Azərbaycanın MMA idmançısı Tofiq Musayev Mütləq Döyüş Çempionatında (UFC) növbəti qələbəsini qazanıb.

"Report"un məlumatına görə, o, Serbiyanın paytaxtı Belqraddakı turnirdə slovakiyalı Lyudovit Kleynlə üz-üzə gəlib.

T. Musayev ikinci raundda rəqibini texniki nokautla məğlub edib.

Xatırladaq ki, T. Musayev daha əvvəl ABŞ-də Çilidən olan İqnasio Bahamondesə qalib gəlib.

"Qarabağ" futbolçusu Leandro Andradenin transferi ilə bağlı Ukraynanın "Polesye" klubunun təklifini yarımmüdafiəçinin istəyini nəzərə alaraq müsbət cavablandırıb.

"Report" xəbər verir ki, bu barədə Ağdam təmsilçisi məlumat yayıb.

Klublar arasında aparılan danışıqların uğurla yekunlaşıb və tərəflər arasında razılıq əldə olunub.

2022-ci ilin yanvarından "Qarabağ"ın formasını geyinən kabo verdeli futbolçu komandanın heyətində 2021/2022, 2022/2023, 2023/2024 və 2024/2025 mövsümlərində Azərbaycan çempionu olub, 2021/2022 və 2023/2024 mövsümlərində ölkə kubokunu qazanıb.

"Köhlən atlar"ın 2023-2024 mövsümündə UEFA Avropa Liqasının 1/8 finalına, 2025/2026 mövsümündə UEFA Çempionlar Liqasının pley-offuna yüksəlməsində əməyi olan oyunçu 2022/2023 və 2024/2025 mövsümlərində UEFA Avropa Liqasının əsas, 2021/2022 və 2022/2023 mövsümlərimdə UEFA Konfrans Liqasının pley-off mərhələlərinin iştirakçısı olub. O, "Qarabağ"da keçirdiyi 213 matçda 60 qol vurub.

Andrade "Qarabağ"da oynadığı müddətdə Avropa miqyaslı klub turnirlərinin tarixinə düşüb. O, əsas mərhələlərin üç fərqli matçının 1-ci dəqiqəsində qol sevinci yaşayan ilk və yeganə futbolçudur.

Romelu Lukaku Belçika millisinin heyətində dünya çempionatlarında ən çox qol vuran futbolçu adına sahib çıxıb.

"Report"un məlumatına görə, 33 yaşlı hücumçu buna Yeni Zelandiyanı 5:1 hesabı ilə məğlub etdikləri G qrupunun III turunun oyununda fərqlənməklə nail olub.

O, mundiallardakı qollarının sayını altıya çatdırıb. Beləliklə, forvard Mark Vilmotsu (beş qol) geridə qoyub.

Xatırladaq ki, Belçika millisi beş xalla G qrupunu birinci pillədə bitirib və pley-offa yüksəlib.

Belçika millisi haqqında kənardan deyilən sözlər komanda üçün motivasiya mənbəyi deyil.

"Report" xəbər verir ki, bu barədə yığmanın baş məşqçisi Rudi Qarsiya açıqlama verib.

Mütəxəssis Yeni Zelandiyanı 5:1 hesabı ilə məğlub etdikləri G qrupunun III turunun oyunundan sonra fikirlərini bölüşüb:

"Hazırda heç nəyə nail olmamışıq. Sadəcə, növbəti mərhələyə vəsiqə qazanmışıq. Pley-offdakı rəqibimizi gözləyəcəyik. Amma ilk növbədə bugünkü qələbəyə sevinəcəyik. Daha sonra diqqətimizi növbəti görüşə yönəltməliyik. Mən heç vaxt kənardan edilən açıqlamaları motivasiya vasitəsi kimi qəbul etmirəm. Ən vacib olan komandamızın daxilindəki inamdır".

Xatırladaq ki, ABŞ, Kanada və Meksikada təşkil olunan DÇ-2026 iyulun 19-da başa çatacaq.

İran millisinin futbolçuları dünya çempionatında Misirə qarşı keçirdikləri oyunda əllərindən gələni ediblər.

"Report" xəbər verir ki, bu barədə komandanın baş məşqçisi Əmir Qalenoy açıqlama verib.

Mütəxəssis G qrupunun III turunda heç-heçə (1:1) başa çatan matçdan sonra fikirlərini bölüşüb:

"Bəxt tərəfimizdə olmadı. Futbolçular meydanda əllərindən gələni etdilər. Səfər şəraiti və hazırlıq prosesi bizim üçün olduqca ağır keçdi. Son anda həyata keçirilən dəyişikliklər və bərpa üçün yetərli vaxtın olmaması komandanın performansına təsir göstərdi. İndi yalnız növbəti qarşılaşmaların nəticələrini gözləməliyik və ümid edək ki, ən yaxşı üçüncülərdən biri kimi növbəti mərhələyə yüksələcəyik".

Xatırladaq ki, ABŞ, Kanada və Meksikada təşkil olunan DÇ-2026 iyulun 19-da başa çatacaq.

Futbol üzrə millisinin dünya çempionatında pley-offa vəsiqə qazanması tarixi nəticədir.

"Report" xəbər verir ki, bu barədə komandanın baş məşqçisi Husam Hasan açıqlama verib.

Mütəxəssis G qrupunun III turunda İranla heç-heçə etdikləri (1:1) matçdan sonra fikirlərini bölüşüb:

"Komandamızın qrupdan çıxması tarixi nəticədir. İlk dəfə dünya çempionatlarında bunu bacardıq. Oyunçularımla fəxr edirəm. Son matçımız çətin alındı. Amma xarakter göstərdik. İndi bütün diqqətimizi Avstraliya ilə pley-off oyununa yönəldəcəyik".

Xatırladaq ki, ABŞ, Kanada və Meksikada təşkil olunan DÇ-2026 iyulun 19-da başa çatacaq.

Avstriyada təlim-məşq toplanışında olan "Qarabağ" komandası bu gün sözügedən ölkədə ilk yoxlama oyunu keçirəcək.

"Report" xəbər verir ki, Qurban Qurbanovun baş məşqçisi olduğu kollektiv yerli "Tirol" klubu ilə üz-üzə gələcək.

"In Gernot Langes" stadionunda təşkil olunacaq qarşılaşma Bakı vaxtı ilə saat 19:00-da start götürəcək.

Xatırladaq ki, "Qarabağ" Bakıdakı yoxlama matçında "Zirə"ni məğlub edib - 4:3.

ABŞ, Kanada və Meksikada keçirilən futbol üzrə dünya çempionatında 28 komanda pley-offa vəsiqəni rəsmiləşdirib.

"Report" FIFA-nın rəsmi saytına istinadən xəbər verir ki, Meksika, Cənubi Afrika Respublikası, İsveçrə, Kanada, Bosniya və Herseqovina, Braziliya, Mərakeş, ABŞ, Avstraliya, Paraqvay, Almaniya, Fildişi Sahili, Ekvador, Niderland, Yaponiya, İsveç, Belçika, Misir, İspaniya, Kabo Verde, Fransa, Norveç, Seneqal, Argentina, Kolumbiya, Portuqaliya, İngiltərə və Qana 1/16 finalda oynamaq hüququ qazanıblar.

Xatırladaq ki, DÇ-2026 iyulun 19-da başa çatacaq.

Mütləq Döyüş Çempionatının (UFC) Bakıdakı ikinci turniri bu gün keçiriləcək.

"Report"un məlumatına görə, Milli Gimnastika Arenasında təşkil olunacaq yarışda ilkin döyüşlər saat 17:00-da, əsas qarşılaşmalar saat 20:00-da başlayacaq.

"UFC Fight Night Baku"da gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.

Azərbaycanlı Nazim Sadıxov braziliyalı Mateus Kamilo ilə, Fərman Həsənov ABŞ təmsilçisi Erik Nolanla, Tahir Abdullayev braziliyalı Ceferson Nasimento ilə münasibətlərə aydınlıq gətirəcək.

"UFC Fight Night Baku"nun görüşləri

İlkin görüşlər

Tahir Abdullayev (Azərbaycan) – Cefferson Nasimento (Braziliya)

Bekzat Almakhan (Qazaxıstan) - Jan Matsumoto (Braziliya)

Daniil Donçenko (Ukrayna) - Teodor Berggen (İsveç)

Kaan Ofli (Avstraliya) - Xavyer Reyes (Kolumbiya)

Nursulton Ruziboev (Özbəkistan) - Andrey Pulyaev (Rusiya)

Abdul Rahman Yahyaev (Türkiye) - Culius Uolker (ABŞ)

Fərman Həsənov (Azərbaycan) - Erik Nolan (ABŞ)

Əsas döyüşlər

Abus Maqomedov (Almaniya) - Mixal Olekseyçuk (Polşa)

İkram Aliskerov (Rusiya) - Brunno Ferreyra (Braziliya)

Asu Almabayev (Qazaxıstan) - Çarlz Conson (ABŞ)

Nazim Sadıxov (Azərbaycan) - Mateus Kamilo (Braziliya)

Şarabutdin Maqomedov (Rusiya) - Mişel Pereyra (Braziliya)

Rafael Fiziyev (Azərbaycan) - Manuel Torres (Meksika)

Xatırladaq ki, UFC-nin Bakıdakı ilk turniri 2025-ci ildə keçirilib.

Mütləq Döyüş Çempionatının (UFC) Bakıda təşkil olunacaq turnirindən əvvəl MMA idmançıları rəqibləri ilə üz-üzə gəliblər.

"Report"un məlumatına görə, tədbir yarışın keçiriləcəyi Milli Gimnastika Arenasında baş tutub.

Bundan əlavə, idmançılar son olaraq çəkidən də keçiblər.

Xatırladaq ki, "UFC Fight Night Baku" iyunun 27-də təşkil olunacaq. Gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.

Azərbaycanlı Nazim Sadıxov braziliyalı Mateus Kamilo ilə, Fərman Həsənov ABŞ təmsilçisi Erik Nolanla, Tahir Abdullayev braziliyalı Ceferson Nasimento ilə münasibətlərə aydınlıq gətirəcək.

Mütləq Döyüş Çempionatının (UFC) Bakıda təşkil olunacaq turnirindən əvvəl idmançıların rəsmi çəkiölçmə mərasimi keçirilib.

"Report"un məlumatına görə, bu mərhələdə yarışdakı bütün MMA döyüşçüləri təxminən bir saat ərzində çəkidən keçiblər.

"UFC Fight Night Baku" turniri iyunun 27-də Milli Gimnastika Arenasında baş tutacaq. Gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.

Azərbaycanlı Nazim Sadıxov braziliyalı Mateus Kamilo ilə, ABŞ təmsilçisi Erik Nolanla, Tahir Abdullayev Braziliyalı Ceferson Nasimento ilə münasibətlərə aydınlıq gətirəcək.

Fransanın "Strasburq" klubunda baxışda olan "Qarabağ"ın futbolçusu Əli Bəşirovun karyerası ilə bağlı növbəti addımların necə olacağını zaman göstərəcək.

Bu barədə "Report"a Ağdam təmsilçisinin Futbol Akademiyasının meneceri Nail Kərimov açıqlama verib.

O, hazırda "Qarabağ"ın əsas komandasının düşərgəsində olan 16 yaşlı vinger haqqında danışıb:

"Əli Bəşirov Fransanın "Strasburq" klubunda təcrübə proqramından keçdi. Onlar da oyunçu ilə tanış oldular. Əli Bəşirovun 18 yaşı olmasına 2 ildən çox vaxt var. Hazırda keçidi müzakirə olunmur, bu, daha çox qarşılıqlı tanışlıq prosesidir. Növbəti addımların necə olacağını vaxt göstərəcək".

Qeyd edək ki, Əli Bəşirov Fransanın "Strasburq" klubunda iki həftəlik təcrübə keçib. 16 yaşlı futbolçu bu müddətdə klubun 17 yaşadək futbolçulardan ibarət komandası ilə birlikdə məşqlərdə və yoldaşlıq oyunlarında iştirak edib. O, həmçinin bir sıra fiziki və atletik testlərdən də keçib.

"Səbail" 2026/2027 mövsümü üçün növbəti futbolçu transferini reallaşdırıb.

"Report" xəbər verir ki, bu barədə I Liqa klubu məlumat yayıb.

Son olaraq MOİK-də çıxış etmiş Zeynəddin Abdurahmanovla "1+1" illik müqavilə imzalanıb.

Qeyd edək ki, "Səbail"in yetirməsi olan 23 yaşlı yarımmüdafiəçi Azərbaycanın U-21 millisinin heyətində dörd oyun keçirib.

2025/2026 mövsümünün əvvəlində "Qarabağ"ın U-19 komandasına cəlb olunan futbolçular - Muyideen Olude və Toheeb Abiodunla bağlı yekun qərar hələlik verilməyib.

Bu barədə "Report"un sorğusuna cavab olaraq Ağdam təmsilçisinin Futbol Akademiyasının meneceri Nail Kərimov bildirib.

O, həmin oyunçuların artıq Gənclər Liqasında yox, Əvəzedicilər Liqasında oynamalı olduqlarını xatırladıb:

"Hələlik onlarla bağlı qərar verə bilmirik. Bu, əvəzedicilərdən ibarət komandamızla bağlı durumdur. Çünki Əvəzedicilər Liqasının reqlamenti, turnirin keçirilib-keçirilməyəcəyi bəlli deyil. Rəsmi açıqlama olmadığı üçün gözləmək məcburiyyətindəyik. Bu çempionat yeni mövsümdə də təşkil olunsa, onları komandada saxlamağı düşünürük".

N.Kərimov akademiyanın koordinatoru Aftandil Hacıyevin Nigeriyada bəyəndiyi futbolçular haqqında da danışıb:

"Onyema Fransis Çukvumoabim və Akinrefon Mikael Adetoro martda ölkəmizə gəlmişdilər. Onlarla yanaşı, 18 yaşında olan və izlədiyimiz başqa oyunçular da var. Onlar U-19 komandamıza uyğun gələ bilərlər. Seleksiyanı davam etdiririk. Yekunda ən yaxşı olan iki futbolçunu U-19-a cəlb etməyi planlaşdırırıq".

Xatırladaq ki, Muyideen Olude və Toheeb Abiodun ötən mövsümün əvvəlində UEFA Gənclər Liqasının oyunları üçün "Qarabağ"ın U-19 komandasına cəlb edilib.

Bakı çox gözəl şəhərdir.

"Report"un məlumatına görə, bunu Mütləq Döyüş Çempionatının (UFC) Bakıda keçiriləcək turniri üçün qonaq qismində paytaxta gələn MMA idmançısı Arnold Allen jurnalistlərə açıqlamasında deyib.

İngiltərəli döyüşçü iyunun 27-də keçiriləcək turnirlə bağlı danışıb:

"Bakı çox gözəl şəhərdir. Bizi burada maraqlı, həyəcanlı gecə gözləyir. Günün əsas döyüşü barədə proqnoz verməkdə çətinlik çəkirəm. Məncə, şanslar bərabərdir. Amma Azərbaycanın MMA idmançısı Nazim Sadıxovun qələbə qazanacağını düşünürəm. O, çox güclü döyüşçüdür".

A.Allen futbolu az izlədiyini söyləyib:

"Bunun səbəbi daha çox öz sahəmə köklənməyimdir".

Xatırladaq ki, "UFC Fight Night Baku" turniri iyunun 27-də Milli Gimnastika Arenasında baş tutacaq. Gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.

Nazim Sadıxov və Rafael Fiziyev möhtəşəm döyüşçüdürlər, onların görüşlərini səbirsizliklə gözləyirəm.

"Report"un məlumatına görə, bu barədə Mütləq Döyüş Çempionatının (UFC) Bakıda keçiriləcək turniri üçün qonaq qismində paytaxta gələn MMA idmançısı Leron Mörfi jurnalistlərə açıqlamasında deyib.

O, Bakıya gəldiyi üçün məmnun olduğunu ifadə edib:

"Burada hər şey çox gözəldir. İyunun 27-də bizi möhtəşəm atmosfer gözləyir. Məncə, gecənin əsas döyüşünün favoriti Rafael Fiziyevdir. Onun qələbə qazanacağını düşünürəm".

Xatırladaq ki, "UFC Fight Night Baku" turniri iyunun 27-də Milli Gimnastika Arenasında baş tutacaq. Gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.

FIFA Ümumnepal Futbol Assosiasiyasının (ANFA) üzvlüyünü dayandırıb.

"Report" xəbər verir ki, bu barədə ali futbol qurumu qərar çıxarıb.

Nepal millisi və ölkənin klubları beynəlxalq turnirlərdə iştirak edə bilməyəcəklər.

Qərar Milli İdman Şurasının (MİŞ) ANFA-nın nizamnamə tələblərini pozmasına, assosiasiyanın seçki prosesinə dair həllini tapmamış mübahisəyə və seçkilərə kənar tərəflərin müdaxiləsinə əsaslanır.

FIFA üzvlüyün bərpası üçün iki əsas tələb müəyyənləşdirib. Birinci tələb MİŞ-nin ANFA İcraiyyə Komitəsinin fəaliyyətini üç ay müddətinə dayandırmaq barədə qəbul etdiyi qərarın tam və qeyd-şərtsiz ləğv edilməsidir. İkinci tələb isə assosiasiyanın artıq başladığı seçki prosesini öz nizamnaməsinə müvafiq qaydada tamamlama imkanının təmin olunmasıdır.

Qadağa növbəti bildirişə kimi qüvvədə qalacaq.

"Araz-Naxçıvan" futbolçusu Urfan Abbasovla başa çatan müqavilənin müddətini yeniləməyib.

"Report" xəbər verir ki, bu barədə Naxçıvan təmsilçisi məlumat yayıb.

2024-cü ildən "Araz-Naxçıvan"da çıxış edən 33 yaşlı cinah müdafiəçisi komandanın kapitanı idi.

Qeyd edək ki, "Araz-Naxçıvan" bundan əvvəl Ramon Maçado, Hamidu Keyta, Bar Kohen, Nuno Rodriges, Rahil Məmmədov, Bəxtiyar Həsənalızadə, Coşqun Diniyev, Kristian Avram, Felipe Santos və Ba-Muaka Simakala ilə yeni müqavilə imzalamayıb.

Çinin Sindao şəhərində keçiriləcək Qran-pri turnirində Azərbaycan cüdoçularının ilk rəqibləri bəlli olub.

Bu barədə "Report"a Azərbaycan Cüdo Federasiyasından məlumat verilib.

81 kq çəki dərəcəsində çıxış edəcək olimpiya çempionu Hidayət Heydərov 1/16 finalda Xose Mariya Mendiola İskiyeta (İspaniya) / David Lima (Braziliya) cütünün qalibi ilə üz-üzə gələcək.

Kişilər

60 kq, 1/16 final

Əhməd Yusifov – Dilşot Xalmatov (Ukrayna)

Balabəy Ağayev – Artyom Lesyuk (Ukrayna)

66 kq, 1/32 final

Tofiq Məmmədov – Lin Çenq (Çin)

66 kq, 1/16 final

Ruslan Paşayev – Salih Yıldız (Türkiyə) / Ziyanq Şüe (Çin) cütünün qalibi ilə

73 kq, 1/16 final

Rəşid Məmmədəliyev – Natan Kadinyan (Fransa) / Minqxao Canq (Çin) cütünün qalibi ilə

81 kq, 1/16 final

Hidayət Heydərov – Xose Mariya Mendiola İskiyeta (İspaniya) / David Lima (Braziliya) cütünün qalibi ilə

Zelim Tçkayev – Enxtör Cuqderqarav (Monqolustan) / Oskari Makinen (Finlandiya) cütünün qalibi ilə

90 kq, 1/16 final

Aslan Kotsoyev – Yeqor Varapayev (Belarus)

Murad Fətiyev – Şuo Li (Çin)

+100 kq, 1/8 final

Camal Qamzatxanov – Donq Lin (Çin) / Silven Lorenso Aqro (İtaliya) cütünün qalibi ilə

Uşanqi Kokauri – Juyşuan Li (Çin) / Tamerlan Başayev (Rusiya) cütünün qalibi ilə

Qadınlar

48 kq, 1/16 final

Könül Əliyeva – Jana Sid Balsels (İspaniya)

Şəfəq Həmidova – Abiba Abujakınova (Qazaxıstan)

52 kq, 1/16 final

Gültac Məmmədəliyeva – Kinqa Klimçak (Polşa)

Leyla Əliyeva – Aleksandra Kaleta (Polşa)

63 kq, 1/16 final

Fidan Əlizadə – Dali Liluaşvili (Rusiya)

70 kq, 1/32 final

Südabə Ağayeva – Şirincon Yuldoşova (Özbəkistan)

Xatırladaq ki, turnir iyunun 26-28-də baş tutacaq.

Almaniyanın "Bavariya" klubu futbolçu İsmael Saybarinin transferi üçün Niderland təmsilçisi PSV ilə prinsipial razılığa gəlib.

"Report" xəbər verir ki, "Fussballdaten" nəşri məlumat yayıb.

Münhen təmsilçisi 25 yaşlı yarımmüdafiəçi üçün qarşı tərəfə 50 milyon avro ödəyəcək.

Mərakeşli oyunçunun çıxışına görə qarşıdakı illərdə daha 5 milyon avro verilə bilər. Anlaşmaya əsasən, PSV futbolçunun növbəti satışından da gəlir əldə edəcək.

Onun "Bavariya" ilə müqaviləsinin müddəti 2031-ci ilin yayınadək nəzərdə tutulacaq.

Xatırladaq ki, İsmael Saybari hazırda Mərakeş millisinin heyətində DÇ-2026-da çıxış edir.

"Araz-Naxçıvan" klubu növbəti futbolçu transferini reallaşdırıb.

"Report" xəbər verir ki, bu barədə Naxçıvan təmsilçisi məlumat yayıb.

Rövlan Muradov yeni mövsümdə komandanın formasını geyinəcək. Yarımmüdafiəçi ilə klub arasında anlaşmanın müddəti 1 ildir.

"Qəbələ" klubunun yetirməsi olan futbolçu müxtəlif illərdə Çexiya "Slaviya"sının B, "Qarabağ"ın U-19, "Qəbələ", "Sumqayıt" və "Zirə" komandalarının formasını geyinib. Futbolçu Azərbaycanın U-19 və U-21 millilərinin də heyətində çıxış edib.

Qeyd edək ki, "Araz-Naxçıvan" buna qədər Tərlan Əhmədli, Ömər Buludov, Slavik Alxasov, İbrahim Piriyev, Ülvi İsgəndərov, Rəşad Həsənov, Alberto Qarsia Fernandes, Alexandro Herrera və Luka Dumançiçlə yeni müqavilə imzalayıb.

"Səbail" Azərbaycan millisinin da formasını geyinmiş Mehdi Cənnətovu heyətinə qatıb.

"Report" xəbər verir ki, bu barədə klub məlumat yayıb.

34 yaşlı qolkiperlə "1+1" illik müqavilə imzalanıb.

Təcrübəli qapıçı son olaraq "Sumqayıt"da çıxış edib.

Xatırladaq ki, M.Cənnətov Azərbaycan millisinin heyətində beş oyun keçirib.

Azərbaycan Cüdo Federasiyası (ACF) olimpiya çempionu Hidayət Heydərovun Çinin Sindao şəhərində keçiriləcək Qran-pridə fərqli çəki dərəcəsində iştirakına münasibət bildirib.

Bu barədə "Report"un sorğusuna cavab olaraq ACF-dən bildirilib.

Qərarın məşqçilər heyəti və idmançı tərəfindən birlikdə qəbul olunduğu diqqətə çatdırılıb:

"Hidayət Heydərovun Qran-pri yarışında 81 kq çəki dərəcəsində çıxışı barədə qərar cüdoçunun sağlamlığının qorunması və yarış təcrübəsinin artırılması məqsədilə məşqçilər heyəti və idmançı tərəfindən birlikdə qəbul olunub. Onun karyerasını hansı çəki dərəcəsində davam etdirməsi barədə yekun qərar daha sonra veriləcək".

Xatırladaq ki, turnir iyunun 26-28-də baş tutacaq. Hidayət Heydərov çəkisini sala bilmədiyi üçün Monqolustanın paytaxtı Ulan-Batorda keçirilmiş "Böyük Dəbilqə" turnirində iştirak edə bilməyib. O, böyüklərin yarışında bütün medallarını 73 kq-da qazanıb.

ABŞ, Kanada və Meksikada keçirilən futbol üzrə dünya çempionatının pley-off mərhələsinə vəsiqə qazanan 13 komanda bəlli olub.

"Report" xəbər verir ki, Meksika, ABŞ, Kanada, Almaniya, Fransa, Argentina, Norveç, Kolumbiya, İsveçrə, Braziliya, Mərakeş və CAR yığmaları qruplarında birinci və ikinci yeri tutaraq 1/16 finala yüksəliblər.

Bundan əlavə, Bosniya və Herseqovina seçməsi ən yaxşı üçüncü yerin sahibi kimi növbətu raundda iştirak edəcək.

Xatırladaq ki, DÇ-2026 iyulun 19-da başa çatacaq.

Futbol üzrə Meksika millisinin özünəməxsus xarakteri var.

"Report" xəbər verir ki, bu barədə komandanın baş məşqçisi Xavyer Aqirre açıqlama verib.

Mütəxəssis A qrupunun III turunda Çexiyaya 3:0 hesabı ilə qalib gəldikləri matçdan sonra fikirlərini bölüşüb:

"Bu komandanın özünəməxsus xarakteri var. Futbolçular böyük uğur qazandılar. Qrup mərhələsində maksimum nəticə göstərdik. Qol da buraxmadıq. Oyunçularımdan məmnunam. Heyətdə gənc futbolçular da var. Onlar bizim gələcəyimizdir. Gələcək üçün möhkəm təməlimiz var".

Xatırladaq ki, Meksika seçməsi A qrupunu 9 xalla birinci pillədə bitirib. DÇ-2026 iyulun 19-da başa çatacaq.

Futbol üzrə Çexiya yığmasının baş məşqçisi Miroslav Koubek dünya çempionatında növbəti mərhələyə yüksələ bilməmələrinin əsas səbəblərini yol verilən xətalar və çətin səfərlərin doğurduğu yorğunluqla izah edib.

"Report" xəbər verir ki, mütəxəssis bu barədə mətbuat konfransında açıqlama verib.

O, A qrupunun III turunda Meksikaya 0:3 hesabı ilə uduzduqları matçdan sonra fikirlərini bölüşüb:

"Qrupda qalmağımızın başlıca səbəbi buraxdığımız xətalar və ağır səfərlərin yaratdığı yorğunluq oldu. Çexiya futbolu 20 illik fasilədən sonra dünya çempionatında iştirak etdi. Müntəzəm olaraq beynəlxalq yarışlara qatılmaq üçün texniki standartlarımızı artırmalıyıq. Müqaviləm var və heç bir mübarizədən geri çəkilmirəm. Sözləşməni mütləq axıradək icra edəcəyəm".

Xatırladaq ki, Meksika seçməsi A qrupunu 1 xalla sonuncu - dördüncü pillədə bitirib. DÇ-2026 iyulun 19-da başa çatacaq.

Azərbaycanın olimpiya çempionu Hidayət Heydərov Çinin Sindao şəhərində keçiriləcək Qran-pridə fərqli çəki dərəcəsində mübarizə aparacaq.

"Report" Azərbaycan Cüdo Federasiyasının mətbuat xidmətinə istinadən xəbər verir ki, idmançı 81 kq-da çıxış edəcək.

Los-Anceles Olimpiadasına lisenziya xalları verən yarışda ölkənin 17 cüdoçusu (11 kişi, 6 qadın) 10 çəki dərəcəsində qüvvəsini sınayacaq.

Kişilərdən Əhməd Yusifov, Balabəy Ağayev (hər ikisi 60 kq), Ruslan Paşayev, Tofiq Məmmədov (hər ikisi 66 kq), Rəşid Məmmədəliyev (73 kq), Hidayət Heydərov, Zelim Tçkayev (hər ikisi 81 kq), Aslan Kotsoyev, Murad Fətiyev (90 kq), Camal Qamzatxanov, Uşanqi Kokauri (hər ikisi +100 kq) tatamiyə çıxacaqlar.

Qadınlar arasında Könül Əliyeva, Şəfəq Həmidova (hər ikisi 48 kq), Gültac Məmmədəliyeva, Leyla Əliyeva (hər ikisi 52 kq), Fidan Əlizadə (63 kq), Südabə Ağayeva (70 kq) çıxış edəcəklər.

Komandaya kişilərdən ibarət yığmanın baş məşqçisi Riçard Trautman, böyük məşqçilər Elçin İsmayılov və Robert Kravçik, qadınlardan ibarət yığmanın baş məşqçisi Amina Abdellatif və böyük məşqçi Saşa Herkenrat-Vimar rəhbərlik edəcəklər.

Dünya Turu seriyasına daxil olan yarışda Azərbaycan Cüdo Federasiyasının Hakimlər Komitəsinin üzvü, A kateqoriyalı beynəlxalq referi Nazim Umbayev də ədalət təmsilçiləri arasında yer alacaq.

Zelim Kotsoyev (100 kq) və Madina Kaisinova (+78 kq) zədə səbəbindən iyunun 26-28-də baş tutacaq turniri buraxacaqlar.

Xatırladaq ki, Hidayət Heydərov çəkisini sala bilmədiyi üçün Monqolustanın paytaxtı Ulan-Batorda keçirilmiş "Böyük Dəbilqə" turnirində iştirak edə bilməyib. O, böyüklərin yarışında bütün medallarını 73 kq-da qazanıb.

Mütləq Döyüş Çempionatının (UFC) Bakıda keçiriləcək turniri ərəfəsində idmançıların açıq məşqi və fan-zona təşkil olunub.

"Report"un məlumatına görə, tədbir Dənizkənarı Milli Parkda baş tutub.

Açıq məşqdə "UFC Fight Night Baku" turnirinin əsas döyüşünün iştirakçıları - azərbaycanlı Rafael Fiziyev və meksikalı Manuel Torres, gecənin ikinci əsas qarşılaşmasının iştirakçısı Şarabutdin Maqomedov ("Shara Bullet"), eləcə də yerli döyüşçülər - Nazim Sadıxov və Fərman Həsənov iştirak ediblər.

Tədbir zamanı hər bir döyüşçü 10 dəqiqəlik nümayiş məşqi keçirib, daha sonra azarkeşlərin suallarını cavablandırıblar.

Xatırladaq ki, "UFC Fight Night" turniri iyunun 27-də Milli Gimnastika Arenasında baş tutacaq.

Azərbaycanın MMA idmançısı Rafael Fiziyev Mütləq Döyüş Çempionatının (UFC) Bakıda keçiriləcək turnirində təcrübəsindən yararlanacaq.

"Report"un məlumatına görə, o, bu barədə mətbuat konfransında deyib:

Döyüşçü rəqibinin boyunun hündür olduğunu söyləyib;

"UFC-də çox döyüş keçirmişəm. Karyeramda təcrübəmdən yararlanacağam. Öz güclü tərəflərimdən onun zəif cəhətləri üçün istifadə edəcəyəm. Beş raund döyüşmək daha yaxşıdır. Şənbə günü daha həyəcanlı olacaq. Həm psixoloji, həm də taktiki cəhətdən döyüşə hazıram".

Xatırladaq ki, "UFC Fight Night Baku" turniri iyunun 27-də Milli Gimnastika Arenasında baş tutacaq. Gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.

Azərycanlı MMA idmançısı Nazim Sadıxov Mütləq Döyüş Çempionatının (UFC) Bakıda keçiriləcək turnirindəki rəqibinin güclü və zəif cəhətlərini təhlil edib.

"Report"un məlumatına görə, o, bu barədə mətbuat konfransında deyib.

Döyüşçü öz üzərində çox çalışdığını söyləyib:

"Rəqibin zəif və güclü tərəflərini təhlil etmişəm. Öz üzərimdə çox çalışmışam. Şənbə günü özümü göstərməyə çalışacağam. Bonusu qazanmaq məqsədimiz deyil".

N.Sadıxov son qarşılaşmada məğlub olduğunu xatırladıb:

"Düşünürəm ki, bir qədər məşqim az olmuşdu. Növbəti görüşdə qələbəyə köklənəcəyəm və sıfırdan başlayacağam. Öz taktikamla döyüşmək istəyirəm. Amma bəzən içimdə hisslər ortaya çıxır. İstər Bakı, istərsə də başqa yerdə təzyiq olur. Bu yarışda da əlimdən gələni edəcəyəm".

Xatırladaq ki, "UFC Fight Night Baku" turniri iyunun 27-də Milli Gimnastika Arenasında baş tutacaq. Nazim Sadıxov yüngül çəki dərəcəsində braziliyalı Mateus Kamilo ilə döyüşəcək.

Rusiyadan olan MMA idmançısı Şarabutdin Maqomedov Mütləq Döyüş Çempionatının (UFC) Bakıda keçiriləcək turnirində möhtəşəm çıxış etmək istəyir.

"Report"un məlumatına görə, o, bu barədə mətbuat konfransında deyib.

Braziliyalı Mişel Pereyra ilə üz-üzə gələcək döyüşçü rəqibinin onun haqqında fikirlərinə münasibət bildirib:

"Onun məni qiymətləndirməməsinə görə çox sevinirəm. Möhtəşəm döyüş göstərmək və savaşmaq istəyirəm. Mən döyüşçüyəm, o isə aktyordur".

Ş.Maqomedog karyerasında ilk dəfədir ki, qızları ilə yarışa gəldiyini deyib:

"Amma onlar zalda olmayacaqlar, məni televiziyadan izləyəcəklər".

İdmançı futbolu da sevdiyini sözlərinə əlavə edib:

"Mənim ilk idman növüm futbol idi. Futbolçu olmağı arzulamışam. Hazırda öz işimə yönləndiyim üçün bu idman növünü elə də izləyə bilmirəm".

Xatırladaq ki, "UFC Fight Night Baku" turniri iyunun 27-də Milli Gimnastika Arenasında baş tutacaq. Gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.

Braziliyalı MMA idmançısı Mişel Pereyranın Mütləq Döyüş Çempionatının (UFC) Bakıda keçiriləcək turnirindəki görüşü çox maraqlı alınacaq.

"Report"un məlumatına görə, o, bu barədə mətbuat konfransında bildirib.

Döyüşçü onu Rusiya təmsilçisi Şarabutdin Maqomedovla maraqlı mübarizənin gözlədiyini deyib:

"Həmin gün maraqlı döyüş alınacaq. Bizi çətin mübarizə gözləyir. Rəqibimi məğlub etməliyəm. Biz döyüşə hazırlaşırıq və bunun üçün möhkəm olmalıyıq".

M.Pereyra şəxsi həyatı barədə danışıb:

"Fanatlar mənim haqqımda çox şey bilirlər. Sosial şəbəkədə paylaşımlar edirəm. Həyatım açıq kitab kimidir".

Xatırladaq ki, "UFC Fight Night Baku" turniri iyunun 27-də Milli Gimnastika Arenasında baş tutacaq. Gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.

Braziliyalı MMA idmançısı Mateus Kamilo Mütləq Döyüş Çempionatının (UFC) Bakıda keçiriləcək turnirində rəqibi Nazim Sadıxova nokautla qalib gəlmək istəyir.

"Report"un məlumatına görə, o, bu barədə mətbuat konfransında bildirib.

Azərbaycanlı Nazim Sadıxovla üz-üzə gələcək döyüşçü sözügedən qarşılaşmaya kökləndiyini söyləyib:

"Bu döyüşə tam hazıram. Qələbə qazanacağıma da inanıram. Bir neçə gündür ki, buradayam. Şənbə günü axşam çox gözəl döyüş görəcəksiniz. Rəqibimi məğlub etsəm, qələbəmi ailəmə, azarkeşlərə, məni sevənlərə və sevməyənlərə həsr edəcəyəm".

Xatırladaq ki, "UFC Fight Night Baku" turniri iyunun 27-də Milli Gimnastika Arenasında baş tutacaq. Gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.

Azərbaycanlı idmançı Tahir Abdullayev Mütləq Döyüş Çempionatının (UFC) Bakıda keçiriləcək turnirindəki rəqibinin güləşdə ondan üstün olduğunu düşünmür.

"Report"un məlumatına görə, o, bu barədə mətbuat konfransında bildirib.

Braziliyalı Ceferson Nasimento ilə üz-üzə gələcək döyüşçü ayaqüstə daha yaxşı mübarizə apardığını söyləyib:

"Rəqibin güləşdə məndən güclü olduğunu düşünmürəm. Ayaqüstə mübarizəyə üstünlük verəcəyəm. Lazım olsa, güləşdə də sözümüzü deyərik".

