Ukrayna Silahlı Qüvvələrinin “Su-27” qırıcı təyyarəsi Rusiya Ordusunun pilotsuz uçuş aparatlarının operatorlarının da yerləşdiyi komanda məntəqəsinə zərbə endirib.
Bu barədə Ukrayna Hərbi Hava Qüvvələrinin Oleksandr Dovxaç adına 39-cu Taktiki Aviasiya Briqadası məlumat verib.
Briqadanın açıqlamasına görə, Ukrayna hərbi aviasiyasının pilotu Rusiya qoşunlarının şəxsi heyətinin, o cümlədən dron operatorlarının yerləşdiyi idarəetmə məntəqəsini hədəfə alıb.
Məlumata görə, əməliyyat zamanı “Su-27”nin ekipajı iki idarəolunan aviasiya bombası tətbiq edib. Zərbənin dəqiq icra olunduğu və hədəfin məhv edildiyi bildirilib.
Ukrayna tərəfinin yaydığı məlumata əsasən, hücum nəticəsində komanda məntəqəsi tamamilə sıradan çıxarılıb.
Briqada həmçinin obyektin daxilində olan Rusiya hərbçilərinin zərərsizləşdirildiyini açıqlayıb. 39-cu Taktiki Aviasiya Briqadası əməliyyatın konkret olaraq harada həyata keçirildiyini və zərbənin hansı vaxtda endirildiyini açıqlamayıb.
Qeyd edək ki, Ukrayna və Rusiya arasında davam edən müharibədə pilotsuz uçuş aparatlarının tətbiqi və onların idarə olunduğu məntəqələrin məhv edilməsi tərəflərin əsas hədəflərindən biridir.
Rusiya tərəfi isə bu hücumla bağlı hər hansı açıqlama verməyib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
ABŞ-nin vitse-prezidenti Cey Di Vens neft qiymətlərinin aşağı saxlanılmasını Vaşinqtonun İranla qarşıdurmada əsas məqsədi adlandırıb.
Bu barədə o, "Fox News" telekanalının efirində bildirib.
"Bilirəm ki, bu gün neft ucuzlaşıb və o, münaqişənin əvvəlindəki maksimumlardan çox aşağıdır. Bir nömrəli məqsəd bütün ölkəmiz üzrə amerikalılar üçün neft və qazı ucuz saxlamaqdır", – deyə Vens bildirib.
Onun sözlərinə görə, ikinci məqsəd İranın heç vaxt öz nüvə silahına malik olmayacağına dair zəmanət əldə etməkdir.
Bundan əvvəl Vens bildirmişdi ki, son günlər Tehranla aparılan danışıqlarda müəyyən irəliləyişə nail olunub. Onun sözlərinə görə, İran münaqişənin başa çatmasında maraqlıdır, lakin danışıqların nəticəsi Vaşinqtonu qane edəcək şərtləri qəbul etmək bacarığından asılı olacaq.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Azərbaycan və Türkmənistan prezidentləri Şuşa şəhərindəki birinci yaşayış kompleksində - Baku TV
İyunun 23-də Azərbaycan Respublikasının Prezidenti İlham Əliyev və Türkmənistan Prezidenti Sərdar Berdiməhəmmədov Şuşa şəhərində inşa edilmiş birinci yaşayış kompleksində olublar.
Şuşa rayonunda Azərbaycan Respublikası Prezidentinin xüsusi nümayəndəsi Aydın Kərimov Türkmənistan Prezidentinə kompleks barədə məlumat verib.
Bildirilib ki, təməli 2021-ci ildə dövlət başçısı tərəfindən qoyulan və ümumi sahəsi 8 hektara yaxın olan bu kompleksdə 23 bina inşa edilib. Yaşayış kompleksindəki 450 mənzildən 28-i birotaqlı, 195-i ikiotaqlı, 190-ı üçotaqlı, 30-u dördotaqlı, 7-si isə beşotaqlıdır.
Kompleksdə keçmiş məcburi köçkünlər, həmçinin xidməti mənzillərdə Şuşa şəhərində müxtəlif dövlət qurumlarında çalışan şəxslər yaşayırlar. Burada genişmiqyaslı abadlıq-quruculuq işləri görülüb, yaşıllıqlar salınıb, sakinlərin rahatlığı və istirahəti üçün hər cür şərait yaradılıb.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
"Bütün sakinlər bezib, elə bil evin içindədir!" | Yeni Günəşlidəki parkda nə baş verir? - Baku TV
Bakının Yeni Günəşli qəsəbəsində yerləşən “Ana-bala parkı”nda aparılan işlər narazılığa səbəb olub.
Uzun illərdir hasarlanmış ərazidə park salınacağı bildirilsə də, sakinlər burada çoxmərtəbəli binanın tikildiyini iddia edirlər.
Sakinlərin sözlərinə görə, ərazidə aparılan işlər gündəlik həyatlarına ciddi təsir göstərir.
“Yalandan şəkil vurublar ki, park olacaq. Bütün sakinlər bezib, elə bil evin içində iş görürlər”, – deyə sakinlərdən biri bildirib.
Suraxanı Rayon İcra Hakimiyyətindən verilən məlumata görə, həmin ərazidə təmir-bərpa işləri aparılır və park yaxın vaxtlarda sakinlərin istifadəsinə veriləcək:
“Bina tikintisi üçün nəzərdə tutulan hissə xüsusi mülkiyyətdə olan ərazidir və burada Dövlət Şəhərsalma və Arxitektura Komitəsinin müvafiq icazəsi əsasında çoxmərtəbəli yaşayış binasının tikintisinə hazırlıq işləri görülür. Bu ərazinin parka heç bir aidiyyəti yoxdur”.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Türkmənistanın Füzulidə inşa etdiyi məscid barədə Sərdar Berdiməhəmmədova məlumat verildi - Baku TV
İyunun 23-də Azərbaycan Respublikasının Prezidenti İlham Əliyev və Türkmənistan Prezidenti Sərdar Berdiməhəmmədov Füzuli şəhərinin dağıdılmış yerlərinə baxıblar.
Ağdam, Füzuli və Xocavənd rayonlarında Prezidentin xüsusi nümayəndəsi Emin Hüseynov 30 illik işğal dövründə Füzuli rayonunun ərazisində Ermənistan silahlı qüvvələri tərəfindən törədilmiş dağıntılar, vandalizm aktları, həmçinin şəhərin Baş planına uyğun olaraq həyata keçirilən və nəzərdə tutulan işlər barədə Türkmənistan Prezidentinə məlumat verib.
Bildirilib ki, vaxtilə sıx məskunlaşmış və inkişaf edən Füzuli şəhəri erməni işğalı zamanı tamamilə talan edilərək viran qoyulub. İşğaldan azad ediləndən sonra qısa müddətdə şəhərin Baş planı hazırlanıb və dövlət başçısı tərəfindən təsdiqlənib.
Füzuli böyük nəqliyyat-logistika potensialına malik olmaqla Qarabağ və Şərqi Zəngəzur iqtisadi rayonlarının əsas nəqliyyat arteriyalarının kəsişməsində yerləşir. Ümumi sahəsi 2 min hektara yaxın olan Füzuli şəhərinin Baş planına əsasən, 2040-cı ilə qədər burada 50 min nəfərin yaşaması nəzərdə tutulur.
Müasir şəhərsalma standartlarına uyğun yenidən qurulan Füzulidə "Ağıllı şəhər" konsepsiyası tətbiq olunacaq.
Ali qonağa Türkmənistan tərəfindən Füzulidə inşa olunan məscid barədə də məlumat verilib.
Qeyd edilib ki, bu məscidin təməlini Prezident İlham Əliyev, Türkmənistan Xalq Məsləhətinin sədri Qurbanqulu Berdiməhəmmədov və Türk Dövlətləri Təşkilatının Dövlət Başçıları Şurasının ötən ilin oktyabrında Qəbələdə keçirilmiş 12-ci Zirvə Görüşündə iştirak edən digər dövlət və hökumət başçıları onlayn formatda qoyublar.
Məscid kompleksinin ümumi ərazisi 1 hektardan çoxdur. Məscidin hər biri 40 metrdən ibarət 2 minarəsi olacaq. Əsas günbəzin hündürlüyü isə 30 metr təşkil edəcək. Məsciddə eyni vaxtda 500 nəfər ibadət edə biləcək.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
İlham Əliyev Sərdar Berdiməhəmmədovu Füzuli Beynəlxalq Hava Limanında qarşıladı - Baku TV
Azərbaycanda dövlət səfərində olan Türkmənistan Prezidenti Sərdar Berdiməhəmmədov iyunun 23-də Füzuli rayonuna gedib.
Füzuli Beynəlxalq Hava Limanında Türkmənistan Prezidentinin şərəfinə fəxri qarovul dəstəsi düzülüb.
Sərdar Berdiməhəmmədovu Prezident İlham Əliyev qarşılayıb.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Regionun taleyini dəyişəcək proses | Bakı və Ankaradan tarixi layihə - BİZDƏN NƏ DANIŞIRLAR?
“Bizdən nə danışırlar?” verilişinin yeni buraxılışı yayımlanıb.
Verilişdə bildirilib ki, xarici mediada ötən həftə Azərbaycan və Türkiyənin Avropanın enerji təhlükəsizliyinin gücləndirilməsi istiqamətində həyata keçirdiyi yeni təşəbbüslər, eləcə də Ermənistan-Azərbaycan sülh prosesi geniş müzakirə olunub.
Qeyd edilib ki, Rumıniyanın “Curs De Guvernare” nəşri TANAP layihəsinin analoqu olacaq yeni elektrik enerjisi dəhlizinin yaradılması üzərində iş aparıldığını yazıb.
Nəşrdə bildirilib ki, layihə Azərbaycanın enerji resurslarının Türkiyə vasitəsilə Avropa bazarlarına çatdırılmasını nəzərdə tutur və Azərbaycan, Gürcüstan, Türkiyə, Bolqarıstan, eləcə də digər Cənub-Şərqi Avropa ölkələri arasında enerji əlaqələrinin gücləndirilməsinə xidmət edəcək.
Verilişdə ABŞ Dövlət katibi Mark Rubionun TRIPP layihəsi ilə bağlı açıqlamalarına da yer verilib.
Bildirilib ki, Rubio layihəni Ermənistan və Azərbaycan arasında sülh sazişinin lövbəri və inqilabi təşəbbüs kimi qiymətləndirib, ABŞ-nin bu prosesdə fəal iştirak etdiyini, imzalanmış müqavilənin Amerika şirkətlərinin, eləcə də regional tərəfdaşların maraqları naminə yeni investisiya imkanları yaradacağını vurğulayıb.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Ceyhun Bayramov mətbuat konfransında vətəndaşlara çağırış etdi - Baku TV
Rusiya-Ukrayna münaqişəsi başqa region ölkələrinə qlobal mənada ciddi təhdid yaradır.
Bunu Azərbaycan xarici işlər naziri Ceyhun Bayramov Türkiyə-Azərbaycan-Gürcüstan xarici işlər nazirlərinin 10-cu görüşü çərçivəsində baş tutan mətbuat konfransında jurnalistlərin suallarını cavablandırarkən deyib.
"Azərbaycan və digər qardaş ölkə vətəndaşlarına müraciət edərək demək istəyirəm ki, hərbi münaqişə zonalarından uzaq dursunlar", – deyə nazir vurğulayıb.
O, üç gün bundan öncə Azovda iki gəmiyə dron hücumu zamanı 4 Azərbaycan vətəndaşının həlak olması, dördünün yaralandığını xatırladıb və qeyd edib ki, savaş davam etdikcə belə hallardan sığortalanmaq mümkün deyil. Ceyhun Bayramov bildirib ki, hərbi münaqişələrin təsirlərini müəyyən coğrafi çərçivədə saxlamaq olduqca çətindir.
Nazir qeyd edib ki, Azərbaycan hər zaman müharibələrin dayandırılmasının, atəşkəsə nail olunmasının və problemlərin diplomatik-siyasi yollarla həllinin vacibliyini vurğulayır.
Ceyhun Bayramov beynəlxalq ictimaiyyətin münaqişələrin dinc yolla həlli istiqamətində səylərini artırmasının vacibliyini diqqətə çatdırıb.
"Onu tam bir coğrafiya daxilində, hansısa qaydalar şərtində saxlamaq və proqnozlaşdırmaq çətindir. Azərbaycan dövləti olaraq savaşın dayanması, onun diplomatik və siyasi həllinin tapılması, ilkin mərhələdə atəşkəsin əldə edilməsi, daha sonra davamlı sülh üçün addımların önəmini qeyd edirik", – deyə nazir vurğulayıb.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Uşaqların sosial şəbəkələrdən istifadəsi məhdudlaşdırılır? - Baku TV
Azərbaycanda uşaqların sosial şəbəkələrdən istifadəsi ilə bağlı yeni qaydalar gündəmə gəlib.
Təklifə əsasən, sosial media platformalarında fərdi hesab açmaq yaşı 16-dan başlamalıdır. 16-18 yaş arası yeniyetmələr isə yalnız valideynin və ya qanuni nümayəndənin razılığı ilə hesab yarada biləcəklər. Əsas məqsəd uşaqları zərərli kontentdən, bullinqdən, manipulyativ çağırışlardan, cinsi istismar risklərindən və psixoloji təsirlərdən qorumaqdır.
Qanun layihəsində sosial platformalar üçün də konkret tələblər nəzərdə tutulur. Platformalar yaşın doğrulanması mexanizmlərini tətbiq etməli, azyaşlılarla bağlı toplanan fərdi məlumatlardan kommersiya məqsədilə istifadə etməməli və dövlət qurumlarına hesabat təqdim etməlidir.
Müzakirə olunan dəyişikliklərdə diqqətçəkən məqamlardan biri də 16-18 yaşlı istifadəçilər üçün sonsuz sürüşdürmə və avtomatik video oynatma kimi asılılıq yarada bilən texnoloji mexanizmlərin məhdudlaşdırılmasıdır. Çünki mütəxəssislər hesab edirlər ki, xüsusilə qısa video formatları uşaqlarda diqqət dağınıqlığına, informasiyanın səthi qavranılmasına və yaddaş problemlərinə səbəb ola bilər.
Ancaq məsələ yalnız qadağa ilə bitmir. Ekspertlər bildirirlər ki, sosial şəbəkələrə yaş məhdudiyyəti tətbiq olunacağı təqdirdə bu addım geniş ictimai müzakirələr, valideynlərin maarifləndirilməsi və məktəblərdə media savadlılığı proqramları ilə tamamlanmalıdır. Çünki rəqəmsal təhlükəsizlik təkcə dövlətin deyil, ailənin və təhsil sisteminin də birgə məsuliyyətidir.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
“Bizi ana-bala bilirlər” | Əlil cütlüyün qınaqlara qalib gələn sevgisi - ARZUNUN VAXTI
“Arzunun vaxtı” verilişinin yeni buraxılışında Ruhlan Ərşadoğlu və Şəlalə Vahabova cütlüyü öz həyat hekayələrini danışıblar.
