Türkiyə Prezidenti Rəcəb Tayyib Ərdoğan fransalı həmkarı Emmanuel Makronla telefon danışığı aparıb.
Söhbət zamanı ikitərəfli münasibətlər, regional və beynəlxalq məsələlər müzakirə olunub.
Tərəflər BMT-nin yeni baş katibinin seçilməsi prosesini də nəzərdən keçiriblər. Ərdoğan bildirib ki, yeni baş katib BMT-ni yenidən çoxtərəfli diplomatiyanın mərkəzinə çevirməyə imkan verəcək zəruri təcrübəyə malik olmalıdır.
Bundan əlavə, Türkiyə lideri Makronu Türkiyədə keçiriləcək COP31 liderlər sammitində iştirak etməyə dəvət edib.