T. Abdullayev bildirib ki, UFC-də olduğu üçün şaddır:

"Sevincimin həddi-hüdudi yoxdur. Azarkeşlər öz döyüşçülərinə dəstək olurlar. Onlara təşəkkür edirəm. Çıxış etdiyim çəkidə güclü idmançılar çoxdur. Çəkimi azalda bilərəm. Amma bunu istəmirəm".

Xatırladaq ki, "UFC Fight Night Baku" turniri iyunun 27-də Milli Gimnastika Arenasında baş tutacaq. Gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.

ABŞ-dən olan MMA idmançısı Çarlz Conson Bakıda azarkeşlər tərəfindən qarşılanmağını möhtəşəm adlandırıb.

"Report"un məlumatına görə, o, bu barədə mətbuat konfransında açıqlama verib.

35 yaşlı idmançı gecə saatlarında ölkəyə gəldiyini söyləyib:

"Gecə Bakıya çatmışam. Məni bir sıra azarkeşlər qarşıladılar. Düşünürəm ki, bu, möhtəşəm idi".

Mütləq Döyüş Çempionatının (UFC) Bakıda keçiriləcək turnirində qazaxıstanlı Asu Almabayevlə görüşəcək Ç.Conson rəqibinin güclü olduğunu söyləyib:

"Daha əvvəl də bu ölkənin təmsilçiləri ilə üz-üzə gəlmişəm. Qazaxıstanın idmançılarına hörmətlə yanaşıram. Onların döyüşçülərinə rəğbətim var".

O, Azərbaycanla bağlı təəssüratlarını bölüşüb:

"Yeməklərinizin dadına baxa bilməmişəm. Döyüşdən sonra bunu edəcəyəm. Bakıdakı insanlar çox mehribandır. Şəhəriniz də səliqəli və gözəldir".

Xatırladaq ki, "UFC Fight Night Baku" iyunun 27-də Milli Gimnastika Arenasında baş tutacaq. Gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.

Meksikalı idmançı Manuel Torres Mütləq Döyüş Çempionatının (UFC) Bakıda keçiriləcək turnirində öz taktikası ilə mübarizə aparacaq.

"Report"un məlumatına görə, o, bu barədə mətbuat konfransında bildirib.

"Rafael Fiziyevin hansı taktikadan istifadə edəcəyini bilmirəm. Amma mənim öz döyüş üslubum var. Bundan da istifadə edəcəyəm. Rəqibim təcrübəli döyüşçüdür. Onun məni ilk raunda məğlub edəcəyini düşünmürəm", - meksikalı döyüşçü vurğulayıb.

M.Torres birinci raundda qələbə qazanmaq ehtimalı barədə danışıb:

"Bu, mümkündür. Həmişə beş raundluq döyüşə hazıram. İlk raundda rəqibi üstələmək strategiyanın bir parçasıdır".

Xatırladaq ki, "UFC Fight Night Baku" iyunun 27-də Milli Gimnastika Arenasında baş tutacaq. Gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.

Mütləq Döyüş Çempionatının (UFC) Bakıda keçiriləcək turnirində iştirak etmək Azərbaycan təmsilçisi Fərman Həsənova motivasiya verir.

"Report" xəbər verir ki, o, bu barədə mətbuat konfransında bildirib.

F.Həsənov UFC-nin ölkəmizdə təşkili ilə bağlı danışıb:

"Azərbaycanda UFC-nin olması idmançılar üçün böyük hadisədir. Öz vətənimdə döyüşmək mənə motivasiya verir. Qarşılaşmaya tam hazıram. Özümü yaxşı hiss edirəm, təzyiq yoxdur. Yalnız özümə fokuslanmışam. Rəqibə fikir vermirəm. Rəqibim yaxşı idmançıdır, onu təhlil etmişik. Amma qələbə bizimlə olacaq. Ümumiyyətlə, döyüşmək istədiyim xüsusi bir rəqib yoxdur".

O, UFC-də əsas hədəfinin çempionluq olduğunu sözlərinə əlavə edib: "Addım-addım buna çatacağıma inanıram".

Qeyd edək ki, "UFC Fight Night Baku" turniri iyunun 27-də Milli Gimnastika Arenasında təşkil olunacaq. Fərman Həsənov yarımağır çəkidə ABŞ təmsilçisi Erik Nolanla üz-üzə gələcək.

İyunun 26-da Azərbaycan Cüdo Federasiyasının (ACF) təşkilatçılığı ilə Qusarda kəmər dərəcələri üzrə rəsmi imtahan keçiriləcək.

Bu barədə "Report"a ACF-dən məlumat verilib.

Qusar Olimpiya İdman Kompleskində baş tutacaq imtahan 7 yaşdan yuxarı cüdo ilə məşğul olan hamı üçün açıqdır.

Kəmər seçimi müvafiq yaş uyğunluğuna əsasən aparılacaq. İmtahanı uğurla keçən namizədlərə ACF tərəfindən müvafiq kəmər və sertifikat təqdim ediləcək.

Qeyd edək ki, bu ildən etibarən kəmər dərəcəsi olmayan idmançıların yarışlarda iştirakına icazə verilməyəcək.

Kolumbiya millisi Konqo Demokratik Respublikasının (DR) yığmasına qarşı keçirdiyi dünya çempionatının oyununda daha yaxşı nəticəyə layiq idi.

"Report" xəbər verir ki, bu barədə komandanın baş məşqçisi Nestor Lorenzo matçdan sonra açıqlama verib.

Mütəxəssis K qrupunun II turunun qarşılaşması haqqında fikirlərini bölüşüb:

"Komanda üzvlərinə bütün səylərinə görə təşəkkür edirəm. Onlar sonadək oyun planına sadiq qaldılar. Daha yaxşı nəticəyə layiq idik. Sona yaxın rəqibimiz işimizi çətinləşdirdi. Amma biz layiqli qələbə qazandıq".

Xatırladaq ki, Kolumbiya yığması rəqibini minimal hesabla üstələyib - 1:0.

ABŞ, Kanada və Meksikada təşkil olunan futbol üzrə dünya çempionatında pley-offa vəsiqə qazanan komandaların sayı 7-yə çatıb.

"Report"un məlumatına görə, qrup mərhələsində II turun oyunlarından sonra Meksika, ABŞ, Almaniya, Fransa, Norveç, Argentina və Kolumbiya 1/16 finalda iştirakı rəsmiləşdirib.

DÇ-2026-nın qrup mərhələsində III tur bu gün başlayacaq.

Xatırladaq ki, turnirə iyulun 19-da yekun vurulacaq.

"Zirə" yeni futbolçu ilə anlaşıb.

"Report" xəbər verir ki, bu barədə Bakı təmsilçisi məlumat yayıb.

Klub Da Silva Tavareş Vieranı (Vierinya) heyətinə qatıb. Portuqaliyalı yarımmüdafiəçi ilə 2 illik müqavilə bağlanıb.

Qeyd edək ki, 29 yaşlı futbolçu daha əvvəl ölkəsinin "Feyrense", "Sanxoanense", "Salqeyruş", "Qondomar", "Akademiko Viseu", "Espinyo", "San Jo de Ver", "Beyra Mar" və Kiprin "Olimpiakos"(Nikosiya) klublarında çıxış edib.

"Zirə" yeni futbolçu ilə anlaşıb.

"Report" xəbər verir ki, bu barədə klubun mətbuat xidməti məlumat yayıb.

"Qartallar" Azərbaycan millisinin üzvü Ayxan Hüseynovu heyətinə qatıb.

Yarımmüdafiəçi ilə 2 illik müqavilə bağlanıb.

Qeyd edək ki, 26 yaşlı futbolçu daha əvvəl Rusiyanın "Leninqradets", "Nijni Novqorod", "Ural", "Olimp-Dolqoprudnu", "Ximki" və ölkəmizdə "Turan Tovuz" klublarında çıxış edib.

İspaniyanın "Barselona" klubunun futbolçusu Fermin Lopes karyerasını Fransada davam etdirə bilər.

"Report" xəbər verir ki, bu barədə "El Nacional" nəşri məlumat yayıb.

PSJ 23 yaşlı yarımmüdafiəçi ilə maraqlanır. UEFA Çempionlar Liqasının qalibi yay transfer dönəmində ispaniyalı oyunçunu heyətinə qatmağı planlaşdırır.

Xatırladaq ki, Fermin Lopesin "Barselona" ilə müqaviləsinin müddəti 2031-ci ilin yayınadək nəzərdə tutulub. O, 2023-cü ildən Kataloniya təmsilçisində çıxış edir.

"İmişli" futbol komandasının 2026/2027 mövsümündə ev oyunlarını keçirəcəyi stadion hələlik dəqiqləşməyib.

Bu barədə "Report"un sorğusuna cavab olaraq bölgə təmsilçisinin icraçı direktoru Aqşin Mürsəlov açıqlama verib.

Funksioner bir neçə arenada oynamaq ehtimallarının olduğunu söyləyib:

"Quba Olimpiya Kompleksinin stadionu dəqiq olmayacaq. Çünki orada drenaj sistemi düzəldilmədir. Ağsu şəhər stadionunda rəqibləri qəbul etmək variantı var. AFFA stadionu təmir edir. Çempionatın startınadək bitsə, orada oynamağı planlaşdırırıq. Çatdırılmasa, başqa variantları nəzərdən keçirəcəyik. Qəbələ və Yevlax da ola bilər. Hansı uyğun gəlsə, qərar veriləcək".

Xatırladaq ki, "İmişli" ötən mövsüm ilk iki turda rəqiblərini Şamaxı şəhər stadionunda, daha sonra Quba Olimpiya Kompleksinin stadionunda qəbul edib.

"Turan Tovuz" futbolçusu Ayxan Hüseynovla yollarını ayırıb.

"Report" xəbər verir ki, bu barədə Qərb təmsilçisi məlumat yayıb.

Yarımmüdafiəçinin başa çatan müqaviləsinin müddəti uzadılmayıb.

Xatırladaq ki, Ayxan Hüseynov Azərbaycan millisinin üzvüdür.

İspaniyanın "Real" komandasının baş məşqçisi Joze Mourinyo yay transfer dönəmində yarımmüdafiə xəttini gücləndirmək üçün namizədləri müəyyən edib.

"Report" "Fichajes" nəşrinə istinadən xəbər verir ki, portuqaliyalı mütəxəssis "Sportinq"dən Morten Yulmann və "Vest Hem"dən Mateuş Fernandeşin heyətə cəlb olunmasını istəyir.

"Kral klubu"nun rəhbərliyi hər iki oyunçunun mümkün keçidi ilə bağlı detalları araşdırmağa başlayıb.

Xatırladaq ki, Joze Mourinyo iyunun 1-də paytaxt təmsilçisinin baş məşqçisi təyin olunub.

Futbol üzrə Azərbaycan Premyer Liqasına vəsiqə qazanan "Şəfa" klubu yeni mövsüm üçün "SOCAR Polymer Arena" ilə müqavilə bağlayıb.

Bu barədə "Report"un sorğusuna cavab olaraq paytaxt təmsilçisindən bildirilib.

"Şəfa" klubu olaraq yeni mövsüm üçün "SOCAR Polymer Arena" ilə müqavilə bağlamışıq. Amma yenə də stadion axtarışımız davam edir", - deyə açıqlamada vurğulanıb.

Xatırladaq ki, Azərbaycan Premyer Liqasında yeni mövsümə avqustda start veriləcək. "SOCAR Polymer Arena" Sumqayıtda yerləşir.

Əlcəzair millisinin futbolçuları dünya çempionatında İordaniya ilə oyunda qələbəyə layiq idi.

"Report" xəbər verir ki, bu barədə komandanın baş məşqçisi Vladimir Petkoviç matçdan sonra açıqlama verib.

O, J qrupunun II turunun qarşılaşması haqqında fikirlərini bölüşüb:

"Futbolçular sərgilədikləri oyuna görə qələbəyə layiq idi. Matça nəzarət tam bizdə idi. Çoxsaylı qol imkanları yaratdıq. Düşünürəm ki, görüşün nəticəsi də ədalətli oldu".

V.Petkoviç ikinci hissədə əvəzetmələrin komandaya xeyir verdiyini söyləyib:

"Beləliklə, təzyiqi artıra bildik və istədiyimiz nəticəyə nail olduq. Hələlik növbəti mərhələyə vəsiqə qazanmamışıq. Komanda Avstriya ilə həlledici oyuna çıxacaq. Hər şey oyunçuların öz əlindədir".

Xatırladaq ki, Əlcəzair İordaniyanı 2:1 hesabı ilə məğlub edib.

Mütləq Döyüş Çempionatının (UFC) Bakıda keçiriləcək turniri ərəfəsində idmançıların açıq məşqi və fan-zona təşkil olunacaq.

Bu barədə "Report"a Bakı Şəhər Halqası Əməliyyat Şirkətindən məlumat verilib.

Tədbir iyunun 24-də, saat 17:00-da Dənizkənarı Milli Parkda, Yeddi Gözəl fəvvarəsinin yaxınlığında baş tutacaq.

Açıq məşqdə "UFC Fight Night Baku" turnirinin əsas döyüşünün iştirakçıları - azərbaycanlı Rafael Fiziyev və meksikalı Manuel Torres, gecənin ikinci əsas qarşılaşmasının iştirakçısı Şarabutdin "Shara Bullet" Maqomedov, eləcə də yerli döyüşçülər - Nazim Sadıxov və Fərman Həsənov iştirak edəcəklər.

Tədbir zamanı hər bir döyüşçü 10 dəqiqəlik nümayiş məşqi keçirəcək, daha sonra azarkeşlərin suallarını cavablandıracaq. Tədbir ictimaiyyət üçün açıqdır və giriş sərbəstdir.

Xatırladaq ki, "UFC Fight Night" turniri iyunun 27-də Milli Gimnastika Arenasında baş tutacaq.

İordaniya millisi ABŞ, Kanada və Meksikada təşkil olunan futbol üzrə dünya çempionatında növbəti mərhələ şansını itirən dördüncü komanda olub.

"Report"un məlumatına görə, bu, Jamal Sellaminin baş məşqçisi olduğu kollektivin J qrupunun II turunun oyununda Əlcəzairə uduzması (1:2) ilə gerçəkləşib.

Daha əvvəl Türkiyə, Haiti və Tunisin 1/16 finala vəsiqə qazana bilmədiyi dəqiqləşib.

Xatırladaq ki, İordaniya III turda Argentina ilə üz-üzə gələcək. DÇ-2026 iyulun 19-da başa çatacaq.

Futbol üzrə dünya çempionatında İordaniya və Əlcəzair milliləri arasında keçirilmiş J qrupunun II turunun matçının ən yaxşı oyunçusu bəlli olub.

"Report"un məlumatına görə, əlcəzairli İbrahim Maza bu ada layiq görülüb.

Xatırladaq ki, qarşılaşma Əlcəzair seçməsinin qələbəsi ilə bitib - 2:1.

Azərbaycanlı qrossmeyster Aydın Süleymanlı şahmat üzrə XVI dünya çempionu Maqnus Karlsenə qalib gəldiyinə inana bilməyib.

21 yaşlı şahmatçı bu barədə "Report"a açıqlama verib.

O, Honq Konqda keçirilən rapid və blits üzrə komandalararası dünya çempionatındakı qarşılaşmanı xatırlayıb:

"Qələbədən sonra özümə gələ bilmirdim. Karlseni məğlub etdiyim oyunu hisslərlə ifadə etmək çətindir. Həmin an çox həyəcanlı idim. Maqnus Karlsenə qalib gəldiyimə inana bilmirdim. Bu, mənim üçün çox unudulmaz an idi. Düşünürəm ki, qalibiyyət, həmin andakı hisslər bir müddət ağlımda qalacaq. Bunları sözlə ifadə etmək çətindir. O, dünyanın gəlmiş-keçmiş ən yaxşı şahmatçısıdır. Bu təkcə mənə görə yox, çox insana görə belədir. Karlsenə qalib gəlmək qürurvericidir. Ümid edirəm ki, bundan sonra da o səviyyədə oyunçularla daha çox mübarizə apararam və yaxşı nəticə göstərərəm".

A.Süleymanlı Honq Konqdakı turnir haqqında da fikirlərini bölüşüb:

"Bu yarışda ilk dəfə çıxış edirdim. "Odlar yurdu" komandası ilə qatılmaq qismət oldu. Bu komandanın yaranmasında əsas pay sahibi Azərbaycan Şahmat Federasiyası və Rauf Məmmədovdur. Rauf belə bir kollektivin qurulması ilə bağlı ideya irəli sürmüşdü. Komandamız gənclərdən ibarətdir. Düşünürəm ki, yarışda da yaxşı mübarizə apardıq. Rapid mərhələsində Maqnus Karlsenin çıxış etdiyi, turnirin əsas favoritlərindən biri olan "WR Chess" üzərində qələbə qazandıq. Onların digər üzvləri də dünyanın ən yaxşıları sırasındadır. Hamımız yaxşı oynadıq və mübarizə apardıq. "KazChess" komandasını da məğlub etdik. Onların heyətində Şəhriyar Məmmədyarov da oynayırdı. Düşünürəm ki, bu turnirdə yaxşı iştirak etdik".

Xatırladaq ki, "Odlar Yurdu" blits üzrə turnirin 1/8 finalında Özbəkistana məğlub olub. Komanda rapid üzrə mübarzədə isə 15 xalla 11-ci yeri tutub.

Azərbaycanın "Odlar yurdu" şahmat komandasının üzvləri növbəti yarışlarda daha yaxşı nəticələr qazanmaq üçün çalışacaqlar.

Bu barədə "Report"a komandanın üzvü Vüqar Manafov açıqlama verib.

O, Honq Konqda komandalar arasında təşkil olunmuş rapid və blits üzrə dünya çempionatı haqqında fikirlərini bölüşüb:

"Yarış çox maraqlı keçdi. Komandamızda gözəl ab-hava var idi. Bütün şahmatçılar qələbə qazanmaq istəyirdi. Yarışda güclü komandalara qalib gəldik. Maqnus Karlsenin çıxış etdiyi "WR Chess" kollektivini də üstələdik. Bu nəticəyə görə komanda yoldaşlarıma təşəkkür etdim. Hamımız əla oynadıq. Növbəti yarışlarda bundan da yaxşı nəticələr qazanmaq üçün çalışacağıq".

V.Manafov altıncı lövhədə ən yüksək nəticəyə görə qızıl medala layiq görülməsi ilə bağlı da danışıb:

"Komandadakı şahmatçıların hər birinə güvəndiyim üçün bu nəticəni qazana bildim. Ölkəmizi təmsil etdiyimizə görə fəxr edirik. Bu medala görə görə komanda yoldaşlarıma minnətdaram.

Xatırladaq ki, "Odlar Yurdu" blits üzrə turnirin 1/8 finalında Özbəkistana məğlub olub. Komanda rapid üzrə mübarzədə isə 15 xalla 11-ci yeri tutub.

Çimərlik futbolu üzrə Azərbaycan millisinin Gürcüstanın Batumi şəhərində keçiriləcək Avropa çempionatının seçmə mərhələsindəki rəqibləri bəlli olub.

"Report" xəbər verir ki, bu barədə AFFA məlumat yayıb.

Komanda B Liqasının B qrupunda Latviya, İngiltərə və Slovakiya ilə üz-üzə gələcək.

A qrupunda isə Gürcüstan, Rumıniya, Malta və Norveç komandaları yarışacaqlar. Qrup qalibləri həm B Liqasının ən güclüsünü müəyyənləşdirmək üçün qarşılaşacaqlar, həm də A Liqasına vəsiqə qazanacaqlar.

Xatırladaq ki, turnir iyulun 15-17-si aralığında baş tutacaq.

Azərbaycanlı idmançı Tahir Abdullayev Mütləq Döyüş Çempionatının (UFC) Bakıda keçiriləcək turnirində rəqibinin üzərindən tank kimi keçməyə hazır olduğunu bildirib.

"Report" xəbər verir ki, idmançı bu barədə Bakı Şəhər Halqası Əməliyyat Şirkətinin mətbuat xidmətinə açıqlama verib.

T.Abdullayev Milli Gimnastika Arenasında qarşılaşacağı braziliyalı Ceferson Nasimento ilə duel haqqında danışıb:

"Rəqibimin kim olmasının mənim üçün böyük əhəmiyyəti yoxdur. O, braziliyalıdır, Braziliya ciu-citsu döyüş məktəbindən gəlir. Amma ona demək istəyirəm ki, hazır olsun. Onun güclü tərəflərini bilirəm, hörmətlə yanaşıram. Mən oktaqona yalnız qələbə qazanmaq üçün çıxıram və öz gücümü göstərməyə hazıram. Mənim ləqəbim "Tank"dır. Rəqibimin üzərindən tank kimi keçməyə hazıram".

Döyüşçünün sözlərinə görə, UFC-də döyüşmək onun üçün böyük şans və uzun illərin əməyinin nəticəsidir:

"15 yaşımdan idmanla məşğulam, 18 yaşımdan isə peşəkar döyüşlərə çıxıram. UFC-yə düşmək həmişə ən böyük məqsədlərimdən biri olub və bu gün artıq dünyanın ən güclü təşkilatında çıxış etmək imkanı qazanmışam. ABŞ-də təlim-məşq toplanışında olanda UFC ilə müqavilə bağlamağa hazırlaşırdım. Əvvəlcə başqa rəqiblə döyüşməli idim, lakin sonradan planlar dəyişdi və mənə Bakıda keçiriləcək turnirdə iştirak etmək təklif olundu. Döyüş təklifi gələndə çox düşünmədən qəbul etdim. Bakıda, doğma azarkeşlər qarşısında UFC-də döyüşmək mənim üçün qürur mənbəyidir. Bu, uzun illər arzuladığım bir məqamdır. Doğma publikanın dəstəyi mənə əlavə motivasiya verir. Bu etimadı doğrultmaq üçün əlimdən gələni edəcəyəm".

O, hazırda bütün diqqətini qarşıdakı döyüşə yönəltdiyini vurğulayıb:

"Məqsədim UFC-də uğurlu çıxış etmək, qələbələr qazanmaq və gələcəkdə daha böyük hədəflər uğrunda mübarizə aparmaqdır. Bütün azarkeşlərə dəstəklərinə görə təşəkkür edirəm. Mən döyüşə çıxanda dayanmadan dəstəkləyin. İyunun 27-də Milli Gimnastika Arenasında görüşərik. Sizin dəstəyinizlə birlikdə möhtəşəm döyüş gecəsi yaşayacağımıza inanıram".

Xatırladaq ki, bu il "UFC Fight Night" iyunun 27-də Milli Gimnastika Arenasında baş tutacaq. Gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.

Almaniya millisinin futbolçusu Niko Şlotterbek dünya çempionatının növbəti oyunlarını buraxacaq.

"Report" xəbər verir ki, 26 yaşlı müdafiəçiyə sol topuğunda bağ yırtığı diaqnozu qoyulub.

O, ən azı 8 həftə yaşıl meydanlardan kənarda qalacaq.

Xatırladaq ki, oyunçu Fildişi Sahilini məğlub etdikləri E qrupunun II turunun matçında zədə alıb. ABŞ, Kanada və Meksikada təşkil olunan DÇ-2026 iyulun 19-da başa çatacaq.

Azərbaycan boksçularının Çinin Quyyan şəhərində keçirilmiş Dünya Kubokunda 1 qızıl, 2 bürünc medal qazanması qənaətbəxş nəticədir.

Bu barədə "Report"a açıqlamasında millinin böyük məşqçisi Nəriman Abdullayev bildirib.

O, idmançıların sözügedən yarışda pis çıxış etmədiklərini söyləyib:

"Dünya Kubokunda təşkilatçılıq yüksək səviyyədə idi. Boksçularımız turnirdə pis çıxış etmədilər. Yarışı 1 qızıl və 2 bürünc medalla başa vurduq. Dünyanın bütün güclü boksçuları Dünya Kubokunda iştirak edirdilər. Bu səbəbdən üç medal qazanmağımızı qənaətbəxş nəticə hesab edirik".

Xatırladaq ki, Dünya Kubokunda Səidcəmşid Cəfərov (75 kq) qızıl, Murad Allahverdiyev (80 kq) və Alfonso Dominqes (90 kq) bürünc mükafat qazanıb.

Azərbaycan parabadmintonçusu İbrahim Əliyev Fransanın Müluz şəhərində keçirilən beynəlxalq turnirdə mükafatçılar sırasına düşüb.

"Report" xəbər verir ki, 20 yaşlı parabadmintonçu qoşa yarışda (SU-5 kateqoriyası) polşalı tərəfdaşı Bartlomey Mroz ilə birlikdə bürünc medal qazanıb.

Bu cüt qrup mərhələsində braziliyalı rəqibləri Ramos Santos və Yeili Rodriges üzərində qələbə qazanıb, Çin Taypeyini təmsil edən Jen-Yu Fang və Qui Yu Pu cütlüyünə isə məğlub olub.

Bu nəticə ilə yarımfinala yüksələn İbrahim Əliyev və Bartlomey Mroz Malayziya təmsilçiləri Mohamed Azri və Çeah Lyek Hou ilə qarşılaşmada məğlub olaraq turniri bürünc medalla başa vurublar.

Minifutbol üzrə Azərbaycan millisi Slovakiyada keçirilən Avropa çempionatında azarkeşlərin dəstəyi sayəsində sonadək döyüşüb.

Bu barədə "Report"un Bratislavaya ezam olunan əməkdaşına açıqlamasında komandanın üzvü Vüsal İsayev bildirib.

O, turnirin qalibi olmaları ilə bağlı fikirlərini bölüşüb:

"Tribunalarda və ölkəmizdə bizə dəstək olan hər kəsə təşəkkür edirəm. Avropa çempionatında ikinci dəfə qızıl medal qazandıq. Bunu dünya çempionu olandan sonra etdik. Çox çətin oldu. Qrup mərhələsindən sonra dünya və Avropa çempionlarının yer aldığı "setka"da mübarizə aparırdıq. Çox ağır oyunlar keçirdik. Azarkeşlərin dəstəyini görüb özümüzdə güc tapdıq, sonadək döyüşdük".

V.İsayevin sözlərinə görə, ən ağır matç son Avropa çempionu Serbiyaya qarşı olub:

"Öz oyunumuzu sərgiləyə bilmədik. Rəqib bizi çox yaxşı təhlil etmişdi. Fiziki cəhətdən güclü kollektiv idi. Amma Serbiyanı keçəndən sonra çempion olacağımıza inamım daha da artdı".

Qeyd edək ki, Azərbaycan millisi Avropa çempionatının final matçında Ukraynanı 2:0 hesabı ilə məğlub edib.

Minifutbol üzrə Azərbaycan millisinin ikinci dəfə Avropa çempionu olması ölkə idmanı və futbolu üçün böyük hadisədir.

Bu barədə "Report"un Bratislavaya ezam olunan əməkdaşına açıqlamasında Azərbaycan Minifutbol Federasiyasının (AMF) prezidenti Orxan Məmmədov bildirib.

AMF rəhbəri komandanın Slovakiyada keçirilən turnirdə birinci yeri tutması ilə bağlı fikirlərini bölüşüb:

"Hamını qələbə münasibəti ilə təbrik edirəm. Azərbaycanda və burada olan azarkeşləri, idman və futbol ictimaiyyətini təbrik edirəm. Tarixi qələbədir. Azarkeşlər bizə möhtəşəm dəstək olurdular. Onlar Avropanın bir çox şəhərlərindən gəlmişdilər. Hər birinə təşəkkürlərimi çatdırıram. Buradakı səfirliyimizə minnətdaram. İlk gündən çox dəstək oldular. Komandamızın, oyunçularımızın yanında idilər. Yenidən Avropa çempionu olmaq böyük qürurdur. Azərbaycan idmanı, futbolu üçün böyük hadisədir".

O.Məmmədov komandanın 2022-ci ildə də Avropa çempionatında qızıl medal qazandığını xatırladıb:

"Ötən il Bakıda keçirilən dünya çempionatında birinci yeri tutduq. Artıq komandalar bizi başqa cür qəbul edirdilər. Son matçlarda çətin rəqiblərlə üz-üzə gəldik. Hamı bizə qarşı başqa cür oynayırdı. Bütün futbolçulara, məşqçilər heyətinə, federasiyada çalışan əməkdaşlarımıza təşəkkür edirəm. Həqiqətən böyük hadisədir. İkinci dəfə Avropa çempionu olmaq böyük qürurdur. Cənab Prezident İlham Əliyev dünya çempionu olan zaman bizi qəbul edəndə demişdi ki, dünya çempionusunuz, artıq budan sonra sizin üzərinizə böyük məsuliyyət düşür. Hamı bizi başqa cür qəbul edəcək. Həqiqətən belə də oldu. Dedi ki, növbəti uğuru təkrarlamaq üçün çalışmalısınız. Biz çətin olacağını da bilirdik. Həmin sözlərdən sonra yenidən çempion olduğumuz üçün qürurluyuq. Möhtərəm Prezidentimizə təşəkkür edirik. Bu idman növünə ilk gündən böyük dəstək göstərib. Federasiyaya maliyyə dəstəkləri göstərilib. İki dəfə cənab Prezidentin qəbulunda olmaq uşaqlar üçün qürur mənbəyidir".

AMF prezidenti 4 il ərzində 2 Avropa, 1 dünya çempionluğu əldə etmələrinin səbəbini açıqlayıb:

"Federasiya yarandığı gündən lazım olan futbolçuları tapdıq. Yavaş-yavaş komandanın əsas heyətini formalaşdırdıq. Bu uğurlarda baş məşqçinin də böyük rolu var. Elşad Quliyev neçə ildir ki, komandaya rəhbərlik edir. Onun zəhməti nəticəsində belə kollektiv yığmışıq. Bu onu göstərir ki, Azərbaycanda yaxşı idmançılar, futbolçular var. Sadəcə, çalışmaq lazımdır. Çünki dövlətimiz hər cür dəstək göstərir. İnam, zəhmət olan yerdə həmişə nəticə olur".

Qeyd edək ki, Azərbaycan millisi Avropa çempionatının final matçında Ukraynanı 2:0 hesabı ilə məğlub edib.

Minifutbol üzrə Azərbaycan millisi Slovakiyada keçirilən Avropa çempionatında ağır qrafiklə oynayıb.

"Report"un Bratislavaya ezam olunan əməkdaşı xəbər verir ki, bu barədə komandanın baş məşqçisi Elşad Quliyev mətbuat konfransında bildirib.

Mütəxəssis Slovakiyada keçirilən Avropa çempionatında Ukraynanı məğlub etdikləri (2:0) final oyunundan sonra fikirlərini bölüşüb:

"Möhtəşəm turnir keçirildi. Avropa Minifutbol Federasiyasını təbrik edirəm. Təşkilatçıların əziyyəti danılmazdır. Xalqımızı və komandamı çempionluq münasibəti ilə təbrik edirəm. Ağır qrafiklə oynayırdıq, güclü rəqiblərlə üz-üzə gəldik. Bu isə kollektivi yordu. Finala yorğun çıxmışdıq. Oyunçuları möhtəşəm finalı başa vurduqları üçün xüsusi təbrik edirəm".

E.Quliyev Ukrayna millisinin də yaxşı heyətinin olduğunu əlavə edib:

"Ukrayna millisinin yaxşı oyunçuları var. Onlar da bu gün pis oynamadılar. Biz yarışa gəlməmişdən əvvəl böyük işlər görmüşdük. Avropa çempionatının çətin keçəcəyini bilirdik. Belə güclü komandalarla oynadıqdan sonra finala çıxacağımızı hesablamamışdıq. Belə çempionluq məni ikiqat sevindirir. İlk çempionluqda daha asan komandalarla oynayırdıq".

Qeyd edək ki, Azərbaycanın minifutbol millisi tarixində ikinci dəfə Avropa çempionu olub.

Slovakiyada keçirilən minifutbol üzrə Avropa çempionatının qalibi olan Azərbaycan millisi mükafatlandırılıb.

"Report"un Bratislavaya ezam olunan əməkdaşı xəbər verir ki, ilk olaraq üçüncü yeri tutan Serbiya və Macarıstan komandalarına bürünc medallar verilib.

Ardınca gümüş mükafatın sahibi Ukrayna seçməsi fəxri kürsüyə çıxıb.

Son olaraq Azərbaycan millisinin oyunçularına qızıl medallar və kubok təqdim edilib.

Tədbirdə Avropa Minifutbol Federasiyasının prezidenti Peter Kralik və digər rəsmi şəxslər iştirak ediblər.

Qeyd edək ki, Azərbaycan millisi finalda Ukraynanı iki cavabsız qolla üstələyərək Avropa çempionu olub.

Minifutbol üzrə Azərbaycan millisinin üzvü Eşqin Tağıyev Slovakiyada keçirilən Avropa çempionatının ən yaxşı oyunçusu seçilib.

"Report"un Bratislavaya ezam olunan əməkdaşı xəbər verir ki, o, turnirin mükafatlandırma mərasimində təltif olunub.

Qeyd edək ki, Azərbaycan millisi yarışın qalibi olub. Komanda finalda Ukraynanı iki cavabsız qolla üstələyib.

Minifutbol üzrə Azərbaycan millisi Slovakiyada keçirilən Avropa çempionatının qalibi olub.

"Report"un Bratislavaya ezam olunmuş əməkdaşı xəbər verir ki, Elşad Quliyevin baş məşqçisi olduğu kollektiv finalda Ukrayna seçməsini məğlub edib.

"Tipos Arena"dakı oyun 2:0 hesabı ilə bitib.

Komandanın qollarına Mirmehdi Rzayev və İsa Atayev imza atıb.

Beləliklə, minifutbol üzrə Azərbaycan millisi ikiqat Avropa çempionu olub. Komanda daha əvvəl 2022-ci ildə titula sahib çıxıb.

Xatırladaq ki, Azərbaycan millisi ötən gün əsas vaxtı 1:1 hesabı ilə bitən yarımfinal görüşünün penaltilər seriyasında Serbiya seçməsini üstələyib - 3:1. F qrupunda Avstriya (1:0), İtaliya (3:0) və Fransanı (3:2) məğlub edən komanda 1/8 finalda Qazaxıstanı (3:2), 1/4 finalda isə Çexiyanı (5:2) məğlub edib.

Slovakiyada keçirilən minifutbol üzrə Avropa çempionatının final oyunundan əvvəl İtaliya millisinin sabiq üzvü Françesko Tottinin iştirakı ilə yoldaşlıq matçı təşkil edilib.

"Report"un Bratislavaya ezam olunan əməkdaşı xəbər verir ki, F.Tottinin komandası Adam Berginin kollektivi ilə üz-üzə gəlib.

"Tipos Arena"da keçirilən qarşılaşma italiyalı keçmiş hücumçunun komandasının qələbəsi ilə yekunlaşıb - 8:7.

Daha əvvəl Azərbaycanda legioner həyatı yaşamış gürcüstanlı sabiq futbolçu Nuqzar Kvirtiya və Türkiyənin "Fənərbağça" klubunun keçmiş oyunçusu Miroslav Stox da görüşdə iştirak edib.

Qeyd edək ki, Avropa çempionatının finalında Azərbaycan və Ukrayna milliləri üz-üzə gələcək. Oyun Bakı vaxtı ilə saat 22:30-da start götürəcək.

Minifutbol üzrə Azərbaycan millisinin üzvləri Slovakiyada keçirilən Avropa çempionatının finalında məşqçilərin tapşırığını maksimum yerinə yetirməyə çalışacaqlar.

Bu barədə "Report"un Bratislavaya ezam olunan əməkdaşına açıqlamasında komandanın üzvü Xətai Bağırov bildirib.

Oyunçu bu gün Ukraynaya qarşı keçirəcəkləri həlledici matç haqqında fikirlərini bölüşüb:

"2-3 oyundur ki, rəqibi izləyirik. Çox dinamik komandadır. Topla və topsuz yaxşı təsir bağışlayırlar. Hazırlıqlı kollektivdir. Təbii ki, bu matça da ciddi hazırlaşacağıq. Məşqçilərin tapşırığını maksimum yerinə yetirməyə çalışacağıq".

X.Bağırov yarımfinalda Serbiyanı penaltilər seriyasında (3:1) məğlub etdikləri matça (əsas vaxt - 1:1) da toxunub:

"Bu oyuna ciddi hazırlaşırdıq. Serbiya turnirdəki ən güclü komandalardan biri idi. Qarşılaşma çox çətin keçdi. Əlimizdən gələni etdik. Qol vurmaq mənə nəsib oldu. Bunun fərqi yoxdur. Bizə finala çıxmaq lazım idi. Bunu bacardıq. Bütün xalqımızı, futbol ictimaiyyətini təbrik edirəm".