Ruhlan Ərşadoğlu bu evliliyin onun ikinci ailəsi olduğunu, birinci nikahından olan oğlunun da onlarla birlikdə yaşadığını bildirib: “İlk həyat yoldaşım fiziki məhdudiyyətimə görə məndən utandığını söylədi. Biz də yollarımızı ayırdıq. Hərənin öz tayı var. Yaxşı ki, birinci yoldaşımdan boşanmışam, yoxsa Şəlalə kimi gözəl bir insanı tanıya bilməzdim”.
Şəlalə xanım isə əvvəlcə ailəsinin bu evliliyə qarşı olduğunu deyib: “Gözdən əlil olduğum üçün ailəm əvvəl narazılıq edirdi, çünki mənim üçün çətin olacağını düşünürdülər. Amma indi hər şeyin öhdəsindən özüm gəlirəm. Ev işlərini də, uşaqların qulluğunu da rahatlıqla çatdırıram. İnsan gərək hər şeyi ürəkdən istəsin. İstək olarsa, hər şeyin öhdəsindən gəlmək asandır”.
Ruhlan ailə qurarkən Şəlalənin atası ilə aralarında keçən dialoqu xatırlayaraq yoldaşını hər şeyin ən gözəlinə layiq bildiyini vurğulayıb: “Atası mənə “övladım qüsurludur, haradan bilim ki, onu yarı yolda qoymayacaqsan?!” dedi. Mən isə belə cavab verdim: “O mənim ayaqlarım olacaq, mən də onun gözləri”. Elə günlərimiz olub ki, pulumuz olmayıb, amma Şəlalə bunu heç vaxt ailəsinə büruzə verməyib. O, çox gözəl insandır”.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
74 gündür evlərə nə girə bilirlər, nə də çıxa | "Kömək etmək istəyəni də qoymurlar" - Baku TV
Abşeron rayonunun Məmmədli qəsəbəsində fərdi yaşayış evlərini su basıb. Buna ərazidəki göldə suyun səviyyəsinin qalxması səbəb olub.
Sakinlər bildirirlər ki, yaranmış problem səbəbindən evlərinə girib-çıxmaqda çətinlik çəkirlər. Problemlə bağlı aidiyyəti qurumlara dəfələrlə müraciət olunsa da, hələ ki heç bir tədbir görülməyib.
Sakinlər mövcud vəziyyətlə bağlı narazılıqlarını Baku TV ilə bölüşüblər.
“Üfunətdən həyətə çıxmaq olmur. Nə uşaqlarımızı çölə buraxa, nə də özümüz çıxa bilirik. Müraciət etmədiyimiz yer qalmayıb, amma səsimizi eşidən yoxdur. Biz də normal şəraitdə yaşamaq istəyirik”, – onlardan biri söyləyib.
Digər bir sakin isə xəstə olduğunu və bu şəraitdə həkimə belə gedə bilmədiyini vurğulayıb: “Səhhətim yaxşı deyil, həkimə getməliyəm, amma çirkabın əlindən evdən çıxa bilmirəm. Çox pis vəziyyətdə qalmışıq”.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
"Yeni müdir əvəzi elə işlər görüb ki..." | Bakıdakı bağça barədə qalmaqallı iddia - Baku TV
Bəzi sosial şəbəkə hesablarında 198 nömrəli körpələr evi-uşaq bağçasında uşaqların qidalanması üçün ayrılmış ərzaq məhsullarının müəssisədən çıxarılaraq mənimsənilməsi ilə bağlı iddialar yayılıb.
Paylaşılan məlumatlarda bildirilir ki, sözügedən hadisə bağçaya təyin olunmuş müdir əvəzinin göstərişi ilə baş verib.
Yayılan görüntülərin nə vaxt çəkildiyini və kadrlarda əks olunan hadisənin mahiyyətini araşdırmaq üçün Baku TV 198 nömrəli körpələr evi-uşaq bağçasında olub.
Bağçanın müdir əvəzi Vəsilə Bayramova iddiaların əsassız olduğunu bildirib. Onun sözlərinə görə, məsələ ilə bağlı araşdırma aparıldıqdan sonra bütün məqamlar aydınlaşacaq.
“Görüntüləri görmüşük və orada səsləndirilən iddiaların hamısı yalandır. Kadrlarda görünənlər ərzaq deyil, tullantı məhsullarıdır”, – deyə o bildirib.
Valideynlərdən biri isə bağçada uşaqların qidalanmasından razı qaldığını deyib:
“Qidalanma hər gün çəkilir və qruplarda paylaşılır. Son vaxtlar təyin olunan müdir əvəzi Vəsilə xanım bağçada bir çox yeniliklər həyata keçirib. O, işinə və uşaqlara böyük həvəslə yanaşır. Kadrlara diqqətlə baxanda da görünür ki, orada daşınan hər hansı ərzaq məhsulu yoxdur. Bunlar, sadəcə, tullantı məhsullarıdır”.
Məsələ ilə bağlı Bakı Şəhəri üzrə Təhsil İdarəsindən bildirilib ki, paytaxtdakı 198 nömrəli körpələr evi-uşaq bağçasında ərzaq məhsullarının mənimsənilməsi ilə bağlı yayılan iddialar araşdırılır. Araşdırmanın nəticələri barədə ictimaiyyətə əlavə məlumat veriləcək.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Azərbaycanla Gürcüstan arasında mövcud olan müqavilə 20 il uzadılıb - Baku TV
"Azərbaycanla qaz tədarükü ilə bağlı mövcud olan 20 illik müqavilənin müddəti daha 20 il uzadılıb".
Gürcüstanın Baş naziri İrakli Kobaxidze bu barədə yerli telekanalın efirində danışıb.
Hökumət başçısı vurğulayıb ki, enerji sahəsində qaldırılan bütün məsələlər konkret danışıqlar və razılaşmalar yolu ilə həllini tapıb.
Onun sözlərinə görə, Azərbaycanla imzalanan müqavilələr Gürcüstan üçün fundamental əhəmiyyət daşıyır:
"Son illərdə Orta Dəhlizin rolu əhəmiyyətli dərəcədə artıb və 2020-ci ildən etibarən bu marşrut üzrə yük dövriyyəsi yeddi dəfə yüksəlib. Odur ki, biz bu imkanlardan maksimum istifadə etməliyik. Azərbaycanda imzalanan razılaşmalar müxtəlif istiqamətləri əhatə edir və onların hamısı Gürcüstanın tranzit funksiyasının inkişafına xidmət göstərəcək".
Baş nazir qeyd edib ki, qaz idxalı və tranziti ilə bağlı əldə olunan razılaşmalar ölkənin enerji təhlükəsizliyi üçün xüsusi əhəmiyyət daşıyır: "Ən vacibi odur ki, biz lazımi həcmdə qaz əldə etdik. Bu isə ölkəmizin enerji təhlükəsizliyi üçün son dərəcə vacibdir".
İrakli Kobaxidze Azərbaycan tərəfinə təşəkkür edərək bildirib ki, aparılan danışıqlar iki hökumət arasında standart proses deyil, dostlar arasında dialoq xarakteri daşıyıb:
"Son üç ildə fəaliyyəti dayandırılan Bakı-Tbilisi-Supsa boru kəmərinin işi də bərpa olunacaq. Bu layihənin dayanması Gürcüstana hər il onmilyonlarla lari həcmində potensial gəlir itkisinə səbəb olurdu. Bakı-Tbilisi-Qars dəmir yolu ayın sonunda fəaliyyətə başlayacaq və Gürcüstanla Azərbaycan arasında sərnişin dəmir yolu əlaqəsi bərpa olunacaq. Bütün bu razılaşmalar Gürcüstanın iqtisadi cəhətdən güclənməsi və regiondakı tranzit rolunun daha da artması üçün fundamental əhəmiyyətə malikdir".
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Azərbaycanın silah strategiyası: Ukrayna və Çexiya ilə razılaşmalar nə vəd edir? - HƏRBİ XRONİKA
Azərbaycanın müdafiə sahəsində xarici tərəfdaşlarla əməkdaşlığını genişləndirməsi bəzi analitik dairələrdə mahiyyətinə müəyyən çalarlar vermək cəhdləri ilə müşayiət olunur.
Söhbət Volodimir Zelenskinin və Andrey Babişin Azərbaycana səfərlərinə, həmçinin bu səfərlər çərçivəsində xüsusilə hərbi-texniki sahə üzrə imzalanmış sənədlərə və əldə olunmuş razılaşmalara münasibətdə emosional, analitik baxımdan şişirdilmiş və kontekstdən çıxarılmış yanaşmalardan gedir.
Bu cür proseslər postsovet məkanının “səssiz şəkildə yenidən silahlandırılması” kimi təqdim olunur və silah bazarlarında bir təchizatçının digəri ilə əvəz olunması iddiaları irəli sürülür.
Bu yanaşmalar fonunda sual yaranır. Bəs əslində nə baş verir?
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Dünya mətbuatı İlham Əliyevin çıxışından yazır - Baku TV
Dünyanın bir sıra aparıcı media qurumları Ermənistanın paytaxtı İrəvanda keçirilən “Avropa Siyasi Birliyi”nin 8-ci Zirvə toplantısına videobağlantı formatında qoşulan Azərbaycan Prezidenti İlham Əliyevin çıxışını geniş işıqlandırıb.
Media resurslarında dərc olunan xəbərlərdə Prezidentin çıxışı həm Azərbaycan-Ermənistan sülh prosesində praktik əməkdaşlığın formalaşması, həm də Avropa institutları ilə siyasi gərginlik fonunda davam edən diplomatik qarşıdurma kimi iki paralel xətt üzrə təqdim olunur.
Eyni zamanda məqalələrdə Prezident İlham Əliyevin Avropa institutlarını, xüsusilə Avropa Parlamentini və AŞPA-nı ikili standartlarda və sülh prosesinə mənfi təsir göstərməkdə ittiham etməsi geniş yer alır. Bu ritorika regional diplomatik gərginliyin bir hissəsi kimi göstərilir, lakin eyni vaxtda sülh gündəliyinin uğurla davam etdiyi də vurğulanır. Ümumilikdə bu nəşrlər hadisəni iki paralel proses kimi təqdim edir: bir tərəfdən Cənubi Qafqazda normallaşma və əməkdaşlıq, digər tərəfdən isə Qərb institutları ilə siyasi fikir ayrılıqlarının davam etməsi.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Paşinyan nöqtəni qoydu: “Ermənilərin Qarabağa qayıdışı...” - BİZDƏN NƏ DANIŞIRLAR?
“Bizdən nə danışırlar?” verilişinin yeni buraxılışı yayımlanıb.
Verilişdə bildirilib ki, Rusiya ABŞ və Ukrayna ilə Azərbaycanda danışıqlara razılıq verə bilər.
Bunu Rusiya Federasiya Şurasının Beynəlxalq məsələlər komitəsi sədrinin birinci müavini Vladimir Cabarov Ukraynanın “Podyom” nəşrinə verdiyi müsahibəsində deyib.
Vladimir Cabarov Azərbaycanın danışıqlar üçün optimal yer olduğunu vurğulayıb.
“Azərbaycanla Qarabağ, Bakı və digər yerlərə ermənilərin qayıdışını müzakirə etmirik”.
Gürcüstanın “1TV.GE” nəşri xəbər verir ki, bu barədə Ermənistanın Baş naziri Nikol Paşinyan deyib.
“Biz Azərbaycanla Qarabağ, Bakı və digər yerlərdə yaşamış ermənilərin qayıdışı məsələsini müzakirə etmirik. Çünki hər iki istiqamətdə aparılan müzakirələr mövcud vəziyyətə təxribatçı təsir göstərir”, – deyə o qeyd edib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
"Neftçi" geridönüş edə biləcək? | "İdmanda nə baş verir?"də qarşıdakı vacib matç müzakirə olundu
“İdmanda nə baş verir?” podkastının yeni buraxılışı yayımlanıb.
Podkastın budəfəki buraxılışında bu gün keçiriləcək Premyer Liqanın XXI turunda təxirə salınmış “Neftçi” – “Qarabağ” matçı ilə bağlı gözləntilər barədə müzakirə aparılıb.
Paytaxt təmsilçisi 1:5 hesablı məğlubiyyətin əvəzini çıxa biləcək?
“Neftçi” Vensan Abubakarla yolları niyə ayırmaq istəyir?
İdman jurnalisti Murad Nəsimi ilə bu və digər suallar ətrafında fikir mübadiləsi aparılıb.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Mehriban Əliyeva Antalyada Fələstinlə bağlı paneldə iştirak edib - Baku TV
Aprelin 18-də Türkiyənin Antalya şəhərində keçirilən Antalya Diplomatiya Forumu çərçivəsində “Fələstində sülh naminə birləşərək: Təhsil sisteminin məhv edilməsi ilə mübarizə və gələcəyin qorunması” adlı panel iclas təşkil olunub.
Azərbaycan Respublikasının birinci xanımı Mehriban Əliyeva və qızı Leyla Əliyeva tədbirdə iştirak ediblər.
Əvvəlcə qonaqlar Afrika Mədəniyyət Evinin stendi ilə tanış olublar. Türkiyə Respublikasının birinci xanımı Əminə Ərdoğanın təşəbbüsü ilə 2016-cı ildə qurulan Afrika Mədəniyyət Evinin fəaliyyətinin məqsədi afrikalı qadınların əl əməyini təbliğ etmək, onların fəaliyyətini iqtisadi dəyərə çevirmək və mədəni həmrəyliyi gücləndirməkdir.
Türkiyənin birinci xanımı Əminə Ərdoğanın himayəsi altında keçirilən tədbir Fələstinə həsr olunan videoçarxın nümayişi ilə başlayıb.
Tədbirdə çıxış edənlər müharibənin təsirlərinə məruz qalan uşaqlar üçün təhlükəsiz təhsil mühitinin bərpası, dəstək mexanizmlərinin gücləndirilməsi və təhsildə davamlılığın təmin edilməsinin regionun gələcəyi üçün strateji əhəmiyyət daşıdığını bildiriblər.
Türkiyənin birinci xanımı Əminə Ərdoğan çıxış edərək tədbirdə veriləcək mesajların dünyanın müxtəlif bölgələrində baş verən müharibələrin qurbanı olan uşaqlar üçün yeni bir həyatın ümid işığı olacağına əminliyini vurğulayıb. O, uşaqların və gənclərin bir millətin ümidi və sabahı olduğunu deyərək zorakılığı təşviq edən ən xırda amillə belə qətiyyətlə mübarizə aparmağın mühüm roluna toxunub.
