39-cu Beynəlxalq Tokio Film Festivalının açılışı Yapon kinosunun beynəlxalq mövqeyi və yeni nəsil filmlərin təqdimatı ilə bağlı müzakirələri yenidən gündəmə gətirib.
Festival noyabrın 4-dək davam edəcək.
Tədbirdə 112 ölkə və ərazidən 204 film nümayiş etdirilməsi nəzərdə tutulur.
Açılış mərasimi Tokionun Hibiya bölgəsində keçirilib.
Açılış mərasimində Yaponiyanın baş naziri Sanae Takaiçinin video müraciəti də nümayiş olunub. O, kinonun müxtəlif ölkələr və mədəniyyətlər arasında anlaşma yaratmaq gücünü vurğulayıb.
Festivalın açılış filmi Takahisa Zezenin “Sukiyaki” musiqili dramıdır. Ekran işi beynəlxalq musiqi tarixində iz qoymuş, “Sukiyaki” adı ilə tanınan mahnının hekayəsinə müraciət edir. Festivalın diqqət mərkəzində isə “Godzilla Minus Zero” dayanır. Takasi Yamazakinin çəkdiyi film “Godzilla Minus One”ın davamıdır və Yaponiyada noyabrın 3-də kinoteatrlara çıxmalıdır.
Proqramın bağlanış filmi isə “Train to Busan”ın rejissoru Yon San-honun “Colony” adlı qorxu-trilleridir. Festivalın proqramı kommersiya kinosu ilə müəllif filmlərini bir araya gətirməyi hədəfləyir.
Beləliklə, Tokio yalnız yeni filmlərin nümayiş olunduğu məkan deyil, həm də Asiya kinosunun beynəlxalq bazara çıxışı və yaradıcı sənayelərin gələcəyi barədə müzakirə platformasına çevrilir.