O, serbiyalı oyunçuların kobud oynamaları barədə danışıb:

"Bizim komanda topla oynamağı sevir. Bu səbəbdən bizi əsəbiləşdirməyə çalışırdılar. Bunun üçün hər şeyi edirdilər. Amma dözə bildik, istədikləri alınmadı. Penaltilər seriyasında olsa da, qalib gəlməyi bacardıq. Düzdür, rəqibin bərabərlik qolundan sonra: 2-3 dəqiqə ruh düşkünlüyü oldu.. Amma sonra toparlana bildik. Hesabda önə keçmək üçün şanslarımız da oldu. Rəqibin də belə epizodları var idi".

Xatırladaq ki, Azərbaycan millisi bu gün finalda Ukrayna ilə üz-üzə gələcək. Matç "Tipos Arena"da, Bakı vaxtı ilə saat 22:30-da start götürəcək.

Slovakiyada keçirilən Avropa çempionatının yarımfinal mərhələsinin Serbiya - Azərbaycan oyunu döyüş idi.

Bu barədə "Report"un Bratislavaya ezam olunan əməkdaşına açıqlamasında Azərbaycan millisinin qapıçısı Vəli Qafarov deyib.

O, əsas vaxtı 1:1 hesabı ilə bitən Serbiyaya qarşı yarımfinal görüşü (penaltilər seriyasında 3:1) haqqında fikirlərini bölüşüb:

"Qardaşlarım, dostlarım komanda yoldaşlarım 50 dəqiqə ərzində vuruşdular, döyüşdülər. Serbiya ilə matç həqiqətən bir döyüş idi. Futbolçular oyuna öz töhfələrini verdilər. Mən də penaltini qurtarmaqla bacardığımı etməyə çalışdım".

V.Qafarov dünya reytinqində birinci pillədə qərarlaşdıqlarını xatırladıb:

"Avropa çempionatının finalına vəsiqə qazandığımız üçün Allaha şükür edirik. Turnirdən əvvəl açıqlamamda bildirmişdim ki, rəqiblərimizə qarşı yaxşı hazırlaşmışıq. Dünya reytinqində birinci pillədəyik. Son Avropa çempionunu taxtından endirdik. Artıq bir həlledici matçımız qalıb. Ümid edirəm ki, finalda da yaxşı nəticə qazanaraq Vətənə qayıdacağıq".

Xatırlada ki, Azərbaycan millisi bu gün finalda Ukrayna ilə üz-üzə gələcək. Matç "Tipos Arena"da, Bakı vaxtı ilə saat 22:30-da start götürəcək.

Minifutbol üzrə Azərbaycan millisi Slovakiyada keçirilən Avropa çempionatında final oyununa bu gün çıxacaq.

"Report"un Bratislavaya ezam olunan əməkdaşı xəbər verir ki, Elşad Quliyevin baş məşqçisi olduğu kollektiv həlledici matçda Ukrayna ilə üz-üzə gələcək.

Qarşılaşma "Tipos Arena"da, Bakı vaxtı ilə saat 22:30-da start götürəcək.

Xatırladaq ki, Azərbaycan millisi ötən gün əsas vaxtı 1:1 hesabı ilə bitən görüşün penaltilər seriyasında Serbiya seçməsini üstələyib - 3:1. F qrupunda Avstriya (1:0), İtaliya (3:0) və Fransanı (3:2) məğlub edən komanda 1/8 finalda Qazaxıstanı (3:2), 1/4 finalda isə Çexiyanı (5:2) məğlub edib.

Minifutbol üzrə Azərbaycan millisi Avropa çempionatının finalında daha yaxşı oyun sərgiləmək istəyir.

"Report"un Bratislavaya ezam olunan əməkdaşı xəbər verir ki, bu barədə minifutbol üzrə Azərbaycan millisinin baş məşqçisi Elşad Quliyev mətbuat konfransında bildirib.

Mütəxəssis Slovakiyada keçirilən Avropa çempionatının yarımfinal mərhələsinin Serbiya ilə oyunundan sonra fikirlərini bölüşüb:

"Bütün oyunçularımı, xalqımı təbrik edirəm. Çempion olmaq istəyirik. Serbiya Avropanın ən güclü kollektivlərindən biridir. Həqiqətən, çətin matç alındı. Rəqib üstün oynaya bilər, amma nəticəni biz qazandıq. Finalda daha yaxşı oyun sərgiləmək istəyirik".

O, 1/4 finalda Çexiya ilə görüşdə çox güc itirdiklərini söyləyib:

"Sabaha hazırlaşmalıyıq. Bundan daha yaxşı oyun sərgiləmək niyyətindəyik. Bir qol nəticəni həll edə bilir. Serbiya və biz ehtiyatlı oynayırdıq. Müdafiəni də düşünmək lazım idi. Bizim millimiz müdafiə futbolu oynamır".

Xatırladaq ki, Azərbaycan millisi yarımfinalda Serbiya seçməsini penaltilər seriyasında üstələyib. Qarşılaşmanın əsas vaxtı 1:1 hesabı ilə bitib.

Minifutbol üzrə Azərbaycan millisi Slovakiyada keçirilən Avropa çempionatının finalına vəsiqə qazanıb.

"Report"un Bratislavaya ezam olunan əməkdaşı xəbər verir ki, Elşad Quliyevin baş məşqçisi olduğu kollektiv yarımfinalda Serbiyanı məğlub edib.

"Tipos Arena"da keçirilən qarşılaşmanın əsas vaxtı 1:1 hesabı ilə bitib.

Komandanın heyətində Xətai Bağırov fərqlənib.

Daha sonra penaltilər seriyasına ehtiyac duyulub. Burada daha dəqiq oynayan (3:1) komandamız adını finala yazdırıb.

Azərbaycan millisi finalda Ukrayna ilə qarşılaşacaq. Matç iyunun 4-də keçiriləcək.

Slovakiyada keçirilən minifutbol üzrə Avropa çempionatında ilk finalçı bəlli olub.

"Report"un Bratislavaya ezam olunan əməkdaşı xəbər verir ki, ilk yarımfinal oyununda Ukrayna millisi Macarıstanı məğlub edib.

"Tipos Arena"dakı qarşılaşma 5:1 hesabı ilə bitib.

Komanda finalda Serbiya - Azərbaycan oyununun qalibi ilə üz-üzə gələcək.

Xatırladaq ki, final iyunun 4-də keçiriləcək.

Slovakiyada keçirilən minifutbol üzrə Avropa çempionatının yarımfinal mərhələsindəki Serbiya - Azərbaycan oyunu finala bərabər olacaq.

Bu barədə "Report"un Bratislavaya ezam olunan əməkdaşına açıqlamasında Azərbaycan millisinin üzvü Təmkim Xəlilzadə bildirib.

O, rəqibin gücünə bələd olduqlarını söyləyib:

"Artıq turnirdə dörd komanda qalıb. Serbiyanın da gücünü bilirik. Vaxtımız da var. Məşqçilər təhlil edəcəklər və tapşırıqlarını verəcəklər. Hansı yığmaya qarşı oynayacağımızı da çox yaxşı başa düşürük. Rəqiblər bizdən də çəkinirlər, yaxşı oyunçularımız var. Serbiya ilə qarşılaşma finala bərabər olacaq".

T.Xəlilzadə Çexiyanı 5:2 hesabı ilə üstələdikləri 1/4 final görüşü haqqında fikirlərini bölüşüb:

"Komandamızın yeganə motivasiyası var idi. Xalqımızın bizdən nə gözlədiyini bilirdik. Yarışa son dünya çempionu kimi gəlmişik. Bizə ümidlər böyükdür. Ona görə ciddi hazırlaşmışdıq. Rəqibin də gücünü bilirdik. Elə mərhələdəyik ki, burada zəif komanda olmur. Həm də hər gün matça çıxırıq. İstər-istəməz yorğunluq da olur. Oyun gözlədiyimizdən rahat alındı. Hər şey istədiyimiz kimi oldu. Baş məşqçinin verdiyi tapşırıqları yerinə yetirməyə çalışdıq. Lazım olan nəticəni də qazandıq. Komandada kimin fərqlənməsinin fərqi yoxdur. Əsas odur ki, qalib gələk. Qol vuranda futbolçü üçün ikiqat sevinc olur. Yarımfinala vəsiqə qazandığımız üçün çox sevincliyik. Ancaq qalibiyyət haqqında düşünürük".

Oyunçu Çexiya yığmasının sərt oyuna üstünlük verməsinə də toxunub:

"Rəqiblərin əksəriyyəti bizə qarşı aqressiv oynayırlar. Fərdi cəhətdən bizdən geri qalırlar. Onlar ancaq bizimlə mübarizə aparmaq, döyüşmək istəyirlər. Qazaxıstanla görüşdə də bunu gördük. Vururlar, yıxırlar, başqa heç nə edə bilmirlər. Hər şeyə hazırıq. Belə olacağını da bilirdik. Əsas odur ki, zədə olmadı".

Xatırladaq ki, Serbiya - Azərbaycan oyunu bu gün, Bakı vaxtı ilə saat 22:45-də "Tipos Arena"da start götürəcək.

Çexiyanın minifutbol millisi dünyanın ən güclü komandalarından biridir.

Bu sözləri "Report"un Bratislavaya ezam olunan əməkdaşına açıqlamasında minifutbol üzrə Azərbaycan millisinin üzvü Taleh Babayev deyib.

O, Slovakiyada keçirilən Avropa çempionatının 1/4 finalında Çexiyanı 5:2 hesabı ilə üstələdikləri oyun haqqında fikirlərini bölüşüb:

"Çexiya ilə görüşə ciddi hazırlaşmışdıq. Dünyanın ən güclü komandalarından biridir. Hesab bizi aldatmasın. Həqiqətən yaxşı kollektivdir, əla heyətləri var. Qalibiyyət bizə nəsib oldu. Bu qələbəni Azərbaycan xalqına həsr edirik".

T.Babayev yarımfinaldaki rəqib Serbiyanın da güclü olduğunu vurğulayıb:

"Yarımfinalda da var gücümüzlə mübarizə aparacağıq. Finala vəsiqə qazanmaq istəyirik. Serbiya da güclü komandadır. Son Avropa çempionuna qarşı oynayacağıq. Bu qarşılaşmaya da ciddi köklənəcəyik. Xalqımızı sevindirmək niyyətindəyik".

Xatırladaq ki, Serbiya - Azərbaycan oyunu bu gün, saat 22:45-də "Tipos Arena"da keçiriləcək.

Minifutbol üzrə Azərbaycan millisi Slovakiyada keçirilən Avropa çempionatında bu gün növbəti oyununa çıxacaq.

"Report"un Bratislavaya ezam olunan əməkdaşı xəbər verir ki, Elşad Quliyevin baş məşqçisi olduğu kollektiv yarımfinalda Serbiya ilə üz-üzə gələcək.

Qarşılaşma "Tipos Arena"da, Bakı vaxtı ilə saat 22:45-də start götürəcək.

Digər yarımfinal matçında Macarıstan və Ukrayna yığmaları münasibətlərə aydınlıq gətirəcəklər. Bu görüş saat 21:15-də başlayacaq.

Xatırladaq ki, F qrupunda Avstriya (1:0), İtaliya (3:0) və Fransanı (3:2) məğlub edən Azərbaycan millisi 1/8 finalda Qazaxıstanı (3:2), 1/4 finalda Çexiyanı (5:2) üstələyib.

Minifutbol üzrə Azərbaycan millisi Çexiya ilə matçda istədiyi oyunu sərgiləyib.

"Report"un Bratislavaya ezam olunan əməkdaşı xəbər verir ki, bu barədə minifutbol üzrə Azərbaycan millisinin baş məşqçisi Elşad Quliyev mətbuat konfransında bildirib.

Mütəxəssis Slovakiyada keçirilən Avropa çempionatının 1/4 finalında Çexiyanı məğlub etdikləri (5:2) oyundan sonra fikirlərini bölüşüb:

"Çox gözəl oyun alındı. Rəqibi tam təhlil etmişdik. Güclü və zəif tərəflərini bilirdik. Oyunçularımı təbrik edirəm. Nizam-intizama əməl etdilər. İstədiyimiz oyunu sərgilədik və qalib gəldik".

Slovakiyada keçirilən minifutbol üzrə Avropa çempionatında yarımfinal cütləri müəyyənləşib.

"Report"un Bratislavaya ezam olunmuş əməkdaşının məlumatına görə, bu, 1/4 final mərhələsinin oyunlarından sonra dəqiqləşib.

Finala gedən yolda Macarıstan Ukraynaya, Azərbaycan millisi isə Serbiyaya rəqib olub.

Xatırladaq ki, yarımfinal matçları iyunun 3-də, final iyunun 4-də baş tutacaq. Azərbaycan komandası 1/4 finalda Çexiyanı məğlub edib - 5:2.

Minifutbol üzrə Azərbaycan millisi Slovakiyada keçirilən Avropa çempionatında yarımfinala vəsiqə qazanıb.

"Report"un Bratislavaya ezam olunan əməkdaşı xəbər verir ki, Elşad Quliyevin baş məşqçisi olduğu kollektiv 1/4 finalda Çexiyanı məğlub edib.

"Tipos Arena"da keçirilən qarşılaşma 5:2 hesabı ilə bitib.

Komandanın qollarını Eşqin Tağıyev (2), Təmkin Xəlilzadə, Ramiz Çovdarov və Məhəmməd Xəlilov vurublar.

Raundun digər matçlarında Macarıstan Bolqarıstanı (4:0), Ukrayna Gürcüstanı (4:0), Serbiya Rumıniyanı (6:4) məğlub edib.

Xatırladaq ki, daha əvvəl F qrupunda Avstriya (1:0), İtaliya (3:0) və Fransaya (3:2) qalib gələn Azərbaycan millisi 1/8 finalda Qazaxıstanı üstələyib - 3:2.

Minifutbol üzrə Çexiya millisi Qazaxıstan kimi güclü kollektivdir.

Bu sözləri "Report"un Bratislavaya ezam olunan əməkdaşına açıqlamasında Azərbaycan millisinin üzvü Məhəmməd Xəlilov deyib.

O, Slovakiyada keçirilən Avropa çempionatının 1/4 finalında qarşılaşacaqları rəqib barədə danışıb:

"Çexiya da Qazaxıstan kimi güclü kollektivdir. Həmin görüşə də yaxşı hazırlaşacağıq. Rəqibin oyunlarına baxmışıq. Yenidən təhlil edəcəyik".

O, 1/8 finalda Qazaxıstanı 3:2 hesabı ilə üstələdikləri matça da toxunub:

"Qələbəni Azərbaycan xalqına həsr edirik. Oyunun çətin keçəcəyini bilirdik. Lakin qələbə qazanmağa müvəffəq olduq. Matça da yaxşı hazırlaşmışdıq. Qalibiyyətdə bütün komandanın əməyi böyükdür".

M.Xəlilov arenada komandaya dəstək olan fanatlar haqqında da fikirlərini bölüşüb:

"Azarkeşlərin dəstəyini hiss edirik. Onların tribunada yer alması oyunumuza təsir edir. Hər birinə təşəkkür edirəm".

Qeyd edək ki, Çexiya - Azərbaycan oyunu bu gün, Bakı vaxtı ilə saat 00:00-da start götürəcək.

Minifutbol üzrə Azərbaycan millisi Slovakiyada keçirilən Avropa çempionatının 1/8 finalında layiqli qələbə qazanıb.

Bu barədə "Report"un Bratislavaya ezam olunan əməkdaşına açıqlamasında komandanın qapıçısı Ağaseyid Qasımov bildirib.

O, Qazaxıstan yığmasını 3:2 hesabı ilə üstələdikləri matç haqqında fikirlərini bölüşüb:

"Bütün xalqımızı təbrik edirəm. Ağır oyun alındı. Layiqli qələbə qazandıq. Bundan sonra da asan qarşılaşma olmayacaq. Artıq bu görüşü unutmalı və növbəti matç haqqında düşünməliyik. Buradan çempion kimi getmək istəyirik".

Qolkiper rəqib oyunçuların meydanda sərt oynamasına da toxunub:

"Qazaxıstan komandasının belə sərt oynayacağını gözləyirdik. Üçüncü dəfədir ki, onlara qarşı mübarizə aparırıq. Bütün oyunlarda sərt mübarizələr görmüşük. Buna da hazır idik, öhdəsindən gəldik və layiqli qalibiyyət əldə etdik".

A.Qasımov 1/4 finalda Çexiyaya qarşı keçirəcəkləri görüşdə şansları dəyərləndirib:

"Bu komanda ən yaxşı rəqiblərdən biridir. Xalqımızı sevindirmək və çempion olmaq üçün əlimizdən gələni edəcəyik. Söz verirəm ki, ya Çexiya ilə oyunda, ya da finalda mən də qol vuracağam".

Qeyd edək ki, Çexiya - Azərbaycan oyunu bu gün, Bakı vaxtı ilə saat 00:00-da start götürəcək.

Azərbaycanın minifutbol millisi Slovakiyada keçirilən Avropa çempionatında 1/4 final oyununa bu axşam çıxacaq.

"Report"un Bratislavaya ezam olunan əməkdaşı xəbər verir ki, Elşad Quliyevin baş məşqçisi olduğu kollektiv Çexiya ilə üz-üzə gələcək.

Qarşılaşma "Tipos Arena"da, Bakı vaxtı ilə saat 00:00-da start götürəcək. Cütün qalibi yarımfinalda Rumıniya - Serbiya duelinin güclüsü ilə görüşəcək.

1/4 finalda həmçinin Macarıstan - Bolqarıstan və Gürcüstan - Ukrayna oyunları baş tutacaq.

Xatırladaq ki, Azərbaycan millisi 1/8 finalda Qazaxıstan yığmasından güclü olub - 3:2. Komanda F qrupunda Avstriya (1:0), İtaliya (3:0) və Fransanı (3:2) məğlub edib.

Minifutbol üzrə Azərbaycan millisi Slovakiyada keçirilən Avropa çempionatında indiyədək belə çətinlik yaşamayıb.

"Report"un Bratislavaya ezam olunan əməkdaşı xəbər verir ki, bu barədə minifutbol üzrə Azərbaycan millisinin baş məşqçisi Elşad Quliyev mətbuat konfransında deyib.

Mütəxəssis Avropa çempionatının 1/8 finalında Qazaxıstanı məğlub etdikləri (3:2) oyundan sonra fikirlərini bölüşüb:

"Çətin oyun alındı. Rəqibi təbrik edirəm. Gözəl oyun sərgilədilər. Öz futbolçularımı da təbrik edirəm. Pley-of görüşləri ağır keçir. Daha diqqətli oynamaq istədik.

İndiyədək belə çətinlik yaşamırdıq. Rəqiblər bir-birini tanıyırlar. Gözlənilmədən qol buraxdıq. Bu da nəticəyə təsir etdi. Dəyişiklik etdik və oyunu dəyişməyi bacardıq.

Rəqib kobud oynayırdı. Bunu gözləyirdik. Belə matçlar görmüşük. Buna da hazırlıqlı idik və öhdəsindən gələ bildik".

Mütəxəssis 1/4 finaldakı rəqib Çexiyanın çox güclü olduğunu sözlərinə əlavə edib: "Erkən final olacaq. Yaxşı və hazırlıqlı komandadır".

Slovakiyada keçirilən minifutbol üzrə Avropa çempionatında 1/4 final mərhələsinin cütləri bəlli olub.

"Report"un Bratislavaya ezam olunan əməkdaşının məlumatına görə, bu, 1/8 finalın son oyunlarından sonra dəqiqləşib.

Azərbaycam millisi növbəti raundda Çexiya ilə üz-üzə gələcək.

Minifutbol üzrə Avropa çempionatı

1/4 final cütləri:

Macarıstan - Bolqarıstan

Gürcüstan - Ukrayna

Rumıniya - Serbiya

Çexiya - Azərbaycan

Qeyd edək ki, 1/4 final mərhələsinin oyunları iyunun 2-də baş tutacaq.

Minifutbol üzrə Azərbaycan millisi Slovakiyada keçirilən Avropa çempionatında 1/4 finala vəsiqə qazanıb.

"Report"un Bratislavaya ezam olunan əməkdaşı xəbər verir ki, Elşad Quliyevin baş məşqçisi olduğu kollektiv 1/8 finalda Qazaxıstan seçməsi ilə üz-üzə gəlib.

"Tipos Arena"da keçirilən qarşılaşma 3:2 hesabı ilə bitib. Komandanın qollarına Rəvan Kərimov, İsa Atayev və Məhəmməd Xəlilov imza atıblar.

Günün digər görüşlərində Rumıniya millisi Avstriyanı (7:0), Serbiya Yunanıstanı (4:2), Çexiya isə Monteneqronu (2:0) məğlub edib.

Xatırladaq ki, Azərbaycan millisi F qrupunda Avstriya (1:0), İtaliya (3:0) və Fransaya (3:2) qalib gəlmişdi.

Qılıncoynatmanın sablya növü üzrə qadınlardan ibarət Azərbaycan millisinin hədəfi olimpiadada təmsil olunmaqdır.

Bu barədə "Report"a yığmanın baş məşqçisi Çingiz Mustafayev açıqlamasında bildirib.

Mütəxəssis bu məqsədə çatacaqlarına inandıqlarını bildirib:

"Hədəfimiz olimpiadada təmsil olunmaqdır. İnanıram ki, bu dəfə bu məqsədə nail olacağıq. Düzdür, qarşıda görüləcək çox iş var. Amma bu komanda qarşıya qoyulan hədəfə çatmaq potensialına malikdir".

Ç.Mustafayev Perunun paytaxtı Limada keçirilmiş Dünya Kubokunda altıncı yeri tutmaları barədə də fikirlərini bölüşüb:

"Bu nəticə bizi sevindirir. Çünki uzun müddət zədədən əziyyət çəkən və bir o qədər də bərpa prosesi keçən Anna Başta artıq əvvəlki formasını yığmaya başlayıb. Amma hələ də sahib olduğu liderlik keyfiyyətlərinin hamısını sərgiləməyə tam hazır deyil. Ümumilikdə komandamızın bütün üzvlərinin çıxışından razıyam. Yaponiya və Koreya kimi güclü rəqiblərə qalib gəldik. Koreya son olimpiadanın mükafatçısıdır. Polşa və İtaliya kimi komandalarla görüşlərdə sona qədər mübarizə apardıq, qələbə üçün cəmi 1-3 xal çatmadı. Hədəfimiz olimpiadada təmsil olunmaqdır".

Xatırladaq ki, Anna Başta, Səbinə Kərimova, Palina Kaspiaroviç və Zərifə Hüseynovadan ibarət yığma Dünya Kubokunda komanda yarışında 24 ölkə arasında 6-cı olub.

Azərbaycan milli komandasının sabiq futbolçusu Əfran İsmayılov "Şəfa" klubunun vitse-prezidenti vəzifəsinə təyin edilib.

"Report" xəbər verir ki, bu barədə Bakı təmsilçisi məlumat yayıb.

Xatırladaq ki, Ə.İsmayılov daha əvvəl "Araz-Naxçıvan"da köməkçi məşqçi kimi fəaliyyət göstərib.

"Sumqayıt" klubu baş məşqçisi Saşa İliçlə vidalaşıb.

"Report" xəbər verir ki, bu barədə "gənclik şəhəri" təmsilçisi məlumat yayıb.

Mütəxəssisin müqaviləsinin müddətinin baş çatdığı bildirilib.

"Kimyaçılar" serbiyalı baş məşqçiyə gələcək karyerasında uğurlar arzulayıb.

Xatırladaq ki, "Sumqayıt" 2025/2026 mövsümünü 41 xalla yeddinci pillədə başa vurub.

İngiltərənin "Liverpul" klubu Almaniya təmsilçisi "Herta"nın futbolçusu Kennet Ayxornun mümkün transferi ilə bağlı danışıqlara başlayıb.

"Report" xəbər verir ki, bu barədə "Daily Star" məlumat yayıb.

Mersisayd təmsilçisi 16 yaşlı müdafiəçinin müqaviləsindəki müəyyən şərtləri yerinə yetirə bilsə, oyunçunu 11,5 milyon avroya ala bilər.

"Qırmızılar"ın skautları Kennet Ayxornun oyununu izləyib və bəyəniblər.

Xatırladaq ki, futbolçu başa çatan mövsümdə II Bundesliqada 19 oyuna çıxıb və 2 qol vurub.

İtaliyanın "Atalanta" komandasının yeni baş məşqçisi bəlli olub.

"Report" xəbər verir ki, bu barədə insayder Fabritsio Romano məlumat yayıb.

Mauritsio Sarri Berqamo təmsilçisi ilə müqavilə şərtlərini razılaşdırıb.

Tezliklə tərəflər arasında rəsmi müqavilə imzalanacaq. 67 yaşlı italiyalı mütəxəssis bu postda Raffaele Palladinonu əvəzləyəcək.

Xatırladaq ki, Mauritsio Sarri son olaraq "Latsio"da işləyib.

Almaniyanın "Kayzerslautern" klubunda çıxış edən Mahir Emrelinin hələlik Azərbaycana qayıtmaq fikri yoxdur.

28 yaşlı hücumçu bu barədə "Report"a müsahibəsində bildirib.

Forvard legioner həyatının davam etməsini istəyib:

"Azərbaycandan mənə heç təklif də yoxdur. Xaricdə qalmaq və burada davam etmək xeyirlidirsə, qalacağıq. İlk düşüncə legioner həyatını davam etdirməkdir. Heç özüm də belə qayıtmaq istəmirəm. Ötən mövsüm "Nürnberq"dən ayrılanda Vətənə dönsəydim, qəlbim daha da sakit olardı. Özünü təsdiqləyib qayıtmaq başqadır. İndi eşitmək istəmirəm ki, desinlər Mahirdə alınmadı, qayıtdı".

Mahir Emrelinin müsahibəsinin tam versiyasını buradan oxuya bilərsiniz.

Azərbaycan millisinin futbolçusu Toral Bayramov Türkiyənin "Burasspor" klubuna keçib.

"Report" xəbər verir ki, bu barədə "Qarabağ" klubu məlumat yayıb.

Qardaş Türkiyənin köklü klublarından olan "Bursaspor"un Toral Bayramovun transferində ciddi maraq göstərməsi, həmçinin milli komandanın futbolçusunun özünün legioner həyatı yaşamaq və karyerasını xaricdə davam etdirmək istəyi bu keçidin reallaşmasında mühüm rol oynayıb. "Qarabağ" FK futbolçumuz Toral Bayramovun transferi ilə bağlı "Bursaspor" klubunun təklifini müsbət cavablandırıb. Klublar arasında aparılan danışıqların uğurla yekunlaşması və futbolçunun legioner karyerasını davam etdirmək istəyinə hörmətlə yanaşılması nəticəsində tərəflər arasında razılıq əldə olunub. 2020-ci ildən əsas komandamızda çıxış edən Bayramov bu müddətdə 254 oyunda 37 qol vurub. O, komandamızla 5 dəfə Azərbaycan çempionu olub, 2 dəfə ölkə kubokunu qazanıb. Bayramov millidə keçirdiyi 40 oyunda 5 qola imza atıb. Toral Bayramova klubumuzdakı çıxışı dövründə göstərdiyi xidmətlərə görə təşəkkür edir, legioner karyerasında uğurlar arzulayırıq.

"Şamaxı" futbol komandası yeni baş məşqçi ilə bağlı yerli və əcnəbi bölgüsü etmir.

Bu barədə "Report"a açıqlamasında bölgə təmsilçisinin baş meneceri Kamran İsmayılov bildirib.

O, Ayxan Abbasovla vidalaşdıqdan sonra baş məşqçi axtardıqlarını söyləyib:

"Hazırda bu işlə məşğuluq. Sözsüz ki, imkanlarımıza uyğun, hədəflərimizlə razılaşacaq birini axtarırıq. Amma yerli və ya əcnəbi bölgüsü etmirik. Konkret olaraq bir istiqamət yoxdur. Hər ikisi ola bilər. Təki yaxşı baş məşqçi olsun. Bizim hədəflərimizlə razılaşsın və birlikdə yola çıxaq. Kimlə razılaşa bilsək, onunla da yola davam edəcəyik".

Xatırladaq ki, Ayxan Abbasov 2024-cü ildən "Şamaxı"nın baş məşqçisi idi.

Azərbaycan Premyer Liqasına vəsiqə uğrunda keçiriləcək oyunun təyinatları bəlli olub.

"Report" Peşəkar Futbol Liqasının rəsmi saytına istinadən xəbər verir ki, qarşılaşmanı FIFA referisi Tural Qurbanov idarə edəcək.

Ona Cəmil Quliyev və Asiman Əzizli kömək göstərəcək. Dördüncü hakim funksiyasını İnqilab Məmmədov yerinə yetirəcək. VAR-da Rəvan Həmzəzadə, AVAR-da Teymur Teymurov əyləşəcək.

Rəhim Həsənov hakim-inspektor, Elçin Mehtiyev AFFA nümayəndəsi olacaq.

Xatırladaq ki, "Qəbələ" - "Mingəçevir" oyunu mayın 28-də, saat 18:30-da "SOCAR Polymer Arena"da keçiriləcək.

Azərbaycan millisinin futbolçusu Mahir Emrelinin yayda verəcəyi qərar karyerasında ən vaciblərdən biri olacaq.

28 yaşlı hücumçu bu barədə "Report"a müsahibəsində bildirib.

O, Almaniyanın "Kayzerslautern" klubundan ayrıla biləcəyini istisna etməyib:

"Baş məşqçidən soruşublar ki, növbəti mövsümdə Mahiri görməmək ehtimalımız varmı? Səhv etmirəmsə, buna yaxın bir sual olub. O da təsdiqləyib və "hə" cavabı verib. Məşqçilər adətən bu cür açıqlama vermirlər. Bu, tək onların verəcəyi qərar deyil. Transfer təsdiqlənsə, söyləmək olar. Qərarları daha çox rəhbərlik verir. Mən rahatlıq istəyən adam olsaydım, Xorvatiyanın "Dinamo" klubunda qalardım. Mütəmadi oynayırdım və ya oynamırdım. Orada Xorvatiya millisinin əsas futbolçuları ilə rəqabətdə idim. Onlar dünya çempionatlarında medallar qazanmışdılar. Amma oynamaq istəyim hər zaman başqa mövzuların önünə keçib. İndi verəcəyim qərar karyeramda ən vaciblərdən biri olacaq. Çünki bu qərar ya bizi irəli aparacaq, ya da yerimizdə qalacağıq. Ona görə yaxşı düşünüb, məsləhət edib qərar vermək lazımdır. Klubda qala və ya gedə bilərəm".

Mahir Emrelinin müsahibəsinin tam versiyasını buradan oxuya bilərsiniz.

Minifutbol üzrə Azərbaycan millisi Avropa çempionatında da qızıl medal qazanaraq azarkeşləri sevindirmək istəyir.

"Report"un məlumatına görə, bu barədə jurnalistlərə açıqlamasında komandanın oyunçusu Ramiz Çovdarov bildirib.

O, Slovakiyanın paytaxtı Bratislavada təşkil olunacaq turnirlə bağlı fikirlərini bölüşüb:

"Yarışa tam hazırıq. Dünya çempionuyuq. Avropa çempionatında da bizə dəstək olan azarkeşlərimizi sevindirmək istəyirik".

R.Çovdarovun sözlərinə görə, dünya çempionu olmaları işlərini çətinləşdirir:

"Dünya çempionu olmaqla rəqibləri qıcıqlandırmışıq. Onlar da yaxşı hazırlaşmağa çalışırlar. Titula sahib çıxmaq istəyirlər. Bu səbəbdən bizə daha çətin olacaq. Amma əlimizdən gələni etməyə hazırıq".

Xatırladaq ki, Avropa çempionatı mayın 27-dən iyunun 4-dək təşkil olunacaq. Azərbaycan millisi F qrupunda İtaliya, Fransa və Avstriya yığmaları ilə mübarizə aparacaq.

Minifutbol üzrə Azərbaycan millisi Avropa çempionatına fərqli hazırlaşıb.

"Report"un məlumatına görə, bu sözləri minifutbol üzrə Azərbaycan millisinin qapıçısı Vəli Qafarov jurnalistlərə açıqlamasında deyib.

O, Slovakiyanın paytaxtı Bratislavada keçiriləcək Avropa çempionatı haqqında fikirlərini bölüşüb:

"Ölkə çempionatı bitən kimi turnirin hazırlığına start verdik. Yoldaşlıq oyunları keçirdik, turnirə qatıldıq. Avropa çempionatına dünya reytinqinin lideri kimi gedirik. Hər kəs bizə qarşı fərqli hazırlaşacaq. Amma biz də özümüzü rəqiblərə qarşı fərqli hazırlamışıq. Ümid edirəm ki, qızıl medal qazanacağıq".

V. Qafarov rəqiblərin güclü olduğunu sözlərinə əlavə edib:

"Ölkəmizdəki dünya çempionatından sonra hər kollektiv özünə çəki düzən verib. İtaliya və Fransa seçmələri xeyli artırıblar. Avropa ölkələri olduğu üçün hamısından təhlükə gözləyirik".

Xatırladaq ki, Avropa çempionatı mayın 27-dən iyunun 4-dək təşkil olunacaq. Azərbaycan millisi F qrupunda İtaliya, Fransa və Avstriya yığmaları ilə mübarizə aparacaq.

Avropa çempionatındakı rəqiblər Azərbaycanın minifutbol millisinə çətinlik yarada bilər.

"Report"un məlumatına görə, bunu minifutbol üzrə Azərbaycan millisinin baş məşqçisi Elşad Quliyev jurnalistlərə açıqlamasında deyib.

Mütəxəssis Slovakiyanın paytaxtı Bratislavada təşkil olunacaq yarışla bağlı fikirlərini bölüşüb:

"Təlim-məşq toplanışı yaxşı alınıb. Komanda hazır vəziyyətdədir. Hər şey qaydasındadır. İstədiyimiz kimi hazırlaşmışıq. Təmkin Xəlilzadənin zədəsi var, son məşqlərə qatıla bilməyib. Elvin Əlizadə də eyni durumdur. Onların yerinin görünəcəyinə inanmıram. Qrupdan yaxşı nəticə ilə çıxmaq istəyirik. İlk məqsədimiz budur. Dünya reytinqində birinciyik. Rəqiblər bizə çətinlik yarada bilərlər. İnanıram ki, yaxşı nəticə qazana biləcəyik. Arxayınlıq yoxdur. Heyətdə bəzi dəyişikliklər olub. Hər yarışa "doymuş" şəkildə getmək istəmirik".

Xatırladaq ki, Avropa çempionatı mayın 27-dən iyunun 4-dək təşkil olunacaq. Azərbaycan millisi F qrupunda İtaliya, Fransa və Avstriya yığmaları ilə mübarizə aparacaq.

Minifutbol üzrə Azərbaycan millisinin Slovakiyanın paytaxtı Bratislavada keçiriləcək Avropa çempionatı üçün heyəti açıqlanıb.

"Report"un məlumatına görə, baş məşqçi yekun heyətə 18 oyunçu daxil edib.

Baş məşqçi Elşad Quliyev turnirdə aşağıdakı futbolçulara güvənəcək:

Ağaseyid Qasımov, Vəli Qafarov, Rəvan Kərimov, Taleh Babayev, Xətai Bağırov, Kənan Mirzəliyev, Samir Həmzəyev, İsa Atayev, Elvin Əlizadə, Ruslan Ağalarov, Təmkin Xəlilzadə, Məhəmməd Xəlilov, Cəfər Cəfərov, Vüsal İsayev, Ruzigar İbrahimzadə, Mirmehdi Rzayev, Ramiz Çovdarov, Eşqin Tağıyev.

Minifutbol üzrə Azərbaycan millisi Slovakiyanın paytaxtı Bratislavada keçiriləcək Avropa çempionatından əvvəl Bakıda son məşqinə çıxıb.

"Report"un məlumatına görə, hazırlıq prosesində komandanın bütün üzvləri iştirak ediblər.

Hazırlıq prosesi media üçün açıq olub.

Futbolçular baş məşqçi Elşad Quliyevin rəhbərliyi ilə isinmə hərəkətlərinin ardından müxtəlif təmrinləri yerinə yetiriblər.

