəkildə nümayiş etdirib. Türkiyə Prezidenti Rəcəb Tayyib Ərdoğana "suveren bərabərlik və bərabər beynəlxalq statusa əsaslanan iki dövlətli həll" mövqeyini hər forumda dəstəklədiyinə görə minnətdarlığımızı bildiririk".

Bakıda Qərbi Azərbaycan İcmasının (QAİ) təşəbbüsü ilə Ümumdünya Qaçqınlar Gününə həsr olunmuş "Qərbi Azərbaycana qayıdış: Tarixi ədalətin bərpası və insan hüquqları" adlı tədbir keçirilib.

"Report" xəbər verir ki, tədbirdə Milli Məclisin deputatları, elm və təhsil ictimaiyyətinin nümayəndələri, ziyalılar, QAİ üzvləri və vətəndaş cəmiyyətinin təmsilçiləri iştirak ediblər.

QAİ sədri, Milli Məclisin deputatı Əziz Ələkbərli Ümumdünya Qaçqınlar Gününün əhəmiyyətindən danışıb.

Onun sözlərinə görə, Azərbaycan son onilliklər ərzində qaçqın və məcburi köçkün problemini ən ağır şəkildə yaşamış ölkələrdən biridir.

Çıxışçılar son dövrlərdə regionda müşahidə olunan sülh təşəbbüslərinə də toxunublar.

Daha sonra Qərbi Azərbaycan İcması İdarə Heyətinin üzvü, tarix üzrə fəlsəfə doktoru Nazim Mustafa "Qaçqınlığın tarixi aspektləri (1828–1991-ci illər)" mövzusunda çıxış edərək Qərbi Azərbaycandan azərbaycanlıların deportasiya tarixindən və bu prosesin nəticələrindən bəhs edib.

Qərbi Azərbaycan İcması İdarə Heyətinin üzvü, Hüquq Komissiyasının sədri, hüquq elmləri doktoru, professor Zahid Cəfərov "Qayıdışın hüquqi aspektləri" mövzusunda məruzə ilə çıxış edərək beynəlxalq hüququn qayıdış hüququnu tanıyan norma və prinsiplərini tədbir iştirakçılarının diqqətinə çatdırıb.

Qərbi Azərbaycan İcması Ziyalılar Şurasının üzvü, sosiologiya elmləri üzrə fəlsəfə doktoru Əfqan Vəliyev qayıdış məsələsinin ictimai rəydə yeri və bu istiqamətdə aparılan maarifləndirmə işlərindən danışıb.

Qərbi Azərbaycan İcması Ziyalılar Şurasının üzvü, Milli Məclisin deputatı, siyasi elmlər üzrə fəlsəfə doktoru Rizvan Nəbiyev isə qayıdış prosesinin siyasi-diplomatik aspektlərini təhlil edərək beynəlxalq müstəvidə aparılan fəaliyyətin əhəmiyyətini vurğulayıb.

Tədbirin yekununda Qərbi Azərbaycan İcması Ağsaqqallar Şurası sədrinin müavini, tibb elmləri doktoru, professor Vaqif Şadlinski çıxış edərək qaçqınlıq həyatı yaşamış bir şəxs kimi doğma yurdlara qayıdışla bağlı gözləntilərini, bu istiqamətdə görülən işlərin əhəmiyyətini və gələcək fəaliyyət üçün tövsiyələrini iştirakçıların diqqətinə çatdırıb.

Çıxışlarda qeyd olunub ki, Qərbi Azərbaycan məsələsi təkcə tarixi ədalətin bərpası deyil, həm də beynəlxalq hüquqla tanınan fundamental insan hüquqlarının təmin olunması məsələsidir.

Sonda vurğulanıb ki, Qərbi Azərbaycana Qayıdış Konsepsiyasında müəyyən edilmiş məqsədlərin həyata keçirilməsi tarixi ədalətin bərpasına, soydaşlarımızın doğma yurdlarına qovuşmasına və regionda davamlı sülhün möhkəmlənməsinə xidmət edəcək.

Qeyd edək ki, BMT Baş Assambleyasının 2000-ci il 4 dekabr tarixli qətnaməsinə əsasən, hər il iyunun 20-si dünyada qaçqınların problemlərinə diqqətin artırılması məqsədilə Ümumdünya Qaçqınlar Günü kimi qeyd olunur.

Azərbaycan yeni regional təşkilatların yaradılmasında əsas təşəbbüskarlardan biridir.

"Report" xəbər verir ki, bunu deputat Fariz İsmayılzadə Beynəlxalq Münasibətlərin Təhlili Mərkəzinin təşkilatçılığı ilə keçirilən "Azərbaycan orta güc kimi: xarici siyasət, regional təsir və qlobal iştirak" adlı konfransda "Azərbaycanın orta güc kimi regional və qlobal rolunun təzahürləri" adlı paneldə çıxışı zamanı deyib.

O bu kontekstdə Azərbaycan diplomatiyasının olduqca önəmli əhəmiyyətə malik olduğunu diqqətə çatdırıb:

"Azərbaycan Cənubi Qafqazda sülh təşəbbüsünün yaradıcısı olmaqla yanaşı, onu inkişaf etdirən dövlətdir. Eləcə də Azərbaycanın bir çox münaqişələr üçün danışıqların mərkəzinə çevrildiyini də görürük. Bir sözlə, illər keçdikcə Azərbaycanın regionda sülhməramlı missiyası və mediatorluğu artır".

F.İsmayılzadə Azərbaycanın müxtəlif inkişaf proqramlarında iştirakını sülhə töhfə verən amil kimi dəyərləndirib.

"Azərbaycanın enerji və nəqliyyat siyasəti də bu gün beynəlxalq müstəvidə yüksək qiymətləndirilir. Regiondakı gərginlik fonunda Azərbaycan hava nəqliyyatı məsələsində də önəmli faktor olduğunu isbat edib", - o vurğulayıb.

Əgər insanlar öz doğma yurdlarına qayıtmaq imkanından məhrum edilərsə, bölgədə davamlı və dayanıqlı sülhün bərqərar olacağından danışmaq çətin olar.

"Report" xəbər verir ki, bunu Qərbi Azərbaycan İcmasının (QAİ) sədri Əziz Ələkbərli "Qərbi Azərbaycana qayıdış: Tarixi ədalətin bərpası və insan hüquqları" adlı tədbir çərçivəsində jurnalistlərə açıqlamasında deyib.

Onun sözlərinə görə, QAİ təkcə son deportasiya dövründə deyil, son iki yüz il ərzində tarixi torpaqlarında yaşamış soydaşların üzləşdiyi faciələri və Qərbi Azərbaycan həqiqətlərini beynəlxalq ictimaiyyətin diqqətinə çatdırır:

"İcma beynəlxalq hüquqa əsaslanaraq bu insanların hüquqlarının tanınmasını və təmin olunmasını beynəlxalq təşkilatlardan və dünya ictimaiyyətindən tələb edir. Bu gün Qarabağ münaqişəsi başa çatıb, Azərbaycan və Ermənistan arasında sülh danışıqları aparılır. Hesab edirik ki, bu danışıqlar çərçivəsində Qərbi Azərbaycan qaçqınlarının öz doğma torpaqlarına qayıdışı məsələsinə də aydınlıq gətirilməlidir".

Ə.Ələkbərli qeyd edib ki, bu, yalnız humanitar məsələ deyil, həm də beynəlxalq hüquqla təsbit olunmuş bir hüquqdur:

"Təəssüf ki, Ermənistan rəhbərliyi sülh prosesində müəyyən irəliləyişlərə baxmayaraq, Qərbi Azərbaycan qaçqınlarının öz doğma evlərinə qayıdışına hələ də mane olur. Beynəlxalq təşkilatlara və Ermənistan rəhbərliyinə ünvanladığımız müraciətlər isə indiyədək cavabsız qalıb".

QAİ sədri əlavə edib ki, sülhün əsas təminatlarından biri də xalqlar arasında birgəyaşayışın təmin edilməsidir:

"Ermənistan rəhbərliyi anlamalıdır ki, regionda formalaşmış yeni reallıqlarla hesablaşmaq zəruridir.

Qərbi Azərbaycan İcması olaraq biz sülhün, təhlükəsizliyin və regional əməkdaşlığın tərəfdarıyıq. Azərbaycan və Ermənistan arasında aparılan sülh danışıqlarını dəstəkləyirik. Eyni zamanda, hesab edirik ki, Ermənistan rəhbərliyi Qərbi azərbaycanlıların öz doğma evlərinə qayıdış hüququnu qəbul etməli və bu prosesə mane olmamalıdır".

Rəsmi Ankara Azərbaycanla Ermənistan arasında aparılan və mühüm irəliləyiş əldə olunan sülh danışıqlarını yüksək qiymətləndirir.

"Report" xəbər verir ki, bunu Türkiyə Böyük Millət Məclisinin (TBMM) sədri Numan Kurtulmuş Bakıda keçirilən İslam Əməkdaşlıq Təşkilatına (İƏT) üzv dövlətlərin Parlament İttifaqı Konfransının 20-ci sessiyasında çıxışı zamanı deyib.

Onun sözlərinə görə, Türkiyə Cənubi Qafqazda gedən sülh prosesini sonadək dəstəkləyir:

"Ümid edirəm ki, Cənubi Qafqazda Azərbaycanla Ermənistan arasında davamlı və səmimi bir sülh bərqərar olacaq. Qiyamətədək bu torpaqlar, Qafqaz sülhün, əmin-amanlığın və sabitliyin hökm sürdüyü bir bölgə kimi formalaşacaq".

Türkiyə İran və ABŞ arasındakı danışıqların müsbət nəticələnməsini alqışlayır.

"Report" xəbər verir ki, bunu Türkiyə Böyük Millət Məclisinin (TBMM) sədri Numan Kurtulmuş Bakıda keçirilən İslam Əməkdaşlıq Təşkilatının (İƏT) üzvü olan dövlətlərin Parlament İttifaqı Konfransının 20-ci sessiyasında çıxışı zamanı deyib.

O qeyd edib ki, razılaşmaya onun müddətinin sonunadək əməl olunacağına ümid edir:

"Ümid edirik ki, aparılan danışıqlar müsbət nəticə verəcək və ABŞ ilə İsrail tərəfindən həyata keçirilən bu müharibə tamamilə dayandırılaraq bölgədə əsl sülh mühiti təmin ediləcək".

YENİLƏNİR

İslam Əməkdaşlıq Təşkilatına (İƏT) üzv dövlətlərin Parlament İttifaqına sədrlik İndoneziyadan Azərbaycana keçib.

"Report" xəbər verir ki, sədrliyin təhvil verilməsi İƏT-ə üzv dövlətlərin Parlament İttifaqı Konfransının 20-ci Sessiyasının rəsmi açılış mərasimində baş tutub.

Qeyd edək ki, 40-dan çox ölkənin parlament nümayəndə heyəti, 10-dan çox ölkə spikeri və 10 beynəlxalq təşkilatın nümayəndələrinin qatıldığı sessiyada "Parlament əməkdaşlığı vasitəsilə İƏT üzvü olan dövlətlərdə dayanıqlı və inklüziv iqtisadi inkişafın təşviqi" mövzusunda müzakirələr aparılacaq. Tədbirdə 400-dən artıq nümayəndə iştirak edir.

Tədbir çərçivəsində təşkilatın Baş Komitəsinin, İcraedici komitəsinin, Baş Katiblər Assosiasiyasının, Siyasi məsələlər və beynəlxalq əlaqələr, İqtisadi məsələlər və ətraf mühit, Hüquqi və mədəni, sivilizasiyalar və dinlərarası dialoq məsələləri, İnsan hüquqları, qadın və ailə məsələləri komitələrinin, həmçinin qurumun digər strukturlarının iclasları keçiriləcək, gündəlikdəki sənədlərə münasibət bildiriləcək.

Sessiya iyunun 25-də başa çatacaq.

Bu gün İslam dünyası hələ də həllini gözləyən ciddi çağırışlarla üz-üzədir.

"Report" xəbər verir ki, bunu Milli Məclisin sədri Sahibə Qafarova Bakıda keçirilən İslam Əməkdaşlıq Təşkilatının (İƏT) üzvü oıan dövlətlərin Parlament İttifaqı Konfransının 20-ci sessiyasında çıxışı zamanı deyib.

O qeyd edib ki, zəngin tarixi və mədəni irsi, böyük təbii və insan resurslarına baxmayaraq, bu gün İslam dünyası hələ də həllini gözləyən ciddi çağırışlarla üz-üzədir:

"Yoxsulluq, sosial və iqtisadi bərabərsizliklər, silahlı münaqişələr, humanitar böhranlar, terrorizm və ekstremizm dayanıqlı inkişaf istiqamətində göstərilən səylərə ciddi təsir göstərir və onları məhdudlaşdırır. Bu çətinliklərin öhdəsindən gəlmək və mövcud potensialını tam şəkildə reallaşdırmaq üçün İslam dünyasının sülh, tolerantlıq, harmoniya və ədalət kimi əbədi İslam dəyərlərinə əsaslanan birlik və həmrəyliyinə ehtiyacı var".

S.Qafarovanın sözlərinə görə, getdikcə daha mürəkkəb və qarşılıqlı əlaqələrin gücləndiyi müasir dünyada müsəlman ölkələrinin birlikdə hərəkət etməsi, bir-birini dəstəkləməsi və ortaq məqsədlər naminə fəaliyyət göstərməsi heç vaxt indiki qədər vacib olmayıb:

"Parlamentlər bütün bu məsələlərin həllində mühüm rol oynayırlar. Eyni inancı paylaşan dost və qardaş xalqların nümayəndələri olaraq biz ziddiyyət və parçalanmanı deyil, həmrəyliyi, dialoqu və birliyi təşviq etməliyik".

Azərbaycan İslam Əməkdaşlıq Təşkilatının (İƏT) ardıcıl dəstəyini daim hiss edib.

"Report" xəbər verir ki, bu barədə Prezident İlham Əliyevin Bakıda keçirilən İslam Əməkdaşlıq Təşkilatının (İƏT) üzvü olan dövlətlərin Parlament İttifaqı Konfransının 20-ci sessiyasının iştirakçılarına ünvanladığı müraciətdə qeyd olunub.

Dövlət başçısı xatırladıb ki, bu il Azərbaycan Respublikasının İslam Əməkdaşlıq Təşkilatına üzv olmasından 35 il ötür:

"İƏT Azərbaycanın müstəqilliyinin bərpasından sonra qoşulduğu ilk beynəlxalq təşkilatlardandır. Qürurla qeyd edə bilərik ki, bu illər ərzində ölkəmiz İslam həmrəyliyinin gücləndirilməsinə töhfə vermiş, İƏT-in fəaliyyətində təşəbbüskar və məsuliyyətli rol oynamış, məqsəd və prinsiplərinə sadiq qalmış, beynəlxalq müstəvidə nüfuzunun artırılmasında fəal iştirak etmişdir. Azərbaycan üzv dövlətlərlə ikitərəfli əsasda da möhkəm dostluq və qardaşlıq münasibətlərinə söykənən çoxşaxəli əməkdaşlıq əlaqələri qurmuşdur.

Biz də, öz növbəmizdə, İƏT-in ardıcıl dəstəyini daim hiss etmişik. İƏT Ermənistanın Azərbaycana qarşı 30 ilə yaxın davam edən təcavüzü zamanı və postmüharibə dövründə qətiyyətli mövqe nümayiş etdirərək, işğalı şiddətlə qınayan, Azərbaycanın haqq işini, suverenliyini və ərazi bütövlüyünü dəstəkləyən, azad olunmuş ərazilərimizdə bərpa və quruculuq işlərini alqışlayan qətnamələr və bəyanatlar qəbul etmişdir. Ermənistanın Azərbaycana qarşı təcavüzünə dair İƏT çərçivəsində Təmas Qrupunun fəaliyyətini xüsusilə vurğulamaq istərdim. Biz qardaş ölkələrin bu münasibətini yüksək qiymətləndiririk".

İslam Zirvə Konfransının 16-cı Sessiyası 2027-ci ildə Azərbaycanda keçiriləcək.

"Report" xəbər verir ki, bu barədə Prezident İlham Əliyevin Bakıda keçirilən İslam Əməkdaşlıq Təşkilatının (İƏT) üzvü olan dövlətlərin Parlament İttifaqı Konfransının 20-ci sessiyasının iştirakçılarına ünvanladığı müraciətdə qeyd olunub.

Dövlət başçısı müraciətində həmçinin İƏT-də Sədrliyin Azərbaycana keçəcəyini də vurğulayıb:

"2027-ci ildə Azərbaycanda İslam Zirvə Konfransının 16-cı Sessiyası keçiriləcək və ölkəmiz İƏT-də Sədrliyi öz üzərinə götürəcək. Sədrliyimiz dövründə üzv dövlətlərin ümumi maraqlarının təşviqi, təşkilat çərçivəsində əməkdaşlığın dərinləşməsi, İslam həmrəyliyinin möhkəmləndirilməsi və böyük gücə çevrilməsi məqsədilə birgə səylərin səfərbər olunması üçün əlimizdən gələni əsirgəməyəcəyik".

Qazaxıstan, Azərbaycan və Gürcüstan Transxəzər Beynəlxalq Nəqliyyat Marşrutunun (TBNM, Orta Dəhliz) inkişafı çərçivəsində vahid uzunmüddətli tarif modelinin yaradılması üzərində işləyir.

"Report" "Akorda"ya istinadən xəbər verir ki, bu barədə Qazaxıstan Prezidenti Kasım-Jomart Tokayev "Mediterranean Shipping Company" (MSC) şirkətinin vitse-prezidenti Eduard Ziqrist ilə görüşdə bildirib.

Onun sözlərinə görə, vahid tarif modelinin hazırlanması ilə yanaşı, tərəflər bir sıra əsas infrastruktur layihələrini, o cümlədən Xəzər dənizində yük gəmiləri donanmasının genişləndirilməsini, Azərbaycanla birlikdə dibdərinləşdirmə işlərinin aparılmasını, eləcə də Kurık limanının modernləşdirilməsini həyata keçirirlər.

Bununla yanaşı, tərəflər nəqliyyat və logistika sahələrində əməkdaşlıq perspektivlərini müzakirə ediblər. Xüsusi diqqət konteynerləşdirmə səviyyəsinin artırılmasına yönəldilib ki, bunun da yük dövriyyəsinin əhəmiyyətli dərəcədə artmasına töhfə verəcəyi gözlənilir.

K.Tokayev dünyanın aparıcı konteyner daşıma şirkətlərindən birinin Qazaxıstan bazarında iştirakını yüksək qiymətləndirərək, bu gün Orta Dəhlizin inkişafının ölkə üçün strateji prioritet olduğunu qeyd edib.

Azərbaycan Prezidenti İlham Əliyev Bakıda keçirilən İslam Əməkdaşlıq Təşkilatının (İƏT) üzvü olan dövlətlərin Parlament İttifaqı Konfransının 20-ci sessiyasına iştirakçılarına müraciət ünvanlayıb.

"Report" xəbər verir ki, müraciətin mətnini Milli Məclisin sədri Sahibə Qafarova səsləndirib.

Bakıda İslam Əməkdaşlıq Təşkilatının (İƏT) üzvü olan dövlətlərin Parlament İttifaqı Konfransının 20-ci sessiyası keçirilir.

"Report" xəbər verir ki, tədbirin açılış mərasimində İƏT ölkələri parlamentlərinin spikerləri və müavinləri, o cümlədən beynəlxalq təşkilatların nümayəndələrinin çıxışları gözlənilir.

Belə ki, 40-dan çox ölkənin parlament nümayəndə heyəti, 10-dan çox ölkə spikeri və 10 beynəlxalq təşkilatın nümayəndələrinin qatıldığı sessiyada "Parlament əməkdaşlığı vasitəsilə İƏT üzvü olan dövlətlərdə dayanıqlı və inklüziv iqtisadi inkişafın təşviqi" mövzusunda müzakirələr aparılacaq. Tədbirdə 400-dən artıq nümayəndənin iştirakı gözlənilir.

Tədbir çərçivəsində təşkilatın Baş Komitəsinin, İcraedici komitəsinin, Baş Katiblər Assosiasiyasının, Siyasi məsələlər və beynəlxalq əlaqələr, İqtisadi məsələlər və ətraf mühit, Hüquqi və mədəni, sivilizasiyalar və dinlərarası dialoq məsələləri, İnsan hüquqları, qadın və ailə məsələləri komitələrinin, həmçinin qurumun digər strukturlarının iclasları keçiriləcək, gündəlikdəki sənədlərə münasibət bildiriləcək.

Sessiya iyunun 25-də başa çatacaq.

Azərbaycanın iqtisadi potensialı artıq Cənubi Qafqazdan kənarda da özünü göstərir.

"Report" xəbər verir ki, bunu Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev qurumun təşkilatçılığı ilə keçirilən "Azərbaycan orta güc kimi: xarici siyasət, regional təsir və qlobal iştirak" adlı konfransda açılış nitqi zamanı deyib.

