Bakının bir sıra küçələrində aparılacaq təmir işləri və hərəkət sxemində ediləcək dəyişikliklərlə əlaqədar sentyabrın 29-u saat 21:00-dan etibarən nəqliyyat vasitələrinin hərəkətinə qısamüddətli məhdudiyyətlər tətbiq olunacaq.Bu barədə Oxu24.com-a Azərbaycan Avtomobil Yolları Dövlət Agentliyindən (AAYDA) bildirilib.Məlumata əsasən, Binəqədi rayonu üzrə: Şövkət Məmmədova küçəsinin Çingiz Aytmatov küçəsi ilə kəsişməsindən Süleyman Sani Axundov küçəsi ilə kəsişməsinədək olan hissəsində; Zaur Nudirəliyev küçəsinin Ziya Bünyadov prospekti ilə kəsişməsindən Əcəmi Naxçıvani küçəsi ilə kəsişməsinədək olan hissəsində təmir işləri ilə əlaqədar hərəkət məhdudlaşdırılacaq.Bildirilib ki, Nərimanov rayonu üzrə isə Koroğlu Rəhimov küçəsi ilə Təbriz küçəsinin kəsişməsində hərəkət sxeminin dəyişdirilməsi məqsədilə ayırıcı zolağın bir hissəsi ləğv ediləcək. Bununla əlaqədar ərazidə nəqliyyat vasitələrinin hərəkətinə qismən məhdudiyyət tətbiq olunacaq."Məhdudiyyətlər görülən işlər başa çatanadək qüvvədə olacaq. Sürücülərdən hərəkət istiqamətlərinə uyğun olaraq öncədən alternativ marşrutlardan istifadəni nəzərə almaları və aparılan işlərə anlayışla yanaşmaları xahiş olunur", - məlumatda qeyd olunub.Beynəlxalq müstəvidə Tehranın nüvə proqramı ətrafında qızğın müzakirələr səngimək bilmir və son olaraq səsləndirilən şok iddialar bütün dünyada ciddi təşviş yaradıb. ABŞ ordusunun istefada olan polkovniki, keçmiş dövlət katibi Kolin Pauellin qərargah rəhbəri olmuş Larri Uilkersonun açıqlamasına görə, İran artıq faktiki olaraq nüvə silahına sahib ola bilər və hətta ölkənin arsenalında ən azı üç nüvə başlığının mövcudluğu ehtimal edilir.Polkovnik vurğulayıb ki, Tehran bu potensialı hələlik açıq şəkildə nümayiş etdirməkdən çəkinir və onu İsraillə qarşıdurmada ən ali "strateji kozır" kimi qoruyub saxlayır. İran rəhbərliyinin ölkənin varlığına və mövcudluğuna real təhlükə yaranacağı təqdirdə bu silahlardan istifadə etməkdən çəkinməyəcəyini qeyd edən Uilkerson, uzun illərdir davam edən texniki hazırlıqların artıq məqsədinə çatmaqda olduğunu bildirib. Eyni zamanda, Beynəlxalq Atom Enerjisi Agentliyinin (MAQTE) İdarə Heyətinin İranın qaranlıq nüvə fəaliyyətləri ilə bağlı məsələni BMT Təhlükəsizlik Şurasına göndərməsi vəziyyətin nə qədər kritik həddə çatdığını bir daha sübut edir. Tehranın agentliyin yoxlamalarına mane olması və bəyan edilməmiş gizli obyektlərdə uran izlərinin aşkarlanması qlobal gərginliyi pik həddə çatdırıb. Əgər bu iddialar həqiqəti əks etdirirsə, bu, yalnız Yaxın Şərqdə deyil, həm də birbaşa sərhədlərimizin yaxınlığında qüvvələr balansını kökündən dəyişəcək təhlükəli reallıq deməkdir. Azərbaycan üçün isə bu məsələ xüsusi həssaslıq daşıyır, çünki ölkəmiz şimalda nüvə arsenalına malik Rusiya ilə yanaşı, indi də cənubda oxşar statusa iddialı olan İran faktoru ilə üz-üzə qala bilər ki, bu da regional təhlükəsizlik arxitekturasına ciddi təsir göstərir.Məsələ ilə bağlı NOCOMMENT.az-a danışan politoloq, professor Qabil Hüseynli qeyd edib ki, İranın nüvə silahına sahib olması ehtimalı təkcə Qərb üçün deyil, ilk növbədə Tehranın birbaşa qonşuları və bütövlükdə Cənubi Qafqaz regionu üçün böyük təhlükə mənbəyidir: "İran rəhbərliyinin illərdir apardığı gizli nüvə siyasəti və uranın zənginləşdirilməsi səviyyəsinin hərbi həddə çatması artıq sirr deyil. Lakin ABŞ hərbi dairələrindən və ekspertlərindən gələn bu cür bəyanatlar göstərir ki, Tehran rejimi mövcud daxili böhranlardan və xarici təzyiqlərdən qorunmaq üçün hər vasitəyə, o cümlədən nüvə şantajına əl atmaqdadır. Azərbaycanın sərhədləri yaxınlığında belə bir qeyri-sabit və radikal rejimin nüvə silahına sahib olması ölkəmizin milli təhlükəsizliyinə potensial təhdid yaratsa da, rəsmi Bakının yürütdüyü müstəqil və balanslı xarici siyasət bu cür risklərin qarşısını almaq gücündədir".Onun sözlərinə görə, İranın bu addımları regionda sülh və sabitlik mühitini zədələməyə hesablanıb: "İranın əlində nüvə silahının olması onun bölgədəki hegemonluq iddialarını daha da gücləndirə bilər, lakin bu, eyni zamanda həmin ölkənin özünün də daha sərt beynəlxalq sanksiyalarla və təcridlə üzləşməsinə səbəb olacaq. Azərbaycan hər zaman qonşu dövlətlərlə münasibətlərdə sülh və əməkdaşlıq tərəfdarı olub, lakin sərhədlərimiz daxilində baş verən istənilən hərbi-strateji dəyişikliklər dövlətimizin xüsusi diqqət mərkəzindədir və ordumuz istənilən ssenariyə hazırdır".