Xatırladaq ki, Avropa çempionatı mayın 27-dən iyunun 4-dək təşkil olunacaq. Azərbaycan millisi F qrupunda İtaliya, Fransa və Avstriya yığmaları ilə mübarizə aparacaq.

Almaniyanın "Kayzerslautern" klubunda çıxış edən Azərbaycan millisinin futbolçusu Mahir Emreli "Report"un suallarını cavablandırıb.

28 yaşlı hücumçu başa çatan mövsümdə II Bundesliqa təmsilçisindəki çıxışı və gələcək karyerası barədə danışıb.

- 2025/2026 mövsümündə II Bundesliqada az forma şansı əldə etdiniz. Bunun əsas səbəbi nədir?

- Başa çatan mövsümdəki çıxışımla bağlı çox şey deməyə ehtiyac duymuram. Mövsüm başlayanda komandaya uyğunlaşmalı idim. Həmin vaxt 4-5 oyun oldu. Ardınca milli komandaların matçlarına görə fasilə yarandı. Yığmadan qayıdandan sonra baş məşqçiyə nəsə oldu və mən oynamadım. Sonra şəxsi həyatımdakı problemlərə görə bu mövsüm mənim üçün ağır alındı.

- Mövsümün ilk yarısında uzun müddət zədəli oldunuz...

- Qardaşımı (dayısı oğlu) itirməyim mənə daha çox toxundu. Belə şeylərə insanlar bəzən hazır ola bilmirlər. Mental baxımdan futbola, işimə köklənmək mənə çətinlik yaradırdı. Əvvəllər özümdə həvəsi yaratmaq asan idi. Amma o ərəfələrdə çox çətin olurdu. Ağır vaxtlar olub, amma belə çətin dönəmlərdən keçməmişdim. Zədə də bunun üzrəyinə gələndən sonra durum ağırlaşdı. Son matçlara özümü çatdıra bildim, istər-istəməz təsir etdi.

- Baş məşqçi Torsten Liberknextlə münasibətiniz yaxşı deyil?

- Bəzi mövzularda qərarsızdır. Danışdıqlarımız tamam başqa şeylər idi. Əməldə isə başqa hərəkətlər gördüm. Mənim üçün futbolluq mövsüm olmadı. Pis olduğunu da deyə bilmirəm. Çünki pis o halda deyə bilərəm ki, kifayət qədər oynayım və özümü yaxşı göstərə bilməyim. Dəqiqələrlə hesablasanız, dörd oyun ya edər, ya da etməz. Bu səbəbdən mövsümü dəyərləndirmək çətindir. Futbolçunu qiymətləndirmək üçün meydanda görmək lazımdır. Amma olmadı. Sağlıq olsun, yəqin ki, belə məsləhət idi. Ümid edirəm ki, bu çətin dönəmlərdən də keçəcəyəm və daha da güclü qayıdacağam.

- Transfer dönəmi başlayır. Sözlərinizdən belə başa düşülür ki, baş məşqçidən oynamamağınıza görə narazısınız. Hazırda klubla müqaviləniz davam edir. Başqa komandaya keçmək ehtimalı var?

- Təbii ki, hər futbolçu oynamayanda narazı olur. Amma bu, tam olaraq eyni məsələ deyil. Orada mənim də anlamadığım məqamlar var. Milli komandamızın baş məşqçisi Ayxan Abbasov da mətbuat konfransında buna toxunmuşdu. Martda millinin toplanışına qoşulmağa qoymadılar, klubda saxladılar. Halbuki gəlsəydim, yığmada oyun dəqiqəsi qazanacaqdım. Hər oyunçu üçün bu önəmlidir. Amma etdikləri əməldə başqa şey oldu. Bunu məşqçiyə yaraşan hərəkət kimi görmürəm. Ən azından açıq-aşkar öz fikirlərini mənə deyə bilərdi. Amma belə olmadı. Həyatımda birinci dəfədir ki, bu cür situasiyanın içində idim. Sual versəniz ki, niyə belə oldu? Mən də açıq şəkildə deyəcəyəm ki, bilmirəm. Həqiqətən səbəbi bilmirəm. Mənim heç kimə qarşı hansısa hərəkətim olmayıb. Komanda yoldaşlarımla, rəhbərliklə münasibətlərim əla idi. Klub prezidenti və idman direktoru ilə yaxşı münasibətim var. Öz aramızda söhbət edirdik. Dedilər ki, sənlik bir problem yoxdur. Amma yalnız bu qədərini deyə bilirdilər. Heç mən də soruşmurdum. Çünki bir sədd var və onu keçə bilmirlər. Transferə gəldikdə isə, hər transfer dönəmində hansısa hal baş verə bilər. Amma təbii ki, futbolçu üçün ən yaxşı yaşdayam və mənə oynamaq lazımdır. Agentlər də işləyir, bəzi klublarla danışıqlar gedir. Sonda doğru olan nədirsə, o da olacaq. Eşitdiyimə görə, baş məşqçinin açıqlaması olub. Lakin Avropada məşqçinin açıqlaması hər şey demək deyil. Yuxarıda o qərarı verə biləcək insanlar var.

- Baş məşqçi açıqlamasında sizinlə yola davam etmək istəmədiyini deyib?

- Ondan soruşublar ki, növbəti mövsümdə Mahiri görməmək ehtimalımız varmı? Səhv etmirəmsə, buna yaxın bir sual olub. O da təsdiqləyib və "hə" cavabı verib. Məşqçilər adətən bu cür açıqlama vermirlər. Bu, tək onların verəcəyi qərar deyil. Transfer təsdiqlənsə, söyləmək olar. Qərarları daha çox rəhbərlik verir. Mən rahatlıq istəyən adam olsaydım, Xorvatiyanın "Dinamo" klubunda qalardım. Mütəmadi oynayırdım və ya oynamırdım. Orada Xorvatiya millisinin əsas futbolçuları ilə rəqabətdə idim. Onlar dünya çempionatlarında medallar qazanmışdılar. Amma oynamaq istəyim hər zaman başqa mövzuların önünə keçib. İndi verəcəyim qərar karyeramda ən vaciblərdən biri olacaq. Çünki bu qərar ya bizi irəli aparacaq, ya da yerimizdə qalacağıq. Ona görə yaxşı düşünüb, məsləhət edib qərar vermək lazımdır. Klubda qala və ya gedə bilərəm.

- Mətbuatda adınız daha əvvəl çıxış etdiyiniz Polşanın "Legiya" klubu ilə də hallanır. Sizə təklif olub?

- Klub tərəfindən heç vaxt olmayıb. Amma mütəmadi olaraq sosial şəbəkədə azarkeşlərdən dəstək görürəm. Fanatlar həmişə yazırlar, maraqlanırlar. Milli komanda ilə Ukraynaya qarşı matçımız Polşada idi. Həmin oyuna da gələnlər var idi. Ayrılığımız nə qədər pis olsa da, orada yaxşı dönəm keçirmişdim. Futbol baxımından hər şey yaxşı idi. Azarkeşlər də məni sevirlər. Ən möhtəşəm atmosferlərdən bəlkə də birincisi Varşavada olub. Agentimlə danışanda mənə deyir ki, bəzi klublarla danışıram. Amma məndə belə yanaşma var. Dəqiqləşənə qədər ad açıqlamasını istəmirəm. Dəqiq olanda müzakirə edə bilirik. Fikrimin yayınmasını istəmirəm. İndi milli komandanın təlim-məşq toplanışı başlayacaq. Bütün düşüncələrimi oraya yönəltmək istəyirəm. Dəqiq bir şey olsa, fikirləşəcəyik. Sırf "Legiya" rəhbərliyi ilə söhbətim olmayıb.

- Azərbaycana qayıtmaq ehtimalı var?

- Xeyr. Hələ ki belə düşüncə yoxdur. Heç təklif də yoxdur. Xaricdə qalmaq və burada davam etmək xeyirlidirsə, qalacağıq. İlk düşüncə legioner həyatını davam etdirməkdir. Heç özüm də belə qayıtmaq istəmirəm. Ötən mövsüm "Nürnberq"dən ayrılanda Vətənə dönsəydim, qəlbim daha da sakit olardı. Özünü təsdiqləyib qayıtmaq başqadır. İndi eşitmək istəmirəm ki, desinlər Mahirdə alınmadı, qayıtdı.

- Mayın 28-də Azərbaycan millisinin toplanışı başlayır. Daha sonra Avstriyaya yollanacaqsınız. Malta və San Marino ilə yoxlama oyunları keçirəcəksiniz. Bu barədə nə deyə bilərsiniz?

- Bu, ən önəmli təlim-məşq toplanışlarımızdan biri olacaq. Çünki UEFA Millətlər Liqasından əvvəl son matçlardır. Burada daha çox futbolçuların hazırlığı önəmlidir. Düşünürəm ki, çox futbolçular şans qazanacaqlar. Nəticələrdən əvvəl sistem qurmalıyıq. Amma nəticə də vacibdir. Bu qarşılaşmaların əhəmiyyəti gələcək matçlar üçün önəm daşıyacaq. Sonra hamı öz klubunda mütəmadi şəkildə oynamalıdır ki, UEFA Millətlər Liqasında bunun faydasını görək.

2026/2027 mövsümü üçün UEFA Çempionlar Liqasının əsas mərhələsinə birbaşa vəsiqə qazanan 29 komandanın hamısı müəyyənləşib.

"Report"un məlumatına görə, bu, İtaliya A Seriyasında sonuncu - XXXVIII turunun oyunlarından sonra dəqiqləşib.

"Roma" və "Komo" klubları Liqa mərhələsində iştirak hüququ əldə edib.

UEFA Çempionlar Liqasının əsas mərhələsinə vəsiqə qazanan klublar

İspaniya: "Barselona", "Real", "Vilyarreal", "Atletiko", "Betis".

Almaniya: "Bavariya", "Borussiya" (Dortmund), "Leyptsiq", "Ştutqart".

İngiltərə: "Arsenal", "Mançester Siti", "Mançester Yunayted", "Aston Villa", "Liverpul".

Fransa: PSJ, "Lans", "Lill".

İtaliya: "İnter", "Napoli", "Roma", "Komo"

Portuqaliya: "Sportinq", "Portu"

Niderland: PSV, "Feyenoord"

Türkiyə: "Qalatasaray"

Ukrayna: "Şaxtyor"

Çexiya: "Slaviya"

Belçika: "Brügge"

Xatırladaq ki, son 7 vəsiqənin sahibi avqustun sonunda bəlli olacaq.

"Kəpəz" klubu futbolçusu Dioqo Verdaska ilə müqavilənin müddətini uzadıb.

"Report" xəbər verir ki, bu barədə Gəncə təmsilçisi məlumat yayıb.

Portuqaliyalı müdafiəçi ilə 2 illik yeni sözləşmə imzalanıb.

Xatırladaq ki, D.Verdaska başa çatan mövsümdə Misli Premyer Liqasında 28 oyuna 1 qolla yadda qalıb. O, 2024/2025 mövsümündə də "Kəpəz"in formasını geyinib.

Qılıncoynatma üzrə Azərbaycan millisi Perunun paytaxtı Limada keçirilmiş Dünya Kubokunda altıncı yeri tutub.

"Report"un məlumatına görə, Anna Başta, Səbinə Kərimova, Palina Kaspiaroviç və Zərifə Hüseynovadan ibarət yığma komanda yarışında yekun sıralamada 24 ölkə arasında 6-cı olub.

İlk görüşdə Kolumbiya yığmasına 45:27 hesabı ilə qalib gələn sablyaçılar ən güclü "8-liy"ə yüksəlmək uğrunda keçirilən qarşılaşmada turnirin reytinq favoritlərindən sayılan Yaponiya kollektivini 45:39 hesabı ilə məğlub edib.

Bürünc medalın bir addımlığında olan milli yarımfinal uğrunda qarşılaşmada Polşa sablyaçıları ilə üz-üzə gəlib. Görüş Polşa yığmasının 45:44 hesablı qələbəsi ilə başa çatıb.

Komanda 5-8-ci yerlər uğrunda keçirilən görüşlərdə Koreya Respublikası yığmasını 45:41 hesabı ilə məğlub edib, İtaliya seçmə kollektivinə 42:45 hesabı ilə uduzub.

20 yaşadək futbolçulardan ibarət Azərbaycan millisi mayın 25-dən iyunun 10-dək Qəbələdə təlim-məşq toplanışı keçirəcək.

Bu barədə "Report"a AFFA-dan məlumat verilib.

U-20-nin hazırlıq prosesinə 24 oyunçu dəvət alıb.

Almaniyanın "Bavariya" klubunun futbolçusu Harri Keyn karyerasında ikinci dəfə "Qızıl buts" mükafatını qazanıb.

"Report"un məlumatına görə, 32 yaşlı hücumçu Bundesliqanın 2025/2026 mövsümündə 31 oyunda 36 qol (72 xal) vuraraq buna nail olub.

Forvard Avropanın bütün liqalarında ən çox qol vuran oyunçudur.

İngiltərənin "Mançester Siti" klubunun forvardı Erlinq Holann 27 qolla (54 xal) ikinci, İspaniya təmsilçisi "Real"ın futbolçusu Kilian Mbappe 25 qolla (50 xal) üçüncü yeri tutub.

Xatırladaq ki, Harri Keyn "Bavariya"dakı debüt mövsümündə (2023/2024) də "Qızıl buts" mükafatına sahib çıxıb. O, həmin vaxt da Bundesliqada 36 qolla yadda qalmışdı. Təcrübəli forvard cari mövsüm bütün turnirlərdə 51 oyunda 61 dəfə fərqlənib və 7 məhsuldar ötürmə ilə yadda qalıb.

21 yaşadək futbolçulardan ibarət Azərbaycan milli komandası mayın 28-dən 30-dək Bakıda, mayın 31-dən iyunun 10-dək isə Türkiyənin İsparta şəhərində təlim-məşq toplanışında olacaq.

Bu barədə "Report"a Azərbaycan Futbol Federasiyaları Assosiasiyasından (AFFA) məlumat verilib.

U-21 Türkiyədəki hazırlıq çərçivəsində iyunun 6-da Bəhreyn, 9-da isə Qırğızıstanın müvafiq yaş qrupundan ibarət komandasına qarşı 2 yoldaşlıq oyunu keçirəcək. "Sav" stadionunda baş tutacaq hər iki matçın Bakı vaxtı ilə saat 18:00-da başlanması nəzərdə tutulur.

AFFA U-21-ə dəvət edilən futbolçuların adlarını açıqlayıb:

1 Sadiq Məmmədzadə - "Difai"

2 Səlim Həşimov - "Şamaxı"

3 Rəvan Mirzəmmədov - "Sabah"

4 Emin Rüstəmov - "Karvan-Yevlax"

5 Elgün Dünyamaliyev - "Cəbrayıl"

6 Raul Məmmədov - "Səbail"

7 Ceyhun Bağırzadə "Qəbələ"

8 Əkbər Eyubov - "Mingəçevir"

9 Ayxan Süleymanlı - "Sumqayıt"

10 Eşqin Əhmədov - "Qəbələ"

11 Qurban Səfərov - "Səbail"

12 Tuncay Yusifli - "İmişli"

13 Bilal İsmayılov - "Şamaxı"

14 Nuğay Rəşidov - "Qəbələ"

15 Emil Süleymanov - "Şamaxı"

16 Qədir Ramazanov - "Qəbələ"

17 Şahin Şahniyarov - "Qəbələ"

18 Edqar Ədilxanov - "Şamaxı"

19 Elyas Bağci - "Hertha" (Berlin, Almaniya)

20 Yusif Mehtiyev - "Meşaxte" (Gürcüstan)

21 Nahid Əliyev "Şəfa"

22 Lorenzo Mezzotero - "Sampdoriya" (İtaliya)

23 Raul Süleymanov - "Hertha" (Berlin, Almaniya)

24 Murad Məmmədov - "Neftçi"

25 Nihad Əhmədzadə - "Sumqayıt"

Azərbaycan karateçisi Mədinə Sadıqova Almaniyanın Frankfurt şəhərində keçirilən Avropa çempionatında qızıl medal qazanıb.

"Report"un məlumatına görə, 55 kq çəki dərəcəsində çıxış edən idmançı bütün rəqiblərinə qalib gəlib.

Bununla da Mədinə Sadıqova böyüklər arasında Avropa çempionu olan ilk azərbaycanlı qadın karateçi kimi tarixə düşüb.

Misli Premyer Liqasında XXXIII turun daha bir oyunu keçirilib.

"Report"un məlumatına görə, günün ikinci matçında "Araz-Naxçıvan" "Zirə" ilə üz-üzə gəlib.

"SOCAR Polymer Arena"dakı qarşılaşma Naxçıvan klubunun qələbəsi ilə yekunlaşıb - 3:2.

Meydan sahiblərinin heyətində 15-ci dəqiqədə Patrik Andrade, 32-ci dəqiqədə Felipe Santos, 73-cü dəqiqədə Ramon Maçado fərqlənib. Qonaqlardan 69-cu dəqiqədə Ruan Renato, 82-ci dəqiqədə Martins Junior adını tabloya yazdırıb.

Xallarının sayını 46-ya çatdıran "Araz-Naxçıvan" mövsümü altıncı pillədə başa vurub. "Zirə" isə 53 xalla beşinci olub.

Günün ilk görüşündə "Neftçi" "Kəpəz"i minimal hesabla üstələyib - 1:0.

Xatırladaq ki, Azərbaycan Premyer Liqasında mövsümə mayın mayın 24-də, "İmişli" - "Karvan-Yevlax" oyunu ilə yekun vurulacaq. Daha əvvəl sonuncu turda "Qəbələ" "Şamaxı"nı (3:1), "Sabah" "Turan Tovuz"u (2:1), "Qarabağ" "Sumqayıt"ı (4:3) məğlub edib.

Türkiyəli məşhur iş adamı Acun Ilıcalının sahibi olduğu "Hall Siti" klubu İngiltərə Premyer Liqasına vəsiqə qazanıb.

"Report"un məlumatına görə, komanda pley-offun finalında "Midlsbro"nu məğlub etməklə buna nail olub.

Qarşılaşma "Hall Siti"nin 1:0 hesablı qələbəsi ilə yekunlaşıb.

90+5-ci dəqiqədə Oliver Makberni fərqlənib.

Xatırladaq ki, daha əvvəl "Koventri Siti" və "İpsviç" Premyer Liqaya vəsiqəni rəsmiləşdirib.

Gənclər və İdman Nazirliyi, Azərbaycan Atletika Federasiyasının təşkilatçılığı, Dünya Atletikasının dəstəyi ilə əməkdar məşqçi Əfqan Səfərovun xatirəsinə həsr olunmuş 29-cu beynəlxalq memoriala start verilib.

"Report"un məlumatına görə, açılış mərasimində çıxış edən Gənclər və İdman Nazirliyinin sektor müdiri Aydın Məmmədov və Azərbaycan Atletika Federasiyasının beynəlxalq əlaqələr və inkişaf şöbəsinin müdiri Kənan Məhərrəmov Əfqan Səfərovun ölkəmizdə atletikanın inkişafı yolunda xidmətlərindən danışaraq memorialın nüfuzlu yarışlara seçim baxımından mühüm əhəmiyyət kəsb etdiyini bildiriblər.

Dünya Atletikasının təqvim platformasına daxil olan yarışda Azərbaycan atletləri ilə yanaşı, Gürcüstan, Qırğızıstan və Tacikistandan ümumilikdə 80-ə yaxın idmançı mübarizə aparır.

Memorialın ilk günündə 100 metr məsafəyə qaçış üzrə kişilər və qadınlar arasında müvafiq olaraq Tembo Con və Lamiyə Vəliyeva, 400 metr məsafəyə qaçışda Qırğızıstan təmsilçisi Ruslan Litovski və İlahə Quliyeva, 1500 metr məsafəyə qaçışda isə Bəxtiyar Əsgərli turnirin qalibi olublar. Üç təkanla tullanmada Rüstəm Məmmədov və Yekaterina Sarıyeva fəxri kürsünün ən yüksək pilləsinə qalxıblar.

Nüvə itələmə növündə isə İsmayıl Əliyev və Səkinə Hacızadə qalib adını qazanıblar.

Qeyd edək ki, memorial Avropa çempionatı, Balkan çempionatı və aşağı yaş qrupları üzrə nüfuzlu yarışlarda iştirak edəcək idmançıların müəyyənləşdirilməsi baxımından mühüm əhəmiyyət kəsb edir.

"Şamaxı" klubu baş məşqçisi Ayxan Abbasovla vidalaşıb.

"Report" xəbər verir ki, bu barədə bölgə təmsilçisi məlumat yayıb.

44 yaşlı mütəxəssisin müqaviləsinin müddəti başa çatıb.

Xatırladaq ki, Ayxan Abbasov 2024-cü ildən "Şamaxı"nın baş məşqçisi idi.

"Qarabağ" klubu Emmanuel Addai, Ramil Şeydayev və Sami Mmae ilə yollarını ayırıb.

"Report"un məlumatına görə, bu barədə Ağdam təmsilçisi məlumat yayıb.

Müqavilə müddəti başa çatan Emmanuel Addai və Ramil Şeydayevlə əməkdaşlığa yekun vurulub.

İcarə əsasında "köhlən atlar"da çıxış edən Sami Mmae isə məxsus olduğu "Dinamo"ya (Xorvatiya) geri qayıdıb.

"Neftçi" cari mövsüm Misli Premyer Liqasında sonuncu oyununu keçirib.

"Report"un məlumatına görə, UEFA Konfrans Liqasına vəsiqəni təmin etmiş "ağ-qaralar" XXXIII turda "Kəpəz"lə üz-üzə gəlib.

Mehdi Hüseynzadə adına Sumqayıt şəhər stadionundakı qarşılaşma Bakı təmsilçisinin qələbəsi ilə bitib - 1:0.

54-cü dəqiqədə Freddi Varqas fərqlənib. Onun komanda yoldaşı İfeanyi Metyu 65-ci dəqiqədə birbaşa qırmızı vərəqə alaraq meydandan qovulub.

"Neftçi" mövsümü 59 xalla dördüncü sırada başa vurub. Gəncə klubu 27 xalla onuncu olub.

Günün ikinci matçında "Araz-Naxçıvan" və "Zirə" komandaları münasibətlərə aydınlıq gətirəcəklər

Xatırladaq ki, Misli Premyer Liqasında mövsümə mayın mayın 24-də, "İmişli" - "Karvan-Yevlax" oyunu ilə yekun vurulacaq. Daha əvvəl sonuncu turda "Qəbələ" "Şamaxı"nı (3:1), "Sabah" "Turan Tovuz"u (2:1), "Qarabağ" "Sumqayıt"ı (4:3) məğlub edib.

Azərbaycan millisinin futbolçusu Elvin Cəfərquliyev çıxış edəcəyi hər komandaya xeyir verəcək.

"Report" xəbər verir ki, bu barədə yığmanın kapitanı Emin Mahmudov "Report"a müsahibəsində bildirib.

34 yaşlı yarımmüdafiəçi "Qarabağ"da çıxış edən oyunçunun transferə çıxarılması ilə bağlı fikirlərini bölüşüb:

"Elvinlə münasibətim çox yaxşıdır. Lakin bu barədə nəsə deyə bilmərəm. Yaxşı olar ki, Elvin özü karyerası ilə bağlı doğru qərarı versin. Onun barədə düşüncələrim çox pozitivdir. Elvin Cəfərquliyev Azərbaycan futbolunun son dövrlərdə yetişdirdiyi ən yaxşı sol cinah müdafiəçilərindən biridir. Yığmada da ən yaxşı oyunçulardan hesab edilir. Çıxış edəcəyi hər komandaya xeyir verəcəyini düşünürəm".

Xatırladaq ki, Elvin Cəfərquliyev intizam qaydalarını pozduqları üçün "Qarabağ"ın baş məşqçisi Qurban Qurbanov tərəfindən əsas komandadan uzaqlaşdırılıb.

Emin Mahmudovun müsahibəsinin tam versiyasını buradan oxuya bilərsiniz.

İngiltərənin "Mançester Yunayted" İtaliya təmsilçisi "Atalanta"da çıxış edən Edersonu heyətinə qatmağa yaxındır.

"Report" "Sportitalia" nəşrinə istinadən xəbər verir ki, tərəflər bütün məsələlərdə razılığa gəliblər.

"Qırmızı şeytanlar" 26 yaşlı yarımmüdafiəçi üçün qarşı tərəfə 50 milyon avro ödəyəcək.

Xatırladaq ki, Ederson cari mövsüm bütün turnirlərdə 41 oyuna 3 qol və 2 məhsuldar ötürmə ilə yadda qalıb.

"Neftçi" hazırkı baş məşqçisi Yuri Vernidubun rəhbərliyi altında daha yaxşı hücum futbolu sərgiləyir.

Bu barədə "ağ-qaralar"ın kapitanı Emin Mahmudov "Report"a müsahibəsində bildirib.

34 yaşlı futbolçu Bakı təmsilçisindəki əvvəlki mütəxəssisləri müzakirə etmək istəmədiyini söyləyib:

"Əvvəlki baş məşqçilərin işini müzakirə etmək istəməzdim. Çünki hər məşqçinin öz oyun planı var. Bəzən burada bəxt amili də rol oynayır. Məsələn, Samir Abasovun dövründə bir çox oyunlarda bəxtimiz gətirmədi. Bəzən də hakimlərin qərarları təsir edirdi. Sadaladığım bu amillər xal qazanmağa mane olurdu. Lakin mən əvvəlki baş məşqçilərimizdən Samir Abasova təşəkkür etmək istəyirəm. Mənim üçün çətin bir dövrdə gəldi və şans verdi. Onun göstərdiyi güvəni boşa çıxartmaq istəmədim və şükürlər olsun ki, bu heç də pis alınmadı. Hazırkı baş məşqçimiz Yuri Vernidubun rəhbərliyi altında daha yaxşı hücum futbolu sərgiləyirik. Yenə deyirəm, əvvəlki məşqçilərin işini müzakirə etmirəm. Onsuz da problem tək məşqçilərdə yox, futbolçularda da olurdu. Düşünürəm ki, futbolçular da məsuliyyətli olmalıdırlar. Sevinirik ki, son dövrdəki qələbələr bizdə özünəinam yaratdı. Komanda olaraq birləşdik, çünki geriyə yol yox idi".

Emin Mahmudovun müsahibəsinin tam versiyasını buradan oxuya bilərsiniz.

Azərbaycan milli komandası mayın 28-dən 30-dək Bakıda, iyunun 1-dən 10-dək isə Avstriyanın Bad-Valtersdorf şəhərində təlim-məşq toplanışında olacaq. Millimiz Avstriya toplanışı çərçivəsində iyunun 5-də Malta, 9-da isə San Marino yığmasına qarşı iki yoldaşlıq oyunu keçirəcək.

Macarıstanın Sombatxey şəhərində yerləşən "Haladaş" stadionunda keçiriləcək hər iki görüşün Bakı vaxtı ilə saat 22:00-da başlanması planlaşdırılır. Milliyə dəvət edilən futbolçuların adlarını nəzərinizə çatdırırıq:

Cüdo üzrə Azərbaycan millisi İspaniyanın Benidorm şəhərində keçirilən Olimpiya Təlim Düşərgəsində iştirak edib.

Bu barədə "Report"a Azərbaycan Cüdo Federasiyasından məlumat verilib.

Avropa Cüdo Birliyinin təşkilatçılığı ilə baş tutan hazırlıq prosesi 18–23 may tarixlərini əhatə edib.

Beynəlxalq təlim-məşq toplanışı iyunda Monqolustanda keçiriləcək "Böyük Dəbilqə" və Çindəki Qran-pri tunirlərinə hazırlıq məqsədi daşıyıb.

Azərbaycan boksçuları Gürcüstanın Batumi şəhərində bu gün start götürəcək beynəlxalq turnirdə iştirak edəcəklər.

Bu barədə "Report"a Azərbaycan Boks Federasiyasından məlumat verilib.

Beş gün davam edəcək yarışda məşqçi Elbrus Rzayevin rəhbərliyi altında rinqə Bilalhəbaşi Nəzərov (50 kq), Tağı Nəsibov, Tayfur Əliyev (hər ikisi 60 kq), Əli Abdullayev (65 kq), Abbasqulu Şadlinski (75 kq) və Kənan Nəcəfov (+90 kq) çıxacaq.

Turnirdə Laçın Baxış ölkəmizi hakim kimi təmsil edəcək.

"Neftçi"nin kapitanı Emin Mahmudov komandada qalmaq istəyir.

34 yaşlı futbolçu bu barədə "Report"a müsahibəsində bildirib.

Təcrübəli yarımmüdafiəçi başqa təklifləri düşünmədiyini söyləyib:

"Neftçi" ilə danışıqlarımız davam edir. İnşallah, bu komandada qalmaq istəyirəm. Başqa təklifləri düşünmürəm. Fikrim "Neftçi"dədir, rəhbərliklə danışıb, bu klubda davam etmək niyyətindəyəm".

Emin Mahmudovun müsahibəsinin tam versiyasını buradan oxuya bilərsiniz.

İngiltərənin "Tottenhem" klubunun futbolçusu Kristian Romero qeyri-adi səbəbdən Premyer Liqanın sonuncu turundakı oyunu buraxacaq.

"Report" "The Touchline"a istinadən xəbər verir ki, London təmsilçisinin kapitanı "River Pleyt" və "Belqrano" komandaları arasında Argentina Liqasının finalını izləmək üçün sözügedən ölkəyə yollanır.

"Tottenhem" mayın 24-də, XXXVIII turda "Everton"la üz-üzə gələcək. Paytaxt təmsilçisi hazırda Premyer Liqada 38 xalla 17-ci pillədə qərarlaşıb. 18-ci sıradakı "Vest Hem"in 36 xalı var. Sonuncu tur çempionatda qalmaq yolunda həlledici olacaq.

Xatırladaq ki, 28 yaşlı argentinalı oyunçu cari mövsüm bütün turnirlərdə 32 oyuna 6 qol və 4 məhsuldar ötürmə ilə yadda qalıb.

İtaliyanın "İnter" klubunun futbolçusu Denzel Dumfris karyerasını İspaniyada davam etdirə bilər.

"Report" yerli mətbuata istinadən xəbər verir ki, "Real" 30 yaşlı müdafiəçini heyətinə qatmaq istəyir.

Niderlandlı oyunçu Madrid təmsilçisi üçün əsas transfer hədəflərindən biridir.

Dumfrisin müqaviləsindəki bəndə əsasən, o, 25 milyon avro qarşılığında komandanı tərk edə bilər.

Xatırladaq ki, futbolçunun Milan klubu ilə sözləşməsinin müddəti 2028-ci ilin yayınadək qüvvədədir. Müdafiəçi cari mövsüm bütün yarışlarda 28 oyuna beş qol və iki məhsuldar ötürmə ilə yadda qalıb.

İngiltərənin "Liverpul" klubunun sabiq qapıçısı Adrian karyerasını başa vurur.

"Report" xəbər verir ki, 39 yaşlı qolkiper bu barədə sosial şəbəkə hesabında yazıb.

Hazırda İspaniya təmsilçisi "Betis"də çıxış edən təcrübəli oyunçu həftəsonu son matçına çıxacağını vurğulayıb.

Xatırladaq ki, 2024-cü ildən "Betis"in uğurları üçün çalışan Adrian 2019-2024-cü illər aralığında "Liverpul"un formasını geyinib. O, Mersisayd təmsilçisi ilə İngiltərə Premyer Liqasının və UEFA Superkubokunun da qalibi olub.

Fransanın "Strasburq" klubunun futbolçusu Valentin Barko yay transfer dönəmində İngiltərə təmsilçisi "Çelsi"yə keçəcək.

"Report" xəbər verir ki, bu barədə insayder Fabritsio Romano məlumat yayıb.

London təmsilçisi 21 yaşlı yarımmüdafiəçi ilə anlaşıb. Argentinalı oyunçu iyulda komandaya qoşulacaq.

Xatırladaq ki, Valentin Barko 2025/2026 mövsümündə bütün turnirlərdə 43 oyuna 3 qol və 9 məhsuldar ötürmə ilə yadda qalıb.

"Neftçi" cari mövsüm Misli Premyer Liqasında sonuncu oyununu bu gün keçirəcək.

"Report"un məlumatına görə, UEFA Konfrans Liqasına vəsiqəni təmin etmiş "ağ-qaralar" XXXIII turda "Kəpəz"lə üz-üzə gələcək.

Mehdi Hüseynzadə adına Sumqayıt şəhər stadionundakı qarşılaşma saat 15:00-da start götürəcək. Bakı təmsilçisi 56 xalla dördüncü, Gəncə klubu 27 xalla onuncu pillədə qərarlaşıb.

Günün ikinci matçında "Araz-Naxçıvan" və "Zirə" münasibətlərə aydınlıq gətirəcəklər. Sumqayıtdakı "SOCAR Polymer Arena"dakı görüş saat 19:00-da başlayacaq. "Zirə" 53 xalla beşinci, Naxçıvan komandası 43 xalla altıncı sıradadır.

Xatırladaq ki, Misli Premyer Liqasında mövsümə mayın mayın 24-də, "İmişli" - "Karvan-Yevlax" oyunu ilə yekun vurulacaq. Daha əvvəl sonuncu turda "Qəbələ" "Şamaxı"nı (3:1), "Sabah" "Turan Tovuz"u (2:1), "Qarabağ" "Sumqayıt"ı (4:3) məğlub edib.

"Qarabağ" Misli Premyer Liqasında mövsümü qələbə ilə başa vurub.

"Report"un məlumatına görə, Ağdam təmsilçisi sonuncu - XXXIII turda "Sumqayıt"ı məğlub edib.

Mehdi Hüseynzadə adına Sumqayıt şəhər stadionundakı qarşılaşma 4:3 hesabı ilə bitib.

"Köhlən atlar"ın qollarını 3 və 64-cü dəqiqələrdə Ramil Şeydayev, 22-ci dəqiqədə Emmanuel Addai, 85-ci dəqiqədə Aleksey Kaşuk vurub. Meydan sahiblərinin heyətində Səbuhi Abdullazadə 53-cü, Rüstəm Əhmədzadə 76-cı, Emil Mustafayev 90+3-cü dəqiqədə fərqlənib.

Turnir cədvəlinin ikinci pilləsində qərarlaşan "Qarabağ" xallarının sayını 69-a çatdırıb. "Sumqayıt" 41 xalla yeddincidir.

Günün ilk matçında "Sabah" "Turan Tovuz"a qalib gəlib - 2:1.

Qeyd edək ki, Azərbaycan Premyer Liqasına mayın 24-də yekun vurulacaq. Ötən gün "Qəbələ" "Şamaxı"nı 3:1 hesabı ilə üstələyib.

Cüdo üzrə U-17 yeniyetmələr arasında Liqa yarışının II turu başa çatıb.

Azərbaycan Cüdo Federasiyasından "Report"a verilən məlumata görə, Abşeron Olimpiya İdman Kompleksində keçirilən turnirin son günündə 5 çəkidə 164 cüdoçu qüvvəsini sınayıb.

Qızlar 48, 63, oğlanlar isə 60, 81, +90 kq çəki dərəcələrində mübarizə aparıblar.

Yarışda ümumilikdə 100 klub və idman cəmiyyətindən 614 cüdoçu (494 oğlan, 120 qız) iştirak edib.

Qızlar

48 kq

1. Nərmin Niftalızadə (Şuşa UGİM)

2. Ülkər Nəcəfova (Bakı şəhəri 13 nömrəli İOEUGİM PHŞ)

3. Mədinə Hüseynova (Saray İK)

3. Məsumə Təhməzli (Bakı Cüdo Klubu)

63 kq

1. Zilan Hüseynli (Şağan OİK)

2. Nərmin Sadulova (Sərhədçi İM)

3. Məryəm Yusifli (Ordu İdman Klubu)

3. Səma Vəlizadə (Neftçi Sumqayıt)

Oğlanlar

60 kq

1. Əli Abdullayev (Judo Club 2020 İK)

2. Ayxan Abbaszadə (Goranboy UGİM)

3. Muhəmməd Səttarov (Bakı şəhəri 10 nömrəli UGİM PHŞ)

3. Raul Məlikzadə (Bakı şəhəri 8 nömrəli İOEUGİM PHŞ)

81 kq

1. Məhəmmədəli Mehdi (Bakı şəhəri 2 nömrəli RİOEUGİM PHŞ)

2. İslam Adıgözəlzadə (Elxan İK)

3. Yusif Ağakişiyev (RKİM)

3. Ömər Atayev (Judo Club 2012)

+90 kq

1. Baxış Əhmədov (Bakı şəhəri 13 nömrəli İOEUGİM PHŞ)

2. İdris Xanbalayev (Ordu İdman Klubu)

3. Hüseyn Mehdiyev (ROİL)

3. Nihad Məlikli (Neftçi Sumqayıt)

Azərbaycanda ilk dəfə çimərlik voleybolu üzrə "King & Queen of the Court" ("Meydançanın kralı və kraliçası") turniri keçiriləcək.