Onun sözlərinə görə, orta güc konsepsiyası bir neçə elementi özündə birləşdirir ki, bunlardan başlıcası hərbi güc, iqtisadi potensial və digər faktorlardır:

"Tam əminliklə deyə bilərik ki, bu gün Azərbaycan nəinki ölkədaxili layihələr həyata keçirir, hətta regionətrafı, Şərqi və Cənubi Avropada, Yaxın Şərqdə, Orta Asiyada müxtəlif layihələr həyata keçirir. Yəni Azərbaycanın iqtisadi potensialı Cənubi Qafqazdan kənarda özünü göstərir".

Xəzər dənizində suyun səviyyəsinin aşağı düşməsi iqlim dəyişikliyinin ekosistemlərə, nəqliyyata, infrastruktura necə təsir edə biləcəyini nümayiş etdirir və bu, daha güclü regional əməkdaşlığın və davamlı fəaliyyətin əhəmiyyətini artırır.

"Report" xəbər verir ki, bunu Azərbaycan Prezidentinin iqlim məsələləri üzrə nümayəndəsi Muxtar Babayev London İqlim Fəaliyyəti Həftəsi çərçivəsində keçirilən panel müzakirələrdə deyib.

M. Babayevin sözlərinə görə, okeanlar və sahil ekosistemləri iqlimə davamlılıq, ərzaq təhlükəsizliyi, dolanışıq vasitələri, biomüxtəliflik və iqtisadi inkişaf üçün həlledici əhəmiyyətə malikdir.

"İqlim təsirləri gücləndikcə, öhdəliklərin praktiki fəaliyyətə çevrilməsi, xüsusən də həssas sahil və ada icmaları üçün təxirəsalınmaz xarakter alır", - o bildirib.

Prezidentin iqlim məsələləri üzrə nümayəndəsi bildirib ki, COP29-un nəticələrinə əsaslanaraq və COP31-ə doğru irəliləyərkən, yerlərdə real nəticələr əldə etmək üçün davamlı icra, daha güclü tərəfdaşlıqlar və maliyyəyə daha geniş çıxış mühüm əhəmiyyət kəsb edəcək.

Azərbaycanın BMT yanında daimi nümayəndəsi Tofiq Musayev təşkilatın simvolik UN80 nizamnaməsini imzalayıb.

"Report" xəbər verir ki, bu barədə Azərbaycanın BMT yanındakı Daimi Nümayəndəliyi "X" sosial şəbəkə hesabında məlumat paylaşıb.

"Azərbaycan Respublikasının Birləşmiş Millətlər Təşkilatı yanındakı daimi nümayəndəsi simvolik UN80 Nizamnaməsini imzalayaraq, Azərbaycanın Nizamnamənin məqsəd və prinsiplərinə davamlı sadiqliyini, həmçinin səmərəli çoxtərəfliliyə və beynəlxalq əməkdaşlığa sarsılmaz dəstəyini bir daha təsdiq edib", - paylaşımda bildirilib.

Qeyd edək ki, BMT-nin 80 illiyi və UN80 təşəbbüsü, qurumun quruluşunun 80-ci ildönümü münasibətilə təşkilatın baş katibi Antonio Quterreş tərəfindən başladılan qlobal islahat prosesidir. Məqsəd BMT-ni müasir qlobal çağırışlara uyğunlaşdırmaqdır.

Azərbaycanın Serbiyadakı Səfirliyinin təşkilatçılığı ilə paytaxt Belqrad şəhərində 26 İyun - Silahlı Qüvvələr Günü münasibətilə rəsmi qəbul keçirilib.

"Report"un Balkan bürosu xəbər verir ki, tədbir hər iki ölkənin dövlət himnlərinin səsləndirilməsi ilə başlayıb.

Daha sonra Azərbaycanın Serbiyadakı səfiri Kamil Xasiyev Azərbaycan Ordusunun tarixindən söz açıb. Diplomat 1990-cı illərin əvvəllərində Ermənistan hərbi təcavüzü nəticəsində bir milyon azərbaycanlının qaçqın və məcburi köçkün vəziyyətinə düşməsinə də diqqət çəkib:

"Bu təcavüz nəticəsində minlərlə insan qətlə yetirilib və ya hələ də itkin sayılır. 27 il ərzində həmin ölkə bütün işğalçı qüvvələrin işğal olunmuş ərazilərdən dərhal, tam və qeyd-şərtsiz çıxarılmasını tələb edən BMT Təhlükəsizlik Şurasının 4 qətnaməsinə məhəl qoymayıb, ATƏT-in Minsk Qrupu prosesi çərçivəsində aparılan danışıqları mütəmadi olaraq pozub və ardıcıl hərbi təxribatlara əl atıb. 2020-ci ildə isə Azərbaycanın rəşadətli Silahlı Qüvvələri əks-hücum əməliyyatına başlayaraq işğal olunmuş əraziləri azad edib. Ölkəmizin ərazi bütövlüyü BMT Təhlükəsizlik Şurasının dörd qətnaməsinə uyğun olaraq və BMT Nizamnaməsinin 51-ci maddəsinə əsasən tam bərpa olunub".

Hərbi Attaşenin baş köməkçisi Cəfər Məmmədov isə çıxışında bildirib ki, ardıcıl modernləşmə siyasəti, qabaqcıl hərbi imkanlara yatırımlar və yüksək peşəkarlığa malik kadrların hazırlanması nəticəsində Azərbaycan Silahlı Qüvvələri regionun ən qüdrətli hərbi təsisatlarından birinə çevrilib.

Onun sözlərinə görə, bu gün Azərbaycan regional sabitliyin, beynəlxalq təhlükəsizliyin və hərbi əməkdaşlığın möhkəmləndirilməsinə fəal töhfə verməyə davam edir: "Bu əlamətdar günü qeyd edərkən Azərbaycanın sülhə, sabitliyə və konstruktiv beynəlxalq əməkdaşlığa sadiqliyini bir daha təsdiqləyirik. Eyni zamanda, ölkəmizi müdafiə etməyə və qlobal təhlükəsizliyə töhfə verməyə daim hazır olan güclü və qüdrətli Silahlı Qüvvələrimizi inkişaf etdirmək əzmində olduğumuzu vurğulayırıq".

Qeyd edək ki, tədbirdə Serbiya Müdafiə Nazirliyinin və Silahlı Qüvvələrinin Baş Qərargahının yüksək rütbəli hərbi nümayəndələri, eləcə də burada akkreditə olunmuş bir çox ölkələrin hərbi attaşeləri, ictimai-siyasi xadimlər, media nümayəndələri iştirak ediblər.

Hərbi işğala son qoyulması Cənubi Qafqazda davamlı sülh, sabitlik və iqtisadi inkişaf üçün aydın yol açıb.

"Report"un Balkan bürosu xəbər verir ki, bunu Azərbaycanın Serbiyadakı səfiri Kamil Xasiyev Belqrad şəhərində 26 İyun-Silahlı Qüvvələr Günü münasibətilə təşkil edilən rəsmi qəbulda deyib.

"Azərbaycan 1991-ci ildə müstəqilliyini bərpa etdikdən sonra Silahlı Qüvvələrimiz ölkənin suverenliyi və ərazi bütövlüyünü qorumaq üçün yenidən döyüş meydanında mübarizə aparmaq məcburiyyətində qalıb", - deyə o əlavə edib.

Diplomat 1990-cı illərin əvvəllərində Ermənistan hərbi təcavüzü nəticəsində bir milyon azərbaycanlının qaçqın və məcburi köçkün vəziyyətinə düşməsinə də diqqət çəkib:

"Bu təcavüz nəticəsində minlərlə insan qətlə yetirilib və ya hələ də itkin sayılır. 27 il ərzində həmin ölkə bütün qüvvələrini işğal olunmuş ərazilərdən dərhal, tam və qeyd-şərtsiz çıxarılmasını tələb edən BMT Təhlükəsizlik Şurasının 4 qətnaməsinə məhəl qoymayıb. 2020-ci ildə Azərbaycanın rəşadətli Silahlı Qüvvələri əks-hücum əməliyyatına başlayaraq işğal olunmuş əraziləri azad edib. Ölkənin ərazi bütövlüyü tam bərpa olunub".

K. Xasiyev söyləyib ki, son bir neçə il ərzində Azərbaycan tərəfindən azad edilmiş ərazilərdə genişmiqyaslı yenidənqurma və bərpa işləri həyata keçirilməkdədir.

O, hərbi əməliyyatların başa çatmasından dərhal sonra Azərbaycanın Ermənistana sülh müqaviləsinin imzalanmasını təklif etdiyini xatırladıb: "Bu il avqustun 8-də Vaşinqtonda ABŞ Prezidenti Donald Tramp, Azərbaycan Prezident İlham Əliyev və Ermənistan Baş nazir Nikol Paşinyan arasında keçirilən üçtərəfli görüş zamanı Birgə Bəyannamə imzalanıb və Azərbaycan ilə Ermənistan arasında Sülh Sazişinin layihəsi hər iki ölkənin xarici işlər nazirləri tərəfindən paraflanıb".

Nyu-York şəhərində Uşaq Hüquqları haqqında Konvensiyaya tərəf dövlətlərin 21-ci iclası çərçivəsində Azərbaycan Respublikasının namizədi BMT-nin Uşaq Hüquqları Komitəsinin (CRC) 2027-2031-ci illər üzrə üzvlüyünə seçilib.

Bu barədə "Report"a Xarici İşlər Nazirliyindən (XİN) məlumat verilib.

Ciddi beynəlxalq rəqabət şəraitində baş tutmuş seçkilərdə Azərbaycanla birgə 16 ölkədən olan namizədlər Komitədə mövcud 9 vakant yer uğrunda mübarizə aparıb. Azərbaycan tərəfindən namizədliyi irəli sürülmüş Esseks Universiteninin doktorantı Fərid Ədilov səsvermənin ilk mərhələsində iştirakçı dövlətlərin əksəriyyətinin etimadını qazanaraq, 130 səslə Komitəyə üzv seçilib.

Beləliklə, Azərbaycan vətəndaşı ilk dəfə olaraq sözügedən komitədə təmsil olunacaq.

BMT-nin Uşaq Hüquqları Komitəsi 1989-cu il Uşaq Hüquqları haqqında Konvensiyanın icrasına nəzarət edən nüfuzlu müqavilə qurumudur. Komitə qlobal miqyasda seçilən 18 müstəqil ekspertdən ibarət olmaqla, Konvensiyaya tərəf dövlətlərin öhdəliklərinin yerinə yetirilməsini nəzərdən keçirir.

Azərbaycan Respublikasının Prezidenti İlham Əliyevin sosial media hesablarında Türkmənistan Prezidenti Sərdar Berdiməhəmmədovun Azərbaycana ikigünlük rəsmi səfəri ilə bağlı videoçarx paylaşılıb.

"Report" xəbər verir ki, paylaşımda deyilir:

"Qarabağın bərpasında kömək Türkmənistanın, onun Ümummilli Liderinin və bütün qardaş Türkmənistan xalqının Azərbaycana səmimi, dostcasına münasibətinin daha bir göstəricisidir".

Türkmənistan xalqına ən xoş arzularla!

Serbiya müdafiə naziri Bratislav Qaşiçin 2026-ci ilin sonunda Azərbaycana səfər etməsi planlaşdırılır.

"Report"un Balkan bürosu xəbər verir ki, bunu Azərbaycanın Serbiyadakı səfiri Kamil Xasiyev Belqrad şəhərində Azərbaycanın Silahlı Qüvvələr Günü münasibətilə təşkil edilən rəsmi qəbulda deyib.

"Biz cari ilin sonuna doğru nazir Qaşiçin Azərbaycana planlaşdırılan rəsmi səfərini səbirsizliklə gözləyirik", - diplomat vurğulayıb.

Səfir onu da qeyd edib ki, suverenlik və ərazi bütövlüyünə qarşılıqlı dəstək Azərbaycan ilə Serbiya arasındakı strateji tərəfdaşlığın təməl daşlarından biridir:

"Bu gün Serbiya Azərbaycanın Avropa qitəsindəki ən yaxın dostlarından və mühüm tərəfdaşlarından biridir. Ölkələrimiz arasında müdafiə və hərbi-texniki əməkdaşlıq son illər ərzində uğurla inkişaf etməkdədir. Azərbaycanın müdafiə nazirinin iki həftədən də az bir müddət əvvəl reallaşan rəsmi səfəri bu strateji sahədə əlaqələrin daha da güclənməsinə böyük töhfə verib".

Oman Sultanlığı Şura Məclisinin sədri Xalid Hilal Nasir Əl-Maavali Azərbaycana işgüzar səfərə gəlib.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Səfər çərçivəsində Şura Məclisinin sədri Bakıda keçiriləcək İslam Əməkdaşlıq Təşkilatının üzvü olan dövlətlərin Parlament İttifaqı Konfransının 20-ci sessiyasında iştirak edəcək, tədbirə qatılan bir sıra ölkələrin nümayəndə heyətləri ilə görüşlər keçirəcək.

Enerji keçidinin növbəti mərhələsi getdikcə daha çox icra məsələsi ilə bağlıdır.

"Report" xəbər verir ki, bunu Prezidentin iqlim məsələləri üzrə nümayəndəsi Muxtar Babayev London İqlim Fəaliyyəti Həftəsi çərçivəsində COP31-IEA Yüksək Səviyyəli Enerji Keçidi Dialoqunda çıxışı zamanı deyib.

"Bərpa olunan enerjinin tətbiqi artmaqda davam etsə də, infrastruktur, şəbəkənin genişləndirilməsi və sistemin etibarlılığı kritik maneələrə çevrilir", - o əlavə edib.

M. Babayevin sözlərinə görə, enerji təhlükəsizliyi, əlçatanlıq və emissiyaların azaldılmasını yaxşılaşdıran daha böyük investisiya, sürətli tətbiq və praktiki həllər vasitəsilə iqlim ambisiyalarını real nəticələrə çevirmək vacibdir.

Müzakirələrdə icra məsələsinin getdikcə qlobal enerji keçidinin mərkəzi çağırışına çevrildiyi və bunun hökumətlər, sənaye, maliyyə institutları və beynəlxalq təşkilatlar arasında daha güclü əməkdaşlıq tələb etdiyi vurğulanıb.

Türkiyə Böyük Millət Məclisinin sədri Numan Kurtulmuş İslam Əməkdaşlıq Təşkilatına (İƏT) üzv dövlətlərin Parlament İttifaqı Konfransının 20-ci sessiyasında iştirak etmək məqsədilə Azərbaycana rəsmi səfəri çərçivəsində TÜRKPA Beynəlxalq Katibliyini ziyarət edib.

Bu barədə "Report"a TÜRKPA Beynəlxalq Katibliyindən məlumat verilib.

TÜRKPA Baş katibi Ramil Həsən bu ziyarətdən məmnunluğunu ifadə edib.

TÜRKPA Baş katibi Parlament sədrinə Təşkilatın son dövrdə həyata keçirdiyi fəaliyyət istiqamətləri və görülmüş işlər, həmçinin nəzərdə tutulmuş gələcək layihələr və atılacaq addımlar barədə ətraflı məlumat verib.

Türkiyə Parlamentinin sədri, öz növbəsində, TÜRKPA-nın son dövrdəki fəaliyyətini yüksək qiymətləndirərək, gələcək fəaliyyəti dövründə də Təşkilata Türkiyə tərəfindən hərtərəfli dəstəyin davam etdiriləcəyini vurğulayıb.

Görüşdə Baş katibin müavinləri Talqat Aduov və Muhammet Alper Hayali, Komissiya katibi Kadir Yaman və Hüquq məsələləri üzrə mütəxəssis Azər Məmmədov iştirak edib.

TBMM nümayəndə heyətinin tərkibinə TBMM üzvü, İstanbul millət vəkili (AK Parti), Türkiyə-Azərbaycan parlamentlərarası dostluq qrupunun sədri Şamil Ayrım, Çanaqqala millət vəkili (İYİ Parti), TBMM Rəyasət Heyətinin katib üzvü Rıdvan Uz, Nevşehir millət vəkili (AK Parti) Emre Çalışkan, Kütahya millət vəkili (MHP) Ahmet Erbaş, TBMM sədrinin Katibliyinin rəisi Aydın Demiröz, TBMM Xarici əlaqələr və protokol idarəsinin rəisi, Səfir Ahmet Aydın Doğan və TBMM sədrinin mətbuat müşaviri Ahmet Özgür daxil olub.

Azərbaycan Prezidentinin iqlim məsələləri üzrə nümayəndəsi Muxtar Babayev London İqlim Fəaliyyəti Həftəsi çərçivəsində Millətlər Birliyinin Baş Katibi Şirli Ayorkor Botçvey ilə görüşüb.

"Report" xəbər verir ki, M. Babayev bu barədə "X" sosial şəbəkə hesabında məlumat paylaşıb.

"Əməkdaşlığımız, İnkişaf etməkdə olan kiçik ada dövlətləri üçün iqlim maliyyəsinə çıxışın yaxşılaşdırılmasını dəstəkləyən layihələrin ilk mərhələsinin işə salınması da daxil olmaqla, artıq praktiki nəticələr verir", - o yazıb.

M. Babayev bildirib ki, birgə fəaliyyətlərin növbəti mərhələsi üçün hazırlıqları, o cümlədən ədalətli enerji keçidi təşəbbüslərinə dəstəyi və SIDS-də (İnkişaf etməkdə olan Kiçik Ada Dövlətləri) iqlim dəyişikliyindən təsirlənən mədəni irsin qorunmasına yönəlmiş yeni əməkdaşlıq sahəsi müzakirə edilib:

"Bu tərəfdaşlığın uğuruna əsaslanmağın, əlavə tərəfdaşlar və resurslar vasitəsilə onun təsirini genişləndirməyin və həssas ölkələr üçün praktiki nəticələr təmin etməyə davam etməyin vacibliyi barədə razılığa gəldik".

Milli Məclisin sədri Sahibə Qafarova İslam Əməkdaşlıq Təşkilatının (İƏT) üzvü olan dövlətlərin Parlament İttifaqı Konfransının 20-ci sessiyasında iştirak etmək məqsədilə ölkəmizdə səfərdə olan Mozambik Respublika Assambleyasının sədri Marqarida Talapa ilə görüşüb.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Görüşdə Parlament İttifaqının müsəlman ölkələri və onların qanunverici orqanları arasında əlaqələrin daha da güclənməsində vacib rolu diqqətə çatdırılıb.

S. Qafarova ölkə və parlamentlərin beynəlxalq təşkilatlar çərçivəsində əməkdaşlığının və qarşılıqlı dəstəyinin əhəmiyyətini qeyd edib. O, Prezident İlham Əliyevin təşəbbüsü ilə yaradılmış Qoşulmama Hərəkatının Parlament Şəbəkəsinin fəaliyyəti barədə məlumat verib.

M. Talapa Parlament İttifaqı Konfransının əhəmiyyətini vurğulayıb və Azərbaycanın tədbirin təşkili ilə bağlı gördüyü işləri yüksək qiymətləndirib.

Bakıda İslam Əməkdaşlıq Təşkilatının (İƏT) üzvü olan dövlətlərin Parlament İttifaqının Baş Komitəsinin 27-ci sessiyası keçirilib.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Milli Məclis sədrinin müavini, İƏT Pİ-də Azərbaycan nümayəndə heyətinin rəhbəri Rafael Hüseynov tədbirə sədrlik edib.

O bildirib ki, Azərbaycan müstəqilliyini bərpa etdikdən sonra üzv olduğu ilk beynəlxalq təşkilatlardan biri İƏT olub.

Daha sonra çıxış edən İƏT Pİ-nin baş katibi Muhammed Xurayçi Niyass təşkilat çərçivəsində əməkdaşlığın, dialoqun və qarşılıqlı anlaşmanın əhəmiyyətini vurğulayıb.

Sonra gündəliyin məsələləri müzakirə olunub.

Əvvəlcə bir sıra təşkilati məsələlərə baxılıb. İƏT Pİ-də Azərbaycan nümayəndə heyəti rəhbərinin müavini Ceyhun Məmmədov komitənin məruzəçisi seçilib.

Daha sonra sessiyanın gündəliyi və iş proqramı təsdiqlənib. Baş katibin hesabatı, İcraiyyə Komitəsi iclaslarının hesabatları dinlənilib və qəbul edilib. İclasda təşkilatın 2025-ci il üzrə maliyyə hesabatı da qəbul olunub, eləcə də növbəti il üçün büdcə layihələrinə baxılıb.

İclasda təşkilati məsələlər çərçivəsində İƏT Pİ Konfransının 20-ci sessiyasının yenilənmiş gündəliyinin layihəsinə baxılıb və müvafiq qərarlar qəbul edilib.

Bununla da İƏT üzvü olan dövlətlərin Parlament İttifaqı Konfransının 20-ci sessiyasının ikinci günü başa çatıb.

Türkiyə Böyük Millət Məclisinin (TBMM) sədri Numan Kurtulmuşun Azərbaycana səfəri başlayıb.