Sonra xatirə şəkli çəkdirilib. Daha sonra tədbir iştirakçıları Fələstində münaqişə nəticəsində təhsil sisteminin məhv edilməsinə həsr olunan sərgiyə baxıblar.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Bəzi dərslər onlayn formada keçirilə bilər | Tələbələrin onlayn dərslərə münasibəti - Baku TV
Azərbaycan Dövlət Pedaqoji Universiteti (ADPU) ali təhsillə bağlı yeni və müzakirələrə səbəb olan təkliflə çıxış edib. Belə ki, universitetdə mühazirə dərslərinin distant formada təşkil olunması planlaşdırılır.
Universitetin prorektoru Eldar Aslanovun fikrincə, tələbələrin hər gün universitetə gəlməsi və bütün dərslərin ənənəvi formada keçirilməsi mütləq deyil:
"Ənənəvi təhsilin metodiki və kommunikasiya baxımından uyğun olan hissələrinin distant təşkili nəzərdə tutulur. Pedaqoji Universitet bunu öz fəaliyyət planına daxil edir. Hazırda təkliflərin hazırlanması prosesi gedir. Fəaliyyət planımız təsdiq olunduqdan sonra qarışıq təlim modelinin gələn tədris ilindən tətbiqinin mümkünlüyü ilə bağlı əsaslandırılmış təkliflərimizi Elm və Təhsil Nazirliyinə təqdim edəcəyik".
Təkliflə bağlı yaranan əsas suallardan biri hansı fənlərin rəqəmsal formada tədris olunacağı və bu formatın gələcək müəllimlərin praktik bacarıqlarına necə təsir edəcəyidir.
Eldar Aslanov bildirib ki, bu məsələdə peşəkar yanaşma tətbiq olunacaq: "Gələn tədris ilində hansı fənlərin məsafədən tədris olunmasının mümkünlüyünə ixtisas kafedraları və mütəxəssislər tərəfindən baxılacaq. Elə mövzular var ki, mühazirə dərsi olmasına baxmayaraq, məzmun baxımından mütləq əyani formada keçirilməlidir".
Yeni modellə bağlı tələbələrin fikirləri fərqlidir.
“Bu, işləmək və ya əlavə kurslara getmək istəyən tələbələr üçün çox uyğundur. Hər gün universitetdə olanda bunlara vaxt qalmır”, – onlardan biri söyləyib.
Digər bir tələbə isə onlayn formatın motivasiyaya mənfi təsir etdiyini qeyd edib: “Onlayn şəkildə dərs oxuyanda dərsə həvəsim qalmır”.
Ekspertlər hesab edirlər ki, dərslərin bir hissəsinin distant formaya keçirilməsi tələbələrin həm vaxtına qənaət edə bilər, həm də maddi xərclərini azaldar. Lakin yeni tədris modelinin müsbətlə yanaşı, mənfi tərəfləri də ola bilər.
Millət vəkili Elçin Mirzəbəyli bildirib ki, əsas risk təhsilin keyfiyyətinin aşağı düşmə ehtimalı ilə bağlıdır: "Əgər tələbə özünüidarəetmə bacarıqlarına malik deyilsə və onlayn dərslər formal xarakter daşıyırsa, biliklərin mənimsənilməsi səviyyəsi kifayət qədər aşağı düşə bilər".
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Azərbaycan ilə Aİ arasında yeni ikitərəfli saziş üzrə danışıqlar bərpa edilir | Detallar - Baku TV
Brüssel şəhərində Azərbaycanla Avropa İttifaqının nümayəndə heyətləri arasında yeni ikitərəfli saziş üzrə danışıqların bərpası və Tərəfdaşlıq Prioritetləri sənədi üzrə növbəti müzakirələrin aparılması məqsədilə görüş keçirilib.
Bu barədə Azərbaycanın Xarici İşlər Nazirliyindən bildirilib.
Azərbaycan nümayəndə heyətinə xarici işlər nazirinin müavini Yalçın Rəfiyev, Avropa İttifaqı tərəfinə isə Avropa Xarici Fəaliyyət Xidmətinin icraçı direktorunun müavini Audrone Perkauskiene rəhbərlik edib.
Konstruktiv ruhda keçən müzakirələr hər iki sənəd üzrə mövqelərin qarşılıqlı əsasda anlaşılması və danışıqların növbəti mərhələlərinin planlaşdırılmasına xidmət edib. Görüşün yekununda danışıqların növbəti mərhələsinin iyun ayının əvvəlində Bakıda keçirilməsinə qərar verilib.
Azərbaycan nümayəndə heyətinin tərkibində Xarici İşlər Nazirliyi ilə yanaşı, İqtisadiyyat, Ədliyyə, Energetika, Rəqəmsal İnkişaf və Nəqliyyat, Maliyyə, Əmək və Əhalinin Sosial Müdafiəsi nazirliklərinin, habelə Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin, Dövlət Gömrük Komitəsinin, Mərkəzi Bankın və Azərbaycan Respublikasının Dövlət Neft Şirkətinin nümayəndələri yer alıb.
Səfər çərçivəsində Yalçın Rəfiyev həmçinin Avropa Komissiyasının iqlim fəaliyyəti üzrə baş direktor müavini Yan Dusik və ətraf mühit üzrə baş direktor müavini Patrik Çildlə görüşlər keçirib.
Təmaslar zamanı iqlim fəaliyyəti və ətraf mühit sahəsində Azərbaycan-Avropa İttifaqı dialoq formatının yaradılması, eləcə də COP prosesi, iqlim və ətraf mühitlə bağlı beynəlxalq təşkilatlar çərçivəsində irəli sürülmüş təşəbbüslər ətrafında fikir mübadiləsi aparılıb.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Ermənistan nümayəndələrini Azərbaycana gətirən mühüm səbəb nədir? - Baku TV
"Sülh Körpüsü" Təşəbbüsü Azərbaycan və Ermənistan vətəndaş cəmiyyəti nümayəndələri arasında dialoqu və birbaşa əlaqələri təşviq etməyə davam edir.
Aprelin 10-12-də Azərbaycanda "Sülh Körpüsü" Təşəbbüsü çərçivəsində Azərbaycan və Ermənistan vətəndaş cəmiyyəti nümayəndələrinin iştirakı ilə növbəti ikitərəfli dəyirmi masa keçiriləcək.
Bu dəfə erməni nümayəndə heyəti Azərbaycana quru sərhədi vasitəsilə daxil olub, delimitasiya və demarkasiya olunan sahədən keçərək bütün müvafiq sərhəd və pasport nəzarəti prosedurlarından keçib.
Qeyd edək ki, vətəndaş cəmiyyəti nümayəndələri arasında dialoq 2025-ci il avqustun 8-də Vaşinqton şəhərində Azərbaycan, Ermənistan və Amerika Birləşmiş Ştatları liderlərinin iştirakı ilə keçirilən üçtərəfli sammitdə təsdiqlənmiş ikitərəfli sülh gündəliyi çərçivəsində aparılır.
Görüşün gündəliyinə sülh prosesinin hazırkı vəziyyəti, "Sülh Körpüsü" Təşəbbüsü iştirakçılarının öz ölkələrində həyata keçirdikləri fəaliyyətlər və əldə olunan nəticələr, həmçinin regiondakı vəziyyətin müzakirəsi daxildir. Müzakirə sessiyaları isə cəmiyyət səviyyəsində sülhün təşviqi və sülh prosesinin növbəti mərhələlərində etimadın artırılması məsələlərinə həsr olunacaq.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
“Hamısından pul yığır, amma...” | MTK və bina sakinləri arasında qarşıdurma - Baku TV
Tiblis prospekti 1058 ünvanında yerləşən çoxmərtəbəli kompleksin sakinləri “İşıq İnşaat” MTK-nın borcları səbəbindən ciddi çətinliklərlə üzləşirlər.
Sakinlər MTK-nın ödənişləri vaxtında etməməsi və borcların yığılması nəticəsində qaz, su, istilik və işıq təchizatında problem yaşadıqlarını bildirirlər.
“Pulumuzu vaxtlı-vaxtında verməyimizə baxmayaraq, MTK tərəfindən ödənişlər vaxtında ödənilməyib. Hazırda binada nə qaz, nə su, nə də işıq var. MTK ilə bu kimi problemləri dəfələrlə yaşamışıq”, – deyə sakinlərdən biri vəziyyəti izah edib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
“Kişi özünü zəif hiss edəndə...” | Kişilərin bu hərəkəti cəmiyyətdə şok yaratdı - Baku TV
Azərbaycanda ənənəvi olaraq qadınlar ailə qurduqdan sonra həyat yoldaşının soyadını qəbul edirlər. Lakin son illər bu ənənədə müəyyən dəyişikliklər müşahidə olunur.
Ədliyyə Nazirliyinin məlumatına görə, 2026-cı ilin ilk üç ayında altı kişi nikaha daxil olarkən həyat yoldaşının soyadını götürüb.
Baku TV-nin mövzu ilə bağlı paytaxt sakinləri arasında keçirdiyi sorğu zamanı vətəndaşlar belə hallara birmənalı baxmadıqlarını bildiriblər.
“Kişi özünü zəif hiss edəndə bu addımı ata bilər”, “Yəqin, qadının soyadı daha yaxşı olur ki, kişi onu qəbul edir”, – deyə sakinlər söyləyiblər.
Mütəxəssislər isə bildirirlər ki, bu addımın arxasında müxtəlif səbəblər dayanır. Bəzi hallarda ailə daxilində razılaşma, bəzən isə şəxsi və ya praktiki səbəblər bu qərara təsir edir.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
“Necə olmalıdır?” podkastının budəfəki buraxılışında paytaxtın yol infrastrukturunda həyata keçirilən dəyişikliklər və onların nəqliyyatın təşkilinə təsiri ilə bağlı müzakirə aparılıb.
Yol hərəkətinin təşkilində nələr dəyişir?
Yollarda edilən dəyişikliklər hansı məqsədlərə xidmət edir?
Tbilisi prospektində aparılan dəyişikliklər hansı problemlərin həllinə kömək edib?
Məlumatverici yol nişanları hansı məsafədə quraşdırılmalıdır?
Dəyişikliklərdən sonra hansı nöqsanlar hələ də qalır?
Ödənişli parklanma təşkil edilərkən nələr nəzərə alınmalıdır?
Yollardakı yeniliklərlə bağlı gələcəyə dair proqnozlar nələrdir?
Nəqliyyat eksperti Eldəniz Cəfərov və təlimçi Aqil Rəhimovla bu və digər suallara aydınlıq gətirilib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
“Ev söhbəti deyil, aşıb üstünə, söhbət bağlanıb...” | Sakin dağıntılar altında qaldı - Baku TV
Bakının Sabunçu rayonu, Bakıxanov qəsəbəsi, Gəray Əsədov küçəsində yerləşən fərdi yaşayış evində torpaq sürüşməsi baş verib. Hadisə nəticəsində evin bir hissəsi çöküb.
Qəza zamanı həyətdə olan 30 yaşlı Günel Hüseynova dağıntılar altında qalıb. Fövqəladə Hallar Nazirliyinin (FHN) Xüsusi Riskli Xilasetmə Xidmətinin əməkdaşları tərəfindən qadın dağıntılar altından çıxarılaraq aidiyyəti üzrə xəstəxanaya yerləşdirilib.
TƏBİB-dən verilən məlumata görə, Respublika Təcili və Təxirəsalınmaz Tibbi Yardım Mərkəzinə daxil olan çağırış əsasında xəsarətalan şəxs Sabunçu Tibb Mərkəzinə hospitalizasiya olunub: “Pasiyentə döş qəfəsinin əziyi diaqnozu qoyulub və zəruri tibbi xidmətlər göstərilib. Vəziyyəti qənaətbəxş qiymətləndirilən 30 yaşlı qadın ambulator müalicə üçün evə buraxılıb”.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Səbail rayonunda bədbəxt hadisə | Gənc oğlan 19-cu mərtəbədən yıxıldı - Baku TV
Gənc oğlan çoxmərtəbəli binadan yıxılaraq həyatını itirib.
Bədbəxt hadisə paytaxtın Səbail rayonu, Nizami küçəsi, 164 ünvanında qeydə alınıb.
İddialara görə, 25 yaşlı Arif Orucov binanın 19-cu mərtəbəsində yaşayan nənəsigilə qonaq gəlibmiş və hadisə də həmin vaxt baş verib.
Hadisə şahidlərindən biri bildirib ki, əvvəlcə mənzildən səs-küy eşidilib.
“Qonşu qapını açıb dedi ki, eşitmirsiniz, oradan səs gəlir, şüşə səsi eşidilir. Daha sonra güclü gurultu səsi gəldi. Aşağı düşəndə gördüm ki, camaat yığışıb. Dedilər ki, kimsə yıxılıb. Əvvəlcə pəncərədən nəsə atırdı. Bir neçə dəfə pəncərəni açıb-bağladı, sonra isə özü yıxıldı.
Nənəsinin evinə qonaq gəlmişdi. Qadın burada oğlu ilə yaşayır. Mərhum onun qızının oğludur. Sevgilisi var idi, ondan ayrılmışdı. Ola bilsin, bunun təsirindən belə addım atıb. Qardaşının dediyinə görə, ruhi xəstə idi, psixoloji problemləri var idi”, – qonşu deyib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Azərbaycanın ərazi bütövlüyünün qorunmasında xüsusi xidmətləri olan şəxslər təltif edilib - Baku TV
Azərbaycanın ərazi bütövlüyünün qorunmasında xüsusi xidmətləri olan şəxslər təltif edilib.
Prezident İlham Əliyev bununla bağlı Sərəncam imzalayıb.
Sənədə əsasən, ərazi bütövlüyünün qorunub saxlanılmasında xüsusi xidmətlərinə və döyüş tapşırıqlarını yerinə yetirərkən göstərdikləri igidliyə görə bir nəfər 3-cü dərəcəli "Vətənə xidmətə görə" ordeni, 12 nəfər "Vətən uğrunda" medalı, 7 nəfər "İgidliyə görə" medalı, 21 nəfər isə "Hərbi xidmətlərə görə" medalı ilə təltif edilib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
“Onda fikirləşdim ki, yüz faiz ölüb...” | Tək yaşayan qadının dəhşətə gətirən sonu - Baku TV
Gəncədə dəm qazı daha bir can alıb. Hadisə aprelin 6-da günorta saatlarında şəhərin Nəriman Nərimanov prospektində yerləşən yaşayış binalarının birində qeydə alınıb.
Həmin mənzildə kirayədə tək qalan 64 yaşlı Sevda Mehdiyeva vanna otağında dəm qazından boğularaq həyatını itirib. Hadisə ilə bağlı qonşular tərəfindən Fövqəladə Hallar Nazirliyinin (FHN) “112” qaynar xəttinə müraciət edilib.