Bu barədə "Report"a Azərbaycan Voleybol Federasiyasından məlumat verilib.

Mayın 23-də baş tutacaq yarışda 10 kişi və 12 qadın komandası çempionluq uğrunda mübarizə aparacaq.

Bakı Su İdmanı Sarayında təşkil olunacaq turnirdə peşəkar çimərlik voleybolçuları iştirak edəcəklər.

İngiltərənin "Mançester Siti" klubunun ev oyunlarını keçirdiyi "Etihad" stadionunun şimal tribunası baş məşqçi Xosep Qvardiolanın şərəfinə adlandırılacaq.

"Report" xəbər verir ki, bu barədə "şəhərlilər"in mətbuat xidməti məlumat yayıb.

Premyer Liqa təmsilçisi mövsümün sonunda təcrübəli mütəxəssislə yollarını ayıracağını açıqlayıb.

Xatırladaq ki, X.Qvardiola 2016-cı ildən Premyer Liqa təmsilçisində işləyib. O, komanda ilə 6 dəfə İngiltərə Premyer Liqasının, 3 dəfə ölkə kubokunun, 5 dəfə İngiltərə Liqa Kubokunun, 1 dəfə isə UEFA Çempionlar Liqasının, UEFA Superkubokunun və klublararası dünya çempionatının qalibi olub.

Futbol üzrə Azərbaycan I Liqasına vəsiqə uğrunda keçiriləcək pley-off oyununun məkanı və tarixi müəyyənləşib.

"Report"un məlumatına görə, "Şimal" - "Qaradağ Lökbatan" matçı mayın 27-də Şamaxı şəhər stadionunda təşkil olunacaq.

Saat 16:00-da start götürəcək görüşdə VAR sistemi də tətbiq ediləcək.

Xatırladaq ki, "Şimal" cari mövsüm I Liqanı 11-ci, "Qaradağ Lökbatan" isə II Liqanı 2-ci pillədə başa vurub.

İspaniya millisinin heyətində Avropa və dünya çempionu olmuş futbolçu Pedro Rodriges mövsümün sonunda İtaliyanın "Latsio" klubundan ayrılacaq.

"Report" xəbər verir ki, bu barədə Roma təmsilçisinin mətbuat xidməti məlumat yayıb.

38 yaşlı vinger 2021-ci ildən İtaliya A Seriyası təmsilçisində oynayır.

Xatırladaq ki, Pedro Rodriges "Latsio"nun heyətində 208 oyunda 38 qol və 19 məhsuldar ötürmə ilə yadda qalıb. O, İspaniya yığması ilə 2010-cu ildə dünya, 2012-ci ildə Avropa çempionu olub.

İngiltərənin "Mançester Siti" klubu baş məşqçisi Xosep Qvardiola ilə mövsümün sonunda yollarını ayıracağını açıqlayıb.

"Report" xəbər verir ki, bu barədə "şəhərlilər"in mətbuat xidməti məlumat yayıb.

Xatırladaq ki, ispan mütəxəssis 2016-cı ildən Premyer Liqa təmsilçisində işləyib. O, komanda ilə altı dəfə İngiltərə Premyer Liqasının, üç dəfə ölkə kubokunun, beş dəfə İngiltərə Liqa Kubokunun, bir dəfə isə UEFA Çempionlar Liqasının, UEFA Superkubokunun və klublararası dünya çempionatının qalibi olub.

"Bavariya"nın qapıçısı Manuel Noyer Almaniya Kubokunun finalında "Ştutqart"a qarşı keçirəcəkləri oyunu buraxacaq.

"Report" xəbər verir ki, Münhen təmsilçisi 40 yaşlı qolkiperi matçın iştirak ərizəsinə daxil etməyib.

Qarşılaşma mayın 23-də, Bakı vaxtı ilə saat 22:00-da start götürəcək.

Xatırladaq ki, Manuel Noyer Bundesliqanın XXXIV turunda "Köln"ə qalib gəldikləri matçın (5:1) 60-cı dəqiqəsində əvəzlənmişdi. O, DÇ-2026 üçün Almaniya millisinə dəvət alıb.

Futbol üzrə İngiltərə millisinin bu il keçiriləcək dünya çempionatı üçün heyəti bəlli olub.

"Report" xəbər verir ki, bu barədə İngiltərə Futbol Assosiasiyası məlumat yayıb.

Baş məşqçi Tomas Tuhel Harri Maquayr ("Mançester Yunayted"), Trent Aleksandr-Arnold ("Real", İspaniya), Fil Foden ("Mançester Siti") və Koul Palmer ("Çelsi") kimi məşhur oyunçuları siyahıya daxil etməyib.

Qeyd edək ki, iyunun 11-dən iyulun 19-dək ABŞ, Kanada və Meksikada keçiriləcək dünya çempionatında İngiltərə millisi L qrupunda Xorvatiya, Panama və Qana ilə mübarizə aparacaq.

Beynəlxalq Bioloji Müxtəliflik Günü münasibətilə Bakı 2026 – "Dünyanın İdman Paytaxtı" və "Bakı Şəhərsalma Həftəsi" çərçivəsində Gənclər və İdman Nazirliyi, Azərbaycan Üzgüçülük Federasiyası, Üzülə bilən Şəhərlər İttifaqı (The Swimmable Cities Alliance) və BMT-nin Məskunlaşma Proqramının (UN-Habitat) təşkilatçılığı ilə "SPLASH for Swimmable Cities" tədbiri keçirilib.

Nazirlikdən "Report"a verilən məlumata görə, "Sea Breeze Resort" ərazisindəki sahil zonasında keçirilən tədbirdə ölkəmizdə fəaliyyət göstərən diplomatik korpus nümayəndələri, Ümumdünya Şəhərsalma Forumunun 13-cü Sessiyasının (WUF13) qonaqları, idmançılar və üzgüçülük həvəskarları iştirak ediblər.

Tədbirdə gənclər və idman naziri Fərid Qayıbov, BMT-nin Məskunlaşma Proqramının icraçı direktoru Anaklaudia Rossbax və Azərbaycan Üzgüçülük Federasiyasının müşaviri Rəşad Əbdürəhmanov və Azərbaycanın ilk "dəmir adamı" (Ironman) Firdovsi Kərimov çıxış ediblər. Aksiyaya qoşulan hər kəsə təşəkkür ediblər və üzgüçülüyün sağlam həyat tərzində rolunu qeyd ediblər.

Çıxışlardan sonra 100-dək iştirakçı eyni vaxtda dənizdə üzərək aksiyaya qoşulub.

İspaniyanın "Sevilya" klubunun futbolçusu Sesar Aspilikueta karyerasını bitirir.

"Repor" xəbər verir ki. 36 yaşlı müdafiəçi bu barədə sosial şəbəkə hesabında bildirib.

İspaniyalı oyunçu mövsümün sonunda karyerasını başa vuracaq.

Xatırladaq ki, Sesar Aspilikueta İngiltərənin "Çelsi" klubundakı çıxışına görə tanınıb. O, London komandası ilə iki dəfə Premyer Liqanın, bir dəfə UEFA Çempionlar Liqasının qalibi olub.

Səudiyyə Ərəbistanının "Əl-Nəsr" klubu Rusiya millisinin qapıçısı Matvey Safonovu heyətinə qatmaq istəyir.

"Report" Rusiya mətbuatına istinadən xəbər verir ki, ölkə çempionunun Fransa təmsilçisi PSJ-də çıxış edən 27 yaşlı qolkiper üçün rəsmi təklif göndərəcəyi gözlənilir.

Klub rəhbərliyi skautların hesabatlarını yoxlamaq və parislilərin İngiltərənin "Arsenal" komandasına qarşı keçirəcəyi UEFA Çempionlar Liqasının final oyunu üçün Macarıstanın paytaxtı Budapeştə səfər edəcəklər.

Xatırladaq ki, 2024-cü ildən PSJ-də çıxış edən Matvey Safonov cari mövsüm bütün yarışlarda 26 oyunda iştirak edib və 12 matçda qapısını toxunulmaz saxlayıb. Onun klubu ilə müqaviləsinin müddəti 2029-cu ilin yayınadək qüvvədədir.

Bu gün Almaniyanın Frankfurt şəhərində start götürəcək parakarate üzrə Avropa çempionatında Azərbaycan təmsilçiləri də iştirak edəcəklər.

Azərbaycan Milli Paralimpiya Komitəsindən "Report"a verilən məlumata görə, yarışda 5 parakarateçi mübarizə aparacaq.

Baş məşqçi Rənad Əliyevin rəhbərliyi altında turnirdə K30 kateqoriyasında Vidadi Xalıqov və Eldar Əhmədov, K10 kateqoriyasında Fərrux Qaybaliyev və Aysel Əhmədli, K22 kateqoriyasında isə Ercan Aslan qüvvəsini sınayacaq.

Xatırladaq ki, yarış mayın 24-də başa çatacaq.

Avropa Liqasında iştirak edəcək kişi voleybolçulardan ibarət Azərbaycan millisi hazırlığın növbəti mərhələsini Belarusda davam etdirəcək.

Bu barədə "Report"a Azərbaycan Voleybol Federasiyasından məlumat verilib.

Komanda bu gün Minskə yola düşüb. Yığma altı gün davam edəcək təlim-məşq toplanışı çərçivəsində yoxlama oyunlarında da qüvvəsini sınayacaq.

Milli komandanın baş məşqçisi Boris Qrebennikov hazırlıq prosesinə 17 voleybolçu cəlb edib.

Qeyd edək ki, Azərbaycan komandası Avropa Liqasının ilk turunun oyunlarını iyunun 5-7-də İsveçdə keçirəcək. İkinci turun qarşılaşmaları iyunun 12-14-də Rumıniyada, üçüncü turun matçları isə iyunun 19-21-də Bakıda təşkil olunacaq.

İngiltərənin "Liverpul" klubu Almaniya təmsilçisi "Hoffenhaym"da çıxış edən futbolçu Bazumane Turenin keçidi üçün danışıqlara başlayıb.

"Report" "TEAMtalk"a istinadən xəbər verir ki, Mersisayd komandası 20 yaşlı vinger üçün rəsmi təklif göndərib.

Mümkün transfer 40 milyon avroya başa gələ bilər. İngiltərənin "Mançester Yunayted", "Aston Villa" və "Nyukasl" klubları da oyunçu ilə maraqlanır.

Xatırladaq ki, Fildişi Sahilindən olan futbolçu cari mövsüm Bundesliqada 30 matçda 5 qol və 9 məhsuldar ötürmə ilə yadda qalıb.

İspaniya futbolunda növbəti mövsümdən hakimlərin işinin qiymətləndirilməsi üçün süni intellektdən istifadə olunacaq.

"Report" "Marca"ya istinadən xəbər verir ki, bu barədə La Liqanın prezidenti Xavyer Tebas açıqlamasında bildirib.

O, hakimlikdə süni intellekti tətbiq edəcəklərini söyləyib:

"İki əsas istiqamət tətbiq olunacaq. Birincisi hakimlərin işinin qiymətləndirilməsidir. Hər matçdan sonra komitə hakimliyin müxtəlif aspektlərini qiymətləndirən müşahidəçilərdən istifadə edir. Söhbət 30 müxtəlif meyardan gedir. Hazırda bunu insanlar edir, 20 müxtəlif hakim üçün 30 müşahidəçi var. Süni intellektin köməyi ilə biz ən azı 40% qərarların süni intellekt vasitəsilə obyektiv şəkildə qəbul edilməsinə imkan verəcək alət yaradırıq. Bütün matçlar əsasında sistem yaradılır və alqoritmlər formalaşdırılır. Süni intellekt hər şeyi təhlil edəcək və hakimin hansı məsələlərdə haqlı olduğunu göstərəcək. Biz prosesi daha obyektiv edirik".

X.Tebas hakimlərin təyinatı ilə bağlı da süni intellektdən yararlanacaqlarını vurğulayıb:

"Süni intellektin köməyi ilə komitəyə oyun üçün üç hakim namizədi təklif olunacaq. Mən insan intellektinə inanıram, lakin süni intellektin kömək etməli olduğu məsələlər var".

Futbol üzrə Azərbaycan Premyer Liqasına vəsiqə uğrunda pley-off mərhələsinin ikinci iştirakçısı bu gün müəyyənləşəcək.

"Report"un məlumatına görə, I Liqanın sonuncu - XXVII turunda "Mingəçevir" "Səbail"i qəbul edəcək.

Qarşılaşma Yaşar Məmmədzadə adına Mingəçevir şəhər stadionunun ehtiyat meydançasında, saat 17:00-da start götürəcək.

Görüşün baş hakimi FIFA referisi Elçin Məsiyev olacaq.

"Səbail" hazırda 50 xalla ikinci pillədə qərarlaşıb. "Mingəçevir" 48 xalla üçüncüdür.

Xatırladaq ki, I Liqada ikinci yeri tutan komanda Misli Premyer Liqasında 11-ci sırada yer alan "Qəbələ" ilə pley-off maçında üz-üzə gələcək.

"Qarabağ" və "Sabah" cari mövsüm Misli Premyer Liqasında sonuncu oyunlarını bu gün keçirəcəklər.

"Report"un məlumatına görə, ilk olaraq ölkə çempionu "Sabah" "Turan Tovuz"la qarşılaşacaq.

Qarşılaşma "Bank Respublika Arena"da, saat 17:00-da start götürəcək. Masazır təmsilçisi 75 xalla birinci, bölgə klubu 59 xalla üçüncü pillədə qərarlaşıb.

Günün ikinci görüşündə "Qarabağ" "Sumqayıt"ın qonağı olacaq. Görüş Mehdi Hüseynzadə adına Sumqayıt şəhər stadionunda, saat 19:30-da başlayacaq. "Köhlən atlar" 66 xalla ikinci, "kimyaçılar" 41 xalla yeddincidir.

Xatırladaq ki, Azərbaycan Premyer Liqasında tura mayın 24-də yekun vurulacaq. Ötən gün "Qəbələ" "Şamaxı"nı 3:1 hesabı ilə üstələyib.

Azərbaycandakı avtomobil yolları möhtəşəmdir.

"Report"un Mingəçevirə ezam olunan əməkdaşı xəbər verir ki, bunu Azərbaycan Velosiped İdmanı Federasiyasının 1-ci vitse-prezidenti, "Bakı-Xankəndi" Azərbaycan Velosiped Yarışının Təşkilat Komitəsinin sədri Sahib Ələkbərov jurnalistlərə açıqlamasında deyib.

O, sözügedən turnirin üçüncü mərhələsi haqqında fikirlərini bölüşüb:

"Üçüncü mərhələni də uğurla başa vurduq. Mən özümü dünyanın ən gözəl ölkəsində hiss edirəm. İştirakçılar yollarımızın çox gözəl, möhtəşəm olduğunu deyirlər. Qəbələdən Mingəçevirədək hər şey möhtəşəm idi. Bu tək mənim yox, əcnəbi qonaqların fikridir".

Qazaxıstanın "Astana" komandasının rusiyalı üzvü Qleb Suritsa "Bakı–Xankəndi" Azərbaycan velosiped yarışının üçüncü mərhələsində güclərinə qənaət etdiklərini söyləyib.

"Report"un Mingəçevirə ezam olunmuş əməkdaşı xəbər verir ki, idmançı bu barədə jurnalistlərə açıqlama verib.

O, üçüncü mərhələdə qalib gəldiyi üçün emosiyalarının yaxşı olduğunu sözlərinə əlavə edib:

"Emosiyalarımız yaxşıdır. Əsas məqsədlərimizdən biri liderliyi qorumaq idi. Qarşıda daha iki mərhələ var. Bir az qənaet rejimində işlədik. Əsas istəyimiz odur ki, başqa komandalar daha çox işləsin. Buna da nail olduq, gücümüzə qənaət etdik. Əsas gücümüzü sərf etsək, hamıya çox çətin olacaq (gülür)".

Velosipedçi növbəti iki mərhələ üçün planlarının olduğunu vurğulayıb:

"Bu gün bizə müəyyən təlimatlar veriləcək".

"Bakı–Xankəndi" Azərbaycan velosiped yarışının üçüncü mərhələsinin medalçıları mükafatlandırıb.

"Report"un Mingəçevirə ezam olunan əməkdaşı xəbər verir ki, tədbirdə Azərbaycan Velosiped İdmanı Federasiyasının 1-ci vitse-prezidenti, turnirin Təşkilat Komitəsinin sədri Sahib Ələkbərov, Mingəçevir şəhər İcra Hakimiyyətinin başçısı İlham İsmayılov iştirak ediblər.

Qazaxıstanın "Astana" komandasının rusiyalı üzvü Qleb Suritsaya qızıl, belçikalı Dyupon Timotiyə ("Tarteletto-İsorex") gümüş, ekvadorlu Pita Kristian Davidə ("Roojai İnsurance Winspace") bürünc medal təqdim olunub.

Xatırladaq ki, Beynəlxalq Velosipedçilər İttifaqının (UCI) 2.1 kateqoriyalı yarışında dünyanın 20 ölkəsini təmsil edən 24 komanda mübarizə aparır. Beş mərhələdən ibarət olan yarışın mükafat fondu 50 000 avrodan çoxdur. Yarışa mayın 14-də yekun vurulacaq.

Turnirin son mərhələsi Xankəndi şəhərində baş tutacaq.

Qazaxıstanın "Astana" komandasının rusiyalı üzvü Qleb Suritsa "Bakı–Xankəndi" Azərbaycan velosiped yarışının üçüncü mərhələsinin qalibi olub.

"Report"un Mingəçevirə ezam olunmuş əməkdaşı xəbər verir ki, üçüncü mərhələ 162,9 kilometr məsafəni əhatə edib.

İlk mərhələdə finişə Çinin "Li-Ninq Star" komandasının belaruslu üzvü Aleksey Şnirko birinci çatıb. Ötən gün "Astana"nın qazaxıstanlı velosipedçisi Yevgeni Fyodorov növbəti raundun qalibi olub.

Beynəlxalq Velosipedçilər İttifaqının (UCI) 2.1 kateqoriyalı yarışında dünyanın 20 ölkəsini təmsil edən 24 komanda mübarizə aparır. Beş mərhələdən ibarət olan yarışın mükafat fondu 50 000 avrodan çoxdur. Yarışa mayın 14-də yekun vurulacaq.

Turnirin son mərhələsi isə Xankəndi şəhərində baş tutacaq.

"Bakı–Xankəndi" Azərbaycan velosiped yarışının üçüncü mərhələsi bu gün başlayır.

"Report"un turnirə ezam olunan əməkdaşı xəbər verir ki, üçüncü mərhələ 162,9 kilometr məsafəni əhatə edəcək.

Qəbələdə start götürəcək tur Mingəçevirdə yekunlaşacaq.

İlk mərhələdə finişə Çinin "Li-Ninq Star" komandasının belaruslu üzvü Aleksey Şnirko birinci çatıb. Ötən gün "Astana"nın qazaxıstanlı velosipedçisi Yevgeni Fyodorov növbəti raundun qalibi olub.

Beynəlxalq Velosipedçilər İttifaqının (UCI) 2.1 kateqoriyalı yarışında dünyanın 20 ölkəsini təmsil edən 24 komanda mübarizə aparır. Beş mərhələdən ibarət olan yarışın mükafat fondu 50 000 avrodan çoxdur. Yarışa mayın 14-də yekun vurulacaq.

Turnirin son mərhələsi isə Xankəndi şəhərində baş tutacaq.

Azərbaycanın altı cüdoçusu Qazaxıstanın paytaxtı Astanada keçirilən "Böyük Dəbilqə" turnirində bu gün mübarizəyə başlayır.

"Report"un məlumatına görə, yarışın ilk günündə Rəşad Yelkiyev, Turan Bayramov (hər ikisi 66 kq), Şəfəq Həmidova, Könül Əliyeva (hər ikisi 48 kq), Gültac Məmmədəliyeva və Leyla Əliyeva (hər ikisi 52 kq) tatamiyə çıxacaqlar.

Təsnifat mərhələsi saat 10:00-da, final bloku isə 16:00-da start götürəcək.

Dünya Cüdo Turuna daxil olan yarışda Azərbaycan 7 çəki dərəcəsində 11 cüdoçu ilə (6 kişi, 5 qadın) təmsil olunur. Turnirdə 36 ölkədən 295 idmançı mübarizə aparır.

Kişilər

66 kq, 1/16 final

Rəşad Yelkiyev – Hyonu An (Koreya)

Turan Bayramov – Matteo Piras (İtaliya)

Qadınlar

48 kq, 1/16 final

Şəfəq Həmidova – Aytana Dias Hernandes (İspaniya)

48 kq, 1/8 final

Könül Əliyeva – Sevinç Murodova (Özbəkistan) / Kristina Dudina (Rusiya) cütünün qalibi ilə

52 kq, 1/16 final

Leyla Əliyeva – Taniştha Tokas (Hindistan)

52 kq, 1/8 final

Gültac Məmmədəliyeva – Şraddha Kadubal Çopade (Hindistan)

Xatırladaq ki, "Böyük Dəbilqə" turniri mayın 10-da başa çatacaq.

"Neftçi"nin qadınlardan ibarət 3x3 basketbol komandası Filippinin paytaxtı Manilada keçirilən Dünya Seriyasının mərhələsində bu gün 1/4 final oyununa çıxacaq.

"Report"un məlumatına görə, Ratomir Deliçin baş məşqçisi olduğu kollektiv Monqolustan millisi ilə üz-üzə gələcək.

Qarşılaşma Bakı vaxtı ilə saat 12:15-də start götürəcək. Bu matçın qalibi yarımfinalda ABŞ - "Ulan-Bator Amazons" (Monqolustan) duelinin güclüsü ilə qarşılaşacaq.

Xatırladaq ki, "Neftçi" ötən gün B qrupunda Polşa (22:14) və Çin (19:17) yığmalarına qalib gəlib.

Azərbaycan Voleybol Federasiyasının (AFV) prezidenti Şahin Bağırov Naxçıvanda yeniyetmə voleybolçular və onların valideynləri ilə görüş keçirib.

AFV-dən "Report"a verilən məlumata görə, görüşdə Milli Məclisin deputatı Kamallədin Qafarov, federasiyanın Naxçıvan filialının direktoru Vüqar Əliyev, sponsor şirkətlərin rəhbərləri və voleybol ictimaiyyətinin nümayəndələri iştirak ediblər.

Tədbirdə Naxçıvan filialının direktor müavini Rahil Tahirli regionda voleybolun inkişafı, uşaq və yeniyetmələrin bu idman növünə cəlb olunması, eləcə də əldə edilən nəticələr barədə ətraflı məlumat verib. Bildirilib ki, son illərdə şəhər və rayon məktəblərində aparılan seleksiya işləri nəticəsində yüzlərlə perspektivli gənc voleybola cəlb olunub, xüsusilə qız voleybolunun inkişafı istiqamətində mühüm irəliləyişlər əldə edilib.

Qeyd olunub ki, son iki il ərzində Naxçıvanın yeniyetmə oğlan və qızlardan ibarət komandaları Azərbaycan çempionatlarında iştirak edərək 2 qızıl və 4 bürünc medal qazanıblar. Bundan əlavə, 15-dən çox idmançı müxtəlif yaş qrupları üzrə Azərbaycan milli komandalarına cəlb olunub.

Şahin Bağırov çıxışında ölkədə voleybolun kompleks inkişafı, uşaq voleyboluna göstərilən diqqət və yaradılan şəraitdən danışıb. O, yeniyetmələr arasında keçirilən çempionatların gələcək nəsil idmançılarının yetişməsində mühüm rol oynadığını vurğulayıb.

AVF prezidenti bu işlərdə valideynlərin rolunu xüsusi qeyd edərək, idmançı, məşqçi və ailə əməkdaşlığının vacibliyini diqqətə çatdırıb. O bildirib ki, Naxçıvanda voleybolun inkişafı gələcəkdə yeni layihələrin həyata keçirilməsi üçün geniş imkanlar yaradır.

Sonda Şahin Bağırov yeniyetmə voleybolçuların məşq prosesini və "Möminə Xatun" komandasının oyununu izləyib, milli komandaya seçilən idmançılarla maraqlanıb. Daha sonra sponsorlar və məşqçilərlə regionda voleybolun inkişaf perspektivləri müzakirə olunub.

Misli Premyer Liqasında XXXI tura bu gün start veriləcək.

"Report"un məlumatına görə, birinci oyun günündə iki matç keçiriləcək.

Turun açılış matçında "İmişli" "Zirə"ni qəbul edəcək. Qarşılaşma Quba Olimpiya İdman Kompleksində, saat 16:30-da başlayacaq.

Günün ikinci görüşündə çempionluğunu rəsmiləşdirən "Sabah" "Kəpəz"i sınağa çəkəcək. "Bank Respublika Arena"dakı oyuna saat 19:30-da start veriləcək.

Xatırladaq ki, Azərbaycan Premyer Liqasında tura mayın 10-da yekun vurulacaq.

Azərbaycanın yeniyetmə boksçuları "Heydər Əliyev kuboku-2026" beynəlxalq turnirində 45 medal qazanıblar.

Bu barədə "Report"a Azərbaycan Boks Federasiyasından məlumat verilib.

Boks Mərkəzində keçirilən yarışda 8 ölkənin 185 idmançısı qüvvəsini sınayıb. Altı gün davam edən yarışda oğlanların mübarizəsində 14, qızlarda 9 çəki dərəcəsində qaliblər müəyyənləşib.

Bu gün baş tutan final döyüşlərini Azərbaycan Boks Federasiyasının rəsmiləri, olimpiya və dünya çempionatının mükafatçıları izləyiblər. Onlar mükafatlandırma mərasimində də iştirak ediblər.

Azərbaycan millisi turniri 45 medalla başa vurub. Vaqif Kazımovun baş məşqçisi olduğu oğlanlardan ibarət komandanın heyətində Aydın Şahbazov (44 kq), Həsrət Məmmədov (46 kq), Rüstəm Nəsibov (50 kq), İsmayıl Nəsirzadə (52 kq), Məhəmmədəli İstamov (57 kq), Vəkil Qurbanov (63 kq), Yusif Ağakişiyev (75 kq) və Şükar Əliyev (80 kq) çempion tituluna yiyələniblər.

Yalnız finalda uduzan İlhan Məmiyev (44 kq), Sərxan Ağazadə (46 kq), Nihad Məmmədli (48 kq), Vaqif Məhəmmədli (50 kq), Qardaş Rəhimov (52 kq), Əli Camalzadə (57 kq), Əli Abaslı (60 kq) və Saleh Fərəcov (80 kq) ikinci yerlə kifayətləniblər.

Digər boksçularımızdan Rəvan Həşimov (44 kq), Yusif Hüseynov (46 kq), Nizami Əliyev (48), Rəsul Babazadə, Sahib Baxışlı (hər ikisi 50 kq), Mirtahir Əhmədli (52 kq), Elcan Musazadə (54 kq), Aydın Əliyev, Tunar Mehdiyev (hər ikisi 60 kq), Yusif Məmmədli (66 kq), Hidayət Məmmədov (70 kq) və Mehran Rəsulov (+80 kq) bürünc mükafat qazanıblar.

İlkin Ağayevin baş məşqçisi olduğu qızlardan ibarət U-17 komandamızın heyətində Aysel Fərəcova (46 kq), Aydan İsmayıllı (48 kq) və Səma Abbasova (66 kq) turnirin qalibi adına yiyələniblər.

Yeganə Rəhimova (48 kq), Fatimə Məmmədli (50 kq), Cəmilə Muradlı (57 kq), Rəmziyə Mirzəyeva (70 kq) gümüş, Nəsrin Abdullazadə, Aysan Miriyeva (hər ikisi 46 kq), Nurgül Ocaqova (48 kq), Tunca Mürşüdova, Sima İsmayılova (hər ikisi 50 kq), Alsu Yafarova (52 kq), Nərmin Abdullazadə, Ayan Novruzlu (hər ikisi 54 kq), Emiliya Beydullayeva (57 kq) və Aynur Vəlizadə (63 kq) bürünc medal qazanıblar.

Beləliklə, Azərbaycan yığması turniri 11 qızıl, 12 gümüş və 22 bürünc medalla bitirib.

Yarışda komanda hesabında millimiz birinci yeri tutub və Heydər Əliyev Kubokuna sahib olub. İkinci pilləyə Gürcüstan (4-2-4) yiyələndiyi halda, "üçlüy"ü Qazaxıstan (3-5-7) qapayıb.

Turnirdə ən yaxşı boksçu adına Aliimran Aliyev (Qazaxıstan) layiq görülüb. İlqar Qasımzadə (Azərbaycan) isə ən yaxşı hakim seçilib.

"Global Media Group"un tərkibində fəaliyyət göstərən media qurumlarının əməkdaşları arasında şahmat turniri keçirilib.

"Report"un məlumatına görə, Respublika Şahmat Mərkəzində baş tutan yarış Azərbaycan Şahmat Federasiyası və Bakı Şəhər Gənclər və İdman İdarəsinin dəstəyi ilə təşkil olunub.

Turnirdə "Report" İnformasiya Agentliyi, "Global Management" autsorsinq şirkəti, "Baku TV" televiziya kanalı, "Caliber" informasiya-analitik portal, "Oxu.az" və "Baku.ws" xəbər portallarının əməkdaşları 7 turdan ibarət İsveçrə sistemi əsasında güclərini sınayıblar. Yarışın yekununa əsasən, "Oxu.az" əməkdaşı Zaur Həsənəliyev birinci, "Report" İnformasiya Agentliyinin əməkdaşı Sənan Ağamalızadə ikinci, "Baku.ws"in təmsilçisi Rəfael Rüstəmov isə üçüncü yeri tutub.

Qaliblər pul mükafatı, sertifikat və Azərbaycan Şahmat Federasiyası tərəfindən təqdim olunan şahmat dəstləri ilə təltif ediliblər. Digər iştirakçılara isə fəal iştiraklarına görə təşəkkürnamələr təqdim olunub.

AFFA-nın təşkilatçılığı ilə qapıçılar üzrə məşqçilər üçün UEFA-nın A kateqoriyalı məşqçi kursunun sonuncu - V mərhələsi keçirilib.

Bu barədə "Report"a milli assosiasiyadan məlumat verilib.

Kurs qurumun Təhsil və Reabilitasiya Mərkəzində gerçəkləşib.

Məşğələlərə təlimatçılar Faiq Əzizov, Vitali Kovalyov və Üzeyir İbrahimov rəhbərlik ediblər.

İngiltərənin "Çelsi" klubu futbolçusu Liam Delapla yollarını ayırmaq istəyir.

"Repor" yerli mətbuata istinadən xəbər verir ki, London təmsilçisi hücum xəttini gücləndirmək üçün artıq işlərə start verib.

"Zadəganlar" Fransa təmsilçisi PSJ-nin forvardı Qonsalu Ramuşla maraqlanır.

Xatırladaq ki, L.Delap 2025-ci ilin yayında "Çelsi"yə keçib. Q.Ramuş isə 2024-cü ildən Fransa klubunun formasını geyinir.

Bakıda UEFA-nın "Hat-Trick" proqramı çərçivəsində AFFA və Azərbaycan Texniki Universitetinin (AzTU) birgə təşkilatçılığı ilə Ümummilli Lider Heydər Əliyevin anadan olmasının 103-cü ildönümünə həsr olunmuş futzal turnirinə yekun vurulub.

"Report" milli assosiasiyanın rəsmi saytına istinadən xəbər verir ki, yarışın həlledici oyunları universitetin idman zalının futzal meydançasında baş tutub.

Üçüncü yer uğrunda görüşdə Nəqliyyat və Logistika fakültəsinin komandası İTT fakültəsinin komandasını 2:0 hesabı ilə məğlub edərək turnirin bürünc mükafatçı olub.

Final qarşılaşmasında isə İqtisadiyyat fakültəsinin komandası ilə Maşınqayırma və Metallurgiya fakültəsinin komandası üz-üzə gəliblər. Əlavə vaxtda rəqibini 2:0 hesabı ilə üstələyən Maşınqayırma və Metallurgiya fakültəsinin komandası turnirin qalibi olub.

Yekunda qalib komanda AFFA tərəfindən kubokla təltif olunub, ilk üç yeri tutan kollektivlər müvafiq medallarla mükafatlandırılıblar. Bununla yanaşı, turnirdə fərqlənən oyunçular müxtəlif nominasiyalar üzrə xüsusi mükafatlara layiq görülüblər.

Mükafatlandırma mərasimində veteran futbolçu Vəli Qasımov, Azərbaycan Texniki Universitetinin Kommunikasiya Şöbəsinin müdiri Səfa Bağırov və digər rəsmi şəxslər iştirak ediblər. Onlar qalib və mükafatçı komandaları təbrik edib, kubok və mükafatlar veriblər. AFFA və AzTU gələcəkdə də bu istiqamətdə birgə layihələrin həyata keçirilməsini planlaşdırır.

İspaniyanın "Real" klubu Türkiyə millisinin futbolçusu Kenan Yıldızı heyətinə qatmaq istəyir.

"Report" "La Gazzetta dello Sport"a istinadən xəbər verir ki, Madrid təmsilçisinin prezidenti Florentino Peres 21 yaşlı hücumçunun keçidində maraqlıdır.

Təcrübəli funksioner oyunçunun transferi üçün yayda cəhd edəcək.

K.Yıldızın İtaliyanın "Yuventus" klubu ilə müqaviləsinin müddəti 2030-cu ilin yayınadək qüvvədədir. Onun bazar dəyəri 75 milyon avro qiymətləndirilir.

Xatırladaq ki, Kenan Yıldız cari mövsüm "qoca sinyora"nın heyətində 45 oyunda 11 qol və 10 məhsuldar ötürmə ilə yadda qalıb.

Fransanın PSJ klubunun braziliyalı futbolçusu Markinyos UEFA Çempionlar Liqasında həmyerlisi Roberto Karlosun rekordunu qırıb.

"Report"un məlumatına görə, müdafiəçi buna Almaniyada "Bavariya" ilə heç-heçə etdikləri (1:1) yarımfinal mərhələsinin cavab oyununda iştirak etməklə nail olub.

Təcrübəli oyunçu qitənin bir nömrəli klub turnirində ən çox matça çıxan braziliyalı futbolçu ünvanına sahib çıxıb.

Münhen təmsilçisi ilə duel Markinyosun 121-ci qarşılaşması kimi tarixə düşüb. R.Karlos UEFA Çempionlar Liqasında 120 görüşdə iştirak edib.

Xatırladaq ki, ilk görüşdə "Bavariya"nı 5:4 hesabı ilə üstələyən PSJ finalda İngiltərə təmsilçisi "Arsenal"a rəqib olub. Jəlledici görüş mayın 30-da Budapeştdə baş tutacaq.

1992-ci ildə ilk Azərbaycan Kubokunun qalibi olan "İnşaatçı" titulu qazanmağa layiq idi.

"Report" xəbər verir ki, bu barədə həmin vaxt komandanın baş məşqçisi olmuş Məmmədəli Məmmədov Peşəkar Futbol Liqasının mətbuat xidmətinə müsahibəsində deyib.

Mütəxəssis turnirin ilk final matçı ilə bağlı bir çox maraqlı məqamlara toxunub:

"1992-ci ildən danışırıqsa, həmin il bizim üçün tarixi alınmışdı. Komandamızda ulduz futbolçu yox idi. Kollektiv oyun nümayiş etdirərək gücümüzü göstərməyə çalışırdıq. Kubok qazanmağa layiq komanda idik".

M.Məmmədov final matçı öncəsi klub rəhbəri ilə olan maraqlı dialoqlarından, eyni zamanda kubokdakı rəqibləri barədə də söz açıb:

"Sponsorumuz olan evtikmə kombinatının rəhbəri oyundan iki gün əvvəl keçirilən iclasda bizə yaxşı vəd verdi. Bildirdi ki, kuboku qazanacağınız təqdirdə komandanın üzvlərindən birinə ikiotaqlı ev, digərlərinə pul mükafatı verəcək. Kubokda hər mərhələ keçdikcə pul mükafatı alırdıq. 1/4 finalda rəqibimiz "Neftçi" idi. Futbolçularıma demişdim ki, "Neftçi"ni keçəcəyiksə, deməli, kuboku özümüz qazanacağıq. 2:1 hesabı ilə qalib gələrək yarımfinala vəsiqə qazandıq. Burada rəqibimiz "Neftçi" ilə bərabər gücə sahib olan "Xəzər" (Sumqayıt) komandası idi. Oyunsonrası penaltilər seriyasında qalib olduq və finala çıxdıq. Finalda "Kür" (Mingəçevir) komandasını məğlub edərək şərəfli tarix yazdıq".