"Report" xəbər verir ki, bu barədə TBMM-nin "X" sosial şəbəkə hesabında məlumat yayılıb.

"Onu müşayiət edən parlament heyəti Azərbaycan Milli Məclisinin ev sahibliyi ilə təşkil ediləcək İslam Əməkdaşlıq Təşkilatı Parlament İttifaqının (İƏTPİ) 20-ci Konfransında iştirak etmək üçün getdiyi Azərbaycanın paytaxtı Bakıya çatıb", - məlumatda bildirilib.

Qeyd olunub ki, onu Heydər Əliyev Beynəlxalq Aeroportunda Azərbaycan Milli Məclis sədrinin birinci müavini Əli Əhmədov, Azərbaycan-Türkiyə Parlamentlərarası Dostluq Qrupunun sədri Əhliman Əmiraslanov, Azərbaycan-Türkiyə Parlamentlərarası Dostluq Qrupunun üzvü Anar Məmmədov və Türkiyənin Bakıdakı səfiri Birol Akgün qarşılayıb.

Türkiyənin xarici işlər naziri Hakan Fidan Azərbaycanın bu ölkədəki səfiri Rəşad Məmmədovla görüşüb.

"Report" xəbər verir ki, bu barədə Türkiyə Xarici İşlər Nazirliyinin (XİN) "X" sosial şəbəkə hesabında məlumat yayılıb.

Türkiyə XİN-də baş tutan görüşdə ölkələr arasında əməkdaşlıq və regional məsələlərin müzakirə olunduğu bildirilib.

Afrika İttifaqı və Azərbaycan əməkdaşlığın genişləndirilməsi məqsədilə birgə sammitin keçirilməsini müzakirə ediblər.

"Report" xəbər verir ki, bu barədə Afrika İttifaqı Komissiyasının sədri Mahmud Əli Yusuf və Azərbaycanın Efiopiyadakı səfiri, Afrika İttifaqı yanında daimi nümayəndəsi Ruslan Nəsibovun görüşünün yekunları üzrə Afrika İttifaqının "X" sosial şəbəkəsindəki bəyanatında bildirilib.

"Tərəflər Afrika İttifaqı və Azərbaycan arasında əlaqələrin möhkəmləndirilməsini, o cümlədən əməkdaşlığın genişləndirilməsi üçün Afrika İttifaqı və Azərbaycan sammitinin keçirilməsi perspektivini müzakirə ediblər", - məlumatda qeyd olunub.

Danışıqlar zamanı həmçinin dövlət qulluğu və dövlət sektorunda islahatlar sahəsində əməkdaşlıq perspektivləri müzakirə edilib. Təcrübə, qabaqcıl metodların mübadiləsinə və institusional potensialın artırılmasına xüsusi diqqət yetirilib.

Bundan əlavə, tərəflər aktual beynəlxalq məsələlər, o cümlədən Yaxın Şərqdəki vəziyyət və Rusiya-Ukrayna münaqişəsi üzrə fikir mübadiləsi aparıb, dialoqun, diplomatiyanın və mübahisələrin sülh yolu ilə nizamlanmasının vacibliyini vurğulayıblar.

Azərbaycan son illərdə fəal xarici siyasət, enerji və nəqliyyat diplomatiyasının inkişafı, hərbi potensialın artırılması və qlobal təşəbbüslərdə iştirakı sayəsində beynəlxalq arenada mövqelərini möhkəmləndirib və orta güc statusunu formalaşdırıb.

"Report" xəbər verir ki, bu barədə "EU Reporter"in məqaləsində bildirilib.

Məqalə müəllifləri Azərbaycanın orta güc kimi qiymətləndirilməsinə əsas verən başlıca amillər sırasında ölkənin fəal və çoxşaxəli xarici siyasətini qeyd edirlər. Qeyd olunub ki, Azərbaycan Türk Dövlətləri Təşkilatı (TDT), Qoşulmama Hərəkatı, İslam Əməkdaşlıq Təşkilatı, ATƏT və BMT də daxil olmaqla, beynəlxalq platformalarda nəzərəçarpacaq rol oynayır.

Məqalədə vurğulanıb ki, rəsmi Bakının xarici siyasət kursu həm regional, həm də qlobal səviyyələrdə sabitliyin, əməkdaşlığın və dayanıqlı inkişafın möhkəmləndirilməsinə yönəlib.

"Azərbaycanın çoxtərəfli diplomatiyada fəal iştirakı, beynəlxalq təşkilatlar çərçivəsində təşəbbüsləri və regional əməkdaşlıq layihələri onun beynəlxalq sistemin konstruktiv iştirakçısı kimi mövqelərini möhkəmləndirir. Eyni zamanda, Ermənistanla davamlı sülhün əldə olunması istiqamətindəki səylər Azərbaycanın regional siyasətinin əsas prioritetlərindən biri olaraq qalır. Beləliklə, orta güc kimi ölkənin xarici siyasəti yalnız milli maraqların qorunmasına deyil, həm də Cənubi Qafqazda və onun xaricində sülhün, təhlükəsizliyin və əməkdaşlığın möhkəmləndirilməsinə xidmət edir", - nəşrdə qeyd olunub.

Müəllif Azərbaycanın geostrateji mövqeyinə xüsusi diqqət çəkir. Onun sözlərinə görə, ölkə Şərq–Qərb və Şimal–Cənub nəqliyyat marşrutlarının kəsişməsində yerləşir, bu da onun beynəlxalq logistikada əhəmiyyətini xeyli artırır.

"Bakı–Tbilisi–Qars dəmir yolu, Orta Dəhliz və Şimal–Cənub Beynəlxalq Nəqliyyat Dəhlizi kimi layihələr Azərbaycanın regional nəqliyyat-logistika habı kimi rolunu gücləndirir", - məqalədə bildirilib.

Azərbaycanın beynəlxalq təsirinin ən mühüm alətləri sırasında "EU Reporter" enerji diplomatiyasını da qeyd edir. Vurğulanıb ki, Azərbaycan Cənub Qaz Dəhlizi, TANAP və TAP layihələrinin icrası sayəsində enerji təhlükəsizliyi sahəsində Avropanın əsas tərəfdaşlarından birinə çevrilib.

"Xüsusilə Rusiya–Ukrayna münaqişəsi başladıqdan sonra Avropa İttifaqının enerji tədarükünün diversifikasiyası siyasəti üçün Azərbaycanın əhəmiyyəti xeyli artıb. Bundan əlavə, Azərbaycan regionda ən güclü hərbi potensiallardan birinə malikdir. 2020-ci ildə İkinci Qarabağ müharibəsindəki qələbə və ölkənin ərazi bütövlüyünün bərpası onun hərbi imkanlarını və strateji çəkisini əhəmiyyətli dərəcədə gücləndirib. Hərbi qüdrətin və diplomatik potensialın vəhdəti Azərbaycanın orta güc kimi statusunu möhkəmləndirən əsas amillərdən biri olaraq qalır", - materialda bildirilib.

Niger Azərbaycanın enerji resurslarından səmərəli istifadə istiqamətində təcrübəsindən faydalanmaq niyyətindədir.

"Report" xəbər verir ki, bunu Niger Məsləhət Şurasının sədri Mamoudu Haruna Cinqarey Milli Məclis sədri Sahibə Qafarova ilə görüşündə deyib.

Görüşdə ölkələr və parlamentlər arasında əməkdaşlıq imkanlarına dair fikir mübadiləsi aparılıb.

Söhbət zamanı qanunverici orqanlarımızın beynəlxalq parlament təşkilatlarında birgə əməkdaşlığı qeyd olunub. O cümlədən, Parlamentlərarası İttifaq, Qoşulmama Hərəkatının Parlament Şəbəkəsi, İslam Əməkdaşlıq Təşkilatının üzvü olan dövlətlərin Parlament İttifaqı kimi təşkilatlarda qarşılıqlı dəstəyin əhəmiyyəti ifadə edilib.

Spiker Sahibə Qafarova qonağa 2021-ci ildə Azərbaycan Prezidenti İlham Əliyevin təşəbbüsü ilə yaradılmış Qoşulmama Hərəkatının Parlament Şəbəkəsinin fəaliyyəti barədə məlumat verib. Bildirilib ki, Parlament Şəbəkəsi 5 il ərzində həm institusional inkişaf, həm də beynəlxalq nüfuzunun artması baxımından böyük inkişaf yolu keçib.

Mamoudu Haruna Cinqarey Azərbaycanın əldə etdiyi nailiyyətləri təqdir edərək deyib ki, bir çox ölkələr onilliklər ərzində belə Azərbaycanın son illərdə qazandığı uğurlara nail ola bilməyiblər.

Məsləhət Şurasının sədri Nigerin Azərbaycan və Milli Məclis ilə münasibətləri dərinləşdirməkdə maraqlı olduğunu söyləyərək ölkənin bir çox sahələrdə, o cümlədən enerji resurslarından səmərəli istifadə istiqamətində təcrübəsindən faydalanmaq istədiklərini vurğulayıb.

Türkmənistan Prezidenti Sərdar Berdiməhəmmədovun Azərbaycana dövlət səfəri İyunun 23-də başa çatıb.

"Report" xəbər verir ki, Füzuli Beynəlxalq Hava Limanında ali qonağın şərəfinə fəxri qarovul dəstəsi düzülüb.

Azərbaycan Respublikasının Prezidenti İlham Əliyev Türkmənistan Prezidenti Sərdar Berdiməhəmmədovu yola salıb.

Azərbaycan Prezidenti İlham Əliyev və Türkmənistan Prezidenti Sərdar Berdiməhəmmədov iyunun 23-də Şuşada birgə nahar ediblər.

"Report" xəbər verir ki, bu barədə Prezidentin Mətbuat Xidməti məlumat yayıb.

Azərbaycan Prezidenti İlham Əliyev və Türkmənistan Prezidenti Sərdar Berdiməhəmmədov iyunun 23-də Azərbaycanın tanınmış şəxsiyyətləri Natəvanın, Bülbülün və Üzeyir Hacıbəylinin işğal dövründə güllələnmiş büstlərinə baxıblar.

"Report" xəbər verir ki, Türkmənistan Prezidentinə işğal dövründə erməni vandalizminə məruz qalan bu büstlərin talan edilərək Ermənistana aparıldığı və metal qırıntısı kimi əridilməyə cəhd göstərildiyi barədə məlumat verildi.

Bildirildi ki, məhz Ulu Öndər Heydər Əliyevin müdaxiləsi nəticəsində abidələr xilas edilərək Azərbaycana gətirilib. Bir müddət Bakıda Azərbaycan Milli İncəsənət Muzeyinin həyətində saxlanılan bu büstlər Şuşa işğaldan azad olunduqdan sonra əvvəlki yerlərinə qaytarılıb.

Avropa İttifaqının (Aİ) Cənubi Qafqaz və Gürcüstandakı böhran üzrə xüsusi nümayəndəsi Maqdalena Qrono Azərbaycana səfər etməyi planlaşdırır.

Bu barədə "Report"a diplomatik mənbə məlumat verib.

"O, sabah Bakıya gələcək", - mənbə qeyd edib.

Mənbə səfərin təfərrüatlarını açıqlamayıb.

Öz növbəsində, Qrononun ofisindən "Report"un Avropa bürosuna bildirilib ki, o, iyunun 25-26-da Bakıda Azərbaycanın rəsmi şəxsləri ilə görüşlər keçirəcək.

Qeyd edək ki, Maqdalena Qrono sonuncu dəfə Azərbaycana 2026-cı ilin yanvarında səfər edib.

Vaşinqtonda, ABŞ Konqresini binasında (Kapitol Hill) iyunun 24-də Bakı Təşəbbüs Qrupunun (BTQ) təşkilatçılığı ilə "Qayıdış hüququ və öz müqəddəratını təyinetmə: ikili standartlar və selektiv yanaşmalar" mövzusunda beynəlxalq konfrans keçiriləcək.

Bu barədə "Report"a BTQ-dən məlumat verilib.

Bildirilib ki, bu, azərbaycanlıların Ermənistan tərəfindən etnik təmizləməyə məruz qalmasına dair ABŞ Konqresində keçirilən ilk belə tədbir olacaq.

Konfransda qaçqınların və milli azlıqların hüquqlarının müdafiəsi sahəsində ixtisaslaşmış ekspertlər, insan hüquqları müdafiəçiləri, beynəlxalq hüquq üzrə mütəxəssislər, etnik mənsubiyyətinə görə zorakılıq, ayrı-seçkilik və təqiblərə məruz qalmış diaspor təşkilatlarının nümayəndələri, vətəndaş cəmiyyəti institutlarının təmsilçiləri və zərərçəkmiş icmaların nümayəndələri iştirak edəcəklər.

Konfrans iştirakçıları etnik təmizləmə siyasəti nəticəsində Ermənistan ərazisindəki tarixi torpaqlarından zorla qovulmuş yüz minlərlə azərbaycanlının nümunəsində fundamental hüquqlarının – öz tarixi torpaqlarına təhlükəsiz, könüllü və ləyaqətli şəkildə qayıdış hüququnun tanınmasının beynəlxalq təşkilatların diqqət mərkəzində daim saxlanılması məsələsini müzakirə edəcəklər.

Ermənistanda qalan Azərbaycan xalqına məxsus mədəni, dini və tarixi irsin, o cümlədən toponimlərin, məscidlərin, qəbiristanlıqların, ziyarətgahların və digər abidələrin sistemli şəkildə dağıdılması, təhqir olunması və mənimsənilməsi faktlarına beynəlxalq hüquq müstəvisində hüquqi qiymət verilməsi, qeyd olunan pozuntuların BMT və onun aidiyyəti strukturları çərçivəsində beynəlxalq hesabatlılıq və monitorinq mexanizmlərinə çıxarılması, yerində araşdırılması və sənədləşdirilməsi, bu məqsədlə faktaraşdırıcı missiyaların cəlb olunması, eləcə də xüsusi məruzəçilər və digər beynəlxalq mandat sahibləri səviyyəsində araşdırma və hesabatlılıq mexanizmlərinin işlənib hazırlanması imkanları ətrafında fikir mübadiləsi aparılacaq.

Tədbirdə həmçinin, müstəmləkəçilikdən əziyyət çəkən xalqların öz müqəddəratını təyinetmə hüququnun həyata keçirilməsi, xüsusilə, koloniyaların BMT-nin Dekolonizasiya edilməli olan Özünüidarəetməyən Ərazilər siyahısına salınmasının BMT-nin gündəliyinə salınması məsələləri müzakirə olunacaq.

Azərbaycan Prezidenti İlham Əliyev və Türkmənistan Prezidenti Sərdar Berdiməhəmmədov iyunun 23-də Şuşa şəhərində inşa edilmiş birinci yaşayış kompleksində olublar.

"Report" xəbər verir ki, Şuşa rayonunda Azərbaycan Respublikası Prezidentinin xüsusi nümayəndəsi Aydın Kərimov Türkmənistan Prezidentinə kompleks barədə məlumat verib.

Bildirilib ki, təməli 2021-ci ildə Azərbaycan dövlət başçısı tərəfindən qoyulan və ümumi sahəsi 8 hektara yaxın olan bu kompleksdə iyirmi üç bina inşa edilib.

Yaşayış kompleksindəki 450 mənzildən 28-i birotaqlı, 195-i ikiotaqlı, 190-ı üçotaqlı, 30-u dördotaqlı, 7-si isə beşotaqlıdır. Kompleksdə keçmiş məcburi köçkünlər, həmçinin xidməti mənzillərdə Şuşa şəhərində müxtəlif dövlət qurumlarında çalışan şəxslər yaşayırlar.

Burada genişmiqyaslı abadlıq-quruculuq işləri görülüb, yaşıllıqlar salınıb, sakinlərin rahatlığı və istirahəti üçün hər cür şərait yaradılıb.

Azərbaycan və Türkmənistan prezidentlərinin Şuşa gəzintisi möhkəm dostluq bağlarının bariz ifadəsidir.

"Report" xəbər verir ki, bunu Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev "X" hesabında bildirib.

"İki qardaş ölkənin – Azərbaycan və Türkmənistan Prezidentlərinin tarixi Şuşa şəhərində birgə gəzintisi xalqlarımız arasında mövcud olan möhkəm dostluq bağlarının, ortaq mədəni irsin və qarşılıqlı etimadın bariz ifadəsi olmaqla yanaşı, strateji tərəfdaşlığımızın daha da möhkəmləndirilməsinə yönəlmiş ortaq iradəni əks etdirir", - o qeyd edib.

Ümumi sahəsi 2 min hektara yaxın olan Füzuli şəhərinin Baş planına əsasən, 2040-cı ilə qədər Füzulidə 50 min nəfərin yaşaması nəzərdə tutulur.

"Report" xəbər verir ki, bu barədə Ağdam, Füzuli və Xocavənd rayonlarında Prezidentin xüsusi nümayəndəsi Emin Hüseynov şəhərin Baş planına uyğun olaraq həyata keçirilən və nəzərdə tutulan işlər barədə Türkmənistan Prezidenti Sərdar Berdiməhəmmədova məlumat verərkən bildirib.

O, həmçinin, ali qonağı 30 illik işğal dövründə Füzuli rayonunun ərazisində Ermənistan silahlı qüvvələri tərəfindən törədilmiş dağıntılar, vandalizm aktları haqqında da məlumatlandırıb.

E.Hüseynov vurğulayıb ki, müasir şəhərsalma standartlarına uyğun yenidən qurulan Füzulidə "Ağıllı şəhər" konsepsiyası tətbiq olunacaq.

Qeyd edək ki, Türkmənistan Prezidenti Sərdar Berdiməhəmmədov Azərbaycana dövlət səfəri çərçivəsində Füzuli rayonundadır. O, Azərbaycan Prezidenti İlham Əliyev ilə birgə Füzuli şəhərinin dağıdılmış yerlərinə baxıb.

Azərbaycan İslam Əməkdaşlıq Təşkilatında (İƏT) həm aktivliyi, həm də maliyyə dəstəyi ilə mühüm şəkildə yardım edən üzv ölkələrdən biridir.

Bunu "Report"un Türkiyə bürosuna açıqlamasında ölkənin xarici işlər nazirinin müavini Musa Kulaklıkaya bildirib.

2015-2019-cu illərdə İslam Ölkələri üzrə Statistik, İqtisadi və Sosial Tədqiqatlar və Təlim Mərkəzinin (SESRIC) baş direktoru, İƏT-də Baş katibin İnzibati və Maliyyə Məsələləri üzrə müavini vəzifələrində çalışmış M.Kulaklıkaya deyib ki, islam aləmindəki bu fəaliyyəti dönəmində Azərbaycanın fəal dəstəkçi olduğuna şahidlik edib:

"İyunun 22-dən Bakıda İƏT-ə üzv olan dövlətlərin Parlament İttifaqı Konfransının 20-ci Sessiyasının öz işinə başlaması da bunu deməyə əsas verir. Azərbaycan fəal üzv olaraq İslam Əməkdaşlıq Təşkilatı Zirvəsinə də ev sahibliyi edəcək. Azərbaycanın şəhərləri zaman-zaman islam dünyasının müxtəlif sahələr üzrə paytaxtları elan edilir. Məsələn, şəhərlər İslam Mədəniyyət Paytaxtı, Gənclər Paytaxtı, Turizm Paytaxtı kimi statuslar qazanaraq bu beynəlxalq təşkilatın mühüm layihələrində ön sıralarda yer alır. Bununla da həm öz potensialını dünyaya tanıdır, həm də digər müsəlman ölkələri üçün nümunə olur.

Ona görə də Azərbaycan həm İslam Əməkdaşlıq Təşkilatı daxilində və ümumilikdə, islam dünyasında xüsusi əhəmiyyətə malik dövlətdir. Biz hər zaman qardaş Azərbaycanın müsbət və konstruktiv yanaşmalarını görmüşük".

İƏT-də Azərbaycan-Türkiyə əməkdaşlığının da uğurlu nəticələr verdiyini vurğulayan Türkiyə rəsmisi deyib ki, hər iki ölkə bu qurumla bağlı qərarlarda da həmrəylik nümayiş etdirir:

"Azərbaycanla Türkiyə bütün sahələrdə birgə əməkdaşlıqdan, həmrəylikdən uğurlu nəticələr qazanır, İslam Əməkdaşlıq Təşkilatında da bu həmrəyliyin davam edəcəyinə inanıram".

Qeyd edək ki, Ankarada iyunun 22-dən 25-dək Türkiyənin İslam Əməkdaşlıq Təşkilatının (İƏT) 51-ci Xarici İşlər Nazirləri Şurasına sədrliyi çərçivəsində, Türkiyə Ailə və Sosial Xidmətlər Nazirliyinin himayəsi altında dördgünlük "Gələcək naminə müttəfiqlik – 2026" proqramı təşkil edilib. Musa Kulaklıkaya bu tədbirdə islam coğrafiyasında qadınların fəaliyyəti və liderliyi mövzusunda çıxış edib.

Azərbaycan Prezidenti İlham Əliyev və Türkmənistan Prezidenti Sərdar Berdiməhəmmədov Şuşa rayonunun Daşaltı kəndinin fonunda şəkil çəkdiriblər.

