Pakistan və Azərbaycan Cənubi Asiya və Cənubi Qafqazın ticarət baxımından sabitliyində əkiz dayaqları rolunu oynayır.
Bu barədə Pakistanın federal rabitə naziri Aleem Khan Bakıda keçirilən II Azərbaycan Beynəlxalq İnvestisiya Forumunda (2nd Azerbaijan International Investment Forum – AIIF 2026) bildirib.
Onun sözlərinə görə, Pakistan dəniz infrastrukturunu regional quru dəhlizləri ilə birləşdirərək dayanıqlılığı və beynəlxalq əməkdaşlığı qoruyub saxlayır: "Azərbaycan Orta Dəhlizə "Şərq-Qərb" beynəlxalq dəhlizinə sahib olduğu halda, Pakistanın dərin dəniz limanları açıq dəniz marşrutlarına çıxış üçün həyati əhəmiyyətli "Şimal-Cənub" okean əlaqələrini təmin edir. Biz qətiyyətlə inanırıq ki, dayanıqlı iqtisadi dözümlülük və ticarət fasiləsizliyi fəal diplomatik əlaqədən, dialoqdan və regional sülhdən ayrıla bilməz".
A.Khan qeyd edib ki, davam edən qlobal və regional münaqişələr əsas dəniz gəmiçiliyi xətlərində darboğazlar yaratmağa davam edir, bu da Pakistan üçün yük daşıma və sığorta xərclərini artırır: "Nəticə etibarilə, Pakistan öz geoiqtisadi mövqeyindən fəal tranzit mərkəzi və regional ticarət üçün etibarlı liman kimi istifadə edir. Bizim dərin dəniz limanlarımız - xüsusilə Karaçi Limanı - marşrutu dəyişdirilmiş yükləri qəbul edib və qlobal təchizat zəncirlərinin etibarlı şəkildə işləməsini təmin etmək üçün gecə-gündüz fəaliyyət göstərir. Bununla Pakistan öz əməliyyat yetkinliyini və qlobal ticarətin axıcılığını təmin etməyə mütləq sadiqiiyini nümayiş etdirib".