Mərhumun qonşusu Kəmalə Rəcəbova hadisə ilə bağlı danışıb.
“Çimməyə girəndə hamamın nəfəsliyi bağlı olub. Dəm qazı üçüncü mərtəbəyə dolub. Gördüm ki, işığı yanır, onda fikirləşdim ki, yüz faiz ölüb. Fövqəladə Hallar Nazirliyinə zəng etdik, əməkdaşlar şüşəni qırıb içəri girdilər. Həmin vaxt gördülər ki, Sevda dünyasını dəyişib”, – o söyləyib.
Mərhumun meyiti Məhkəmə Tibbi Ekspertiza və Patoloji Anatomiya Birliyinin Gəncə şəhər şöbəsinə təhvil verilib. Faktla bağlı Gəncə Şəhər Prokurorluğunda araşdırma aparılır.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
İranla bağlı peyk görüntüləri gizlədilir | ABŞ-nin tələbləri yerinə yetirildi - Baku TV
Peyk görüntüləri ilə məşğul olan “Planet Labs” şirkəti məlumat yayıb ki, ABŞ hökumətinin müraciətinə uyğun olaraq İran və Yaxın Şərqdəki münaqişə bölgəsinə aid görüntüləri qeyri-müəyyən müddətə qədər təqdim etməyəcək.
“Reuters”in məlumatına görə, Kaliforniyada yerləşən “Planet Labs” bu qərarı müştərilərinə göndərdiyi e-poçt vasitəsilə elan edib və bildirib ki, ABŞ hökuməti bütün peyk görüntüləri təminatçılarından münaqişə zonasına aid şəkillərin qeyri-müəyyən müddətə yayılmamasını istəyib.
Qeyd edək ki, bu məhdudiyyət “Planet Labs”in ötən ay tətbiq etdiyi Yaxın Şərqə aid görüntülərin 14 günlük gecikdirilməsi ilə bağlıdır. Şirkət həmin addımın məqsədinin bu görüntülərin ABŞ və onun müttəfiqlərinə qarşı hücumlarda istifadə olunmasının qarşısını almaq olduğunu qeyd edib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Hava vasitələri vuruldu | Trampın açıqlamasına cavab gecikmədi - Baku TV
"ABŞ-nin İranda vurulan "F-15" qırıcı təyyarəsinin pilotunun xilaetmə əməliyyatı uğursuz olub".
Bu barədə İran Silahlı Qüvvələrinin "Xatəm əl-Ənbiya" Mərkəzi Qərargahına istinadən "Fars" Xəbər Agentliyi məlumat yayıb.
Qeyd olunub ki, İslam İnqilabı Keşikçiləri Korpusu və İran Ordusu ABŞ-nin xilasetmə əməliyyatlarına mane olub.
"Aprelin 3-də İranın yeni hava hücumundan müdafiə sistemi qarşı tərəfin İsfahanın cənubundakı hava vasitələri, o cümlədən iki "Black Hawk" helikopteri və bir "C130" hərbi nəqliyyat təyyarəsi hədəfə alınaraq vurulub", – deyə bəyanatda vurğulanıb.
Maraq üçün bildirək ki, ABŞ Prezidenti Donald Tramp İranda vurulan "F-15" qırıcı təyyarəsinin ekipaj üzvlərinin xilas edildiyini bəyan edib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Dünya kinosunun əfsanəsi, “Xaç atası” filmində yaratdığı Don Vito Korleone obrazı ilə yaddaşlara həkk olunan Marlon Brando şöhrətin zirvəsinə yüksəlsə də, şəxsi həyatı faciələrlə dolu olub.
Aktyorun həyatında ən çox müzakirə olunan məqamlardan biri Merilin Monro ilə münasibəti idi və Brando sonradan onun ölümünün intihar deyil, ABŞ prezidenti Con Kennedi ilə əlaqələrinə görə planlaşdırılmış qətl ola biləcəyini düşündüyünü açıqlayıb.
Ailə dramı isə illər sonra daha dəhşətli hal alıb: oğlu Kristian ögey bacısı Şeyenin sevgilisini güllələyərək öldürüb, Şeyen isə yaşadığı psixoloji sarsıntılardan sonra intihar edib.
Bu hadisələrdən sonra Brando “ata kimi uğursuz oldum” etirafını edərək ictimaiyyətdən uzaqlaşıb və getdikcə daha tənha həyat sürməyə başlayıb.
Ömrünün son illərini Taitidə tənhalıq içində keçirən aktyor ciddi xəstəliklər, piylənmə və yaddaş problemləri ilə mübarizə aparıb.
2004-cü ildə vəfat edən Brandonun cəsədi kremasiya olunub, külləri isə həm Taiti adalarına, həm də ABŞ-nin Ölüm Vadisinə səpələnib.
Beləliklə, milyonların heyran olduğu ekran dahisi şöhrət, sevgi, ailə faciələri və dərin tənhalıq içində həyatını başa vuraraq kino tarixinin ən ziddiyyətli simalarından biri kimi yadda qalıb.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
“Dedi, bacım içəridə qalıb, çıxa bilmir” | 18 yaşlı nişanlı qızın faciəvi sonu - Baku TV
Qazax rayonunun Daş Salahlı kəndində bədbəxt hadisə baş verib.
Kənd sakini 18 yaşlı Abgül Quliyevanın dəm qazından boğularaq öldüyü bildirilir.
“İşdən evə gəlmişdim. Atası zəng etdi ki, qızım hamamda qalıb. Gedib qapını qırdım, onu çıxardım, amma xilas edə bilmədim. Ağzından köpük gəlmişdi”, – qonşu Babək Əhmədov hadisə barədə danışarkən deyib.
Hadisə zamanı ailə üzvlərindən ata Gürcüstanda, ana isə Bakıda olduğundan evdə Abgül və azyaşlı qardaşı olub. Mərhumun meyiti valideynləri gələndən sonra dəfn olunacaq.
Qeyd edək ki, 11-ci sinif şagirdi olan Abgül Quliyevanın bir müddət əvvəl nişanı olub.
Faktla bağlı araşdırma aparılır.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
İlham Əliyev Rasim Balayevin vəfatı ilə bağlı nekroloq imzaladı - Baku TV
Prezident İlham Əliyev Xalq artisti Rasim Balayevin vəfatı ilə bağlı nekroloq imzalayıb.
Mətndə deyilir: "Azərbaycan mədəni ictimaiyyətinə ağır itki üz verib. Milli kino sənətinin görkəmli nümayəndəsi, Azərbaycan Kinematoqrafçılar İttifaqının sədri, Prezidentin fərdi təqaüdçüsü, Dövlət mükafatı laureatı, Xalq artisti Rasim Balayev ömrünün 78-ci ilində vəfat edib.
Rasim Balayev 1972-ci ildən etibarən "Azərbaycanfilm" kinostudiyasının aktyoru olub, eyni zamanda 1990-cı ildən Azərbaycan Kinematoqrafçılar İttifaqı idarə heyətinin birinci katibi vəzifəsini tutub, 2022-ci ildə isə İttifaqın sədri seçilib.
"Azərbaycanfilm" kinostudiyasına gəldiyi ilk vaxtlardan istedadlı aktyor kimi tanınan Rasim Balayev özünəməxsus ifa tərzi və yüksək səhnə mədəniyyəti sayəsində qısa müddət ərzində kino həvəskarlarının qəlbinə yol tapıb. Azərbaycan kino sənətinin parlaq ənənələrindən ustalıqla faydalanan sənətkar olaraq Rasim Balayevin keçdiyi yaradıcılıq yolu milli kino mədəniyyəti tarixində xüsusi bir mərhələ təşkil edir.
Onun baş rollarda çəkildiyi filmlər Azərbaycan kinosunun qızıl fonduna daxildir. Sənətkarın ifasında əfsanəvi Babək və Nəsimi obrazları Azərbaycan kinematoqrafiyasının xüsusilə böyük uğurlarından hesab edilir.
Rasim Balayevin milli kino mədəniyyətinin inkişafı sahəsindəki xidmətləri layiqincə qiymətləndirilib. O, müxtəlif illərdə yüksək dövlət mükafatlarına və fəxri adlara layiq görülüb, müstəqil Azərbaycanın ali mükafatlarından olan "Şöhrət", "Şərəf" və "İstiqlal" ordenləri ilə təltif edilib.
Görkəmli sənətkar, qayğıkeş və təvazökar insan Rasim Balayevin işıqlı xatirəsi xalqımızın qəlbində həmişə yaşayacaq. Allah rəhmət eləsin!”.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
"Gözəl sözü həmişə atam deyərdi" | Oğlu Rasim Balayevin vida mərasimində kədərləndi - Baku TV
“Bu gün ailəmiz üçün ən ağır gündür”.
Bu sözləri Xalq artisti Rasim Balayevin oğlu Ülvi Balayev sənətkarın vida mərasimində çıxışı zamanı deyib.
“Ailəmizdə gözəl sözü həmişə Rasim Balayev deyərdi, ondan gözəl söz deyə bilməyəcəyəm”, – deyə o, sözlərini yekunlaşdırıb.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
"Bu iddialar müharibə deməkdir" | Ermənistanda kritik tarix: Simonyandan qalmaqallı çıxış - Baku TV
“Sovet İttifaqı dağılanda Mərkəzi Asiya, Ukrayna və Cənubi Qafqazda həll olunmamış sərhəd məsələləri qoyub getdi. Bizə də deyildi ki, siz Ermənistanda yaşayırsınızsa, yalnız burada yox, orada da eviniz olsun. Bunu bizi idarə etmək və özlərindən asılı vəziyyətdə saxlamaq üçün etdilər”.
Bunu jurnalistlərlə söhbətində Ermənistan parlamentinin sədri Alen Simonyan bildirib.
Spiker qonşu ölkələrə qarşı ərazi iddialarının müharibə demək olduğunu və Ermənistanda Robert Köçəryanın rəhbərlik etdiyi radikal qüvvələrin bu gündəmdən çıxış etdiklərini vurğulayıb.
“Bəli, 2026-cı il iyunun 7-də keçiriləcək seçkilər sülhlə mümkün müharibə arasında olacaq”, – o əlavə edib.
Praqada Baş nazir Nikol Paşinyanın Azərbaycanın ərazi bütövlüyünü tanıması ilə bağlı iradlara münasibət bildirən A.Simonyanın sözlərinə görə, Ermənistan Praqada, əslində, öz dövlətçiliyi və ərazi bütövlüyünü tanıyıb: “Ermənistan Praqada öz ərazisini tanıyıb və bununla ölkəni müstəmləkəçilikdən, əyalətə çevrilməkdən və suverenliyini itirməkdən qoruyub. Praqa haqqında mənfi danışanlar Ermənistanın müstəqil dövlət kimi mövcud olmasını istəmirlər. Biz Praqada Azərbaycanın ərazisini yox, öz ərazimizi tanımışıq, çünki Ermənistan Azərbaycanın bitdiyi yerdən başlayır”.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
"Gecə terror ediblər!" - Buzovnada şoka salan hadisə | "İş başında” tutulanların ifşası - Baku TV
Xəzər rayonunda qeyri-adi oğurluq hadisəsi baş verib.
Hadisə rayonun Buzovna qəsəbəsində yerləşən qoruq ərazisində qeydə alınıb. Məlumata görə, gecə saatlarında iki nəfər həmin əraziyə gələrək qaya daşlarını oğurlamağa cəhd edib. Vətəndaşların ayıq-sayıqlığı nəticəsində qaya daşlarının qəsdən məhv edilməsi və ya zədələnməsinin qarşısı alınıb.
“Gecə burada terror ediblər. Tarixi abidəni pis günə qoyublar”, – deyə Buzovna sakini bildirib.
“Bura Azərbaycanın milli sərvət statuslu qoruq ərazisidir. Yəni bu ərazi Azərbaycan xalqına məxsusdur. Biz vətəndaş olaraq Vətən daşımızı qorumaq əvəzinə onu oğurlayırıq. Vallah, at oğrusu, inək oğrusu görmüşdük, qaya oğrusu görməmişdik”, – deyə digər sakin qeyd edib.
Daxili İşlər Nazirliyindən bildirilib ki, Xəzər rayonunun Buzovna qəsəbəsində yerləşən qoruq ərazisində qaya daşlarının qəsdən məhv edilməsi və ya zədələnməsi ilə bağlı daxil olmuş məlumat əsasında araşdırmalara başlanılıb. Polis əməkdaşları tərəfindən martın 23-də qeyd olunan ərazidə qanunsuz işlərin aparılması müəyyən olunaraq dayandırılıb. Araşdırmalarla qanunsuz işlərin 1978-ci il təvəllüdlü Ələsgər Cəfərov tərəfindən təşkil olunduğu, qaya daşlarının yerindən çıxarılmasının isə 1985-ci il təvəllüdlü Təbriz Orucov tərəfindən idarə olunan texnika vasitəsilə həyata keçirildiyi müəyyən edilib.
Faktla bağlı Xəzər Rayon Polis İdarəsinin İstintaq şöbəsində Cinayət Məcəlləsinin müvafiq maddələri ilə cinayət işi başlanılıb, Ələsgər Cəfərov məsuliyyətə cəlb olunub. Araşdırmalar davam etdirilir.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Kim təslim olacaq? - ABŞ-İran arasında güc balansı: İran hərbi gücünü itirir, yoxsa...? - Baku TV
Amerika Birləşmiş Ştatları və İran arasında müharibəni bitirmək variantları nə qədər uzanırsa, bir o qədər daralır.
Vaşinqton və Təl-Əviv həftələrdir iddia edir ki, İranın hərbi gücü ciddi şəkildə zəiflədilib. ABŞ Prezidenti Donald Tramp və müharibə naziri Pit Heqset bildirirlər ki, ardıcıl zərbələr Tehran rejiminin komanda strukturunu iflic edib və cavab imkanlarını minimuma endirib.
Onların hesablamasına görə, münaqişə artıq sona yaxın olmalıdır. Amma reallıq fərqlidir. Əksinə, eskalasiya daha sürətli, daha sərt və daha təhlükəli fazaya keçir. İranın Hind okeanında yerləşən Dieqo Qarsiya bazasına təxminən 3800 kilometr məsafədən raket zərbəsi endirməsi bu müharibənin yeni mərhələyə keçdiyini göstərir. Bu, Tehranın əvvəllər açıqlanmayan və ya yeni inkişaf etdirilən hərbi qabiliyyətidir.
Eyni zamanda İran İsrailin Dimona bölgəsini hədəf aldı, bu isə nüvə infrastrukturu ilə bağlı simvolik və strateji mesajdır: artıq “toxunulmaz obyekt” anlayışı yoxdur. Bu addımlar göstərir ki, Tehran dağılmayıb, əksinə, koordinasiyalı şəkildə cavab verir.