"Report" xəbər verir ki, bu barədə Prezidentin Mətbuat Xidməti məlumat yayıb.

Azərbaycan Prezidenti İlham Əliyev Lüksemburqun Böyük Hersoqu Əlahəzrət Giyoma təbrik məktubu ünvanlayıb.

"Report"un məlumatına görə, təbrikdə deyilir:

"Əlahəzrət,

Lüksemburq Böyük Hersoqluğunun milli bayramı münasibətilə Sizə və Sizin simanızda bütün xalqınıza ən səmimi təbriklərimi və xoş arzularımı çatdırıram".

Azərbaycanda dövlət səfərində olan Türkmənistan Prezidenti Sərdar Berdiməhəmmədov iyunun 23-də Füzuli rayonuna gəlib.

"Report" xəbər verir ki, Füzuli Beynəlxalq Hava Limanında Türkmənistan Prezidentinin şərəfinə fəxri qarovul dəstəsi düzülüb.

Sərdar Berdiməhəmmədovu Prezident İlham Əliyev qarşılayıb.

Azərbaycan Xarici İşlər Nazirliyi (XİN) Lüksemburqu təbrik edib.

"Report" xəbər verir ki, nazirlik bu barədə "X" sosial media hesabında yazıb.

"Lüksemburq Böyük Hersoqluğunun Milli Günü münasibətilə Lüksemburq Hökumətini və xalqını səmimi qəlbdən təbrik edirik", - paylaşımda qeyd olunub.

Milli Məclisin sədri Sahibə Qafarovanın Mərakeş Krallığı Nümayəndələr Palatasının sədrinin müavini Məhəmməd Qayatla danışıqları ölkələr arasında qardaşlıq münasibətlərinin yüksək səviyyəsini təsdiqləyib.

"Report" xəbər verir ki, bu barədə Mərakeşin Azərbaycandakı səfiri Adil Embarş öz feysbuk səhifəsində yazıb.

Diplomat vurğulayıb ki, Sahibə Qafarova və Məhəmməd Qayatın görüşü Bakıda İslam Əməkdaşlıq Təşkilatına üzv dövlətlərin Parlament İttifaqının 20-ci sessiyası çərçivəsində baş tutub. "Görüş zamanı Məhəmməd Qayat krallığın ərazi bütövlüyünə və onun Mərakeş Saxarası üzərindəki suverenliyinə göstərdiyi dəyişməz dəstəyə görə Azərbaycana minnətdarlığını bildirib. O, həmçinin ikitərəfli iqtisadi və ticarət əlaqələrinin inkişafına yeni təkan verilməsinin vacibliyini də vurğulayıb", - A.Embarş yazıb.

Dövlət Şəhərsalma və Arxitektura Komitəsinin sədri Anar Quliyev Türkmənistanın sənaye və tikinti istehsalı naziri Toyqulı Nurov ilə görüşüb.

"Report" xəbər verir ki, bu barədə məlumat Dövlət Şəhərsalma və Arxitektura Komitəsinin "X" sosial şəbəkə hesabında yayılıb.

Görüş zamanı Azərbaycan və Türkmənistan arasında mövcud olan qardaşlıq və strateji tərəfdaşlıq münasibətlərinin, eləcə də şəhərsalma və tikinti sahələrində əməkdaşlığın inkişaf məsələləri müzakirə olunub:

"Həmçinin Qarabağ və Şərqi Zəngəzur iqtisadi rayonlarında həyata keçirilən bərpa və yenidənqurma işlərinə Türkmənistanın göstərdiyi dəstək yüksək qiymətləndirilib. Füzuli şəhərində inşa edilən məscidin xalqlarımız arasında dostluğun, qardaşlığın və ortaq mənəvi dəyərlərin növbəti təzahürü olduğu vurğulanıb".

Azərbaycan Respublikasının xarici işlər naziri Ceyhun Bayramov ilə Türkmənistan Nazirlər Kabinetinin sədr müavini, xarici işlər naziri Rəşid Meredov arasında görüş keçirilib.

"Report" xəbər verir ki, bu barədə Azərbaycan Xarici İşlər Nazirliyi (XİN) məlumat yayıb.

Görüşdə Azərbaycan ilə Türkmənistan arasında dostluq, qardaşlıq və qarşılıqlı hörmətə əsaslanan münasibətlərin mövcud vəziyyəti və inkişaf perspektivləri müzakirə olunub. Tərəflər yüksək səviyyəli qarşılıqlı səfərlərin və siyasi dialoqun ikitərəfli əməkdaşlığın genişlənməsinə mühüm töhfə verdiyini vurğulayıblar.

Nazirlər ticarət-iqtisadi, enerji, nəqliyyat-tranzit, logistika, gəmiçilik, humanitar və mədəni sahələrdə əməkdaşlığın inkişafı imkanları ətrafında fikir mübadiləsi aparıblar. Bu çərçivədə, regional bağlantıların gücləndirilməsi, Orta Dəhlizin potensialından daha səmərəli istifadə olunmasının əhəmiyyəti qeyd edilib.

Görüşdə beynəlxalq və regional təşkilatlar çərçivəsində əməkdaşlıq məsələləri də nəzərdən keçirilib. Tərəflər BMT və digər çoxtərəfli platformalarda qarşılıqlı dəstək və əməkdaşlığın davam etdirilməsinin vacibliyini vurğulayıblar.

XİN başçıları həmçinin qarşılıqlı maraq doğuran digər regional və beynəlxalq məsələlər ətrafında da fikir mübadiləsi aparılıb. Tərəflər Azərbaycan-Türkmənistan əlaqələrinin bundan sonra da qarşılıqlı fayda və strateji tərəfdaşlıq ruhunda inkişaf etdirilməsi istiqamətində birgə səyləri davam etdirmək niyyətlərini ifadə ediblər.

Milli Məclisin sədri Sahibə Qafarova İslam Əməkdaşlıq Təşkilatının (İƏT) üzvü olan dövlətlərin Parlament İttifaqı Konfransının 20-ci sessiyasında iştirak etmək məqsədilə Azərbaycanda səfərdə olan Birləşmiş Ərəb Əmirliklərinin (BƏƏ) Federal Milli Şurası sədrinin birinci müavini Tariq Altayer ilə görüşüb.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Görüşdə dost və qardaş ölkələr arasında münasibətlərin mövcud yüksək səviyyəsindən məmnunluq ifadə olunaraq, əlaqələrin genişlənməsində iki ölkə liderləri arasında münasibətlərin mühüm rolu, qarşılıqlı səfərlər, o cümlədən Prezident İlham Əliyevin cari ilin fevral ayında BƏƏ-yə səfəri və "Zayed İnsan Qardaşlığı Mükafatı"na layiq görülməsi məmnunluqla vurğulanıb.

Azərbaycan və BƏƏ-nin beynəlxalq təşkilatlar çərçivəsində də sıx əməkdaşlıq etdiyi vurğulanıb.

Söhbət zamanı ikitərəfli münasibətlərin inkişafında parlamentlərin də özünəməxsus rol oynadığı qeyd olunaraq, parlament sədrləri və deputatlar arasında sıx təmasların, mütəmadi görüşlərin bu əlaqələrin daha da inkişafını şərtləndirdiyi bildirilib.

Azərbaycan Prezidenti İlham Əliyevin təşəbbüsü ilə yaradılmış Qoşulmama Hərəkatının Parlament Şəbəkəsi, həmçinin APA, İƏT Pİ kimi təşkilatlarda fəal əməkdaşlıq əlaqələri qabardılıb.

Görüşdə İƏT üzvü olan dövlətlərin Parlament İttifaqı Konfransının 20-ci sessiyası haqqında da fikir mübadiləsi aparılaraq, tədbirin yüksək səviyyədə keçiriləcəyinə inam ifadə olunub.

Milli Məclisin sədri Sahibə Qafarova iyunun 22-də İslam Əməkdaşlıq Təşkilatının (İƏT) üzvü olan dövlətlərin Parlament İttifaqı Konfransının 20-ci sessiyasında iştirak etmək məqsədilə Azərbaycanda səfərdə olan Qlobal Tolerantlıq və Sülh Şurasının sədri Əhməd Məhəmməd Əlcərvan ilə görüşüb.

Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.

Görüşdə Parlament İttifaqının müsəlman ölkələri və onların qanunverici orqanları arasında münasibətlərin daha da dərinləşməsində vacib rolu qeyd olunaraq, təşkilatın Bakıda keçiriləcək 20-ci sessiyanın uğurla təşkil olunacağına inam ifadə edilib. Eyni zamanda, bu tədbirin İƏT Parlament İttifaqının gələcək fəaliyyətinə uğurlu töhfələr verəcəyi qeyd olunub.

Söhbət zamanı Azərbaycan parlamenti ilə Qlobal Tolerantlıq və Sülh Şurasının parlament ölçüsü olan Tolerantlıq və Sülh naminə Beynəlxalq Parlament arasında əməkdaşlığa dair fikir mübadiləsi aparılıb. Qeyd olunub ki, Milli Məclislə Tolerantlıq və Sülh naminə Beynəlxalq Parlament arasında imzalanmış Anlaşma Memorandumu tərəflər arasında əlaqələrin daha da genişlənməsi üçün əlverişli imkanlar yaradır.

Görüşdə qarşılıqlı maraq doğuran digər məsələlər ətrafında da müzakirələr aparılıb.

İyunun 22-də Bakıda, Gülüstan sarayında Azərbaycan Respublikasının Prezidenti İlham Əliyevin adından Türkmənistan Prezidenti Sərdar Berdiməhəmmədovun şərəfinə dövlət ziyafəti verilib.

"Report" xəbər verir ki, ziyafətdə Azərbaycan və Türkmənistan musiqilərindən ibarət konsert proqramı təqdim olunub.

Avropa Şurasının (AŞ) Bakı ofisinin rəhbəri Petr Zix Xarici İşlər Nazirliyinə (XİN) çağırılıb.

"Report" xəbər verir ki, bu barədə XİN məlumat yayıb.

Görüş zamanı İnsan Hüquqları üzrə Avropa Məhkəməsinin Azərbaycana qarşı qəbul etdiyi 18 iyun tarixli qərarına dair kəskin etiraz bildirilib, bu qərarın ədalətsiz, qərəzli və beynəlxalq hüququn müddəalarına zidd olduğu vurğulanıb.

"Çıraqov və digərləri Ermənistana qarşı" işi üzrə 16 iyun 2016-cı il tarixli qərarında Azərbaycan ərazilərinin Ermənistan tərəfindən faktiki işğal olunması, işğalçı rejimin Ermənistanın birbaşa hərbi və maliyyə dəstəyi ilə mövcudluğu təsbit edildiyi halda, hazırkı qərarda həmin ərazilərin müstəqil subyekt kimi "DQR" adlandırılmasının beynəlxalq hüquqa və məhkəmə prosedurlarına zidd olduğu bildirilib.

Bundan əlavə, məhkəmənin məlum qərarında Azərbaycanın beynəlxalq səviyyədə tanınmış suverenliyi və ərazi bütövlüyü ilə ziddiyyət təşkil edən terminologiyanın istifadəsinə etiraz bildirilib. "Azərbaycanla ‘DQR" arasında təmas xətti", eləcə də qondarma rejimin ordusu, hakimiyyət orqanları, baş prokuroru və ombudsmanı kimi ifadələrin qərarda yer almasının keçmiş qanunsuz separatçı rejimi legitimləşdirmək cəhdi olduğu bildirilib.

Görüş zamanı Azərbaycanın məhkəmənin bu qərarını qəti şəkildə rədd etdiyi, Azərbaycan tərəfinin öz qanuni maraqlarını qorumaq üçün bütün mümkün vasitələri nəzərdən keçirəcəyi və müvafiq addımlar atacağı diqqətə çatdırılıb.

Azərbaycanın Baş naziri Əli Əsədov iyunun 22-də İordaniya Haşimilər Krallığı Nümayəndələr Palatasının sədri Mazen Torki Saud Əl-Qadinin başçılıq etdiyi nümayəndə heyəti ilə görüşüb.

"Report" xəbər verir ki, bu barədə Nazirlər Kabineti məlumat yayıb.

Görüşdə İslam Əməkdaşlıq Təşkilatının üzvü olan dövlətlərin Parlament İttifaqı Konfransının 20-ci Sessiyasının Bakıda keçirilməsinin əhəmiyyəti qeyd edilib.

Azərbaycan ilə İordaniya arasında münasibətlərin dostluq, qarşılıqlı hörmət və səmərəli əməkdaşlıq prinsipləri əsasında uğurla inkişaf etdiyi vurğulanıb.

İki ölkə arasında beynəlxalq təşkilatlar çərçivəsində uğurlu əməkdaşlığın və qarşılıqlı dəstəyin önəmi qeyd edilib.

Görüşdə Azərbaycan ilə İordaniya arasında qarşılıqlı maraq doğuran bir sıra sahələrdə əməkdaşlıq perspektivləri müzakirə olunub.

Türkmənistan və Azərbaycan geniş faydalı qazıntılara və enerji ehtiyatlarına malik iki ölkədir.

"Report" xəbər verir ki, bunu Azərbaycan Prezidenti İlham Əliyev Türkmənistan Prezidenti Sərdar Berdiməhəmmədovla mətbuata bəyanatla çıxış edərkən deyib.

Dövlət başçısı deyib ki, belə olan halda hər iki ölkə səylərini birləşdirmək üzrə əməkdaşlıq etmək niyyətindədir.

Türkmənistan Prezidenti Sərdar Berdiməhəmmədov "Dostlug" neftdaşıyan tankerinin hədiyyə olunmasına görə Azərbaycan Prezidenti İlham Əliyevə təşəkkür edib.

"Report" xəbər verir ki, bunu Türkmənistan Prezidenti Sərdar Berdiməhəmmədov Azərbaycan Prezidenti İlham Əliyevlə mətbuata bəyanatla çıxış edərkən bildirib.

"Dostlug" neft tankerinin hədiyyə olunmasına görə də təşəkkür edən Sərdar Berdiməhəmmədov bunu ölkələr arasındakı qardaşlıq münasibətlərinin rəmzi kimi qəbul etdiklərini vurğuladı, bu tankerin ölkələrin tərəqqisinə töhfə verəcəyinə və uğurlu əməkdaşlığın daha bir təzahürü olacağına əminliyini ifadə etdi.

Qeyd edək ki, hədiyyə edilən "Dostlug" neftdaşıyan tankeri Bakı gəmiqayırma zavodunda inşa olunub.

Tankerin dedveyti 7875 ton, ümumi uzunluğu 141 metr, eni 16,9 metr, suya oturumu isə 4,54 metrdir.

Azərbaycan və Türkmənistan öz ərazilərindən Şərq-Qərb xətti üzrə nəqliyyat və tranzit dəhlizlərinin yaradılmasında sıx əməkdaşlıq etmək barədə razılıq əldə edib.

"Report" xəbər verir ki, bunu Türkmənistan Prezidenti Sərdar Berdiməhəmmədov Azərbaycan Prezidenti İlham Əliyev ilə mətbuata bəyanatla çıxış edərkən deyib.

"İki ölkənin nüfuzlu beynəlxalq və regional təşkilatlar çərçivəsində fəal əməkdaşlığı davam etdirməyə hazır olduğumuzu təsdiqlədik. Həmçinin Türkmənistanla Azərbaycan Respublikası arasında sıx qarşılıqlı fəaliyyət Xəzər dənizində beştərəfli əməkdaşlıq çərçivəsində davam etdiriləcək", - Sərdar Berdiməhəmmədov qeyd edib.

Onun sözlərinə görə, Prezident İlham Əliyevlə iqtisadi-ticari əməkdaşlıq da ətraflı müzakirə olunub.

Energetika, nəqliyyat, kimya, tekstil sənayeləri və bir sıra digər sahələrin prioritet istiqamətlər kimi müəyyənləşdirildiyini qeyd edən Türkmənistan Prezidenti ölkələrimizin ərazilərindən Şərq-Qərb xətti üzrə nəqliyyat və tranzit dəhlizlərinin yaradılmasında sıx əməkdaşlıq etmək barədə razılığın əldə olunduğunu vurğulayıb.

Azərbaycan və Türkmənistan birgə səylər nəticəsində artıq artan yük axınlarını daha da artırmaq, həm də üçüncü ölkələrdən yükdaşımaları cəlb etmək üçün nəqliyyat və logistika sektorundakı fəaliyyətini daha da əlaqələndirmək barədə razılığa gəlib.

"Report" xəbər verir ki, bunu Azərbaycan Prezidenti İlham Əliyev Türkmənistan Prezidenti Sərdar Berdiməhəmmədovla mətbuata bəyanatla çıxış edərkən deyib.

Prezident vurğulayıb ki, bu gün nəqliyyat-logistika sahəsi haqqında da çox danışılıb:

"İki ölkə arasında bu sahədə əməkdaşlıq artıq uzunmüddətli xarakter daşıyır. Hətta deyərdim ki, bu, təkcə bizim üçün deyil, təkcə qonşularımız üçün deyil, həm də geniş bir coğrafiya üçün strateji əhəmiyyətə malikdir. Çünki bu gün dünyada öz aralarında əməkdaşlıq edən ölkələri birləşdirən çox etibarlı, təhlükəsiz nəqliyyat marşrutları o qədər də çox deyil. Bu, böyük nailiyyətdir. Belə olan halda nəqliyyat və logistika layihələrini siyasi qarşılıqlı fəaliyyətdən təcrid olunmuş şəkildə nəzərdən keçirmək mümkün deyil".

Dövlət başçısı deyib ki, siyasi qarşılıqlı fəaliyyət olmasaydı, heç bir coğrafi şərait iki ölkənin səylərini birləşdirməyə imkan verməzdi:

"Biz isə həm birgə səylərimiz nəticəsində artıq artan yük axınlarını daha da artırmaq, həm də üçüncü ölkələrdən yükdaşımaları cəlb etmək üçün nəqliyyat və logistika sektorundakı fəaliyyətimizi daha da əlaqələndirmək barədə razılığa gəldik. Buna görə də bu sahə təbii ki, həm ikitərəfli, həm də çoxtərəfli qarşılıqlı fəaliyyətimizin prioriteti olacaq".

Azərbaycan Prezidenti İlham Əliyev Türkmənistanın neytrallıq siyasətini həmişə dəstəklədiyini və dəstəkləməyə davam edəcəyini deyib.

"Report" xəbər verir ki, dövlət başçısı bunu Türkmənistan Prezidenti Sərdar Berdiməhəmmədovla mətbuata bəyanatla çıxış edərkən bildirib.

İlham Əliyev türkmən xalqını və onun rəhbərliyini sosial-iqtisadi inkişafda əldə edilən əhəmiyyətli nailiyyətlər münasibətilə təbrik edib:

"Əlbəttə ki, qardaş türkmən xalqını və onun rəhbərliyini sosial-iqtisadi inkişafda əldə edilən əhəmiyyətli nailiyyətlər münasibətilə təbrik etmək istərdim. Mən artıq uzun illər ərzində dəfələrlə Türkmənistana səfər etmişəm və qardaş ölkəmizin davamlı inkişafına, şəhərlərin necə yaxşılaşdığına, infrastrukturun, o cümlədən turizmin necə qurulduğuna həmişə əmin olmuşam. Bütün bunlar rəhbərliyin müdrikliyindən və milli maraqların prioritet olmasından xəbər verir. Biz, dostlarınız və qardaşlarınız olaraq, beynəlxalq arena da daxil olmaqla, uğurlarınıza həmişə sevinirik və artıq dünyada geniş ictimai dəstək qazanmış Türkmənistanın neytrallıq siyasətini həmişə dəstəkləmişik və dəstəkləməyə davam edəcəyik".

Azərbaycan Prezidenti İlham Əliyev və Türkmənistan Prezidenti Sərdar Berdiməhəmmədov iyunun 22-də mətbuata bəyanatlarla çıxış ediblər.

"Report" xəbər verir ki, əvvəlcə dövlət başçısı bəyanatla çıxış edib.

Prezident İlham Əliyevin bəyanatı

-Hörmətli Sərdar Qurbanquluyeviç, hörmətli qonaqlar, əziz dostlar. Əziz qonağımızı - dövlət səfərində olan Türkmənistan Prezidentini salamlamaqdan bir daha şadam.

Dəvətimi qəbul etdiyinə və Azərbaycana səfərə gəldiyinə görə cənab Prezidentə bir daha təşəkkürümü bildirirəm. Əminəm ki, bu səfər ölkələrimiz arasında dostluq və qardaşlıq münasibətlərinin daha da möhkəmlənməsinə xidmət edəcək.

Bu gün həm təkbətək, həm də geniş tərkibdə danışıqlar aparıldı. İkitərəfli əməkdaşlığın bir çox məsələləri müzakirə edildi və əməkdaşlığımızın gələcək inkişafı yolları müəyyənləşdirildi.

