Müasir dövrdə oturaq həyat tərzi bir çox sağlamlıq problemlərinin yaranmasına səbəb olan əsas gizli risk faktorlarından biri olaraq qəbul edilir. Xüsusilə iş masası arxasında və ya nəqliyyatda saatlarla hərəkətsiz qalmaq insan bədənində bir sıra mənfi dəyişiklikləri işə salır. Mütəxəssislər uzun müddət oturmağın təkcə əzələ sisteminə deyil, həm də ürək-damar sisteminə ciddi zərbə vurduğunu bildirirlər. Gündəlik həyatda tez-tez təkrarlanan bu hərəkətsizlik halı orqanizmdə metabolik proseslərin pozulmasına gətirib çıxarır. Bu baxımdan, oturaq həyat tərzinin yaratdığı fəsadlar və onlardan qorunma yolları ictimaiyyət üçün böyük əhəmiyyət daşıyır. Oxu24.com olaraq uzun saatlar oturmağın səbəb olduğu təhlükələri və bu vəziyyətdən qurtulmağın effektiv üsullarını oxucularımızın diqqətinə çatdırırıq.Uzun müddət hərəkətsiz oturmaq zamanla orqanizmdə bir sıra ağır fizioloji problemlərə zəmin yaradır:•Arterial təzyiqin səviyyəsi nəzərəçarpacaq dərəcədə yüksəlir.•Şəkərə meyillilik artır və orqanizmdə insulin direnci yaranır.•Qanda pis xolesterinin miqdarı çoxalır.•Ümumi çəki artımı müşahidə olunur.•Ən əsası isə, aşağı ətraflarda qan dövranının ləngiməsi səbəbindən dərin venaların trombozu (DVT) kimi təhlükəli vəziyyətlər meydana gəlir.Bu fəsadların qarşısını almaq üçün nə etməli?Əgər iş şəraitiniz uzun müddət oturmağı tələb edirsə, sağlamlığınızı qorumaq üçün müəyyən qaydalara əməl etməlisiniz:•Hər 30-40 dəqiqədən bir iş yerinizdən qalxaraq qısa gəzintilər etməlisiniz.•Əgər hər hansı tədbirdə, iclasda və ya təyyarədə oturmusunuzsa və sərbəst gəzmək imkanınız yoxdursa, "solus-puş" hərəkətini yerinə yetirməlisiniz. Bu xüsusi hərəkət sayəsində aşağı ətraf əzələləri sürətlə yığılır, qan dövranı yaxşılaşır, geri qan axını tənzimlənir və aşağı ətraflarda qan durğunluğunun, həmçinin trombozun qarşısı alınır."Solus-puş" hərəkəti necə icra olunur?1.Oturduğunuz yerdə ayaqlar əvvəlcə 90 dərəcəlik bucaq altında tam şəkildə yerə basılır.2.Daha sonra daban yuxarı qaldırılır, barmaqlar isə yerdə saxlanılır.3.Tədricən dabanlar yenidən yerə doğru basılır.4.Bu proses 1-3 dəqiqə ərzində davamlı və ardıcıl şəkildə təkrar edilir.5.Nəticədə qan dövranı tam bərpa olunur və aşağı ətraf venalarının trombozu riski minimuma endirilir.Nigar
