Azərbaycan Almaniya ilə birbaşa uçuşların sayının artırılmasında maraqlıdır.Oxu24.com-un məlumatına görə, bunu Azərbaycanın xarici işlər naziri Ceyhun Bayramov almaniyalı həmkarı Yohan Vadefulla Bakıda brifinqdə deyib.Nazir xatırladıb ki, 2026-cı ildən başlayaraq Azərbaycandan Almaniyaya qaz təchizatına başlanılıb. Bununla da Azərbaycanın qaz ixrac etdiyi ölkələrin sayı 16-ya çatıb.Ceyhun Bayramov həmçinin bildirib ki, "Xəzər-Qara dəniz-Avropa Yaşıl Enerji Dəhlizi" (Qara dəniz sualtı enerji kabeli) layihəsi ilə bağlı almaniyalı həmkarı ilə müzakirələr aparıb:"Almaniya bu məsələni əlverişli və faydalı hesab edir. Almaniya Orta Dəhlizin inkişaf etdirilməsi məsələsində də maraqlıdır".Nazir eyni zamanda iki ölkə arasında müntəzəm uçuşların təşkili barədə də fikir mübadiləsi apardıqlarını söyləyib:"Həmkarıma bu uçuşların sayının artırılmasında maraqlı olduğumuzu ifadə etdik. Almaniyadan Azərbaycana ötən il 24 mindən çox turist gəlib, bu ilin ilk 10 ayında isə bu say artıq 25 mini keçib".