Qarabağın bərpasında köməyə görə Türkmənistana, əziz qardaşım Arkadağ Qurbanqulu Məlikquliyeviç Berdiməhəmmədova bir daha təşəkkürümü bildirmək istərdim. O, ötən ilin iyulunda ölkəmizə səfər edərkən Füzuli şəhərində məscidin tikintisi təşəbbüsünü irəli sürdü və artıq tikintiyə başlanılıb. Bu, Türkmənistanın, onun Ümummilli Liderinin və bütün qardaş Türkmənistan xalqının Azərbaycana səmimi, dostcasına münasibətinin daha bir göstəricisi idi.

Mən, həmçinin Sərdar Qurbanquluyeviçə əməkdaşlığa görə minnətdaram. Bu gün, artıq qeyd etdiyim kimi, bir çox məsələlər üzrə ətraflı fikir mübadiləsi apardıq. Konkret tapşırıqlar verildi. Əminəm ki, gələn ay Türkmənistanda keçiriləcək Hökumətlərarası Komissiya çərçivəsində bu gün verdiyimiz tapşırıqlar həmin vaxta qədər hərtərəfli işlənib hazırlanacaq və biz yeni birgə problemlərin həlli, yeni layihələrin reallaşdırılması mərhələsinə keçəcəyik.

Münasibətlərimiz möhkəm təməl - tarixi bağlar, mədəni əlaqələr və mənəvi əlaqələr üzərində qurulub. Biz müntəzəm olaraq yaradıcı kollektivlərin çıxışlarını təşkil edirik. Elə bu yaxınlarda, bu ayın əvvəlində həm Aşqabadda, həm də Arkadağda Azərbaycan Mədəniyyəti Günləri keçirildi. Keçən il isə Türkmənistanın mədəniyyət xadimləri həm Bakıda, həm də Gəncədə keçirilən Mədəniyyət Günlərində bizi ziyarət etdilər.

Onu da qeyd etməliyəm ki, Bakı və Aşqabad Arkadağ və Füzuli kimi, qardaş şəhərlərdir. Bütün bunlar bizim birliyimizin nümayişidir. Əməkdaşlığımızı konkret məzmunla zənginləşdirməyə və qarşılıqlı fəaliyyətimizi dərinləşdirməyə çalışırıq.

Həmçinin Türkmənistan tərəfinə Azərbaycanın Mərkəzi Asiya Dövlət Başçılarının Məşvərət Şurasına tamhüquqlu üzv qəbul edilməsində fəal dəstəyinə görə bir daha təşəkkürümü bildirmək istərdim. Mən buna tarixi hadisə kimi baxıram, çünki coğrafi olaraq Mərkəzi Asiyanın bir hissəsi olmasaq da, mədəni və tarixi əlaqələrimiz, həmçinin bu gün regional qarşılıqlı əlaqə və nəqliyyat-logistika problemləri ilə bağlı həll etdiyimiz konkret məsələlər təbii olaraq böyük Mərkəzi Asiyanın vahid geosiyasi və geoiqtisadi bölgə kimi qəbul edilməsi üçün ilkin şərtlər yaradır. Təbii ki, biz ilk gündən çoxtərəfli formatda fəal qarşılıqlı fəaliyyət göstərməyə başladıq.

Bu gün nəqliyyat-logistika sahəsi haqqında da çox danışıldı. Təbii ki, ölkələrimiz arasında bu sahədə əməkdaşlıq artıq uzunmüddətli xarakter daşıyır, hətta deyərdim ki, bu, təkcə bizim üçün deyil, təkcə qonşularımız üçün deyil, həm də geniş bir coğrafiya üçün strateji əhəmiyyətə malikdir. Çünki bu gün dünyada öz aralarında əməkdaşlıq edən ölkələri birləşdirən çox etibarlı, təhlükəsiz nəqliyyat marşrutları o qədər də çox deyil. Bu, böyük nailiyyətdir. Belə olan halda nəqliyyat və logistika layihələrini siyasi qarşılıqlı fəaliyyətdən təcrid olunmuş şəkildə nəzərdən keçirmək mümkün deyil. Siyasi qarşılıqlı fəaliyyət olmasaydı, heç bir coğrafi şərait səylərimizi birləşdirməyə imkan verməzdi. Biz isə həm birgə səylərimiz nəticəsində artıq artan yük axınlarını daha da artırmaq, həm də üçüncü ölkələrdən yükdaşımaları cəlb etmək üçün nəqliyyat və logistika sektorundakı fəaliyyətimizi daha da əlaqələndirmək barədə razılığa gəldik. Buna görə də bu sahə təbii ki, həm ikitərəfli, həm də çoxtərəfli qarşılıqlı fəaliyyətimizin prioriteti olacaq.

Əlbəttə, Türkmənistan və Azərbaycan geniş faydalı qazıntılara və enerji ehtiyatlarına malik iki ölkədir. Belə olan halda biz səylərimizi birləşdirmək üzrə əməkdaşlıq etmək niyyətindəyik.

Əlbəttə ki, qardaş türkmən xalqını və onun rəhbərliyini sosial-iqtisadi inkişafda əldə edilən əhəmiyyətli nailiyyətlər münasibətilə təbrik etmək istərdim. Mən artıq uzun illər ərzində dəfələrlə Türkmənistana səfər etmişəm və qardaş ölkəmizin davamlı inkişafına, şəhərlərin necə yaxşılaşdığına, infrastrukturun, o cümlədən turizmin necə qurulduğuna həmişə əmin olmuşam. Bütün bunlar rəhbərliyin müdrikliyindən və milli maraqların prioritet olmasından xəbər verir. Biz, dostlarınız və qardaşlarınız olaraq, beynəlxalq arena da daxil olmaqla, uğurlarınıza həmişə sevinirik və artıq dünyada geniş ictimai dəstək qazanmış Türkmənistanın neytrallıq siyasətini həmişə dəstəkləmişik və dəstəkləməyə davam edəcəyik.

Hörmətli cənab Prezident, Sizi bir daha salamlayıram və əziz qardaşım Arkadağa və Türkmənistanın bütün xalqına ən xoş arzularımı çatdırmağınızı xahiş edirəm.

x x x

Sonra bəyanatla çıxış edən Türkmənistan Prezidenti Sərdar Berdiməhəmmədov səmimi qəbula, qonaqpərvərliyə və birgə iş üçün yaradılan gözəl şəraitə görə dövlətimizin başçısına bir daha minnətdarlığını bildirdi, təkbətək və geniş tərkibdə görüşlər zamanı ikitərəfli münasibətlərimizin hazırkı vəziyyətinin və perspektivlərinin müzakirə olunduğunu deyib.

İkitərəfli əməkdaşlığın hazırkı səviyyəsinin yüksək qiymətləndirildiyini qeyd edən ali qonaq ölkələrimiz arasında münasibətlərin bərabərhüquqlu və qarşılıqlı faydalı prinsiplər əsasında dinamik və ardıcıl şəkildə inkişaf etdiyini məmnunluqla vurğulayıb.

"İki ölkənin nüfuzlu beynəlxalq və regional təşkilatlar çərçivəsində fəal əməkdaşlığı davam etdirməyə hazır olduğu təsdiqləndi. Həmçinin Türkmənistanla Azərbaycan Respublikası arasında sıx qarşılıqlı fəaliyyət Xəzər dənizində beştərəfli əməkdaşlıq çərçivəsində davam etdiriləcək", - deyən Sərdar Berdiməhəmmədov iqtisadi-ticari əməkdaşlığın da ətraflı müzakirə olunduğunu bildirib.

Energetika, nəqliyyat, kimya, tekstil sənayeləri və bir sıra digər sahələrin prioritet istiqamətlər kimi müəyyənləşdirildiyini qeyd edən Türkmənistan Prezidenti ölkələrimizin ərazilərindən Şərq-Qərb xətti üzrə nəqliyyat və tranzit dəhlizlərinin yaradılmasında sıx əməkdaşlıq etmək barədə razılığın əldə olunduğunu vurğulayıb.

Mədəni və humanitar əlaqələrin inkişafına ayrıca diqqətin yetirildiyini bildirən ali qonaq dedi ki, görüşlər çərçivəsində mədəniyyət xadimlərimiz arasında təmasların davam etdirilməsinə və genişləndirilməsinə, həmçinin hər il Mədəniyyət Günlərinin keçirilməsinə hər iki ölkənin hazır olduğu təsdiqlənib.

"Nümayəndə heyətimiz bugünkü görüşün nəticələrini yüksək qiymətləndirir. Görüşün yekunlarına dair ikitərəfli mühüm sənədlər zərfi imzalandı. Türkmənistan və Azərbaycan Respublikası arasında əməkdaşlıq bütün əsas sahələr üzrə inkişaf edəcək. Bu, ölkələrin və xalqların uzunmüddətli maraqlarına cavab verir", - deyə Sərdar Berdiməhəmmədov vurğulayıb.

İkitərəfli əlaqələrimizin möhkəmləndirilməsinə Azərbaycan Prezidentinin böyük şəxsi töhfəsini xüsusi qeyd edən Türkmənistanın dövlət başçısı buna görə minnətdarlığını bildirib.

"Dostlug" neft tankerinin hədiyyə olunmasına görə də təşəkkür edən Sərdar Berdiməhəmmədov bunu ölkələrimiz arasındakı qardaşlıq münasibətlərinin rəmzi kimi qəbul etdiklərini vurğuladı, bu tankerin ölkələrin tərəqqisinə töhfə verəcəyinə və uğurlu əməkdaşlığımızın daha bir təzahürü olacağına əminliyini ifadə edib.

Ali qonaq Türkmənistanın Azərbaycanla əməkdaşlığın daha da inkişafına böyük əhəmiyyət verdiyini deyərək, ölkələri və xalqları əsrlər boyu mehriban qonşuluq ənənələri, ortaq tarix, mədəniyyət, dil və mənəvi dəyərlərin birləşdirdiyini vurğulayıb.

"Yekun olaraq qeyd etmək istərdim ki, Azərbaycan Respublikası tərəqqi və çiçəklənmə yolu ilə inamla irəliləyir", - deyən ali qonaq qardaş Azərbaycan xalqına sülh, əmin-amanlıq və davamlı tərəqqi arzulayıb.

13:06

Azərbaycan Prezidenti İlham Əliyev və Türkmənistan Prezidenti Sərdar Berdiməhəmmədov iyunun 22-də mətbuata bəyanatlarla çıxış ediblər.

"Report" xəbər verir ki, bu barədə Prezidentin Mətbuat Xidməti məlumat yayıb.

Türkmənistan Prezidenti Sərdar Berdiməhəmmədov Türkmənistan-Azərbaycan Nəqliyyat, Tranzit və Logistika Komissiyasının fəaliyyətinin daha da fəallaşdırılmasını təklif edib.

"Report" xəbər verir ki, o, bu barədə Azərbaycana səfəri çərçivəsində Prezident İlham Əliyev ilə geniş tərkibdə görüşü zamanı danışıb.

Nəqliyyat-tranzit sahəsini əməkdaşlığın strateji istiqamətlərindən biri kimi qiymətləndirən Sərdar Berdiməhəmmədov Türkmənistanın və Azərbaycanın əlverişli coğrafi mövqeyinin beynəlxalq nəqliyyat dəhlizlərinin inkişafı baxımından mühüm üstünlüklər yaratdığını deyib.

Əfqanıstan-Türkmənistan-Azərbaycan-Gürcüstan-Türkiyə nəqliyyat dəhlizini uğurlu əməkdaşlığın nümunəsi kimi qiymətləndirən Sərdar Berdiməhəmmədov vurğulayıb ki, ölkələr həmçinin Türkmənistan-Azərbaycan-Gürcüstan-Rumıniya marşrutu üzrə Xəzər dənizi-Qara dəniz nəqliyyat dəhlizinin yaradılması təşəbbüsünü dəstəkləyir.

Ali qonaq Xəzər və Qara dəniz regionlarının birləşdirilməsinin iqtisadi, ticarət və investisiya əməkdaşlığının inkişafı üçün yaxşı imkanlar açdığını deyib.

Türkmənistan Prezidenti Sərdar Berdiməhəmmədov Xəzər Ekoloji Təşəbbüsünün irəlilədilməsi istiqamətində Azərbaycanın dəstəyinə ümid bəslədiyini vurğulayıb.

"Report" xəbər verir ki, o, bu barədə Azərbaycana səfəri çərçivəsində Prezident İlham Əliyev ilə geniş tərkibdə görüşü zamanı danışıb.

Türkmənistan Prezidenti Xəzər dənizi ilə bağlı əməkdaşlığa toxunaraq təhlükəsizlik, iqtisadiyyat, ekologiya və ətraf mühitin mühafizəsi sahələrində birgə fəaliyyətin hər iki ölkə üçün mühüm əhəmiyyət daşıdığını vurğulayıb.

Bu xüsusda Türkmənistanın Xəzər dənizi məsələlərinə dair yüksəksəviyyəli görüşün keçirilməsi təşəbbüsü ilə çıxış etdiyini, həmçinin Xəzər Ekoloji Təşəbbüsünün irəlilədilməsi istiqamətində Azərbaycanın dəstəyinə ümid bəslədiyini bildirib.

Azərbaycan Prezidenti İlham Əliyev Füzuli şəhərinə məscid hədiyyə etdiyinə görə Türkmənistan Xalq Məsləhətinin sədri Qurbanqulu Berdiməhəmmədova və Türkmənistana minnətdarlığını bildirib.

"Report"un məlumatına görə, Azərbaycanda səfərdə olan Türkmənistan Prezidenti Sərdar Berdiməhəmmədovla geniştərkibli görüşdə danışan İlham Əliyev bununla bağlı qərarın ötən il Qurbanqulu Berdiməhəmmədovun Azərbaycana səfəri çərçivəsində qəbul edildiyini və onun təməlinin Türk Dövlətləri Təşkilatının Qəbələdə keçirilmiş Zirvə Görüşü çərçivəsində qoyulduğunu xatırladıb.

Prezident İlham Əliyev Türkmənistan tərəfindən bu məscidin hədiyyə edilməsini ölkələrimiz arasında səmimi qardaşlıq münasibətlərinin daha bir nümayişi olduğunu deyib.

Sərdar Berdiməhəmmədov Füzulidə məscid tikintisinə də toxunaraq, bu təşəbbüsün iki xalq arasında dostluğun və qardaşlığın rəmzi olduğunu qeyd edib.

İyunun 22-də Azərbaycan Prezidenti İlham Əliyevin Türkmənistan Prezidenti Sərdar Berdiməhəmmədov ilə geniş tərkibdə görüşü olub.

"Report" xəbər verir ki, Azərbaycana dövlət səfərinə gəldiyinə görə Türkmənistan Prezidenti Sərdar Berdiməhəmmədova təşəkkür edən dövlət başçısı İlham Əliyev bu səfərə çox böyük əhəmiyyət verdiyini, onun ölkələr arasında dostluq, qardaşlıq münasibətlərinin möhkəmlənməsinə xidmət göstərəcəyinə əminliyini ifadə edib.

Qarşılıqlı fəaliyyətin bütün sahələrini əhatə edən geniş gündəliyin olduğunu, bu gün bir çox məsələlər üzrə fikir mübadiləsinin aparıldığını, müzakirələrin nümayəndə heyətlərinin iştirakı ilə davam etdiriləcəyini vurğulayan Prezident İlham Əliyev Türkmənistan Prezidentinin Azərbaycana geniş nümayəndə heyəti ilə səfər etməsindən məmnun olduğunu deyib.

Dövlət başçısı Türkmənistan nümayəndə heyətinin üzvlərinin səfər çərçivəsində azərbaycanlı həmkarları ilə səmərəli müzakirələr aparacaqlarına əminliyini bildirib.

Prezident İlham Əliyev ölkələr arasında imzalanacaq sənədlərin əhəmiyyətinə də toxundu, bunu, münasibətlərin geniş gündəliyinin göstəricisi kimi qiymətləndirib.

Füzuli şəhərinə məscid hədiyyə etdiyinə görə Türkmənistan Xalq Məsləhətinin sədri Qurbanqulu Berdiməhəmmədova və Türkmənistana minnətdarlığını bildirən dövlətimizin başçısı bununla bağlı qərarın ötən il Qurbanqulu Berdiməhəmmədovun Azərbaycana səfəri çərçivəsində qəbul edildiyini və onun təməlinin Türk Dövlətləri Təşkilatının Qəbələdə keçirilmiş Zirvə Görüşü çərçivəsində qoyulduğunu xatırladıb.

Prezident İlham Əliyev Türkmənistan tərəfindən bu məscidin hədiyyə edilməsini ölkələrimiz arasında səmimi qardaşlıq münasibətlərinin daha bir nümayişi olduğunu deyib.

Türkmənistanda Azərbaycanın Mədəniyyət Günləri çərçivəsində yaradıcı kollektivlərimizə göstərilən qonaqpərvərliyə görə türkmən tərəfinə minnətdarlığını ifadə edən dövlətimizin başçısı ötən il ölkədə Türkmənistan Mədəniyyəti Günlərinin keçirildiyini xatırladaraq, humanitar sahədə belə dinamik əməkdaşlığın təbii olduğunu vurğulayıb.

Xalqları ortaq tarixin birləşdirdiyini qeyd edən Prezident İlham Əliyev bunun, həmçinin qarşılıqlı fəaliyyətimizdə də mühüm amil olduğunu deyib.

Hazırda qarşıda qlobal gündəlikdə olan məsələlərin - nəqliyyat və enerji təhlükəsizliyinin dayandığını vurğulayan dövlət başçısı bu xüsusda Azərbaycanın və Türkmənistanın həm milli səviyyədə, həm də birgə təşəbbüslər vasitəsilə yalnız regionda deyil, həm də qlobal səviyyədə çox mühüm rol oynadıqlarını, bu rolun gələcəkdə daha da artacağını deyib. Bu xüsusda Azərbaycan Prezidenti qeyd etdi ki, geniş Avrasiya qitəsində geosiyasi proseslərin müsbət inkişafı bir çox hallarda bu sahələrdə sıx qarşılıqlı fəaliyyətimizdən asılı olacaq.

x x x

Görüşdə çıxış edən Prezident Sərdar Berdiməhəmmədov səmimi qəbula, göstərilən qonaqpərvərliyə və Azərbaycana dövlət səfərinə dəvətə görə minnətdarlığını bildirib.

Türkmənistanla Azərbaycan arasında siyasi, diplomatik, iqtisadi-ticari, mədəni-humanitar və digər sahələrdə sıx əlaqələrin qurulduğunu, yüksəksəviyyəli təmasların, qarşılıqlı səfərlərin ikitərəfli münasibətlərin uğurlu inkişafında mühüm rol oynadığını vurğulayan Sərdar Berdiməhəmmədov ötən il türkmən xalqının Milli Liderinin Azərbaycana, Prezident İlham Əliyevin isə Türkmənistana səfərlərini xatırladaraq, bu görüşlərin siyasi dialoqun, iqtisadi tərəfdaşlığın və humanitar əməkdaşlığın inkişafı üçün yeni istiqamətlər müəyyənləşdirdiyini dedi.

Sərdar Berdiməhəmmədov beynəlxalq arenada, həmçinin BMT, İqtisadi Əməkdaşlıq Təşkilatı, İslam Əməkdaşlıq Təşkilatı, Türk Dövlətləri Təşkilatı və MDB çərçivəsində əməkdaşlığın əhəmiyyətini vurğulayıb. Ali qonaq Azərbaycanın Türkmənistanın neytral xarici siyasətinə, sülh və davamlı inkişaf naminə irəli sürdüyü beynəlxalq təşəbbüslərə göstərdiyi dəstəyi yüksək qiymətləndirdiyini deyərək, eyni zamanda, Türkmənistanın da Azərbaycanın beynəlxalq əhəmiyyətli təşəbbüslərini dəstəklədiyini qeyd etdi, bu ənənənin gələcəkdə də davam etdiriləcəyini bildirib.

Xəzər dənizi ilə bağlı əməkdaşlığa toxunan Türkmənistan Prezidenti təhlükəsizlik, iqtisadiyyat, ekologiya və ətraf mühitin mühafizəsi sahələrində birgə fəaliyyətin hər iki ölkə üçün mühüm əhəmiyyət daşıdığını vurğulayıb. Bu xüsusda Türkmənistanın Xəzər dənizi məsələlərinə dair yüksəksəviyyəli görüşün keçirilməsi təşəbbüsü ilə çıxış etdiyini, həmçinin Xəzər Ekoloji Təşəbbüsünün irəlilədilməsi istiqamətində Azərbaycanın dəstəyinə ümid bəslədiyini bildirib.

Prezident iqtisadi-ticari əməkdaşlığın ikitərəfli münasibətlərin əsas istiqamətlərindən biri olduğunu deyərək, ticarət dövriyyəsində müsbət dinamikanı yüksək qiymətləndirdi. Ali qonaq ölkələr arasında mövcud potensialın daha da səmərəli reallaşdırılması üçün İqtisadi Əməkdaşlıq üzrə Hökumətlərarası Komissiyanın fəaliyyətinin gücləndirilməsinin vacibliyinə toxunub.