O, 1992-ci ildə ölkədə müharibə vəziyyəti olduğunu sözlərinə əlavə edib:

"Komandalar bir-birinə anlayışla yanaşırdılar və kömək edirdilər. Kuboku qazandıqdan bir müddət sonra Tovuza oyuna getmişdik. Bizi təntənəli şəkildə, gül dəstələri ilə qarşıladılar. Unudulmaz hisslər idi. Bəzi oyunçularımızı itirdiyimizə görə məyus idik. Ancaq adımızı tarixə yazdırdığımıza görə mövsüm yaddaqalan alındı. Hər il kubokun finalı keçiriləndə, şərhçilər "İnşaatçı" komandasının adını çəkəndə kövrəlirəm. O komanda indi mövcud olmasa da, qəlbimizdə hələ də yaşayır".

Xatırladaq ki, cari mövsüm Azərbaycan Kubokunun finalında "Sabah" və "Zirə" komandaları üz-üzə gələcək. Qarşılaşma mayın 13-də "Palms Sports Arena"da, saat 20:00-da start götürəcək.

"CBC Sport" telekanalı UEFA Çempionlar Liqasının yarımfinal mərhələsində keçirilmiş "Bavariya" (Almaniya) - PSJ (Fransa) matçının yayımlanmamasını texniki səbəblərlə izah edib.

"Report" xəbər verir ki, bu barədə telekanalın sosial şəbəkə hesabında bildirilib.

"CBC Sport" sözügedən qarşılaşmanın yayımının texniki səbəblərdən mümkün olmadığını vurğulayıb:

"Gün ərzində yayım prosesi ilə bağlı aparılan ənənəvi testlər zamanı hər hansı problem aşkarlanmasa da, matçın başlamasına təxminən 5 dəqiqə qalmış gözlənilməz texniki nasazlıq yaranıb. Problem qeydə alınan andan etibarən onun aradan qaldırılması üçün bütün zəruri tədbirlər görülüb. Məqsədimiz nasazlıq aradan qalxan kimi, oyunun hansı dəqiqəsinin getməsindən asılı olmayaraq, dərhal efirə qoşulmaq idi. Lakin texniki heyətin görüş boyu davam edən səylərinə baxmayaraq, yayımı bərpa etmək mümkün olmayıb. Baş verən bu xoşagəlməz hadisəyə görə məsuliyyətimizi tam dərk edir, oyunu sizə təqdim edə bilmədiyimiz üçün bütün futbolsevərlərdən üzr istəyirik.

Əziz idmansevərlər, anlayışınıza ümid edir və belə halların bir daha təkrarlanmaması üçün bütün lazımi addımların atılacağını bildiririk".

Qeyd edək ki, "Bavariya" - PSJ matçı 1:1 hesabı ilə yekunlaşıb. İlk görüşdə rəqibini üstələyən (5:4) Paris təmsilçisi UEFA Çempionlar Liqasının finalına yüksəlib. PSJ mayın 30-da Budapeştdə keçiriləcək həlledici görüşdə "Arsenal" (İngiltərə) ilə qarşılaşacaq.

Kişi voleybolçulardan ibarət Azərbaycan millisinin bu mövsüm əsas məqsədi vahid məqsəd uğrunda birləşən, döyüşkən kollektiv formalaşdırmaqdır.

Bu barədə "Report"a komandanın baş məşqçisi Boris Qrebennikov açıqlama verib.

Mütəxəssis hədəflərinin böyük olduğunu bildirib:

"Milli komanda üçün bu mövsüm əsas vəzifə vahid məqsəd uğrunda birləşən, döyüşkən kollektiv formalaşdırmaqdır. Bütün oyunçular eyni hədəf və istək, qalib gəlmək arzusu ilə mübarizə aparmalıdırlar. Məncə, ən vacib məsələ də məhz budur. Əlbəttə, reytinq cədvəlində mümkün qədər yüksək pillələrdə qərarlaşmaq istəyirik və düşünürəm ki, qarşımızda ən yüksək hədəflər dayanır".

B.Qrebennikov Avropa Liqasına hazırlıqdan da söz açıb:

"Komanda mayın 4-də bir araya gəlib və hazırlığı 22-dək Bakıda davam etdirəcək. Mayın 22-dən sonra isə Minskə yollanacağıq və hazırlığı Belarusun paytaxtında davam etdirəcəyik. Orada bir neçə yoldaşlıq görüşünün keçirilməsi də nəzərdə tutulub. Hazırlığın ilk həftəsi daha çox başlanğıc və uyğunlaşma xarakteri daşıyır. Məqsəd bütün oyunçuları eyni fiziki hazırlıq səviyyəsinə gətirməkdir. Çünki voleybolçuların bir hissəsi bu yaxınlarda pley-off oyunlarında iştirak edib və mükafatlar uğrunda mübarizə aparıb. Digər qrup isə pley-offda oynamadığı üçün onların fasiləsi bir qədər uzun olub. Buna görə məşqçilər korpusunun əsas vəzifəsi bütün oyunçuları eyni fiziki kondisiya səviyyəsinə çatdırmaqdır".

Baş məşqçi turnirdəki hədəflərdən də danışıb:

"Bu mövsüm üçün konkret hədəflər müəyyənləşdirilib. Komandada gəncləşmə prosesi gedir. Gənclərdən ibarət millidən 4 oyunçu əsas yığmaya cəlb olunub. Məşqçilər korpusunun əsas məqsədi onları mümkün qədər tez yığmanın səviyyəsinə uyğunlaşdırmaq, beynəlxalq təcrübə qazandırmaq və döyüşkən kollektiv formalaşdırmaqdır. Hazırlıq çox ciddi şəkildə davam edir. Bu il rəqiblərimiz olduqca güclüdür. Demək olar ki, bütün komandalar əsas heyətlə çıxış edəcəklər. Buna görə beynəlxalq mövsüm çox çətin keçəcək. Amma düşünürəm ki, məqsədlərimizə çata bilərik".

Qeyd edək ki, Avropa Liqasında millimizin ilk oyunları iyunun 5-7-dəə İsveçdə keçiriləcək.

"Neftçi"nin qadınlardan ibarət 3x3 basketbol komandası Filippinin paytaxtı Manilada keçiriləcək Dünya Seriyasının mərhələsinə qələbə ilə start verib.

"Report" xəbər verir ki, "ağ-qaralar" B qrupunda Polşa yığması ilə üz-üzə gəlib.

Qarşılaşma Azərbaycan təmsilçisinin qalibiyyəti ilə yekunlaşıb - 22:13.

"Neftçi" bu gün Çin millisi ilə də üz-üzə gələcək.

Xatırladaq ki, turnirə mayın 8-də yekun vurulacaq.

Azərbaycanın paraüzgüçüləri Almaniyanın paytaxtı Berlində keçiriləcək Dünya Seriyasının mərhələsində mübarizəyə başlayır.

Milli Paralimpiya Komitəsindən "Report"a verilən məlumata görə, yarışda ölkəni kişilər arasında S12 kateqoriyasında Raman Salei, S10 kateqoriyasında Əli Vəliyev və Murad Məmmədov, S6 kateqoriyasında Abuzər Nəzərov təmsil edəcək.

Onlar turnirə məşqçilər Fyodor Kirillov, Faiq Əsgərov və Anar Məmmədovun rəhbərliyi altında qatılacaqlar.

Xatırladaq ki, bu gün start götürəcək yarış mayın 9-da başa çatacaq.

Almaniyanın "Borussiya" (Dortmund) klubunun futbolçusu Niklas Süle karyerasını başa vurub.

"Report" xəbər verir ki, 30 yaşlı müdafiəçi bu barədə Bundesliqa təmsilçisinin rəsmi saytına açıqlamasında bildirib.

Almaniya millisinin sabiq üzvü aprelin 18-də "Hoffenhaym"a uduzduqları (1:2) oyunda zədələndikdən sonra bu qərarı verib.

Xatırladaq ki, 2022-ci ildən Dortmund təmsilçisində çıxış edən Niklas Süle daha əvvəl "Bavariya"nın heyətində 5 dəfə Bundesliqanın, 1 dəfə UEFA Çempionlar Liqasının qalibi olub.

Azərbaycan Voleybol Federasiyasının (AVF) Kommunikasiya şöbəsinin rəhbəri Zöhrab Gözəlbəyli Avropa Voleybol Konfederasiyasının (CEV) Maliyyə Komissiyasının növbəti iclasında iştirak edib.

AVF-dən "Report"a verilən məlumata görə, tədbir Lüksemburqda baş tutub.

CEV-in baş ofisində təşkil olunan toplantıya qurumun İcraçı direktoru Vuk Karanoviç, Maliyyə Komissiyasının rəhbəri Guy Juvet, komissiya üzvləri və CEV-in maliyyə departamentinin əməkdaşları da qatılıblar.

İclasda CEV-in cari il üzrə fəaliyyət planı, maliyyə siyasətinin əsas istiqamətləri, eləcə də beynəlxalq turnir və yarışların maliyyələşdirilməsi ilə bağlı məsələlər ətraflı şəkildə müzakirə olunub. Xüsusilə, yarışların təşkilinə ayrılan büdcə, xərclərin optimallaşdırılması və maliyyə resurslarının səmərəli idarə olunması kimi vacib mövzular gündəlikdə yer alıb.

Görüş zamanı 2025-ci il ərzində keçirilmiş yarışların maliyyə nəticələri təhlil olunub, qarşıdakı dövr üçün planlaşdırılan turnirlərlə bağlı maliyyə mexanizmləri və büdcə planlaması istiqamətində geniş fikir mübadiləsi aparılıb. Eyni zamanda, maliyyə hesabatlılığının şəffaflığının artırılması və nəzarət mexanizmlərinin təkmilləşdirilməsi məsələlərinə də xüsusi diqqət yetirilib.

İclas çərçivəsində CEV Maliyyə Komissiyasının üzvləri tərəfindən müasir maliyyə yanaşmaları, rəqəmsal maliyyə idarəetmə alətlərinin tətbiqi, həmçinin üzv federasiyalar arasında əməkdaşlığın daha da gücləndirilməsi ilə bağlı təkliflər səsləndirilib. Bu kimi görüşlərin Avropa voleybolunda maliyyə dayanıqlığının təmin olunmasına və beynəlxalq yarışların daha yüksək səviyyədə təşkilinə töhfə verəcəyi vurğulanıb.

Tarixdə ilk dəfə iki ispan baş məşqçi UEFA Çempionlar Liqasının finalında üz-üzə gələcək.

"Report" xəbər verir ki, bu, İngiltərənin "Arsenal" və Fransanın PSJ komandalarının həlledici matça vəsiqə qazanması sayəsində mümkün olub.

London təmsilçisində Mikel Arteta, Paris klubunda isə Luis Enrike titula sahib çıxmağa çalışacaq.

Əvvəllər Çempionlar Liqası və Çempionlar Kubokunda eyni ölkə mütəxəssisləri 4 dəfə münasibətlərə aydınlıq gətiriblər.

Bu, 1979-cu ildə "Nottinqem Forest" (Brayan Klaf) - "Malmö" (Bob Hafton), 2003-cü ildə "Yuventus" (Marçello Lippi) - "Milan" (Karlo Ançelotti), 2013-cü ildə "Borussiya" (Dortmund, Yurgen Klopp) - "Bavariya" (Yupp Haynkes), 2020-ci ildə PSJ (Tomas Tuxel) - "Bavariya" (Hans-Diter Flik) matçlarında yaşanıb.

Onlar müvafiq olaraq İngiltərə, İtaliya və Almaniyadan (hər ikisi) olan baş məşqçilər idi.

Xatırladaq ki, UEFA Çempion Liqasının final matçı mayın 30-də Budapeştdə keçiriləcək.

FIFA-nın "Neftçi"yə tətbiq etdiyi transfer qadağası maksimum 3-5 günə aradan qaldırılacaq.

Bu barədə "Report"un sorğusuna cavab olaraq "ağ-qaralar"ın mətbuat xidmətindən məlumat verilib.

Bildirilib ki, transfer ödənişi geçikəndə FIFA-nın müvafiq portalı avtomatik olaraq klubu qırmızı siyahıya salır və transfer qadağası gəlir.

"Bu, dünya praktikasında tez-tez rast gəlinən məsələdir. Əsas öhdəliklər bağlanandan sonra qadağa avtomatik olaraq aradan qalxır. Artıq biz tərəfdən ödəniş həyata keçirilib, qarşı tərəf təsdiqləyəndən sonra maksimum 3-5 günə transfer qadağası aradan qaldırılacaq. Narahatlığa əsas yoxdur, heç bir borc öhdəliyimiz yoxdur. Sadəcə, texniki məsələlərə görə bir ödəniş gecikmişdi, o da artıq həllini tapıb. Azarkeşlərimiz narahat olmasınlar".

"Neftçi"nin qadınlardan ibarət 3x3 basketbol komandası Filippinin paytaxtı Manilada keçiriləcək Dünya Seriyasının mərhələsində bu gün mübarizəyə start verir.

"Report"un məlumatına görə, "ağ-qaralar" B qrupunda mübarizə aparacaq.

Ratomir Deliçin baş məşqçisi olduğu kollektiv Bakı vaxtı ilə saat 11:20 Polşa, 15:30-da isə Çinlə üz-üzə gələcək.

Xatırladaq ki, turnirə mayın 8-də yekun vurulacaq.

UEFA Konfrans Liqasında yarımfinal mərhələsinə bu gün yekun vurulacaq.

"Report"un məlumatına görə, raundun cavab oyunlarından sonra finalçılar bəlli olacaq.

"Kristal Pelas" İngiltərədə Ukraynanın "Şaxtyor" komandasını qəbul edəcək. Premyer Liqa təmsilçisi ilk matçda inamlı qalibiyyətə nail olub - 3:1.

Digər qarşılaşmada "Strasburq" Fransada İspaniya təmsilçisi "Rayo Valyekano" ilə münasibətlərə aydınlıq gətirəcək. İspanlar ilk oyunda minimalhesablı qələbə qazanıb - 1:0.

Hər iki görüş saat 23:00-da start götürəcək.

Xatırladaq ki, final matçı mayın 27-də Leyptsiq şəhərində təşkil olunacaq.

UEFA Avropa Liqasında finalçılar bu gün müəyyənləşəcək.

"Report"un məlumatına görə, yarımfinal mərhələsinin cavab oyunları Bakı vaxtı ilə saat 23:00-da start götürəcək.

Frayburq Almaniyada Portuqaliyanın "Braqa" komandasını sınağa çəkəcək. Portuqaliya təmsilçisi ilk görüşdə qələbə qazanıb - 2:1.

Digər matçda isə İngiltərə klubları münasibətlərə aydınlıq gətirəcəklər. İlk matçda "Nottinqem Forest"ə 0:1 hesabı ilə uduzan "Aston Villa" doğma meydanda məğlubiyyətin əvəzini çıxmağa çalışacaq.

Xatırladaq ki, final oyunu mayın 20-də İstanbulda təşkil olunacaq.

"Neftçi"nin qadınlardan ibarət 3x3 basketbol komandası Filippinin paytaxtı Manilada keçiriləcək Dünya Seriyasının mərhələsində yaxşı çıxış etməyə çalışacaq.

Bu barədə "Report"a "ağ-qaralar"ın baş məşqçisi Ratomir Deliç açıqlama verib.

Mütəxəssis bu turnirin mövsümdə ilk yarışları olduğunu xatırladıb:

"Hamımız buna görə çox həyəcanlıyıq. Hazırlıq üçün çox vaxtımız olmadı. Komandadakı üç oyunçu ötən yay birlikdə çıxış edib, buna görə bir-birimizi yaxşı tanıyırıq. Yeni oyunçumuz Aoi Katsura isə artıq bir neçə ildir 3x3 basketbol oynayır və düşünürəm ki, oyunumuza uyğunlaşması üçün çox vaxta ehtiyac olmayacaq. Əlimizdən gələni edəcəyik ki, yaxşı çıxış edək və mümkün qədər tez öz ritmimizi bərpa edək. Dünya Kuboku da çox yaxındadır və biz ora tam hazır olmalıyıq".

Xatırladaq ki, Manila şəhərindəki yarış mayın 7-də start götürəcək. Azərbaycan təmsilçisi həmin gün Polşa və Çin yığmaları ilə üz-üzə gələcək.

İngiltərənin "Çelsi" klubunun futbolçusu Uesli Fofana İspaniya təmsilçisi "Barselona"ya təklif olunub.

"Report" "Sky Sport"a istinadən xəbər verir ki, 25 yaşlı müdafiəçinin nümayəndələri onun Kataloniya təmsilçisində çıxış etməsi üçün çalışırlar.

İspanlar transfer dönəmindən əvvəl müxtəlif ssenariləri araşdırırlar. Tərəflər arasında ilkin danışıqlar da gerçəkləşib.

"Çelsi" oyunçunun komandadan ayrılmasına qarşı deyil, lakin mümkün transferdən ən azı 30 milyon avro qazanmaq istəyir. Qarşı tərəf isə futbolçunu icarəyə götürməyi planlaşdırır.

Xatırladaq ki, Uesli Fofana 2022-ci ildən "Çelsi"də çıxış edir.

AFFA İntizam Komitəsi "Sumqayıt"ı klub prezidenti və baş məşqçiyə görə 10000 manat cərimələyib.

"Report" milli assosiasiyanın rəsmi saytına istinadən xəbər verir ki, buna "Kəpəz"ə qarşı keçirdikləri Misli Premyer Liqasının XXX turunda yaşananlar səbəb olub.

2 may 2026-cı il tarixində Misli Premyer Liqasında XXX turun "Kəpəz" – "Sumqayıt" oyunu bitdikdən sonra "Sumqayıt" komandasının baş məşqçisi Saşa İliç hakimin qərarına etiraza görə birbaşa qırmızı vərəqə aldığı üçün 2 oyun oyuna buraxılmasın, "Sumqayıt" komandası 5000 manat cərimə edilsin (maddə 51.1);

2 may 2026-cı il tarixində Misli Premyer Liqasında XXX turun "Kəpəz" – "Sumqayıt" oyunu bitdikdən sonra "Sumqayıt" komandasının prezidenti Riad Rəfiyev hakimlər otağına daxil olduğuna görə 2 oyun şərti olmaqla 5 oyun oyuna buraxılmasın, "Sumqayıt" komandası 5000 manat cərimə edilsin (maddə 87.1, 19);

İngiltərənin "Aston Villa" klubu İspaniya təmsilçisi "Barselona"da çıxış edən Ferran Torresi heyətinə qatmaqda maraqlıdır.

"Report" "Fichajes" nəşrinə istinadən xəbər verir ki, Premyer Liqa komandası 26 yaşlı hücumçu üçün 65 milyon avroluq təklif hazırlayıb.

İspaniya klubunun rəhbərliyinin buna razı olacağı gözlənilir. Kataloniyalılar planlarına daxil olmadığı üçün onunla müqavilənin müddətini uzatmaq istəməyib.

Xatırladaq ki, Ferran Torresin hazırkı müqaviləsi 2027-ci ilin yayınadək qüvvədədir. O, cari mövsüm 46 matçda 20 qol və 2 məhsuldar ötürmə ilə yadda qalıb.

Gürcüstanın Qori şəhərində keçiriləcək böyüklər arasında Avropa Kubokunda Azərbaycanın 26 cüdoçusu mübarizə aparacaq.

Azərbaycan Cüdo Federasiyasından "Report"a verilən məlumata görə, idmançılar 9 çəki dərəcəsində (23 kişi, 3 qadın) ölkəni təmsil edəcəklər.

Kişilərdən Babarəhim Mirzəyev, Murad Əliyev, Murad Muradlı, Məhəmməd Məmişov, Şamo Hüseynov (hamısı 60 kq), Yaşar Nəcəfov, Hüseyn Allahyarov, Zahir Ağazadə, İslam Rəhimov, Nizami İmranov, Bəhram Qurbanlı, Elşən Əsədov, Nazir Talıbov (hamısı 66 kq), Nadir İmanov, Rüfət Şövlətov, Nəriman Mirzəyev, Elton İmranov (hamısı 73 kq), Xəyyam Əliyev (90 kq), Nihad Şıxəlizadə, Əjdər Bağırov, Şahin Əsədov, Elmar Qasımov (hamısı 100 kq), Qurban Məmmədli (+100 kq), qadınlardan Diana Tçkayeva (48 kq), Ülviyyə Bayramova (57 kq) və Madina Kaisinova (+78 kq) tatamiyə çıxacaqlar.

Heyətə kişilərdən ibarət yığmanın böyük məşqçiləri – Elçin İsmayılov və Robert Kravçik, qadınlardan ibarət yığmanın məşqçisi İmamverdi Məmmədov rəhbərlik edəcəklər.

Xatırladaq ki, turnir mayın 9-10-da baş tutacaq.

Boris Xetaqurov "50 il futbolda" kitabını yazarkən bütün ruhunu, qəlbini ora qoyub.

"Report"un məlumatına görə, Azərbaycanın əməkdar həkimi bu barədə jurnalistlərə açıqlamasında bildirib.

O bildirib ki, bu kitabı nəşr etdirmək ideyası birdən-birə ortaya çıxmayıb:

"Oturub ötən illərimi xatırlayırdım. "Neftçi" komandasında həkim kimi çalışdığım dövrləri, Azərbaycan millisindəki fəaliyyətimi yada salırdım. Dşündüm ki, bütün bu xatirələri, yaşanan hadisələri gələcək nəsillər üçün qoruyub saxlamaq lazımdır. Xatirələrimi toplamağa başladım, şəxsi arxivimdən istifadə etdim. Hələ 1960-cı illərdə fotoqrafiyaya həvəsim olduğu üçün öz əllərimlə çəkdiyim şəkilləri də üzə çıxartdım. Bütün bunlar çoxsəhifəli bir əlyazmaya çevrildi. Lakin bu xatirələri kitab formatına salmaq vaxtı gələndə çətinliklərlə üzləşdim. Müəyyən problemlər yarandı. Yaxın dostum, ən yaxşı tələbəm Faiq Hüseynovla birlikdə bir neçə quruma müraciət etdik, amma heç yerdən dəstək ala bilmədik. Açığı, artıq həvəsdən düşmüşdüm və bu işi yarımçıq qoymağı belə düşünürdüm".

O, daha sonra Gənclər və İdman Nazirliyinə müraciət etdiklərini vurğulayıb:

"Nazir, hörmətli Fərid Qayıbov bizə böyük dəstək göstərdi. Diqqət, qayğı və kömək gördük. Açıq deməliyəm ki, bu gün təqdimatı keçirilən kitabın nəşr olunması məhz nazirin dəstəyi sayəsində mümkün oldu. Buna görə ona səmimi minnətdaram. Kitabın necə alındığını, əlbəttə ki, oxucular qiymətləndirəcək. Amma bir şeyi deyə bilərəm ki, bu kitabı yazarkən bütün ruhumu, qəlbimi ora qoymuşam. "Neftçi"də keçirdiyim gənclik illəri, bu gün artıq veteran olan keçmiş futbolçular gözümün önündə canlanırdı. Necə alındığını oxucular deyəcək".

Boris Xetaqurov "50 il futbolda" kitabında xatirələrini bölüşüb.

"Report"un məlumatına görə, Azərbaycanın əməkdar həkimi bu barədə kitabın təqdimat mərasimində açıqlama verib.

O, tədbirə qatılan hər kəsə təşəkkürlərini çatdırıb:

"Uzun müddətdir ki, fəaliyyətim barədə kitab yazmaq istəyirdim. Keçmiş xatirələri burada bölüşmək qərarına gəldim. Bütün xatirələri qeyd etmişdim. Dostum Faiq Həsənovla birlikdə bu kitabı çap etmək qərarına gəldik. Bu barədə gənclər və idman naziri Fərid Qayıbova müraciət edəndə dərhal müsbət cavab aldıq və dəstək göstərdilər. Bir daha sizə təşəkkür edirəm. Bu, sizin dəstəyiniz sayəsində oldu".

O, daha böyük kütləyə çatması üçün kitabı iki dildə çap etdiklərini söyləyib:

"Futbol veteranlarına da təşəkkür edirəm. Onlar xatirələri yada salmaqda mənə kömək etdilər".

Azərbaycanın əməkdar həkimi Boris Xetaqurovun "50 il futbolda" kitabının təqdimatı keçirilib.

"Report"un məlumatına görə, tədbir Azərbaycan İdman Akademiyasında baş tutub.

Təqdimat mərasimində gənclər və idman naziri Fərid Qayıbov, veteran futbolçular və digər şəxslər iştirak ediblər.

İlk olaraq Boris Xeqaqurovun 50 illik karyerası haqqında məlumat verilib və videoçarx təqdim olunub.

Fərid Qayıbov çıxış edərək tədbir iştirakçılarını salamlayıb.

O, Boris Xetaqurovun öz sahəsində peşəkar olduğunu deyib:

"Belə tədbirlər veteranlar və gənclər üçün çox vacibdir. Veteranların təcrübələrini bölüşməsi önəmlidir. Bu kitabda çox maraqlı hadisələr əks olunub. Boris müəllim vaxtı ilə buradakı veteran oyunçulara da dəstək olub. Hamısını yaxından tanıyır. "Neftçi" kimi komandada illərdir çalışmaq onun üçün şərəfdir. Boris Xetaqurov milli komandamızda da çalışıb. Onun haqqında çox danışa bilərəm. İndiki dönəmdə də bəzi həkimlərə məsləhətlərini verir. İdman həkimi deyəndə hamı Boris Xetaqurovu yada salır. Sizə təşəkkür edirəm".

Milli Olimpiya Komitəsinin vitse-prezidenti Zemfira Meftaxetdinova İdmançının həyatında həkimlərin rolunun böyük olduğunu söyləyib:

"Böyük idmanda zədələr qaçılmazdır. Boris müəllimə can sağlığı və uzun ömür arzulayıram. Gənc nəsil üçün nümunəsiniz".

Veteran futbolçu, Futbol Veteranları İttifaqının sədri Oqtay Abdullayev Boris Xetaqurovun gəncliyini futbola həsr etdiyini vurğulayıb:

"Kitabın ərsəyə gəlməsində dəstək olduğu üçün Gənclər və İdman Nazirliyinə təşəkkür edirəm. 90 yaşında növbəti kitabı təqdim etməyinizi arzulayıram".

Digər veteran futbolçu Nazim Süleymanov B.Xetaqurovla bağlı xatirələrini bölüşüb:

"O, "Neftçi" ilə birlikdə tarixi nailiyyətlərə imza atıb. Ondan çox şey öyrənmişəm. 2004-cü ildə də bir komandada işləmişik. Belə gözəl insanla birlikdə çalışdıq. Bu gün Azərbaycan futbolunda, idmanında əlamətdar gündür. O, öz təcrübəsini kitabda bölüşüb. Boris Xetaqurov haqqında çox danışmaq olar. Ölkə idmanında həkimlərin də böyük əməyi var. Sizi təbrik edirəm və can sağlığı arzu edirəm".

"Real" azarkeşləri hücumçu Kilian Mbappenin İspaniya təmsilçisindən ayrılması tələbi ilə artıq 1 milyon 278 mindən çox imza toplayıblar.

"Report" ESPN-ə istinadən məlumat verir ki, fransalı forvardın klubu tərk etməsi üçün hazırlanan petisiya ("Mbappe Out") internetdə geniş yayılmaqdadır.

Azarkeşlər eyni zamanda futbolçunun qısamüddətli zədə dövründə İtaliyaya səfər etməsinə görə narazılıqlarını bildiriblər.

Mətbuatda yer alan xəbərlərə görə, hücumçunun intizam məsələləri ilə bağlı ciddi problemləri var. O, bir neçə dəfə komandanın tədbirlərinə gecikmə ilə gəlib və məşqlər zamanı klub əməkdaşlarına qarşı qeyri-etik davranış sərgiləyib.

Qeyd edək ki, Kilian Mbappe 2024-cü ildən "Real"ın heyətində çıxış edir.

16 yaşadək qızlardan ibarət Azərbaycan millisi Bakıda təşkil olunan UEFA İnkişaf Turnirində bu gün ilk oyununa çıxacaq.

"Report" xəbər verir ki, komanda Litvanın müvafiq yaş qrupundan ibarət kollektivi ilə qarşılaşacaq.

Görüş Binə stadionunda, Bakı vaxtı ilə saat 17:00-da başlanacaq.

Xatırladaq ki, U-16 mayın 8-də, eyni saatda Rumıniya, 11-də, saat 12:00-da isə Gürcüstanla üz-üzə gələcək.

Antonio Konte "Napoli"nin baş məşqçi postundan ayrıla bilər.

"Report" "II Mattino" nəşrinə istinadən xəbər verir ki, 56 yaşlı mütəxəssis tezliklə klub prezidenti Aurelio De Laurentislə görüşəcək.

Şərtləri yerinə yetirilməsə, A.Konte Neapol təmsilçisindən ayrılmaq niyyətindədir. O, bu məsələdə güzəştə getmək fikrində deyil.

Klub rəhbərliyi isə heyəti əhəmiyyətli dərəcədə yeniləməyi planlaşdırır.

Xatırladaq ki, Antonio Konte 2024-cü ildən "Napoli"də işləyir. O, 2024/2025 mövsümündə komanda ilə İtaliya A Seriyasının qalibi olub.

UEFA Çempionlar Liqasında ikinci finalçı müəyyənləşəcək.

"Report"un məlumatına görə, yarımfinal mərhələsinin ikinci cavab oyununda "Bavariya" Almaniyada Fransanın PSJ komandasını qəbul edəcək.

Qarşılaşma "Allianz Arena"da, Bakı vaxtı ilə saat 23:00-da start götürəcək. Oyunun baş hakimi portuqaliyalı Joau Pineyru olacaq.

Parisdəki ilk görüşdə meydan sahibləri qələbə qazanıb - 5:4.

Xatırladaq ki, cütün qalibi finalda İngiltərənin "Arsenal" klubu ilə üz-üzə gələcək. London klubu doğma meydanda İspaniyanın "Atletiko" kollektivini 1:0 hesabı (ilk oyun - 1:1) ilə üstələyib.

Azərbaycan kanoeçisi Tatyana Smilovenko Macarıstanın Seqed şəhərində keçiriləcək Dünya Kubokunun birinci mərhələsində iştirak edəcək.

Bu barədə "Report"a Azərbaycan Su İdman Növləri Federasiyasından məlumat verilib.

Yarış 2028-ci ildə Los-Ancelesdə təşkil olunacaq Yay Olimpiya Oyunlarına reytinq xalı verəcək.

Xatırladaq ki, kayak və kanoe üzrə Dünya Kuboku mayın 8-10-da təşkil olunacaq.

Futbol üzrə Azərbaycan millisi mayın 28-dən 30-dək Bakıda, iyunun 1-dən 10-dək isə Avstriyanın Bad-Valtersdorf şəhərində təlim-məşq toplanışında olacaq.

"Report" AFFA-nın rəsmi saytına istinadən xəbər verir ki, komanda Avstriya toplanışı zamanı iki yoldaşlıq oyunu keçirəcək.

Ayxan Abbasovun baş məşqçisi olduğu kollektiv iyunun 5-də Malta, 9-da isə San Marino yığması ilə qarşılaşacaq.

Oyunlar Macarıstanın Sombatxey şəhərində yerləşən Haladaş İdman Kompleksinin stadionunda keçiriləcək.

Hər iki qarşılaşmanın Bakı vaxtı ilə saat 22:00-da başlanması nəzərdə tutulur.

İyunun 27-də Bakıda keçiriləcək UFC turnirinin əsas döyüşündə Azərbaycan təmsilçisi Rafael Fiziyev meksiyalı Manuel Torreslə üz-üzə gələcək.

Bu barədə "Report"a Bakı Şəhər Halqasından məlumat verilib.

İkinci-əsas döyüşdə isə azarkeşləri ulduz döyüşçü Şarabutdin "Shara Bullet" Maqomedov ilə "dağıdıcı" döyüş tərzi ilə tanınan Michel Pereira arasında yüksək səviyyəli orta çəki qarşılaşması gözləyir.

UFC-nin Azərbaycandakı debüt uğurundan sonra təşkilatın regiona yenidən qayıtması Bakının dünya səviyyəli idman tədbirləri və beynəlxalq yarışlar üçün aparıcı məkan kimi mövqeyini daha da möhkəmləndirir.

Qeyd edək ki, Rafael "Ataman" Fiziev (13-5, Bakı, Azərbaycan) hazırda yüngül çəki divizionunda 11-ci pillədə qərarlaşıb və özünəməxsus dünya səviyyəli zərbə texnikası ilə doğma arenada qələbə qazanaraq çempionluq mübarizəsinə geri dönməyi hədəfləyir. Onun rəqibi isə Meksikanın Tijuana şəhərindən olan, UFC-dəki bütün qələbələrini nokautla qazanan və 100 faiz finiş göstəricisinə sahib Manuel "Loco" Torresdir (17-3).

UFC FIGHT NIGHT BAKU döyüş gecəsi qlobal platformalarda canlı yayımlanacaq və milyonlarla tamaşaçı tərəfindən izlənəcək. Yerli azarkeşlər isə Bakıdakı möhtəşəm döyüş gecəsini canlı izləmək imkanı əldə edəcəklər.

Bilet satışı tezliklə başlayacaq. Bütün yeniliklərdən xəbərdar olmaq və biletlərə erkən çıxış imkanı əldə etmək üçün azarkeşlərə UFC.com/Baku ünvanında qeydiyyatdan keçmələri tövsiyyə edilir.

Həmçinin, UFC FIGHT NIGHT BAKU ilə bağlı ən son yenilikləri @fightnightbaku səhifəsindən izləyə bilərsiniz.

Misli Premyer Liqasının XXX turunda "Turan Tovuz"la oyunda zədələnən Musa Qurbanlının durumuna aydınlıq gəlib.

Bu barədə "Report"un sorğusuna cavab olaraq Ağdam təmsilçisinin Kommunikasiya departamentinin rəhbəri Anar Hacıyev məlumat verib.

Onun sözlərinə görə, hücumçu dizindən zədə alıb:

"2-3 həftə dizindən müalicə alacaq. Ondan sonra məşqlərə başlaya biləcək".

Xatırladaq ki, "Qarabağ" sözügedən matçda rəqibini 2:1 hesabı ilə üstələyib. Misli Premyer Liqasında mövsümə mayın 24-də yekun vurulacaq.

İspaniyanın "Real" klubu Portuqaliya təmsilçisi "Portu"da çıxış edən qapıçı Dioqu Koştanı heyətinə qatmaq istəyir.

"Report" "Fichajes" nəşrinə istinadən xəbər verir ki, Madrid komandası 26 yaşlı qolkiperi Tibo Kurtuaya əvəzləyici kimi görür.

"Kral klubu" Portuqaliya millisinin üzvü üçün qarşı tərəfə 50 milyon avro təklif etməyə hazırdır. Rəhbərlik Koştanın Kurtuanı layiqli şəkildə əvəz edə biləcəyinə inanır.

Xatırladaq ki, "Portu"nun yetirməsi 2019-cu ildən əsas komandada çıxış edir. Komanda ilə üç dəfə Premyer Liqada qızıl mükafata sahib çıxan Koşta Portuqaliya yığmanın heyətində UEFA Millətlər Liqasının qalibi olub.

Gənc cüdoçulardan ibarət Azərbaycan millisi Türkiyənin İstanbul şəhərində keçirilən beynəlxalq təlim-məşq toplanışına qatılıb.

Bu barədə "Report"a Azərbaycan Cüdo Federasiyasından məlumat verilib.

Avropa Cüdo Birliyinin təşkilatçılığı ilə keçirilən hazırlıq prosesində 45 cüdoçumuz (33 oğlan, 12 qız) iştirak edir.

Kollektivə gənc oğlanlardan ibarət yığmanın baş məşqçisi Rüstəm Alimli, məşqçi Elxan Rəcəbli, qadınlardan ibarət yığmanın böyük məşqçisi Saşa Herkenrat-Vimar rəhbərlik edirlər.