Lakin maraqlı sual yaranır. Əgər İran rəhbərliyinin böyük hissəsi zərərsizləşdirilibsə, onda qərarları kim verir?
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Şuşada möhtəşəm Novruz şənlikləri | "Güllü bağ"da bayram yarmarkası təşkil edildi - Baku TV
Azərbaycan xalqının tarixində, mədəniyyətində, adət-ənənələrində özünəməxsus yeri olan Novruz bayramı martın 19-da Şuşa şəhərində yüksək təntənə ilə qeyd edilib.
“Şuşa baharı” adlı bayram tədbiri Şuşa rayonunda Prezidentin xüsusi nümayəndəliyinin və Şuşa Şəhəri Dövlət Qoruğu İdarəsinin təşkilatçılığı ilə təşkil edilib.
Bayram tədbirində Şuşa rayonunda Azərbaycan Prezidentinin xüsusi nümayəndəsi Aydın Kərimov, Şuşa Şəhəri Dövlət Qoruğu İdarəsinin icraçı direktoru Tural Novruzov, Xüsusi Nümayəndəliyin və Qoruq İdarəsinin əməkdaşları, rayonun hüquq-mühafizə orqanlarının, idarə və müəssisələrinin rəhbərləri, Şuşa sakinləri, ictimaiyyət nümayəndələri və şəhərə təşrif buyuran qonaqlar iştirak ediblər.
Şuşa şəhər 1 nömrəli tam orta məktəbində təşkil edilən tədbirdə şagirdlərin hazırladıqları maraqlı kompozisiyalar, şeirlər, musiqi və rəqs nömrələri alqışlarla qarşılanıb.
“Güllü bağ” bayram yarmarkasında Şuşa sakinləri tərəfindən dadlı və ləzzətli təamlar, Novruz şirniyyatları, əl işləri təqdim edilib.
“Şuşa baharı” adlı konsert proqramında istedadlı Şuşa sakinlərinin, məktəblilərin ifasında mahnı və rəqslər hər kəsin marağına səbəb olub.
Respublikanın Xalq artisti Nazpəri Dostəliyeva və müğənnilər – Azad Şabanov və Namiq Qasımovun ifaları böyük rəğbətlə qarşılanıb.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
2020-ci ilin payızında müzəffər Ali Baş Komandan İlham Əliyevin rəhbərliyi ilə əzəli və əbədi torpaqlarımızı düşməndən azad etdik və indi regionun ən qüdrətli dövləti kimi mərhəməti, xeyirxahlığı, birliyi özündə ehtiva edən Novruz bayramını doğma torpaqlarımızda qeyd edirik.
Novruzun tarixi Azərbaycan xalqının tarixi kimi keşməkeşli olub. Belə ki, ötən əsrin 70-ci illərində Novruz bayramı ilk dəfə olaraq məhz Heydər Əliyevin xeyir-duası ilə qeyd olunub. Həmin vaxt ilk dəfə dövlət televiziyasında bayramla bağlı yayım efirə gedib. Bu da öz növbəsində milli özünüdərki gücləndirib. Bu gün müstəqil respublikamızda dövlət səviyyəsində Novruzun bayram kimi qeyd edilməsi öz milli köklərimizə, adət-ənənələrimizə dərin ehtiramın, sarsılmaz bağlılığın nümunəsidir. Kin-küdurətin unudulduğu, küsülülərin barışdığı bayram xalqımızın yüksək mənəvi dəyərlərindən xəbər verir. Dünyanın od-alov içində olduğu bir vaxtda bizim qaladığımız tonqal öz xarakterinə uyğun olaraq ədavətə yox, vəhdətə xidmət edir.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
"Elə məsələlər olub ki..." | Allahşükür Paşazadə dostunu bu sözlərlə yad etdi - Baku TV
Qafqaz Müsəlmanları İdarəsinin sədri Şeyxülislam Allahşükür Paşazadə Gürcüstanın Katolikos-Patriarxı II İliyanın dəfn mərasimində iştirak edəcək.
Bunu bayram namazından sonra jurnalistlərə açıqlamasında Allahşükür Paşazadə deyib.
O bildirib ki, ötən gün Gürcüstan səfirliyində olub: "Orada başsağlığı verdim. II İliya mənim dostum olub. Ermənistan məsələsində o mənim yanımda olub. Martın 22-də dəfndə iştirak edəcəyəm. Böyük şəxsiyyət idi. Azərbaycanın və mənim dostum idi. Dəfələrlə olub ki, Ermənistan məsələsində mənim yanımda olub. Yaxın dostumu itirdim".
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
MN-dən təcili açıqlama | Bakıda görünən dronlar müzakirələrə səbəb oldu - Baku TV
Gecə saatlarında Bakıda dron uçması ilə bağlı məlumatlar yayılıb. Bu, sosial şəbəkələrdə istifadəçilər arasında müzakirələrə səbəb olub.
Yayılan videolara münasibət bildirən hərbi ekspert Şair Ramaldanov qeyd edib ki, Azərbaycanla həmsərhəd ölkələr – Rusiya, eləcə də İran müharibə şəraitindədir və əlbəttə ki, Azərbaycan cəmiyyəti də qonşu ölkələrdə bu proseslərin gedişi ilə bağlı istənilən təhlükə ola biləcək xəbərlərə həssasdır:
“Naxçıvanda baş verən son hadisədən sonra təbii olaraq bizim cəmiyyətdə də təşviş yaranıb. Bakı səmasında görünən hərəkətlilik, əlbəttə, dron məsələsidir”.
Hərbi ekspert həmçinin vurğulayıb ki, indi demək olar ki, müxtəlif təyinatlı məişətdə belə istifadə olunan dronlar var:
“Biz bilirik ki, müəyyən tədbirlərdə dronlardan videoçəkilişlər üçün də istifadə olunur. Bütün bunlara baxmayaraq, Azərbaycanın hava məkanı tam şəkildə qorunur və əgər hər hansı bir uçuş aparatı varsa, bunlar nəzarət altındadır”.
Məsələ ilə əlaqədar Müdafiə Nazirliyi rəsmi məlumat yaymasa da, nazirlikdən bildirilib ki, narahatlığa heç bir əsas yoxdur.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
"Gecə olub..." | 4 uşaq anası müəllimin həyatına son qoyan dəhşətli hadisə - Baku TV
Qubada müəllim bədbəxt hadisə nəticəsində həyatını itirib. Hadisə rayonun Xucbala kəndində baş verib.
İlkin məlumata görə, kənd məktəbində işləyən 44 yaşlı Aytən Baxışova evində dəm qazından zəhərlənərək dünyasını dəyişib.
“Qanacaqlı, yerini bilən müəllim idi. Dörd övladı – iki oğlu, iki qızı var. Deyilənə görə, hadisə gecə saatlarında qazsızmadan baş verib”, – deyə kənd sakini Canpolad Mirzəyev hadisə ilə bağlı jurnalistlərə açıqlamasında bildirib.
Hazırda faktla bağlı araşdırma aparılır.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Qeyri-adi gecə həyatı olan şəhər | Onlar hətta evin damında da... - ORALARDA NECƏDİR?
“Oralarda necədir?” rubrikasının budəfəki buraxılışında İtaliyanın paytaxtı Romadan bəhs edilib.
Bakıdan 3105 kilometr uzaqda yerləşən, əsası eramızdan əvvəl 753-cü ildə qoyulan Roma Tibr çayı üzərində, 7 təpədə qurulmuş qədim şəhərlərdən biridir.
Panteon, Müqəddəs Mələk qəsri və Müqəddəs Pyotr Bazilikası kimi tarixi abidələri ilə məşhur olan Roma bu gün də Avropanın ən çox turist qəbul edən şəhərlərindən biridir.
Romada qadınlar adətən uşaq dünyaya gətirdikdən sonra uzun müddət evdə qalmırlar və təxminən üç aydan sonra işə qayıdırlar. Uşaqlar isə əsasən özəl bağçalara verilir.
Roma həm də italyan kişilərinin ailə dəyərlərinə bağlılığı ilə tanınır. Burada analara böyük hörmət göstərilir və onların sözünə xüsusi önəm verilir. Bu xüsusiyyət italyan ailə münasibətlərində də özünü göstərir.
Romada da yol tıxacları tez-tez müşahidə olunur. Bu səbəbdən bir çox sakinlər motosikletlərə üstünlük verir. Şəhərdə maraqlı təşəbbüslərdən biri də plastik qabların təhvil verilməsi ilə nəqliyyatda istifadə edilən bilet qazanmaq imkanıdır.
Roma rəngarəng gecə həyatı ilə də seçilir. Əyləncələr yalnız gecə klublarında deyil, evlərin damlarında, muzeylərdə və müxtəlif açıq məkanlarda da təşkil olunur. Bu cür tədbirlər daha çox şəhərin varlı təbəqəsi arasında populyardır.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
"Uşaqların ağzı-burnu..." - Məktəbin önündə gərgin anlar | Kameramızdan niyə qaçdılar? - Baku TV
Xəzər rayonu, Yeni Qala qəsəbəsində yerləşən 323 saylı məktəbdə idman zalının olmaması valideynlərin narahatlığına səbəb olub.
Baku TV-nin qaynar xəttinə daxil olan şikayətdə vətəndaşlar bildirirlər ki, şagirdlər idman dərslərini normal şəkildə keçə bilmirlər. Hətta bəzi hallarda uşaqlar dərs zamanı məktəbin yaxınlığında, avtomobillərin hərəkət etdiyi ərazidə oynamağa məcbur olurlar. Bu isə onların təhlükəsizliyi baxımından ciddi risklər yaradır.
“Məktəbdə 850-dən çox şagird təhsil alır. Stadion olmadığı üçün uşaqlar məcbur qalıb asfaltın üzərində futbol oynayırlar. Bir neçə uşaq yıxılıb, ağzı-burnu əzilib”, – deyə valideynlərdən biri qeyd edib.
Mövcud vəziyyətlə bağlı Bakı Şəhər Təhsil İdarəsindən bildirilib ki, məktəb infrastrukturunun yenilənməsi və məktəb şəbəkəsinin genişləndirilməsi baxımından davamlı tədbirlər, sosial inkişafa xidmət edən proqramlar həyata keçirilir. Bu tədbirlər təhsil alanların tədris şəraitinin yaxşılaşdırılmasına, təhsildə keyfiyyətin yüksəldilməsinə xidmət edir. 323 nömrəli tam orta ümum təhsil məktəbinin qarşıdakı illərdə yenidən qurulması aparılacağı təqdirdə idman zalının tikilməsi nəzərdə tutulur.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Xocavənddə bədbəxt hadisə | 58 yaşlı çoban minaya düşərək həlak olub - Baku TV
Xocavənd rayonunun Aşağı Veysəlli kəndi ərazisində mina partlayışı faciə ilə nəticələnib.
Ağdam rayon sakini, 58 yaşlı Ramiz Hacıyev keçmiş təmas xəttində minalardan təmizlənməmiş ərazidə mal-qara otararkən atla tank əleyhinə minaya düşərək həlak olub.
Hadisə yerinə cəlb olunan Minatəmizləmə Agentliyinin əməkdaşları Ramiz Hacıyevin meyitini təhlükəli ərazidən çıxararaq aidiyyəti üzrə təhvil veriblər. Aparılan müayinələrdən sonra onun meyiti ailəsinin məskunlaşdığı Beyləqan rayonuna gətirilib.
Faktla bağlı araşdırma aparılır.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
"Savaş bitməyəcək, bütün region..." | Sensasiyalı şərt | Qan su yerinə axacaq? - Baku TV
“İran Amerika Birləşmiş Ştatları ilə savaşın tezliklə yekunlaşmasına imkan verməyəcək”.
Bunu İranın Milli Təhlükəsizlik Şurasının katibi Əli Laricani “X”dəki hesabında yazıb.
“Tramp “biz bu müharibəni tez qazanmalıyıq” deyib, amma savaşı başlatmaq asan olsa da, müharibəni “Twitter”də bir neçə tvit paylaşmaqla yekunlaşdırmaq olmur”, – deyə Ə.Laricani bildirib.
İranın Milli Təhlükəsizlik Şurasının katibi ABŞ ilə savaşı bitirməyin şərtini də açıqlayıb: “Səhvinizi etiraf edib, buna görə cavab verməyənə qədər sizi buraxmayacağıq”.
Ə.Laricani həmçinin qeyd edib ki, İranın elektrik infrastrukturuna hücum olsa, bütün region qaranlığa qərq olacaq.
“Əgər bunu etsələr, bütün region yarım saatdan az bir müddətdə qaranlığa qərq olacaq. Bunun nəticəsində yaranan qaranlıq “təhlükəsizlik üçün qaçan” Amerika hərbçilərinin təqibinə şərait yaradacaq”, – deyə İranın Ali Milli Təhlükəsizlik Şurasının katibi vurğulayıb.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Şimali Koreyadan İranın yeni liderinə gözlənilməz dəstək | ABŞ və İsrailə sərt reaksiya - Baku TV
Şimali Koreya İranın yeni ali rəhbəri seçilən Müctəba Xameneinin namizədliyini dəstəklədiyini bildirib.
Bu barədə "Reuters" məlumat yayıb.
Məlumata görə, Şimali Koreyanın Xarici İşlər Nazirliyi İran xalqının yeni ali rəhbər kimi Müctəba Xameneini seçmək qərarını dəstəklədiyini bəyan edib.
Bildirilir ki, Müctəba Xamenei ABŞ və İsrailin İrana qarşı ilk zərbələri zamanı həlak olan atasının İranın ali rəhbəri Əli Xameneinin varisi kimi təyin olunub.
Şimali Koreya tərəfi həmçinin ABŞ və İsrailin İrana qarşı həyata keçirdiyi hücumları pisləyib.
Şimali Koreyanın dövlət xəbər agentliyi KCNA-nın yaydığı məlumata görə, Pxenyan bu hücumları qanunsuz adlandırıb və onların qlobal sülhə zərbə vuraraq dünyada sabitsizliyi artırdığını bildirib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
İran üçün dəhşət | "Böyük səhv etdilər!" | Sarsıdıcı hücum dalğasına start verilir? - Baku TV
Pentaqon rəhbəri Pit Heqset İranın yeni ali lideri Müctəba Xameneinin ABŞ Prezidenti Donald Trampın sözlərinə qulaq asmalı və nüvə silahı yaratmaq planlarından imtina etməli olduğunu deyib.
O bunu Birləşmiş Qərargah Rəisləri Komitəsinin sədri Den Keynlə birgə mətbuat konfransında söyləyib.
“İranın yeni liderinə prezidentimizin sözlərinə qulaq asmaq ağıllı addım olardı – nüvə silahı yaratmağa can atmamaq və bunu birbaşa bəyan etmək”, – deyə o qeyd edib.