Nəqliyyat-tranzit sahəsini əməkdaşlığın strateji istiqamətlərindən biri kimi qiymətləndirən Sərdar Berdiməhəmmədov Türkmənistanın və Azərbaycanın əlverişli coğrafi mövqeyinin beynəlxalq nəqliyyat dəhlizlərinin inkişafı baxımından mühüm üstünlüklər yaratdığını deyib. Bu məqsədlə Türkmənistan-Azərbaycan Nəqliyyat, Tranzit və Logistika Komissiyasının fəaliyyətinin daha da fəallaşdırılmasını təklif edib.

Əfqanıstan-Türkmənistan-Azərbaycan-Gürcüstan-Türkiyə nəqliyyat dəhlizini uğurlu əməkdaşlığın nümunəsi kimi qiymətləndirən Sərdar Berdiməhəmmədov vurğuladı ki, ölkələrimiz, həmçinin Türkmənistan-Azərbaycan-Gürcüstan-Rumıniya marşrutu üzrə Xəzər dənizi-Qara dəniz nəqliyyat dəhlizinin yaradılması təşəbbüsünü dəstəkləyir. Ali qonaq Xəzər və Qara dəniz regionlarının birləşdirilməsinin iqtisadi, ticarət və investisiya əməkdaşlığının inkişafı üçün yaxşı imkanlar açdığını deyib.

Türkmənistan Prezidenti, həmçinin neft-qaz, kimya, tekstil sənayesi və digər sahələrdə əməkdaşlığın inkişaf etdirilməsi üçün geniş imkanların mövcud olduğunu vurğulayıb.

Sərdar Berdiməhəmmədov ölkələr arasında təhsil, elm, mədəniyyət və incəsənət sahələrində fəal qarşılıqlı fəaliyyətin davam etdiyini vurğuladı. Bu xüsusda qarşılıqlı Mədəniyyət Günlərinin, festivalların, sərgilərin və digər tədbirlərin keçirilməsinin xalqlar arasında dostluq və qardaşlıq münasibətlərinin möhkəmlənməsinə töhfə verdiyini qeyd edib.

Ali qonaq hazırda həyata keçirilən mühüm mənəvi layihələrdən birinə - Füzulidə məscid tikintisinə də toxunaraq, bu təşəbbüsün xalqlarımız arasında dostluğun və qardaşlığın rəmzi olduğunu qeyd edib.

Türkmənistan Prezidenti səfərinin ölkələr arasında dostluğun və əməkdaşlığın möhkəmləndirilməsində mühüm mərhələ olacağına əminliyini bildirib, dövlət başçısına fəaliyyətində yeni uğurlar, qardaş Azərbaycan xalqına isə sülh, tərəqqi və əmin-amanlıq arzulayıb.

11:25

İyunun 22-də Azərbaycan Prezidenti İlham Əliyevin Türkmənistan Prezidenti Sərdar Berdiməhəmmədov ilə geniş tərkibdə görüşü olub.

"Report" xəbər verir ki, bu barədə Azərbaycan Prezidentinin Mətbuat Xidməti məlumat yayıb.

Milli Məclisin sədri Sahibə Qafarova İordaniya Nümayəndələr Palatasının sədri Mazen Torki Saud Əl-Qadi ilə görüşüb.

Bu barədə "Report"a Milli Məclisdən məlumat verilib.

Bildirilib ki, geniştərkibli görüşdə S.Qafarova iki dost və qardaş ölkələr olan Azərbaycan ilə İordaniya arasında ikitərəfli münasibətlərin yüksək səviyyəyə çatdığını, bu sahədə ölkə başçılarının qarşılıqlı səfərlərinin və görüşlərinin mühüm rol oynadığını vurğulayıb.

Milli Məclisin sədri iki ölkə arasında BMT, İslam Əməkdaşlıq Təşkilatı, Qoşulmama Hərəkatı və digər təşkilatlar çərçivəsində əməkdaşlıq və qarşılıqlı dəstəyin də məmnunluq doğurduğunu qeyd edib.

M.T.S.Əl-Qadi öz növbəsində parlamentlər arasında əlaqələrin inkişafı, qanunvericilik sahəsində təcrübə mübadiləsi, investisiyaların təşviqi, humanitar, gənclərlə iş sahələrində əməkdaşlıq və digər mövzularda fikirlərini açıqlayıb.

O, bu səfərin və Milli Məclisin sədri ilə görüşünün parlamentlər arasında əlaqələrin daha da genişləndirilməsi üçün yaxşı imkan olduğunu diqqətə çatdırıb.

Söhbət zamanı həmçinin parlamentlərin komitələri və dostluq qrupları arasında əməkdaşlıq imkanlarına diqqət yetirilib. O cümlədən, beynəlxalq parlament təşkilatlarında qarşılıqlı dəstəyin davam etdirilməsinin əhəmiyyəti vurğulanıb.

Görüşdə qarşılıqlı maraq doğuran digər məsələlər barədə də fikir mübadiləsi aparılıb.

BMT-nin Məskunlaşma Proqramının icraçı direktoru Anaklaudia Rossbax Ümumdünya Şəhərsalma Forumunun 13-cü Sessiyasının (WUF 13) uğurlu təşkilinə görə Prezident İlham Əliyevə təşəkkür edib.

"Report"un məlumatına görə, Anaklaudia Rossbax bununla bağlı dövlət başçına ünvanlandığı məktubunda qeyd edib:

"WUF13-ə misilsiz uğurla ev sahibliyi etdiyinizə görə BMT-nin Məskunlaşma Proqramı (UN-Habitat) adından Sizə və hökumətinizə ən dərin minnətdarlığımı bildirirəm. WUF13 dünya miqyasında mənzil icması və UN-Habitat üçün mühüm mərhələ oldu. Forum dünya üzrə rekord sayda iştirakçını bir araya gətirdi. Onlar davamlı şəhərsalmanın inkişafında irəliləyişə sadiq olan milli və yerli hökumətləri, vətəndaş cəmiyyətini, akademik dairələri, özəl sektoru, gənclər qruplarını, beynəlxalq təşkilatları və digər maraqlı tərəfləri təmsil edirdilər.

WUF13, həmçinin Şərqi Avropa və Mərkəzi Asiya regionunda keçirilən ilk Ümumdünya Şəhərsalma Forumu Sessiyası kimi tarixi əhəmiyyət kəsb etdi. WUF13-ün uğurla keçirilməsi Azərbaycan Hökumətinin və xalqının güclü öhdəliyini, rəhbərliyini və qonaqpərvərliyini əks etdirir. UN-Habitat ilə Azərbaycan arasında sıx əməkdaşlıq Sessiyanın bütün substantiv, operativ və logistik sahələrdə səmərəli şəkildə hazırlanmasını və təşkilini təmin etmək baxımından həlledici rol oynadı.

WUF13 bir sıra iddialı nəticələrlə yadda qaldı, o cümlədən "Bakı Fəaliyyətə Çağırış" və Nazirlər Görüşünün yekun sənədi (Sədrlərin Xülasəsi), həmçinin Ümumdünya Şəhərsalma Forumunun tarixində ən böyük "Urban Expo" sərgisi təşkil etdi. WUF13, həmçinin WUF Akademiyası, Biznes və İnnovasiya Mərkəzi və Təcrübə Mərkəzi kimi bir çox yeni və innovativ təşəbbüslər təqdim etdi ki, bu da WUF-un zəngin dialoq, bilik mübadiləsi, tərəfdaşlıqlar və praktiki şəhərsalma həlləri platforması kimi mövqeyini daha da gücləndirdi.

WUF13-ün bu nəticələri və təcrübəsi qlobal əməkdaşlığın gücləndirilməsinə, Yeni Şəhər Gündəliyinin və 11-ci Dayanıqlı İnkişaf Məqsədinin icrasının irəlilədilməsinə yol açdı və çox vacib töhfə verdi.

WUF13, həmçinin mühüm irslər qoydu. Bunlara gələcək Ümumdünya Şəhərsalma Forumu sessiyaları üçün operativ bələdçinin hazırlanmasına töhfə verəcək "WUF13 Bakı Standartları", habelə Bakı Şəhərsalma Mükafatı daxildir".

Azov dənizində yük gəmilərinə qarşı həyata keçirilmiş dron hücumu nəticəsində xilas edilmiş Azərbaycan vətəndaşları üçün sənədləşdirmə işlərinin həyata keçirilməsi, onların qayıdış şəhadətnamələri ilə təmin olunması və ölkəyə qayıdışlarının təşkili istiqamətində zəruri tədbirlər görülür.

"Report" xəbər verir ki, bu barədə Xarici işlər Nazirliyi məlumat yayıb.

Qeyd edilib ki, Azov dənizində yük gəmilərinə qarşı həyata keçirilmiş dron hücumu nəticəsində Azərbaycan vətəndaşlarının həlak olduğu və xəsarət alması xəbərindən dərhal sonra Azərbaycanın Rusiyadakı Səfirliyinin əməkdaşları dərhal əraziyə yola düşüblər.

Səfirliyin Konsulluq bölməsinin əməkdaşları hazırda Yeysk şəhərindədir və yaralanmış, habelə xilas edilmiş Azərbaycan vətəndaşlarının yanında olaraq müvafiq konsulluq dəstəyi göstərirlər.

XİN-in məlumatda vurğuanıb ki, yaralıların vəziyyəti yaxşıdır, bir neçəsinin qısa müddətdə xəstəxanadan buraxılması nəzərdə tutulur.

Rusiya Federasiyasının aidiyyəti qurumları tərəfindən həyata keçirilən axtarış-xilasetmə tədbirləri çərçivəsində həlak olan şəxslərin kimliklərinin müəyyənləşdirilməsi və digər zəruri tədbirlər davam etdirilir.

Bildirilib ki, eyni zamanda, Xarici İşlər Nazirliyi məsələni xüsusi nəzarətdə saxlayır və aidiyyəti qurumlarla sıx əlaqələndirmə işləri aparır.

"Həlak olan şəxslərin kimlikləri, onların cənazələrinin Azərbaycana gətirilməsi barədə ictimaiyyətə əlavə məlumat veriləcək", - deyə nazirlik qeyd edib.

Vəkillər Kollegiyası Rəyasət Heyətinin (VK) sədri Anar Bağırov yaxın gələcəkdə türk dövlətlərinin Vəkillər Kollegiyaları Birliyinin yaradılacağına və bu təşəbbüsün hüquq sahəsində əməkdaşlığın yeni mərhələyə yüksəlməsinə xidmət edəcəyinə əminliyini ifadə edib.

"Report" xəbər verir ki, bu barədə o, Azərbaycanda səfərdə olan Türkiyənin Qars Barosunun başqanı Necat Yağcın və Eskişehir Barosunun başqanı Barış Günaydının rəhbərlik etdiyi nümayəndə heyəti ilə görüşdə bildirib.

Sədr qeyd edib ki, Türk dövlətlərinin vəkillik institutları arasında münasibətlərin dinamik şəkildə inkişaf edir.

Son illər VK-da həyata keçirilən islahatlar, institusional inkişaf və beynəlxalq əməkdaşlıq istiqamətində görülən işlər barədə ətraflı məlumat verən Anar Bağırov Azərbaycanda vəkillik institutunun keçdiyi inkişaf yolundan, Kollegiyanın fəaliyyətinin müasir idarəetmə prinsipləri əsasında təşkilindən, maliyyə müstəqilliyinin təmin olunması və elektron xidmətlərin geniş tətbiqindən bəhs edib.

Eskişehir Barosunun başqanı Barış Günaydın Azərbaycanla hüquq sahəsində formalaşmış əməkdaşlıq münasibətlərini yüksək qiymətləndirib. O, hər iki qurum arasında qardaşlaşmış büro münasibətlərinin qurulmasına dair protokolun imzalanmasını əlamətdar hadisə kimi dəyərləndirib, bu təşəbbüsün peşəkar təcrübə mübadiləsinin genişlənməsinə, habelə vəkillər arasında əlaqələrin möhkəmlənməsinə əlverişli zəmin yaratdığını vurğulayıb.

Qars Barosunun başqanı Necat Yağcın isə çıxışında Azərbaycan və Türkiyə vəkillik institutları arasında formalaşmış dostluq və əməkdaşlıq münasibətlərinin daha da inkişaf etdirilməsinin vacibliyini qeyd edib.

Necat Yağcın gələcəkdə qarşılıqlı təcrübə mübadiləsinin təşkilinə, vəkillər arasında peşəkar əlaqələrin daha da möhkəmləndirilməsinə, birgə tədbir və təlimlərin keçirilməsinə ümid etdiyini bildirərək, bu istiqamətdə əməkdaşlığın hər iki qurum üçün faydalı nəticələr verəcəyinə əminliyini ifadə edib.

İspaniyanın paytaxtı Madriddə Azərbaycan Xarici İşlər Nazirliyi (XİN) və İspaniyanın Xarici İşlər, Avropa İttifaqı və Əməkdaşlıq Nazirliyi arasında ilk konsulluq məsləhətləşmələri keçirilib.

"Report" xəbər verir ki, bu barədə XİN məlumat yayıb.

Məsləhətləşmələrdə Azərbaycan nümayəndə heyətinə Konsulluq İdarəsinin rəisi Emil Səfərov, İspaniya nümayəndə heyətinə isə Xaricdəki ispanlar və Konsulluq İşləri Baş idarəsinin rəisi Karolina Alvares rəhbərlik edib.

Konsulluq məsləhətləşmələri zamanı Azərbaycan üçün tərəfdaş ölkə olan İspaniya ilə konsulluq sahəsində əməkdaşlığın cari vəziyyəti və inkişaf perspektivləri, o cümlədən sahə üzrə yeni ikitərəfli sənədlərin imzalanması və konsulluq xidmətlərinin rəqəmsallaşdırılması mövzusunda müzakirələr aparılıb.

Danışıqlar zamanı tərəflər iki ölkə vətəndaşlarının hüquq və azadlıqlarının qorunması, həmçinin ədliyyə, hüquq mühafizə, prokurorluq, miqrasiya, təhsil və viza siyasəti sahəsində Azərbaycan və İspaniya Krallığı arasında çoxtərəfli və ikitərəfli əməkdaşlıq perspektivlərini nəzərdən keçiriblər.

Slovakiya Prezidenti Peter Pelleqrininin Bakıya səfəri çərçivəsində Azərbaycan və Slovakiya iqtisadi əməkdaşlığın genişləndirilməsinə yönəlmiş sənədlər paketi imzalamağı planlaşdırır.

Bu barədə "Report"a Slovakiyanın Azərbaycandakı səfiri Elçin Qasımov bildirib.

"Hazırda Slovakiya Prezidentinin rəsmi səfəri çərçivəsində də bir sıra layihələr nəzərdən keçirilir. Buna görə də məhz iqtisadi əməkdaşlıq üçün bir çox sənədlər imzalamağı planlaşdırırıq", - səfir qeyd edib.

Azərbaycan qazının tədarükü üzrə 10 illik müqaviləyə dair danışıqlar məsələsinə münasibət bildirən səfir qeyd edib ki, hazırda danışıqlar Slovakiyanın dövlət qaz şirkəti ilə Azərbaycan Dövlət Neft Şirkəti (SOCAR) arasında ekspertlər səviyyəsində aparılır.

O həmçinin qeyd edib ki, birgə iri layihələrdən biri Slovakiya şirkətlərinin iştirakı ilə Qarabağda kəndin salınmasıdır:

"Əlbəttə ki, müdafiə sənayesi sahəsində əməkdaşlığımız da genişlənir".

Xatırladaq ki, Slovakiya Prezidenti Peter Pelleqrini iyulda Azərbaycana səfər etməyi planlaşdırır.

Avropa İttifaqı (Aİ) Azərbaycanla "Tərəfdaşlıq Prioritetləri"nin mətninin ilin sonunadək təsdiqlənəcəyinə ümid edir.

Bu barədə "Report"a Aİ-nin Azərbaycandakı səfiri Mariyana Kuyundziç bildirib.

Onun sözlərinə görə, Azərbaycan və Aİ "Tərəfdaşlıq Prioritetləri"nin mətninin razılaşdırılmasını ilkin olaraq başa çatdırıb və yeni ikitərəfli saziş üzrə danışıqları rəsmən bərpa ediblər:

"Sənəd Brüsselə göndəriləcək, bundan sonra onun təsdiqlənməsi ilə bağlı uzunmüddətli prosedur həyata keçiriləcək, lakin biz bu prosesi cari ilin sonunadək başa çatdırmağa ümid edirik".

M.Kuyundziç həmçinin deyib ki, tərəfdaşlıq və əməkdaşlıq sazişi üzrə danışıqlar artıq başlayıb:

"Söhbət razılaşdırılması vaxt tələb edən, kifayət qədər böyük həcmə malik çərçivə sənədindən gedir. İstənilən çərçivə sazişində olduğu kimi, bu da normal danışıqlar prosesidir".

Azərbaycanın Türkmənistandakı səfirliyi Müstəqillik Günü və Azərbaycanın Mədəniyyət Günləri münasibətilə qəbul təşkil edib.

Bu barədə "Report"un Qazaxıstan bürosu Azərbaycanın Türkmənistandakı səfirliyinə istinadən xəbər verir.

Azərbaycanın Türkmənistandakı səfiri Qismət Gözəlov çıxışında 108 il əvvəl Azərbaycan Xalq Cümhuriyyətinin (AXC) yaradılmasının tarixi əhəmiyyətindən danışıb.

O qeyd edib ki, cəmi 23 ay kimi qısa mövcudluq müddətinə baxmayaraq, Şərqdə ilk demokratik respublika olan AXC Azərbaycan xalqının müstəqilliyə və dövlətçiliyə can atmasını nümayiş etdirib.

Q.Gözəlov vurğulayıb ki, dövlət müstəqilliyinin bərpasından sonra Azərbaycan Ümummilli Lider Heydər Əliyevin rəhbərliyi altında sabitlik və inkişaf yoluna qədəm qoyub.

Onun sözlərinə görə, Prezident İlham Əliyevin rəhbərliyi altında ölkə dayanıqlı inkişafı davam etdirir və güclü dövlət kimi öz mövqelərini möhkəmləndirir.

XƏBƏR YENİLƏNİR

Avropa İttifaqı (Aİ) hazırda Azərbaycanın ən böyük ticarət tərəfdaşı və investorudur.

"Report"un Gəncəyə ezam olunmuş əməkdaşı xəbər verir ki, bunu Aİ-nin Azərbaycandakı səfiri Mariyana Kuyundziç "Avropa şəhərciyi - 2026" tədbirinin açılışında bildirib.

Onun sözlərinə görə, bu il Avropa İttifaqı və Azərbaycan tərəfdaşlığın 30 illiyini qeyd edir:

"Biz 1996-cı ildən əhəmiyyətli nəticələr əldə etmişik. Kənd təsərrüfatı və biznesin inkişafından tutmuş səhiyyə, təhsil, ətraf mühitin mühafizəsi və bir çox digər istiqamətlərə qədər ən müxtəlif sahələrdə yüzlərlə layihə həyata keçirilib. Avropa İttifaqı Azərbaycanın ən böyük ticarət tərəfdaşı və investoru olmağı ilə qürur duyur. Biz tərəfdaşlığımızın daha da möhkəmləndirilməsinə sadiqik".

O qeyd edib ki, "Avropa şəhərciyi" Avropaya açılan xüsusi bir pəncərədir və azərbaycanlılara Aİ və onun fəaliyyəti ilə daha yaxından tanış olmaq imkanı verir.

Tədbir Heydər Əliyev meydanında keçirilir. Ziyarətçilər üçün yaradıcı kollektivlərin çıxışları, interaktiv tədbirlər, viktorinalar, müsabiqələr, stolüstü oyunlar, uşaq proqramları və Avropa İttifaqı ölkələrinin təqdimatlarını özündə cəmləşdirən zəngin mədəni və təhsil proqramı hazırlanıb.

"Avropa şəhərciyi" çərçivəsində qonaqlar həmçinin Aİ-yə üzv dövlətlərin pavilyonlarına baş çəkə, onların mədəniyyəti, adət-ənənələri və Azərbaycanla əməkdaşlıq istiqamətləri ilə tanış ola bilərlər. Aİ nümayəndəliyi ilə yanaşı, tədbirdə Belçika, Bolqarıstan, Xorvatiya, Çexiya, Fransa, Almaniya, Yunanıstan, Macarıstan, Latviya, Litva, Niderland, Polşa, Rumıniya, Slovakiya, İspaniya və İsveç iştirak edir.

Avropa İttifaqı (Aİ) və Azərbaycan bu həftə yeni strateji tərəfdaşlıq sazişi üzrə məhsuldar danışıqlar raundu keçirib.

"Report"un Gəncəyə ezam olunmuş əməkdaşı xəbər verir ki, bu barədə Aİ-nin Azərbaycandakı səfiri Mariyana Kuyundziç Gəncə Şəhər İcra Hakimiyyətinin başçısı Niyazi Bayramovla görüşündə bildirib.

