GETSİN O GÜNLƏRİN BİR DƏ GƏLMƏSİN!Gülhüseyn Hüseynoğlu 1923-cü il oktyabrın 16-da Azərbaycanın Masallı rayonunun Mollaoba kəndində anadan olmuşdur. 3-4 yaşındaikən ailəsi Bakıya köçdüyündən orta təhsilini burda almışdır. 1947-ci ildə ADU-nun filologiya fakültəsini bitirmiş, aspiranturaya qəbul olunmuş, lakin şəxsiyyətə pərəstiş dövründə həbs edilmiş, 25 il azadlıqdan məhrum olunmuşdur. 1956-cı ildə ona tam bəraət verilmiş, aspiranturaya bərpa edilmişdir. Universitetdə müəllim saxlanmışdır. Universitetin Azərbaycan sovet ədəbiyyatı kafedrasının professoru, filologiya fakültəsi elmi şurasının üzvü olmuşdur. "Ana" adlı ilk hekayəsi 1944-cü ildə, "Bənövşə əfsanəsi" adlı ilk mənsur şeri isə 1946-cı ildə işıq üzü görmüşdür.M.Müşfiq barədə elmi monoqrafık əsərin, çoxlu tədqiqat xarakterli məqalələrin müəllifidir. Oçerk, povest və elmi-tədqiqat əsərləri yazsa da, bədii yaradıcılığında mənsur şeir və hekayə başlıca yer tutur. Azərbaycan ədəbiyyatında mənsur şerin yaradıcısı kimi tanınır.Azərbaycan Yazıçılar İttifaqının V qurultayından idarə heyətinin üzvüdür. Azərbaycan Yazıçılar Birliyinin X qurultayında birliyin nəsr bölməsinin rəhbəri seçilmişdir. Əsərləri keçmiş SSRİ xalqlarının dillərinə tərcümə olunmuşdur. İndiyədək otuza yaxın kitabı kütləvi tirajla buraxılmışdır. Mikayil Müşfiq adina 18 N-li məktəbdə dərs demişdir.Gülhüseyn Hüseynoğlu 8 iyul 2013-cü ildə vəfat etmişdir.Talesiz yolların yolçusu idin,Sovetlər dövrünün solçusu idin,Müşfiqli günlərin elçısı idin,Sən çəkəni düşmənim də çəkməsin,Getsin o günlərin bir də gəlməsin!İyirmi il sən Sibirdə əsmisən,Vəfasız dünyadan şox incimisən, Ölüm şərbətini hər an içmisən,Sən çəkəni düşmənim də çəkməsin,Getsin o günlərin bir də gəlməsin!Xalqımın igidi, qəhrəmanısan,Ədəbi dilimin söz ümmanısan,Zülmün, işgəncənin dəyirmanısan,Sən çəkəni düşmənim də çəkməsin,Getsin o günlərin bir də gəlməsin!Mənsur şeirin atası sayılırsan,Azad ruhun qidası sayılırsan,Düşmənin köləsi, hədəsi sayılırsan,Sən çəkəni düşmənim də çəkməsin,Getsin o günlərin bir də gəlməsin!Əzablı yolların əzablı səsi,Tərpətmədi, oyatmadı heç kəsi,Qurulmadı sən dediyin Tərəzi,Sən çəkəni düşmənim də çəkməsin,Getsin o günlərin bir də gəlməsin!Sən böyük şairsən, böyük ədibsən,Gələcəyə tərbiyəsən, ədəbsən,Yrəklərə saf niyyətsən, təbibsən,Sən çəkəni düşmənim də çəkməsin,Getsin o günlərin bir də gəlməsin!Gözlə ki, nə vaxtsa bəxtin güləcək?!Allah bilir, o gün nə vaxt gələcək?!Sən demə, xülyaymış "xoşbəxt gələcək",Sən çəkəni düşmənim də çəkməsin,Getsin o günlərin bir də gəlməsin!Mən necə inanım düz yaşamağa,Öyrəndim korluğa, kara, susmağa,İyirmi ildir ki, işsiz qalmağa -Mən çəkəni düşmənim də çəkməsin,Getsin o günlərim bir də gəlməsin!Əmir Pəhləvan