Müctəba Xameneinin İrana endirilən zərbələr nəticəsində yaralana biləcəyinə dair şayiələrlə bağlı suala cavab verən Heqset bunu şərh edə bilməyəcəyini bəyan edib.
Pentaqon rəhbəri həmçinin bildirib ki, İran hakimiyyəti qonşu ölkələrin ərazisinə zərbələr endirməklə böyük səhv etdi. Onun sözlərinə görə, ABŞ İran tam və qəti şəkildə məğlub edilənə qədər İsraillə birgə əməliyyatı başa çatdırmaq niyyətində deyil.
“ABŞ düşmən tam və qəti şəkildə məğlub edilənə qədər geri çəkilməyəcək. Lakin biz öz qrafikimizə və öz seçimimizə uyğun hərəkət edəcəyik”, – deyə o söyləyib.
Bununla yanaşı, Heqset əməliyyatın hansı mərhələdə olduğunu deməyib, yalnız ABŞ qoşunlarının tapşırıqları dəqiqliklə yerinə yetirdiyini söyləyib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Bu göstərişlərə əməl edin | XİN-dən Azərbaycan vətəndaşlarına təcili çağırış - Baku TV
Azərbaycanın Xarici İşlər Nazirliyi İrandada təhlükəsizlik vəziyyətinin gərginləşdiyini nəzərə alaraq, Azərbaycan vətəndaşlarını İrana səfər etməkdən çəkinməyə, hazırda İran ərazisində olan Azərbaycan vətəndaşlarına isə yerləşdikləri bölgədən asılı olaraq İranı Azərbaycan və ya Türkiyə ərazisindən tərk etməyə çağırıb.
Bununla bağlı XİN "X" hesabında paylaşım edib.
Qeyd olunub ki, vətəndaşlardan təhlükəsizlik tədbirlərinə riayət etmələri, kütləvi toplaşma yerlərindən uzaq durmaları, yerli hakimiyyət orqanlarının göstərişlərinə əməl etmələri və rəsmi məlumat mənbələrini mütəmadi izləmələri xahiş olunur.
Hər hansı bir fövqəladə vəziyyətlə bağlı vətəndaşlarımızın Azərbaycanın İran İslam Respublikasındakı Səfirliyi və Təbriz şəhərindəki Baş Konsulluğu ilə əlaqə saxlamaları xahiş olunub.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
AZAL-ın 2 reysi Bakıya qayıtdı | Gərgin vəziyyətlə bağlı sərnişinlərə məlumat - Baku TV
“Azərbaycan Hava Yolları” aviaşirkətinin J2-011 nömrəli Bakı-Dubay və J2-1091 nömrəli Bakı-Ciddə reysləri İran hava məkanının bağlı olması səbəbindən Bakıya geri qayıdıb.
Bu barədə AZAL-dan məlumat verilib.
Bildirilib ki, Bakı-Dubay reysi Heydər Əliyev Beynəlxalq Aeroportuna 10:47-də uğurla eniş edib. Ciddə reysinin də Bakı hava limanına yaxın zamanda enişi gözlənilir.
Qeyd edilib ki, AZAL Yaxın Şərqdəki mövcud vəziyyəti diqqətlə izləməyə davam edir və uçuşların təhlükəsizliyinin təmin edilməsi üçün bütün lazımi tədbirləri görür. Sərnişinlər uçuş cədvəlindəki dəyişikliklər barədə operativ şəkildə məlumatlandırılacaqlar.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Sensasiya: Xameneinin iqamətgahına gözlənilməz hücum | ABŞ məsələyə qarışdı! - Baku TV
“İsrail İrana qabaqlayıcı zərbə endirib”. Bunu İsrailin müdafiə naziri İsrael Katz bəyan edib.
Onun sözlərinə görə, ölkənin bütün ərazisində dərhal fövqəladə vəziyyət elan edilib.
“İsrail dövləti ölkəyə qarşı təhdidləri aradan qaldırmaq üçün İrana qabaqlayıcı zərbə endirib”, – deyə nazir bildirib.
İsrailin bütün ərazisində sirenlər işə düşüb, İsrail Müdafiə Ordusunun arxa cəbhə komandanlığı mülki əhalini sığınacaqlara yaxın olmağa çağırıb.
AP agentliyinin amerikalı rəsmilərə istinadən verdiyi xəbərə görə, ABŞ İsrailin İrana endirdiyi zərbələrdə iştirak edir.
“Iran International”ın xəbərinə görə, Tehranın mərkəzində İranın ali lideri Əli Xameneinin əsas iqamətgahı da hücuma məruz qalıb. Hücumun nəticəsi hələlik məlum deyil.
Yerli medianın xəbərinə görə, İranın hava məkanı növbəti xəbərdarlığa qədər bağlanıb.
Baş verənlərlə əlaqədar İran parlamentinin milli təhlükəsizlik komissiyasının sədri İbrahim Əzizi “X” hesabında İsraillə bağlı bunları yazıb: “Xəbərdarlıq etmişdik. Elə bir yola girmisiniz ki, sonu sizin əlinizdə deyil”.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Mədə-bağırsaq xəstəliklərində edilən səhv | Yanma, şişkinlik nəyin xəbərçisidir? - BAKU MED
“Baku Med” verilişinin budəfəki buraxılışında mədə-bağırsaq xəstəliklərindən danışılıb.
Şişkinlik hansı xəstəliklərin əlamətidir?
Mədədə yanma həmişə qastrit deməkdirmi?
Həzm pozğunluğu streslə necə əlaqəlidir?
Gecə yaranan mədə yanması nəyin əlamətidir?
Mədə-bağırsaq iltihabının əlamətləri nələrdir?
Verilişdə qastroenteroloq Ülviyyə Quliyeva ilə bu və digər suallara aydınlıq gətirilib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Pakistan-Əfqanıstan sərhədində gərginlik davam edir - Baku TV
Pakistan Silahlı Qüvvələri ilə toqquşmalarda həlak olan Əfqanıstan hərbçilərinin sayı 297 nəfərə çatıb, 450-dən çox hərbçi isə yaralanıb.
Bu barədə Pakistanın informasiya naziri Attaulla Tarar "X" hesabında yazıb.
Onun sözlərinə görə, Pakistan Ordusu tərəfindən Əfqanıstanın 29 hədəfinə hava hücumları həyata keçirilib, nəticədə 89 nəzarət məntəqəsi məhv edilib, daha 18-i isə nəzarət altına alınıb. Bundan əlavə, tanklar, zirehli personal daşıyıcıları və artilleriya da daxil olmaqla, 135-dən çox hərbi texnikaya ziyan dəyib.
Qeyd edək ki, bir müddət öncə Pakistan Əfqanıstanın “Taliban” hakimiyyətinə qarşı əməliyyata başladığını açıqlayıb. Pakistan Hərbi Hava Qüvvələrinin Kabil, Qəndəhar və Paktia bölgələrində hərbi obyektlərə hava zərbələri endirdiyi bildirilir. Pakistanın siyasi rəhbərliyi orduya dəstək bəyan edib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
“Gözünün içinəcən yalan deyirsən” - İzzət Bağırov 1 gecədə necə məşhurlaşdı? | QAPQARA
“Qapqara” verilişinin budəfəki buraxılışının qonağı müğənni İzzət Bağırov olub.
Sənətçi səhnədəki İzzətlə tək qaldığı zamankı İzzətin fərqli olduğunu bildirib:
“Təbii ki, səhnədə rol oynamalıyam, çünki bu, işin bir parçasıdır. Səhnədir, orada qanım qara da olsa, əhvalım yaxşı da olsa, bu, tamaşaçılara təsir etməməlidir. Xüsusilə də toyda, əgər toy aparıramsa, bu, insanların şad günüdür, mənim öz problemlərim onlara təsir etməməlidir”.
Müğənni bir gecədə necə məşhurlaşmağından danışıb: “1991-ci ildə “7-17” müsabiqəsi bir gecədə məni populyar etdi. Səhər durdum ki, bütün ölkə məni tanıyır. O dövrdə heç bir əyləncəli proqram və kanal yox idi, amma birdən-birə “7-17” müsabiqəsi ortaya çıxdı. Çox gözəl yarışma idi, çox səmimi idi, SMS-siz, xalqın seçimi ilə keçirilirdi”.
İzzət Bağırov sosial media və onun musiqini necə ucuzlaşdırmasına da toxunub:
“Bugün sosial şəbəkələr, xüsusilə “YouTube”, “Instagram”, “TikTok” vəziyyəti elə bir yerə gətirib çatdırıb ki, artıq hər kəs əlçatandır. Məsələn, mətbəxdə qazanın qapağını qaldıranda da içindən müğənninin başı çıxır. Əvvəllər isə sənətçiləri ancaq konsertlərdə, efirdə görürdülər”.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
İlham Əliyev Mərkəzi Asiya ölkələrinin rolunu vurğulayıb - Baku TV
“Xəzər dənizinin digər sahilində yerləşən Mərkəzi Asiya dövlətlərini yaddan çıxarmalı deyilik”.
Bu sözləri Prezident İlham Əliyev Münxendə “Açıq dəhliz siyasəti? Trans-Xəzər əməkdaşlığının dərinləşdirilməsi” mövzusunda panel müzakirələrdə deyib.
Prezident bildirib ki, onlar olmasa, Çindən hər hansı yük Avropaya gedə bilməz.
“Ona görə Çin, Mərkəzi Asiya, Xəzər dənizi, Azərbaycan, Gürcüstan, Türkiyə və daha sonra Avropa – bu coğrafiya belədir. Azərbaycan artıq fəal şəkildə Mərkəzi Asiya ölkələri ilə çalışır. Azərbaycan Mərkəzi Asiya Dövlətlərinin Məşvərət Şurasının üzvüdür. Bütün bunlar bağlantılara xidmət edir”, – deyə dövlət başçısı qeyd edib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
İlham Əliyevdən diplomatik nümayəndəliklərimizə hücuma münasibət - Baku TV
“Azərbaycanın Kiyevdə səfirliyinin Rusiya tərəfindən atəşə tutulmasını qeyri-dost addım kimi qəbul edirik”.
Bu sözləri Prezident İlham Əliyev Münxendə “Açıq dəhliz siyasəti? Trans-Xəzər əməkdaşlığının dərinləşdirilməsi” mövzusunda panel müzakirələrdə deyib.
Prezident vurğulayıb ki, Azərbaycanın Ukraynadakı səfirliyinə 3 dəfə zərbə olub:
“Birinci hücuma gəldikdə elə bilirdik, bu, təsadüfi olub. Daha sonra Rusiya tərəfinə Azərbaycanın diplomatik nümayəndəlikləri, konsulluq şöbəsinin, mədəni mərkəzin, səfirliyin koordinatlarını vermişdik. Buna baxmayaraq, iki əlavə hücum olub. Bu, bilərəkdən Azərbaycanın diplomatik nümayəndəliklərinə hücumdur”.
Dövlət başçısı xatırladıb ki, bununla bağlı Azərbaycanın bəyanatı olub, səfir dəvət olunub və ona diplomatik nota verilib: “Yalnız diplomatik formatda addımlar atdıq. Əlavə hər hansı iş görə bilmərik”.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
İlham Əliyevin Münxendə Volodimir Zelenski ilə görüşü olub - Baku TV
Azərbaycan Prezidenti İlham Əliyevin Münxendə Ukrayna Prezidenti Volodimir Zelenski ilə görüşü olub.
Söhbət zamanı ölkələrimiz arasında əməkdaşlığın müxtəlif istiqamətlərdə, o cümlədən enerji sahəsində genişləndirilməsi ilə bağlı məsələlər müzakirə olunub.
Volodimir Zelenski Azərbaycanın Ukraynaya göstərdiyi humanitar dəstəyə, xüsusilə ukraynalı uşaqlara olan diqqət və qayğıya görə minnətdarlığını ifadə edib.
Azərbaycan və Ukrayna prezidentləri ölkələrimiz arasında ikitərəfli münasibətlərin perspektivləri ilə bağlı fikir mübadiləsi aparıblar.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
İlham Əliyev Avropa Komissiyasının vitse-prezidenti Kaya Kallas ilə bir araya gəlib - Baku TV
Prezident İlham Əliyev Münxendə Avropa İttifaqının xarici işlər və təhlükəsizlik siyasəti üzrə ali nümayəndəsi, Avropa Komissiyasının vitse-prezidenti Kaya Kallas ilə görüşüb.
Söhbət zamanı Kaya Kallasın ötən il ölkəmizə səfəri və dövlət başçısı ilə görüşü məmnunluqla xatırlanıb.
Avropa İttifaqının Azərbaycanla münasibətləri daha da inkişaf etdirməkdə maraqlı olduğu bildirilib.
Avropa İttifaqı ilə ölkəmiz arasında enerji sahəsində uğurlu əməkdaşlığın həyata keçirildiyi vurğulanaraq bu xüsusda Azərbaycanın Avropanın enerji təhlükəsizliyinin təmin olunmasına verdiyi mühüm töhfələrə toxunulub.
Ölkəmizlə Avropa İttifaqı arasında enerji sahəsi ilə yanaşı, nəqliyyat sahəsində də əməkdaşlıq üçün geniş imkanların olduğu vurğulanıb.
Söhbət zamanı Azərbaycan-Avropa İttifaqı əməkdaşlığının perspektivləri, Cənubi Qafqaz regionunda davamlı sülhün və sabitliyin təmin olunması, həmçinin qarşılıqlı maraq doğuran digər məsələlərə dair fikir mübadiləsi aparılıb.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Sərhədlərimizdə sülh qurulub, yeni vəziyyət yaranıb | İlham Əliyev - Baku TV
“Bizim sərhədlərimizdə sülh qurulur, tamamilə yeni vəziyyət yaranıb. Heç bir atışma yoxdur, heç kəs yaralanmır, heç kim qətlə yetirilmir”.
Bu fikirləri Prezident İlham Əliyev Münxendə “Açıq dəhliz siyasəti? Trans-Xəzər əməkdaşlığının dərinləşdirilməsi” mövzusunda panel müzakirələrdə səsləndirib.
Dövlət başçısı qeyd edib ki, biz artıq Ermənistanla əməkdaşlığa başlamışıq: “Biz yüklərin daşınmasında Azərbaycan ərazisində bütün məhdudiyyətləri aradan qaldırmışıq. Gürcüstanlı dostlarımıza da təşəkkürümüzü bildiririk ki, onlar çox mühüm tranzit imkanlarını yaradırlar”.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
"Ailəm üçün 2 "smen" işləyirdim, "KamAZ"a girdim" - Əlil kişini arvadı niyə atdı? - ARZUNUN VAXTI
“Arzunun vaxtı” verilişinin yeni buraxılışı yayımlanıb.
Proqramın budəfəki buraxılışında əlilliyi olan şəxs Nemət Abdurahmanov öz həyat hekayəsini danışıb.