XƏBƏR YENİLƏNİR

Azərbaycan Prezidenti İlham Əliyev İsveçin Kralı Əlahəzrət XVI Karl Qustava təbrik məktubu ünvanlayıb.

"Report"un məlumatına görə, təbrikdə deyilir:

"Əlahəzrət,

İsveç Krallığının milli bayramı münasibətilə Sizi və Sizin simanızda bütün xalqınızı öz adımdan və Azərbaycan xalqı adından ürəkdən təbrik edir, Sizə möhkəm cansağlığı, xoşbəxtlik, xalqınıza daim firavanlıq diləyirəm".

Azərbaycan Xarici İşlər Nazirliyi (XİN) İsveç Krallığını milli bayramı münasibətilə təbrik edib.

"Report" xəbər verir ki, bu barədə XİN-in "X" sosial şəbəkəsindəki hesabında paylaşım edilib.

"İsveç Krallığının Milli Günü münasibətilə İsveç hökumətini və xalqını səmimi-qəlbdən təbrik edirik", - deyə payaşımda qeyd edilib.

Avropa İttifaqı (Aİ) - Qərbi Balkan ölkələri Sammiti çərçivəsində inkişaf planı, genişlənmə məsələsi müzakirə olunub.

"Report"un Balkan bürosu xəbər verir ki, bunu Avropa Komissiyasının Prezidenti Ursula fon der Lyayen Sammitindən sonra Tivatda Aİ Şurasının Prezidenti Antonio Koşta və Monteneqro Prezidenti Yakov Milatoviç ilə birlikdə keçirilən mətbuat konfransında deyib.

"Hamımız Qərbi Balkanların Avropa İttifaqına aid olduğunu təsdiqləyirik, bu, çox aydındır. Bu, yalnız gələcək vəd deyil, bizim etdiyimiz strateji bir seçimdir. Biz bu seçimi investisiyalar, daha sıx əməkdaşlıq və əlbəttə ki, birlikdə irəliləmək inamı vasitəsilə həyata keçiririk. Sammit çərçivəsin, əsasən, iki mövzunu müzakirə etdik. Birincisi inkişaf planı, ikincisi isə genişlənmə idi. İnkişaf planı ona görə vacibdir ki, bu, artıq müxtəlif sektorlar üzrə vahid bazara mərhələli inteqrasiyanı təmin edir. Biz vahid bazarın sektorlarını Qərbi Balkan şirkətləri üçün açırıq. Bunun müqabilində Qərbi Balkan ölkələri bərabər fayda şəraiti yaratmaq üçün islahatlar aparmalıdır".

AK Prezidenti hesab edir ki, bunlar çox konkret və praktik addımlardır:

"İndiyədək biz 675 milyon avro həcmində investisiya ayırmışıq. Növbəti tranş isə 540 milyon avro təşkil edir. Məsələn, bu vəsait 75 min ev təsərrüfatı üçün yüksək sürətli internet, dəmir yolunun elektrikləşdirilməsi və ya məktəbəqədər təhsil yerlərinin yaradılması kimi layihələrə yönəldilir. Bununla yanaşı, bu layihələr Qərbi Balkan biznes mühitinə də ciddi təsir göstərir. Məsələn, SEPA – Vahid Avro Ödəniş Məkanı artıq Qərbi Balkanların dörd ölkəsində tətbiq olunub".

Monteneqronun 2028-ci ilə qədər Avropa İttifaqının 28-ci üzv dövlətinə çevrilməsi məqsədi milli layihəyə çevrilib.

"Report"un Balkan bürosu xəbər verir ki, bunu Monteneqro Prezidenti Yakov Milatoviç Avropa İttifaqı-Qərbi Balkan ölkələri sammitindən sonra Tivatda Aİ Şurası Prezidenti Antonio Koşta və Avropa Komissiyasının Prezidenti Ursula fon der Lyayen ilə birlikdə keçirilən mətbuat konfransında deyib.

O qeyd edib ki, bu gün Monteneqro üçün böyük bir gündür:

"Avropa İttifaqı – Qərbi Balkan ölkələri Sammitinə ev sahibliyi etmək bizim üçün böyük şərəfdir. Bu tədbir ölkəmizin müasir tarixində ən mühüm diplomatik toplantı kimi yadda qalacaq. İlk dəfədir ki, Avropa İttifaqına üzv dövlətlərin liderləri, Avropa institutlarının rəhbərləri, eləcə də Qərbi Balkanlardakı tərəfdaşlarımız Monteneqroda bir araya gəliblər. Müstəqilliyimizi bərpa etdikdən sonra baş tutan bu görüşə xüsusi tarixi əhəmiyyət qazandıran da məhz budur. Bu gün isə Monteneqro Avropanı öz torpağında bir araya gətirir. Bu, seçdiyimiz yolun, nümayiş etdirdiyimiz siyasi yetkinliyin və üzərimizə götürdüyümüz məsuliyyətin güclü mesajı və təsdiqidir".

Prezidentin sözlərinə görə, sammit göstərir ki, genişlənmə siyasəti yenidən Avropa İttifaqının strateji prioritetinə çevrilib:

"O, Qərbi Balkanların Avropa perspektivinin canlı, etibarlı və əlçatan olduğunu nümayiş etdirən güclü bir mesaj verir. Monteneqro üçün bu, böyük etimadın göstəricisi olmaqla yanaşı, daha böyük məsuliyyət deməkdir. 2023-cü ildə keçirilən prezident və parlament seçkiləri Monteneqronun Avropa yoluna yeni təkan, yeni enerji və yenilənmiş etibarlılıq gətirdi. Həmin vaxtdan etibarən Monteneqronun 2028-ci ilə qədər Avropa İttifaqının 28-ci üzv dövlətinə çevrilməsi məqsədi milli layihəyə çevrilib. Bu layihənin dəqiq vaxt qrafiki, aydın yol xəritəsi və konkret məsuliyyət mexanizmi var".

Xarici işlər naziri Ceyhun Bayramov BMT-nin Ətraf Mühit Proqramının (UNEP) icraçı direktoru İnqer Anderson ilə görüşüb.

Bu barədə "Report"a Xarici İşlər Nazirliyindən (XİN) məlumat verilib.

Bildirilib ki, görüşdə Azərbaycan ilə UNEP arasında əməkdaşlıq gündəliyi, ətraf mühitin mühafizəsi, iqlim dəyişikliyi ilə mübarizə, biomüxtəlifliyin qorunması və dayanıqlı inkişaf məsələləri ətrafında fikir mübadiləsi aparılıb.

Ceyhun Bayramov Azərbaycanın qlobal iqlim fəaliyyətinə verdiyi töhfələr, Azərbaycanın ev sahibliyi etdiyi COP29 çərçivəsində əldə olunmuş nəticələr, habelə yaşıl enerji keçidi və ətraf mühitin mühafizəsi istiqamətində həyata keçirilən təşəbbüslər barədə məlumat verib. UNEP rəhbəri İnqer Anderson Azərbaycanın iqlim gündəliyinin irəlilədilməsi, beynəlxalq əməkdaşlığın təşviqi və ətraf mühit sahəsində çoxtərəfli səylərə verdiyi töhfələri yüksək qiymətləndirib.

Tərəflər COP29 irsinin təşviqi, iqlim maliyyələşdirilməsi, dayanıqlı şəhərlər, tullantıların idarə olunması, su ehtiyatlarının qorunması və biomüxtəliflik sahələrində əməkdaşlıq imkanlarını müzakirə ediblər. UNEP ilə Azərbaycan arasında birgə layihələrin və praktiki əməkdaşlığın genişləndirilməsinin əhəmiyyəti vurğulanıb.

Görüş zamanı həmçinin Azərbaycanın 2026-cı ildə Ümumdünya Ətraf Mühit Gününə ev sahibliyi etməsinin əhəmiyyəti qeyd olunub, bu çərçivədə qarşılıqlı fəaliyyət məsələləri nəzərdən keçirilib.

Ceyhun Bayramov işğal dövründə Azərbaycan ərazilərində ətraf mühitə vurulmuş ciddi zərər, o cümlədən meşələrin kütləvi şəkildə qırılması, təbii sərvətlərin qeyri-qanuni istismarı, su ehtiyatlarının çirkləndirilməsi və ekoloji tarazlığın pozulması barədə məlumat verib. Bununla yanaşı, mina təhdidinin insanların təhlükəsizliyinə, ətraf mühitə və bərpa-quruculuq prosesinə yaratdığı maneələr diqqətə çatdırılıb.

Nazir Xəzər dənizinin səviyyəsinin azalması ilə bağlı narahatlığını ifadə edərək, bu prosesin regionun ekosisteminə, biomüxtəlifliyinə, sahilyanı ərazilərə və iqtisadi fəaliyyətə göstərdiyi mənfi təsirlərə diqqət çəkib. O, sözügedən problemin həlli istiqamətində regional və beynəlxalq əməkdaşlığın gücləndirilməsinin, elmi əsaslı yanaşmaların tətbiqinin və birgə səylərin əhəmiyyətini vurğulayıb. UNEP tərəfindən hazırlanmış "Xəzər dənizi səviyyəsinin tərəddüdləri və iqlim dəyişmələri" adlı hesabatın faydaları qeyd olunub.

Tərəflər qarşılıqlı maraq doğuran digər regional və beynəlxalq məsələlər ətrafında da fikir mübadiləsi aparıblar.

Şimali Makedoniya Prezidenti Qordana Silyanovska-Davkova Azərbaycan Prezidenti İlham Əliyevə təbrik ünvanlayıb.

"Report" xəbər verir ki, təbrikdə deyilir:

"Zati-aliləri.

İcazə verin, Azərbaycan Respublikasının Müstəqillik Günü münasibətilə vətəndaşlarımız adından və öz adımdan Sizə səmimi təbriklərimi, ölkənizə və xalqınıza tərəqqi, xoşbəxtlik və rifah arzularımı çatdırım.

Əmin olduğumu bildirirəm ki, qarşıdakı dövrdə siyasi və iqtisadi əlaqələrimizi daha da möhkəmləndirməyə, həmçinin təhsil, mədəniyyət, turizm və enerji sahələrində əməkdaşlığı genişləndirməyə yönəlmiş birgə təşəbbüslər vasitəsilə ikitərəfli münasibətləri inkişaf etdirməyə davam edəcəyik.

Dünyanın üzləşdiyi geosiyasi çətinliklər dövründə beynəlxalq təşkilatlarda iştirakımızla qlobal sülhə və sabitliyə birgə töhfə verəcəyimizə qəti şəkildə inanıram.

Zati-aliləri, bu inamla və Sizin ölkəmizə səfər etməyiniz arzusu ilə ən yüksək ehtiramımı qəbul etməyinizi xahiş edirəm".

Portuqaliya Prezidenti Antoniu Joze Sequru Azərbaycan Prezidenti İlham Əliyevi təbrik edib.

"Report" xəbər verir ki, təbrikdə deyilir.

"Hörmətli cənab Prezident. Azərbaycan Respublikasının Müstəqillik Günü münasibətilə Zati-alinizə Portuqaliya xalqı adından və şəxsən öz adımdan səmimi təbriklərimi çatdırmaqdan böyük məmnunluq duyuram. Sizə şəxsi rifah arzulayır, Azərbaycan xalqına tərəqqi və firavanlıqla bağlı xoş diləklərimi bildirirəm.

Ölkənizin bütün vətəndaşları və dostları üçün çox əhəmiyyətli olan bu gündə Portuqaliyanın dövlətlərimizi və xalqlarımızı birləşdirən ikitərəfli dostluq və əməkdaşlıq əlaqələrinin möhkəmləndirilməsinə sadiqliyini bir daha vurğulayıram. Portuqaliyanın Bakıda və Azərbaycanın Lissabonda səfirliyinin açılmasının bu məqsədə mühüm töhfə verəcəyinə ümidvar olduğumu qeyd edirəm", - təbrikdə bildirilib.

Monteneqronun Avropa İttifaqı (Aİ) yolunda uğuru vacibdir, çünki bu, genişlənmə prosesinin real xarakter aldığını göstərir və bu səbəblə Aİ dəstəyini davam etdirəcək.

"Report"un Balkan bürosu xəbər verir ki, bunu Aİ Şurası Prezidenti Antonio Koşta Tivatda Aİ-Qərbi Balkan ölkələri sammitində deyib.

O qeyd edib ki, Brüsseldə keçirilən son sammitdən cəmi altı ay sonra yenidən görüşmək münasibətlərə göstərilən diqqəti təsdiqləyir və əldə olunan irəliləyişi qiymətləndirməyə imkan yaradır.

Avropa İttifaqı (Aİ) Naxçıvan Muxtar Respublikasında dəmir yolu infrastrukturunun bərpasını Azərbaycandakı əsas investisiya layihələrindən biri kimi nəzərdən keçirir.

"Report"un Gəncəyə ezam olunmuş müxbiri xəbər verir ki, bu barədə Aİ-nin Azərbaycandakı nümayəndəliyinin əməkdaşlıq şöbəsinin rəhbəri Viktor Bojkov brifiqində bildirib.

Xəbər yenilənir

Avropa İttifaqı (Aİ) Azərbaycanda səhiyyə, ekologiya, şəhər infrastrukturu və nəqliyyat sahələrində, o cümlədən Gəncə şəhərində layihələr həyata keçirir.

"Report"un Gəncəyə ezam olunmuş müxbiri xəbər verir ki, bu barədə Aİ-nin Azərbaycandakı Nümayəndəliyinin əməkdaşlıq şöbəsinin rəhbəri Viktor Bojkov mətbuat brifinqində bildirib.

Məlumat yenilənir...

Küveyt Dövlətinin Əmiri Şeyx Məşəl əl-Əhməd əl-Cabir əl-Sabah Prezident İlham Əliyevi təbrik edib.

"Report" xəbər verir ki, mətndə deyilir:

"Zati-aliləri.

Dost ölkənizin Müstəqillik Gününün növbəti ildönümü münasibətilə Sizə səmimi təbriklərimi çatdırmaqdan böyük məmnunluq duyuram. Fürsətdən istifadə edərək, dost ölkələrimiz və xalqlarımız arasında mövcud olan möhkəm əlaqələrin davamlı şəkildə inkişaf etməsini arzulayıram.

Zati-aliləri, Sizə uzun ömür, cansağlığı, Azərbaycan Respublikasına və onun dost xalqına davamlı tərəqqi və rifah arzularımı bildirirəm".

Azərbaycan Avropanın enerji təhlükəsizliyində böyük rol oynayır və Xorvatiyanın da enerji tərəfdaşıdır.

Bunu Avropa İttifaqı-Qərbi Balkan ölkələri sammiti üçün Tivatda olan Xorvatiya Baş naziri Andrey Plenkoviç "Report"un Balkan bürosuna açıqlamasında deyib.

O qeyd edib ki, enerji marşrutları, xüsusilə də Orta Dəhliz çərçivəsindəki marşrutlar bütün Avropa İttifaqının enerji təchizatının təhlükəsizliyi baxımından son dərəcə vacibdir:

"Azərbaycan və digər Qafqaz ölkələri, eləcə də Mərkəzi Asiya ölkələri bu sahədə mühüm rol oynayırlar. Buna görə də Xorvatiyanın həm Qafqaz, həm də Mərkəzi Asiya ölkələri enerji sahəsində əməkdaşlığı getdikcə genişlənir və inkişaf edir".

Rusiya xarici işlər nazirinin müavini Mixail Qaluzin Peterburq Beynəlxalq İqtisadi Forumu çərçivəsində azərbaycanlı dənizçilərin həlak olması ilə əlaqədar başsağlığı verib.

"Report" xəbər verir ki, bu barədə "News.ru" məlumat yayıb.

Xəbər yenilənir....

Avropa İttifaqı (Aİ) və Azərbaycan 30 il ərzində əməkdaşlığın inkişafında əhəmiyyətli nəticələr əldə edib.

"Report"un Gəncəyə ezam olunmuş müxbirinin məlumatına görə, bunu Aİ-nin Azərbaycandakı səfiri Mariyana Kuyundziç "Aİ Gənclər Müsabiqəsi" (EU Youth Competition) çərçivəsində bildirib.

Diplomat xatırladıb ki, bu il Avropa İttifaqı və Azərbaycan tərəfdaşlığın 30 illiyini qeyd edir.

"1996-cı ildən bəri biz əhəmiyyətli nəticələr əldə edə bilmişik. Bu dövr ərzində kənd təsərrüfatı, biznesin inkişafı, səhiyyə, ətraf mühitin qorunması və bir çox digər sahələrdə yüzlərlə layihə həyata keçirilib. Minlərlə tələbə Erasmus+ proqramı vasitəsilə Avropada təhsil almaq imkanı qazanıb", - səfir deyib.

Kuyundziç həmçinin Azərbaycan və Aİ ölkələrinin cəmiyyətləri arasında əlaqələrin möhkəmləndirilməsində gənclərin mühüm rolunu vurğulayıb. O qeyd edib ki, məhz belə tədbirlər və birgə təşəbbüslər sayəsində gənclər bir-birindən öyrənir və mədəniyyətlərarası dialoqun inkişafına töhfə verir.

Diplomatın sözlərinə görə, 2016-cı ildə Gəncə Avropa Gənclər Paytaxtı seçilib, həmçinin on il əvvəl elə bu şəhərdə "Avropa şəhərciyi" tədbiri keçirilib.

Bundan başqa, səfir tədbir iştirakçılarını oktyabrın 10-11-də Bakıda keçiriləcək təhsil sərgisini ziyarət etməyə dəvət edib.

Bolqarıstanın Baş naziri Rumen Radev yenidən Azərbaycana səfər etmək arzusunda olduğunu bildirib.

Bu barədə "Report"un Balkan bürosuna Radev Tivatda açıqlama verib.

"Ölkənizə səfər etmək üçün çalışacağam. Azərbaycan getmək istədiyim ən yaxşı yerlərdən biridir. Sizin gözəl ölkəniz var, burada çoxlu dostlar var və bolqarlar Azərbaycanda işləyərək iqtisadiyyata və idmanın inkişafına töhfə verirlər. Yenidən getmək istərdim. Azərbaycan bizim üçün dost ölkədir", - o qeyd edib.

Baş nazir vurğulayıb ki, Sofiya Bakı ilə qarşılıqlı əlaqələrin möhkəmləndirilməsinin tərəfdarıdır:

"Azərbaycanla münasibətlərimizin dərinləşməsinə çox şadıq. Sizi əmin edə bilərəm ki, bugünkü iclasın (Avropa İttifaqı (Aİ) və Qərbi Balkan ölkələrinin Tivatdakı Zirvə toplantısı - red.) qərarları da Azərbaycanla münasibətlərin inkişafını əks etdirəcək. Bolqarıstan Aİ və Azərbaycan arasında münasibətlərin gələcək inkişafının fəal tərəfdarıdır".

Radev həmçinin energetika sahəsində əməkdaşlığa toxunaraq əlavə edib ki, Bolqarıstan Azərbaycandan sabit təbii qaz tədarükünü yüksək qiymətləndirir.

"Bu razılaşma çox yaxşı işləyir. Bundan başqa, Azərbaycandan Gürcüstan və Türkiyədan, Bolqarıstandan keçməklə "yaşıl enerji dəhlizi"nin reallaşmasını gözləyirik. Biz bu layihə üzərində fəal işləyirik. Mən həmçinin Bolqarıstanın yaxşı dostu olan Prezident İlham Əliyevlə məzmunlu müzakirələr apardım. Ümid edirəm ki, biz birlikdə bu layihənin reallaşmasını görəcəyik", - o deyib.

Azərbaycan Xarici İşlər Nazirliyi (XİN) bu gün "CNN World" xəbər kanalının internet səhifəsində dərc olunmuş məqalədə Azərbaycan ərazisinin guya İrana qarşı hərbi və ya kəşfiyyat əməliyyatları üçün istifadə edilməsi, guya İsrailə məxsus qüvvələrin Azərbaycan ərazisində yerləşdirilməsi barədə əks olunmuş iddiaları tamamilə əsassız hesab edir və onları qətiyyətlə rədd edir.

"Report" xəbər verir ki, bu barədə Xarici İşlər Nazirliyinin mətbuat katibi Ayxan Hacızadə məsələni şərh edərkən deyib.

O qeyd edib ki, həmin məqalədə yer alan iddialar Azərbaycan tərəfindən dəfələrlə təkzib edilib və bu mövqe CNN-in sorğusuna cavab olaraq əvvəlcədən redaksiyaya rəsmi qaydada təqdim edilib:

"Heç bir tutarlı sübut ortaya qoyulmadan, anonim mənbələrə əsaslanan və Azərbaycanın rəsmi mövqeyini nəzərə almayan iddiaların yayımlanması jurnalistikanın obyektivlik, qərəzsizlik və peşəkar etika prinsipləri ilə ziddiyyət təşkil edir".

XİN nümayəndəsi əlavə edib:

"Dəfələrlə bəyan edildiyi kimi, Azərbaycan ərazisinin hər hansı üçüncü dövlətə qarşı hərbi əməliyyatlar, kəşfiyyat fəaliyyəti və ya digər düşmən xarakterli məqsədlər üçün istifadə edilməsi barədə iddiaların heç bir əsası yoxdur. Ölkəmiz bu kimi fəaliyyətlərə heç vaxt icazə verməyib və verməyəcək.

