Yuxu apnesi, yuxu zamanı nəfəsin dayanması və ya ciddi şəkildə yavaşlaması ilə xarakterizə olunan geniş yayılan, lakin əksər hallarda fərq edilməyən bir tənəffüs pozğunluğudur. Yuxu keyfiyyətini azaldan bu vəziyyət, uzun müddətdə ciddi sağlamlıq problemlərinə səbəb ola bilər.Yuxu apnesi olan insanlar, adətən səhərlər istirahət etməmiş halda oyanır, gün ərzində yorğunluq hissi keçirir və cəmləşmə çətinliyi yaşayır. Xəstəliyin ən yaygın forması obstruktiv yuxu apnesidir. Bu formada, üst tənəffüs yollarındakı yumşaq toxumaların boşalması ilə hava yolu qismən və ya tamamilə bağlanır.Mövzu ilə bağlı Oxu24.com-a danışan həkim Fərhad Burzu bildirib ki,piylənmə isə bu vəziyyətin yaranması və ağırlığında mühüm rol oynayır."Obstruktiv yuxu apnesi (OSA) yuxu zamanı tənəffüs yollarının təkrar daralması və ya tutulması nəticəsində nəfəsin qısa müddətə dayanması ilə xarakterizə olunan yuxu pozuntusudur. Piylənmə isə bu vəziyyətin yaranması və ağırlığında mühüm rol oynayır.2026-cı ildə təqdim olunan məlumatlara görə, piylənməsi olan xəstələrdə həm bədən çəkisini, həm də yuxu apnesinin şiddətini azaldıb. SURMOUNT-OSA tədqiqatında 469 xəstə 52 həftə izlənilib. Bir ildən sonra bədən çəkisi təxminən 20% azalıb. Yuxu zamanı nəfəsin dayanması və ya zəifləməsini göstərən AHİ göstəricisi isə CPAP istifadə etməyən xəstələrdə saatda orta hesabla 25,3, CPAP istifadə edənlərdə 29,3 hadisə azalıb. CPAP yuxu zamanı maska vasitəsilə hava təzyiqi verərək tənəffüs yollarını açıq saxlayan cihazdır.Bu nəticələr GLP-1-in əsaslı müalicələrin ümidverici olduğunu göstərsə də, fərdi müalicə yanaşmasına ehtiyac olduğunu göstərir.",-deyə həkim bildirib.Jalə