Onun sözlərinə görə, 6 yaşında valideynləri tərəfindən uşaq evinə verilib:
“Səbəb kimi kasıb olmalarını göstəriblər. Evin sonuncu övladı olmuşam. Qardaşlarımı özləri ilə saxlayıblar. Mənə baxa bilmədikləri üçün uşaq evinə qoyublar. 8 yaşımdan sonra məni görməyə də gəlmədilər”.
Nemət Abdullayev bildirib ki, 2021-ci ildə kuryer kimi çalışarkən ağır yol qəzası keçirib və iki il yatağa məhkum olub:
“Bədənimin sümüklərinin 35 faizindən çoxu sındı. Ayağımda infeksiya var, 5 sm qısalıb. Həyat yoldaşım mənə 3 ay baxdı. Həkim ömürlük yatağa məhkum qalacağımı deyəndə qayınanam qızına mənə baxmağa icazə vermədi”.
Əliliyi olan şəxs onu da deyib ki, dəfələrlə əməliyyat keçirib və həyat yoldaşı heç birində onu görməyə gəlməyib:
“Sığınacaqda qalanda da gəlmədi. Sonuncu əməliyyatlardan sonra daha yaxşı oldum. Ondan sonra anası zəng etdi ki, uşaqlarınız var, barışın. Amma qəbul etmədim. Çünki ayağımın kəsilmə ehtimalı var. Bilirəm ki, bu baş versə, məni yenə qoyub gedəcək. İkinci dəfə bu zərbəni almağa hazır deyiləm”.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
“Qapqara” verilişinin budəfəki buraxılışının qonağı aktyor Hikmət Rəhimov olub.
O, “Səkkiz” serialının çəkiliş prosesindən danışıb:
“Səkkiz”dəki baş qəhrəman obrazına görə bir çox qrimçi ilə görüşdüm və başa düşdüm ki, bizdə bu obrazı düzgün qrim edə biləcək, həmçinin bu sahədə kifayət qədər təcrübəsi olan mütəxəssis hələ ki yoxdur. Buna görə də məcbur qalıb dörd dişimdən imtina etdim, qaşımı və saçımı qırxdım. Evə gedəndə oğlum məni görüb qorxusundan ağlamışdı. Elə bilirdi ki, ciddi xəstəliyim var. Bu isə məni narahat edirdi. Serialın həm rejissorluğunu etmək, həm də belə bir psixoloji qəhrəmanı canlandırmaq çox çətin idi. Buna baxmayaraq, maraqlı serial ərsəyə gəldi, xeyli tamaşaçı ona baxdı”.
Aktyor həmçinin mənəvi cəhətdən kamilləşməsindən bəhs edib. Onun fikrincə, insan öz həqiqətləri ilə üz-üzə gəlmədən nə böyüyə, nə də azad ola bilər:
“Həyatımda düzgün qərar vermədiyim, yanlış mühitlərdə və səhv insanlarla münasibətdə olduğum dövrlər olub. Daha sonra hər şeyi özüm üçün analiz etdim. Allah mənə dərs verdi. Əgər ondan nəticə çıxarmasaydım, indiki mən olmazdım”.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Yollarda dəyişiklik etdilər, problem niyə artdı? | Əks-təsir yaradan qayda - NECƏ OLMALIDIR?
“Necə olmalıdır?” rubrikasının yeni buraxılışında paytaxtın Tbilisi prospektinin Bakıxanov körpüsü ilə kəsişdiyi ərazidə hərəkətin təşkilində edilən dəyişiklikdən sonra yaranmış problem barədə məlumat verilib.
Bildirilib ki, yeni yol xətlənməsindən sonra avtomobillər iki hərəkət zolağını və bir avtobus zolağını “qayçı effekti” ilə, demək olar ki, düz bucaq altında kəsmək məcburiyyətində qalır.
Qeyd edilib ki, İzmir parkı istiqamətində hərəkət edən sürücülər sağdan gələn avtomobilləri yol kənarındakı maneələr səbəbindən vaxtında görə bilmirlər. Kəsişmədən sonra yerləşən nizamlanmayan piyada keçidi vəziyyəti daha da mürəkkəbləşdirir.
Vurğulanıb ki, oxşar problemlər “Nizami” metro stansiyası istiqamətində də müşahidə olunur. Yol nişanlarının olmaması və zolaqların qeyri-dəqiq təşkili sürücülər üçün əlavə çətinlik yaradır.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
"2-3 dəfə elə hadisə olub ki..." - Tikinti meydançasında dəhşət | Ölümlərin səbəbi nədir? - Baku TV
Bir müddət əvvəl paytaxtın Nizami rayonunda, həmçinin Xırdalan şəhərindəki tikinti meydançalarında qaldırıcı qurğuların qırılması nəticəsində işçilər həyatlarını itirdilər.
Bu hadisələr bir daha sözügedən qurğuların təhlükəsizliyi məsələsini gündəmə gətirdi.
Mühəndis Əsəd Məmmədov mövzu ilə bağlı Baku TV-yə danışarkən bildirib ki, bədbəxt hadisələrin baş verməsinə səbəb çox vaxt səhlənkarlıq olur:
“2-3 dəfə mən də belə halların şahidi olmuşam. Ya fəhlələr səhlənkarlıq edirlər, ya da sürücülər kranı harasa çırpırlar”.
Təhlükəsizlik üzrə ekspert Elmar Nurəliyev isə bildirib ki, qaldırıcı qurğuları idarə edənlər sertifikasiyası olan şəxslərdir:
“Onların bu qurğuları idarə etmək üçün hüquqları olur. Nasazlıq olduğu zaman texniki xidmətin göstərilməsi yalnız ixtisaslaşmış müəssisə tərəfindən həyata keçirilir”.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
"Bu tarixə qədər..." | Avtobuslardan istifadə edənlərin nəzərinə - Baku TV
“Hazırda Bakıda 2300 avtobus fəaliyyət göstərir”.
Bunu Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramı”nın ötən il üzrə icrasına həsr olunan dəyirmi masada jurnalistləri suallarını cavablandırarlən Azərbaycan Yerüstü Nəqliyyat Agentliyinin (AYNA) idarə heyətinin sədri Anar Rzayev deyib.
O bildirib ki, bu avtobuslardan təxminən 1000-nin dəyişdirilməsinə ehtiyac var.
“Avtobus parkına yeni daxil edilən avtobusların qırmızı rəngdə olması tələbi qoyulub. 2030-cu ilə qədər 1000 avtobusun yenilənməsi nəzərdə tutulur”, – A.Rzayev qeyd edib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
İlham Əliyev Davosda Qətərin Baş naziri və xarici işlər naziri ilə görüşüb - Baku TV
Prezident İlham Əliyev Davosda Qətər Dövlətinin Baş naziri və xarici işlər naziri Şeyx Məhəmməd bin Əbdülrəhman bin Casim Al Tani ilə görüşüb.
Görüşdə əlaqələrimizin mövcud səviyyəsindən məmnunluq ifadə olunub, əməkdaşlığın bir çox istiqamətlər üzrə, o cümlədən iqtisadi-ticari müstəvidə inkişafı üçün geniş potensialın olduğu vurğulanıb, ölkələrimiz arasında mövcud sıx münasibətlərin gələcəkdə daha da möhkəmlənəcəyinə əminlik bildirilib.
Azərbaycan Respublikasının Dövlət Neft Şirkəti tərəfindən Azərbaycan qazının Suriyaya çatdırılması vasitəsilə bu ölkənin enerji təchizatının bərpası işində ölkələrimizin uğurlu əməkdaşlığı qeyd edilib. Söhbət zamanı qarşılıqlı maraq doğuran məsələlər ətrafında fikir mübadiləsi aparılıb.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
"SOCAR Karbamid" Dünya İqtisadi Forumunun nüfuzlu "Qlobal mayak" Şəbəkəsinə üzv oldu - Baku TV
“SOCAR Karbamid” zavodu Dünya İqtisadi Forumunun nüfuzlu “Qlobal mayak” Şəbəkəsinə üzv qəbul edilib.
Zavod həmçinin Forumun “Rəqəmsal mayak” mükafatına da layiq görülüb.
Dünya İqtisadi Forumu çərçivəsində mükafat SOCAR-ın Müşahidə Şurasının sədri, iqtisadiyyat naziri Mikayıl Cabbarova təqdim edilib.
Şirkətin yaydığı məlumata görə, “Rəqəmsal mayak” mükafatı bundan öncə “Petkim” neft-kimya kompleksi və “Star” neft emalı zavoduna təqdim olunub.
“SOCAR Karbamid” Azərbaycanda fəaliyyət göstərən müəssisələr arasında bu nailiyyəti qazanan ilk zavoddur.
Bununla yanaşı, müəssisə dünyada bu mükafatı əldə edən ilk gübrə zavodudur.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Fermada yaşayan 4 uşaq anası imdad diləyir | "Ərimi bu vəziyyətdə qoyub necə işləyim?!" - Baku TV
Dörd övladı olan Həsənovlar ailəsi üzləşdikləri ağır sosial vəziyyətlə bağlı Baku TV-yə müraciət edib.
Ailə üzvü Nərminə Həsənovanın sözlərinə görə, həyat yoldaşı Həsən Həsənov Vətən müharibəsində iştirak edib və müharibədən sonra səhhətində yaranan problemlərlə əlaqədar bir neçə dəfə müalicə alıb. Ailə dolanışıq məqsədilə Şəkinin Cumakənd ərazisindən Zaqatala rayonunun Lahıc kəndində yerləşən fermaya köçüb.
Nərminə Həsənova bildirib ki, maddi imkansızlıq səbəbindən uşaqlarını məktəbə göndərə bilmir:
“İmkansızlıqdan bu fermaya köçmüşəm. Uşaqlarımı məktəbə göndərə bilmirəm. Hər ana kimi mən də istəyirəm ki, övladlarım təhsil alsın. Yoldaşım müharibəyə getməmişdən əvvəl ailəni dolandıra bilirdi. Amma indi vəziyyətimiz çox ağırdır. Uşaqlarımı yedizdirməyə heç nə tapmıram. Mən və yoldaşım işləyə bilmirik. Körpə uşaqlarımı və xəstə ərimi qoyub harada işləyim?!”.
Məsələ ilə bağlı Dövlət Sosial Müdafiə Fondundan bildirilib ki, Zaqatala rayon sakini Həsənova Nərminə Elman qızı ilə ailənin ünvanlı dövlət sosial yardımı hüququnun müəyyən edilməsi məqsədilə ilkin olaraq telefon vasitəsilə əlaqə saxlanılıb.
Qeyd olunub ki, aparılan danışıq zamanı ailənin sosial yardımla bağlı elektron sistemə son müraciətinin 2023-cü ildə edildiyi məlum olub. Həmin müraciət zamanı ərizə-bəyannamədə göstərilən ünvanda ailənin faktiki yaşamaması səbəbindən imtina verilib. Bundan sonra ailə tərəfindən elektron sistem üzərindən yeni müraciət daxil olmayıb.
Hazırda ailə tərkibi 6 nəfərdən ibarətdir. Nərminə Həsənova 8 yaşınadək uşağa qulluq edən şəxs, həyat yoldaşı isə əmək qabiliyyətli, lakin məşğulluğu olmayan şəxs kimi qeydiyyatdadır. Bu səbəbdən mövcud qanunvericiliyə əsasən, ailənin hazırda ünvanlı dövlət sosial yardım almaq hüququ yaranmır.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Prezident Davosda "BlackRock" və "Global Infrastructure Partners"in rəsmiləri ilə görüşüb - Baku TV
Prezident İlham Əliyev Davosda aktivlərin idarə olunması üzrə dünyanın aparıcı şirkətlərindən biri olan “BlackRock”un baş icraçı direktoru Larri Fink və bu şirkətin tərkibinə daxil olan “Global Infrastructure Partners” (GIP) şirkətinin təsisçisi, sədri və baş icraçı direktoru Adebayo Oqunlesi ilə görüşüb.
Söhbət zamanı Azərbaycan Respublikası Dövlət Neft Fondu (ARDNF) ilə “BlackRock” arasında mövcud əməkdaşlığın cari vəziyyəti və inkişaf perspektivləri, həmçinin Azərbaycanda infrastruktur sahəsində potensial investisiya imkanları müzakirə olunub.
Dövlət başçısının Davosa səfəri çərçivəsində Dövlət Neft Fondu ilə “BlackRock” və bu şirkətin tərkibinə daxil olan, qlobal infrastruktur investisiya idarəetmə şirkəti olan “Global Infrastructure Partners” arasında uzunmüddətli əməkdaşlığa dair niyyət protokolunun imzalanmasının əhəmiyyətinə toxunulub. Sənəd mövcud əməkdaşlığın uzunmüddətli, strateji çərçivədə davam etdirilməsini, eləcə də beynəlxalq infrastruktur investisiya platforması çərçivəsində Azərbaycanda potensial investisiya imkanlarının araşdırılmasını nəzərdə tutur.
Niyyət protokoluna əsasən, ARDNF-in “GIP” tərəfindən idarə olunan infrastruktur fondlarına və birgə investisiya imkanlarına 3-4 il müddətində 1,5 milyard ABŞ dollarınadək kapital qoyuluşu imkanlarının nəzərdən keçirilməsi planlaşdırılır. Əməkdaşlıq çərçivəsində Azərbaycanda regional bulud və süni intellekt tələbatına xidmət edən məlumat mərkəzləri və infrastruktur üzrə potensial investisiya imkanlarının dəyərləndirilməsi, hava limanı infrastrukturu sahəsində “Global Infrastructure Partners”in əməliyyat və idarəetmə təcrübəsi nəzərə alınmaqla tərəfdaşlığın perspektivlərinin araşdırılması nəzərdə tutulur.
Qeyd edək ki, Azərbaycanda və ya ölkəmizlə əlaqəli infrastruktur aktivlərinə dair investisiya imkanlarının dəyərləndirilməsi də əməkdaşlığın əsas istiqamətlərindəndir. Niyyət protokolu Dövlət Neft Fondunun qlobal investisiya ekosistemində mövqeyinin möhkəmləndirilməsinə, beynəlxalq tərəfdaşlarla əməkdaşlığın daha da genişləndirilməsinə və Azərbaycanın strateji əhəmiyyətli infrastruktur sahələrində uzunmüddətli investisiya imkanlarının formalaşdırılmasına töhfə verəcək.
Görüşün sonunda Azərbaycan Prezidentinin iştirakı ilə niyyət protokolunun mübadiləsi mərasimi olub.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Azərbaycan çoxsaylı tərəfdaşlarla yaxşı münasibətlər qurur | Prezident - Baku TV
“Artıq beynəlxalq təsisatlara etibar etməməliyik. Aleksandarla razıyam ki, bu gün vəziyyətimiz ola bilsin əvvəlki illərlə müqayisədə daha kəskindir”.