Qarşıdakı yarışlara hazırlıq xarakteri daşıyan toplanış sabah başa çatacaq.

Azərbaycanda seleksiya əsasında seçilmiş 14 yaşadək oğlan voleybolçular üçün təlim-məşq toplanışına start verilib.

"Report" Azərbaycan Voleybol Federasiyasının mətbuat xidmətinə istinadən xəbər verir ki, hazırlıq prosesi Abşeron Olimpiya İdman Kompleksində başlayıb.

Bir ay davam edəcək toplanışa ümumilikdə 16 idmançı cəlb olunub. Məşqlərə yeniyetmə və gənc oğlanlardan ibarət milli komandanın baş məşqçisi Cahangir Seyed Abbasi rəhbərlik edir.

Toplanış müddətində özünü yaxşı tərəfdən göstərən idmançıların müvafiq yaş qrupları üzrə milli komandalara dəvət olunması nəzərdə tutulub.

Qeyd edək ki, təlim-məşq proqramına uyğun olaraq, həm fiziki, həm də texniki hazırlıq üzrə məşqlər həyata keçirilir.

Stolüstü tennis üzrə ölkə birinciliyinə start verilib.

Azərbaycan Stolüstü Tennis Federasiyasından "Report"a verilən məlumata görə, "Şüa İdman Kompleksi"ndə keçirilən yarışda U-19 və U-15 yaş qrupları üzrə idmançılar bacarıqlarını göstərirlər.

4 gün davam edəcək birincilikdə Bakı ilə yanaşı, müxtəlif şəhər və rayonlardan 120-dən artıq stolüstü tennisçi qələbə uğrunda mübarizə aparır.

Qaliblər komanda, şəxsi, qoşa və qarışıq-qoşa növlərində müəyyənləşəcək. Ölkə birinciliyində fəxri kürsüyə qalxan idmançılara Gənclər və İdman Nazirliyinin diplom və medalları, həmçinin Azərbaycan Stolüstü Tennis Federasiyasının hədiyyələri təqdim olunacaq.

Azərbaycan taekvondoçuları Gürcestanda keçirilmiş "Georgian Liga Open" turnirində dörd medal qazanıblar.

Bu barədə "Report"a Azərbaycan Taekvondo Federasiyasından məlumat verilib.

Masallı taekvondo klubunun üzvlərindən kiçik yeniyetmələr arasında Ayan Əliyeva (27 kq) qızıl, Yunis Həşimli (24 kq) və Əli Əliyev (27 kq) bürünc mükafata sahib çıxıblar.

Yeniyetmələr arasında yarışda isə Zaur Rəsulzadə (45 kq) fəxri kürsünün üçüncü pilləsində yer alıb.

Azərbaycan Cüdo Federasiyasının (ACF) təşkilatçılığı ilə iyunda I səviyyə məşqçi sertifikatlaşdırma kursları keçiriləcək.

Bu barədə "Report"a ACF-dən məlumat verilib. Bildirilib ki, kurs nəzəri və praktiki hissələrdən ibarət olacaq və "IJF Academy"yə müraciət etmək istəyənlər mütləq kursdan keçməlidirlər.

Azərbaycan Cüdo Federasiyasındakı tədbirin nəzəri hissəsi iyunun 1-6-sı, praktiki hissəsi isə 22-26-sı aralığında baş tutacaq.

İngiltərənin "Arsenal" klubu İspaniya təmsilçisi "Real"ın futbolçusu Endrik üçün 100 milyon avro ödəməyə hazırdır.

"Report" "Fichajes" nəşrinə istinadən xəbər verir ki, "topçular" hazırda icarə əsasında Fransanın "Lion" klubunda çıxış edən hücumçunu heyətinə qatmaq niyyətindədir.

London təmsilçisinin baş məşqçisi Mikel Arteta 19 yaşlı forvardın komandada rəqabəti artıracağına inanır.

Gənc oyunçu 2024-cü ilin yayında "Palmeyras"dan 47,5 milyon avroya "Real"a transfer olunub. Az forma şansı əldə edən futbolçu qışda "Lion"a icarəyə verilib.

Xatırladaq ki, Endrik Liqa 1-də 19 oyunda 8 qol və 7 məhsuldar ötürmə ilə yadda qalıb.

Beynəlxalq dərəcəli hakim-inspektor Babək Quliyev UEFA-dan dəvət alıb.

"Report" AFFA-nın rəsmi saytına istinadən xəbər verir ki, o, Almaniyanın paytaxtı Berlində keçiriləcək hakim-inspektorlar üçün seminara qatılacaq.

Mayın 11-dən 13-dək təşkil olunacaq tədbirdə Avropanın müxtəlif ölkələrindən 70 UEFA hakim-inspektorunun iştirakı nəzərdə tutulur.

İspaniya millisinin futbolçusu Ferran Torresin "Barselona" klubundakı gələcəyi qeyri-müəyyəndir.

"Report" yerli AS nəşrinə istinadən xəbər verir ki, Kataloniya təmsilçisi ilə hücumçu arasında müqavilənin müddətinin uzadılması ilə bağlı danışıqlar dayandırılıb.

Klub 26 yaşlı oyunçunun sözləşməsinin müddətini yeniləməmək qərarına gəlib.

Xatırladaq ki, F.Torresin hazırkı müqaviləsi 2027-ci ilin yayınadək qüvvədədir. O, cari mövsüm 46 matçda 20 qol və 2 məhsuldar ötürmə ilə yadda qalıb.

Leandro Andrade "Qarabağ"ın heyətində bütün turnirlər nəzərə alınmaqla 60-cı qolunu vurub.

"Report" Peşəkar Futbol Liqasının rəsmi saytına istinadən xəbər verir ki, yarımmüdafiəçinin yubileyi Misli Premyer Liqasının XXX turunun "Turan Tovuz"la ev qarşılaşmasına (2:1) təsadüf edib.

L.Andrade 60-cı qolunu Ağdam klubunda çıxdığı 211-ci matçında vurub. O, Premyer Liqada 45 (135 oyunda), ölkə kubokunda 2 (20 oyunda), avrokuboklarda 13 (56 qoyunda) qola imza atıb.

Qeyd edək ki, Leandro Andrade "Qarabağ"da ilk qolunu 2022-ci aprelin 2-də "Səbail"lə (5:1) çempionat görüşündə vurub.

Misli Premyer Liqasının XXX turu "Kəpəz"in futbolçusu Rauf Hüseynlinin 4 dəqiqəyə iki qol vurması ilə əlamətdar olub.

"Report" Peşəkar Futbol Liqasının rəsmi saytına istinadən xəbər verir ki, "Sumqayıt"la ev oyununda (2:1) fərqlənən futbolçu bununla da mövsümün rekordunu təkrarlayıb.

86-cı və 89-cu dəqiqələrdə qol sevinci yaşayan oyunçuya qədər yalnız Leandro Andrade matçın bir hissəsində belə qısa müddətdə dubl müəllifi olub. "Qarabağ"ın portuqaliyalı yarımmüdafiəçisi "Araz-Naxçıvan"la martın 8-də keçirilən qarşılaşmada (6:0) 33-cü və 36-cı dəqiqələrdəki qolları ilə dublunu rəsmiləşdirib.

Leandrodan fərqli olaraq Hüseynli hər iki qolu penaltidən vurub. O, cari mövsümdə bir matçda 2 dəfə 11 metrlik nöqtədən dəqiq olan 4-cü futbolçudur. Onadək Aleksandr Ramalinqom ("Sumqayıt") və Coy Lens Mikels ("Sabah") penaltilərlə dubl edib, Toral Bayramov ("Qarabağ") het-trik etdiyi qarşılaşmada iki dəfə "ağ nöqtə"dən fərqlənib. Raufa qədər Ramalinqom daha qısa müddətdə - 12 dəqiqədə iki penalti zərbəsini qola çevirmişdi. O, "Karvan-Yevlax"la ötən il oktyabrın 18-də keçirilən matçın (4:1) 54-cü və 65-ci dəqiqələrində fərqlənib.

Almaniyanın "Şalke 04" klubu futbolçusu Edin Cekonu heyətində saxlamaq niyyətindədir.

"Report" insayder Nikolo Skiraya istinadən xəbər verir ki, Bundesliqaya vəsiqə qazanan komanda 40 yaşlı hücumçunun müqaviləsinin müddətini 2027-ci ilin yayınadək uzatmaq istəyir.

Bosniya və Herseqovina millisinin üzvü dünya çempionatından sonra karyerası ilə bağlı qərar verəcəyini açıqlamışdı.

Xatırladaq ki, Edin Ceko cari mövsüm II Bundesliqada (766 dəqiqə) 6 qol və 3 məhsuldar ötürmə ilə yadda qalıb.

Azərbaycan Kubokunun final oyununun biletləri satışa çıxarılıb.

Bu barədə "Repor"a Peşəkar Futbol Liqasından məlumat verilib.

"Sabah" – "Zirə" qarşılaşmasının biletlərini bu gündən etibarən "iticket.az" saytından əldə etmək mümkündür. Matçın biletlərinin qiymətiləri yerlərdən asılı olaraq 5, 10, 15, 20, 30 və 50 ("VIP Gold") manatdır.

Xatırladaq ki, oyun mayın 13-də "Palms Sports Arena"da, saat 20:00-da start götürəcək.

Azərbaycan Basketbol Liqasının qalibi bu gün bəlli ola bilər.

"Report"un məlumatına görə, turnirin final seriyasının üçüncü oyununda "Sabah" "Abşeron Lions"la üz-üzə gələcək.

Qarşılaşma Bakı İdman Sarayında, saat 19:00-da start götürəcək.

"Sabah" qələbə qazanacağı təqdirdə ölkə çempionu adına sahib çıxacaq. Bakı təmsilçisi əvvəlki iki görüşdə rəqibini məğlub edib - 98:93, 112:84.

Xatırladaq ki, reqlamentə əsasən, final seriyasında üç qələbəyə çatan kollektiv Azərbaycan Basketbol Liqasının qalibi olacaq.

UEFA Çempionlar Liqasında ilk finalçı müəyyənləşəcək.

"Report"un məlumatına görə, yarımfinal mərhələsinin cavab oyununda İspaniyanın "Atletiko" komandası bu gün İngiltərədə "Arsenal"ın qonağı olacaq.

Qarşılaşma "Emireyts" stadionunda, Bakı vaxtı ilə saat 23:00-da start götürəcək.

İlk görüşdə qalib müəyyənləşməyib - 1:1

Xatırladaq ki, digər finalçı mayın 6-da bəlli olacaq. "Bavariya" Almaniyada Fransanın PSJ kollektivi ilə münasibətlərə aydınlıq gətirəcək. Birinci qarşılaşmada parislilər sevinən tərəf olublar - 5:4.

Misli Premyer Liqasında XXX tura bu gün yekun vurulacaq.

"Report"un məlumatına görə, son oyun günündə bir matç keçiriləcək.

"Neftçi" "Karvan-Yevlax"ın qonağı olacaq.

Qarşılaşma Yevlax şəhər stadionunda, saat 16:00-da start götürəcək.

"Neftçi" hazırda 47 xalla beşinci pillədə qərarlaşıb. Sonuncu - 12-ci sıradakı "Karvan-Yevlax"ın 14 xalı var.

Xatırladaq ki, daha əvvəl "Kəpəz" "Sumqayıt"ı (2:1), "İmişli" "Araz-Naxçıvan"ı (1:0) "Sabah" "Şamaxı"nı (3:0), "Zirə" "Qəbələ"ni (1:0), "Qarabağ" isə "Turan Tovuz"u (2:1) məğlub edib.

AFFA Apellyasiya Arbitraj Tribunalı "Neftçi" klubunun bir şikayətini təmin etməyib.

"Report" xəbər verir ki, bu barədə milli assosiasiyanın rəsmi saytı məlumat yayıb.

AFFA İntizam Komitəsinin martın 11-də azarkeşlərin təhqiramiz ifadələr səsləndirməsinə görə klubu cərimələməsi barədə qərarı qüvvədə saxlanılıb. Fanatlar Misli Premyer Liqasında "Turan Tovuz"la görüşdə hakimləri təhqir etdiyi üçün "ağ-qaralar" 8 000 manat ziyana düşüb.

Bundan əlavə, Bakı təmsilçisinin daha bir şikayətinə baxılması təxirə salınıb. Komanda tərəfləri təhqiredici pankart açdığına görə klub 15 000 manat cərimə edilmişdi.

Bildirilib ki, bu qərar verilmiş şikayətə baxılması əlavə sübutların toplanılması və tədqiq edilməsi zəruriliyi baxımından təxirə salınıb.

İtaliyanın "İnter" klubu futbolçusu Alessandro Bastoninin komandadakı taleyi ilə bağlı qərar verib.

"Report" yerli mətbuata istinadən xəbər verir ki, Milan təmsilçisinin prezidenti Cüzeppe Marotta 25 yaşlı müdafiəçini satmaq niyyətində olmadıqlarını bildirib.

Funksioner oyunçu ilə bağlı heç bir rəsmi təklif almadıqlarını da vurğulayıb:

"Bastoni hazırda bizim futbolçumuzdur. O, qalmaq istəyir və biz onu klubda saxlamaqdan məmnunuq".

Xatırladaq ki, Alessandro Bastoni cari mövsüm bütün turnirlərdə 38 oyuna çıxıb, 2 qol və 6 məhsuldar ötürmə ilə yadda qalıb.

Çövkən üzrə Azərbaycan millisi Bakıda keçiriləcək dünya çempionatına hazırlıq məqsədilə Bakıda təlim-məşq toplaşına başlayır.

Bu barədə "Report"un sorğusuna cavab olaraq Azərbaycan Respublikası Atçılıq Federasiyasından bildirilib.

Hazırlıq prosesinin birinci mərhələsi mayın 5-20-si aralığını əhatə edəcək.

Bildirilib ki, bu mərhələdə bərabərlik prinsipinə uyğun olaraq Peşəkar Çövkən Liqasında iştirak edən komandaların hərəsi ən güclü 2 idmançısını yığmanın baş məşqçisi Əli Tatlıyevin ixtiyarına göndərib.

Bu isə yığmanın qapılarının bütün komanda və idmançıların üzünə açıq olması, onlar üçün şans deməkdir. Toplanışın gedişi zamanı özünü doğrultmağı bacarmayan idmançılar başqaları ilə əvəzlənəcək.

May ayının 20-də təlim-məşq toplanışının birinci mərhələsi yekunlaşacaq. Baş məşqçi 20 nəfərlik heyətdən ən güclü 10 nəfəri təsdiqləyib onlarla dünya çempionatına hazırlaşacaq.

Xatırladaq ki, dünya çempionatı iyunun 7-13-ü aralığında Binə Atçılıq Mərkəzində keçiriləcək.

İspaniyanın "Vilyarreal" komandası mövsümün sonunda baş məşqçisi Marselino Qarsiya Toralla yollarını ayıracaq.

"Report" xəbər verir ki, bu barədə La Liqa təmsilçisinin mətbuat xidməti məlumat yayıb.

Klub 2023-cü ildən komandada işləyən 60 yaşlı mütəxəssislə əməkdaşlığı davam etdirməyəcək.

Xatırladaq ki, 2013-cü ildən 2016-cı ilədək "Vilyarreal"ın baş məşqçisi olmuş Marselino 2023-cü ildə kluba qayıtmışdı. O, klub tarixində ən çox oyun keçirən mütəxəssis olmaqla yanaşı, baş məşqçilər arasında qələbə rekorduna (145) da sahibdir.

"Vilyarreal" hazırda La Liqada 68 xalla üçüncü pillədə qərarlaşıb.

İspaniyanın "Barselona" klubu "Kamp Nou" stadionunun əsaslı yenidənqurmasının başa çatmasından sonra ciddi maliyyə dəstəyi əldə etməyə hazırlaşır.

"Report" "Cadena Ser"ə istinadən məlumat verir ki, Kataloniya təmsilçisi arenanın tamaşaçı tutumunu 105 minə çatdırmaqla hər il 80 milyon avroya qədər əlavə gəlir qazana biləcək.

Modernləşdirmə layihəsinin əsas komponentlərindən biri VIP lojalarının da yerləşdirilməsi nəzərdə tutulan üçüncü mərtəbənin inşası olacaq. Onlar katalonlar üçün yeni gəlir mənbəyinə çevriləcək.

Ümumiyyətlə, son ölkə çempionu təmir olunmuş stadionunun illik gəlirini təqribən 350 milyon avro artıracağını gözləyir. Komanda növbəti mövsümün sonunadək arenanın tam gücü ilə fəaliyyət göstərməsini planlaşdırır, lakin təmirin maksimum maliyyə effekti 2028-ci ildən əvvəl özünü büruzə verməyəcək.

Bu il Bakıda keçiriləcək "Formula 1" üzrə Azərbaycan Qran-prisi üçün könüllülərin qeydiyyatı başlanıb.

Bu barədə "Report"a Bakı Şəhər Halqası Əməliyyat Şirkətindən məlumat verilib.

Könüllülər üçün minimum yaş həddi 16 yaşdır.

Bildirilib ki, xarici dil biliklərinə malik namizədlərə seçim prosesində üstünlük veriləcək.

2025-ci ildə rekord sayda – 30 mindən çox müraciət qeydə alınıb, onlardan yalnız 2 min könüllü seçilib ki, bu da proqramın yüksək rəqabət səviyyəsini göstərir.

Qeyd edək ki, Azərbaycan Qran-prisi sentyabrın 24-26-da baş tutacaq.

İngiltərənin "Liverpul" klubu İspaniya təmsilçisi "Barselona"da çıxış edən Runi Bardaqjini heyətinə qatmaq üçün təklif hazırlayır.

"Report" "Fichajes" nəşrinə istinadən xəbər verir ki, Mersisayd təmsilçisi 20 yaşlı futbolçu üçün 45 milyon avro ödəməyə hazırdır.

İsveç millisinin üzvü Kataloniya komandasında az forma şansı əldə etməsindən narazıdır. "Qırmızılar" isə bundan istifadə etməyi planlaşdırır. "Liverpul" onun qiymətinin kəskin şəkildə artacağından ehtiyatlanaraq dünya çempionatından əvvəl müqavilə imzalamaq istəyir.

Xatırladaq ki, Runi Bardaqji cari mövsüm 26 oyunda 2 qol və 4 məhsuldar ötürmə ilə yadda qalıb.

İtaliyalı Yannik Sinner 2016-cı ildən bəri 14000-dən çox reytinq xalı qazanan ilk tennisçi olub.

"Report"un məlumatına görə, 24 yaşlı idmançı buna İspaniyanın paytaxtı Madriddə keçirilmiş "Masters" turnirinin qalibi olmaqla nail olub.

O, hazırda ATP reytinqində 14350 xalla liderdir.

Xatırladaq ki, 14000 xala çatan sonuncu tennisçi serbiyalı Novak Cokoviç olub. O, 2016-cı ilin oktyabrında açıqlanan reytinqdə 14040 xal toplamışdı.

Azərbaycan təmsilçiləri Almaniyanın Münhen şəhərində keçirilən kapoeyra üzrə "Bimba Open 2026" beynəlxalq Avropa turnirində üç medal qazanıblar.

Bu barədə "Report"a Gənclər və İdman Nazirliyindən məlumat verilib.

Yeniyetmələrin mübarizəsində Mehriban Hacıbabayeva qızıl, Rəsul Muradlı bürünc mükafata sahib çıxıblar.

Gənclər kateqoriyasında isə Raul Hüseynov qızıl medal qazanıb.

Mayın 12–13-də Ümummilli Lider Heydər Əliyevin xatirəsinə həsr olunmuş badminton turniri keçiriləcək.

Bu barədə "Report"a Azərbaycan Badminton Federasiyasından məlumat verilib.

2012–2013-cü il təvəllüdlü idmançılar (U-15) arasında təşkil olunacaq yarış Quba Olimpiya İdman Kompleksində baş tutacaq.

Bakıda keçiriləcək çövkən üzrə dünya çempionatında iştirak edəcək bütün ölkələr müəyyənləşib.

Bu barədə "Report"un sorğusuna cavab olaraq Beynəlxalq Çövkən Federasiyasından bildirilib.

Son olaraq xüsusi dəvətlə Küveytin yarışa qatılacağı təsdiqlənib.

Turnirdə təşkilatçı Azərbaycanla yanaşı, Avropa zonasından Polşa, Malta, Afrikadan Nigeriya, Qana, Asiyadan Özbəkistan, Qazaxıstan, Cənubi Amerikadan isə Uruqvay və Çili yığmaları mübarizə aparacaq.

Xatırladaq ki, dünya çempionatı iyunun 7-13-ü aralığında Binə Atçılıq Mərkəzində keçiriləcək.

İngiltərənin "Mançester Siti" klubu futbolçusu Fil Fodenlə müqavilənin müddətini uzatmaq üçün danışıqlara start verib.

"Report" yerli mətbuata istinadən xəbər verir ki, "şəhərlilər" 25 yaşlı yarımmüdafiəçini heyətdə saxlamaq niyyətindədir.

Tərəflər arasında danışıqlar ilkin mərhələdədir.

İngiltərə millisinin üzvünün hazırkı sözləşməsi 2027-ci ilin yayınadək qüvvədədir.

Xatırladaq ki, F.Foden cari mövsüm bütün yarışlarda 45 oyuna 10 qol və 5 məhsuldar ötürmə ilə yadda qalıb.

Azərbaycan Şahmat Federasiyasının (AŞF) rəhbərliyi yeniyetmə və gənclərdən ibarət yığmalarda çıxış edən şahmatçıların valideynləri ilə görüş keçirib.

AŞF-dən "Report"a verilən məlumata görə, toplantıda qurumun prezidenti Mahir Məmmədov federasiya tərəfindən şahmatçılara təqdim olunan dəstək proqramı barədə məlumat verib.

AŞF rəhbəri istedadlı uşaqların erkən yaşlardan aşkarlanması və inkişafdan geri qalmamasının diqqətdə saxlanıldığını qeyd edib.

Yeniyetmə və gənc şahmatçılardan ibarət yığmaların baş məşqçisi Nicat Məmmədov dəstək layihəsinə seçim, hazırlıq proqramından danışıb. İclasda iştirak edən məşqçi Fərid Abbasov və AŞF-nin baş katibi İlahə Qədimova şahmatçıların hazırlığında valideynlərin xüsusi rolunun olduğunu vurğulayıb.

Tədbirdə uşaqların düzgün qidalanması və hazırlıq vaxtının səmərəli istifadəsinin vacibliyi barədə danışılıb.

Görüşün sonunda AŞF rəhbərliyi və məşqçilər valideynlər tərəfindən səsləndirilən sualları cavablandırıb.

Braziliya millisinin sabiq futbolçusu Halkın (Givanildo Souza) karyerasını hansı klubda davam etdirəcəyi bəlli olub.

"Report" insayder Fabritsio Romanoya istinadən xəbər verir ki, "Atletiko Mineyro"dan ayrılan 39 yaşlı hücumçu "Fluminense"də çıxış edəcək.

Mümkün transferin təfərrüatları hələlik açıqlanmayıb.

Xatırladaq ki, mayın 2-də klubla vidalaşan Halk 2021-ci ildən "Atletiko Mineyro"da çıxış edib. O, bu müddət ərzində bütün yarışlarda 309 oyuna 140 qol və 56 məhsuldar ötürmə ilə yadda qalıb. Portuqaliyada "Portu", Rusiyada "Zenit" kimi komandaların da formasını geyinmiş futbolçu Yaponiya və Çində də legioner həyatı yaşayıb.

Misli Premyer Liqasında XXX turun daha bir oyunu bu gün keçiriləcək.

"Report"un məlumatına görə, "Qarabağ" "Turan Tovuz"la münasibətlərə aydınlıq gətirəcək.

Qarşılaşma Tofiq Bəhramov adına Respublika stadionunda, saat 19:30-da start götürəcək. Görüşün baş hakimi Rəşad Əhmədov olacaq.

Çempionluq şansını itirən Ağdam təmsilçisi 59 xalla ikinci pillədə qərarlaşıb. Tovuz klubu 56 xalla üçüncü sıradadır.

Xatırladaq ki, tura mayın 5-də "Karvan-Yevlax" - "Neftçi" matçı ilə yekun vurulacaq. Daha əvvəl "Kəpəz" "Sumqayıt"ı (2:1), "İmişli" "Araz-Naxçıvan"ı (1:0), "Sabah" "Şamaxı"nı (3:0), "Zirə" "Qəbələ"ni məğlub edib.

Misli Premyer Liqasında XXX turun daha bir oyunu keçirilib.

"Report"un məlumatına görə, günün ikinci matçında "Zirə" "Qəbələ"ni qəbul edib.

Zirə Olimpiya İdman Kompleksinin stadionundakı qarşılaşma meydan sahiblərinin qələbəsi ilə yekunlaşıb - 1:0.

78-ci dəqiqədə Martins Junior fərqlənib.

Qələbə sayəsində xallarının sayını 49-a çatdıran "Zirə" dördüncü pillədə qərarlaşıb. "Qəbələ" 20 xalla 11-ci sıradadır.

Günün ilk matçında "Sabah" "Şamaxı"nı üç cavabsız qolla üstələyib.

Qeyd edək ki, tura mayın 4-də yekun vurulacaq. Ötən gün "Kəpəz" "Sumqayıt"ı 2:1, "İmişli" "Araz-Naxçıvan"ı 1:0 hesabı ilə üstələyib.

Misli Premyer Liqasında XXX turun daha iki oyunu bu gün keçiriləcək.

"Report"un məlumatına görə, ilk olaraq çempionluğunu rəsmiləşdirən "Sabah" "Şamaxı"nın qonağı olacaq.

Şamaxı şəhər stadionundakı qarşılaşma saat 16:00-da start götürəcək.

Birinci pillədəki "Sabah"ın 72, meydan sahiblərinin 35 xalı var.

Günün ikinci matçında "Zirə" "Qəbələ"ni qəbul edəcək.

Zirə İdman Kompleksinin stadionundakı görüş saat 18:30-da başlayacaq. "Qartallar" 46 xalla beşinci, "Qəbələ" 20 xalla 11-ci pillədə qərarlaşıb.

Qeyd edək ki, tura mayın 4-də yekun vurulacaq. Ötən gün "Kəpəz" "Sumqayıt"ı 2:1, "İmişli" "Araz-Naxçıvan"ı 1:0 hesabı ilə üstələyib.

Sumqayıtın "Odlar Yurdu" komandası AFFA U-12 Liqasından kənarlaşdırılıb.

"Report" xəbər verir ki, bu barədə milli assosiasiyanın İntizam Komitəsi qərar çıxarıb.

Komandanın "Məhəllə uşaqları" (Sumqayıt) ilə matçı heyətlərində yetərsay olmadığı üçün baş tutmayıb. "Odlar Yurdu" 0:3 hesablı texniki məğlubiyyət alıb və bu hal üçüncü dəfə təkrarlandığına görə turnirdən uzaqlaşdırılıb.

Bundan əlavə, AFFA U-15 Liqasında "Xudat City" komandası "Karvan-Yevlax"la görüşə çıxmaqdan imtina etdiyinə görə 0:3 hesablı texniki məğlubiyyətlə üzləşib.

AFFA İntizam Komitəsi "Sumqayıt" klubunu 12 500 manat cərimələyib.

"Report" milli assosiasiyanın rəsmi saytına istinadən xəbər verir ki, buna Misli Premyer Liqasının XXIX turunda "İmişli" ilə matçda yaşananlar səbəb olub.

"Gənclik şəhəri" təmsilçisinin formasında qüsurlar olduğu üçün görüş gec başlayıb. Klub buna görə 1 500 manat ziyana düşüb.

Komandanın azarkeşləri tərəfindən futbolçularının ünvanına kütləvi şəkildə təhqiramiz ifadələr səsləndirildiyinə görə kluba 8 000 manat cərimə kəsilib. Bu hal mövsümdə dördüncü dəfə təkarlanıb. Bundan əlavə, "kimyaçılar"ın fanatları pirotexniki vasitədən istifadə etdiyinə görə klub 3 000 manat ödəməli olacaq.

"İmişli" isə beş nəfər sarı vərəqə aldığı üçün 700 manat cərimələnib. "Kəpəz" də "Şamaxı" ilə qarşılaşmada beş nəfər sarı vərəqə ilə cəzalandığına görə eyni məbləği ödəyəcək.

İntizam Komitəsi "Sabah" klubunu 7 500 manat cərimələyib. "Karvan-Yevlax"la qarşılaşmanın 64-cü dəqiqədə birbaşa qırmızı vərəqə görən Aleksey İsayev 2 oyunluq cəza ilə üzləşib və "bayquşlar"ı 1 000 manat ziyana salıb. Matç bitdikdən sonra meydana kənar şəxs daxil olduğuna və bu hal mövsümdə üçüncü dəfə təkrarlandığına görə "Sabah" əlavə olaraq 6 500 manatından keçəcək.

"Karvan-Yevlax"da ikinci sarı vərəqəni alaraq meydandan qovulan Qavi Tompsona 1 matçlıq cəza, bölgə təmsilçisinə isə 500 manat cərimə tətbiq olunub.

"Neftçi" klubu 13 min manat cərimələnib.

"Report" xəbər verir ki, buna Misli Premyer Liqasının XXIX turunda "Qarabağ"la oyunda yaşananlar səbəb olub.

Matçın 90+3-cü dəqiqəsində komandanın azarkeşləri tərəfindən meydana kənar əşyalar atılıb. Bu hal cari mövsümdə altıncı dəfə təkrarlandığına görə "ağ-qaralar" 5 000 manat ödəyəcək.

Bundan əlavə, fanatlar kütləvi şəkildə təhriqamiz ifadələr səsləndirdikləri üçün klubu 8 000 manat ziyana salıblar. Bu hal mövsümdə səkkizinci dəfə yaşanıb.

"Qarabağ" isə tərəfdarların pirotexniki vasitədən istifadəsinə görə 7 000 manat cərimələnib.

Mayın 3-də Azərbaycan Cüdo Federasiyasının (ACF) təşkilatçılığı ilə Qazaxda kəmər dərəcələri üzrə rəsmi imtahan keçiriləcək.

Bu barədə "Report"a ACF-dən məlumat verilib.

Qazax Olimpiya İdman Kompleksində baş tutacaq imtahan 7 yaşdan yuxarı cüdo ilə məşğul olan hamı üçün açıqdır.

Kəmər seçimi müvafiq yaş uyğunluğuna əsasən aparılacaq. İmtahanı uğurla keçən namizədlərə ACF tərəfindən müvafiq kəmər və sertifikat təqdim ediləcək.

Qeyd edək ki, bu ildən etibarən kəmər dərəcəsi olmayan idmançıların yarışlarda iştirakına icazə verilməyəcək.

İtaliyanın "Atalanta" klubunun baş məşqçisi Raffaele Palladinonun vəzifəsində qalıb-qalmayacağı sual altındadır.

"Report" yerli mətbuata istinadən xəbər verir ki, klub rəhbərliyi son nəticələrdən narazıdır.

Onlar mövsümün sonunda baş məşqçi dəyişikliyini ciddi şəkildə nəzərdən keçirirlər.

42 yaşlı mütəxəssis ötən ilin noyabrında bu posta təyinat alıb və ikiillik müqavilə imzalayıb.

Xatırladaq ki, bütün yarışlarda son 12 oyunda cəmi iki qələbə qazanan "Atalanta" hazırda İtaliya A Seriyasında 54 xalla 7-ci pillədə qərarlaşıb.

AFFA-nın vitse-prezidenti və İcraiyyə Komitəsinin üzvü Könül Mehdiyeva növbəti təyinat alıb.

"Report" milli assosiasiyanın rəsmi saytına istinadən xəbər verir ki, o, qadınlar arasında UEFA Çempionlar Liqasının yarımfinal mərhələsində keçiriləcək "Barselona" (İspaniya) – "Bavariya" (Almaniya) oyununun UEFA nümayəndəsi olacaq.

Xatırladaq ki, görüş mayın 3-də Barselona şəhərində yerləşən "Nou Kamp" stadionunda keçiriləcək.

Argentina millisinin üzvü Franko Mastantuono İspaniyanın "Real" klubundan ayrılmağı planlaşdırır.

"Report" "Defensa Central" nəşrinə istinadən xəbər verir ki, 18 yaşlı futbolçu Madrid təmsilçisində az forma şansı əldə etdiyi üçün narazıdır.

O, "Kral klubu"ndakı ilk mövsümündən sonra daha çox oynamaq üçün "River Pleyt"ə qayıtmağı nəzərdən keçirir.

"Real"ın cinah oyunçusunu satmaq ehtimalı azdır, lakin klub icarə təkliflərini dəyərləndirə bilər.

Xatırladaq ki, Franko Mastantuononun müqaviləsinin müddəti 2031-ci ilin yayınadək qüvvədədir. O, paytaxt komandasında 30 matçda 3 qol və 1 məhsuldar ötürmə ilə yadda qalıb.

16 yaşadək qızlardan ibarət Azərbaycan millisi Bakıda təşkil olunacaq UEFA İnkişaf Turnirinə qatılacaq.

Bu barədə "Report"a AFFA-dan məlumat verilib.

Yığma bu məqsədlə aprelin 30-da paytaxtda təlim-məşq toplanışına başlayacaq.

Milli Komandaların Təlim-Məşq Mərkəzində hazırlıq keçəcək U-16 ardından Bakıda təşkil olunacaq UEFA İnkişaf Turnirinə qatılacaq. Komanda Litva, Rumıniya və Gürcüstan yığmaları ilə mübarizə aparacaq. Oyunlar Binə stadionunda keçiriləcək.

U-16 mayın 6-da, saat 17:00-da Litva, 8-də, eyni saatda Rumıniya, 11-də saat 12:00-da isə Gürcüstanla üz-üzə gələcək.

Almaniyanın "Bavariya" klubunun fransalı futbolçusu Maykl Olise Fransa komandalarına qarşı UEFA Çempionlar Liqası və Çempionlar Kubokunun yarımfinallarında qol vuran üç həmyerlisinin sırasına qoşulub.

"Report" xəbər verir ki, 24 yaşlı vinger buna Fransanın PSJ klubuna uduzduqları (4:5) ilk matçda fərqlənməklə nail olub.

Daha əvvəl üç fransalı oyunçu qitənin bir nömrəli klub turnirində bu raundda öz ölkələrinin komandalarına qol vura bilib.

1985-ci ildə "Yuventus"un heyətində Mişel Platini "Bordo"nun, 1994-cü ildə "Milan"da çıxış edən Marsel Desayi "Monako"nun, 1998-ci ildə "Yuventus"da oynayan Zinəddin Zidan "Monako"nun qapısına yol tapıb.

Xatırladaq ki, "Bavariya" və PSJ komandaları arasında cavab görüşü mayın 6-da keçiriləcək.

"Sumqayıt" komandasının cari mövsümdə səkkiz penaltidən beşini boşa verməsi təsadüfdür.

Bu barədə "Report"a "gənclik şəhəri" təmsilçisinin futbolçusu Rüstəm Əhmədzadə açıqlama verib.

25 yaşlı hücumçu Misli Premyer Liqasında 11 metrlik cərimə zərbələri zamanı şanssız olduqlarını bildirib:

"Penaltilər "lotereya"dır. Səkkiz zərbədən yararlana bilməməyimiz, sadəcə, təsadüfdür. Bu baxımdan şans bizim tərəfimizdə deyil".

R.Əhmədzadə komandanın ardıcıl iki matçda qalib gəlməsinə də toxunub:

"Düşünürəm ki, növbəti matç bizim üçün çox önəmlidir. Qalib gəlməliyik. İstədiyimiz nəticəni əldə etsək, böhrandan çıxdığımızı deyə bilərik. Bir müddət uğursuzluqla üzləşdik. Belə olmasaydı, bəlkə də avrokuboklar üçün şanslarımız qalardı".

Xatırladaq ki, bir komandanın mövsümdə 5 penaltidən yararlanmaması turnirdə XXI əsrin antirekordudur.

Azərbaycan Basketbol Liqasında final seriyasına bu gün start verilir.

"Report"un məlumatına görə, həlledici raundda "Sabah" və "Abşeron Lions" komandaları münasibətlərə aydınlıq gətirəcək.

Seriyanın ilk qarşılaşması Bakı İdman Sarayında, saat 19:00-da start götürəcək.

Xatırladaq ki, seriyada üç qələbəyə tez çatan komanda Azərbaycan çempionu olacaq.

Bu gün UEFA Çempionlar Liqasının yarımfinal mərhələsinin ikinci oyunu keçiriləcək.