Azərbaycan regionda sülhün, sabitliyin və mehriban qonşuluq münasibətlərinin təşviqinə sadiqdir. Bu kimi əsassız və heç bir sübuta əsaslanmayan iddialar növbəti dezinformasiya cəhdidir. CNN-dən əsassız iddiaların yayıldığı bu məqalənin təkzib edilməsini gözləyirik".

Azov dənizində mayın 5-i gecə saatlarında iki xarici yük gəmisinin vurulması nəticəsində beş Azərbaycan vətəndaşı ölüb, üçü yaralanıb.

"Report" xəbər verir ki, bu barədə Xarici İşlər Nazirliyi (XİN) məlumat yayıb.

Bildirilib ki, heyətdə ümumilikdə 25 nəfər Azərbaycan vətəndaşı olub:

"Sözügedən xarici yük gəmisinə dron hücumları həyata keçirilib. Gəmilər Azərbaycan dövlətinə məxsus deyil. Hücum nəticəsində ümumilikdə 5 nəfər vətəndaşımızın həlak olduğu, 3 nəfərin isə yaralandığı barədə Rusiya tərəfindən müvafiq məlumat daxil olub. Yaralılar Yeysk şəhər xəstəxanasına yerləşdiriliblər".

Məlumatda qeyd olunub ki, hazırda, məsələ ilə bağlı XİN tərəfindən aidiyyəti dövlət qurumları, Azərbaycanın diplomatik nümayəndəlikləri, habelə müvafiq ölkələrin səlahiyyətli qurumları ilə əlaqələndirmə işləri həyata keçirilir:

"Rusiyadakı səfirliyimizin bir neçə nəfər əməkdaşı hadisə yerinə yola düşüblər. Vətəndaşlarımızın vəziyyəti, onların ölkəyə qaytarılması və zəruri konsulluq dəstəyinin göstərilməsi məsələləri diqqətdə saxlanılır. Həlak olanların ailələrinə və yaxınlarına dərin hüznlə başsağlığı verir, yaralananların tezliklə şəfa tapmasını arzulayırıq".

Azərbaycanın Slovakiyadakı səfiri Vüsal Abdullayev Azərbaycan milli komandasını minifutbol üzrə Avropa çempionatında qazandığı qələbə münasibətilə təbrik edib.

"Report"un məlumatına görə, diplomat bu barədə "X" sosial şəbəkəsində yazıb.

O qeyd edib ki, Azərbaycan millisi finalda Ukrayna komandasını məğlub edərək ikinci dəfə Avropa çempionu olub.

"Komanda bütün turnir boyu yüksək səviyyəli oyun nümayiş etdirib və bu uğura tam layiq olub", - səfir vurğulayıb.

O, həmçinin Azərbaycan Minifutbol Federasiyasını və onun prezidenti Orxan Məmmədovu, eləcə də Slovakiyada yaşayan azərbaycanlıları təbrik edərək, milli komandaya göstərdikləri fəal dəstəyə görə onlara təşəkkür edib.

Səfir Azərbaycan millisinə və Minifutbol Federasiyasına yeni qələbələr və nailiyyətlər arzulayıb.

Azərbaycan hökumətinin COP29, WUF13 kimi tədbirlərə ev sahibliyi hüquqi və ekoloji gündəmlərin qarşısının alınmasına nə qədər ciddi yanaşdığını nümayiş etdirir.

"Report" xəbər verir ki, bunu BMT-nin Məskunlaşma Proqramının (UN-Habitat) icraçı direktoru Anaklaudiya Rossbax BMT-nin Ətraf Mühit Proqramı (UNEP) ilə tərəfdaşlıq çərçivəsində Azərbaycanın ev sahibliyi etdiyi 5 iyun – Ümumdünya Ətraf Mühit Gününə həsr olunan tədbirə videomüraciətində deyib.

Onun sözlərinə görə, yerli əhali davamlı şəhər inkişafının əsas sütunu kimi mənzil məsələsini önə çıxarır və inklüziv, əlçatan, iqtisadi baxımdan sərfəli və yerli şəraitə uyğun həllərə doğru çağırışı edir:

"Bu yanaşma təbiətə əsaslanan həllərə yeni öhdəlik, daha yaşıl şəhər məkanları üçün sağlam ekosistemlərin yaradılması və dayanıqlığın gücləndirilməsini tələb edir. Beləliklə, insan məskənləri təkcə ətraf mühitə təsiri azaltmır, həm də dayanıqlı icmalar qurur".

Slovakiyanın Bakıdakı səfiri Elçin Qasımov minifutbol üzrə Avropa çempionatının qalibi olan Azərbaycan millisini təbrik edib.

"Report" xəbər verir ki, bu barədə o, "X" sosial şəbəkəsindəki hesabında paylaşım edib.

"Minifutbol üzrə Azərbaycan millisini qızıl medal münasibətilə təbrik edirəm. Çempion titulunun Slovakiyada qazanılması xüsusilə xoşdur. Layiqli qələbədir", - o yazıb.

BMT-nin Ətraf Mühit Proqramı (UNEP) hökumətlərlə birlikdə çalışaraq insanların həyatını xilas etməyə, qorumağa və iqtisadiyyatları gücləndirməyə sadiqdir.

"Report" xəbər verir ki, bunu Birləşmiş Millətlər Təşkilatının Baş katibi Antonio Quterreş BMT-nin Ətraf Mühit Proqramı (UNEP) ilə tərəfdaşlıq çərçivəsində Azərbaycanın ev sahibliyi etdiyi 5 iyun – Ümumdünya Ətraf Mühit Gününə həsr olunan tədbirə videomüraciətində deyib.

Onun sözlərinə görə, karbon emissiyaları kəskin şəkildə azaldılmalı, bərpa olunan enerji mənbələrinə keçidi sürətləndirməlidir:

"Daha dayanıqlı və daha ucuz enerji həllərini tətbiq etməli və real enerji təhlükəsizliyini təmin etməliyik. Vurğulamaq istəyirəm ki, buna nail olmağın ən sürətli və ən sərfəli yolu artıq məlumdur və işlək həllər mövcuddur. Meşələrin, torpaqların və dənizlərin qorunması, icmaların hər il daha da dağıdıcı təsir göstərən iqlim dəyişikliklərinə uyğunlaşmasına kömək edilməsi vacibdir".

Çexiyanın Baş naziri Andrey Babiş Ukrayna Prezidenti Volodimir Zelenski ilə Azərbaycan nefti və qazının Ukrayna ərazisindən nəqli məsələsini müzakirə edib.

Bu barədə Baş nazir "Report"un Balkan bürosuna müsahibəsində bildirib.

"İrəvanda görüşümüz zamanı (Avropa Siyasi Birliyinin sammitində, - red.), Prezident Zelenskidən Azərbaycan nefti və qazının Ukrayna ərazisindən nəqlinə icazə verib-verməyəcəyini soruşdum. O, bunun mümkün olduğunu söylədi", - Babiş deyib.

O qeyd edib ki, Çexiya Azərbaycanla qaz tədarükünə dair əldə olunmuş "bütün razılaşmaları yerinə yetirməlidir.

"Hazırda Azərbaycan nefti və qazına böyük tələbat var və biz əvvəllər əldə etdiyimiz razılaşmaları həyata keçirməyə çalışırıq. Bu, bizim üçün vacibdir, çünki yanacağı Bratislavadakı neft emalı zavodundan (Macarıstanın MOL qrupuna məxsusdur - red.) alırıq. Çexiya yanacağın təxminən 30 %-ni idxal edir, buna görə də bu xammalın tədarükü böyük əhəmiyyət kəsb edir", - Babiş vurğulayıb.

Prezident İlham Əliyev Azərbaycanın ev sahibliyi ilə Birləşmiş Millətlər Təşkilatının Ətraf Mühit Proqramı (UNEP) ilə tərəfdaşlıq çərçivəsində Bakıda keçirilən Ümumdünya Ətraf Mühit Gününün (WED) iştirakçılarına müraciət ünvanlayıb.

"Report" xəbər verir ki, mətndə deyilir:

"Hörmətli iştirakçılar,

Hamınızı Ümumdünya Ətraf Mühit Günü münasibətilə səmimi-qəlbdən təbrik edirəm.

Azərbaycanın regionda ilk dəfə olaraq bu qlobal tədbirə ev sahibliyi etməsi mühüm hadisədir. Bu, Azərbaycanın beynəlxalq səviyyədə ətraf mühitin mühafizəsi ilə bağlı maarifləndirmənin artırılması sahəsində fəal roluna və planetimizi qorumaq naminə kollektiv səylərə verdiyi töhfəsinə yüksək qiymətin göstəricisidir.

XXI əsrdə ətraf mühitin mühafizəsi beynəlxalq ictimaiyyətin ortaq məsuliyyətidir. İqlim dəyişmələrinin ildən-ilə artan dağıdıcı fəsadları, təbii sərvətlərin, o cümlədən su ehtiyatlarının sürətlə tükənməsi, biomüxtəlifliyin azalması, torpaqların deqradasiyası, çirklənmə və kəskin istilər bir-biri ilə əlaqəli və təxirəsalınmaz tədbirlər tələb edən proseslərdir.

Planetimizin üzləşdiyi ekoloji problemlər təkcə ekosistemlərə deyil, həm də dayanıqlı inkişafa, insan sağlamlığına, həyat şəraitinə və ölkələrin tərəqqisinə ciddi təsir göstərir. Gələcək nəsillərin rifahı bu gün bizim bu çağırışların öhdəsindən gəlmək bacarığımızdan asılıdır.

Biz Azərbaycanda bu öhdəliyə tam məsuliyyətlə yanaşır və ətraf mühitin mühafizəsi sahəsində genişmiqyaslı layihələr həyata keçiririk.

Bu gün ölkə ərazisində həm daşqınların, həm də quraqlığın artdığını müşahidə edirik. Su qıtlığı təkcə Azərbaycan üçün deyil, bütün region üçün ciddi narahatlıq doğuran məsələdir. Xəzər dənizinin səviyyəsinin son iki yüzillik ərzində qeydə alınan tarixi minimum səviyyəyə yaxınlaşması problemin ciddiliyinin bariz göstəricisidir.

Təmiz ətraf mühit və "yaşıl artım" hədəfi 2030-cu ilə qədər Azərbaycanın sosial-iqtisadi inkişafına dair beş əsas milli prioritetdən biri kimi müəyyən edilmişdir. Bu prioritetə uyğun olaraq, yaşıllıqların və meşə sahələrinin artırılması, su ehtiyatlarından və dayanıqlı enerji mənbələrindən səmərəli istifadənin təmin edilməsi və tullantıların idarə olunması məqsədilə müasir infrastrukturun yaradılması üçün məqsədyönlü səylər göstərilir.

Biomüxtəlifliyin qorunması məqsədilə Azərbaycanda xüsusi mühafizə olunan təbiət əraziləri genişləndirilir. Bir çox relikt, həmçinin regional və yerli endemik flora növləri ilə zəngin, nadir meşə massivi olan Hirkan meşələri Azərbaycanın UNESCO-nun Ümumdünya İrs Siyahısına daxil edilmiş ilk təbiət ərazisidir.

Əfsuslar olsun ki, təxminən 30 il ərzində işğal altında olan ərazilərimiz ekosidə və urbisidə məruz qalmış və bu da həmin ərazilərdə ekoloji tarazlığın pozulmasına səbəb olmuşdu. Bundan əlavə, işğal olunmuş ərazilərdə basdırılmış çoxsaylı minalar bu gün də ciddi ekoloji ziyan vurmaqda davam edir.

Ərazilərimizin işğaldan azad edilməsindən dərhal sonra Azərbaycan Qarabağ və Şərqi Zəngəzur iqtisadi rayonlarında genişmiqyaslı yenidənqurma və bərpa işlərinə başlamışdı. "Ağıllı şəhər" və "Ağıllı kənd" konsepsiyalarına uyğun olaraq infrastrukturun yenidən qurulması, yaşıl enerji layihələrinin həyata keçirilməsi və müasir texnologiyaların tətbiqi yerli ekosistemin bərpasına töhfə verəcək.

Eyni zamanda, yaşıl enerji zonaları elan edilmiş Qarabağ və Şərqi Zəngəzur günəş, külək və su elektrik resursları da daxil olmaqla geniş bərpaolunan enerji potensialına malikdir. Yaşıl enerjinin inkişaf etdirilməsi Azərbaycanın dövlət siyasətinin prioritetləri sırasındadır.

Hörmətli iştirakçılar,

"Təbiətdən ilhamlanaraq. İqlim naminə. Gələcəyimiz naminə" qlobal çağırış adı altında keçirilən builki Ümumdünya Ətraf Mühit Günü iqlim fəaliyyəti və təbiət arasında qarşılıqlı əlaqənin gücləndirilməsinə təcili ehtiyac olduğunu vurğulayır.

Bu gün iqlim böhranının sərhəd tanımayan fəsadları beynəlxalq əməkdaşlığın gücləndirilməsini zəruri edir. Azərbaycan COP29-a sədrliyi dövründə iqlim diplomatiyası və çoxtərəfli dialoq üçün mühüm platforma təmin etmiş, inkişaf etməkdə olan və inkişaf etmiş ölkələr arasında körpü qurmaqla qlobal həmrəyliyi daha da gücləndirmişdi. Azərbaycanın COP mirasını təşkil edən "Bakı sıçrayışı" tarixi qərarlarla yadda qaldı.

COP29-dan bu günədək iqlim liderliyimiz davam etmiş və Azərbaycan Ümumdünya Şəhərsalma Forumunun tarixində ən genişmiqyaslı, sayca 13-cü sessiyasına ev sahibliyi etmişdi. Tədbir "Bakı Fəaliyyətə Çağırış" sənədinin qəbul edilməsi ilə nəticələnmişdir. Sənəddə beynəlxalq əməkdaşlığın gücləndirilməsinə və hər kəs üçün dayanıqlı, əlçatan və iqlimə davamlı mənzil təminatı üçün konkret addımların atılmasına zərurət olduğu vurğulanır.

Azərbaycan gələcək nəsillərə yaşıl və dayanıqlı bir dünya miras qoymaq məqsədilə çoxtərəfli əməkdaşlığı bundan sonra da təşviq edərək qlobal ekoloji gündəliyin irəlilədilməsində fəal rol oynamağa davam edəcək.

Tədbirin işinə uğurlar arzulayıram".

11:23

Prezident İlham Əliyev Azərbaycanın ev sahibliyi ilə Birləşmiş Millətlər Təşkilatının Ətraf Mühit Proqramı (UNEP) ilə tərəfdaşlıq çərçivəsində Bakıda keçirilən Ümumdünya Ətraf Mühit Gününün (WED) iştirakçılarına müraciət ünvanlayıb.

"Report" xəbər verir ki, mətni Prezidentin iqlim məsələləri üzrə nümayəndəsi Muxtar Babayev oxuyub.

Azərbaycan Xarici İşlər Nazirliyi (XİN) Danimarkanı milli bayramı münasibətilə təbrik edib.

"Report"un məlumatına görə, bununla bağlı nazirliyin "X" sosial şəbəkəsindəki rəsmi səhifəsində paylaşım edilib.

"Danimarka Krallığının Milli Günü münasibətilə ölkə hökuməti və xalqını səmimi qəlbdən təbrik edirik", - paylaşımda qeyd olunub.

Azərbaycanın Tacikistandakı Səfirliyi Düşənbədə Azərbaycanın Müstəqillik Günü münasibətilə rəsmi qəbul keçirilib.

"Report"un Qazaxıstan bürosunun məlumatına görə, tədbirdə Tacikistanın sənaye və yeni texnologiyalar naziri Şerali Kabir, Tacikistan Prezidentinin xarici siyasət məsələləri üzrə köməkçisi Azamşo Şarifi, Tacikistan-Azərbaycan parlamentlərarası dostluq qrupunun həmsədri Qayrat Əzizzadə, Tacikistan hökumətinin və parlamentinin, Xarici İşlər Nazirliyinin və digər dövlət qurumlarının nümayəndələri, Düşənbədə akkreditə olunmuş diplomatik missiyaların rəhbərləri və əməkdaşları, ictimaiyyətin və işgüzar dairələrin nümayəndələri, həmçinin Tacikistanda yaşayan azərbaycanlılar iştirak ediblər.

Tədbirdə Azərbaycanın Tacikistandakı səfiri Əlimirzamin Əskərov çıxış edib.

Diplomat 108 il əvvəl müsəlman Şərqində yaradılan ilk demokratik, hüquqi, dünyəvi respublika olan Azərbaycan Xalq Cümhuriyyətinin tarixi əhəmiyyətindən danışıb.

Səfir həmçinin Azərbaycanın müstəqilliyini bərpa etdikdən sonra qazandığı nailiyyətləri, Ümummilli Lider Heydər Əliyevin dövlət quruculuğunda xüsusi rolunu, eləcə də bu kursun Prezident İlham Əliyev tərəfindən uğurla davam etdirildiyini qeyd edib.

Ə.Əskərov vurğulayıb ki, bu gün Azərbaycan öz mövqelərini möhkəmləndirib, siyasi, iqtisadi və hərbi qüdrətə sahib olub, eləcə də beynəlxalq arenada yüksək nüfuz qazanıb.

Çıxışı zamanı diplomat həmçinin 17-22 may tarixlərində Bakıda Ümumdünya Şəhərsalma Forumunun 13-cü sessiyasının (WUF13) uğurla keçirildiyini qeyd edib. O vurğulayıb ki, bu, Azərbaycanın etibarlı beynəlxalq tərəfdaş kimi nüfuzunun göstəricisidir.

Səfir iştirakçıları Azərbaycanın azad edilmiş ərazilərində aparılan tikinti-bərpa işlərinin gedişatı barədə məlumatlandırıb.

Ə.Əskərov həmçinin Birinci Qarabağ müharibəsi zamanı itkin düşmüş şəxslər ilə bağlı məsələyə və bu gün Azərbaycanın hələ də üzləşdiyi mina təhlükəsinə toxunub.

İkitərəfli münasibətlərdən danışan diplomat vurğulayıb ki, dövlət başçıları arasındakı xüsusi və etimada əsaslanan münasibətlər Azərbaycan və Tacikistan arasında əlaqələrin inkişafına güclü təkan verir.

Ziyafətdə Tacikistan Dövlət Akademik Opera və Balet Teatrının solisti Doston Xolovun ifasında Azərbaycan musiqiləri səsləndirilib, Azərbaycan-Tacikistan münasibətlərinə həsr olunan sərgi təqdim edilib, ölkə ilə bağlı videoçarxlar nümayiş olunub. Qonaqlara Azərbaycanın milli mətbəxinin nümunələri təqdim edilib.

Pakistan Azərbaycanın 2026-cı ildə Ümumdünya Ətraf Mühit Gününün keçirilməsində oynadığı rolu yüksək qiymətləndirir.

"Report"un məlumatına görə, bu barədə Pakistan Xarici İşlər Nazirliyinin "X" sosial şəbəkəsindəki rəsmi səhifəsində bildirilib.

Rusiya və Azərbaycan münasibətləri həmişə çox yaxşı olub, və belə də qalmağa davam edir.

"Report" TASS-a istinadən xəbər verir ki, bu barədə Rusiyanın Prezidenti Vladimir Putin dünyanın aparıcı informasiya agentliklərinin rəhbərləri ilə görüşündə bildirib.

"Rusiya Federasiyası və Azərbaycan münasibətlərini çox yaxşı qiymətləndirirəm. Bizim Azərbaycanla xoş münasibətlərimiz həmişə olub və indi də belədir. Həm iqtisadiyyatda, həm də siyasi sahədə. Biz bir neçə il əvvəl strateji qarşılıqlı fəaliyyət haqqında müqavilə imzaladıq. Bu münasibətlər də beləcə inkişaf edir ", - Rusiya lideri qeyd edib.

"VFS Global" ilə əməkdaşlıq çərçivəsində Azərbaycanda və BƏƏ-də Monteneqronun yeni viza müraciət mərkəzləri fəaliyyətə başlayıb.

"Report"un Balkan bürosu xəbər verir ki, bu barədə Monteneqeo Xarici İşlər Nazirliyi məlumat yayıb.

Qeyd olunub ki, uzunmüddətli və qısamüddətli viza müraciətçiləri artıq Abu-Dabi, Dubay və Bakıdakı "VFS Global" mərkəzlərində müraciətlərini daha rahat şəkildə təqdim edə bilərlər.

Xatırladaq ki, iyunun 1-də Monteneqro hökuməti Azərbaycan vətəndaşlarının bu Balkan ölkəsinə giriş vizası alması üçün zəruri qaydalar barədə məlumat yayıb. Bildirilib ki, həm turist, həm də iş vizaları üçün sənədlərin təqdim edilməsi məqsədilə Azərbaycan vətəndaşları "VFS Global" viza mərkəzinə müraciət etməli olacaqlar.