“Ermənistanın dövlət sərhədlərinə tam nəzarət mərhələli şəkildə Ermənistan Sərhəd Xidmətinə təhvil veriləcək”.
Bu barədə Ermənistan Baş naziri Nikol Paşinyan bildirib.
“Bu proses müəyyən islahat mərhələlərindən keçməlidir”, - baş nazir əlavə edib.
Xatırladaq ki, Ermənistan sərhədçiləri artıq əvvəllər Rusiya sərhədçilərinin xidmət göstərdiyi dövlət sərhədinin bəzi hissələrini və sərhəd-keçid məntəqələrini öz nəzarətlərinə götürüblər. Bunlara “Zvartnots” Beynəlxalq Hava Limanı, İranla sərhəddə yerləşən “Aqarak”, eləcə də Türkiyə ilə sərhəddəki “Marqara” və “Axurik” sərhəd-keçid məntəqələri daxildir.
İran və Türkiyə ilə sərhədlərdə Rusiya sərhədçilərinin Ermənistan sərhədçiləri ilə əvəzlənməsi prosesi mərhələli şəkildə həyata keçirilir.