"Report"un məlumatına görə, "Atletiko" Madriddə İngiltərənin "Arsenal" klubu ilə qarşılaşacaq.

Görüş "Metropolitano" stadionunda, Bakı vaxtı ilə saat 23:00-da start götürəcək.

Matçı niderlandlı Denni Makkeli idarə edəcək.

Tərəflər arasında cavab görüşü mayın 5-də olacaq.

Xatırladaq ki, UEFA Çempionlar Liqasının yarımfinal mərhələsinin ilk oyununda PSJ Fransada Almaniya çempionu "Bavariya"nı 5:4 hesabı ilə üstələyib.

İspaniyanın "Atletiko" klubunda çıxış edən Xulian Alvaresi heyətinə cəlb etmək niyyətində olan "Barselona" hücum mövqeyi üçün başqa alternativləri də nəzərdən keçirir.

"Report" yerli "Sport.es" nəşrinə istinadən məlumat verir ki, potensial namizədlərdən biri İngiltərənin "Çelsi" komandasının hücumçusu Juan Pedrodur.

Kataloniya təmsilçisinin qeyri-sabit maliyyə vəziyyəti Alvaresin keçidi ilə əlaqədar danışıqları mürəkkəbləşdirə bilər.

Pedronun transfer dəyəri 75 milyon avro təşkil edir. Onun London klubu ilə müqaviləsi isə 2033-cü ilə qədər etibarlıdır. Lakin "zadəganlar" "maliyyə feyr-pley"i qaydalarına riayət etmək üçün vəsait toplamalıdır.

Bundan başqa, İtaliya təmsilçisi "İnter"in ulduz forvardı Lautaro Martines də hücum xəttinin möhkəmləndirilməsi üçün namizədlər sırasında yer alır.

İdmanda heç kim zədələrdən sığortalanmayıb.

Bu barədə "Report"a açıqlamasında Azərbaycanın böyüklərdən ibarət ağırlıqqaldırma yığmasının baş məşqçisi Sərdar Həsənov deyib.

Mütəxəssis milli üzvlərinin Gürcüstanın Batumi şəhərində keçirilmiş Avropa çempionatında çıxışı barədə danışıb:

"Ravin Alməmmədovun (79 kq) zədələnməsi bütün planlarımızı pozdu. Amma bu, idmandır. İdmanda isə heç kim zədədən sığortalanmayıb. Yarışa 4 idmançı ilə yollanmışdıq. Federasiya rəhbərliyi turnirə hazırlıq üçün lazımi şərait yaratmışdı. İsa Rüstəmov (71 kq) ardıcıl ikinci dəfə Avropa çempionatının gümüş medalını qazandı".

S.Həsənov Tehran Məmmədov (60 kq) və Əli Şükürlünün (110 kq) çıxışına da toxunub:

"Hər ikisi B qrupunda mübarizə aparırdılar. Fikrimcə, nəticələri daha yaxşı ola bilərdi. Əminəm ki, növbəti yarışlarda göstəricilərini yaxşılaşdıracaqlar".

Xatırladaq ki, İsa Rüstəmov (71 kq) Avropa çempionatında birdənqaldırma hərəkətində 147 kq nəticə göstərərək ikinci yeri tutub.

Xankəndi şəhəri istiqamətindəki yolda qəzaya düşən Peşəkar Futbol Liqasının (PFL) prezidenti Elxan Səmədov bu gün ayağından əməliyyat olunub.

Bu barədə "Report"un sorğusuna cavab olaraq PFL-in Media və marketinq direktoru Sənan Abdullayev bildirib.

Onun sözlərinə görə, PFL rəhbərinin əməliyyatı uğurlu keçib, E.Səmədov aprelin 27-dən etibarən iş başında olacaq.

Xatırladaq ki, hadisə 2023-cü il dekabrın 16-da Yevlax-Ağdam-Laçın yolunun Ağdam rayon ərazisindən keçən hissəsində baş verib. Bakı şəhər sakini Rasim Qafarlının idarə etdiyi "Mercedes Vito" markalı avtomobil Xankəndi şəhəri istiqamətində hərəkətdə olarkən idarəetməni itirərək yol nişanına çırpılıb. Nəticədə PFL prezidenti Elxan Səmədov, vitse-prezident Aslan Şahgəldiyev, icraçı direktor Zaur Hacı-Məhərrəmov, media və marketinq direktoru Sənan Abdullayev, texniki-idman direktoru Elgiz Abbasov və sürücü Rasim Qafarlı müxtəlif dərəcəli bədən xəsarətləri alıblar.

Hadisədən sonra E.Səmədov bir neçə dəfə əməliyyat olunub.

Aprelin 30-da U-14 və U-17 yeniyetmə cüdoçular arasında Qarabağ və Şərqi Zəngəzur bölgəsi üzrə region birincilikləri keçiriləcək.

Bu barədə "Report"a Azərbaycan Cüdo Federasiyasından məlumat verilib.

Turnir Cəbrayıl rayonunun Horovlu kəndində təşkil ediləcək.

Bildirilib ki, yarışların əsas məqsədi yeniyetmə cüdoçular bazasını formalaşdırmaq, kvota əsasında ölkə birinciliyinə vəsiqə qazanacaq idmançıları müəyyənləşdirməkdir. U-17 kateqoriyası üzrə nəticələr, eyni zamanda, milli komandanın heyətinə seçim üçün vacib reytinq xalları qazandıracaq.

Mayın 17-22-də Bakıda keçiriləcək Ümumdünya Şəhərsalma Forumunun 13-cü sessiyasına (WUF13) hazırlıq çərçivəsində Azərbaycanda qəbul edilmiş AZS ISO 20121:2026 "Tədbir davamlılığının idarəetmə sistemləri" dövlət standartının idman tədbirlərində tətbiqinə dair ilk məlumatlandırma sessiyası keçirilib.

"Report" bu barədə WUF13 Azərbaycan Əməliyyat Şirkətinə istinadən xəbər verir.

Məlumata görə, Şirkətin AFFA ilə əməkdaşlığı çərçivəsində "Futbol təşkilatçılığı sahəsində tədbirlərin davamlı idarə edilməsi" mövzusunda seminar təşkil olunub.

Seminarda AFFA-nın işçi heyəti, eləcə də Peşəkar Futbol Liqası (PFL), Futbolun İnkişafı Fondu (FİF), Misli Premyer Liqası və I Liqa klublarının nümayəndələri iştirak ediblər.

Açılış mərasimində çıxış edən AFFA-nın baş katibinin müavini Kamran Vəliyev vurğulayıb ki, forum davamlı inkişaf, inklüzivlik və müasir idarəetmə prinsiplərinin müzakirə olunduğu ən nüfuzlu beynəlxalq platformalardan biridir: "Belə mötəbər tədbirin ölkəmizdə keçirilməsi həm böyük məsuliyyət yaradır, həm də beynəlxalq standartların müxtəlif sahələrdə, o cümlədən futbolda tətbiqi üçün geniş imkanlar açır. Bu istiqamətdə WUF13 Azərbaycan Əməliyyat Şirkəti rəhbərliyi ilə birgə mühüm addımlar atmışıq. Əsas məqsədimiz yalnız futbolun inkişafı deyil, eyni zamanda ətraf mühitə, cəmiyyətə, gələcək nəsillərə qarşı məsuliyyətli yanaşmanı təşviq edən dayanıqlı futbol mühiti formalaşdırmaqdır".

Daha sonra Dövlət Şəhərsalma və Arxitektura Komitəsinin Aparat rəhbərinin müavini, WUF13-ün milli koordinatorunun müavini Gülşən Rzayeva çıxış edərək idmanın şəhərlərin inkişafında və şəhərsalma planlamasına inteqrasiyasında mühüm rol oynadığını vurğulayıb. O qeyd edib ki, idman inklüzivliyi təşviq edən, sağlam həyat tərzini dəstəkləyən və yaşayış məskənlərinin dayanıqlığını gücləndirən əsas şəhər xidmətlərindən biridir.

AZS ISO 20121:2026 dövlət standartının tətbiqi ölkədə keçirilən tədbirlərin dayanıqlılıq prinsiplərinə uyğun şəkildə planlaşdırılması və idarə olunması üçün zəruri institusional çərçivə yaradır. Bu yanaşma nəticə etibarilə həm şəhər ekosisteminə ekoloji baxımdan müsbət təsir göstərəcək, həm də tədbir sənayesində yeni bir mədəniyyətin yaranmasına əhəmiyyətli töhfə verəcək.

WUF13 ekoloji və inklüziv prinsiplərə əsaslanaraq təşkil olunacaq. Tədbirin mövcud infrastrukturdan istifadə olunaraq Bakı Olimpiya Stadionunda təşkili və resursların daha səmərəli istifadəsi əsas istiqamətlərdəndir.

Seminar çərçivəsində həmçinin WUF13 Azərbaycan Əməliyyat Şirkətinin Substantiv məzmun üzrə şöbə müdiri Cəmilə İsmayılzadə, Koordinasiya üzrə baş inzibatçısı Əfqan Mehtiyev, Təşkilati inkişaf və insan kapitalı üzrə baş inzibatçısı Tural Məmmədov, EY Azərbaycan şirkətinin İqlim dəyişikliyi və dayanıqlı inkişaf üzrə məsləhət xidmətləri üzrə baş meneceri Mirzə Əliyev və baş mütəxəssisi Nərgiz Əhmədzadə çıxış edərək mövzu üzrə təqdimatlar etmiş və tədbirin önəmindən bəhs ediblər.

Çıxışlar zamanı "İdmanın şəhər planlamasına inteqrasiyası", "Futbol turnirlərində dayanıqlılıq və hesabatlılığın rolu", "Tədbirin uğurla keçirilməsi üçün planlaşdırma, icra və risklərin idarə olunması" kimi mövzular barədə ətraflı məlumat verilib və fikir mübadiləsi aparılıb.

Misli Premyer Liqasında XXVIII turun daha bir oyunu keçirilib.

"Report"un məlumatına görə, günün ikinci matçında "Qarabağ" "Sabah"la üz-üzə gəlib.

Tofiq Bəhramov adına Respublika stadionundakı qarşılaşma Masazır təmsilçisinin qələbəsi ilə yekunlaşıb - 1:0.

45-ci dəqiqədə Abdulla Xaybullayev fərqlənib. Yarımmüdafiəçi 46-cı dəqiqədə qırmızı vərəqə alaraq meydandan qovulub.

Xallarının sayını 69-a çatdıran "Sabah" çempionluğa daha da yaxınlaşıb. İkinci sıradakı "Qarabağ"ın 56 xalı var. Ağdam klubunun ehtiyatda bir matçı qalıb.

Günün ilk görüşündə "Karvan-Yevlax" "Şamaxı"nı minimal hesabla üstələyib - 1:0.

Xatırladaq ki, tura aprelin 19-da yekun vurulacaq. Ötən gün "Turan Tovuz" "Araz-Naxçıvan"ı üç cavabsız qolla üstələyib. "Zirə" - "Neftçi" matçında qalib müəyyənləşməyib - 1:1.

Kişi voleybolçulardan ibarət "Ordu" komandası avrokuboklarda mübarizə aparacaq.

"Report"un məlumatına görə, bu barədə "hərbçilər"in baş məşqçisi Cavid Süleymanov açıqlama verib.

Mütəxəssis Azərbaycan Yüksək Liqasının finalında "Xilasedici"yə 1:3 hesabı ilə uduzduqları oyundan sonra fikirlərini bölüşüb:

"Ordu" tarixində ilk dəfə finala yüksəlmişdi. Bu oyunçular tarix yazıblar. Komandamız növbəti mövsüm üçün daha da güclənəcək. Avrokuboklara vəsiqə qazanmışıq. Bu haqqımızdan da istifadə edəcəyik".

C.Süleymanov rəqibi qələbə münasibəti ilə təbrik edib:

"Biz onlara çox yaxşı müqavimət göstərdik. Bəzi elementlərdə üstün oldular. Bu da qalib gəlmələrində rol oynadı".

Xatırladaq ki, final oyununda "Xilasedici" "Ordu"nu 3:1 hesabı ilə üstələyib.

Kişi voleybolçuları arasında Azərbaycan Yüksək Liqasında mövsüm möhtəşəm keçib.

"Report"un məlumatına görə, bu barədə Milli Olimpiya Komitəsinin (MOK) vitse-prezidenti Çingiz Hüseynzadə final oyunundan sonra açıqlama verib.

O, qızıl medal uğrunda qarşılaşmanın maraqlı alındığını söyləyib:

"Azərbaycan voleybolu üçün böyük bayramdır. Möhtəşəm çempionata şahidlik etdik. Final matçında iki yeni qurulmuş kollektiv mübarizə apardı. Gözəl oyun izlədik. Azərbaycan Voleybol Federasiyasına təşəkkür edirəm. Belə yarış təşkil etdikləri üçün onlara minnətdaram. Finalda oynayan kollektivlər Avrokuboklara vəsiqə qazanıblar. Onlara beynəlxalq arenada uğurlar arzulayıram".

Xatırladaq ki, final oyununda "Xilasedici" "Ordu"nu 3:1 hesabı ilə üstələyib.

Qadın futbolçulardan ibarət Azərbaycan milli komandası dünya çempionatının seçmə mərhələsində dördüncü oyununu keçirib.

"Report" xəbər verir ki, C Liqasının 3-cü qrupunda yer alan komanda Andorra yığması ilə qarşılaşıb.

Bakıdakı "Bank Respublika Arena"da təşkil olunan görüş Siyasət Əsgərovun baş məşqçisi olduğu kollektivin 2:0 hesablı qələbəsi ilə yekunlaşıb.

Komandanın heyətində qolları 12-ci dəqiqədə Yeliz Açar və 64-cü dəqiqədə Esra Manya vurublar.

Qrupun digər oyununda Macarıstan yığması öz meydanında Şimali Makedoniya seçməsi üzərində 7:0 hesablı qələbə qazanıb.

Bu nəticələrdən sonra Macarıstan 10 xalla birinci, Azərbaycan 9 xalla ikinci, Şimali Makedoniya 3 xalla üçüncü, Andorra isə 1 xalla dördüncü pillədə qərarlaşır.

Qeyd edək ki, Azərbaycan millisi növbəti oyununu iyunun 5-də Mehdi Hüseynzadə adına Sumqayıt şəhər stadionunda Macarıstan yığmasına qarşı keçirəcək.

Kişi voleybolçular arasında Azərbaycan Yüksək Liqasında "Xilasedici"nin "Ordu" ilə final oyunu çox gərgin keçib.

"Report"un məlumatına görə, bu barədə "Xilasedici"nin baş məşqçisi Cəlil Cəlilov matçdan sonra açıqlamasında bildirib.

Mütəxəssis 3:1 hesabı ilə qalib gəldikləri həlledici qarşılaşma haqqında fikirlərini bölüşüb:

"Bizə dəstək olan hər kəsə təşəkkür edirəm. Azarkeşləri salamlayıram. Bu gün çox gərgin oyun alındı. Buna baxmayaraq istəyimizə çatdıq. Oyunçularıma minnətdaram".

C. Cəlilov gözəl oyuna görə rəqibi də təbrik edib:

"Onlar bu mövsüm uğurlu çıxış etdilər, finaladək irəlilədik. Final da çox gözəl oyun alındı. Komandamız çətin görüşə hazır idi".

Kişi voleybolçulardan ibarət Azərbaycan Yüksək Liqasının qalibi bəlli olub.

"Report"un məlumatına görə, final oyununda "Xilasedici" "Ordu" ilə üz-üzə gəlib.

Gənclər və İdman Nazirliyinin Voleybol Mərkəzindəki qarşılaşma "Xilasedici"nin qələbəsi ilə yekunlaşıb - 3:1.

Beləliklə, komanda ölkə çempionu adına sahib çıxıb.

Xatırladaq ki, üçüncü yer uğrunda görüşdə "Neftçi" "Murov Az Terminal"ı üstələmişdi -3:0.

"Karvan-Yevlax" Misli Premyer Liqasında ardıcıl ikinci qələbəsini qazanıb.

"Report"un məlumatına görə, bölgə təmsilçisi XXVIII turda "Şamaxı"nı qəbul edib.

Ötən tur "Kəpəz"ə qalib gələn (4:1) meydan sahibləri bu dəfə rəqibini minimal hesabla üstələyib 1:0.

Qələbə sayəsində xallarının sayını 14-ə çatdıran "Karvan-Yevlax" sonuncu-12-ci pillədə qərarlaşıb. "Şamaxı" 32 xalla 7-ci sıradadır.

Xatırladaq ki, tura aprelin 19-da yekun vurulacaq. Ötən gün "Turan Tovuz" "Araz-Naxçıvan"ı üç cavabsız qolla üstələyib. "Zirə" - "Neftçi" matçında qalib müəyyənləşməyib - 1:1.

Türkiyənin Muğla şəhərində təşkil olunan kanoe və kayak üzrə "Bahar Kuboku" beynəlxalq reqatası başa çatıb.

"Report" xəbər verir ki, Azərbaycan komandası yarışda uğurlu çıxışı ilə yadda qalıb.

Bir nəfərlik kanoe qayığında 2008-2009-cu il təvəllüdlü idmançıların mübarizəsində Hüseyn Səmədli iki kateqoriyada gümüş medala sahib olub. O, həm 1000 metr, həm də 500 metr məsafəyə yürüşdə ikinci yer tutub.

Bir nəfərlik kanoedə 500 metr məsafəyə yürüşdə daha bir medala 2010-2011-ci il təvəllüdlü idmançılar arasında Fəxri Məmmədli layiq görülüb. O, bürünc medal qazanıb.

Beləliklə, Azərbaycan Su İdman Növləri Federasiyası "Bahar Kuboku"nu 2 gümüş, 1 bürünc medalla başa vurub.

Aprelin 20-də Braziliyanın Fos-du-İquasu şəhərində qadın və kişi boksçular arasında Dünya Kuboku start götürəcək.

"Report"un məlumatına görə, 7 gün davam edəcək yarışda Azərbaycan millisi də mübarizə aparacaq.

Kişilərdən ibarət komandanın baş məşqçisi Ravşan Xocayev reytinq xarakterli Dünya Kubokunda Sübhan Mamedov (50 kq), Zidan Hümbətov (55 kq), Məhəmmədəli Aşırəliyev (60 kq), Nəbi İsgəndərov (70 kq), Səidcəmşid Cəfərov (75 kq) və Məhəmməd Abdullayevə (+90 kq) şans verəcək.

Qadınlardan ibarət millinin baş məşqçisi İlkin Ağayev isə yarışda Zeynəb Rəhimova (54 kq) və Emili Rzayevaya (65 kq) güvənəcək.

Qeyd edək ki, Dünya Kubokunun püşkü aprelin 19-da atılacaq.

Kişi voleybolçulardan ibarət "Neftçi" komandası Azərbaycan Yüksək Liqasının üçüncü yer uğrunda oyununda xarakter nümayiş etdirib.

Bu barədə "Report"a "ağ-qaralar"ın baş məşqçisi Viktor Boldaryev açıqlama verib.

Mütəxəssis "Murov Az Terminal"ı 3:0 hesabı ilə məğlub etdikləri qarşılaşmadan sonra fikirlərini bölüşüb:

"Qələbə qazandığımız üçün sevinirik. Adımızı medalçılar sırasına yazdıra bildik. Oyunçular xarakter nümayiş etdirdilər və güclü rəqiblə dueldən qalib ayrıldılar".

O, finala vəsiqə qazana bilməmələrinin səbəbini də açıqlayıb: "Bu, bizim kadr problemi ilə bağlı idi. Voleybol tarixində çox nadir hallarda rast gəlinən hadisə baş verdi. Pley-off oyunlarına 3-4 gün qalmış iki aparıcı voleybolçumuz zədələndi. Bu isə komandaya təsir etmişdi".

Baş məşqçi növbəti mövsümdəki hədəflər və komandadakı taleyi ilə bağlı danışmaq istəməyib.

Kişi voleybolçular arasında Azərbaycan Yüksək Liqasında üçüncü yerin sahibi müəyyənləşib.

"Report"un məlumatına görə, bürünc medal uğrunda görüşdə "Neftçi" və "Murov Az Terminal" komandaları üz-üzə gəlib.

Beləliklə, "ağ-qaralar" ölkə çempionatında bürünc mükafata sahib çıxıb.

Gənclər və İdman Nazirliyinin Voleybol Mərkəzindəki qarşılaşma "Neftçi"nin qələbəsi ilə yekunlaşıb - 3:0 (25:17, 25:17, 25:13).

Saat 16:00-da final qarşılaşması baş tutacaq. "Xilasedici" və "Ordu" münasibətlərə aydınlıq gətirəcəklər.

İngiltərənin "Mançester Yunayted" klubunun futbolçusu Leni Yoru Premyer Liqanın XXX turunda "Çelsi"yə qarşı keçirəcəkləri oyunu buraxacaq.

"Report" xəbər verir ki, bu barədə "qırmızı şeytanlar"ın mətbuat xidməti məlumat yayıb.

20 yaşlı müdafiəçi zədəli olduğu üçün matçda iştirak etməyəcək.

Bundan əlavə, digər müdafiəçilər Harri Maquayr və Lisandro Martines cəza səbəbindən meydana çıxmayacaq.

Xatırladaq ki, bu gün keçiriləcək "Çelsi" - "Mançester Yunayted" oyunu Bakı vaxtı ilə saat 23:00-da start götürəcək.

İspaniyanın "Real" klubu Almaniyanın "Frayburq" komandasında çıxış edən futbolçu Joan Manzambi ilə maraqlanır.

"Report" xarici mətbuata istinadən xəbər verir ki, Madrid təmsilçisi 20 yaşlı yarımmüdafiəçini heyətinə qatmağı planlaşdırır.

"Kral-klubu" yayda İsveçrə millisinin üzvü üçün təklif göndərməyə də hazırdır.

Xatırladaq ki, Joan Manzambi cari mövsüm 39 oyunda 5 qol və 4 məhsuldar ötürmə ilə yadda qalıb.

Qadın futbolçulardan ibarət Azərbaycan millisi dünya çempionatının seçmə mərhələsində dördüncü oyununu bu gün keçirəcək.

"Report" xəbər verir ki, C Liqasının 3-cü qrupunda yer alan komanda Andorra yığması ilə qarşılaşacaq.

Bakıdakı "Bank Respublika Arena"da təşkil olunacaq görüş saat 17:00-da start götürəcək.

Xatırladaq ki, Azərbaycan millisi hazırda altı xalla qrupda ikinci pillədə qərarlaşıb. Lider Macarıstanın yeddi, üçüncü sıradakı Şimali Makedoniyanın üç, dördüncü yerdəki Andorranın bir xalı var.

Misli Premyer Liqasında XXVIII turun növbəti matçları bu gün keçiriləcək.

"Report" xəbər verir ki, ikinci oyun günündə iki qarşılaşma baş tutacaq.

İlk olaraq "Şamaxı" səfərdə "Karvan-Yevlax"la üz-üzə gələcək. Yevlax şəhər stadionundakı qarşılaşma saat 15:30-da start götürəcək. Qonaqlar 32 xalla 8-ci, meydan sahibləri 11 xalla sonuncu-12-ci pillədə qərarlaşıb.

Günün ikinci matçında çempionluğa iddialı komandalar, "Qarabağ" və "Sabah" münasibətlərə aydınlıq gətirəcəklər. Tofiq Bəhramov adına Respublika stadionunda keçiriləcək turun mərkəzi görüşü saat 19:30-da başlayacaq. "Sabah" hazırda 66 xalla vahid liderdir. Rəqibindən bir oyun az keçirən "Qarabağ" 56 xalla ikinci sıradadır.

Xatırladaq ki, tura aprelin 19-da yekun vurulacaq. Ötən gün "Turan Tovuz" "Araz-Naxçıvan"ı üç cavabsız qolla üstələyib. "Zirə" - "Neftçi" matçında qalib müəyyənləşməyib - 1:1.

Misli Premyer Liqasında XXVIII turun daha bir oyunu keçirilib.

"Report"un məlumatına görə, günün ikinci matçında "Neftçi" "Zirə"nin qonağı olub.

Zirə İdman Kompleksinin stadionundakı qarşılaşma 1:1 hesabı ilə yekunlaşıb.

63-cü dəqiqədə "ağ-qaralar"ın heyətində İmad Faraj fərqlənib. 90+5-ci dəqiqədə Brahim Konate "qartallar"ın bərabərlik qolunu vurub.

Xallarının sayını 44-ə çatdıran "Neftçi" beşinci pillədə qərarlaşıb. "Zirə" 45 xalla dördüncüdür.

Günün ilk görüşündə "Turan Tovuz" "Araz-Naxçıvan"ı üç cavabsız qolla üstələyib.

Qeyd edək ki, tura aprelin 19-da yekun vurulacaq.

"Sabah" Azərbaycan Basketbol Liqasında yarımfinala vəsiqə qazanıb.

"Report"un məlumatına görə, komanda buna 1/4 final mərhələsinin ikinci oyununda "Naxçıvan"ı məğlub etməklə nail olub.

Bakı İdman Sarayındakı qarşılaşma 97:86 hesabı ilə yekunlaşıb.

İlk görüşdə "Sabah" 106:74 hesabı ilə üstün olub.

Günün ilk matçında "Abşeron Lions" "Şəki"ni məğlub edərək (105:94, ilk oyun - 109:78) növbəti raunda yüksəlib.

Xatırladaq ki, ötən gün "Gəncə" "Ordu"nu 85:78 (ilk oyun - 106:108) "Neftçi" NTD-ni 119:99 (ilk oyun - 94:97) hesabı ilə məğlub edib.

Bu cütlərdə üçüncü qarşılaşma baş tutacaq. Reqlamentə əsasən, 1/4 finalda iki qələbə qazanan komanda növbəti mərhələyə adlayacaq.

Azərbaycan və İndoneziya arasında gənclər və idman sahəsində qarşılıqlı əməkdaşlıq imkanları müzakirə olunub.

Bu barədə "Report" Azərbaycanın Gənclər və İdman Nazirliyindən məlumat verilib.

Nazir Fərid Qayıbov İndoneziyanın ölkəmizdəki Fövqəladə və Səlahiyyətli Səfiri Berlian Helminlə görüşdə qarşılıqlı əməkdaşlığı müzakirə edib.

Şəkinin "Şorsu" komandası AFFA U-12 Liqasından kənarlaşdırılıb.

"Report" xəbər verir ki, bu barədə AFFA İntizam Komitəsi qərar çıxarıb.

Bölgə təmsilçisi Zaqatalanın "Alfa" kollektivi ilə görüşdə təyin olunan vaxtda meydanda olmayıb.

Qarşılaşma baş tutmadığı üçün "Şorsu" 0:3 hesablı texniki məğlubiyyət alıb. Bu hal üçüncü dəfə təkrarlandığı üşün komanda yarışdan uzaqlaşdırılıb.

"Abşeron Lions"a qarşı Azərbaycan Basketbol Liqasının 1/4 final mərhələsinin ikinci oyunu "Şəki" üçün bütün mövsümün icmalı idi.

"Report" xəbər verir ki, bu barədə bölgə təmsilçisinin baş məşqçisi Bedri Meriç klubun mətbuat xidmətinə açıqlamasında deyib.

Türkiyəli mütəxəssis 94:105 hesabı ilə uduzduqları qarşılaşma haqqında fikirlərini bölüşüb:

"Bugünkü matç əslində bizim üçün bütün mövsümün icmalı idi. Yaxşı oynadıq, mübarizə apardıq, amma sonluğa gücümüz çatmadı. Bu mövsüm hər şey bizim üçün belə oldu. Sonadək döyüşdük, pley-off hədəfimizə çatdıq, amma bura qədər imiş. Yaxşılar ayaqda ölər. Biz bu şəkildə sona qədər əlimizdən gələni etdik".

B.Meriç komanda üzvlərinə təşəkkür edib:

"Bu mövsüm bütün zəhmətləri üçün oyunçularımın hər biri ilə fəxr edirəm və onlara minnətdaram. 2 il burada olduğum müddətdə sonadək yanımda olub, zəhmət çəkən komanda heyətinin hər birinə ayrılıqda ürəkdən təşəkkür edirəm. Bundan başqa, Azərbaycan Basketbol Federasiyasına bu mövsüm bizə göstərdiyi dəstək üçün minnətdaram".

Xatırladaq ki, ilk görüşdə 109:78 hesabı ilə üstün olan "Abşeron Lions" yarımfinala yüksəlib.

19 yaşadək qız futbolçulardan ibarət Azərbaycan millisi Avropa çempionatının seçmə mərhələsində üçüncü məğlubiyyətini alıb.

"Report" xəbər verir ki, Həbib Ağayevin baş məşqçisi olduğu kollektiv Gürcüstan yığmasına uduzub.

Xorvatiyanın Luçko şəhərində təşkil olunan görüş rəqibin 4:1 hesablı qələbəsi ilə yekunlaşıb.

Azərbaycan millisinin qolunu 5-ci dəqiqədə penaltidən Xanım Əsədova vurub. 90+3-cü dəqiqədə Aysu Əsədova qırmızı vərəqə alaraq meydanda qovulub.

Xatırladaq ki, U-19 daha əvvəl Xorvatiyaya 0:6, Çexiyaya 0:9 hesabı ilə uduzub.

"Abşeron Lions" Azərbaycan Basketbol Liqasında yarımfinal mərhələsinə vəsiqə qazanıb.

"Report" xəbər verir ki, komanda buna 1/4 finalın ikinci oyununda "Şəki"ni məğlub etməklə nail olub.

Şəki Olimpiya İdman Kompleksindəki qarşılaşma 105:94 hesabı ilə yekunlaşıb. İlk görüşdə "Abşeron Lions" üstün olub - 109:78.

Günün ikinci matçında "Sabah" "Naxçıvan"ın müqavimətini qırmağa çalışacaq. Oyun Bakı İdman Sarayında, saat 19:00-da başlayacaq. "Sabah" birinci dueldən qalib ayrılıb - 106:74.

Xatırladaq ki, ötən gün "Gəncə" "Ordu"nu 85:78 (ilk oyun - 106:108) "Neftçi" NTD-ni 119:99 (ilk oyun - 94:97) hesabı ilə məğlub edib.

Bu cütlərdə üçüncü qarşılaşma baş tutacaq. Reqlamentə əsasən, 1/4 finalda iki qələbə qazanan komanda növbəti mərhələyə adlayacaq.

Serbiyalı məşhur tennisçi Novak Cokoviç İspaniyanın paytaxtı Madriddə keçiriləcək "Masters" turnirini buraxacaq.

"Report" xəbər verir ki, 38 yaşlı idmançı bu barədə sosial şəbəkə hesabında yazıb.

Dünya reytinqində dördüncü pillədə qərarlaşan tennisçi yarışa qatıla bilməyəcəyi üçün təəssüfləndiyini vurğulayıb:

"Təəssüf ki, bu il "Masters" turnirində iştirak edə bilməyəcəyəm. Plana uyğun olaraq sağalma prosesimi davam etdirəcəyəm ki, tezliklə qayıda bilim".

Xatırladaq ki, Novak Cokoviç sonuncu dəfə martda "Indian Wells Masters"in 1/8 finalında Böyük Britaniya təmsilçisi Cek Dreyperə uduzub. Madriddəki "Master" turniri 21 aprel - 3 may aralığında təşkil olunacaq.

İngiltərəli futbolçu Markus Reşfordun İspaniyanın "Barselona" klubundakı vəziyyəti kəskin şəkildə dəyişib.

"Report" "Marca"ya istinadən xəbər verir ki, Kataloniya təmsilçisi 28 yaşlı hücumçunun 30 milyon avroluq alış seçimini aktivləşdirməkdə o qədər də əmin deyil.

İspaniya klubunda icarə əsasında çıxış edən forvard müqavilə ilə "Mançester Yunayted"ə (İngiltərə) məxsusdur.

"Barselona" oyunçunun hazırkı performansını nəzərə alaraq bu məbləğin çox olduğunu düşünür. O, son 16 oyunda cəmi iki qolla yadda qalıb. Buna baxmayaraq, qərar hələlik verilməyib. İdman direktoru Deku və baş məşqçi Hans-Diter Flik bu məsələni müzakirə edəcəklər.

Xatırladaq ki, Markus Reşford ötən ilin yayında icarə əsasında "Barselona"ya keçib.

İspaniyanın "Real" klubunun futbolçusu Dani Sebalyos karyerasını Niderlandda davam etdirə bilər.

"Report" xarici mətbuata istinadən xəbər verir ki, "Ayaks" 29 yaşlı yarımmüdafiəçi ilə maraqlanır.

Oyunçunun Madrid təmsilçisi ilə müqaviləsinin müddəti 2027-ci ilin yayınadək qüvvədədir.

Xatırladaq ki, Dani Sebalyos cari mövsüm bütün yarışlarda 22 matçda meydanda olub. O, 2017-ci ildə "Betis"dən "Real"a keçib.

"Ordu" komandası "Gəncə"yə qarşı keçirəcəyi Azərbaycan Basketbol Liqasının 1/4 final mərhələsinin üçüncü oyununda səhvləri aradan qaldıracaq.

Bunu "Report"a açıqlamasında "hərbçilər"in kapitanı Elşad Şirzadov deyib.

O, bu rəqibə 78:85 hesabı ilə uduzduqları raundun ikinci görüşündə bəzi səhvlər etdiklərini bildirib:

"Artıq seriya üçüncü görüşə daşınıb. Bu dəfə əlimizdən gələni edib qələbə qazanacağımıza ümid edirəm. Gəncədəki məğlubiyyətin səbəbi top itkisi ilə bağlı oldu. Yersiz top itkilərinə yol verdik. Bütün çatışmazlıqları, səhvləri aradan qaldıracağımıza və üçüncü dueldə qələbə qazanacağımıza inanıram".

Azərbaycan millisinin də formasını geyinən basketbolçu cütün taleyini ikinci qarşılaşmada həll etmək istədiklərini, lakin buna nail olmadıqlarını sözlərinə əlavə edib:

"Bu oyun haqqında çox danışmaq istəmirəm. Gəncəyə qələbə üçün getmişdik. Cütün taleyini ikinci oyunda həll etmək niyyətində idik. Birinci qarşılaşmada qalib gəlmişdik. Ümumi hesabı 2:0 edərək yarımfinala yüksəlməyi qarşımıza məqsəd qoymuşduq. Amma təbii ki, heç nə asan yolla əldə olunmur. Çətinliklərdən keçmək lazımdır. Uğura gedən yol həmişə çətin olur. Səfərdəki qarşılaşmanın bizim üçün asan keçməyəcəyini də bilirdik. Çox çətin qarşılaşma alındı. Onlar azarkeşləri önündə çox yaxşı oynayırlar".

Xatırladaq ki, "Ordu" 1/4 final mərhələsinin ilk matçında 108:106 hesabı ilə üstün olub. Yarımfinala yüksələn komanda üçüncü oyunda bəlli olacaq.

AFFA-nın təşkilatçılığı ilə Lənkəranda keçirilən UEFA-nın C kateqoriyalı məşqçi kursunun I mərhələsi başa çatıb.

"Report" milli assosiasiyanın rəsmi saytına istinadən xəbər verir ki, dörd gün çəkən məşğələlərə təlimatçı Dəyanət Əliyev rəhbərlik edib.

Ona yerli məşqçilər Rövşən Süleymanov və Cavid Quliyev kömək göstəriblər.

Kursun II mərhələsi mayın 5-dən 8-dək, III mərhələsi mayın 26-dan 29-dək, IV mərhələsi isə iyunun 15-dən 20-dək ba. tutacaq.

Kişilərdən ibarət "Astana" basketbol komandasının baş məşqçisi Ramunas Tsvirka vəfat edib.

"Report" xəbər verir ki, bu barədə Qazaxıstan təmsilçisinin mətbuat xidməti məlumat yayıb.

Litvalı mütəxəssis 59 yaşında həyatını itirib.

Onun ölüm səbəbi açıqlanmayıb.

Xatırladaq ki, "Astana" aprelin əvvəlində Bakıda "Sabah" komandası ilə iki yoldaşlıq oyunu keçirib. Azərbaycan təmsilçisi bir oyunda qalib gəlib (94:83), digərində isə məğlub olub - 102:110.

"Qarabağ" Misli Premyer Liqasının XXVIII turunda "Sabah"ı məğlub edə bilsə, çempionatda intriqa artacaq.

Bu barədə "Report"a Azərbaycan millisinin sabiq baş məşqçisi Şahin Diniyev açıqlama verib.