Bu barədə Prezident İlham Əliyev Davosda “Avrasiyanın iqtisadi özünəməxsusluğunun müəyyənləşdirilməsi” mövzusunda panel iclasında çıxışı zamanı bildirib.
“Amma mən onun müəyyən, yəni bədbin fikirlərini bölüşmürəm. Çünki vəziyyəti nəzarət altına alsaq, milli maraqlarımızla bağlı öhdəlikləri kifayət qədər götürsək, o zaman xalqların uğur qazanması mümkündür”, – deyə dövlət başçısı əlavə edib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Fransadan ABŞ-yə qarşı sərt addım | Qrenlandiya məsələsində gərginlik artdı - Baku TV
“Fransa Qrenlandiyaya ordu göndərəcək”.
Bu barədə Fransa Prezidenti Emmanuel Makron hərbçilər qarşısında çıxışı zamanı bildirib.
O, 15 fransız hərbçinin artıq Qrenlandiyaya yola salındığını diqqətə çatdırıb.
Makron həmçinin 2026-2030-cu illər ərzində Fransanın müdafiə büdcəsinin 36 milyard avro artırılmasının vacibliyini vurğulayıb.
“Bild” qəzetinin öz mənbələrinə istinadən yaydığı məlumata görə isə Almaniya da bu təşəbbüsə qoşulacaq. Nəşrin iddiasına görə, Bundesver qoşunlarından ibarət qabaqcıl qrup yaxın günlərdə Qrenlandiyaya yola salınacaq.
Qeyd edək ki, Danimarka artıq Qrenlandiyaya hərbçilər yerləşdirməyə başlayıb. İsveç də hərbi personalının bir hissəsini adaya göndərdiyini təsdiqləyib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Venesuela XİN-dən ABŞ ilə bağlı açıqlama - Baku TV
“ABŞ Dövlət Departamentinin Venesuelada təhlükəsizlik təhdidi ilə bağlı xəbərdarlığı həqiqətə uyğun deyil. Ölkədə sabitlik və dinc vəziyyət qalmaqdadır”.
Bu barədə Venesuela Xarici İşlər Nazirliyinin rəhbəri İvan Gil Pintonun teleqram kanalında yayılmış açıqlamasında bildirilib.
“Venesuelada tamamilə dinclik, sülh və sabitlik hökm sürür. Bütün yaşayış məntəqələri, nəqliyyat yolları, nəzarət-buraxılış məntəqələri və təhlükəsizlik obyektləri normal fəaliyyət göstərir və respublikanın Silahlı Qüvvələri güc tətbiq etmək və Venesuela xalqının dincliyini təmin etmək üçün qanuni hüququnun yeganə qarantı olan Bolivar hökumətinin nəzarəti altındadır”, – deyə bəyanatda vurğulanır.
XİN qeyd edib ki, Venesuela sülhün, sabitliyin qorunmasına və xalqın təhlükəsizliyinin təmin olunmasına sadiqliyini bir daha təsdiqləyir.
Bu arada Ağ Ev Venesuela neftinin qlobal bazarda satışını asanlaşdırmaq üçün əvvəllər bu ölkəyə tətbiq olunan sanksiyaların daha bir hissəsini ləğv edə bilər.
ABŞ-nin maliyyə naziri Skott Bessentin sözlərinə görə, Vaşinqton Venesuelanın Beynəlxalq Valyuta Fondunda bloklanan 3,59 milyard dollarını nağd pula çevirmək niyyətindədir. Nazir bu maliyyələşdirmənin Venesuela iqtisadiyyatını bərpa etmək üçün istifadə oluna biləcəyini açıqlayıb.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Sosial mənzil mexanizmləri necə işləyir? | Yeni imkanlar açıqlandı - Baku TV
Ev sahibi olmaq illərlə əlçatmaz arzu kimi görünürdü. Amma bu gün Azərbaycanda dövlətin yaratdığı mexanizmlər sayəsində minlərlə ailə bu arzunu reallığa çevirir.
İpoteka kreditləri, sosial mənzillər və kirayədən mülkiyyətə keçid modelləri Azərbaycan dövlətinin mənzil siyasətinin əsas dayaqlarıdır.
Bu mexanizmlər fərqli sosial qruplara hesablanıb. Kimisi artıq oturuşmuş stabil gəliri olanlar, kimisi isə hələ yolun əvvəlində olan gənc ailələr üçün nəzərdə tutulub. Əsas məqsəd isə birdir: mənzil sahibi olmağı mümkün qədər əlçatan etmək.
Bu gün ölkəmizdə ipoteka krediti banklar üzərindən verilir və iki əsas kateqoriyaya bölünür: adi və güzəştli. Xüsusilə sosial statusu olan vətəndaşlar üçün nəzərdə tutulan 4 faizli ipoteka ən çox maraq doğuran mexanizmdir. Şəhid ailələri, jurnalistlər, müəllimlər, məcburi köçkünlər, gənc alimlər və daha bir çox insan bu güzəştdən yararlana bilir. İstənilən üsulda isə müəyyən bir prosesdən keçmək və bir qədər səbirli olmaq lazımdır. Çünki mərhələli şəkildə sənədlər yığılmalı və əlaqəli qurum və ya banka təhvil verilməlidir.
Mənzil İnşaatı Dövlət Agentliyi tərəfindən inşa edilən mənzillər bazar qiymətindən aşağı təklif olunur. Seçim onlayn olaraq aparılır və proses tam şəffafdır.
Bu mexanizmdə vətəndaş əvvəl ona hesablanan qiymətin 1 illik həcmini ödəyərək mənzildə kirayəçi kimi yaşamağa başlayır. Aylıq ödənişlər tədricən mülkiyyət payına çevrilir və müddət bitdikdən sonra mənzil tam sahibinə keçir.
Bütün hallarda bu fürsətlərdən faydalanmaq üçün vətəndaşın rəsmi gəliri olmalıdır. Gözləmə müddəti ola bilər, çünki proses mərhələli şəkildə aparılır. Elə bu səbəbdən də hər mərhələnin seçimləri də məhduddur. Amma bazar qiymətləri ilə müqayisədə bu modellər ən real alternativlərdir.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Azərbaycan çempionatında finala çıxan qardaşlar təəssüratlarını bölüşdü - Baku TV
Yunan-Roma güləşi üzrə Azərbaycan çempionatında nadir rast gəlinən maraqlı hadisə yaşanıb.
Yarışın 97 kiloqram çəki dərəcəsində keçirilən final görüşündə “Neftçi” İdman Klubunun üzvləri olan iki qardaş – Murad və Məhəmməd Əhmədiyevlər qızıl medal uğrunda üz-üzə gəliblər.
Hər iki güləşçi yarışdan sonra təəssüratlarını Baku TV ilə bölüşüb.
“Hamı kənardan deyir ki, Məhəmməd bilərəkdən mənə uduzub, amma belə bir şey yoxdur. Biz normal şəkildə güləşdik. Birinci setdə qardaşım öndə idi, ikinci setdə isə çevirmə fəndi edərək qalib gəldim. O, çox yaxşı hazırlaşmışdı və mən inanırdım ki, finala qədər yüksələcək. Evdə də “finalda qardaşım olsa, onu necə udum?” deyə fikirləşirdim”, – Murad Əhmədiyev deyib.
“Qardaşımın nəticələri məndən daha yüksəkdir. Çox adam deyirdi ki, sən böyük qardaşsan, bəlkə, sən qalib gələsən. Amma döşəyə çıxanda bunların heç bir əhəmiyyəti olmur, orada sadəcə güləşmək lazımdır”, – deyə Məhəmməd Əhmədiyev bildirib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Culfada evlərindən çıxarılan sakinlər etiraz etdilər - Baku TV
Culfa şəhəri, 1-ci küçə, 31-ci binada yaşayan sakinlər 2022-ci ildən etibarən evlərindən çıxarılıblar. Səbəb kimi binanın qəzalı vəziyyətdə olması göstərilib.
Lakin sakinlərin bildirdiyinə görə, evlərindən köçürülsələr də, nə kirayə pulu ilə təmin olunublar, nə də müvəqqəti yaşayış üçün onlara alternativ ünvanlar təklif edilib. Bu səbəbdən vətəndaşlar hazırkı vəziyyətdən ciddi narazılıq edirlər.
Onların sözlərinə görə, məsələ ilə bağlı dəfələrlə aidiyyəti qurumlara müraciət etsələr də, şikayətləri cavabsız qalıb.
“Bizi evdən çıxarıblar, amma heç bir köməklik göstərmirlər. İcra hakimiyyətində dəfələrlə olmuşuq. Dedilər ki, sizə kirayə pulu verməyə imkanımız yoxdur”, – sakinlərdən biri bildirib.
Başqa bir sakin isə qeyd edib: “Nazirliyə müraciət etdik, onlar məsuliyyəti icra hakimiyyətinin üzərinə atırlar. İcra hakimiyyəti isə deyir ki, bizlik bir şey yoxdur, bizə vəsait ayrılmalıdır ki, sizə verək. Nə ev verirlər, nə də pul. Bizim haqqımızda heç kim düşünmür. Yaşamaq üçün yer tapa bilmirik”.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Bu səhvi edənlər faciə ilə üzləşə bilər | Sürücülərin nəzərinə - Baku TV
Baş Dövlət Yol Polisi İdarəsi dumanlı hava şəraiti ilə əlaqədar sürücülərə müraciət edib.
Bildirilib ki, hazırda paytaxtda və ölkə ərazisinin bəzi bölgələrində müşahidə olunan qatı duman avtomobil yollarında görünüş məsafəsini əhəmiyyətli dərəcədə məhdudlaşdırmaqla nəqliyyat vasitələrinin hərəkətini çətinləşdirir və yol-nəqliyyat hadisələrinin başvermə riskini artırır:
“Görünüş məsafəsinin azalması sürücülərin yol şəraitini düzgün qiymətləndirməsinə mane olur ki, bu da bir anlıq diqqətsizlik nəticəsində ağır və arzuolunmaz hadisələrə səbəb ola bilər”.
Baş Dövlət Yol Polisi İdarəsi yol hərəkəti iştirakçılarının diqqətinə çatdırır ki, dumanlı hava şəraitində sürət həddinin azaldılması, nəqliyyat vasitələri arasında təhlükəsiz ara məsafəsinin saxlanılması, işıq cihazlarından yalnız təyinatına uyğun istifadə edilməsi, qəfil dayanma və təhlükəli manevrlərdən çəkinilməsi, eləcə də ötmə əməliyyatlarının yalnız icazə verilən yerlərdə və təhlükəsiz şəraitdə həyata keçirilməsi mühüm əhəmiyyət kəsb edir:
“Piyadalara isə xatırladılır ki, yolu yalnız görünən və icazə verilən yerlərdən keçməli, yolu keçməzdən əvvəl nəqliyyat vasitələrinin olmadığından və ya sürücülərin onlara yol vermək üçün tam dayandığından əmin olmalıdırlar”.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
"Subay idi, zəng edib dedilər ki..." | Ölən gənc oğlanın əmisi baş verənləri danışdı - Baku TV
Sumqayıtda dəm qazından ölüm faktı qeydə alınıb.
Hadisə Ceyranbatan bağları ərazisində yerləşən fərdi yaşayış evlərindən birində baş verib.
Belə ki, 2003-cü il təvəllüdlü Musa Nazim oğlu Məmişov yaşadığı evdə dəm qazından zəhərlənərək həyatını itirib.
Faktla bağlı Sumqayıt Şəhər Prokurorluğunda araşdırma aparılır.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Bakıda "Xızı-Abşeron" Külək Elektrik Stansiyasının rəsmi açılış mərasimi keçirildi - Baku TV
Yanvarın 8-də Bakıda, Gülüstan sarayında Səudiyyə Ərəbistanı Krallığının "ACWA Power" şirkəti tərəfindən inşa edilmiş 240 MVt gücündə "Xızı-Abşeron" Külək Elektrik Stansiyasının rəsmi açılış mərasimi keçirilib.
Azərbaycan Respublikasının Prezidenti İlham Əliyev tədbirdə çıxış edib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
"Ümidlərimiz gerçəyə döndü" | Azərbaycanda 2026-cı ilin ilk körpəsi burada dünyaya gəldi - Baku TV
2026-cı ildə Azərbaycanda dünyaya gələn ilk körpə Naxçıvanda doğulub.
Dekabrın 31-dən yanvarın 1-nə keçən gecə, saat 00:01-də Naxçıvan şəhər sakini olan Gülməmmədovlar ailəsində oğlan uşağı anadan olub.
2,6 kiloqram çəki ilə dünyaya gələn körpənin səhhətinin tam sağlam olduğu bildirilir. Uşağa Rəsul adı verilib.
Məlumata görə, doğuş keysəriyyə əməliyyatı yolu ilə həyata keçirilib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Hamı bayram süfrəsində, onlar isə... - Gücləndirilmiş rejimdə çalışan DİN və FHN əməkdaşları
31 Dekabr – Dünya Azərbaycanlılarının Həmrəyliyi Günü ərəfəsində ölkə ərazisində təhlükəsizliyin təmin olunması məqsədilə Fövqəladə Hallar Nazirliyi (FHN) və Daxili İşlər Nazirliyi (DİN) əməkdaşları gücləndirilmiş iş rejimində fəaliyyət göstəriblər.
Bayram günlərində fövqəladə halların qarşısının alınması, ictimai asayişin qorunması və vətəndaşların təhlükəsizliyinin təmin edilməsi üçün aidiyyəti qurumların şəxsi heyəti sutka ərzində xidmət başında olub.
Qurumların əməkdaşları bayramı ailələri ilə deyil, xidmət yerlərində qarşılayaraq, vətəndaşların rahat və təhlükəsiz bayram keçirməsi üçün öz vəzifə borclarını yerinə yetiriblər.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
“Meyxananın sütünlarından biri vəfat etdi” | Meyxanaçı Ağakərim son mənzilə yola salındı - Baku TV
Meyxanaçı Ağakərimin (Kərim Novruzov) dəfn mərasimi keçirilib.
Dəfn mərasimində mərhumun yaxınları, dostları, ailəsi, sənət yoldaşları, ictimaiyyət nümayəndələri iştirak ediblər.
Onun nəşi Maştağa qəsəbəsində yerləşən Seyidlər qəbiristanlığında torpağa tapşırılacaq.
Xatırladaq ki, 2017-ci ilin martında meyxanaçı Ağakərimin beyninə qan sızıb. Həmin gündən ifaçının səhhətində ciddi problemlər yaranıb və o, 61 yaşında uzun sürən xəstəlikdən vəfat edib.
Bizi WhatsApp-da izləyin https://whatsapp.com/channel/0029VaAm2De3gvWVyPJ5zu1E
Daxil ol
